مع انى مشغول بس حاضر يا ام دودو وطلباتك اوامر
وشخبطة حضرتك تخطيط لمستقبلنا
من أنت ؟ وما الذى تفعله هنا ؟
انا ملاك فى صورة انسان
وانسان فى صورة شيطان
واحيانا كده بحس انا انا انا انا انا انا
انا معرفش
وما الذى افعله
بلعب فى مدونتى ومدونات الجيران
إسرائيل تقصف كل جنوب ممكن بحثا عنك ، أى شمال ستقصد؟
بحثا عنى انا طب ما تقصف هو انا احسن من اللى ماتوا
فى غزة ولا فى دير ياسين ولا صبرا وشتيلا ولا فى الحرم الابراهيمى ولا ايه وايه !!!؟؟؟
اعتقد الجنوب هيكون افضل من الشمال فى تلك الحالة
.
أنت مكلف بحذف حرف من حروف اللغة العربية .. أيها ستختار ولماذا ؟
طبعا صعب جدا لانها لغة القران ولغة اهل الجنة ان شاء الله
ولكن نفترض جدلا انى هختار حرف
يبقى حروف كلمة
غدر - خيانة - ظلم- قسوة
وكده يبقى عليه العوض فى اللغة العربية
.لو قدر لك أن تدخل السجن فما هي القضية التي تتمنى ان تدخل بها إليه؟
سبحان الله سؤال بجد غريب ودى امنية ده خيبة قوية
ولكن ربما تكون احدى هذه القضايا
الدفاع عن دينى
الدفاع عن ارضى
محاربة الفساد
بالمناسبة.. منذ متى اكتشفت نفسك؟
مع الاسف ما زالت مرحلة الاستشكاف جارية
الى ان يقضى الله امرا كان مفعولا على مفترق طريق الافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟
اللى نعرفه احسن من اللى ما نعرفوش ونتجه يمينا
وغالبا حلم كل واحد منا هو نفسه ما لم يحلم به البشر
نحن لا نعيش حياتنا بل نتعلم فيها كيف نعيش ما تعليقك؟
اممممممممممم
نحن لا نعيش حياتنا بل نتعلم فيها كيف نعيش ما تعليقك؟
اممممممممممم
لا نحن نعيش الحياة ونتعلم منها
و سنظل نتعلم الى ان يرث الله الارض ومن عليها
بجملة واحدة فقط أكتب تعريفاً لكل كلمة من الكلمات التالية
الوطن
بجملة واحدة فقط أكتب تعريفاً لكل كلمة من الكلمات التالية
الوطن
احب بلاد الله الى قلبى
الأم
الأم
جنة الله فى ارضه
الليل
الليل
سكون وظلام ونجوم وقمر سهران
الحب
الحب
داء ودواء لكل عاشق
أمريكا
سرطان يسرى فى جسد العالم الثالث
المرأة
أمريكا
سرطان يسرى فى جسد العالم الثالث
المرأة
ام واخت وزوجة وابنة
خلقت من اجل ادم
واستطاعت ان تسخره لهواها
الصمت
احيانا ابلغ من الكلام
الصمت
احيانا ابلغ من الكلام
واحيانا هو الكلام فى صمت
الانترنت
الانترنت
العالم كله بين يديك
أخترمنصباً واتخذ قرارا ؟
أخترمنصباً واتخذ قرارا ؟
ما بلاش النفوس بتتغير بالمناصب
رئيس مراجيح مولد النبى
قرارى
مرجحة كل فاسد ومرتشى وديكتاتور
ومستبد
وهووووب
المرجيحة طارت فى الهوا واستقرت فى جهنم
والبقاء لله فيكى يا مصر
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
هما قالوا واحنا ما سمعناش
وفيين التغييب ده اذا كان بقوا من اشهر النساء
انا على نفسى مستنى اى واحدة تقول فيا عصيدة شعر باللحمة المفرومة
أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
بالطبع لا
بالطبع لا
ده اكيد اللى حاطط السؤال ده مسجل خطر استفزاز النفس البشرية
لا شكرا انا كده مبسوط وبشرب شاى من غير نعناع
إلى أين تمضي كلمات الحب .. بعد أن نقولها؟
الى الاذن ومنه الى غرفة مظلمة تسمى القلب
وبعدها تتحول الى احاسيس ومشاعر
اذا كانت صادقة
او لا تتعدى الاذن الوسطى اذا كانت غير صادقة
هل تجد علاقة بشكل أو بآخر بين المرأة وقطاع الطرق ؟
اكثر سؤال عجبنى فى التاج
هل تجد علاقة بشكل أو بآخر بين المرأة وقطاع الطرق ؟
اكثر سؤال عجبنى فى التاج
بالطبع توجد علاقة حميمة
قاطع الطريق بيسرق فلوسك
والمراة ولله الحمد بتسرق كل حاجة قلبك وروحك وعمرك كماان
هذا فراق بيني وبينك .. متى ولمن تقولها ؟
للمعاصى والذنوب
لانسان نصحته مرارا وتكرارا ولم يستجب
كيف هو غداً ؟
غدا فى علم الغيب
غدا فى علم الغيب
ولكن هو للمتقين خير
ولاعداء الاسلام خزى وعار
أمرر التاج الى
اول خمس تعليقات على هذا التاج
طالما لم يسبق لاجابة عليه
وكل تاج وانتم طيبين
هناك 52 تعليقًا:
هيييييييييييييييييييييييه
اول تعليق
وبفلوسى وبراحتى
عندك مانع؟؟؟
اروح اقرى واجى
ايه الاجابات الهايله ده
دكتور زراعى ياخواتى
يا لهوووووووووووى
والنبى حسيت انك دماغ كبيرة واجاباتك بجد حلوة
بس قولى مين اللى مجاوب عنها
بينى وبينك والله مش هجيب سيرة لحد
خالود عايز تدخل السجن دفاعا عن الوطن
ههههههههههههههههههههههه
ده انت السنه اللى فاتت لما اخدت 25سنه يعنى مؤبد كنت بتدافع عن الوطن برضه ولا علشان كنت بتهرب شربات مخدرة
طبعا يابنى ما شرابك لازم يكون مخدر وكنت بتبيعه بدل المخدرات لحد ما اتقبض عليك وهربت منهم
وربنا لابلغ عنك
حنين القلب
يا خسارة انتى اخر تعليق يا ماما
سلامة النظر
وبفلوسك كممان
لا ما عنديش مانع طالما بفلوسك
والست بتاخد كل حاجه
وانتوا يا عينى اللى مش بتاخدوا مننا حاجه خالص
وربنا اصلا انت لو طلع عليك حرامى هيديلك 5جنيه ويمكن تسرح معاه وتبقى اتعلمت شغلانه تنفعك
حنين القلب
ههههههههه
تصدقى دمك خفيف كرركررر
هو فين الدم اساسا
بينى وبينك من غير ما حد يعرف
عمو خالد
عندك مانع
بس الحمد لله ان الاجابات عجبتك
ما انتى مش عاجبك العجب
بما انى اخدت الخمس تعليقات
ومن حقى اخد التاج
بس بقى مش عايزة منك حاجه
يلا بقى هىء
حنين القلب
هههههههه
بجد هما كانوا 25 سنة بس
طب الحمد لله اهو الواحد يرتاح منك ومن المدونة
ولا ايه رايك هاخد اللاب توب بتاعك معايا
شربات طب خليها مناديل يععععع
ايوووووووووووووووووووووه يا جدعان هتفضل علطول مادى كده
يعنى هعلق وكمان ادفع فلوس
لا يا عمو خالد
انا عندى دم ولوتحب تشوف تعالى اشرحك
ههههههههههههههههههههه
على فكرة مش عجبتنى اوى
بس يلا علشان نرفع من روحك المعنويه
وش بيطلع لسانه وبيغيظك
حنين القلب
مين قالك كده احنا بناخد طبعا
خذ التليفزيون صلحه
خد العيل فسحه
خد على دماغك
كله خد خد ما فيش هاااات خالص
حرامى و5 جنيه ايه البخل ده
حتى الحرامى بتاعك بخيل زيك طب خليها 50 جم
والله حرامى كله ذوق
حنين القلب
ههههههههه
اشربى بالهنا والشفا
كل تاج وانتى سلطانية يا مسقعة
انت مش حسيت بيهم طبعا منتا تلاقيك واخد عليهم
ده احنا اللى هنرتاح منك
بس اموت واعرف هما كانوا بيشموا ايه فى شرباتك ده انت مش بتسيب الشراب الا لما يكون استك وبس
يمكن بيحبوا ريحه الاستك
هههههههههههههههههههههههههههههه
اللاب توب وبتاعى
تصدق وربنا ضحكتنى هبقى ابعتلك ريموت التليفزيون ده اللى عندى ينفع
هههههههههههههههههههههههههههههههه
حنبن القلب
ما هو انتى اللى بتقولى بفلوسى
مع انى مش شايف منك سحتوت
وبعدين لو شرحتينى مش هتلاقى دم
هتلاقى شربات تحبى تشوفى
هههههههه
احسن انها ماعجبكتيش
وبعدين روحى المعدنية والمعنوية مرفوعة من غير تعليقك
ابتسامة شريرة
حنين القلب
هههههههه
ههههههه.
ريحة الاستك
حلوة وملعوبة يا شراب من غير استك
ريموت ايه
ده اخرك يا امى
فعلا انا نسيت انى بكلم واحدة من العصر الحجرى اخرتها القناة الاولى والثانية
والثالثة اقول يا غربتى
هههههههههه
منورة يا حنونة دايما
ههههههههههه
حلوة اوى الاجابات
لأ
علوه صعيع يعنى
يخربيت مخك ياسالى
لفيتى على كل الناس بالتاج بتاعك ده
جيت هنا اصقف وبما انك ماكنتش فى البيت
قلت اخرج بئى ويبقى صوت صقفتى
تقبل مرورى
:)
ملكة بحجابى
السلام عليكم
بسم الله ماشاء الله
اجابات موفقه
تعرف التاج جه جالى وكنت مبدعه فيه
ههههههههههه
ربنا يسعدك
احيك من كل قلبى
تحياتى
انوسه
اجابات جميلة زى شخصية صاحبها يا ابو همس
هو انت وحنين لسا ناقر ونقير كدا ؟
ما تعملو هدنة شوية
بس والله انتو الاتنين زى العسل
الأخ خالد
السلام عليكم
إجابات رائعة وأعزك الله عز وجل وتنم عن شخصية متدينة مثقفة يملؤها بغدٍ أفضل
دمت بكل الخير
ولا حرمنا الله من ودك الكريم
همس
حمد الله علي السلامة ومبروك التاج عليك .. اجاباتك عاقلة اوي .. برغم محاولاتك لاحتلال مدونات الجيران ..
بس ربنا اراد ان حنين القلب تحتل مدونتك ... يوم ليك ويوم عليك
الاجابة اللي عجبتني اوي :
" قاطع الطريق بيسرق فلوسك
والمراة ولله الحمد بتسرق كل حاجة قلبك وروحك وعمرك كماان"
تحياتي
ازيك يا ابو همس
الحمد لله اني جيت متأخرة شوية أصل مش بحب التيجان دي
أنت فعلا ملاك فى صورة انسان
ربنا يبارك فيك يارب
اجاباتك جميلة
دمت بحفظ الله
السلام عليكم
الحقيقه يا استاذ خالد اجابات حضرتك جميله و مميزه و حساها ظريفه جدا و دمها خفيف ..
مبروك عليك التاج و علينا المتوج ..
دمت بكل الخير
ارق تحياتى
كل تاج وانت طيب ياابو همس
اجاباتك جميييييييييييله
سبحان الله ياخالد ربنا بيسلط ابدان على ابدان
حنونه قايمه بالواجب وزياده
حلوه وصله الردح دى استمروااااااااااا
(:
السلام عليكم / إجابات حضرتك جميله وأجملها منصبك والمراجيح أضحك الله سنك :)
بوركتم ودمتم بكل خير .
ايه الجمال ده يا خالد
بجد اجابه زكيه.وخصوصا رئيس المراجحيه
منصب مكناش واخدين بالنا منه..ولكنك جعلته اهم منصب ينفع للى فى بلدنا
وانا من رايى تعزمهم ببلاش..هما خدوا على ان بلدنا ملكهم
بس ان شاء الله يقعوا على جدور رقبتهم
ملكة بحجابى
الف شكر لحضرتك ده من ذوقك بس
وسالى صاحبة واجب طول عمرها
بس الواجب كان تقيل حبتين
احسن بردوا مش عايزين ازعاج للجيران
هههههههه
نورتى حضرتك
عاشقة الاحزان
انتى دايما مبدعة يا ايناس
والحمدلله ان الاجابات عجبتك
دمتى بكل ود
تحياتى
ريم
ههههههههه
ربنا يكرمك ويسعدك دايما يا ست الكل
وبعدين هدنة ايه ده احتلااال
ينفع كده تحتل المدونة وانا ساكت
هههههههه
منورانى دايما وسعيد بتواصل حضرتك
اللؤلؤة
اخى الكريم
بارك الله فيك وجزاك خيرا
وسعيد جدا بزيارنك وتواصلك المستمر
تقبل تحياتى وتقديرى
ميمى
الله يسلم حضرتك
وما يحرمناش من كرم اخلاقك وذوقك
بقى كده فرحانة ان حنبن احتلت المدونة
ماشى يا ستى
الحمدلله انها عجبتك خلى بالك بقى
تحياتى وتقديرى
ماما امولة
ربنا يكرمك ويسعدك دايما يا ام عبد الرحمن
ده من ذوق حضرتك وكرم اخلاقك
واتمنى انى اكون عند حسن ظنك دائما
تحياتى وتقديرى لحضرتك
روفى
يارك الله فى حضرتك
وجزاكى خيرا
والف شكر لتشريفك وتواصلك الدائم
دمتى بصحة وسعادة
تحياتى وتقديرى
عاشقة الرومانسية
وانتى طيبة يا دودو
ده من ذوقك بس
اه طبعا ما هى صاحبتك مين يشهد للعروسة
العريس طبعا
ههههههههه
منورة يا دودو
حياتى نغم
جزاكى الله خيرا
والحمد لله ان الاجابة عجبتك
دمتى بكل ود
الفراغ
يا سلام من عيونى با ماما
طبعا العزومة والمشاريب على حسابى انتى تقشرى واحنا ناكل
منورانى دايما وسعيد بوجودك دائما
تحياتى وتقديرى
خالد
اجاباتك لذيذه جدا يجد
عجبنى قوى تعريفك للمرأه والفرق بينها وبين قطاع الطرق ايون كده هو ده الكلام ههههههه
تحياتى وخالص احترامى وتقديرى
رحيل
هههههههه
الحمد لله انه عجبك التعريف
انا خفت من اهدار دمى
دمتى بكل ود
تحياتى
بالهنا و الشفا التاج سبقتك في حاله اصل سالي مستقصدانا :)))))
بس تعرف انا بح اقرأ تيجان الاصدقاء بتعرفني بهم اكتر
عجني جدا ردك علي سؤال هذا فراق بيني و بينك
وقانا الله جميعا شر المعاصي
ابو همس تعرف ان ام دودو احتمال كبير تعلقنى على مدخل دمياط
لانها قالتلى اجاوب التاج وفى التليفون اتفقنا انى هجاوبه وبعدين انسى انا وانزل بوست فضفضه عن اليى جوايا
ارجوك بئه تتوسط خير ما بينا اصل سالى دى اختى اليى مشفتهاش فلو زعلت معرفش هصالحها ازاى
هسيب الموضوع على الله وعليك وعلى رقة قلب ام دودو
اما الاجابات بئه فانا غشتلى كام اجابه كده ينفعونى وقت ما احله
بس اول اجابه ملاك دى متناسبنيش خالص
فمردتش اغشها قلت هتبقى معايا مكشوفه قوى واحتمال يعملولولى انتا وسالى محضر غش
ربنا يكرمك انتا انسان رائع قلبا وقالبا واليى يعرفك من قريب او بعيد اكيد يا ابو همس هو الكسبان
طب كويس إني جيت متأخره
طب تصدق والله انا اول مرة قريت اجابات التاج دة قولت مني الغبي اللي عامله - مع الإعتذار لصاحب / صاحبه التاج -
فعلا استرخمتة جداً بس اتضح إن العيب مش في التاج العيب بجد في اللي جاوب
مكنتش عارفة ابلع الإجابات خالص
بس اجاباتك بقي اجمل حاجة فيها حاسيتها تلقائية ومش غريبة عنك
عجبنى اوى جوابك على سؤال اسرائيل
إسرائيل تقصف كل جنوب ممكن بحثا عنك ، أى شمال ستقصد؟بحثا عنى انا طب ما تقصف هو انا احسن من اللى ماتوا فى غزة ولا فى دير ياسين ولا صبرا وشتيلا ولا فى الحرم الابراهيمى ولا ايه وايه !!!؟؟؟اعتقد الجنوب هيكون افضل من الشمال فى تلك الحالة
هى دى الرجولة
ال وبيقولوا الرجالة ماتوا فى73
ما انت لسه عايش اهو
ربنا يديك الصحة وطول العمر
ام احمد المصرية
الله يهنيكى يا رب
الحمدلله
وده من ذوق حضرتك
دمتى بكل ود
تحياتى
محاسن صابر
ام بيرو
منورة يا ام بيرو
وان شاء الله ام دودو هتسامحك وهتقدر ظروفك انا واثق من كده
وعامة انا اضم صوتى لصوتها ونطالبك باجابة التاج
هههههههه
محاسن صابر
مين قال كده
انتى ملاك الملائكة يا ستى
ربنا يكرمك ويسعدك
وان شاء الله نشوف اجابات متميزة من شخصية متميزة
تحياتى وتقديرى
بسم الله ما شاء الله عليك يا خلود
الله واكبر نمسك الخشب
والشكوش والمسامير
ههههههههههههههههههههههههة
اجباتك روعة
دمت اخى فى حفظ الله
اسير الجراح
هههههههههههههههه
حلوة شخبطة حضرتك تخطيط لمستقبلنا دى
ههههههههههههههههههههههه
تسلم يا ابو همس على اجابة التاج رغم انشغالك :)
أمريكا
سرطان يسرى فى جسد العالم الثالث
السرطان بقاله علاج الحمد لله
والمهم الحالة النفسية للمريض وقوة ارادته فى التغلب على المرض
ربنا يعافيك ويعافينى ويعافى المسلمين يارب
خالص شكرى وتحيتى واحترامى
:)
صباحك سكر يا خالود
اجابتك جميلة اوى اوى
ومشاء الله عليك يعنى
طبعا انت ملاك والله مش شيطان ابدا
ماشى ماشى هى المراة بتسرق برده
ههههههههههه سرقة عن سرقة تختلف طبعا
دمت اخى بالف خير وصحة
تحياتى
يويو
هههههههههههههههههههههههه
الحمد لله اني موش اول خمسه
اجاباتك جميله ياخالد
بلاش تغطسسسسسسس بقي
مالك يا شيخ متحامل علينا كده
ده احنا حتي غلابة
نياهاهاهاهاهاه
تاج حلو ولظيظ
وانت حليته بردو بذكاء ودهاء
بقولك انا عوزة اتمرجح بالله عليك
لما اللفة بتاعت المسؤلين تخلص قولي
ربنا يبارك فيك ويعزك
خالد
دة الميل بتاعى
raniarachad@yahoo.com
ابعت لى الميل بتاعك وقولى فيه انك همس الاحباب عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم
تحياتك لمدونتك
ومبرزك على التاج
اسمح لى بان ادعوك لزيارة و متابعة مدونتى
و هذا الرابط الأخير
عن الشيخ إمام عيسى
http://shayunbiqalbi.blogspot.com/2009/06/blog-post_07.html
مودتى
تدوينة لطيفة
واجابات بسيطة وتلقائية
إرسال تعليق