24 يوليو 2009

حصاد يوليو وتهانى قلبية



باعتذر عن الغياب وعدم التواصل خلال الفترة الماضية والحالية نظرا لظروف العمل 
انا جاااااى متاخر قوى علشان اقدم باقة ورد 

لكل الاخوة والاخوات اللى شاركونى يوم ميلادى
وشكر خاص لكل من
وطبعا ده مش غريب على ام نور وهى اهل الجدعنة والشهامة بس برضه يوم ميلادى 17-7 مش 13 وبلاش غتاته
وطبعا معاكى انتى مش هينفع كلام غير ربنا ما يحرمك منى ولا من غتاتى 
حنين (همس الاحساس ) واصحابها فعلا كل كلمات الشكر تعجز عن انى اوفيكم حقكم ربنا يسعدكم ويجعله فى ميزان حسناتكم
  
ربنا يسعدك ونفرح بيكى وبصراحة احمد عرف يختارربنا يسعدكم ويجمع بينكم على خير
  الف مليون شكر للمدونين والمدونات وليهم منى


طبعا شهر يوليو شهر المناسبات السعيدة واصبح شهر العظماء
انا على نفسى احتكرت الشهر من اوله لاخره 
يوم 10-7 عيد ميلاد همس وموافق عقد القران بتاعى

يوم 17-7 ده يوم ميلادى وطبعا ده يوم سعيد لانى جيت نورت البيت مع انى اعتقد ان النور كان قاطع لمدة شهر 
يوم 24-7 اللى هو النهاردة ده عيد زواجى السادس ( يااااااااه دنيا لو ترجع السنين تانى) بس اعتقد انها هانت مفروض اخرج حسن سير وسلوك مش كده !!!؟؟

عامة من الصدف الجميلة جدا ان شهر يوليو شهر ميلاد مدونين اعتز بيهم جدا ولهم مكانة فى قلبى
واحب انتهز الفرصة واقول لكل مواليد شهر يوليو كل سنة وانتم بخير وعقبال 100 سنة وخاصة

ماما امولة ربنا يبارك فى عمرك وعقبال 100سنة

احمد ك
كل سنة وانت طيب



عاشقة الفردوس كل سنة وحضرتك طيبة

احمد باشا سكر كل سنة وانت سكر وعقبال مليون سنة يا جميل ( تحديث )!؟


والى كل مواليد يوليو
  







تهنئة قلبية خاصة
الف مليون مبروك لحنين القلب

بمناسبة الحمل ربنا يتمم بخير ويرزقك الذرية الصالحة 
بس اتمنى انه ما يطلعش لسانه طويل زى امه ممكن يطلع لخالو خالد ههههههههه

شكلك هيبقى شبه القطة دى فى الشهر التاسع 

بجد انا سعيد جدا بالخبر من يوم ما عرفته وان شاء الله يوم السبوع هنعزم المدونين والمدونات على سبوع النونو وهنجيب جاموسة كبيرة وندبحها 
عاشقة الرومانسية الف مليون مبروك مقدما على الخطوبة

اللى هتكون باذن الله يوم الجمعة 31-7 وان شاء الله احتمال كبير احضر الخطوبة اللى نفسه يحضر يبلغنى  ونتفق ونسافر مع بعض ونحدد مكان اللقاء فى اسكندرية
الدعوة عامة 
وكده انتهى حصاد شهر يوليو مع وعد بلقاء قريب ان شاء الله  

15 يوليو 2009

نداء الى ... استغاثة

لماذا كل هذه الضجة الغير مبررة بشان تلك الصورة
وكأن اوباما وساركوزى ملائكة وليسوا بشر
اضافة الى انهم من قوم اعتادوا على العمل بالمقولة الشهيرة ان لم تستح فافعل ما شئت، واين الحياء عندهم اذا كان الحياء شعبة من شعب الايمان والايمان غير موجود فهم قوم انتشرت الفواحش بينهم من تحرش الى علاقات محرمة كل هذا على مسمع ومرأى من شعوبهم
ناهيك ان النظر لعوارات النساء اصبحت سمة من سمات الرجال على مختلف اعمارهم وثقافتهم وميولهم
ثانيا : تابعت ما كتب عن شهيدة الحجاب د/ مروة الشربينى ما بين مؤيد ومعارض والمواقف المتباينة تجاه هذه القضية
بادىء ذء بدء شهيدة الحجاب لم تكن الحادث الاول ولن يكن الاخير وسط العداء والكراهية لدين الاسلام، لذلك هناك اسئلة تطرح نفسها على كل منا ولكن الاجابة تختلف من شخص لاخر من قتل شهيدة الحجاب فى المانيا !!؟؟؟ الاجابة معروفة للجميع انه الشخص الالمانى المتعصب من اصل روسى
لكن من السبب فى قتلها !!؟؟ نحن كعرب ومسلمين نتحمل الجانب الاكبر فى اسباب مقتلها..!!لاننا نحن كمسلمين خالفنا تعاليم ديننا وهاجمنا الاسلام وتعاليم الاسلام قبل ان يهاجمنا الغرب
اذا كنا نحن فى بلاد الاسلام نحارب الحجاب والنقاب ونحارب كل ما هو اسلامى ونصفه بارهابى او سفاح او متخلفة اورجعية لارتدائها الزى الاسلامى نفعل ذلك ونحن مسلمون فما بال الغرب كيف تكون نظرتهم لنا كمسلمين
انا لا ادافع عنهم ولا التمس اعذار ولكن اذا اردنا ان يحترمنا غيرنا لابد ان نحترم انفسنا وديننا اولا لكى نجبر غيرنا على احترامنا
من المسئول عن قتل مروة وغيرها !!؟؟
كل من سولت له نفسه المريضة ان ير بط بين الحجاب والارهاب او بين الاسلام والارهاب سواء كان هذا مسلم اوملحد او غير ذلك
كل من سولت له نفسه الخبيثة تشويه تعاليم الاسلام ومفاهيمه وسماحته
كل من سولت له نفسه اللعينة ان يتاجر ويقامر بالاسلام لمكاسب دنيوية زائلة
ولابد ان تكون شهيدة الحجاب سبب من اسباب تمسكنا بديننا وان نتقى الله فى دين الله ونحافظ على الاسلام الفكر والعقيدة والشريعة الغراء
ان نحترم ذاتنا ولا نعمل الا لرضا رب العباد وكفانا لهثا وراء الغرب واستجداء المحبة والعطف منهم مصداقا لقوله تعالى
وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ } البقرة 120
يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن
يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ } المائدة 51
كفانا بكاء على اللبن المسكوب
لابد ان نتمسك باسلامنا الصحيح ونتبع القدوة الحسنة لرسولنا الكريم ونتمتع بقدر من التسامح ونتآسى بأخلاق المصطفى صلى الله وعليه وسلم فى معاملته لجاره اليهودى او أخلاقه عند فتح مكة والعفو عند المقدرة
لن نعيد حق شهيدة الحجاب بالهتافات والخطب الرنانة بدون افعال حقيقية فدعوة الى فهم الاسلام الحقيقى وتعاليمه والعمل على عودة المجد لدين الله 
نداء الى000 كل عالم ومفكر اسلامى لا تبيعوا دينكم من اجل حفنة من الدولارات او الجوائز الرخيصة
اذا كان خالد ابن الوليد سيف الله المسلول سفاح دموى فبماذا تصف حكام اليهود ملائكة ( سؤال لصاحب الجائزة التقديرية ؟)
نداء الى000 مصر بلد الازهر الشريف عار علينا ما نفعله باسلامنا وتخلينا عن عروبتناوتقاعسنا المستمر عن نصرة الاخوة فى غزة
الغرب تحاول المساعدة وفك الحصار وتوصيل المعونات الى غزة ونحن نعترض !!!؟؟
نداء الى.. وزارة الخارجية المصرية اتوسل اليكم كفانا ذل ومهانة بالداخل حافظوا على كرامة المصريين فى الخارج
ايران تستدعى السفير الالمانى والايطالى وتقدم لهم مذكرة احتجاج وغضب بسبب مقتل د/ مروة الشربينى ونحن ولا حس ولا خبر
الفرعون المصرى الذى ساعد فى القبض على اكبر عصابة دوليه فى ليبيا التى كانت تنوى القيام بعمليات ارهابية فى ليبيا وافريقيا هل تكون مكافاته ان يعود الى ارض الوطن ملفوف فى بطانية جراء الضرب والاهانة مما نتج عنه كسور متفرقة وخطيرة بانحاء جسده على ايدى افراد الامن الليبى كل هذا لانه ابلغ السفارة المصرية قبل السلطات الليبية .لاتعليق !!!!!؟؟؟
نداء الى... جميع حكام مصر فى الحاضر والمستقبل ارحموا عزيز قوم ذل
لقد كان المصرى حتى ستينات القرن الماضى فرخة بكشك عند الاخوة العرب وفاكهة العرب عند الغرب كان المصرى يسافر الى الغرب اما للنزهة او فى بعثة دراسية  فكان المصرى فاكهة لغيره الان اصبح المصرى جرسون وبائع مناديل على الارصفة
ومحطات المترو واصبح اهون من البعوضة فى نظر الجميع داخل وطنه وخارجها
حقا من لم يملك قوت شعبه لا يستطع اتخاذ قرار ..!!؟

10 يوليو 2009

عودة واحتفال


اولا باعتذر عن غيابى وعدم تواصلى معكم نظرا لظروف الجرد السنوى والميزانية وباذن الله هتابعكم من جديد فالمعذرة  انا عارف انكم مفتقدينى ده شىء انا واثق منه وعارف انه فيه ناس مرتاحة منى وخصوصا البت حنين القلب
لكن ما بيد حيلة لابد يوما من الرجوع
والرجوع اليوم له طعم خاص لانه احتفال بيوم ميلاد حبيبة بابا
لذا وجب الرجوع وعمل افتتاح جديد  للمدونة علشان خاطر همس
وبناء عليه صدر القرار الملكى بعودة المدونة الى الحياة مرة اخرى
وبهذه المناسبة الدعوة عامة للاحتفال بتلك المناسبة
والكل معزوم هنا لمشاهدة صور همس (ملحوظة جانبية ممنوع المشاهدة للحوامل وحديثى الزواج واللى بيفكر يتزوج على المدى البعيد
بعد 4 شهور من الولادة ( براءة الاطفال )!!؟
خلاص بقت انسة مهمة
(محاولة منها فى رمضان لصلاة الفجر(ياعينى على الالتزام   
فى زيارة لجبلاية القرود
 ( وانا محتار فين القرود اساسا (
خلاص بقى بتستعد للتقديم فى كى جى 2 
وكورسات ودراسة مكثفة والكل على قدم وساق
حاسس انها فى الثانوية العايمة
للمزيد عن همس  هنا

والان نبدا الاحتفال
بيوم ميلاد ابو الفصاد  

 كل سنة وانتى طيبة
النهاردة 10-7- همس تمت 5 سنوات
كل سنة وانتم طيبين
 *************
*******
الف مبروك للاخت العزيزة سارة طوبار ( مدونة محاولات البحث عنى ) بمناسبة
 الخطوبة السعيدة
كل سنة وهمس صاحبة مدونة مصرية متغاظة اند مفروسة طيبة بمناسبة عيد ميلادها
وكل من عيد ميلادهم  فى شهر يوليو
كل سنة وانتم بخير
********