29 أبريل 2009

كلمات اعجبتنى

كلمات أعجبتنى
    الجزع عند المصيبة مصيبة أخرى
  الحكيم من يبتهج بالمصائب ليقطف منها الفوائد
  توقع المصيبة أشد هولا من وقوعها
كل شئ يبدو صغيرا ثم يكبر, إلا المصيبة فإنها تبدو كبيرة ثم تصغر

  ستة أشياء إذا ذكرتها هانت عليك مصيبتك
أن تذكر أن كل شئ بقضاء وقدر 
وأن الجزع لا يرد عنك القضاء 
وأن ما أنت فيه أخف مما هو أكبر منه 
وأن مابقي لك أخف مما أخذ منك 
وأن لكل قدر حكمة لو علمتها لرأيت المصيبة هي عين النعمة 
وأن كل مصيبة للمؤمن لا تخلو من ثواب ومغفرة أو تمحيص أو رفعة شأن أو دفع بلاء أشد
وما عند الله خير وأبقى
وقال رب العزة : "ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير, لكيلا تأسوا على ما فاتكم ولا تفرحوا بما آتاكم والله لا يحب كل مختال فخور" الحديد 22-23

23 أبريل 2009

شكر واجب


بسم الله الرحمن الرحيم

 
شكروتقدير لكل الاخوة والاخوات على اتصالهم اوتركهم تعليق فى مدونة الضاحكون او حنين القلب او مدونتى
بمناسبة وفاة جدتى
والبقاء لله وحده 
وشكر خاص جدا لكل من 
حنين القلب  
عبده الرايق 
وبقولهم الكلام مش هيوفيكم حقكم اطلاقا 
وجزاكم الله خيرا 
بت خيخة واى كلام 
فاتيما روح قلب ماما 
الطائر الحزين
رندا
يويو
احمد سكر  
عاشقة الرومانسية 
سالى حاجات جوايا
ماما امولة 
الفراغ
سحر غريب
 جنى
محمد ابن حجر العسقلانى 
k احمد 
amr 
هشام جعلونى مريضا نفسيا 
نهر الحب 
ضياء بيوتفل مايند 
فرنسا هانم 
صبرنى يا رب 
الف مليون شكر 
وجزاكم الله خيرا 
ولا اراكم الله مكروه فى عزيز لديكم 
وان لله وانا اليه راجعون

17 أبريل 2009

سوهاج محافظنى - الجزء الاخير

الجزء الثانى عن سوهاج ورحلة مع الاماكن السياحية والتاريخية
 من اهم الاماكن الاثرية فى سوهاج
الآثار الفرعونية فى سوهاج

- معبد سيتي الأول بأبيدوس مركز البلينا
- معبد رمسيس الثاني بأبيدوس مركز البلينا

 - مقابر أم الجعاب وهى عبارة عن قبور لملوك الأسر الأولى والثانية والثالثة بأبيدوس
- معبد رمسيس الثاني بأخميم

 
تمثال ميريت امون

 - مقابر الحواويش بأخميم

من الاثار الاسلامية
******************
 
-مسجد الأمير حسن بأخميم
 -الجامع الصين بجرجا
الجامع العتيق بمدينة سوهاج
مسجد العارف بالله بمدينة سوهاج

مئذنة الأمير محمد بأخميم 
وبالرغم من كثرة الآثار في محافظة سوهاج فأنه يوجد العديد من المعوقات للحركة السياحية التى تكاد تنعدم في أغلب مناطق المحافظة من أهم هذه المعوقات
عدم وجود خطة واضحة المعالم للنهوض بالمحافظة سياحياً
عدم وجود مطار يسهل عملية توافد السائحين
عدم استكمال العديد من المشروعات السياحية والتي يأتى في مقدمتها طريق سوهاج البحر الأحمر ومتحف سوهاج القومي
النقص الشديد في المادة الإعلامية المقدمة عن سوهاج سياحياً
عدم استغلال المراسي النيلية في تنشيط السياحة النيلية بالمحافظة
قلة الوعى السياحي والأثري لدى سكان المحافظة
عزوف المستثمرين عن الاستثمار داخل المحافظة لإنشاء مشروعات سياحية وخدمية تخدم المحافظة
***************
  والان فى رحلة مع اجمل الاماكن فى سوهاج
 ***********
كوبرى سوهاج الجديد

 النيل فى سوهاج
شارع الجامعة بسوهاج
شارع الجمهورية اشهر شوارع سوهاج
 مدخل كوبرى سوهاج اخميم
 جامعة جنوب الوادى بسوهاج
ومبنى تجارة سوهاج ( ذكريات واجمل سنوات الدراسة
فندق الصفا  بسوهاج
حى الكوثر باخميم
 ميدان الثقافة بسوهاج
جزيرة الزهور وسط النيل
حمامات السباحة بجزيرة الزهور
واخيرا لقطات كاميرا الموبيل فى اخر زيارة لسوهاج فى رمضان الماضى
صورة للحقول من شرفة المنزل البحرية 
صورة للنخيل والريف المصرى بجوار المنزل
صورة لاحدث مواليد سوهاج
سلمى احمد
ابنة صديقى من ايام ثانوى
على فكرة النسل فى سوهاج فى تحسن
بسم الله  ما شاء الله 
ارجو انكم تكونوا استمتعوا قليلا بتلك الرحلة     

 بعض الصور منقولة من منتديات سوهاجية

13 أبريل 2009

سوهاج محافظتى 1

وبما ان حب الوطن من الايمان فحبى لمحافظتى ومسقط راسى فى وجدانى للابد وبمناسبة 
العيد القومي  فى العاشر من  أبريل في ذكرى الانتصار على الفرنسيين فى معركه جهينه عام 1799

تعتبر محافظة سوهاج إحدى محافظات الوجه القلبي، وتبعد 467 كيلو متر عن القاهرة، يحدها شمالاً محافظة أسيوط وجنوباً محافظة قنا وشرقاً محافظة البحر الأحمر وغرباً محافظة الوادي الجديد، وتمتد المحافظة طولاُ بنحو 125 كم على نهر النيل، وتبلغ مساحة المحافظة الكلية 6546 كم، والمساحة المأهولة 154.7 كم2. يغطي القطاع الريفي منها 130.7 كم2 بنسبة 84%.
تتكون المحافظة من (11) مركز إداري، (11) مدينة، (3) أحياء، (51) وحدة محلية قروية، (268) قرية تابعة، (1217) كفر ونجع بإجمالي (1468) تجمع سكني ريفي.

تضم المحافظة (7) كليات، ومركزاً للبحث العلمي،(12) مركز للتدريب المهني، ويبلغ عدد مدارس التعليم قبل الجامعي (1247) مدرسة للتعليم العام، يتواجد منها في القطاع الريفي (917) مدرسة،(317) مدرسة للتعليم الأزهري يتواجد منهم بالقطاع الريفي (311) مدرسة.

تبلغ المساحة المزروعة 295600 فدان وتبلغ المساحة القابلة للإستصلاح 22058 فدان، وتشتهر بمحاصيل القمح والبصل والفول والقطن والقصب والذرة الشامية والرفيعة ، كما تبلغ إجمالي المساحة القابلة للإستصلاح 17011 فدان.

تساهم المحافظة في النشاط الصناعي من خلال صناعة السكر، الغزل والنسيج، هدرجة الزيوت، دقيق السيمولينا، المكرونة كصناعات كبرى والنسيج اليدوي، الكليم والسجاد ونجارة الأثاث كصناعات صغرى. كما أن هناك العديد من المشروعات العملاقة بالمحافظة منها مشروعات الصرف الصحي ومصنع سكر جرجا، عجائن المكرونه بطما، المنطقة الصناعية غرب سوهاج.
تتميز محافظة سوهاج، كباقي محافظات الصعيد، بالمناخ الصحراوي الجاف حيث ترتفع درجة الحرارة في الصيف (نهارًا) وتعتدل شتاءً (ليلا).

وقد قدمت محافظة سوهاج من خيرة أبنائها الكثير الذين أعطوا لمصر والعالم العربى والإسلامي عطاءاُ كبيراُ في شتى المجالات نذكر منهم
وتضم محافظة سوهاج 12 مركزا هم :-
فى الجزء القادم باذن الله سوف نتعرف على اهم المعالم والاماكن التاريخية وجزء من الرحلة الاخيرة

6 أبريل 2009

تاااااااااج ولا سلطانية

معلش ياجدعان حكم القوى على الضعيف مضطر انى اجاوب على التاج بناء على رغبة الاخوة والاخوات
من المدونين ونزولا على رغباتهم  وتواضعا منى  قررت انى البس السلطانية بمزاجى ونبدا بسم الله   
إسمك؟؟
خالد  وده مش ذنبى لانى اتولد فى فترة حكم الملك خالد ملك السعودية  
الأسم المشهورة بيه وسط اصحابك ؟؟
فى التدوين خالد همس الاحباب - او ابو همس
سنك ؟
ليه الاحراج خلى الطابق مستور عامة بلغت من العمر 33 سنة  و9 شهور وكام ساعة كده غير الفكة   
مجال دراستك ؟
درست زى الناس ابتدائى واعدادى وثانوى وبعدين دخلت كلية الشعب ومنها الى الشارع
يعنى خريج تجارة وبعمل محاسب   
إسم مدونتك ؟
همس الاحباب
صورتك الرمزية فى المدونة بتعبر عن إيه ؟
بتعبر عن قلب مضىء بشمعة فى ليل كله ظلام بس جواه حب وخير  لكل الناس
وعلشان كده احبكم جميعا فى الله  
هل فكرت فى إغلاق مدونتك ؟ و السبب ؟
اممممممممم كتير قوى بس ما فيش مرة نفذت الفكرة
ممكن افلاس فكرى ممكن خنقة ممكن بعد عن حالة نفسية
إيه رد فعلك لو حد قل ادبه عليك فى المدونة ؟
هههههههه
ممكن اضحك وممكن ابعتله جواب شكر على ايد محضر
لانه ساعدنى انى اخد حسنة بدون اى مجهود بصراحة
وممكن اخلى عيشته هباب لو قلة الادب دى تخص انسان اخر
وممكن اعذره وادعيله بالشفاء والهداية مما هو فيه من مرض  
أسوأ مدونة دخلتها ؟
اممممممممم
مش فاكر اسمها بس بصراحة كانت قمة فى الوقاحة والسفالة وعدم الحياء ودى كانت مرة بالخطا وعلى فكرة هى مش اباحية للعلم بس فيها هجوم على الاسلام والرسول .
هيحصل إيه للأيميلات بعد ما تموت ؟
هتحمل لقب ارمل  ههههه
اذا كنت انا مت هفكر فى الايميلات مش اطمئن على مصيرى الاول  
إديت الباسورد لحد قبل كده ؟
بتاع المدونة اديته لناس كتير
واعتقد الايميل كماااان
السفر بالنسبالك ؟
غربة -  زيارة اماكن جديدة - معرفة اشخاص وتقاليد وعادات -  تغيير الروتين اليومى للحياة - تعلم الكثير والكثير
المود بتاعك إيه ؟
هو كان 3 سيستم حاليا بقى معدل 
سؤال غريب بجد 
متقلب زى الجو شوبة صيف وشوية شتاء واحيانا ربيع  
سبحان الله هو الوحيد الذى يغير ولا يتغير 
بتعمل إيه فى اوقات فراغك ؟
فراغك الله كلمة جميلة كنت بسمعها كتير زمااااان بس حاليا ما اعرفش غير مدونة الفراغ بس
لانى مع الاسف دايما مشغول فى مليون  حاجة والحمدلله على كل حال
الاكلة المفضلة ؟
بصراحة باكل اى حاجة  ومش بقول لحاجة لا
النفس الحلوة ليها الجنة
بس مش معنى كده انى بعك اطلاقا والله
بس كله نعمة وفضل من الله سبحانه وتعالى
الصفات اللى أخدتها عن والدك ؟
اسلوبه فى التعامل - تفكيره - قراراته المتأنية والصارمة فى ذات الوقت-
الصفات اللى اخدتها من والدتك ؟
الطيبة ( مش انا طيب يا جدعان ) -حبها للناس  وتمنى الخير للجميع - رد الاساءة باحسان
أكتر 6 حاجات بتكرههم ؟
التسرع فى اتخاذ قرار والندم عليه
الخنوع والاستكانة
السلبية واللامبالاة
انك تعامل الناس على انهم اغبياء وانت الذكى الوحيد
الحقد والحسد  
انك تتمنى زوال النعمة من ايد الغير
أكتر 6 حاجات بتحبهم ؟
الله ورسوله 
نصرة دينى
اهلى واسرتى 
مساعدة المحتاج وغير المحتاج 
اصحابى 
عالم التدوين  
شخصيتك نوعها ايه ؟؟
ده اصعب من سؤال علل فى الكيمياء
شخصية عادية
فيها الحزن والفرح
فيها النكد والسعادة
فيها القسوة والحنان
فيها كل المتناقضات جنبا الى جنب
لماذا دخلت التدوين من الأساس ؟
قضاء وقدر
وبعدين صعبتوا عليا هسيبكم لوحدكم فى الضلمة 
حسيت انكم محتاجين قمر ينور ايامكم ولياليكم فجبت بعضى وجيت 
حد معترض ؟؟  
اجمل كلمة قيلت فى وصف مدونتك ؟
كل الكلام اسعدنى بصراحة
لان الحمد لله كل الناس اللى دخلت محترمة جدا وذوق بصراحة
اهمية التعليقات بالنسبة لك إيه ؟
زى الملح بالنسبة للطعام
زى الماء بالنسبة للكائن الحى
زى نسمة الهواء فى ايام الربيع
زى انتظار الشاطر حسن لست الحسن والجمال
أحلى بوست كتبته ؟مع لينك له و السبب ؟
من وجهة نظرى كل بوست ليه معنى ومغزى من كتابته وعلشان كده اللى يحكم على ده انتم مش انا
أفضل مدونة قرأتها ؟
كل مدونة سبت فيها تعليق او تعلمت منها حاجة جديدة ودول بصراحة معظم المدونات اللى بعلق عندهم حتى لو مش بيعلقوا عندى  
أفضل بوست قرأته ؟
لا بوستات كتيرة عجبتنى بصراحة وعلقت عليها فى وقتها
الشغل بالنسبه لك ؟؟
قدر احمق الخطا
هو مثل الزواج شر لا بد منه
ولا هنقضيها انتخة ونووم
الإنترنت بالنسبة لك ؟
ادمااااااااااان  مع الاسف الشديد
ولا شفاء منه
تمرر التاج لمين ؟
مييييين
خد عندك
كل الناس اللى عندى فى الريدر
وكل الناس اللى عايزة تلبس التاج
 وشكر خاص لكل من اهدانى التااااج
صبرنى يا رب 
عاشقة الرومانسية
فاتيما
بندقة
وكل تاج وانتم تاج على رأسى