22 يناير 2009

.زيارة مستشفى فلسطين

يوم الجمعة ان شاء الله معادنا للتجمع لزيارة المرضى الفلسطينين فى مستشفى فلسطين

الحالات فى المستشفى كالاتى

الرعاية المركزة حالتين منهم حالة حدث لها بتر للساقين

الدور الاول حالة واحدة مصاب بطلق نارى من دبابة و تم اجراء عملتين له فى الركبة و قاموا بتركيب شريحة و بلاتين و الحالة الحمدلله فى تحسن

الدور التانى يوجد به جناحين

الجناح الاول : يوجد به 11 حالة ما بين استئصال طحال و كلي و حروق و فقد عيون

الجناح الثاني : يوجد به 15 حالة من بينهم سيدة كما يوجد به عائلة عصفور - المصاب بمستشفى الاسماعيلية الذى طلب من المدونة آبى زيارة اهله بمستشفى فلسطين - من ضمنهم طفل صغير عمره 10 سنوات و حالته الصحية حرجة

الدور الثالت يوجد به جناحين

الجناح الاول : يوجد به طفلين

الجناح التانى : يوجد به 14 حالة

الجميع طبعا يشعر باحباط و خذلان عالمي و ان لا احد يعوضهم عن الكارثة الانسانية التي يعيشونها

الرعاية الطبية و التمريض و الاكل مستواهم جيد و الحمدلله

هم لا يريدون اشياء عينية و ان ارادوا فهم لا يمتلكون شنط سفر لوضع اغراضهم بها

فمن يريد التبرع عليه ان يتبرع بشنط سفر الي جانب المال فهو افضل شئ

فكل شخص ادري بما يحتاجه حتي يعود لعائلته به و لكن يجب مراعاة انهم يملكون عزة نفس رهيبة

التجمع يوم الجمعه  23/1/2009 قدام المستشفى الساعه 3 بعد الضهر

المستشفى عنوانها : 64 شارع الثورة فى مصر الجديدة

اللى عاوز يسال فى حاجه يبعت لآبى على الميل
 butterfly_549@hotmail.com

الميل ده مش ماسنجر يعنى ايميلات بس اللى ناوى يشترك ياريت يبلغها

هناك 31 تعليقًا:

عاشقة القمر يقول...

ربنا يجعل في ميزان حسناتكم

كلنا مقاومة يقول...

السلام عليكم

اقتراحك رائع أخي الكريم ولكن أنا معرفتي باللغة لا يرقى للترجمة وسأعرض فكرتك ويا ليت أحد يتقدم لها ولكن مع العلم أن هدف المدونة ليس موجه للآخر بل موجه لنا كمسلمين ولأن هناك مسلمين لا يتحدثون العربية فأجد أن اقتراحك وجيه جدا وهؤلاء من يهمونني بالدرجة الأولى ومن خلال اصلاح أنفسنا سنفرض على الآخر احترامنا المفقود بيننا فكيف نطلبه من الآخر

وأيضا لأن هناك مدونات أخرى كثيرة توجه الى هذا الآخر وكلنا هدفنا واحد وان اختلفت الأساليب والمسميات

تعرف أخي الكريم وأنا أكتب الآن تذكرت صديقة لي تعيش في لندن ساعرض عليها أمر الترجمة الى الانجليزية بارك الله لك

جنّي يقول...

السلام عليكم

جهد رائع جزاك الله خيرا عليه
والدال على الخير كفاعله ..

Empress appy يقول...

تسلم ايديك يا خالد ربنا يجعله فى ميزان حسناتك علشان سيئاتك تخف ههههه

حنين القلب يقول...

رينا يكرمكم

ويجعل اليوم ده فى ميزان حسناتكم

كنت اتمنى اكون معاكم


وعلى راى آبى اهه حاجه تخفف من ذنوبك

تسلم يا خالود

أمل حمدي يقول...

تعوقني ظروفي ولكن ان شاء الله

ستكون لي زيارة بعد زوالها

جزاكم الله كل الخير اللهم امين

داليا ..قوس قزح يقول...

طيب ماشى بقى انا تقولى لو مش وافقتى هاخده برضه ؟؟

هعديها المرة دى لكن المرة الجاية لا منكن ابدا

نجى للجد

جزاك الله خير و دايما تكون معنا كده

اشوفك بكرة ان شاء الله على خير
سلام

فشكووول يقول...

العزيز همس الاحباب
اشكرك على التعليق .. هذه مساهمه متواضعه منى لتنوير الرأى العام العربى والمسلم والمصرى ايضا باصل فلسطين وهل لليهود حق فيها ام لا وبدأت الموضوع من الاول عشان ما يكونش فيه لغط او عدم فهم او سوء تقدير
.. اشكرم وتحياتى

Unknown يقول...

بالتوفيق يارب
والله هحاول اجى بس قلبى معاكم والله
سلم لى على كل حد هناك

مجداوية يقول...

السلام عليكم

kollonamoqawma@yahoo.com


هذا هو العنوان البريدي للمدونة وأعرض عليك أخي الكريم مهمة متابعته وفهرسة ما يصل اليه فهل لديك الوقت والرغبة في ذلك أم لا ؟؟

ولك خالص الشكر

رحــــيـل يقول...

ربنا معاكم يارب

تحياتى لك وللجميع

المـــفـــــــقــــــــوعـــــة مــرارتـهــا يقول...

السلام عليكم
يارب تكون بخير
يوم الجمعة الجاي 30/1 حفل توقيع الكتاب في سراي كندا
يارب اشوفك ان شاء الله الساعة 3ونص
اشوفك علي خير

دعاء مواجهات يقول...

جزاكم الله خيرا ووفقكم لما يحب ويرضى

تحياتى اخى العزيز

كيكى عوووووو يقول...

ماشاء الله
مش سايب ولا حاجة وبتروحها الله مالا حسد
لا بجد
ربنا يكرمك ويكرمهم كلهم
عوووووووووووووووووو

همس الاحباب يقول...

عاشقة القمر
امين يارب
تحياتى وتقديرى

همس الاحباب يقول...

كلنا مقاومة
وعليكم السلام
جزاكى الله خيرا
وربنا يقدرنا على العمل على نجاح تلك المدونة وربنا يجعلها خالصة لوجه الكريم
تحياتى

همس الاحباب يقول...

جنى
بارك الله فيك اخى العزيز
وجعلنا سبب فى نشر الخير
تحياتى

همس الاحباب يقول...

ابى
ههههههه
ماشى يا ستى
ربنا يكرمك ويجعله فى ميزان حسناتك

همس الاحباب يقول...

حنين القلب
دايما معانا بقلبك يا ست الكل
وربنا يقدرك دايما على فعل الخير
وترحمينى من طولة لسانك شوية

همس الاحباب يقول...

ماما امولة
ربنا يصلح الاحوال
بارك الله فى حضرتك
وربنا ما يحرمناش منك ابدا
تحياتى

همس الاحباب يقول...

قوس قزح
ربنا يجعله فى ميزان حسناتك
ويكثر من امثالك
تحياتى

همس الاحباب يقول...

فشكول
مجهود مميز استاذى العزيز
وبارك الله فيك
وربنا يوفقك للمزيد

همس الاحباب يقول...

نهر الحب
بارك الله فيكى
وجزاكى خيرا ونشوفك دايما على خير
تحياتى

همس الاحباب يقول...

مجداوية
شكرا لثقتك الغالية فى شخصنا المتواضع
وارجو من سيادتك توضيح المطلوب منى
وانا على استعداد للمشاركة باى شىء باذن الله

همس الاحباب يقول...

رحيل
جزاكى الله خيرا
ونشوفك على خير دائما
تحياتى

همس الاحباب يقول...

المفقوعة مرارتها
الف مليون مبروك
وعقبال باقى الاصدارات
وباذن الله هحاول انى اكون متواجد
تحياتى وتمنياتى بالتوفيق

همس الاحباب يقول...

مواجهات
جزاكى الله خيرا
وبارك الله فيكى
تحياتى

همس الاحباب يقول...

كيكى
هههههههه
احنا هنقر ولا ايه
اللهم لا حسد
ويكرمك يا ستى
وربنا يوفقنا واياكى لفعل الخير
تحياتى

عمرو جويلى يقول...

عزيزى همس الأحباب:إعاقتى هى التى تمنعنى من الإشتراك فى هذا العمل الخيرى وربنا معاهمقادر على كل شىء
تحيات اللؤلؤة
أتمنى مد جسور التواصل بيننا

فشكووول يقول...

العزيز همس الاحباب .. تحياتى
اشكرك علىالتعليق .. وارجو ان اكون عند حسن ظنك
تحياتى

هى فوضى يقول...

ازيك يا خالد
ربنا يجعله فى ميزان حسناتك يارب

سلم لى على همس اوى