25 يناير، 2009

الشهيد لسه حى

يوم الجمعة 23-1-2009 كان اللقاء الخيرى لزيارةالجرحى الفلسطينيين بمستشفى فلسطين بمصر الجديدة
اليوم ابتدا معايا من بعد صلاة الجمعة واتجهت الى ميدان عبدالمنعم رياض وتقابلنا انا وضياء فى الطريق وفى المينى باص تعرفت على مايكل اللى كان رايح اللقاء معانا نزلنا امام المستشفى وقابلنا المدونة شمس النهار وابنتها واللى سعدت جدا عرفتهم وكانت ابى داخل المستشفى للتنسيق مع ادارة المستشفى اللى بصراحة كانوا متعاونين جدا جدا والمستشفى بها اهتمام ورعاية على اعلى مستوى 
وبعدين بدا باقى المدونين فى الحضور قوس قزح ثم محمد عبدالغفار وميرا وبعدين دينا وبعد ما جهزنا الهدايا والتبرعات وفى الطريق للصعود الى المرضى فوجئنا  بحضور المدونة عاشقة النقاب وابنتها مريم ودى كانت من المفاجات السارة لى على المستوى الشخصى لانها من المدونات التى اكن لها كل تقدير واحترام واللى تحدثنا بعض الوقت عن مدونة كلنا مقاومة
وبعدها حضر م / شريف وبدانا فى توزيع الهدايا والتبرعات على المرضى وانضم لنا سيدة وابنتها وقاما بتوزيع هدايا وتبرعات مالية على المرضى
حالة المرضى معظمها تماثلت للشفاء الا بعض الحالات فى تحسن والحمد لله
المرضى حالتهم المعنوية مرتفعة جدا والعزيمة بسم الله ماشاء الله والكل متشوق للرجوع الى غزة
واخر حالة شاهدتها كانت بالرعاية المركزة بصحبة الاستاذ / خالد عابر سبيل وزوج عاشقة النقاب اللى شرفت بمقابلته
ومن ابرز ما فى اليوم كان احمد نعيم ابو سلامه او الشهيد الحى والذى استمعنا الى قصته من والده المرافق له بمستشفى فلسطين
شهادة تفيد بان احمد ابو سلامه من ضمن الشهداء
صورة احمد ابو سلامه بالمستشفى
والتى تتلخص فان ابنه كان راجع من عند شباب المقاومة هو واربعه من اصحابه وقعت عليهم قذيفة من طائرات العدو قتلت تلاتة واصابت اثنين  احمد وواحد صاحبه  وبعد ما اختفي احمد لمدة يوم بلغ والده السلطات والصليب الأحمر وبعد غياب 3 أيام وإنسحاب القوات الإسرائلية من المكان ابتدي البحث عنه في المستشفيات ولم يعثر عليه لكن عثر علي جثة مجهولة عبارة عن أشلاء غير واضح فيها الا جزء من وجهه وكانت شبيهة بوجه ابنه ميشو  ووجد مع الجثة هاتف أحمد المحمول وبعد ايام حاول هو وأسرتة التعرف علي الجثة او العثور علي أحمد وفي النهاية قبل بالامر الواقع واحتسب ابنه شهيدا  واستلم الجثة وقام بدفنها واقام سرادق عزاء وقامت حركة المقاومة بطبع بوستر علية صورة احمد وتسجيلة في كشوف الشهداء وبعدها بثلاثة عشر يوما  فوجئ والد احمد بأحد اصدقاء احمد يؤكد له  ان احمد ما زال على قيد الحياة وانه  في مستشفي الشفاء تحت إسم محمد حجازي ذهب والد أحمد لغرفة العناية المركزة علشان يلاقي ابنة ومن حوله اسرة محمد حجازي واللى ظلت معه 13 يوم على انه ابنهم ورفضت التصديق بان احمد مش ابنها وكان احمد وقتها فاقد النطق وكل اللي بيقدر يفعله انه لما يشاهد احد افراد اسرته  تنزل الدموع من عينيه ويرتجف جسمه وتدخل الطبيب المعالج  لحل الخلاف وطلب من العائلتين تحديد علامات في جسم ابنها وبالكشف علية اتضح انه احمد وإن الشهيد هو محمد حجازي لينتقل أحمد للعلاج فى مستشفى فلسطين بمصر وتقوم  أسره الشهيد محمد حجازى
باستلام جثة ابنها واقامة سرادق العزاء في منزلها لمزيد من التفاصيل عن الشهيد الحى هنا
اليوم كان جميل جدا والحمد لله
وشكرا جزيلا لكل من حضر او شارك فى الدعوة لهذا اللقاء وشكر خاص للحضور 
رحاب كوكب ابى
قوس قزح
م/ شريف مدونة شريف
ميرا .. امراة بعقل رجل
Beautiful Mindضياء

محمد عبد الغفار مدونة في العمق ...مكان للحرية

نونو عاشقة النقاب وزوجها ابنتها مريم

شمس النهار وابنتها

 michealitooمايكل  ومدونته

هناك 21 تعليقًا:

حنين القلب يقول...

اول تعليق


ده الطبيعى وبراحتى كماااااان

حد عنده مانع

هروح اقرى وراجعه

حنين القلب يقول...

عارف يا خالد

انا بتشرف وبفخر انى اعرف حد زيك
بجد والله

ربنا يقدرك على عمل الخير
ويكرمك ويخليك ويحفظك يا ابو همس

حنين القلب يقول...

ربنا يثبتهم دايما يا رب

ويشفى جميع مرضى المسلمين

حسبنا الله ونعم الوكيل

رئـــــيسـة حزب الأحلام يقول...

شكله كان يوم رائع
جزاكم الله خيرا وجعله فى ميزان حسناتكم
تحياتى لحضرتك

~*§¦§ Appy §¦§*~ يقول...

يا لهوي يا خالد نسيت ميرا هي كانت واقعه اوي كده يا ابنى البنت كانت معانا اي والله عيب عليك هى علشان قصيره مكنتش شايفها بصراحه استنيت صوره احمد واشوف ابتسامته الحلوه دي عندي
ان شاء الله هروح له تاني

صبرني يارب يقول...

ٍسبحانه ياما سايع فى ملكه

مبروك عليكم يا جماعه والله الثواب وياريتنى كنت معاكم وتحياتي لكم

عاشقة القمر يقول...

ربنا يجعل في ميزان حسناتكم
ام قصه سبحانه الله الله قادر علي كل شي

وومن يقول...

ايه ده يالهوي انت نسيتني ماشي يا خالد يعني بعد خمس مكالمات وانا بتابعك علشان اروح وبعد ما اتصلت بيك اسألك علي صور أحمد تنساني

وكمان تزنقني كدة علي السريع من غير إستدراك

ماشي ماشي

لما اشوفك المرة الجاية

Soul.o0o.Whisper يقول...

السلام عليكم و رحمة الله و بركاته


أول زيارة للمدونة ،
و أتمنى إن شاء الله مش تكون الاخيرة ..


المدونة رائعة جدا
و الأروع هو العمل الذى طرحته ..


ربنا يجعله فى ميزان حسناتكم جميعا ،






دمت بود

مهندس مصري يقول...

سبحان الله

ربنا يعينكم على فعل الخير

كلنا مقاومة يقول...

السلام عليكم

سبحان الله

فهذا حي والآخر حي أيضا
فالشهداء أحياء عند ربهم يرزقون

ونحن الموتى لأننا عاجزين أن نفعل شيئا

الله المستعان

جزاكم الله خيرا على تواجدكم معهم
فهذه المؤازرة تثبت أن الأخوة لا وطن لها فانما المؤمنون إخوة
وأن الانسانية أيضا لا وطن لها ولكن تحتاج فقط الى ضمير حى

ahmed_k يقول...

بارك الله فيكم يا خالد على مجهوداتكم الرائعه من أجل التخفيف على هؤلاء
وبالنسبه لقصة الشهيد الحي
عندي سؤال
هل أسرة محمد حجازي الذي كانت ترافقه
لم تكن تعرف شكل إبنها
وكيف يصرون أنه إبنهم رغم رؤيته امامهم بغير صفات إبنهم؟؟؟؟؟؟؟

Gannah يقول...

السلام عليكم
ازيك يا ابو همس؟؟
سبحان الله قصص لا تملك امامها الا الانحناء احتراما لصمود وثبات هؤلاء الناس
ربنا يجعله فى ميزان حسناتكم وطبعا أكيد انت عارف قد ايه كان نفسى أكون معاكم
أجمل ما فى عالم التدوين هو الاجتماع على الخير
تقبل تحياتى واحترامى

نهر الحب يقول...

جزاك الله خيرا
وبارك الله فيك
جعله الله فى ميزان حسناتك

عاشــــــ النقاب ـقــــة"نونو" يقول...

السلام عليكم ورحمة الله
والله زوجي وانا اتشرفنا بالتعرف عليكم جميعا ومن حظي اني اتكلمت مع حضرتك
ربنا يقدرنا يارب على عمل اي شيء لخدمة ديننا
ويجازيكم كل الخير يارب
فين الاضافة اللي وعدتني بيها؟؟؟
يلا علشان نحشد الهمم
سدد الله خطانا يارب
تحياتي

الربان يقول...

تحياتي اخي خالد

بارك الله لكم و فيكم...و جعل كل خطوة
او عمل في ميزان الحسنات و رفع بها درجاتكم في الجنات ان شاء الله.

هذا افضل من اي شيء أخر مثل الكلام
و الثورة و المظاهرات.... العون العملي و تقديم العون لمن يستحق و بدون
شو اعلامي كما يتم من البعض.


مرة اخري اشكر الجميع و كم كنت اتمني ان اكون في رفقتكم و صحبتكم في الخطي
الي عمل الخير....


تحياتي و تقديري اخي الفاضل

zainab يقول...

ربنا يبارك فيكم يارب

بجد يا بختكم بالزيارة

احساس جميل

ربنا يشفى مرضاهم و يداوى جرحاهم

تحياتى

رواية للنشر الإلكتروني يقول...

الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .


موقعنا ( http://rewaya.tk )


إيميلاتنا
rewaya12@hotmail.com
rewaya12@yahoo.com

همس يقول...

يا بختكم

فاتتنى دى

يلا خيرها فى غيرها ان شاء الله

اشوفك على خير

mohamed يقول...

سيدى مهما حاولوا أن يغسلوا عقولنا
فأن دم الشهداء هو حبر ومداد لايمكن
محوه ولا أزالته, فلايوجد من البشر من
من يتاجر بحباته ولكن هناك أحرين تاجروا بأقلامهم طمعا فى رضا أو مال
يشرفنى ما تفعله وما تقوله أنت وكل الاخوه المدونين
أنتم عنوان أمل لكل مصرى

will يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室