في ليلة إشـتقـت...إليــك
لمخـاطبتـك ...لمنـاجـاتك .
لـهمسـاتــك...لإبتـسامـاتك...
ولـم تكن بالوجود...وليس بالوجود أفضـل من حب لك بداخلي موجود
كلما نظرت إلـى شيء أمامـي وجدتك أجمـل...وأجمـل.
نظرت إلـى الماء...وجـدتك أصـفى...وأنـقـى
نظرت إلـى الورد...وجـدتك أحـلى...وأبـهى
تذكرت الوفاء...وجـدتك من الوفاء...أوفـى
وفـجـأة...نظرت لأعلى رأيت القمر...
يسير بكبرياء أمـامـه نجوم...وخلفه...نجوم
أعـجبنـي جماله...فأهـديتـه سـلامي
أتبعـت سلامي...بابـتـســامه
وقلت لــه؟
كم أنـت مغرور أيها...القمــر
ألا تعلم أنـني أمـلك أجمـل منـك ؟؟
فلماذا تتكبر؟؟؟؟
ألم تنظر إلـى هذه الأرض؟؟؟؟
ألـم تعلم أن بالوجود...أفضـل منك ؟؟؟
لم تعجبه كلماتي...
وقف في كبد السماء!!
وقال لـي...من يكـون هــذا ؟؟؟؟
قلت إنـه امير..في أرضـه ...
ملاك..في سمـائــه وأنـا اميرٌ له...
إذا ابتسم...رأيت برقاً يتلألأ من فمه ..... لايعرف الكبرياء
فقال أيـن هو؟؟؟
ففتحت له صدري...
وقلت هنا مـسكنه وعلى قلبي...نـقشـت إسمـه ..
وكلمة أحـبـك...دائما على فمه
فــجـــأة !!
تساقطت عـليّ أمـطــار...من السماء بدون غيوم...
فوجدتها دموع من عيون القمر !!!!
رأى نورا يشع من قلبي أحـمــله...
وهو شرف لي
نعم...لقد أبـكيـت القمر
فقال لـي...فعلا أنـا شبيه له
فقلت صدقت...
فقلت صدقت...
فأنـت تشبهه وضياءك...مستمد من نـوره
فلأجلك حبيبي سيبكي...القــمر
ويتفتح...الـزهـر ويفنى...الـعــمر
فأنت نور...في كياني
وأنت زهرة...ببستاني
أنت أمنيتـي...واميري التي لم تتحقق
وجنة...بقلبي زرعــت
جروحي بك قد شـفـيـت
وأحــزانـي بوجودك بـلا رحمة دفنت
فقليل بحقك أن يبـكي القــمـر ..
.jfif)
.jpg)
هناك 55 تعليقًا:
السلام عليكم
اول تعليق واول زياره
بس بجد انا سعيده جدا لانى دخلت مدونتك وقد ايه بجد اسلوبك سهل وجميل وكله خيال جميل
اهنيك على ملاكك الذى احتل قلبك واهنيك على اسلوبك الاكثر من الرائع
خالص تحياتى
الله على الشعر الجميل ده يا ابو الخلود
بس مش لازم تعرضها اوى كده
وتقول القمر دمع
ونزل دموع بالهبل من غير غيوم
لاء
اللى سمعته يا باشا غير كده
وانا مكنتش هسيح واقول لكن انت اللى جبته لنفسك
انا سمعت ان القمر رش عليك ميه وقالك طيب روح العب عند بيتكم
صح ولا غلط ؟؟؟؟؟؟؟؟؟؟؟
اول زيارع تالت تعليق عموما
بلوج هايل بجد ربنا يوفقك
كلمات جميله ورقيقه
وإحساس مرهف
وتشبيهات رائعه
تحياتى لك يا خالد
وقصيده جامده قوى
لكن القمر دمع بجد
ولا زى ما قال الرايق وفضح الدنيا رش عليك ميه ؟؟؟؟؟؟
عموما
عجبنى الكلام جدا
ياااااااااااااه
كلمات ولا أجمل من كدة وأحساس عالى أوى ورمانسية جميلة
صورت مشهد من أجمل مشاهد
بجد عجبنى اوى وبحييك اوى يا من أبكيت القمر
تحياتى
جميلة جدا كلماتك
مليئة بصور رائعة .. و بترسم شعور غاية بالروعة
دمت بخير
only spot
منورة يا اختى وربنا يكرمك
وميرسى على كلماتك الرقيقة
تحياتى لكى وارجو التواصل
خالد
عبده باشا
حبيب قلبى شكرا على كلامك الجميل
ولازم تسيح كده فى المنطقة
هو قالى كده بردهالعب عند بيتكم
بس مش احسن ما يقولى روح العب على السلم ههههههههه
منور يا باشا وتحياتى ليك
صوت من مصر
منور المدونة
وشكرا لكلماتك وسعيد بزيارتك جدا
تحياتى يا باشا
rona
تحياتى ليكى وسعيد بالزيارة الرقيقة
وارجو التواصل
خالد
فرنسا هانم
خالتى وحشتينى ومنورة دايما يا خالتو
ميرسى لذوقك وكلماتك
بس حد يصدق الرايق
ده جاى يهدى النفوس بس فى المدونة
وماشى على طول
تحياتى يا اجدع خالتو فى الدنيا
العزيزة سهر الليالى
منورة دايما
وميرسى على كلماتك الرقيقة وتشريفك ليه دائما
تحياتى
خالد
اريج السمر
تحياتى ليكى وشكرا لتشريفك الدائم
خالد
القمر بكى علشان الكلام اللى انت كاتبه ده
وكاتبه لمين بقى يا خالد
هتعترف ولا افتن عليك
بس انت متاكد ان القمر كان بيبكى يعنى مكانش بيعمل إئح
امممممممم
القمر وغيرة وشافه وحركات
دا انت طلعت رومانسى ولا دى اشاعه
لا بجد لو ده حب بجد يبقى هايل طبعا وتشبيه حلو
بس عارف ايه مشكله القمر دايما
ان الناس كلها شايفاه وهو مش شايف حد صح ولا ايه
تسلم ايديك يا شاعر
الغالية قوى قطة الصحراء
منورة يا قطة
بس بلاش خربشة
ده احنا اتعلمنا الكلام الحلو من عندكم
والله ابقى اساليه انتى انا فاكر انه كان بيبكى مش اكتر
تحياتى ليك يا جميل
الرائعة قوى آبى هانم
منور يا باشا
لا اوعى تصدقى دى اشاعة
ميرسى لكلماتك
انا بقى خليته حس وبكى كمان ايه رايك انتى بقى وممكن يكون رمى قلة من قللك مليانة ميه
تحياتى ليكى
خالد
ما اجمل الكلمات الرقيقة .. ولكن هناك اجمل من الكلام و هو الفعل به..
ولا يبدو ان زماننا هذا هو زمن الفعل الصادق...لكنه زمن تفصح فيه الافواه عن ما تجمدت قلوبنا ان تفعله ..
تحياتى و تقديري لكلماتك..
خالد باشا
يا سيدي يا سيدي على الكلمات و الإحساس
إيه الجمال ده
بس أكيد الكلام ده كان للمدام
صح؟
ولاااااااا
أنا جاي أهدّي النفوس
تحياتي يا أفندم
الاخت سميه
شكرا لتشريفك
انا لااختلف معكى كثيرا فى الراى
تحياتى لحضرتك ولكلامك الرقيق
خالد
نيجرو
اهلا وسهلا نورك غطى الكهرباء
لا مش صح يا باشا
ومنور قوى
تعالى كل يوم
لانك لو ماجيتش انا انطرد من البيت واجى عندك
وهدى النفوس براحتك
منور وسعيد بزيارتك
خالد
خالد باشا
ياصباح الرومانسيه
الرايق مسيحلك
بس بجد بجد البوست يجنن حلو اوي
انا بحب اوي لما القمر يعط شماته يعني
تسلم ايديك
وزة
كلمات جميله و معبرة
تحياتى
اخى الكريم خالد
الله ,,الله
تحفة فنية رائعة
أخى الكريم خالد لا أعرف لمن كتبت هذا الكلام الرائع والاحساس العالى ولكن هل تأذن لى أخى الكريم
أن أهديها لرسول الله صلى الله عليه وسلم
فهو بدر التمام ووجهه الكريم أجمل من القمر ونور وجهه يفوقه نورا ونور رسالته أنارت الكون ولحبه أنّ جذع الشجرة شوقا اليه و ظللته السحب خوفا عليه وأبكى البشر حبا وشوقا وعرفانا وأذهل بالقرآن الجن وقالوا سمعنا قرآنا عجبا فلا عجب أن يبكى القمر اذا رأى حب الرسول وقد ملأ حنايا القلب
صلى الله عليه وسلم
أرأيت أنا استفدت منك أكثر مما استفدت منى فلم تسعفنى كلمات رائعة مثل ما كتبت لكى أنظمها حبا فى رسول الله فاستعرتها منك ,,أنا مدينة لك أخى الكريم
احترامى وتقديرى لك
حبيبة قلبى الوزة الغالية
منورة يا وزة اعمل ايه مع الرايق هو كده استاذ تسييح
بس منورنى وبموووت فيه
ميرسى لكلماتك الرقيقة
شمتانة فى القمر يا قمر حقك طبعا
تحياتى ليكى وسعيد بوجودك دائما
اختى العزيزة واستاذتى مجداوية
انا والقصيدة وكل ما املك تحت امرك طبعا
لكن رسول الله اكبر واعظم شانا من مجرد كلمات تافهة من انسان مقصر مثلى
ورسول الله القمر انشق له والشجر قبل رجليه الكريمة ورب العزة قال عنه انك لعلى خلق عظيم
صلى الله وعليه وسلم وعلى اله وصحبه اجمعين
وانا طبعا لا املك الا السمع والطاعة فتقبليها هدية خالصة لوجه الله تعالى
تحياتى ومنورة دائما
العزيزة مجداوية
اختى العزيزة بل انا مدين لكى بالكثير
ويسعدنى زيارتك دائما وسوف اتعلم منكى الكثير والكثير
تحياتى يا اختاه
اخى الكريم خالد
والله وأنا بأقرأها ما جاء فى بالى الا رسولنا الحبيب كم كنت أتمنى أن استطيع أن اكتب فى حبه كلمات مثلها فشكرا لك أخى على كرمك وهنيئا لمن كتبت له هذا الكلام الرائع وأسأل الله العظيم أن يجمعك واياه على حب الله وطاعته ,,والشكر لا يوفيك حقك على كرمك ورقى تعاملك
السلام عليكم
دا ايه الكلام الكبير والجامد ده
محدش قدك ع كده
كلامك حلو اوي
اسلوب سهل جدا وممتع بجد
اتمنالك التوفيق
تحياتي
فقليل بحقك أن يبـكي القــمـر
كل للكلمات رقى واضح .. احببها تلك الكلمات ...
مشاعر حلوة اوى والكلمات فيها اخلاص راقى
سﻻم عليكم
اول زيارة
بجد اسلوبك جميل جداا
و ربنا يزيد المعروف بينا
و بس
و سﻻم عليكم
zozo
منور يا اختى
وميرسى على كلامك الرقيق
وسعيد جدا بزيارتك
تحياتى ليكى
mnoyensa
تحياتى ليكى وسعيد جدا بالزيارة والتشريف لمدونتى المتواضعة
تحياتى وارجو التواصل
خالد
العزيزة موناليزا
ميرسى لذوقك وكلماتك الرقيقة
وسعيد بتواصلك جدا
تحياتى
اخى ادم المهدى
وعليكم السلام ورحمة الله وبركاته
منورنى وسعيد بتشريفك وزيارتك الاولى
وربنا يديم التواصل بينا
تحياتى ليك خالد
السلام عليكم
بصراحه كلماتك حلوه قوى
تشبيهاتك رأئعه
ربنا يوفقك
وبعدين بقاااااااااااا
ايه ياجماعة
حلوة اوى العدوى اللى فى البلوجات دى
مشاعر عالية وكلمات صادقة
:)
بس خدوا بالكوا احنا مش نقدر نستحمل الكلام الجامد ده
بوست احساسه حلو اوى بجد
ربنا يكرمك يارب
تحياتى ليك
don"t miss the great movie
Please supported this film on youtube
اول زيارة لي
واجزم انها لن تكون الاخيره
فقليل بحقك أن يبـكي القــمـر
ياسلام على احساسك
انا برده اول زيارة ..على فكرة انت كلامك خلانى فخور انى بعلق فى مدونتك ..تحياتى وبالتوفيق ..وطبعا مش اخر مرة انت هتشوفنى عندك كتير بس اوعى تزهق منى
أخى الكريم خالد
أنت أهديتنى قصيدتك الرائعة لأهديها لخير خلق الله وأنا أهديك التاج الذى يتحدث عن سيرته العطرة فما جزاء الاحسان الا الاحسان ,,هنيئا لك بواحة القلوب وأحلى الكلام عن خير الأنام
تعالى أخى الكريم لاستلامه
ابو حنف
منور يا باشا
وميرسى لذوقك ورقتك
تحياتى
العزيزة اخر العنقود
تحياتى ليكى ومنورة دايما
وميرسى لكماتك الرقيقة
وجزاكى الله خيرا
وربنا يوفقنا اجمعين
تحياتى .
barrak
منور يا اخى المدونة كلها
وربنا يوفقك
ويسعدنى زيارتك
تحياتى خالد
الاخ حسام حامد
انا طبعا اللى فخور بزيارتك
ومنورنى دائما
ويسعدنى وجودك دائما
تحياتى
خالد
الاخت العزيزة / مجداوية
شاكر لكى جدا هذاالصنيع
وانا طبعا لا املك الا السمع والطاعة
تحياتى لكى يا اختى .
ايه الرقة دى ياعم
بس احنا ماغلطناش فى الصعايدة وماقدرش اغلط فيهم
تيرا را رااااا
بجد كلامك جميل أوى يخلى الواحد أقصد الواحدة تسرح فية وتفكر كتيير
عجباانى أوى قليل بحقك أن يبكى القمر بجد جاامدة
رئيسة حزب الاحلام
ميرسى لذوقك طبعا
انا عارف انك ما غلطتيش انا بهرج
وحتى لو غلطتى سماح يا ستى ما انتى رئيسة الحزب برده
تحياتى ومنورة دايما
القصيده بجد جميله
اول زياره ليا عندك
تسلم مشاعرك ياجميل
اسيبك واكمل البوستات القديمه
وبعدين ارجع تاني
اوك
استاذة / دعاء مواجهات
شكرا لتواصلك
وبعض ما عندكم يا ستى
خلاص طالما عجباكى قليل بحقك ان يبكى القمر اتفضليها يا اختى بالهنا والشفا
تحياتى وسعيد بزيارتك
خالد
خايف من الحقيقة
منور يا باشا
وميرسى على ذوقك ورقتك
وسعيد جدا بزيارتك طبعا
تحياتى خالد
إرسال تعليق