28 مارس، 2008

بكاء القمر

في ليلة إشـتقـت...إليــك
لمخـاطبتـك ...لمنـاجـاتك .
لـهمسـاتــك...لإبتـسامـاتك...
ولـم تكن بالوجود...وليس بالوجود أفضـل من حب لك بداخلي موجود
كلما نظرت إلـى شيء أمامـي وجدتك أجمـل...وأجمـل.
نظرت إلـى الماء...وجـدتك أصـفى...وأنـقـى
نظرت إلـى الورد...وجـدتك أحـلى...وأبـهى
تذكرت الوفاء...وجـدتك من الوفاء...أوفـى
وفـجـأة...نظرت لأعلى رأيت القمر...
يسير بكبرياء أمـامـه نجوم...وخلفه...نجوم
أعـجبنـي جماله...فأهـديتـه سـلامي
أتبعـت سلامي...بابـتـســامه
وقلت لــه؟
كم أنـت مغرور أيها...القمــر
ألا تعلم أنـني أمـلك أجمـل منـك ؟؟
فلماذا تتكبر؟؟؟؟
ألم تنظر إلـى هذه الأرض؟؟؟؟
ألـم تعلم أن بالوجود...أفضـل منك ؟؟؟
لم تعجبه كلماتي...
وقف في كبد السماء!!
وقال لـي...من يكـون هــذا ؟؟؟؟
قلت إنـه امير..في أرضـه ...
ملاك..في سمـائــه وأنـا اميرٌ له...
إذا ابتسم...رأيت برقاً يتلألأ من فمه ..... لايعرف الكبرياء
فقال أيـن هو؟؟؟
ففتحت له صدري...
وقلت هنا مـسكنه وعلى قلبي...نـقشـت إسمـه ..
وكلمة أحـبـك...دائما على فمه
فــجـــأة !!
تساقطت عـليّ أمـطــار...من السماء بدون غيوم...
فوجدتها دموع من عيون القمر !!!!
رأى نورا يشع من قلبي أحـمــله...
وهو شرف لي
نعم...لقد أبـكيـت القمر
فقال لـي...فعلا أنـا شبيه له
فقلت صدقت...
فأنـت تشبهه وضياءك...مستمد من نـوره
فلأجلك حبيبي سيبكي...القــمر
ويتفتح...الـزهـر ويفنى...الـعــمر
فأنت نور...في كياني
وأنت زهرة...ببستاني
أنت أمنيتـي...واميري التي لم تتحقق
وجنة...بقلبي زرعــت
جروحي بك قد شـفـيـت
وأحــزانـي بوجودك بـلا رحمة دفنت
فقليل بحقك أن يبـكي القــمـر ..

هناك 55 تعليقًا:

only spot يقول...

السلام عليكم
اول تعليق واول زياره
بس بجد انا سعيده جدا لانى دخلت مدونتك وقد ايه بجد اسلوبك سهل وجميل وكله خيال جميل
اهنيك على ملاكك الذى احتل قلبك واهنيك على اسلوبك الاكثر من الرائع
خالص تحياتى

عبده الرايق يقول...

الله على الشعر الجميل ده يا ابو الخلود
بس مش لازم تعرضها اوى كده
وتقول القمر دمع
ونزل دموع بالهبل من غير غيوم
لاء
اللى سمعته يا باشا غير كده
وانا مكنتش هسيح واقول لكن انت اللى جبته لنفسك
انا سمعت ان القمر رش عليك ميه وقالك طيب روح العب عند بيتكم
صح ولا غلط ؟؟؟؟؟؟؟؟؟؟؟

صوت من مصر يقول...

اول زيارع تالت تعليق عموما
بلوج هايل بجد ربنا يوفقك

rona يقول...

كلمات جميله ورقيقه
وإحساس مرهف
وتشبيهات رائعه

فرنسا هانم يقول...

تحياتى لك يا خالد
وقصيده جامده قوى
لكن القمر دمع بجد
ولا زى ما قال الرايق وفضح الدنيا رش عليك ميه ؟؟؟؟؟؟
عموما
عجبنى الكلام جدا

سهر الليالى يقول...

ياااااااااااااه

كلمات ولا أجمل من كدة وأحساس عالى أوى ورمانسية جميلة
صورت مشهد من أجمل مشاهد
بجد عجبنى اوى وبحييك اوى يا من أبكيت القمر

تحياتى

•√أريـ السمر ـج√• يقول...

جميلة جدا كلماتك

مليئة بصور رائعة .. و بترسم شعور غاية بالروعة


دمت بخير

همس الاحباب يقول...

only spot
منورة يا اختى وربنا يكرمك
وميرسى على كلماتك الرقيقة
تحياتى لكى وارجو التواصل
خالد

همس الاحباب يقول...

عبده باشا
حبيب قلبى شكرا على كلامك الجميل
ولازم تسيح كده فى المنطقة
هو قالى كده بردهالعب عند بيتكم
بس مش احسن ما يقولى روح العب على السلم ههههههههه
منور يا باشا وتحياتى ليك

همس الاحباب يقول...

صوت من مصر
منور المدونة
وشكرا لكلماتك وسعيد بزيارتك جدا
تحياتى يا باشا

همس الاحباب يقول...

rona
تحياتى ليكى وسعيد بالزيارة الرقيقة
وارجو التواصل
خالد

همس الاحباب يقول...

فرنسا هانم
خالتى وحشتينى ومنورة دايما يا خالتو
ميرسى لذوقك وكلماتك
بس حد يصدق الرايق
ده جاى يهدى النفوس بس فى المدونة
وماشى على طول
تحياتى يا اجدع خالتو فى الدنيا

همس الاحباب يقول...

العزيزة سهر الليالى
منورة دايما
وميرسى على كلماتك الرقيقة وتشريفك ليه دائما
تحياتى
خالد

همس الاحباب يقول...

اريج السمر
تحياتى ليكى وشكرا لتشريفك الدائم
خالد

Desert cat يقول...

القمر بكى علشان الكلام اللى انت كاتبه ده
وكاتبه لمين بقى يا خالد
هتعترف ولا افتن عليك
بس انت متاكد ان القمر كان بيبكى يعنى مكانش بيعمل إئح

appy يقول...

امممممممم
القمر وغيرة وشافه وحركات
دا انت طلعت رومانسى ولا دى اشاعه
لا بجد لو ده حب بجد يبقى هايل طبعا وتشبيه حلو
بس عارف ايه مشكله القمر دايما
ان الناس كلها شايفاه وهو مش شايف حد صح ولا ايه
تسلم ايديك يا شاعر

همس الاحباب يقول...

الغالية قوى قطة الصحراء
منورة يا قطة
بس بلاش خربشة
ده احنا اتعلمنا الكلام الحلو من عندكم
والله ابقى اساليه انتى انا فاكر انه كان بيبكى مش اكتر
تحياتى ليك يا جميل

همس الاحباب يقول...

الرائعة قوى آبى هانم
منور يا باشا
لا اوعى تصدقى دى اشاعة
ميرسى لكلماتك
انا بقى خليته حس وبكى كمان ايه رايك انتى بقى وممكن يكون رمى قلة من قللك مليانة ميه
تحياتى ليكى
خالد

سمية يقول...

ما اجمل الكلمات الرقيقة .. ولكن هناك اجمل من الكلام و هو الفعل به..

ولا يبدو ان زماننا هذا هو زمن الفعل الصادق...لكنه زمن تفصح فيه الافواه عن ما تجمدت قلوبنا ان تفعله ..


تحياتى و تقديري لكلماتك..

nigro يقول...

خالد باشا
يا سيدي يا سيدي على الكلمات و الإحساس
إيه الجمال ده
بس أكيد الكلام ده كان للمدام
صح؟
ولاااااااا
أنا جاي أهدّي النفوس
تحياتي يا أفندم

همس الاحباب يقول...

الاخت سميه
شكرا لتشريفك
انا لااختلف معكى كثيرا فى الراى
تحياتى لحضرتك ولكلامك الرقيق
خالد

همس الاحباب يقول...

نيجرو
اهلا وسهلا نورك غطى الكهرباء
لا مش صح يا باشا
ومنور قوى
تعالى كل يوم
لانك لو ماجيتش انا انطرد من البيت واجى عندك
وهدى النفوس براحتك
منور وسعيد بزيارتك
خالد

انين الحزن يقول...

خالد باشا
ياصباح الرومانسيه

الرايق مسيحلك

بس بجد بجد البوست يجنن حلو اوي
انا بحب اوي لما القمر يعط شماته يعني

تسلم ايديك
وزة

Rania يقول...

كلمات جميله و معبرة

تحياتى

مجداوية يقول...

اخى الكريم خالد

الله ,,الله
تحفة فنية رائعة
أخى الكريم خالد لا أعرف لمن كتبت هذا الكلام الرائع والاحساس العالى ولكن هل تأذن لى أخى الكريم
أن أهديها لرسول الله صلى الله عليه وسلم
فهو بدر التمام ووجهه الكريم أجمل من القمر ونور وجهه يفوقه نورا ونور رسالته أنارت الكون ولحبه أنّ جذع الشجرة شوقا اليه و ظللته السحب خوفا عليه وأبكى البشر حبا وشوقا وعرفانا وأذهل بالقرآن الجن وقالوا سمعنا قرآنا عجبا فلا عجب أن يبكى القمر اذا رأى حب الرسول وقد ملأ حنايا القلب
صلى الله عليه وسلم

مجداوية يقول...

أرأيت أنا استفدت منك أكثر مما استفدت منى فلم تسعفنى كلمات رائعة مثل ما كتبت لكى أنظمها حبا فى رسول الله فاستعرتها منك ,,أنا مدينة لك أخى الكريم
احترامى وتقديرى لك

همس الاحباب يقول...

حبيبة قلبى الوزة الغالية
منورة يا وزة اعمل ايه مع الرايق هو كده استاذ تسييح
بس منورنى وبموووت فيه
ميرسى لكلماتك الرقيقة
شمتانة فى القمر يا قمر حقك طبعا
تحياتى ليكى وسعيد بوجودك دائما

همس الاحباب يقول...

اختى العزيزة واستاذتى مجداوية
انا والقصيدة وكل ما املك تحت امرك طبعا
لكن رسول الله اكبر واعظم شانا من مجرد كلمات تافهة من انسان مقصر مثلى
ورسول الله القمر انشق له والشجر قبل رجليه الكريمة ورب العزة قال عنه انك لعلى خلق عظيم
صلى الله وعليه وسلم وعلى اله وصحبه اجمعين
وانا طبعا لا املك الا السمع والطاعة فتقبليها هدية خالصة لوجه الله تعالى
تحياتى ومنورة دائما

همس الاحباب يقول...

العزيزة مجداوية
اختى العزيزة بل انا مدين لكى بالكثير
ويسعدنى زيارتك دائما وسوف اتعلم منكى الكثير والكثير
تحياتى يا اختاه

مجداوية يقول...

اخى الكريم خالد

والله وأنا بأقرأها ما جاء فى بالى الا رسولنا الحبيب كم كنت أتمنى أن استطيع أن اكتب فى حبه كلمات مثلها فشكرا لك أخى على كرمك وهنيئا لمن كتبت له هذا الكلام الرائع وأسأل الله العظيم أن يجمعك واياه على حب الله وطاعته ,,والشكر لا يوفيك حقك على كرمك ورقى تعاملك

zOzO يقول...

السلام عليكم
دا ايه الكلام الكبير والجامد ده
محدش قدك ع كده
كلامك حلو اوي
اسلوب سهل جدا وممتع بجد
اتمنالك التوفيق
تحياتي

`~MnO YeNSa! ~` يقول...

فقليل بحقك أن يبـكي القــمـر


كل للكلمات رقى واضح .. احببها تلك الكلمات ...

monaliza يقول...

مشاعر حلوة اوى والكلمات فيها اخلاص راقى

ِِAdem El-Mahdy يقول...

سﻻم عليكم

اول زيارة

بجد اسلوبك جميل جداا

و ربنا يزيد المعروف بينا
و بس

و سﻻم عليكم

همس الاحباب يقول...

zozo
منور يا اختى
وميرسى على كلامك الرقيق
وسعيد جدا بزيارتك
تحياتى ليكى

همس الاحباب يقول...

mnoyensa
تحياتى ليكى وسعيد جدا بالزيارة والتشريف لمدونتى المتواضعة
تحياتى وارجو التواصل
خالد

همس الاحباب يقول...

العزيزة موناليزا
ميرسى لذوقك وكلماتك الرقيقة
وسعيد بتواصلك جدا
تحياتى

همس الاحباب يقول...

اخى ادم المهدى
وعليكم السلام ورحمة الله وبركاته
منورنى وسعيد بتشريفك وزيارتك الاولى
وربنا يديم التواصل بينا
تحياتى ليك خالد

Abo 7anf يقول...

السلام عليكم
بصراحه كلماتك حلوه قوى
تشبيهاتك رأئعه
ربنا يوفقك

آخر العنقود يقول...

وبعدين بقاااااااااااا

ايه ياجماعة
حلوة اوى العدوى اللى فى البلوجات دى
مشاعر عالية وكلمات صادقة
:)

بس خدوا بالكوا احنا مش نقدر نستحمل الكلام الجامد ده

بوست احساسه حلو اوى بجد
ربنا يكرمك يارب

تحياتى ليك

the movie fitna يقول...

don"t miss the great movie
Please supported this film on youtube

Barrak يقول...

اول زيارة لي
واجزم انها لن تكون الاخيره

فقليل بحقك أن يبـكي القــمـر

ياسلام على احساسك

حســــــــــــــــــــــام حــــــــــــــــــــامد يقول...

انا برده اول زيارة ..على فكرة انت كلامك خلانى فخور انى بعلق فى مدونتك ..تحياتى وبالتوفيق ..وطبعا مش اخر مرة انت هتشوفنى عندك كتير بس اوعى تزهق منى

مجداوية يقول...

أخى الكريم خالد
أنت أهديتنى قصيدتك الرائعة لأهديها لخير خلق الله وأنا أهديك التاج الذى يتحدث عن سيرته العطرة فما جزاء الاحسان الا الاحسان ,,هنيئا لك بواحة القلوب وأحلى الكلام عن خير الأنام
تعالى أخى الكريم لاستلامه

همس الاحباب يقول...

ابو حنف
منور يا باشا
وميرسى لذوقك ورقتك
تحياتى

همس الاحباب يقول...

العزيزة اخر العنقود
تحياتى ليكى ومنورة دايما
وميرسى لكماتك الرقيقة
وجزاكى الله خيرا
وربنا يوفقنا اجمعين
تحياتى .

همس الاحباب يقول...

barrak
منور يا اخى المدونة كلها
وربنا يوفقك
ويسعدنى زيارتك

تحياتى خالد

همس الاحباب يقول...

الاخ حسام حامد
انا طبعا اللى فخور بزيارتك
ومنورنى دائما
ويسعدنى وجودك دائما
تحياتى
خالد

همس الاحباب يقول...

الاخت العزيزة / مجداوية
شاكر لكى جدا هذاالصنيع
وانا طبعا لا املك الا السمع والطاعة
تحياتى لكى يا اختى .

رئـــــيسـة حزب الأحلام يقول...

ايه الرقة دى ياعم
بس احنا ماغلطناش فى الصعايدة وماقدرش اغلط فيهم

دعاء مواجهات يقول...

تيرا را رااااا
بجد كلامك جميل أوى يخلى الواحد أقصد الواحدة تسرح فية وتفكر كتيير

عجباانى أوى قليل بحقك أن يبكى القمر بجد جاامدة

همس الاحباب يقول...

رئيسة حزب الاحلام
ميرسى لذوقك طبعا
انا عارف انك ما غلطتيش انا بهرج
وحتى لو غلطتى سماح يا ستى ما انتى رئيسة الحزب برده
تحياتى ومنورة دايما

خايف من الحقيقة يقول...

القصيده بجد جميله
اول زياره ليا عندك
تسلم مشاعرك ياجميل


اسيبك واكمل البوستات القديمه
وبعدين ارجع تاني
اوك

همس الاحباب يقول...

استاذة / دعاء مواجهات
شكرا لتواصلك
وبعض ما عندكم يا ستى
خلاص طالما عجباكى قليل بحقك ان يبكى القمر اتفضليها يا اختى بالهنا والشفا
تحياتى وسعيد بزيارتك
خالد

همس الاحباب يقول...

خايف من الحقيقة
منور يا باشا
وميرسى على ذوقك ورقتك
وسعيد جدا بزيارتك طبعا
تحياتى خالد