16 مارس 2008

ماذا تفعل ؟؟

**لو كنت رئيسا للوزراء ماذا تفعل ؟؟


* لو كنت رئيسا للوزراء..


لاسرعت بتقديم استقالتى وتركت منصبى لمن هو اقدر منى على حل مشكلات البلد ..
بعد ان طفش الشباب فبعضهم من هاجر وارتمى فى الاحضان الشائكة
احضان العدو الصهيونى وتزوج من اسرائيليات ووطأ بقدميه على تراب الوطن مضحيا باهله وذويه والبعض الاخر سلم نفسه لتجار الموت .. الذين صوروا لهم السفر الى اوروبا على انه
طريقا ممهدا مفروشا بالورود والازهار .. خدعوهم وقالوا لهم إن " الساعة بخمسة جنيه والحسابة بتحسب" مع الاعتذار للفنان عادل امام - فباع من باع كل ما يملكه واستدان من استدان .. واستقلوا المراكب
وبدلا من الوصول الى شاطى الاحلام ( المرتقب ) جذبهم قاع البحر وكتب النهاية للاحلام ونشوة الشباب ..عزائهم الوحيد انهم بحثوا عن وطن لن يجلسوا فيه على المقاهى او يقفون على نواصى الشوارع .. وطن يحلمون فيه برغيف خبز لا ياكلونه بالكاد والانتظار لساعات فى طوابير لا تنتهى ..



*لو كنت رئيسا للوزراء ..




لوقفت بالمرصاد للوزراء الذين يطلقون سيولا من التصريحات البراقة والوعود الزائفة
لاقلت وزير طوابير العيش الذى ترك مهام وزارته وانشغل بتغيير مسمى عيد الام الى عيد الاسرة .
لطالبت براس وزيرة عقود الخادمات كيف لها ان ترضى لاختها او ابنتها بتلك المهانة والاهانة .


* لو كنت رئيسا للوزراء ..



لتفاعلت مع مشكلات الجماهير وهمومهم ولما سكنت فى برج عاجى وصممت اذنى عن كل ما يكتب او يسمع من تلك الهموم والمشاكل .

* لو كنت رئيسا للوزراء ..


لوفرت تامينا صحيا يناسب الحد الادنى من الادمية بدلا من المرضى الذين يفترشون طرقات المستشفيات الحكومية لانهم لم يجدوا ثمن العلاج فى المستشفيات الخاصة ..

*لو كنت رئيسا للوزراء ..


لبحثت عن سكان القبور الذين يزاحمون الموتى فاضطروا السكن فوقهم دون مراعاة لحرمتهم
لبحثت عن العشوائيات وكيفية الحياة غير الادمية بها ..( او اتفرجت على فيلم حين مسخرة قصدى حين ميسرة )

*لو كنت رئيسا للوزراء ..


لنظرت الى المستقبل وتعلمت من تجارب من سبقونى ..



هذه مصر التى وهبها الله خيرا كثيرا لا مثيل له فى العالم ..
قناة تدر علينا ذهبا ..ونهر جميل يجرى باراضيها .
وارض طيبة يخرج من بطنها كل ما يفيد البشرية
وسماء صافية وتراث عريق يجذب اليه السائحين ..
سامحكم الله يا من تاكلون اموال الشعب وتستحلون لقمة العيش سائغة فى بطونكم وتحرمون اصحابها منها !!


*** على فكرة انا لما ابقى رئيس وزراء مش انسى اخوانى المدونين والمدونات
ومش انسى الكادر بتاع الرررررايق علشان يعزمنا فى الاستاد ويسدد ديونه الغلبان
ومش احرم لماضة من المليون جنيه اللى بتحلم بيه ..ولا وزة واخوها من 7 مليون كمان
ومش انسى طبعا اروح احلق فى لندن او باريس واسيب بولو اللى شغال يبوز فى قفايا ده برده ايبقى قفا رئيس الوزراء .
وعامة كل اللى نفسه فى حاجة يقولها قبل ما اقعد على الكرسى وانساكم وانسى اليوم اللى شفتكم فيه.



وقبل معلق يافطة على باب مصر مكتوب عليها


ويجعله عامر ...
la

هناك 26 تعليقًا:

صوت من مصر يقول...

ممكن ادعم الحشيش عشان الناس تنسى انى بسرق

انين الحزن يقول...

ربنا يخليك لينا ياسعاده الوزير

انا بقه نفسي مرتبي يزيد بس

وعايزة كارت بعشره جنيه ممكن

بس

طب حولي 5 جنيه
سلاموووووووووز بقه
وزة

مدحت محمد يقول...

لو لو لو لو
كل ده لو
بالله عليك يااخى لو بقيت رئيس وزرا متنساش اخوك بشغلانة
ههههههههههه
تحياتى

Desert cat يقول...

كان كل واحد من الوزراء فى يوم من الايام فى مكانك وبيقولوا نفس الكلام اعتقد اصل مصر متعودة تتسرق من سبعتلاف سنة ولما قعدوا على الكراسى نسيو
مش مهم تنسى الشعب الغلبان الاهم انك متنساش صحابك
اللى انا مش منهم لانى بحب اعيش عيشة الشعب
تحياتى

فرنسا هانم يقول...

من اولها يا ريس هتنسانا وتنسى اليوم اللى شفتنا فيه
انا معاك انك تحقق احلام الناس
وزه ولماضه
لكن الرايق
كلا والف كلا
ده لو عرف انك هتبقى رئيس الوزراء
هيلزقلق هنا على باب المدونه
وانا ارفع شعار
الا الرايق

د/اجدع بنوته يقول...

ياعينى عليك ياخالد

اهو كده الؤساء والا فلااااا

المصيبه ان اى حد مننا لو بقى منصب هيعمل كده

اومال الفسااااد بيجى م فين اول مبيمسكوا مناصب

مره دكتور رئيس قسم قلهالى كلمه حكم

المنصب بيخدع .. والسلطه بتعمى

تحياتى

Empress appy يقول...

عاااااااااااااااا وانا وانا منكن ابقى معاك
هههههههههه
بجد والله امانيك تحفه وتجنن يا رب يبقى عندهم زمه ويجى حد يعمل ده يا رب
واحلى حاجه انك هتغير الحلاق ههههههههههههه

ويكا يقول...

ياعم خالد قصدي يانظيف
هو انت لما تكون وزير حتى مش رئيس وزرة
هتسأل في حد أصلا انت كده عامل زي هات العطر ياولد
ارجو ان تحقق امانيك بس متنساش تخليني مدير مكتبك هههههههه
تحياتي

غير معرف يقول...

تصفيق حاااااااااااد
جدع يا خالد
بجد بوست فى الجون
تحياتى ليك
اختك خيخة

همس الاحباب يقول...

صوت من مصر
تحت امرك يا اخى هى جاءت الحشيش
اللى خلى العيش شاله الدعم منه
بس فكرة دعم الحشيش خلى الناس تنسى انها فى مصر
تحياتى

همس الاحباب يقول...

العزيزة وزة
غالى والطلب رخيص
طلباتك اوامر يا اختى
ياااااااه 5 جنيه بحالهم
انتى قنوعة قوى
تحياتى ليكى يا وزة

همس الاحباب يقول...

الاخ مدحت
لو لو لو بقيت مش انساك
ولو نسيت ما تزعلش
اصل الكرسى بيعمل زهايمر
تحياتى ليك

همس الاحباب يقول...

العزيزة الغالية قطة الصحراء
طبعا انا سعيد برايك فيه
وثقتك فى شخصى المتواضع
وانى ممكن ابقى زى اللى سبقونى وممكن انيل
ومتخافيش انا من الشعب وافضل طول عمرى من الشعب ومش انسى صحابى طبعا ولا انسى حضرتك لانك من اعز اصحابى
تحياتى ليكى يا قطة

همس الاحباب يقول...

خالتو فرنسا
لا ما تخافيش يا خالتو انتى بالذات لا مش انساكى واحقق كل طلبات الاخوة والاخوات
وخصوصا الررررايق ده برده ايعزمنا فى الاستاد يا فرنسا وانا عمرى ما رحت الاستاداهو اخونا برده .
تحياتى وسعيد بتشريفك دائما ليه

همس الاحباب يقول...

د/ اجدع بنوته
اهلا بيكى لا ما تخافيش انا اطبق الجزء الاول واسيب التانى
طب انتى شوفتينى قعدت على الكرسى
ده كان حلم وعدى يا اختى
ويا رب يكرمكويكرمنا بحاكم عادل
ويولى خيارنا لا شرارنا
تحياتى

همس الاحباب يقول...

الغالية قوى آبى
منور يا باشا
انا طبعا اعينك وزير معايا
وانا اقدر استغنى عن دماغك وقللك وخرفانك .
اهو لازم اغيره طبعا اسيبه يبوز قفايا تانى
تحياتى ومنورة دائما

همس الاحباب يقول...

ويكا
انا اول قرار اخده بعد التعيين
انى اعدمك رميا بالرصاص فى ميدان عام
مش كفايه مزهقنى فى الشغل ياانتيخ
كمان اعينك مدير مكتبى
انسى يا عمرو خلى الجدى ينفعك ..
تحياتى

همس الاحباب يقول...

اختى خيخة
تحياتى ليكى وشكرا على التصفيق
وعايز شريف يصفق كمان
هههههههههه
تحياتى يا خوخه

عبده الرايق يقول...

اخوانا العزيز همس الاحباب
يا هلا يا هلا
رئيس وزراء قد الدنيا
وسع يابنى انت وهو
هات الكرسى يا ولد
اتفضل ياباشا
منور يابيه
خلى عنك الشنط التقيله دى
ميصحش
وناسبنا الحكومه وبقينا حبايب
حبايب قرايب
مبرووووووووووووووووك علينا كلنا

همس الاحباب يقول...

حبيب قلبى عبده باشا
هههههه
منور يا باشا
انت عارف انا رضيت بالكرسى ده علشان خاطرك
وخاطر الكادر بتاع وعلشان عزومة الاستاد مش اكتر يعنى مش طمعان فى الكرسى يا اخى .
هههه
تحياتى ليك

مجداوية يقول...

يعنى مجرد التخيل بس بعتنا وبعت المدونين اومال لو اتحقق حتولع فينا صح ههههههه أضحك الله سنك أخى الكريم بس أنا شايفة الصورة تمام والحلاقة الله ينور ولا انت كان شعرك زى خالد سليم وطيرهولك ؟؟الله يكون فى عون أى رئيس وزراء لمصر لأن هذا المنصب بلاء بيحل على انسان قد يكون (طويلا و نظيفا) ومش حالق عند بولو ,وربنا يكفيك شره

المـــفـــــــقــــــــوعـــــة مــرارتـهــا يقول...

اوعي تنساني انا كمان وتسفرلي حماتي لبنان تمنجه نفسها هناك
بس ابقي قولها ان فوفو هي اللي موصية عليكي عشان تسافري تحجي

Unknown يقول...

طب بعد كل الاجابات دى بأه يا ريتك تبقى فعلا وزير

كل سنة و انت طيب :)

همس الاحباب يقول...

.1007الاخت / مجداوية
منورة المدونة يا اختى
لا ما تخافيش ده كله مجرد احلام يقظة
ربنا يعافينا مما ابتلى به كثير من خلقه
ويكفينا المناصب التى تطغى وتفسد
تحياتى ليكى ..
خالد

همس الاحباب يقول...

الاخت / الفقوعة مرارتها
لا طبعا متخافيش انا اخليها تحج فى لبنان وقبرص كمان
بس خايف الوصية بتاعتك تيجى معاها بالعكس وتفقع مرارتك اكتر ههههههههه
تحياتى ليكى ولحماتك كمان
خالد

همس الاحباب يقول...

العزيزة / عاليا حليم
كل سنة وحضرتك طيبة
وكل ام بخير وسعادة
شكرا ليكى طبعا بس ربنا يكفينا شرور انفسنا وشر الكراسى .
تحياتى خالد