15 مايو 2010

استكمالا لاعمال الخير + لقاء اسكندرية+ تحديث

 استكمالا لمشروع الصدقة الجارية 
الخبير الاجنبى والفريق الطبى المعاون له سوف يصل فى الثالث من يونيو القادم لاجراء عشرة عمليات غلق الثقب بين الاذين والبطين فى القلب بمستشفى ابو الريش للاطفال 
وقد تم مخاطبة جهات خيرية وبرامج تليفزيونية عديدة للمساهمة فى تكاليف العمليات العشر المزمع اجرائها 
لذا نناشد اهل الخير للمساهمة ولو بجزء بسيط فى تلك العمليات  فالمستشفى فى حاجة ماسة لشراء  جهاز غلق الثقب بين الاذنين بالقلب 
اسم الجهاز OCCLUTECH
وثمن الجهاز حوالى عشرة الاف جنيه  وسوف يستخدم بواسطة خبير اجنبى لاجراء عشرة عمليات مجانا لعشرة اطفالتبلغ تكلفة العملية الواحدة حوالى عشرة الاف جنيه اى باجمالى تكلفة 100000 جم ( مائة الف جنيه لاغير ) وسوف يتم اجراء العمليات مجانا
لراغبى التبرع يمكنهم التبرع بمكتب ا. د/ رشا عمار نائب مدير مستشفى ابو الريش للاطفال او ارسالها للاخت العزيزة بت خيخة او لى شخصيا وسوف يتم تسليمها لادارة المستشفى للمساهمة فى المشروع الخيرى .
وما زال التنسيق مستمر مع ادارة المستشفى لمعرفة اخر التطورات والمستجدات ومن المزمع عقد لقاء مع ادارة المستشفى وبعد الهيئات الخيرية قبل حضور الخبير الاجنبى والفريق المعاون له باسبوع  لتقييم حجم التبرعات ومعرفة الخطة المستقبلية فى ضوء حجم التبرعات المتاحة 
( ملحوظة ما وصلنى من تبرعات حتى الان مبلغ 1250 جم من عدد 2 من اهل الخير جزاءهم الله خيرا )

**************
************
تحديث هام
فيه واحد محتاج مساعدتكوا ياجماعة وهو ظهر فى حلقة الاربعاء 12/5 /2010 - من برنامج صبايا ومحتاج زراعة كبد وهو العائل الوحيد لاسرتة وامة المصابة بالجلطة ولدية اطفال وهو المسئول الوحيد عنهم بعد ربنا ... واخواتة متوفيين وهو المسئول عن امة المصابة بالجلطة ومحتاج زراعة كبد فى الصين لانة يعانى من تليف كامل ولا يستطيع الاكل او النوم حتى باليل ... واطفالة مساكين بيعانوا وبيعيطوا جنبة .. ومحتاج اى ايد تمتد لة بأى مساعدة ياجماعة الله يكرمكوا علشان الوقت مش فى صالحة .. فحاولوا تفرجوا عنة كربتة حتى يفرج الله عنكم ان شاء الله كربكم اللهم امين والمسلمين وانشر او اتبرع وشارك فى الخير كما قال رسولنا العظيم ومعلم البشرية جمعاء فى حديثة هذا :-أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره فقال إن الدال على الخير كفاعله =
وعنوان البنك للتبرع :-
المؤسسة العامة للتكافل الاجتماعى
رقم حساب :- 122/1/32336
بنك مصر
ومن خارج مصر
s.code :-bmiseg / cx140
 
****************
*************
لقاء الاسكندرية القادم باذن الله تعالى 
يوم السبت الموافق 29-5-2010 
وسنوافيكم بكافة التفاصيل لاحقا

هناك 11 تعليقًا:

حنين القلب يقول...

اول تعليق

هروح اقرى وراجعه

حنين القلب يقول...

ربنا يقدرك على فعل الخير دايما

واحنا مستنين يوم اسكندريه بفارغ الصبر والحمد لله انكم اخيرا حددتم ميعاد

بلاش انت تيجى والنبى
ههههههههههههههههه

صفــــاء يقول...

والله يا خالد انت مجهودك دة وسعيك فى مواضيع بالصعوبه والمسؤليه دى لا يقدر بقيمه

ربنا يوفقك لكل الخير

دندنة قيثارة الوجد يقول...

بارك الله فيكم وسهل خطاكم لعمل الخير .. آمين

عاشقه الرومانسيه يقول...

هتنوروا اسكندريه ياخالد
ربنا يعينك على فعل الخير يااااااااارب

جنّي يقول...

السلام عليكم

الدال على الخير كفاعله واظنك تفعل الخير وتدل عليه ايضا ..

تقبل الله منكم واثابكم الجنة ..

تحيتي

فاتيما يقول...

صباح الخير علي الجميع

يا جماااااااعة
أنا بعتذرلكم بشدة
لأن حد ابن حلال
دخل مدونتى
و بعت لينكات
و نشر بوست بشع عليها
و أذى مشاعركم
و عيونكم


انا شيلت الحاجات
دى خلاص

و حطيت بوست جديد
عشان اشرح فيه اللى حصل
بس مش راضى يطلع ف الريدر


معرفش ليه؟؟


المدونة شكلها
فيها مشاكل فنية


انا غيرت الباس ورد القديمة
لأنها كانت سهلة
و غالبا ابن الحلال خمنها
و تخمينها نجح
أخويا عملى باسورد
جديدة معقدة
و عالله اللى دخل دا
ميعرفهاش هيا روخرا


و أختكم بخير
متقلقوش
ماما بس جالها حالة هلع
و عشان كدا
مش هفتح المدونة تانى
الا لما أعرف اصلح اللخبطات دى


الناس اللى إتبعتلها لينكات منى فيها سخافات
معلش .. بجد معلش


و عاوزة أشكر خيخة جدااااا
و علا صيدلانية طالعة نازلة
و بطوط حبوب و خالد همس
و د.ستيتة و وندا
و كل حد نبهنى و كلف خاطره يتصل
من الساعة اربعة الفجر
لحد كتابة التعليق دا

منحرمشى منكو

وأسفة للمرة التانية

richardCatheart يقول...

ان شاء الله تنور اسكندريه يا خالد ياجدع

وربنا يقدر الجميع ويكون يوم طيب يا رب

Asmaa mahaba يقول...

ربنا يقدركم على فعل الخير يا رب انا نفسى انزل معاكم والله بس مش عارفه خالص ياله ربنا يسهل بقى

richardCatheart يقول...

http://richardcatheart.blogspot.com/

عايزين تفاصيل لقاء اسكندريه يا خالد

ان شاء الله


وربنا يعنا يارب

الازهرى يقول...

بصراحة بأحسدكم جدا جدا جدا

المشكلة إنى لسه راجع من السفر العصر يعنى علشان أقول لأمى بعد كل الغياب ده إنى أسافر تانى تقتلنى فورا

ربنا يجعل اليوم سعيد للجميع