31 مايو، 2010

لقاء عروس البحر - حديث الصور

تحديث 
بوست محتاج مشاركتكم جميعا عند بت خيخة واى كلام هنا 
**********
******* 
احيانا تمر على انسان لحظات يصبح فيها عاجزا عن التعبير عما داخله بالرغم من حالة النشوة والفرحة التى يعيشها ولا تطاوعه انامله لكى يصف تلك اللحظات النادرة ،ربما لان الفرحة جميلة بطريقة لا توصف وربما لان الفرحة كانت درب من الخيال وربما لان الفرحة ارتسمت على الشفاه وفى العيون فكان من الصعب التعبير عن فرحة العيون بكلمات صماء . لذا كانت الصور فى هذا البوست ابلغ من اى كلام فاخترت ان يقتصر البوست على بعض الصور من لقاء اسكندرية ربما عبرت اكثر منى عن جمال وروعة اللقاء الذى فاق الخيال فى روعته .
بداية الرحلة جولة سريعة داخل القلعة
برج القلعة من الداخل على هيئة مئذنة اعلى مسجد القلعة
احد ايوانات القلعة الاربعة على نمط المذاهب الاربعة
ارضية مسجد القلعة تحفة معمارية
صورة من الخارج للقلعة اثناء المغادرة
صورة البحر من اعلى القلعة
صورة من جانب القلعة لجمال البحر
تورت بمناسبة عيد ميلاد فاتيما  من مفاجات عاشقة الرومانسية ونانو هانم القدر... وانا

اشعلوا الشموع
لحظات تقطيع التورتة
وليد الدوغرى خلص على كل الاطباق مع انه اخر واحد وصل
ضياء ناوى يشترى الاتوبيس بدورين ويسكن فى الدور الارضى
اثناء التحرك لركوب المركب فى البحر
البحر من فوق سطح المركب

صورة بعيدة لمكتبة الاسكندرية اثناء الرحلة البحرية
عمر باشا منشكح بالرحلة داخل المركب 


شريف باشا ومصطفى ريان بص هنا يا مصطفى
اول مرة اشوف صورة مضلمة بالنهار كده تسلم ايديك يا مصطفى فنان من يومك
اليخت ده بتاعى

ناس بتبلط فى الميه وناس غرقانة فى شبر ميه

واقروا الفاتحة لابو العباس اسكندرية يا جدع ناس 

شكرا لكل من شرفنا بالحضور واضفى على جماله روعة وبهجة 
شكرا لاهل اسكندرية المارية طيبتهم وجدعنتهم 
شكرا لكرم الضيافة والجدعنة
شكر خاص لاهل اسكندرية  دودو وحنين القلب وعمر باشا ووشكر خاص لحنان على تعبها معانا ربنا يقومها بالسلامة وتشرفنا ومعاها رودينا 
شكر خاص جدا للاسرة الرائعة حقا استاذ محمد وريتشارد قلب القطة وابنهم مروان وميرهان شكرا جزيلا .
شكرا نانو هانم القدر وانا وبنتها واشرف ابنها شكرا  نبض اسكندرية وماى كورنر وبدراوى وهبة 
شكرا حنان الشافعى وانجى هات من الاخر والرائعة مى رحيق الورد وزهراء 
شكرا لاجمل صحبة سفر فاتيما . ضياء . شريف باشا . مصطفى ريان . وليد الدوغرى 
شكرا لكل من اهتم واتصل للاطمئنان علينا دكتور ة علا - دكتور ستيته - كيارا - ميرا - ندى الياسمين 
تفاصيل اللقاء بعيون اخرى 
يوم جميل وصحبة اجمل .. وليد الدوغرى
حضن الاحبة ... روح قلب ماما
صايع بحر ... قلب القطة

*************************************

تهنئة قلبية بمناسبة عيد ميلاد دكتورة علا صيدلانية طالعة نازلة 
كل سنة وانتى طيبة 
وعقبال مليون سنة الا يوم علشان الحسد يا دكتورة 
ربنا يسعدك ويكرمك فى سيف وشادن وتشوفيهم احسن ابناء فى الدنيا

هناك 22 تعليقًا:

كيــــــــــــارا يقول...

اوووووووول تعليق

كيــــــــــــارا يقول...

عااااااااااااااااا

بتغظنا يعني عاااااااااااا


مبسوطة ان اليوم عجبكم

وكل سنة وانتي طيبة يالولتىىىىى

لـــولا وزهـــراء يقول...

استاذ خالد

عن جد كان نفسى انى اكون معاكم من اول اليوم
فرحانه بانى تشرفت بحد مثل حضرتك
ان شاء الله تتكرر اللقاءات لمرات ومرات وسوف احاول جاهده انى اكون معاكم فى كل لقاء
مهما قولت عن جمال وروعة اليوم لن اوصفه يكفى اننى تعرفت بناس اغلى من الماس

تشرفت بسلامى ولحظات كلامى مع حضرتك

زهــــــــراء

richardCatheart يقول...

ههههههههههههه ايه الصور الجميل دا ياخالد جنان والله تسلم ايدك
اليوم كان ولا اروع على راى كابتن شوشو
لغايه دلوقتى بنتكلم عليه وعليكم
وسعادتنا بيكم الحمد لله انه عدى على خير ورجعتو بالف سلامه
ويارت قبل الصيف مايخلص تتكرر فرصه للناس اللى ماجاتش تيجى وتبقى الصحبه اكبر واللمه اكبر والله هو اكبر ههههههههههه
ماتتصورش رد فعل الحج والولاد
وباعتلك سلام مخصوص والله ليك ولاسرتك وان شاء الله المره الجايه نشوفهم
تحياتى ليك وكل تقديرى ياخالد
ربنا يديم المعروف

همس الاحباب يقول...

كيارا
مبروك عليكى اول تعليق بس خلى بالك حنين ممكن تعضك
بصراحة اه بغيظكم
ربنا يكرمك ويسعدك وتكونى معانا فى لقاءات اروع
تحياتى

همس الاحباب يقول...

لولاوزهراء
افتقدنا وجودك من اول يوم بصراحة
ان شاء الله تتعوض فى المرات الجااااية باذن الله
احنا اللى تشرفنا بوجود وبمعرفتك لانك شخصية اخلاق جدا وتستاهلى كل خير ربنا يسعدك ويوفقك دوما
سعيد بتواصل حضرتك
تحياتى

همس الاحباب يقول...

قلب القطة
مارو هانم
الحمد لله ان اليوم عجبكم وكان عند حسن ظننا جميعا انما الاعمال بالنيات
شكرا لحضرتك تعبك وكرم الضيافة اللى غرقتونا بيه وشكرا على الفسحة الجميلة
وان شاء نوعدك بمرة تانية ان شاء الله قبل دخول المدارس وتكون اللمة اكبر والصحبة اروع
سلامى للحاج سلام خاص جدا جدا لانه من الشخصيات الاكثر من رائعة ولم يسعدنا الحظ لمقابلته قبل المغادرة
وسلام خاص للاخلاق والادب والهدوء ميرهان ومروان ربنا يحرسهم ويكرمهم يا رب
ان شاء الله نلتقى دائما على خير
تحياتى وتقديرى لحضرتك وللاسرة الكريمة

Lyssandra يقول...

مساء الخيرات :)

كان نفسي أكون معاكم بجد
بس ان شاء الله تتعوّض عندنا بقي :)

الصور حلوة أوي :)

سلام

Lyssa

♥♥ شذا ♥ الروح ♥♥ يقول...

بتمنالكم السعاده من كل قلبى

صيدلانيه طالعه نازله يقول...

اولا انا حاقده جدا عليكم
بس و الله مبسوطه اكتر انكم انبسطتوا و فرحتوا
و قضيتوا وقت حلو

ميرسى للتهنئه يا خالد و دايما جدع و صاحب واجب
كل سنه و انا معاكم ووسطكم و فرحانه معاكم

مهندس مصري يقول...

صور جميلة
متجمعين و فرحانين دايماً يارب

فاتيما يقول...

ماشى ماشى

يعنى سيبتولى الكلاااام أدش انا
و انتا حطيت الصور
و خلعتوا ...


طوااايب

و ايه يا عم الفضايح دى
لازم تحطوا صورة التورت يعنى و تسيحولنااا
انا متشكرة جداااا يا خالود
بجد
هحتفظ بيهم و ابقى افرجهم للواد يسوفة لما يرجع ان شاء الله عشان يعرف امه بتتدلع ازاااى

البتاعة اللى عليها اسمى دى انا كلتها و انا بكتب البوست
عشان تدينى دفعة كوية لتكملة المشوار

انا قعدت اكتب ف البوست دا اربع ساعات و النبى ى ى ى ى

المرة الجاية منروحش حتت كتير
عشان احوليت انا


ربنا يخليكم ليا يا رب
انتا مش محتاج اقولك بقى
كل مرة هقول انتا اخويا
و ربنا يخليك لينا و النوظام دا
بينما سيادتك غنى
عن اى كلام و وصف
يا أغلى اخ
و كتبونا ع البطاقة
و خلصونا


لأ مش العائلية



بطاقة التموين يا جدع
هعمل ايه بالعائلية ؟؟


خلينا ف التموين
عشان ارجع لأمى بإزازتين زيت
و كيس سكر
بدل الورد و الهدايااااا

كل سفرية و انتا اولنا و سندنا
و سلامى لهموسة و شابى و امهم

عاشقه الرومانسيه يقول...

انا اللى باشكرك من كل قلبى ياخالد وطبعا انت فاهم السبب

تحياتى

حنين القلب يقول...

ايه ده
ازاى مش حد صورك وانت عمال تعيط فى المراجيح وتقول حد ينزلنىىىىىىىىىىىىىىىىىىىىىىىىىىىى
هههههههههههههههههههههههه

بجد يا خالد
اليوم كان روعه
واجمل ما فيه انتم
والله بجد
اسكندريه وانتم منورينا حاجه تانى
كان لكل حاجه طعم تانى
تحس ان البحر جماله زاد والشمس نورت اكتر والدنيا ليها طعم تانى
نورتونا ويا ريت تتكرر تانى قريب يا خالود

حنين القلب يقول...

الا قولى يا خالد

ايه حكايتك مع الكبده الاسكندرانى
كل ما تيجى مش بتاكل غيرها
وعمال تخطف منى السندوتش بتاعى اللى مارو اديته ليه
ليه الطفاااااااااسه دى منتا واخد انت كمان

ايووووووووووووووووووووه يا جدعان

اقول فيك ايه يا خليل
هههههههههههههههههههههههههههههه

القدر و انا يقول...

يا خالد يا اطيب قلب
اسكندرية نورت بيك وبالصحبة الحلوة معاك
ويارب دايما تكرروها
كل سنة وانت طيبة يا على وعقبال احلى الايام تعيشيها فى هنا وسرور انت وكل احبابك

القدر و انا يقول...
أزال المؤلف هذا التعليق.
ahmed_k يقول...

حمدالله على السلامه انت وكل اللي كانوا معاك في تلك الرحلة الرائعه
والصور فعلا ولا اجمل تعبير كتابي عن تلك الرحلة الجميله
وكل رحله وانتم بألف خير
وكل سنه ودكتوره علا بخير
وعقبال مية سنه واكثر

mostafa rayan يقول...

باشا
والله كان يوم حلو بيكم وباهل اسكندرية اللي شالونا جوة عنيهم
بالنسبة للصورة هودة الجديد اطلعلك الضلمة في النهار الاختلاف والتميز هو شعارنا يا باشا
هههههههه
تياتى لك يا خالد ويارب دايما بخير

أم الخلود يقول...

صور تاريخية رائععة وكل سنة وانتم بخير

فشكووول يقول...

السلام عليكم
كل سنه وانت طيب يا خالد
بس اللقاء جه فى السر وما حدش كتير خد باله
ان شاء الله متجمعين فى الخير
تحياتى

كيكى عوووووو يقول...

عندك واحد جوافه حمضانه وصلحواااا
*************
عارف اكتر حاجه عجبانى فى البوست
صورتك ايه ده ياعم
ايه الجمااااال ده بس
فناااااااان يامصطفى والله
عووووووو