3 أبريل 2010

تفاصيل الصدقة الجارية

 عودة من جديد واستكمالا لموضوع  الصدقة الجارية فى البوست السابق 
وتيسيرا على القراء الجدد نبذة مختصرة عن موضوع الصدقة الجارية
 عبارة عن مساهمة فى  شراء جهاز طبى ( مونيتور ) لخدمة الاطفال المرضى بمستشفى ابو الريش الجامعى 
الجهاز تكلفته 15000 جم ( خمسة عشر الف جنيه ) تم توفير مبلغ خمسة الاف جنيه حتى الان من ثمن الجهاز 
خطة العمل المقترحة : 
الاعلان  عن مشروع الصدقة فى بعض المدونات الصديقة بالاضافة الى كل المدونات كل حسب رغبته
-  التبرع اختيارى وكل حسب امكانياته حتى لو مبلغ  التبرع جنيه واحد  .
التبرع هيكون باحدى الطرق الاتية 
-عن طريق حوالة على بنك مصر- فرع الاورمان او اى فرع من فروع بنك مصر  ( البيانات المطلوبة هنا
- عن طريق الاتصال على الارقام الاتية 
 مدام نوران بت خيخة 
0180004374
خالد همس الاحباب 
 0101345140
- اوالتبرع يوم الجمعة الموافق 9 إبريل بمستشفى ابوالريش الجامعى ( مكان التجمع ) 
--------------
تفاصيل اللقاء 
========
- التجمع هيبدا من الساعة الحادية عشر صباحا وحتى الثالثة بعد الظهر لتجميع مبالغ التبرع وتسليمها للمسئول بالمستشفى 
- زيارة بعض الاطفال المرضى وتقديم بعض الحلوى والهدايا البسيطة التى تناسب الاطفال لمن يرغب فى ذلك من المدونين 
- امكانية التبرع بالدم فى المستشفى وذلك بناء على اقتراح فاتيما (روح قلب ماما) 
- اى واحد عنده فكرة او اقتراح جيد ومفيد للاطفال وللمستشفى ممكن تنفيذه 
- ان شاء الله بعد انتهاء التبرع سيكون هناك تجمع فى احد الاندية او الاماكن القريبة لمن يرغب فى التواجد معنا 
***********
كيفية الوصول الى مكان المستشفى اليابانى للاطفال بالمنيرة ( ابوالريش الجامعى ) 
عن طريق المترو اقرب محطة  مترو هى محطة السيدة زينب
بالنسبة اللى هيجىء بعربيته او اى مواصلة اخرى يسال عن القصر العينى الفرنساوى المستشفى قدامه على طول
 هناك بعض التبرعات تم استلامها بحوالات بنكية
(رجاء خاص لمن يرسل حوالة ارسال رسالة على الموبيل لاخبارى بمبلغها اورقمها) 

هناك 22 تعليقًا:

حنين القلب يقول...

اوووووووووووول تعليق

الحمد لله رجعت مكانى تانى

اروح اقرى وارجع

حنين القلب يقول...

ربنا يقدرك على فعل الخير يا خالود
ويجعل اليوم ده فى ميزان حسناتكم

حنين القلب يقول...

خاااااااااااااااااالود

انت جيت من الصعيد صح ؟

فين السمن البلدى والفطير المشلتت والجاموسة الحامل فى عجل صغنون

ابعت الحاجات دى بسرعة ماشى يا بخيل

فاتيما يقول...

ربنا يكرمك يا خالد على قدر شهامتك و جدعنتك دى

و امتنى من الله ان الكل يحاول يشارك و لو بأى مبلغ بسيط و هيفرق و الله بس هما ينوا و النية لله

و اللى معندوش امكانية مادية ممكن يتبرع بالدم

و اللى ظروفه الصحية لن تسمح بالتبرع بالدم ييجى ياخد بحس اخواته و يقف معانا ف الخير برضو

ربنا يبارك ف اليوم إن شاء الله

تحياتى ليك يا اغلى اخ

غير معرف يقول...

كده ياخالد سلام علي الماشي كدا اكني كنت معاك امبارح
ومع ذلك انا اجدع منك انا اللي بسئل عليك انت واحشني بجد جامد اوي والله وبطه وفرنسا ونيجرو وخيخه وابي وعبده الرايق علي العموم انا اكيد ناسيه ناس كتير انت عارفهم كلهم سلم عليهم بقه ياخالد

عمرو جويلى يقول...

السلام عليكم
بارك الله فيكم
وجعله فى ميزان حسناتكم
ويشرفنى أن أنشر هذا البوست
فى مدونتى غداً بمشيئة الله تعالى
خالص تقديرى

غير معرف يقول...

ربنا يقويك على فعل الخير

همس الاحباب يقول...

حنين القلب
الحمد لله نورتى المدونة وحمدلله على سلامتك يا ام عمر

همس الاحباب يقول...

حنين القلب
جزاكى الله خيرا
وجعله فى ميزان حسناتك بمشاركتك الكريمة
تحياتى

همس الاحباب يقول...

حنين القلب
امممممممم
كده جينا للكلام اللى يزعل ويخلينا نقفل الزريبة اللى انتى فتحتيها فى المدونة ونرش ميه وديتول كمااااان
سمن وفطير ماشى
اما جاموسة وحامل فى عجل صغنون
طب لو طلعت عجلة هيبقى ايه الحل
وده كله ليه هتعملى عقيقة لعمر تانى ولا ايه

همس الاحباب يقول...

فاتيما
جزاكى الله خيرا
وجعل كل اعمالك خالصة لوجه الله تعالى
وانا اتمنى المشاركة من الجميع
وان شاء الله اليوم يكون عند حسن ظننا جميعا
تحياتى

همس الاحباب يقول...

غير معرف
ههههههههههه
اسف جدا والله غصب عنى
وبعدين انت كل يوم تغير تليفونك
ومش عارف اكلمك على انهو نمرة
المهم انت اخبارك ايه
واخبار الناس اللى عندك
يارب يطمنا عليك دائما
وفى انتظار ميسد كوول منك
او كلمنى شكرا
تحياتى

همس الاحباب يقول...

عمروجويلى
جزاك الله خيرا
وشكرا على مشاركتك الفعالة
جعل الله هذا فى ميزان حسناتك
تحياتى وتقديرى

همس الاحباب يقول...

حنين
الله امين
جزاكى الله خيرا
تحياتى

ahmed_k يقول...

وفقكم الله يا خالد أنت وكل فريق العمل لما فيه الخير
وسأقوم بعد اذنكم بنشر الدعوه عندي

أمل حمدي يقول...

جزاكم الله كل الخير وجعله في ميزان كل القائمين عليه والمشاركين فيه

تقديري

نور الدين (محمد الجيزاوى) يقول...

السلام عليكم
يارب يكرمكم ياخالد انت وكل القائمين على العمل ويجعله فى ميزان حسناتكم
انت فعلا ياخالد انسان عظيم ولا ازكيك على الله
اتمنى ان شاء الله الامر ينجح على اكمل وجه
تحياتى لك ياصديقى واخى الكريم
..
نورالدين

سمع هوص (Abo 3li) يقول...

بتهيألي لو المعاد قبل صلاة الجمعة بوقت كافي هيبقي افضل... او بعد صلاة الجمعة...


مجرد اقتراح... جزاك الله خيرا

Remas يقول...

استاذ خالد ازيك

كل سنة وانت طيب

ربنا يجعله في ميزان حسناتكم يارب ويجعلكم دايما سباقين للخير وداعيين اليه

ان شاء الله هحاول اكون موجودة اذا البرد سابنى في حالى

تحياتى لهمس وشابي ومامتهم وربنا يبارك لك فيهم يارب

صفــــاء يقول...

ربنا يقدرك على الخير يا خالد
ويكرمك

غير معرف يقول...

أنا عايزة أبعت حوالة من بره.. عشان الجهاز التاني. ايه رقم الحساب بالضبط و باسم مين عشان أقدر أحول؟
لو مش عايزينه على البلوج يا ريت يتبعت على الايميل ده

alien_purlo@live.com

شكرا،

همس الاحباب يقول...

غير معرف
جزاكى الله خيرا
والبيانات المطلوبة هتلاقيها هنا فى البلوج
https://www.blogger.com/comment.g?blogID=5199870259354452688&postID=7465907208193378431
وعامة انا بعت لحضرتك ميل بالبيانات
تحياتى