18 مارس، 2010

فلسفة اللقاءات - ومشروع الصدقة الجارية


هناك ظاهرة غريبة فى الوسط التدوينى انتشرت انتشار النار فى الهشيم بين مؤيد ومعارض لبعض اللقاءات الخيرية والتدوينية .
وان هناك سلبيات واخفاقات  كثيرة فى بعض اللقاءات نتج عنها خصومات ومشادات احيانا وهذا صحيح ولا استطيع ان أنكره ، والبعض الاخر من تلك اللقاءات عبارة عن تعارف ودردشة لا جدوى منها وهذا ايضا صحيح .
اما وجهة نظرى المتواضعة فانا دائما انظر الى النصف المملوء من الكوب واترك النصف الفارغ ،فنحن كمدونين فى الاساس بشر وننتمى الى مجتمع بشرى  به الكثير من العادات والتقاليد فيه اختلاف الرؤى وارد وايضا اختلاف فى العادات والتقاليد ، لذا لابد من التعامل مع الجميع بقدر عقولهم وبناء على تلك العادات والتقاليد نتمسك بالصالح والمفيد منها ونترك الطالح و الخبيث منها
لذلك فلسفتى فى تلك اللقاءات وخاصة الخيرية منها  تعتمد على اشياء بسيطة جدا منها 
- الفصل ما بين الاشخاص والافعال بمعنى اننى بشر وليست ملاك  وعيوبى اكثر من مميزاتى ولكننى شاركت فى عمل خير ماديا او معنويا فهذا من المنظور العام  شىء ايجابى حتى لو كان الهدف منه رياء او مصلحة ما لان العمل ظاهره خير وباطنه لا يعلمه الا الله سبحانه وتعالى والجزاء والحساب بيد الله سبحانه وتعالى .
ببساطة المشاركة والمساهمة فى عمل خير افادة للاخرين ومساعدة لمحتاج حتى لوكنت شخص بداخلى غير سليم 
- اللقاء التدوينى دائما ينقسم الى جزئين جزء خيرى والاخر ترفيهى وتبادل اراء ووجهات نظر او مناقشة بعض القضايا والامور العامة فكل منا حر فى المشاركة فى الجزء الذى يريده بشرط عدم الاساءة للاخرين .
- اللقاء الخيرى دعوة لمشاركة المدونين واسرهم ومشاركة من هم خارج عالم التدوين ايضا فى الاعمال الخيرية ومساعدة المحتاج وربما اعطاء الفرصة لاشخاص بداخلهم الخير ولكن  السبيل غير واضح امامهم .
- الفصل ما بين علاقتى الشخصية واختلافى فى الرأى وبين حضورى لاى عمل خيرى والمشاركة فيه وعدم  الارتباط بعمل الخير من اجل اسماء معينة تدعو لهذا الخير لان هدفى الاول والاخير هو المشاركة فى العمل الخيرى بغض النظرعن الاشخاص مع احترامى للجميع طبعا .
- ابتسامة على شفاه طفل او فرحة فى عيون محتاج لا تساويها الدنيا بما فيها 
- اللقاء بالنسبة لى لا يعنى كم التبرعات ولا عدد الحضور ولا نجاحه من عدمه بقدر ما يعنينى الاستمرارية والدوام على تلك الاعمال فقليل مستمر افضل عندى من كثير لا يتكرر .
- اللقاء احيانا يضم العشرات من الاشخاص ولكن فى النهاية هى ارواح كانها جنود مجندة من تعارف منها ائتلف ومن تناكر منها  اختلف
- استمرارية الخير والدعوة له دائما واجب على الجميع وغير مرتبط باشخاص فكلنا مأمرون بالدعوة الى الخير والتكافل فيما بيننا .
- من خلال هذه اللقاءات تم التعارف على شخصيات تدوينية اكثر من رائعة وربما  توطدت بيننا صداقات لانهم اناس هدفهم الخيرفقط بدون اغراض او مصالح شخصية ، لذا فلو كل لقاء تعرفت فيه على صديق واحد يعتبر فى حد ذاته مكسب عظيم.
هذه وجهة نظرى ببساطة ربما يختلف معى اشخاص ولهم منى كل الود والاحترام وربما يتفق البعض وتلك هى سنة الحياة .
الجزء الثانى والاهم من الموضوع ما حدثتنى عنه الاخت العزيزة الغائب الحاضر دائما فى اعمال الخير قوس قزح 

الموضوع ببساطة هو استكمالا لاعمال الخير السابقة تم طرح فكرة لعمل صدقة جارية ودعوة الجميع للمشاركة فيها 
الصدقة عبارة عن المساهمة فى شراء جهاز طبى ( مونيتور ) لخدمة الاطفال المرضى بمستشفى ابو الريش الجامعى 
الجهاز تكلفته 15000 جم ( خمسة عشر الف جنيه ) تم توفير مبلغ خمسة الاف جنيه حتى الان من ثمن الجهاز 
خطة العمل المقترحة : 
الاعلان  عن مشروع الصدقة فى بعض المدونات الصديقة بالاضافة الى كل المدونات كل حسب رغبته
-  التبرع اختيارى وكل حسب امكانياته حتى لو مبلغ  التبرع جنيه واحد  .
- طرق التبرع متنوعة  سواء كانت بحوالة او بالاستلام باليد او عمل لقاء خيرى بالمستشفى لزيارة المرضى وتسليم التبرعات النقدية للمسئول المستشفى  
واعتذر لعدم المتابعة خلال الاسبوع القادم نظرا لظروف السفر الى سوهاج 
وبعد العودة باذن الله سنوافيكم بكافة التفاصيل عن الصدقة الجارية 
ولا تنسوا بؤجة الخير فى مايو القادم ان شاء الله  يعنى جهزوا البؤج من الان 
جزاكم الله خيرا وجعله فى ميزان حسناتكم 
تحديث هاااام جدا 
===========
تم تاجيل السفر الى يوم الجمعة الموافق 26-3
بالنسبة للتبرع هيكون باحدى الطرق الاتية 
-عن طريق حوالة على  بنك مصر فرع الاورمان ( البيانات المطلوبة هنا
- عن طريق الاتصال على الارقام الاتية 
 مدام نوران بت خيخة 
0180004374
خالد همس الاحباب 
 0101345140
- او التبرع يوم اللقاء 9ابريل بمستشفى ابو الريش الجامعى 

بوستات بخصوص نفس الموضوع :
صدقة جارية على ارواحنا  

هناك 38 تعليقًا:

ahmed_k يقول...

بارك الله فيك يا خالد
واتفق معك في فلسفتك للقاءات الخيريه التدوينيه والتي تعد من أبرز الأنشطه للمدونين
فلكل مدون ثقافه خاصه وفكر خاص ولكنا تجمعنا تلك اللقاءات تحت مظلة واحده وهدف واحد
وربنا يعين في مشروع الصدقة الجاريه ويعلها عملا خالصا لوجهه الكريم
ويتقبل من القائمين عليه فكرهم ومجهودهم
خالص تحياتي

إبتسامة ملاك يقول...

كلامك جميل يا استاذ خالد
ربنا يبارك فيك يارب ويقدركم على فعل الخير

وجعلها الله بميزان حسانتككم

امين يارب العالمين

إبتسامة ملاك يقول...

وان شاء الله ترجع بالسلامه

جنّي يقول...

السلام عليكم

كيف حالك ابو همس

رأي سديد تماما .. بالرغم من عدم حضوري لاي من هذه اللقاءات الا اني اعرف ان البعض ينشغلون بتفاهات وسفاهات حسبما اقرأ في المدونات ..

ولكن من اراد ان يعمل الخير لا يلتفت لسفاسف الامور..

جزاكم الله خيرا على ما تقدمونه ..

لك كل التحية

Wanda يقول...

كلامك حلو فعلا
و ربنا يتقبل من الكل

بس قولى لو فيه حساب معين للتبرع اكتبوه
ممكن ده يسهل الخير اكثر

عمرو جويلى يقول...

السلام عليكم
أعتقد أنه لا أحد يختلف على هذه الفلسفة
ويجب علينا أن نضع فى إعتبارنا أن الخلاف
فى الرأى لا يفسد للود قضية
وبارك الله فيكم
فالدال على الخير كفاعله
خالص تقد
يرى

همس الاحباب يقول...

احمدk
جزاك الله خيرااخى الكريم وجعله فى ميزان حسناتك
========
ابتسامة ملاك
ربنا يكرمك ويسعدك ويجعله فى ميزان حسناتك انتى كمان
===========
ابتسامة ملاك
الله يسلم حضرتك
=========
جنى
عندك حق طبعا ومتفق معك جدا
جزاك الله خيرا
اخى الكريم
تحياتى
========
wanda
جزاكى الله خيرا
حاضر يا ست الكل هاكتبلك كل التفاصيل
=========
عمرو جويلى
جزاك الله خيرا
متفق معك تماما اخى الكريم
تحياتى

نور الدين يقول...

صديقى العزيز خالد
كلماتك تفيض رقة من صفاء نفسك فقد عرفتك صديقاً نقياً كريما تسعى للخير بغير حساب ولا نزكيك على الله
..
نعم يا عزيزى يجب أن يستمر الخير وتستمر قوافل الرحمة وما دام هناك من هو مثلك فلن يعدم المحتاجين مساعدا
كل تحياتى وتقديرى لك اخى العزيز

همس الاحباب يقول...

البيانات المطلوبة لارسال حوالة من اى مكان داخل او خارج مصر
اسم البنك: بنك مصر فرع الاورمان
الاسم رباعى : خالد عثمان هاشم بكر
رقم الموبيل : 0101345140
او الاتصال على نفس الرقم لاستلام المبلغ من المتبرع فى الاماكن القريبة من الدقى والهرم
او التبرع يوم اللقاء 9ابريل 2010 امام مستشفى ابو الريش الجامعى للاطفال

همس الاحباب يقول...

نور الدين
اخى الكريم
جزاك الله خيرا
شكرا لكلماتك الطيبة والتى اعتز بها جدا لانها من شخصر رائع مثلك
تحياتى وتقديرى لشخصك الكريم

حنين القلب يقول...

انااااااااااااا جه

اخيرا وبعد طول انتظار حنين القلب جت تنور المدونة

بجد يا خالود تسلم ايدك
وربما يقدركم على فعل الخير ويجعله فى ميزان حسناتكم

اما بالنسبه للسفر
تروح وترجع بالف مليون سلامه ومش تنسى الزيارة وبطل البخل ده بقى

شريهان يقول...

اسموحولى اتبرع معاكم واشاركم الحاجات الجميلة ديه ومنتظرة زيارتك عشان رايك يهمنى فى اول بوست تدوينى لى

esraa يقول...

ربنا يجازيكم خير علي الافكار دي يارب

mostafa rayan يقول...

ان شاء الله اكون معاكو وربنا يقدركو دائما على فعل الخير

mostafa rayan يقول...
أزال المؤلف هذا التعليق.
نهر الحب يقول...

طبعا يا خالد انا اتفق معاك جدا فى رأيك كما ان اللقاءات فيها فائدة العمل الخيرى وممكن للى كاره اللقاءات التدوينة التبرع والمضى دون البقاءاو الالتفات للقاءات بعدها عموما ما علينا
ربنا يقدركم على فعل الخير
وان شاء الله يجعله خالص لوجهه الكريم
حلو اوى الميعاد ان شاء الله ربنا يوفقكم

همس الاحباب يقول...

حنين القلب
انت جيت يا لمبى
هههههههههه
حمدلله على السلامة يا ام عمر
نورتى المدونة طبعا بوجود عمر طبعا مش نورك
اللهم امين
جزاكى الله خيرا
تحياتى

همس الاحباب يقول...

شريهان
اتفضلى طبعا اتبرعى وشاركى زى ما تحبى
جزاكى الله خيرا
علم وجارى التنفيذ
تحياتى

همس الاحباب يقول...

اسراء
جزاكى الله خيرا على تواصلك
وربنا يجعله فى ميزان حسناتكم
تحياتى

همس الاحباب يقول...

مصطفى ريان
ان شاء الله تنورنا طبعا
جزاك الله خيرا يا درش
انت دايما مشارك فى الخير
ربنا يجعله فى ميزان حسناتك
تحياتى

همس الاحباب يقول...

نهر الحب
الحمد لله انك متفقة
وطبعا عندك حق ومتفق مع رايك
ان شا ء الله تنورينا انتى واهل بور سعيد جزاكى الله خيرا
تحياتى

!!! عارفة ... مش عارف ليه يقول...

إن شاء الله

ربنا يوفقك للخير

دايماً يا خالد


وليد

كلمات من نور يقول...

ربي يكرمكم ويجعل كل أعمالكم خالصة لوجهه تعالى ويكتب لكم بها حسنات كثيرة متضاعفه بإذنه ...وفقكم الله لما يحب ويرضى...تحياتي

ماما أمولة يقول...

معاكم ان شاء الله

اللهم تقبل

سومه...مجنونه فى بلد عاقل يقول...

ربنا يهدى الاحوال وطبيعى الخلافات تحصل النفس ع النفس صعبه يا ابو همس
ربنا يقدركم ديما على فعل الخير وربنا معاكم يا رب

فاتيما يقول...

ازيك يا أبو هموسة و ببش

عامل ايه؟؟

انا بطمن بس عليك

ربنا يطمنى عليك دايما

تحياتى ليك

غير معرف يقول...

خالد وحشتني يارخم انا مش هااقولك انا مين

بس واحشني جامد والله
لو معرفتنيش هازعل منك اوووووي جامد يعني

همس الاحباب يقول...

وليد باشا
جزاك اله خيرا وجعله فى ميزان حسناتك
ودمت سباقا للخير
تحياتى لحضرتك

همس الاحباب يقول...

كلمات من نور
اللهم امين
جزاكى الله خيرا على دعواتك وكلماتك الطيبة
ولكى مثلها ان شاء الله
تحياتى

همس الاحباب يقول...

ماما امولة
ده شرف لينا وجودك بالطبع
فى انتظار حضرتك
جزاكى الله خيرا
تحياتى

همس الاحباب يقول...

سومه مجنونة فى بلد عاقل
اللهم امين
فى انتظار تشريفك ومشاركتك كما تعودنا منكى دائما
تحياتى

همس الاحباب يقول...

فاتيما
الف شكر ليكى يا ام يوسف
انا الحمد لله لسه راجع من السفر
انتى اخبارك ايه
يا رب تكونى بخير
تحياتى

همس الاحباب يقول...

غير معرف
اممممممممم
عروستى
هههههههههه
طالما انا رخم خليها رخامة برخامة
وهاقولك مش عرفتك
انت مييييين ؟؟؟؟؟!!!

غير معرف يقول...

معرفتنيش بجد طب انا زعلانه والله


بص يقه

انا اول حرف من اسمي و لو معرفتنيش المرة دي هاقولك انا مين وهابقي زعلانه

همس الاحباب يقول...

غير معرف
ههههههههههه
انت لسه عايش
اخبارك ايه واخبار منيع
والله انت كمان ليك وحشة كبيرة
نورت المدونة بجد

richardCatheart يقول...

صباح النور يا خالد
انا من اسكندريه وان شاء الله هارسل التبرع بالبينات اللى كتبتها هنا دى

على بنك مصر فرع الاورمان ان شاء الله

من اول الشهر الجديد

ربنا يكرمكم يارب وييسركم كل صعب ويفتحها فى وشكم

تقبل مرورى

همس الاحباب يقول...

richardCatheart
صباح الفل يا باشا
اسكندرية اجدع ناس طبعا
جزاك الله خيرا وجعله فى ميزان حسناتك
فى انتظار مشاركتك الكريمة
تحياتى وتقديرى

غير معرف يقول...

اقول كلام ثاني لبعض تعليقات الناس فوق تعليقي اللي يقولون نظام عبودية وكذا …. انا ما اطالب بهالأشيء كثير لأنني قليل الكلام لدي حكمة ف التدبر والذكاء ولله الحمد بس في نقطة لا تنسى كرامتك أهم شي عندك ذي الكرامة والحكم والقانون بالشريعه الأسلاميه والعين بالعين والسن بالسن والأنف بالأنف والجروح قصاص ……..الا الكرامة مما يتعلق بها من لفظ او رفع يد!!!!!!! فاذا كنت. تحسه أقوى منك فحسبنا الله ونعم. الوكيل في الظالم …….. وتذكر تلگ المقولة المشهورة …..متى أستعبدتم الناس وقد ولدتهم أمهم أحراراً….أسف ع الأطالة وبعض التجريح .… وشكراً