8 مارس 2010

رحلة البحث عن الأوهام


بسم الله الرحمن الرحيم
باذن الله تعالى سوف نستكمل ما بداته عن رحلة السفر الى سوهاج والتى تحدثت عنها فى هذا البوست وبناء على رغبة من الاخت wanda صاحبة مدونة سواحة فى الكون للتعرف على سوهاج اكثر نظرا لانها تنتمى لتلك المحافظة .
بادىء ذى بدء اعتذر عن التاخير وعدم المتابعة خلال الفترة الماضية نظرا لان الاحداث توالت بسرعة رهيبة  مابين سفريات متتالية وضغط عمل ومرحلة من الالم والمعاناة التى عانيتها فى الفترة الاخيرة بسبب  الظروف الصحية ولكن الحمد لله قدر الله وماشاء فعل .
ساتحدث عن بعض الصور التى لاحظتها فى رحلة الذهاب والعودة 
اولها : طريق الصعيد الصحراوى الشرقى  والذى يبدا جنوب حلوان وينتهى فى ساحل سليم باسيوط 

الطريق بالرغم من انه طريق حيوى وهام جدا ويخدم محافظات الصعيد والبحر الاحمر الا انه يعتبر طريق الموت نظرا لكثرة الحوادث ونزيف الاسفلت اليومى فالرقابة المرورية ضعيفة جدا ناهيك عن رعونة السائقين والحمولات الزائدة اضافة الى ان طريق عبارة عن عدد 2 حارة فقط لايفصل بينهم حتى حاجز بسيط مما  يتسبب فى التصادمات بالمواجهة نظرا لتخطى السيارات الحارة المخصصة لها والتصادم مع السيارة فى الا تجاه المقابل مما ينتج عنه كوارث يومية 
وحل المشكلة بسيط جدا ازوداج الطريق والفصل بين الاتجاهين  والتواجد الامنى والرقابة الصارمة على الحمولات الزائدة والسرعات الزائدة نظرا لكثرة سيارات النقل والمقطورات الملحقة بها .
طريق الصعيد الذى اصبح طريق الموت 
ثانيا : الاراضى الصحراوية المترامية الاطراف والتى من السهل الاستفادة منها واستصلاحها نظرا لقربها من النيل وسهولة الوصول لها بطرق المواصلات المختلفة وكذلك طبيعتها المستوية .
لماذا نترك تلك المساحات بدون استغلال سواء فى سيناء او الصعيد ونتكدس فى الوادى والدلتا !!؟؟
لماذا الاختناق والتوسع الراسى فى القاهرة وامكانية التوسع الافقى فى الصحراء متاح !!؟؟
لماذا نبيع اراضينا فى توشكى والساحل الشمالى للاجانب بملاليم وابناء الشعب محرومين حتى من محاولة الاقتراب !!؟؟
لماذا كل هذا الفساد والبيروقراطية فى بلدنا !!؟؟
لماذا نصرف عمولات ورشاوى اكثر مما نحتاجه لاصلاح الفساد ومحاربته !!؟؟
ثالثا : تدهور الانتاج الزراعى والقضاء على زراعات قومية وحيوية جدا 
حقول القمح 
مثل محصول القمح التى انخفضت المساحة المزروعة به بالرغم من اننا اصبحنا من  اكثر الدول المستوردة للقمح ( المسرطن طبعا )
واصبح المزارع فى الصعيد يزرع ما يحتاج له ولاهل بيته فقط  وهذا نابع من القصور فى التوجيه والارشاد الزراعى من جانب واستخدام انواع من التقاوى الرديئة وقليلة الانتاج احيانا  ناهيك عن قلة البرامج الارشادية الهامة للفلاح حتى القرموطى ترك سر الارض واتجه الى برامج التوك شو
محصول القطن المحصول الاستراتيجى الاول منذ عهد محمد على والذى يعد من اشهر الاقطان العالمية والمشهور بالذهب الابيض وطويل التيلة مع الاسف انقرض تماما فى الصعيد وتلك الصورة لا تكذب  فمن المفترض ان تلك المساحات كانت تزرع بالقطن لكن مع الاسف زرعت بنباتات اخرى لا قيمة لها وبسؤالى عن السبب اتضح الاتى :
 حقول من المفترض ان تزرع بالقطن 
- ان القطن اصبح محصول مكلف جدا ويحتاج ايدى عاملة كثيرة  منذ زراعته وحتى مرحلة الجنى ونظرا لهجرة ابناء الريف الى المدن والدول العربية اصبح محصول القطن غير مجزى ومكلف جدا
- الاهم من هذا ان التقاوى والبذور المتوفرة ضعيفة الانتاجية بل احيانا كثيرة فاسدة ولا تنتج قطنا بل حطب فقط وحتى الحطب لا يستخدم نظرا لاستخدام الفلاحين البوتجاز والتخلى عن الافران والمواقد البدائية التى يستخدم الحطب كوقود لها 
- اسعار المبيدات والاسمدة اصبحت نار وتلهب ظهورنا وتقطم الوسط .
 يا سبحان الله من سنوات كان موسم جنى القطن عيد لكل فلاح من بيع القطن يجهز اولاده وبناته للزواج ويسدد مديوناته الزراعية
كنا ونحن طلبة فى ابتدائى بيمنحونا اجازة مدرسية  خاصة للمشاركة فى جمع القطن اما الان فيمنحوهم اجازة بخصوص انفلونزا الخنازير .
طبعا هناك مؤامرة واضحة للقضاء على محصول استراتيجى وتدمير صناعة هامة مثل الغزل والنسيج وخصخصة الشركات وبيعها بملاليم وتشريد الاف العاملين 
مع الاسف حكوماتنا المتعاقبة تتفنن فى تدمير كل شىء لماذا ولصالح من !!؟؟
رابعا : الظاهرة العجيبة والتى تعد من عجائب الدنيا هى التنقيب والبحث عن الاثار ظاهرة منتشرة جدا بين الشباب فى الصعيد الكل يبحث عن الغنى السريع بالبحث عن الاثار الفرعونية بمساعدة بعض المشعوذين والدجالين وتكاد لا تخلو جلسة سمر من الحديث عن تلك الظاهرة والحلم بالثراء الفاحش باسرع الطرق حتى لو كانت طريقة محرمة وغير مضمونة العواقب 
مع الاسف حتى المثقفين والعقلاء ساقتهم عقولهم وراء تلك الاوهام .
هل تغيرت ثقافتنا واخلاقنا فى القرية والمدينة وانحدر تفكيرنا الى هذا الحد !!!؟؟
هل اصبحنا ندور فى فلك البحث عن الأوهام !!؟؟

 منظر ما قبل شروق الشمس من شرفة المنزل

فى الصباح الباكر

ما قبل الغروب
وقت الظهيرة والتوكتوك وصل حدانا البلد

منظر الحقول من امام المنزل  

 
الحقول وشجر النخيل بجوار المنزل

هناك 21 تعليقًا:

عاشقه الرومانسيه يقول...

احجز اول تعليق
واخد مكان حنونه حبيبتى لحد ما ترجع

عاشقه الرومانسيه يقول...

والتانى علشانى
واروح اقرى وارجع

عاشقة القمر يقول...

لالالالالالالالالالا عي موصيكي هههههههههههه

عاشقة القمر يقول...

انا ثالث بجد ياعاشقة سلملي علي حنونه اوي

عاشقه الرومانسيه يقول...

لا ياعم انت بتتكلم كده فى السوياسه وانا من اول قلم هاعترف عليك
اه اصلى ندله قوى فى الحاجات دى


بس بصراحه ياخالد باحقد عليك
حد ياابنى يسيب الخضره والجمال ده ويروح يعيش فى القاهره بزحمتها ودخانها ودوشتها وقرفها؟

اراهنك لو قعدت فى الصعيد كام شهر هتطول
من الهوا النضيف اللى هناك
تلاقيك سبب قصرك ده انك سبت الصعيد وانت صغير
P:

عاشقه الرومانسيه يقول...

خالد
عمر باعت لك السلام وبيقولك جهز شابى بقى وتقل جيبك علشان تيجى تقول
احنا بنشترى راجل



عاشقه القمر
اعتبرى السلام وصل ياقمر وهى كمان بتسلم عليكى
عقبال ما افرح بيكى

عاشقة القمر يقول...

بجد مناظره جميل بتججن بجد جدااااااا
يسلموا على الصور
على فكرها انا مش عارفه ادخل هوتميل ولا الياهو فقط الساكيب

سواحة يقول...

شكرا على البوست و على الصور
معلش تعليق سريع
رجعلك افصصه باليل

Remas يقول...

مش ممكن المناظر التحفة دى يا استاذ خالد

بجد تريح الاعصاب

انا من عشاق الارض الخضراء

يارب تكون دلوقتى احسن يا استاذ خالد

ربنا يديك الصحة والعافية يارب

Tamer Nabil Moussa يقول...

ازيك ياخالد اخبارك اية

والف سلامة عليك ياصاحبى

ان شاء الله تكون افضل الان

جميل الاقتراحات اللى تكلمت عنها بس المشكلة الفساد مغطى على كل حاجة وعايز يفضل كدة عشان فى ناس مستفادة منة

المناظر رائعة

ربنا يوفقك ويكرمك

مع خالص تحياتى

romansy يقول...

اهلا اهلا اهلا خالد بيه
الراجل الجدع المصرى الاصيل
الله على الخضره والجمال الربانى الله على الخير
والحاجات الجميله الموجوده فى بلدنا
الله ع التوكتوك اللى وصل الصعيد بعد الكهربا والميه
الله على النخل والشجر والقاعده الفلاحى والدوار والللمه والناس الصعايده اللى مش بيحبوا يشوفوا الغلط
الناس الكرما
حمد الله على سلامتك
والف والف الف سلامه عليك

شفـقــة و إحســــان يقول...

الصورة حلوة جدا يا خالد اظاهر ان مصر هى اللى وحشة
بجد الواحد كان فاكر ان الصعيد دى حاجة تانية غير كده
شكرا يا عم همس على الصورة اللى شرحت جمالها بنفسها

كيكى عوووووو يقول...

الا الفدان هناك بكام؟؟

ستيتة يقول...

الف سلامة عليك يا ابو همس
ربنا يقيك السوء ويبارك لك في صحتك

وبالنسبة للشرح والوصف التفصيلي لسوهاج
انا معنديش غير كلمة واحدة عن سوهاج وأهلها
واظن اني قلتها لك ذات مرة من المرارير :)

اجدع ناااااااااااااااااااااس

سواحة يقول...

عدنا من ثانى
:-)
بص يابو همس

اوهام الصعيد الاصلى ؟؟ قصدك؟؟

موضوع الطريق فعلا موضوع غريب
طول قوى الكلام و الشكوى فيه :-(( هما مش حاسين بيه غريبة
يعنى بيشتكوا ان الصعايدة بينزحوا للقاهرة ، طيب لما تصلح الموصلات حيرجعوا اكثر لبيوتهم و القاهرة حتبقى للشغل و بس (زى اغلب اهل الدلتا ما بيعملوا)

تعرف فكرتنى بحوار فاروق الباز مع منى الشاذلى
لما اتكلم عن فكره انشاء صريق موازى للنيل بس ناحية الصحراء
يوسع المدن و يزود الصناعة بانشاء مصانع اقرب للايدى العاملة و للمواد الخام
و يخف الضغط عن الوادى
و
و
و
شوفته ؟؟

بعدها بشهور قرأت ان شركة التعمير الاماراتية خذت مناقصة انشاء طريق من اسوان لاسكندرية على ثلاث محاور
(طبعا وضح انهم سرقوا الفكرة)
بس للاسف و لا لحسن الحظ مش عارفة
الامرات بتعانى و لسه حتعانى من توابع الازمة الاقتصادية و اول ما توقف مشروعات حتوقف مشروعتها عندنا
و الطريق ده يخذله سنننننننننننننننننننننننننننننننين

الزراعة و الافران و العودة للطبيعة
اقولك حنرجع
غصبن عن عنينا فلاحين او بندرين
لان الزمن قلاب و العالم بمشاكله مش حيعبرنا باحتياجتنا و احنا مش حيبقى حيلتنا نشترى
فاياما حياجرونا علشان يزرعوا عندنا :-(
او حيسبونا زى ما العثمانين سابونا زمان لروحنا
بس المشكلة
حنرجع بنظام من اول السطر من ثانى
و حبة بحبة نفتكر اتعلمنا ايه و مفروض كنا نكمل منين

والدى بيقول الصعيد ده ممكن يبقى قنبلة فى يوم من الايام من كثر الطناش الى فيه
تحس ان الاهتمام بيه امنى فقط للاسف :-(

سلام على السوهاجية
الصعايدة الغلابة بطيبة قلبهم
اجدع ناس :-)

أمل حمدي يقول...

لماذا نبيع اراضينا فى توشكى والساحل الشمالى للاجانب بملاليم وابناء الشعب محرومين حتى من محاولة الاقتراب !!؟؟
لماذا كل هذا الفساد والبيروقراطية فى بلدنا !!؟؟
لماذا نصرف عمولات ورشاوى اكثر مما نحتاجه لاصلاح الفساد ومحاربته !!؟؟


للإننا بمصر والفساد مستشري وعندما ينجذر المفسدين ربما تتغير الاحوال




هل اصبحنا ندور فى فلك البحث عن الأوهام !!؟؟ نعم نعم ولا حول ولا قوة الا بالله

قيس بن الملووووح يقول...

نحن في حاجه الي ارائكم في مشاكل القراء علي مدونة دقات قلب بعد الخمسين

عمرو جويلى يقول...

السلام عليكم
يمتاز أهل سوهاج وقنا خاصة
عن بقية أهل الصعيد بالطيبة الشديدة
وهذه عن تجربة شخصية حيث أنى كنت أسكن
وأنا طالب فى الجامعة مع صعايده
خالص تقديرى

هناء محمود يقول...

ما شاء الله بوست رائع ورحلة جميلة ومناظر أجمل

شمس النهار يقول...

جايه اسلم عليك
لاقيت بوست اكتر من رائع

انت عارف انا بحب الاسفار والصور

كمان البوست خطييير

وسلامتك الف سلامة

ربنا يكرمك

سلامي

همس الاحباب يقول...

شكرا لتعليقاتكم واقتراحاتكم الجميلة
تحياتى