14 مارس، 2010

لقاء بور سعيد - حديث الصور

لقاء بور سعيد فى الثانى عشر من مارس من اصعب اللقاءات التى مرت بى وذلك لعدة اسباب منها
- من الصعب ان تجد الكلمات التى تعبر عما بداخلك من جمال وروعة اليوم 
- صعوبة التعبير عن الفرحة التى تملا العيون لدى الكبار قبل الصغار
- روعة المكان والصحبة الجميلة ومشاركة فعالة تجعلك فخور بانك كنت معهم 
- رسم الابتسامة على شفاه الاطفال وفرحة عيونهم باليوم تجعلك عاجز عن اى وصف مهما قيل ومهما تحدثنا
- رجوع  ابو خالد ومشاركته معنا جعلنى فى حالة من الصعب ان توصف وكانها عودة الروح الى الجسد 
- وجودى وسط مجموعة  اكثر من رائعة فى رحلة الذهاب والعودة جعلت الرحلة درب من الخيال 
لذلك لن أتحدث عن تفاصيل وأترككم مع بعض من صور اللقاء


فرحة الاطفال بالمفتش كرومبو
الحاجة احسان فرحانة بكرومبو

رقص وفرحة الاطفال بسحس بمب
انتظار وترقب الاطفال لتجهيز مسرح الاراجوز
عرض الاراجوز
احدى فقرات الاراجوز واستمتاع الاطفال بها 
فرحة الصغار مع الكبار
بدا فقرة العرائس
محمد الشناوى فى طريقه الى تقديم فقرة رائعة

موهبة فائقة وتمكن عالى
فرحة واستمتاع من الاطفال بموهبة الشناوى
ابداع وسيمفونية راقصة 
رسائل قصيرة 
فاتيما : وجودك فى اى لقاء يضفى عليه جو من الطيبة والبهجة بالرغم من حزنك الداخلى وخصوصا فى عرض العرائس ان شاء الله سيعود قريبا وهيحضر معانا عروض كثيرة 
وليد الدوغرى :رجولة وجدعنة وخفة دم ابن البلد ضربت فى خلاط الحياة نتج عنها وليد الدوغرى  ( بس برضه ماشية معاك يا عم ) 
شريف باشا : شهامة وادب وفكر وهدوء بتحسسنى ان شبابنا لسه بخير 
ضياء : طولك عقدنى من نفسى بس بحس بالفة غريبة وبحس ان قلبك  قلب طفل وعقلك بيوتفل مايند 
ماما امولة : سعيد بعودتك سالمة فانتى انسانة من الزمن الجميل ربنا يبارك فى صحتك 
خيخة وعسقول وحماده : وجودكم اسعدنى جدا وحسيت اننا عزوة 
شريف ابن خيخة : مشروع حسين فهمى جديد وعينه على المزز ربنا يخليه لامه وتفرح بيه 
ليساندرا وانوس وسومه : دمياط على طول الخط يبقى الادب والاخلاق وفى انتظار لقاء دمياط 
سارة رحيل : بورسعيدية الهوى منصورية المنشا اصبحت علامة مميزة فى بور سعيد 
احسان وشفقة هانم : ببقى فرحان جدا بوجودكم فى اى مكان وبحس بالحقد النفسانى تجاهى يا احسان بيه هههههههه
أحمد عبدالمنعم وابنه وصديقه المكان نور بوجودكم وازداد جمالا 
اهو دا عيبه وربع ضارب : هدوء الملائكة وعقل الجبابرة 
محمد ابو عجيلة وابو العربى : وجود متميز دائما
ريم هانم : اتصالك اسعدنى كثيرا انتى انسانة فوق العادة واحساسك بمن حولك احساس نبيل .
مسك الختام 
ايناس نهر الحب : نهر عطاء متجدد من الصعب ان تجد كلمات لوصفها جزاكى الله خيرا وجعلك عونا لاهل بور سعيد 
نسمة : الجندى المجهول ومجهود رائع خلف الستار لانجاح اللقاء 
ابو خالد : ستظل دائما ابا للمدونين ربنا يتم شفائك على خير ويبارك لنا فيك وجودك كان نقطة تحول للجميع اما وجودك بالنسبة لى فكان مصدر فخر واعتزاز وربما عودة الروح للجسد  .
 شكرا للمولى عز وجل على نجاح اليوم وروعته
شكرا لاصحاب الفكرة وشكرا لجميع الحضور 

مع الاسف لم استطع تنزيل ملفات الفيديو جارى المعالجة لتنزيلها  

تفاصيل اللقاء عند روح قلب ماما روحنا وجينا 

هناك 27 تعليقًا:

فاتيما يقول...

فين الحزن بس دنا كنت زى الفل
يا خالود و فرحانة جدااااااااا

انتا متتصورش يا خالد وجودى وسطكم بالنسبالى معناه ايه

و وجودى معاك انتا و شريف و وليد و ضيا كان محسسنى بالامان قد ايه

انا كنت حاسة انى مع اربع اسود و الله

ببقى مطمنة معاكم و متاكدة انى هكون بخير مهما حصل

ربنا يخليكم ليا


و لولاكم م كنتش عارفة عملت ايه
مش بس الجمعة و فى السفريات

لأ من اول ما دخلت العالم الجميل دا و اتكعبلتوا فيا و انا اتشرفت بيكم

لو ناس تانيين
كان زمانى فى حالى قاعدة
فى اوضتى ورا الشاشة
لا رحت و لا جيت
ولا اثرت فى حد و لا حد حس بيا

لكن عشان انتوا غير الناس كلها
اختكم فاتيما بقت تعيش الدنيا
و تفرح بيها

مش عيشة و بس
عيشة و فرحة و امل و كمان خير


اليوم فعلا كان حلو و طيب بكل ما فيه و بابا ابو خالد كان اجمل حاجة و مش عارفة لو مكنش شفناه انا كنت هحس انى جيت بورسعيد و لا لأ

الناس هناك حلوة
و ايناس و ماما امولة و كل الناس
كل الناس كانوا حاجة تفرح
حضنهم كان دافى هادى ودود

ربنا يجمعنا دايما على الخير
و فى وجودك يا خالد
يا أغلى اخ و ابو هموسة و ببش

منحرمشى منك يا عزيزى
و لا ننحرم منك اى لقاء يا رب

عمرو جويلى يقول...

السلام عليكم
لقاء أسرى هايل
وأجمل ما فيه فرحة الأطفال
زادكم الله من فضله وجعله
فى ميزان حضراتكم
خالص تقديرى

P A S H A يقول...

أخويا الغالي أبو همس وشابي

السلامو عليكوا

ألف ألف حمداً لله على سلامتك يا خالد .. ربنا يا رب يجعل هذا اليوم في ميزان حسناتك إن شاء الله .. ويفرحك بهمس وشابي دايماً ويطمنك عليهم ويبارك لك فيهم ويرزقك برزقهم ويحفظهم لك من كل سؤ . اللهم آمين .

والله العظيم انتوا ونعم الناس بجد .. كلكم أحسن من بعض - ولا نزكي على الله أحداً - ربنا يا رب يكرمكم كلكم ويبارك فيكم .. بجد والله العظيم فرحان وفخور إني وسطكم بجد أحلى صحبة في الدنيا .. ناس قلوبها بيضا وأرواحها شفافة .. دلوقت فعلاً صدقت كلمة الدكتوره / ستيته " السعادة إرادة" .. والله العظيم صح .. ربنا يا رب يجمعنا دايماً في الخير وللخير يا أهل الخير . اللهم آمين


متغاظ قوي يا أخي إن "إيناس" قافله التعليقات .. بس أنا صابر برضه :)))

بجد يا إيناس .. أنتِ إنسانة رااااائعة .. نموذج لكرم الأخلاق والرقي والتواضع وحب الخير .. بادعي لك بظهر الغيب والله بكل خير أنتِ ونسمة
وم/ محمد أبو عجيلة .. حقيقي كسبت أخوات بجد :))

سلامي لبورسعيد وأهلها الكرام .. سلامي لـ

- محمد توفيق أبو العربي " الإنسان المدون ذو النغمة المميزة :))

- م/ أحمد حسن .. زميل نسمة

- شيرين .. زميلة أخويا وليد .. بجد كسبنا أخت جدعة جداً :))

- أبو خالد .. اللي بجد اتشرفت جداً بلقائة .. حضن التدوين كله :))

- ماما أموله .. ست الكل وأختنا الكبيرة طاقة خير هائلة :))

- أ/ أحمد عبد المنعم وابنه .. خير سفراء لمحافظة الشرقية اللي بجد دايماً بيشرفونا في أي لقاء

- الفنان / محمد الشناوي .. محرك العرائس .. اللي رجعني عيل عنده 5 سنين :)))

- الفنان المصور / محمد سيف .. على حضوره المتميز

- الحديقة السياحية .. مطعم "سي ستارز" .. ممشى ديليسبس .. الكورنيش .. وكل بورسعيد :)))

- أولادنا في الله .. الأطفال اللي زي الملايكة بجد هما وأسرهم .. اللي ربنا سبحانة وتعالى جعلهم أحلى سبب نتجمع عشانه :)))


بحبك في الله يا خالـــد .. ونعم الأخ بجد :)))


سلااااااااااامي لـ "همــس وشابي"
زهرات الغد المشرق بإذن الله

سلااااااااااام

7annen يقول...

ربنا يرزقك دايما بالخير يابو همس

كيــــــــــــارا يقول...

انا هقر بقي

شكله يوم جميييييييييييييل

الحمد لله انه كان كدا

عاشقة القمر يقول...

مشاءالله تبارك الله شكلوا اليوم جكيل كنت اتمنى اكون معاكم على فكرها أنا اتصالت متاخره بس عدم رصيد لم جبيت رصيد مش عارفه ليه مش ردات
ربنا يجعلها في ميزان حسناتكم وتقبل الله منكم

كيكى عوووووو يقول...

ياااااااااااه
خساره
كان نفسى اكون هناك عشان المفتش كرومبو!!!

Lyssandra يقول...

مساء الخير أ. خالد :)

أنا كمان سعيده بحضوري معاكم اليوم المميز ده
وان شاء الله المرة الجايه عندنا :)

تحياتي

Lyssa

Lady E يقول...

ربنا يكرمك يا رب يا أبو القمرايتين همس وشابي بجد حضورك كان مميز

أحلى سلام للصعيد والصعايدة الجدعان اللي بيجيلهم اكلهم في المطعم أول ناس :) ده مش حسد اطلاقا ده أر بس :)

بجد أنا من يوم لقاء المنصورة سعيدة اني اتعرفت بمدون رائع وروحه مرحه وعنده شهامة وجدعنه نادرا لما حد يشوفها زي حضرتك

وجودك في التدوين وأي لقاء تدويني بجد بيبقى مكسب حقيقي لأي حد

ربنا يكرمك ويارب تنور اللقائات دائما

Lyssandra يقول...
أزال المؤلف هذا التعليق.
باحث عن حب يقول...

انتم مين؟؟؟؟؟؟؟؟؟؟؟؟؟؟؟؟؟؟
بتصورولى انكم مجموعه واحده زى كده عيله واحده او منتدى واحد او مش عارف انا محبش التضفل
وفقكم الله

صيدلانيه طالعه نازله يقول...

ربنا يسعد ايامكم
و يخليها كلها خير و عطاء

انتوا ناس جميله قوى و بتعرفوا ترسموا البسمه على وجوه الناس اللى محتاجه ده
و ده فى حد ذاته كرم كبير من ربنا

انا مبسوطه قوى و دايمه باقول انى باتشرف انى انتمى اليكم

تحياتى

reem يقول...

صباح الفل يا استاذ خالد

اخبارك ايه

انا فرحت جدا ان اليوم كان جميل وبجد ربنا يقدركم دايما على الخير

وربنا يجمعكم ويجمعنا كلنا دايما على خير وحب في الله

بصراحة كنت هاتجنن واكون موجودة معاكم

وميرسي اوى اوى يا استاذ خالد على كلامك الحلو
ربنا يخليك يارب

دا من ذوقك وروحك الحلوة الجميلة
بجد يا استاذ خالد حضرتك راجل محترم وجدع اوى وفعلا انت اخ عزيز وغالى جدا عليا

ربنا يفرح قلبك دايما ويفرحك بهمس وشابي يارب

رحــــيـل يقول...

خالد انا حقيقى بكون سعيده بوجودك فى اى لقاء انت جدع جدا فعلا
ربنا يباركلك فى بناتك وتفرح بيهم دايما

انا فعلا بورسعيديه الهوى انا بحب مجموعه بورسعيد جدا هما اصلا يتحبوا فيهم دفا وود حقيقى ومش بحس بغربة معاهم خالص

ربنا يديم الود بينا جميعا ومتجمعين دايما على خير

أمل حمدي يقول...

ابو همس وشابي

مهما قيل فلن يوفيكم الكلام حقكم

جزاكم الله كل الخير

وجمعنا دائما على حبه ورضاه

هي وظروفها يقول...

حبيب قلبي

انت كل مره تقر عليا

المره اللي فاتت اريت عليا انا وساره انفصلنا بعد حب 3 سننين

المره بقي ايه انت عايز ايه مني

ابطل اجي لقاءات عشان اريحك

ولا انتحر ولا اخنق نفسي

تصدق بلله يا خالد

انت والله العظيم من الناس اللي تحبهم وتحس انهم ناس نضيفه

انت بجد من الناس القليله في زمانا

ربنا يخليك ويكرمك ويباركلك في بناتك

وشوفلي عروسه بقي يا معلم

وبلاش ار عليا تاني

بحبك في الله يا خالد

esraa يقول...

بجد اليوم كان حلو اوي
واجمل حاجه فيه كانت وجودكم
يارب دايما موجودين في الخير

نهر الحب يقول...

السلام عليكم ازيك يا ابو همس
اولا جزاك الله خيرا على الكلام الجميل للكل لكن والله دا فضل من الله عزوجل لا اكثر ولا اقل وكلامكم بجد بيرعبنى
عارف بجد وجودك فى لقائتنا بيكون بشرة خر ودعم نفسى ومعنوى لنا جميعا
انت كمان انسان جميل ربنا يبارك فيك وفى اولادك

ربنا يتقبل منا ومنكم صالح الاعمال

ghada mOhsen يقول...

بجد جزاكم الله كل خير

ربنا يسعدكم يارب زى مااسعدتم الاطفال احباب الله ...

بجد كان نفسر اكون معاكم بس وين انا وين بور سعيد .. ان شاء الله تتعوض

تحياتى
... ;) ,,, ;) ...

جنّي يقول...

السلام عليكم

جزاكم الله خيرا على ما بزلتم من جهد ومال لادخال الفرحة على شفاه هؤلاء الاطفال .. فرحكم الله في الدنيا واثابكم الجنة ان شاء الله ..

تحيتي

akeedba7ebha يقول...

اتشرفنا بيكم كلكم يا خالد ودايما فى خير وسعاده للجميع دائما

قوس قزح يقول...

مش باقولك انت قدها و قدود :)

الا يعنى ايه قدود ؟؟ هههههههههه

المهم
استعد يا سيدى الفاضل
الدور عليك


عارف يا خالد انا اكتر حاجة بتعجبنى فيك ايه ؟

انك بتكتسب احترام الناس بفعلك مش بكلامك
و انا اعز الناس دى اوووووى

خصوصا كمان لما يكون لسانهم زى حضرتك كده ههههههههههههه

عااادى اختك و باشرفك هههههههههههه

مستنية منك تليفون
سلااام

فشكووول يقول...

كل ما اشوف بوست عن اللقاء ابقى مضايق وزهقان

اصل نفسى احضر اللقاءات دى .. بس يا خساره العضمه كبيره وشايخه وما تستحملش السفر .... قوم ايه ؟؟ .. اقعد اقرأ فى كل البوستات الخاصه باللقاءات واستمتع بقى وانا بقرأها وكأن كنت موجود
بارك الله فيكم جميعا

همس الاحباب يقول...

فاتيما
الحمد لله وان شاء الله نتجمع على خير دائما
بصراحة كلنا اثرنا فى بعض وبقينا بنحس ببعض من غير حتى ما نتكلم وده اجمل ما فى العلاقة التدوينية بينا
تحياتى لحضرتك
============
عمرو جويلى
الحمد لله على كل حال
جزاك الله خيرا
=========
شريف باشا
ايه الكلام الجميل ده
ربنا يجازيك خير وانت نعم الاخ والصديق
وانا احبك فيما احببتنى فيه
تحياتى
=========
حنين
ربنا يكرمك ويرزق الجميع الخير والسعادة
تحياتى
==========
كيارا
الحمد لله وشكرا على اتصالك وتشجيعك للجميع ومشاركتك فرحة الاطفال
تحياتى
========
عاشقة القمر
جزاكى الله وشكرا على تواصلك واهتمامك الدائم بكل اللقاءات والمناسبات
معلش الشحن فصل من الجهاز ومش حبيت اغرمك وخلاص
تحياتى
=======
كيكى عوووووو
ههههههههه
ههههههههه
انتى مشكلة
المرة الجاية هنبعته ليكى كله هو سحس بمب كماان
تحياتى
=======
lyssandra
مساء النور
احنا اسعد بوجودك وان شاء الله تشاركينا دائما
تحياتى
==========
LADY E
ربنا يكرمك وجزاكى الله خيرا على كلماتك الطيبة
وده من طيبتك واخلاقك
سعدت بوجودك انتى وسومة وان شاء الله نشوفكم دائما على خير
تحياتى
==========
باحث عن حب
احنا فعلا عيلو واحدى بيجمع ما بينا حب الخير والحب فى الله
ليس الا
نورتنى وسعيد بزيارتك
==========
صيدلانية طالعة نازلة
ربنا يكرمك ويسعدك انتى كمان
احنا اللى اسعد يا دكتورة
ربنا يبارك فى حضرتك ويكرمك فى اولادك ان شاء الله
تحياتى

همس الاحباب يقول...

ريم هانم
الحمد لله اليوم كان جميل ورائع وخصوصا الفرحة فى عيون الاطفال احساس صعب ان واحد يوصفه
جزاكى الله خيرا على اتصالك ومشاركتك الدائمة معنا
ربنا يكرمك ويبارك فى حضرتك ده من ذوقك
وانتى ربنا العالم انك ونعمة الاخت والكلام لن يوفيكى حقك اطلاقا
ربنا يديم المعروف ما بين الجميع
تحياتى لحضرتك
==========
رحيل
ربنا يكرمك ويجازيكى خيرا
وعقبال ما نفرح بيكى قريبا باذن الله
عندك حق فعلا بور سعيد واهلها يمتازوا بكل ما هو جميل
ربنا يديم الود المعروف دائما ما بينا
===========
امل حمدى
جزاكى الله خيرا
ووجودك اعطى لليوم مذاق خاص يا ست الكل
ربنا يطمنا على حضرتك ويتم شفائك على خير وتفرحى بايمان وعبد الرحمن باذن الله
=========
وليد باشا
ههههههههههه
بجد انا عينى وحشة طمنتنى يا جدع ده انا ليا 113 سنة بقر على واحد ومش ماثر فيه انت كده اديتنى امل وعمر
ههههههههه
ربنا يسعدك ويوفقك ويحققللك كل ما تتمنى لانك من الشخصيات النادرة فى زمن قل فيه النبل والشهامة والجدعنة
بس ده ما يمنعش انها كانت ماشية معاك حلاوة الله يسهله يا عم
ههههههههههه
وانا احبك فى الله
ربنا يديم المعروف ما بينا
تحياتى

همس الاحباب يقول...

اسراء
ربنا يكرمك
والحمد لله ان اليوم كان جميل وسعدنا بوجودنا معكم
تحياتى
==========
نهر الحب
الحمد لله الذى بنعمته تتم الصالحات
بس طالما النية خير والعمل الخيرى ابتغاء مرضاة الله عز وجل فلا تقلقلى
وان شاء الله ربنا يجعله فى ميزان حسناتكم
==========
غادة محسن
الحمد لله
كنا نتمنى وجودك طبعا
ولكن قدر الله وما شاء فعل
ان شاء الله نشوفك فى لقاءات قادمة
تحياتى وتقديرى
===========
جنى
الحمد لله
جزاكم الله خيرا وفى انتظار مشاركتك معنا ان شاء الله
تحياتى
==========
اكيد بحبها
محمد باشا احنا اللى سعدنا بوجودنا معكم جزاكم الله خيرا وجعله فى ميزان حسناتكم

همس الاحباب يقول...

قوس قزح
هههههههههههه
ده اعتبره مدح ولا ذم
ولا مدح مذموم ولا ايه
انا عارف نيتك دايما خير
نورتى التعليقات يا ام نور
والحمد لله انه فيه حاجة عجبتك اخيرا
لا لسانى ما انتى عارفة ما فيش غيره
جزاكى الله خيرا
علم يا فندم
============
فشكول
يا باشا احنا كمان نتمنى حضورك ومشاركتك دائما
ربنا يكرمك ويبارك فى صحتك وعمرك
تحياتى