31 أغسطس 2009

تحديث بخصوص يوم الافطار

اولا
مكان الفطار هيكون تسيباس بدل ابو خالد و ده اقتراح بنت خيخة
و هو فى اول شارع الهرم
و اسعار وجباته تترواح بين 30 و 35
و الوجبات هى
دجاج مشوي 32.50 جنية
سمبوسك لحمة - ورق عنب - نصف فرخة مشوية - أرز خلطة - طحينة

شيش طاووق 30.50 جنية
سمبوسك جبنة - كبيبة -أوراك دجاج مشوية - أرز خلطة - طحينة

دجاج بانية 32.50 جنية
سمبوسك لحمة -ورق عنب - صدور دجاج بانيه - بوم فريت - مكرونة فرن - طحينة

كفتة مشوية 29.50 جنية
سمبوسك جبنة - كبيبة - كفتة بلدي مشوية علي الفحم - أرز خلطة - طحينة

دجاج صيني 31.50 جنية
شوربة خضروات صيني - سمبوسك جبنة - كبيبة - قطع دجاج مع الصوص الصيني مع الخضراوات - أرز أبيض - سلطة

إسكالوب بانية 35.00 جنية
سمبوسك جبنة - كبيبة - شرائح لحم بتلو بلدي - بوم فريت - مكرونة فرن - طحينة

كباب وكفتة 35.00 جنية
سمبوسك جبنة - ورق عنب - كباب وكفتة بلدي مشوي - أرز بالخلطة - طحينة

كوردن بلو 32.00 جنية
سمبوسك لحمة - كبيبة - كوردن بلو - بوم فريت - مكرونة فرن - سلطة خضرا

طاجن خضروات باللحمة 31.50 جنية
سمبوسك جبنة - كبيبة - خضروات الموسم باللحم - أرز أبيض - سلطة خضرا

طاجن بطاطس باللحمة 31.50 جنية
سمبوسك لحمة - ورق عنب - بطاطس باللحم البلدي - أرز أبيض - سلطة خضرا

مع كل وجبة عصير و شوربة وحلويات شرقية

اهم حاجة اللى هيطلب مشويات يبلغنى قبلها حتى لو السبت الصبح علشان المشوى بياخد وقت فى التحضير

ثانيا
انا قلت نضرب عصفورين بحجر و طلبت من جمعية صحبة خير تعمل هى الوجبات
علشان تكون مصدر رزق للستات فى منطقة اسطبل عنتر
و بيقوم بالاشراف عليهم القائمين بادارة الجمعية
و هتكون الوجبة بنفس مواصفات الوجبة الاولى
بس الفرق ان هتتبدل ثمرة الفاكهة بعلبة عصير و 3 بلحات

جدوال اليوم كالاتى ان شاء الله

الساعة 3 التجمع قدام مستشفى ابو الريش اليابانى
الساعة 3:30 هنقسم نفسنا لفريقين واحد للتوزيع فى مستشفى ابو الريش و التانى فى مستشفى المنيرة
الساعة 4 معاد وصول الوجبات
الساعة 5:30 التحرك لتسيباس فى شارع الهرم


بالنسبة للناس اللى عايزة تدفع الفلوس قبلها
ممكن من خلال مقابلة مع الاستاذ خالد
فى اى مكان قريب من مكان شغله او بيته سوا الجيزة او الهرم او الدقى
او ممكن من خلالى يوم الاربعاء لو هم فى مصر الجديدة او مدينة نصر

اللى مش هيقدر يبلغنا قبل يوم الاربعاء بعدد الوجبات اللى هيتبرع بها
ممكن وقتها نجمع المبالغ دى و نهديها لاى من الحالات الحرجة و بتحتاج دوا غالى

جزاكم الله كل خير

لمزيد من التفاصيل عند قوس قزح


هناك 9 تعليقات:

------ يقول...

اوول تعلييق

يااااهوووو

------ يقول...

والله بجد ياخاالد انا بحسدكم

نفسى بجد اكون معاكم

بس بينا مساااافاااات

بس بدعيلكم انكم يتم اليوم دا على خير

ربنا يكرمكم
وكل سنة وانتم طيبين

عمرو جويلى يقول...

السلام عليكم
أولاً : كل عام وحضرتك والأمة الإسلامية بكل خير
وأتمنى أن يعود هذا الشهر على جميع المسلمين باليمن والخير والبركات
ثانياً : بارك الله فى جمعك وجعله الله فى ميزان حسناتكم
دمت بكل الخير

♥نبع الغرام♥♪≈ يقول...

بجد ربنا يكرمكم خير يارب
وان شاء الله يجعل ما تفعلونها بميزان حسانتكم

وربنا يكرمك خير

جزاك الله عنا كل الخير

مودتى

الربان يقول...

تحياتي


اولا...قوائم الطعام فتحت نفسي للاكل...حرام عليكم...ههههه .

ثانيا برك الله فيكم علي قيامكم بهذا الامر...و الله اني لاتفائل خيرا حين اسمع
عن مثل هذه الاعمال الجليلة النبيلة...

ثالثا..كان نفسي اكون مشارك معكم ..لكن يعلم الله ان قلبي معكم و مع
كل الاخوة و الاخوات في الله ممن يمدون يد العون للجميع...و ممن يلتقون علي حب الله و طاعته...


تحياتي و تقديري للجميع

ahmed_k يقول...

طيب ممكن يا خالد أطلب في الفطار وجبتين واحده شيش طاووووق والتانيه فراخ بانيه
أصل أنا حكون جعاااااااااااان
ومتسنيش في العصير أصل الجو حر خالص يا أبو همس ههههههه

ربنا يكرمكم ويكثر من المخلصين أمثالكم

غير معرف يقول...

شوف يا أبيه خالد

أنا ان شاء الله هكون معاكو في المستشفى لكن مش هقدر اروح الافطار عشان معزومة بره أنا آسفة جدا
وكان نفسي اشارك واقابلكو اديكو فلوس فطار الاطفال لكن عشان مش بدخل النت كتير في رمضان فماعرفتش آخر التطورات
ان شاء الله هخلص شغل الساعة تلاتة واجيلكو جررررررري
ربنا يتقبل منكو

مها ميهوووو

kochia يقول...

ان شاء الله يكون يوم جميل
وبالتوفيق

Unknown يقول...

متشكرة يااستاذ
خالد لردك على
الموبايل واعطائى
الفرصة الجميلة دى
لسماع صوت فاطيما ويارب
دايماً متجمعين فى الخير وعلى الخير.