15 أغسطس 2009

مواطن مقهور ( يا ريتنى كنت بوبى )!!؟





يا ريتنى كنت مكان الكلب اللى فى السلسلة

كلمات قالها شاب لفتاة على كورنيش النيل اثناء صحبتها لكلبها الكلمات كانت تنم عن غزل للفتاة على ما اظن ولكن الكلمات كانت لها وقع اخر عندى
ربما يكون الشاب يريد ان يغازل الفتاة مع تحفظى على الاسلوب والطريقة ولكن جالت بخاطرى اشياء اخرى
أولها لو كان الشاب تحقق له ما يريد واصبح مكان الكلب المربوط فى السلسلة ماذا سيفعل هل سيكتفى بالنباح والتلذذ بالسلسلة والانقياد وراء تلك الفتاة ام ماذا !!!؟؟؟؟
من وجهة نظرى انه لو اصبح مكان الكلب سيحقق كل طموحاته واكثر كيف !!!؟؟؟
اول تلك الطموحات ضمان المسكن المناسب وما ادراك ما مسكن الكلب عند تلك الطبقة لابد من توافر بيئة صحية ونوما هادئا ومريحا للكلب واشك ان هذا الشاب ينام مع اكثر من تسعة اشقاء فى غرفة لا تتجاوز 9 متر تملئها الرطوبة ولا تدخلها الشمس فهنيئا لك الحصول على المسكن

ثاني تلك الطموحات ضمان الماكل والمشرب وعن اكل الكلاب حدث ولا حرج فكل ما يخطر على بالك واللى ان شاء الله ما خطرش هتلاقيه امامك معلب ومغلف وبجودة عالية وفى اوقات منتظمة وربما ظل الشاب بدون اكل طول اليوم او عدة ايام

ثالث تلك الطموحات لو اراد ان يدخل دنيا ويتأهل ويعمل اسرة اصل الوحدة وحشة يا جدعان وده كلب رقيق وحساس وعاطفى ويعشق الرومانسية ومقضيها يسمع كوز المحبة اتخرم وكلبى دليلى ستجد الاسرة تتسابق لكى تبحث له عن كلبة اصيلة وبنت كلاب طيبين ومن عيلة لها باع طويل فى النباح وتكون مطيعة ومش بعيد ننشر كام اعلان فى الجرائد والمجلات عن مواصفات العروسة المطلوبة وصورة للعريس الموقر، اما اذا كان الكلب بيلعب بديله ومظبط مع كلبة الجيران ففى هذه الحالة خير البر عاجله ويوم عندكم ويوم عندنا احسن ما يطفشوا ويتجوزو من ورانا ويخلفولنا كلاب شوارع
رابع الطموحات سيضمن مكان وماوى وتعليم على اعلى مستوى لابنائه ورعاية صحية وترفيهية واشتراك فى النوادى ومصيف ومشتى كماااان وفسحة على الكورنيش يوميا صباحا ومساء واسترجاع ذكريات الحرمان ايام ما كنت بشر ومفيش مانع انك تعاكس لولو( كلبة الجيران ) عيش يا ابن المحظوظة
مضيت فى طريقى استرجع بعض الذكريات الخاصة بالكلاب وجدت الاتى

ان الكلاب طبقات وانواع وفصائل ومعادن كمااااان

فهناك كلاب الشوارع التى تعيش على المخلفات وبواقى القمامة وتعيش فى الشارع حرة طليقة تعيش وتمووووت ولايشعر بها احد


وهناك كلاب الحراسة الخاصة والمدربة والتى تحظى باهتمام وتدريب واكل من نوع خاص نظرا للحاجة الى خدماتها وبعد انجاز المهمة يبقى كلب ومات



وهناك كلاب العز واكل الوز ودى حكايتها حكاية لانها بتحظى باهتمام ورعاية خاصة جدا نظرا لانها كلاب من نوعيات خاصة كما يشاع وتحظى برعاية صحية خاصة وتعالج فى مستشفيات فى اوربا نظرا لسوء المستشفيات فى بلدنا


واكثر ما اعجبنى هو اهتمام تلك الاشخاص باكل الكلاب ونوعيته وطريقة التسوية ونوعية الاكل ( اللحوم من غير عضم حفاظا على اسنان البوبى والفراخ من غير جلد لان معدته حساسة) تلك الكلمات قالتها سيدة لشيف امامى مما جلعنى اصاب بهيستريا من الضحك متذكرا البنى ادمين الذين يعيشون على مخلفات الاطعمة ويشربون مياه المجارى ويا كلون الفاكهة المسرطنة والقمح المشع والخضار المروى بمياه المجارى ناهيك عن الفول والكبده الملوثة والكشرى اللى اعتقد ان البوبى لو شاف منظره هيغمن عليه وممكن يدخل مصحة نفسية بباريس لعلاجه نفسيا مما اصابه من منظر تلك الاطعمة لاقدر الله
موقف اخر حدث مع بواب احدى العمارات عندما اعطاه احد ساكنى العمارة قائمة ببعض المتطلبات الخاصة بسى بوبى والراجل بحسن نية اتجه الى اقرب صيدلية لشراء الاحتياجات على انها ادوية لصاحب الكلب ورجع للساكن ليخبره بان ادوية حضرته غير موجودة بالصيدلية ورد عليه صاحب الكلب بانها ليست ادوية دى الاكل الخاص بالكلب يا متخلف
متى تنظر الحكومة الى الشعب وتعامله نفس تلك المعاملة او جزء منها!!؟؟؟

تنويه هااااام جدا انا ليس ضد الرفق بالحيوان ولكن مع الرفق بالمواطن المقهور كما لايوجد اى حقد طبقى بينى وبين سى بوبى

والله على ما اقول شهيد

لذا لزم التنويه

هناك 71 تعليقًا:

حنين القلب يقول...

هييييييييييييييييييييه اول تعليق

بعد طول غياب

وبهدى اغنيه جدو على عنده حمار
وريكس الكلب هوبا يشب يحب اللعب فى وقت اللعب

هههههههههههههههههههههههه

حنين القلب يقول...

يا لها من مهزله حقيقيه

يا عينى على الفصحه
ههههههههههههههههههههههههههههههه

المهم بجد والله يا خالد
عندك حق انا شوفت قبل كده واحد طلع مع حسين فهمى عامل مكافاه 5000جنيه للى يلاقى الكلب بتاعه

تخيل انت ده ابنه لو تاه هيدفع مكافاه المبلغ ده
ولما سالوه مش شايف ان المبلغ مستفذ شويه
قال والله انا لو اقدر ادفع اكتر من كده عشر مرات لكنت دفعت
انت مش تعرف روى غالى عندى ازاى
الصراحه انا قولت
يا فرحه امك بيك ونزل من نظرى جدا
مهو كلب فى الاول والاخر كلب
ايه الغلب ده يا ربى

حنين القلب يقول...

خالود
انت متاكد من التنويه ده ؟؟؟

اصلى الصراحه البوست فايحه منه ريحه حقد عليهم

يلا بس كويس انك اكدت انك الحمد لله مش فيه حقد
رغم انى شاكه وربنا يعلم اللى فى القلوب
ههههههههههههههههه
وش بيغمز وبيغيظك

حنين القلب يقول...

وايه صور الكلاب دى كلها
ان ما فيه صورة كلب صغنن كنيش كده
انت جايب الصور دى من عندكم يا خالد

يا سيدى فيه كلاب تانيه غير اللى فى الصعيد بتكون شكلها شبه الارنب كده
هههههههههههههههههههههههههههه

خالد
هوهوهوهوهوهوهوهوهو

يوووووووووووووووووووووووووووووه
قصدى سلام

عاشقه الرومانسيه يقول...

ايه ياابنى الحقد الطبقى بتاعك ده؟
لالالالالالالالا
باين قوى ياخالد حتى لو حطيت الف تنويه
كفايه بقى ربنا هيعمل فيك ايه اكتر من كده
ارحممممممممممم

عاشقه الرومانسيه يقول...

حنين القلب


خالد
هوهوهوهوهوهوهوهوهو

يوووووووووووووووووووووووووووووه
قصدى سلام
******************************
والله انتى عسسسسل يابت ياحنونه

عاشقه الرومانسيه يقول...
أزال المؤلف هذا التعليق.
حنين القلب يقول...

عاشقه الرومانسيه

لا ويقولك تنويه ومش بحقد ومش اعرف ايه
يا بنتى لو تلاحظى ده ماشى وراهم بيراقبهم
خلى بالك من الحته اللى بيقول فيها سمع الست بتقول للشيف عايزة لحمه من غير عضم علشان الكلب
طيب ده مطعم للكلاب انت هناك قاعد تتصنت عليهم ليه ولا الست والكلب كانوا بياكلوا فى طبق واحد

حاجه تجنن ياختى
سيبك انتى وربنا انتى اللى سكر

عاشقه الرومانسيه يقول...

تصدقى صح ياحنونه
مطعم كلاااااااااب ايه وداه هناك ده؟
يعجبنى فيكى قوه ملاحظتك
لا كمان فاهمه خالد كويس طبعا مش اخوات؟
هههههههههههههههههههههههههه

عاشقه الرومانسيه يقول...

على فكره اللى خالد فيه ده كله السبب فيه الرايق
ماهو اللى مجوعه
ربنا يسامحك يارايق
فينك يافرنسا تاكلى الواد

همس الاحباب يقول...

حنين القلب
استعنا على الشقى
هو انتى داخلة جنينة الحيوانات حمار ومعزة وخروف
وبعدين ايه اللى جابك من اساسه

همس الاحباب يقول...

حنين القلب
هههههههه
نفسك فى فسحة بالسلسلة مش كده
سؤال بذمتك لو انتى توهتى حد هيدفع فيكى 5 جم
انا ممكن اساهم بجوز جنيهات
5000 ده كلب ابن كلب
اما انتى يا حرام بنى ادمية

حنين القلب يقول...

عاشقه الرومانسه

دى حاجه غريبه ياختى
وربنا انا اول ما دخلت المدونه وشوفت صور الكلاب المتوحشه دى قولت اجيب نص كيلو لحمه وارميه فى المدونه واخرج من سكات
بس انا عارفه ان ده امل خالد
وعارفه ان حقده ده كله بسبب حرمانه من اللحمه ياعينى

ربنا يصبره ويرحم الكلاب من القر بتاعه

همس الاحباب يقول...

حنين القلب
لا مش متاكد قوى
حاسس بنقص بينى وبينك
البوست فايحة منه ريحة على اساس انك يتقرى البوست على الريحة ولا ايه

حنين القلب يقول...

خالد
انت اخر واحد تتكلم عن حديقه الحيوان
ده انت مقعدنا فى نادى الكلاب المتوحشه

يا ربنا
وتدفع جوز جنيهات علشان يلاقونى
انا بقى ادفع 15جنيه فى اللى يخلصنى منك
اعوذ بالله

عاشقه الرومانسيه يقول...

حنين
اوعى تعملى كده
لان خالد هياكلها كلها
ومش هيسيب للكلاب حاجه
اقولك هاتى لهم عظم اهو مش هيعرف ياكله
ولا صحيح دى كلاب ولاد عز مش كلاب شوارع

همس الاحباب يقول...

حنين القلب
هههههههه
الكلاب عندنا غير كده خالص
حالها يغم
وبعدين اجيب كنيش وانت موجود يا عيب الشوم
من اولها هو هو هو
واخرتها ايه
هووووووووووووووووووووووووو

عاشقه الرومانسيه يقول...

حنين
وانا معاكى
وهاساهم ب 50 جنيه
بس حد ياخد خالد يتوهه
ههههههههههههههه

همس الاحباب يقول...

عاشقة الرومانسية
هههههههههه
بينى وبينك فيه حقد طبقى كبير
بس مش من الكلاب ده بينى وبين صاحبتك
اللى انتى عايمة على عومها

همس الاحباب يقول...

عاشقة الرومانسية
والله انتى عسل يا بت يا حنونه
عسل اسود بالطحينة
من يشهد للعروسة
العريس طبعا

عاشقه الرومانسيه يقول...

خليك فى حالك
ولا علشان محدش واقف فى صفك
انا اشهد لها بالحق يااخويا
حنونه دى عسسسل
طق وموت بغيظك بقى يااوزعه انت

همس الاحباب يقول...

حنين القلب
ههههههههه
يا سلام على قوة الملاحظة
مع الاسف مش مطعم كلاب
ده مطعم النادى يا فالحة
سكر وعسل
المدونة اتملت نمل
يا بنات

حنين القلب يقول...

عاشقه الرومانسيه

اسمها يسربه يا بت مش يتوهه

بصى يا بنتى احنا نجيب ليه ربع كيلو لانشون ونحط فيه سم ونرميه فى المدونه

واكيد هياكله وبكده نبقى ارتاحنا منه للابد
صححححححححححححححححح

عاشقه الرومانسيه يقول...

هاتى فلت ياحنين علشان نرش على خالد
هههههههههههههههه
اه ماهو قصير اصلا ولو النمل اتلم عليه هيخلص
حرااااااااام

همس الاحباب يقول...

عاشقة الرومانسية
هههههههههه
لا مش ليا نفس للاكل النهاردة
ممكن ناكل حنين عندى اكل معلب بتاع بوبى
هيعجبها قوى

عاشقه الرومانسيه يقول...

حنين القلب
واللـــــــــه فكررررررره
موافقه

حنين القلب يقول...

بتحقد عليه ليه هو انا كنيش يا وولف
هههههههههههههههه

وكنت بتاكل فى النادى ؟؟
منتا لازم تتغاظ لما انت تطلب عضم مشفى وتلاقى الست بتطلب لحم من غير عضم للكلب لازم تحقد عليه

وصاحبتى عندها حق
اه عسل وسكر وبلاش تتكلم عن النمل ده تجارتك ولا ايه ؟؟

همس الاحباب يقول...

حنين القلب
نص كيلو لحمة
وجااية على نفسك كده ليه
وبعدين اذا كنتى اساسا مش بتشوفى لحمة غير عند الجزار
فى المواسم
وبعدين الكلاب بتاعتى شبعانة وبتقرف

همس الاحباب يقول...

عاشقة الرومانسية
ما بلاش انتى يا ماما
انا دخلت المدونة لقيتك ماسكة اكل البوبى وبتاكلى فيه وبتقولى الله مسكر قوى يا حنونه
تاخدى معلقة
قالتلك لاانا تخصص عضم من يومى

حنين القلب يقول...

عاشقه الرومانسيه

واخده بالك مخلى عنده اكل معلب للكلاب ليه ؟؟

الا اذا كان مدمنه وبياكله علطول

هو اللى فتن على نفسه
شاااااااااااهده

عاشقه الرومانسيه يقول...

لا ياابنى
دى كانت صورتك فى المرايه
مش انا
انت فهمت غلط

همس الاحباب يقول...

حنبن القلب
عاشقة الرومانسية
هو انتوا ما عندوكش اخوات صبيان
كفاية حرام
شكلى كده هعضكم بجد

عاشقه الرومانسيه يقول...

حنين
شاهده طبعاااااااااااا
ده بتعاطاه حقن
هههههههههههههههههههه
ولما يجى معاده يهوهو

عاشقه الرومانسيه يقول...

ههههههههههههههههههههههه
عندى اخ واحد ومنى عينى اعذبه زى ماانا معذباك كده
ومش هاعفو عنك الا لما حنين تقولى كفايه وارحميه

حنين القلب يقول...

بت يا عاشقه
اجرررررررررررررررررى

ده بيعض
وانا مش هينفع اخد حقن

اجررررررررررررررررى يا بت

عاشقه الرومانسيه يقول...

ولا انا بحب الحقن
فريررررره وراكى اهو
فووووووووووووو

همس الاحباب يقول...

بصراحة عندى كلب مسعور اسمه سبع الليل
هجيبه معايا المرة الجاااية
واسيبه عليكم
واجرى انتى وهى براحتكم
عالم يخاف ما ..

rovy يقول...

السلام عليكم
و الله عندك حق .. بس مين يسمع ؟؟؟؟
بجد مش عارفه اقول لك ايه ربنا يكون فى عون شبابنا ..

كل عام و انت بالف خير و يارب رمضان كريم عليك و على الاسره الكريمه ..

خالص تحياتى

غير معرف يقول...

كل رمضان و انت بخير
تحياتى

------ يقول...

اولا كل سنة وانت طيبين

والله وجهة نظره صح
الشباب الايام دى مش لاقيةشغل ولا تلبس ولاتتجوز وحالتهم تصعب على الكلب
لانه طبعا عايش احسن منهم
تلاقى الاكل ايه واللبس ايه

وعلى رايكم الكلب بيدفع عليه 50000مكافئه
دا كل يوم نسمع عن فلان ضاع وفلان اتخطف ولا حياه لمن تنادى
دا يمكن يفرحوا اهه يخفف ضغط الاسرة شوية ويوفروا مصاريفوا ههههه

تقبلوا مرورى
http://hmasat-halema.blogspot.com/
http://www.egyfanz.com/beta2/do-1363.html
يارب تعجبكم مدوناتى والقصة واكيد مستنية التعليق

الفراغ يقول...

يا خالد
كلامك بيوجع فى القلب
والحقيقه بتمرر الحياه
لكن هانعمل ايه
ارزاق ومقسمها الخلاق
والحمد لله اننا معندناش حقد طبقى

أمل حمدي يقول...

كلامك كله صح ياخالد

الله المستعان

تقديري لك يا ابو همس الاحباب

أبو كريم يقول...

إنته فين والكلب فين
إنته قده يا أسماعين
طب ده كلب الست يابنى
وأنته تطلع إبن مين


هيص يا كلب الست هيص
لك مقامك فى البوليس
بكره تتولف وزاره
للكلاب يخدوك رئيس

قيلت فى السبعينات بواسطه أحمد فؤاد نجم ومازلت تعبر عنا الأن

غير معرف يقول...

هههههههههههههههههههههههه

عيش يابن المحظوظه

ههههههههههههههههههههههه

البلد دى بقت للكلاب مش للبنى ادمين

يعنى ناخد شنطنا ونرحل

ههههههههههههههههههه

حنين

Unknown يقول...

البوست ده بوست ابن كلب
و لا مؤاخذة يعنى
هههههههههههههههههههههه

تعرف حضرتك يا ابو همس
كنت راكب ميكروباص
و لقيتلك صوت كلب بيهوهو فى الميكروباص
اقول ده اكيد صوت رنة موبايل

اتاريها اخت راكبة و قاطعة نص نفر لكلبها اللولو

و السواق يقولها سكتى الكلب ابن الكلب ده
ههههههههههه

و بعدين بعد ما نزلت و السواق كان مكمل

لقيت اللى بيقول بكلمها عن الكلب
قالتلى اصله وحيد و مالوش حد فى الدنيا غيرى و انا اللى بربيه

فالراجل قولتلها لها ما نا كان وحيد
فى الدنيا ديه
و مش لاقى اكل و عايز اللى يربينى و يصرف عليا
ههههههههه
-----
شوف التحقيق ده
بابا حكالى عليه

http://www.ahram.org.eg/archive/Index.asp?CurFN=inve1.htm&DID=10040

:-)

عمرو جويلى يقول...

السلام عليكم
حمداً لله على سلامتك بعد طول غيبة كبيرة
فالحمد لله إنك رجعت لنا بألف سلامة
ورمضان كريم
دمت بكل الخير

♥نبع الغرام♥♪≈ يقول...

السلام عليكم

كل سنه وانت طيب ياخالد ربنا يبلغنا الشهر الكريم واحنا فى احسن حال


البوست جميل رغم انه بيقطع القلب والله

بس فعلا الكلاب الوقتى بقا ليها قيمه عن البنى ادمين


يااااااااااااااااه ربنا يسعد قلبك يارب

مودتى
ايناس

موناليزا يقول...

متفقة معاك جداً
فالانسان اكيد اولى بالاهتمام من اى كائن آخر مهما كان

وكل عام وانت بخير

Pink Dreams يقول...

هههههههههههههههههههه

طب والله هم يضحك وهم يبكى

حضرتك عندك حق

على الاقل الكلاب اوفى من البنى ادمين فى زمنا دا

بوست جميل جدا

كل سنه وحضرتك طيب وكل الاسره الكريمه بخير

mohamed ghalia يقول...

رفقا البشر ورفقا بالحيوان
معاك حق ياخالد باشا
التوبك هايل
كل سنة وانت طيب

مجداوية يقول...

السلام عليكم

كل عام وأنتم بخير

رمضان كريم

mahasen saber يقول...

والله يا ابو همس صدقت فى كل كلمه فى البوست

فعلا البوست من اول عنوانه لاخر جمله حسسنى بالقهر اليى مكنتش واخده بالى منه او كنت بطنشه

بوست رائع يا ابو همس

على عبدالله يقول...

السلام عليكم

كيف حالك أبو همس ؟
وكيف حال همس ؟
يا ترى هتصوم السنادى ولا زى كل سنة ؟
:)
كل عام وانتم بخير
مبارك عليكم شهر رمضان

عمرو يقول...

أيوه يا أستاذنا المغزى وصل و أتفهم ما بين السطور :))
بالمناسبه بقى فيه ناس أعرفهم كان عندهم كلب جريفون أبيض صغير كده و كان بييجى له الحلاق فى البيت يحلق له كان اٍسمه شحته المفاجأه بقى اٍن أكتشفت أنه حلاق رجالى أصلا و العده اللى بيحلق بيها لزباين المحل هى برضو نفس العده اللى بيحلق بيها للكلاب !!!

ميرا ( وومن ) يقول...

يعني تسكت تسكت وترجعلنا بس بوبي دة

انا بقول احنا نعمل جمعية الرفق بالمصريين

-------------
كل سنة وانت طيب وبخير وبصحة ورمضان كريم

شجرة الدر يقول...

واحد دخل الحبس لانه
وهو ماشي تعرقل في كلب مسؤل
والكلب من النوعية الرقيقة الحساسة جدا
وطبعا الراجل (البشر)) من النوعية زينا
لازم يتعاقب لانه حيوان
تحياتي

simply me يقول...

لا يا عم بوبى ايه
انا كده كويس

دعاء مواجهات يقول...

تصدق ان كل حاجة بقت خلاص متوقعة

سيبك

المهم بالنسبة للفطار الجماعى ياريت يكون يوم سبت ياخالد باشا

وكل سنة وانتى وهموسة ومامتها بخير وصحة والف سلامة

سلام

maha zein يقول...

ايه الحقد الطبقي ده
ما تبطلوا بقه
ما تسيبوا الكلاب تعيش

ايه
خلاص

ده ايه ده يا اخواتشي

بتحقد علي الكلب

عموما خلي الجدع يتسخط كلب كده عشان يجري في الشارع و العيال يزقلوه بالطوب ومايبانلوش صاحب

كل سنة و انت طيب
و بالله عليك يا خالد تحذف الاغنية اللى في البلوج عندك

ادخل رمضان بلا معاصي ان شاء الله
كفاينا علينا ذنوبنا

مش هنشيل ذنوب غيرنا كمان


والله هنتسأل عن كل حاجة

واصلا اساسا بقه هو امر مني
الاغنية دي تتشال و الا هسيب على مدونتك كلاب المنطقة والدم هيبقه للركب

كل سنة وانت طيب

حاجات جوايا يقول...

ههههههه
فكرتنى بفيلم اربع بنات وضابط .. لما نعيمة عاكف واصحابها خرجوا من الاصلاحية و كانوا هيموتوا من الجوع بعد اللف .. لغاية ما شافوا قصر فيه بيت كلب والطباخ شاويله لحمة وجايبهالوا على صينية وفضلوا وراه لغاية ما سرقوها منه هههههههه
فاكره ده ؟؟

احنا فعلا فى زمن الحيوانات فيه عايشة احسن مننا
ربنا يرحمنا

لك عندى تاجين .. الحالى واللى قبله .. تعالى استلمهم بقى


كل سنة وانت وهمس ومامتها والاسرة الكريمة بكل الخير
ورمضان كريم

Me7'o يقول...

خالود
ليك وحشة يا راجل والله
____________________

إنت بقى عاوز الحكومة تعاملنا معاملة البوبيهات

بس إنت قلت إن البوبيهات طبقات

واحنا بقى فى نظر الحكومة من نفس طبقة أول نوع إنت قلت عليه

بس عجبنى قوى تعليق أستاذ عمرو اللى بيدل على إننا والحيوانات سواء

تحياتى ليك يا جميل
كل سنة وإنت طيب ورمضان كريم

Hannoda يقول...

زي ما قلت .. العيب مش في الرفق بالحيوان

العيب في اهمال كرامة الانسان
يعني أكيد ده حايكون تناقض ييط لما حد يهتم بكل عطف بكلب و باكله و صحته ونفسيته و يقول للبواب يا جاهل او يا غبي

ولو التناقضات ده زالت من أخلاقيات الناس يمكن ساعتها فعلا الامور تتغير

ahmed_k يقول...

هههههههه كل ده في قلبك
طب برضو كده يا خالد حتفتح على نفسك حمله شعواء من الساده أعضاء المجالس الكلابيه ههههههه
يا خالد فعلا في ناس مهووسه بالكلاب ولو أني مش عارف إزاي الواحد بيقدر يتمشى في بيته وفي كلب ممكن بالغلط يدوس على ديله يقوم عاضه
عالم دماغها فاضيه
عموما كل سنه وأنت طيب يابو همس
وبعوده عليك رمضان بكل خير وصحه وسعاده

Asmaa mahaba يقول...

ههههههههههههههه
يا جزمه الهنا يا ريتنى كنت انا :))
دى اغنيه سمعتها برضو فى الشارع على سبيل المعاكسه
كل سنه وانت طيب انت وهمس وام همس :))

سبهللة يقول...

كل سنة وانت طيبة
رمضان كريم
بلغك الله الشهر
وعظم لك الاجر

♥نبع الغرام♥♪≈ يقول...

كل سنه وحضرتك طيب

رمضان كريم

ادعوك لزيارة مدونتى التانيه


مودتى

http://nosaelnosakwanosa.blogspot.com/

شمس النهار يقول...

البوست صادم بس بخفة دم

اومال لو شفت الكلاب في امريكا بيعملوا فيها ايه هتعمل ايه انا شخصيا كان هيجيللي الضغط
كنا في مكان جميل جدا وراقي جدا علي المحيط لاقينا رجل وزوجته معاهم عربية بيبي وعمالين يدلعوا في البيبي وقجأه سمعنا نبحه كده علي خفيف لما اتخضيت وبصيتلهم
قالوا ان ده كلبهم وعامل عمليه ونفسيته تعبانه وبيفسحوه

كل سنه وانت طيب

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله

الربان يقول...

اخي خالد...

العقلية التي لدي الشاب تظهر بوضوح كم هو سطحي التفكير...قليل الطموح..

كل طموحه ان يكون كلب و يقاد بسلسلة
يعني لن يكون يوما حر نفسه...بل سيظل
مقيد...صريع المأكل و المشرب....

للاسف هذه العقلية اصبحت منتشرة بيننا..

الافضل ان نسأل الله من فضله...و ان يرزقنا القناعة...لان النفس طماعة
و من رزق القناعة و الرضي فقد حاز سعادة الدنيا....


تحياتي و تقديري

المسلم الصغير يقول...

السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك

شهووووده يقول...

موضوع قيم واسلوب راقي