8 أغسطس 2009

دعوة إفطار صائم



 بسم الله الرحمن الرحيم 

كل عام وانتم بخير بمناسبة قرب حلول شهر رمضان المعظم
اعاده الله علينا وعلى الامة الاسلامية بالخير واليمن والبركات

دعوة الى الاخوة والاخوات مدونى مصر المحروسة  
لعمل يوم لإفطار صائم

عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء " .
رواه الترمذي ( 807 ) وابن ماجه ( 1746 )


المكان : مستشفى ابو الريش الجامعى 
الميعاد يوم الجمعة 4-9-2009
او يوم السبت 5-9-2009
التجمع هيكون الساعة الثالثة عصرا بالمستشفى
اليوم عبارة عن تبرع بقيمة وجبة افطار للامهات المرافقات للاطفال المرضى
وكذلك قسم التمريض بالمستشفى  (كل حسب امكانياته )؟

عقب توزيع الوجبات سنتوجه الى مكان قريب 
لعمل افطار جماعى للمدونين المشاركين فى اللقاء
علما بان تكلفة الوجبة المقدمة وعدد الوجبات المطلوبة 
سنوافيكم بها فى  بداية شهر رمضان المعظم
واى استفسار او اقتراح سنرد عليه فورا فى  جميع المدونات المشاركة 
فى عمل اللقاء
  
وكذلك كل مدونة تشارك فى النشر عن اللقاء
الهدف الاساسى من هذا البوست هو عمل استفتاء لاختيار احد الايام المناسبة لكم من بين يومى الجمعة والسبت 4 أو 5-9-2009
وبناء عليه يتم تحديد باقى الخطوات
وكل عام وانتم بخير

هناك 67 تعليقًا:

Pink Dreams يقول...

بجد فكره جميله قوى قوى

وربنا يتقبل منا جميعا

كل سنه وحضرتك طيب

رمضان كريم

أمل حمدي يقول...

ربنا يتقبل منكم اللهم امين

وكل عام وأنت بكل خير وكل المدونين وكل امة المسلمين اللهم امين

شجرة الدر يقول...

السلام عليكم
كل سنة وانتم طيبين والامة الاسلامية بالف خير
ورمضان كريم
ويارب يبارك لكم في عملكم الخير ويجعل ثوابكم الجنة
امين يارب العالمين

حنين القلب يقول...

اولا الفكرة هايله وربنا يجعلها فى ميزان حسناتكم

كل سنه وانتم طيبين
رمضان كريم يا خالود

حنين القلب يقول...

وبما انى مش هروح يبقى اختار
يوم وقفه عيد الاضحى اهه هيبقى وقفه عرفات
وكلنا ناكل بس انا عايزة الفلوس وهشترى من عندى

ولا هو الغايب مش ليه نايب

انا باتنين انا بفكركم اهه

حنين القلب يقول...

خاااااااااااااااالود

فين الفانوس بتاعى وبتاع النونو

انا عايزة اتنين

وعايزة الياميش
والزكاة
بس كفايه

ومش تنسى العجل بتاع العقيقه
ههههههههههههههههههههههههههههههههههه

غير معرف يقول...

كل سنه وانتو طيبين

متجمعين فى الخير دايما يارب

حنين

بنجاواتى يقول...

ما شاء الله
ربنا يبارك

فكرة تحفة
ان شاء الله تتم

انا شايف ان يوم السبت مناسب لانى من الاقاليم

تحياتى

mohamed ghalia يقول...

خالد باشا
بلوجر كله منور
ربنا يكرمك
كنت هطير بجد لكما كلمتنى
ربنا يخليك للغلابة
وإن شاء الله معاك فى فطار المدونين

♥نبع الغرام♥♪≈ يقول...

كل سنه وحضرتك طيب انت والاسره الكريمه وبجد فكره جميله قووى للخير
ربنا يبارك فيكم

مودتى

ميرا ( وومن ) يقول...

كل سنة وانت طيب يا خالد إن شاء الله السنة الجاية في العمرة

قول آآآآآآآآمين

انا هاختار يوم الجمعه لأن 90 % هاتبقي اجازة يوم الجمعه

yoyo يقول...

صباحك سكر يا خالود

كل سنة وانت طيب
رمضان كريم

فكرة هايلة والله
ربنا يقدرنا يارب
ويجازيك كل الخير على الفكرة دى
بس ياريت لو تعرفنا التفاصيل اكتر

تحياتى
يويو

Empress appy يقول...

ربنا يكرمك يا خالد يا رب بس فيه ناس عندى قالوا السبت مش عارف بقى

الازهرى يقول...

تقبل الله منك صالح الأعمال

بإذن الله معاكم
بس انا يناسبنى السبت أكتر
الجمعه بيبقى مليان جدا

بوبو يقول...

فكرة هايلة بس يا ريت تكون يوم4/ 9 لان 5/ 9 عيد ميلاد جوزي وانا اصلا نفسي اجي
وانتو اتجمعتو يوم السبت اللي ابني بياخده اجازة من الحضانة ومقدرتش برضه اجي.. خليها 4/ 9

غير معرف يقول...

السلام عليكم
أعجبتنى صورة الآية القرآنية كثيراً
فأتمنى لحضرتك التوفيق
خالص تقديرى

عمرو جويلى يقول...

السلام عليكم
بارك الله فيك يا أخى الكريم
وأشكر لك جهدك الطيب بالموضوع
وكل عام
دمت بكل الخير

الطائر الحزين يقول...

اللهم بلغنا رمضان

متجمعين فى الخير دوما

الفراغ يقول...

ربنا يجمعنا فى الخير دايما يا رب
والله لو قدرت هاجى بأذن الله انا وبنتى
منتظرين التفاصيل
سلامى لهمس
والى لقاء قريب

mahasen saber يقول...

الله ينور عليك يا ابو همس

ان شاء الله هحضر انا وبيرو ونونا ودودو كمان

بس اعتقد يوم الجمعه يكون انسب بكتير ان ربنا اراد

ربنا يباركلك فى كل من تحب

ولازم تجيب همس معاك

Diyaa' يقول...

ربنا يبارك فيكم ويتقبل منكم كل خير

وبإذن الله أكون موجود بس هتبقي مؤكدة أكتر لو يوم 4 سبتمبر
المكان ..والله أنا جاهل في الأماكن..منفي في أكتوبر بقالي 18 سنة
اهئ اهئ
وربنا يجازيكم كل خير وكل عام والمسلمين بخير وتبقي كل أيام السنة رمضان بأخلاقه وبجمال أيامه

همس يقول...

زى السنه اللى يعنى

ربنا يسهل

وكل سنه وانت طيب

ورمضان كريم

Asmaa mahaba يقول...

انا جايه باذن الله الا لو حصل امر جلل استوقفنى ربنا يجمعكم فى الخير ديما

حياتى نغم يقول...

السلام عليكم / جزاكم خيراً دعوة مباركة بالتوفيق تقبل الله .

فاتيما يقول...

إيه دا
انا عاوزة أروح أتعالج من الألزهماير
ساعة ما خدت اللينك من عندك و حطيته عندى كان متهي|ألى غنى علقت عندك
و أل أنا جاية اشوف رديت عليا قولت إيه ؟؟
تصور !!!!
لأ شوفولى حل و لموا من بعضيشكم عشان أروح أتعالج فى مارينا شرم الشيخ الغردقة كدا و اول واحد تاخد منه فلوس الوادعبدو الرايق ...
بعينى ؟؟؟
طب خلاص بس إبقوا فكرونى
يلا المهم
أنا معاك يا خالود فى أى يوم فيهم إن شاء الله
و يا ريت و النبى تقولى حكاية الوجبات و الفطار و مصاريف اليوم كله كانت كام تقريباً السنة اللى فاتت عشان أبقى أعمل حسابى و أخمصهم من المنبّع قصدى المرتب اول ما اقبضله ...ماشى ؟
طيب سلام مؤقتاً يا أغلى اخ...

Unknown يقول...

أعانكم الله على
فعل الخـــــير
والخيراتـــــ
وجعله فى ميزان
حسناتـــــــــــكم

خواطر شابة يقول...

السلام عليك
انا مغربية تعرفت على عالم التدوين واحببت ان اكون عضوة فيه ارجو المساعدة على فهم خباياه وشكرا مسبقا على اي اهتمام يلقاه طلبي من طرفك او من طرف اي من المعلقين عندك والله لايضيع اجر المحسنين
حسنة قليلة تمنع بلاوي كثيرة وهنيالك يا فاعل الخير

خواطر شابة يقول...

السلام عليك
انا مغربية تعرفت على عالم التدوين واحببت ان اكون عضوة فيه ارجو المساعدة على فهم خباياه وشكرا مسبقا على اي اهتمام يلقاه طلبي من طرفك او من طرف اي من المعلقين عندك والله لايضيع اجر المحسنين
حسنة قليلة تمنع بلاوي كثيرة وهنيالك يا فاعل الخير

همس الاحباب يقول...

pink dreams
اللهم تقبل منا ومنكم صالح الاعمال
وانتى طيبة وبصحة وسعادة
تحياتى

همس الاحباب يقول...

ماما امولة
وانتى طيبة وبصحة وسعادة
رمضان كريم
وربنا يتقبل منا ومنكم
تحياتى لحضرتك

همس الاحباب يقول...

شجرة الدر
جزاكى الله خيرا
وانتى طيبة يا ست الكل
الله اكرم
ربنا يتقبل منا ومنكم
تحياتى

همس الاحباب يقول...

حنين القلب
وانتى طيبة وبصحة وسعادة
والسنة الجااية يكون معاكى عتريس الصغير
الله اكرم

همس الاحباب يقول...

حنين القلب
ههههههه
وقفة عيد الاضحى
كل سنة وانتى طيبة
صباح الزهايمر بالملوخية
ربنا يكون فى عونه التانى مش يعرف اللى فيها لسه
وانه امه فاقدة الاحساس بالزمن

همس الاحباب يقول...

حنين القلب
يا ماما انتى واقفة قدام جامع السيدة
خلى بالك انتى فى مدونة بتشحت من طوب الارض
اكيد دخلتى هنا غلط
هههههههه
عجل جاموس مش كده
موجود متخافيش

همس الاحباب يقول...

7annen
وانتى طيبة يا ست الكل
ونتمنى انك تشرفينا
جزاكى الله خيرا
تحياتى

همس الاحباب يقول...

بنجاواتى
ربنا يبارك فى حضرتك
ويسعدنا تشريف حضرتك
ان شاء الله اليوم يكون زى ما تحب
كل سنة وحضرتك بخير
تحياتى

همس الاحباب يقول...

محمد غالية
كل سنة وانت طيب
اكيد هتنورنا وفى انتظارك دائما يا ياشا
ربنا يبارك فى حضرتك
تحياتى

همس الاحباب يقول...

عاشة الاحزان
وانتى طيبة
واسرتك بصحة وسعادة
ربنا يديم عليكى السعادة والرضا
وكل سنة وانتى بخير
تحياتى

همس الاحباب يقول...

وومن
الله اميييين
انا وانتى والمسلمين اجمعين
اممممم الجمعة ربنا يسهل ان شاء الله
يس فى جميع الاحوال انتى موجودة
جمعة او سبت
اتصرفى البنات هيقطعوكى
لو ما جتيش
تحياتى

همس الاحباب يقول...

يويو
وانتى طيبة وبصحة وسعادة
وربنا يكرمك وتقدرى تشاركى معانا
ان شاء الله هقولك على التفاصيل كلها فى البوست القادم بعد اختيار اليوم
كل سنة وحضرتك طيبة

همس الاحباب يقول...

ابى
كل سنة وانتى طيبة
انا ما عنديش مانع انه يكون السبت
عامة احنا هنختار بناء على الغالبية العظمى وربنا ييسر الامور
تحياتى

همس الاحباب يقول...

الازهرى
الله امين
اللهم تقبل منا ومنكم صالح الاعمال
تشرف يا باشا
وفى انتظار حضرتك

همس الاحباب يقول...

bobo
يشرفنا حضور حضرتك
وان شاء الله الميعاد يناسب حضرتك
وبعدين احنا معشر الرجالمش تفرق معانا يوم الميلاد المهم انكم تفتكروا اليوم
كل سنة وجوز حضرتك بخير
وعقبال مليون سنة
تحياتى

همس الاحباب يقول...

العصفورة
وعليكم السلام ورحمة الله
ربنا يكرمك يا عصفورة
وكل سنة وحضرتك طيبة
تحياتى

همس الاحباب يقول...

اللؤلؤة
ربنا يبارك فى حضرتك
ونتمنى مشاركتك
كل سنة وحضرتك بصحة وسعادة
تحياتى

همس الاحباب يقول...

الطائر الحزين
الله امين
جزاك الله خيرا
اللهم بلغنا رمضان

همس الاحباب يقول...

الفراغ
كل سنة وحضرتك بخير
يسعدنا ويشرفنا حضور حضرتك طبعا
وانا تحت امر حضرتك فى اى تفاصيل
تحياتى لاجمل ماما

همس الاحباب يقول...

محاسن صابر
كل سنة وانتى طيبة
طبعا تنورى يا ام بيرو
وان شاء الله الميعاد يناسب حضرتك
وفى انتظارك باذن الله

همس الاحباب يقول...

ضياء
كل سنة وانت طيب يا ضياء
ان شاء الله المكان سهل والوصول اليه اسهل
متخافش انت من اى حاجة
وفى انتظار تشريفك
واى استفسار انا تحت امرك
اللهم امين

همس الاحباب يقول...

همس
كل سنة وانتى طيبة
وان شاء الله تشاركى معانا كعادتك دوما
ان شاء الله هيكون نفس المكان بتاع السنة اللى فاتت
فى انتظارك يا هموسة
تحياتى

همس الاحباب يقول...

سومه
ان شاء الله الامور هتكون على ما يرام
وتشرفينا كعادتك
فى انتظار مشاركتك الكريمة
وكل سنة وانتى طيبة

همس الاحباب يقول...

حياتى نغم
وعليكم السلام
ربنا يكرمك
اللهم امين
تحباتى

همس الاحباب يقول...

فاتيما
هههههههههه
ولا يهمك با ام يوسف
كل سنة وحضرتك بخير
وان شاء الله تشريفنا طبعا ويكون معاكى يوسف باذن الله
وان شاء الله كل التفاصيل هتعرفيها حضرتك قبل اللقاء بفترة ان شاء الله
تحياتى وتقديرى

همس الاحباب يقول...

نوهاتى
كل سنة وحضرتك بخير
وربنا يتقبل منا ومنكم صالح الاعمال
تحياتى

همس الاحباب يقول...

يا خوف فؤادى من غدى
اهلاوسهلا بحضرتك
ونورتى عالم التدوين
واحنا تحت امرك فى اى مساعدة
تحياتى

mimi يقول...

خالد ، كل سنة وأنت طيب ... إن شاء الله معاكم ،، ياريت التجمع يكون يوم جمعة علشان الأجازات

وياريت يكون فيه تفاصيل أكتر

رمضان كريم

همس الاحباب يقول...

ميمى
كل سنة وحضرتك طيبة
وشرف لينا انك تكونى موجودة معانا طبعا
وان شاء الله يكون الميعاد مناسب لحضرتك
تحياتى وفى انتظار تشريف حضرتك

مواطن مصرى نايم يقول...

ربنا يتقبل يا خلود يا رب
و يجلعه فى ميزان حسناتكوا
واحشنى جدا و الله
كل سنة و انت طيب يا كبير

Kiara يقول...

الفكره هايله وان شاء الله اكون في الشغل واجيلكم منه عليكو عدل

كل سنه وانتم طيبيييين

همس الاحباب يقول...

مواطن مصرى
كل سنة وانت طيب يا باشا
وانت كمان ليك وحشة من هنا لحد اسكندرية رايح جاااااااى
ربنا يبارك فيك ويعزك

همس الاحباب يقول...

كيارا
اكيد طبعا لازمن تيجى
المكان جنبك ما فيش حجة
كل سنة وانتى طيبة

أعـــ * أصحاب * ـــز يقول...

كل سنه وانتو طيبين

مدونه شقاوة اخر حاجه

تدعوكم لزياره مدونه طيور الجنه بمناسبه شهر رمضان المبارك

ستجد رابط المدونه فى مدونه شقاوة اخر حاجه

هيا بنا لنساعد على نشر الاسلام وطاعه الله

وكل سنه وانتو طيبين

اعز اصحاب

عاشقه الرومانسيه يقول...

ربنا يجعله فى ميزان حسناتك ياخالوووووووووود

Maryama Qandil يقول...

حلوووو جداً,,,

ربنا يتقبل منك ويجعله في ميزان حسناتك حبيبتي,,,

ان شاء الله معاكوا في الموضوع ده
وهنزل اللينك في المدونة ان شاء الله
واذا احتجتوا اي مسااعدة طبعا متوفرة لكده,,,

اليومين مناسبين ليا حتى الآن بس يفضل السبت...:)

رمضـــــــــــان كريم

assafo anaroze يقول...

السلام عليكم
بادرة ممتازة و فعل تضامني رائع
اتمنى من العلي القدير ان يجازيكم عله خيرا
مودتي

رحلتنا في الحياة يقول...

فكرة ممتازة جزاكم الله خيرا وجعلها الله فى ميزان حسناتكم باذن الله

غير معرف يقول...

بص يا أبيه
بالنوسبة ليوم الجمعة بيكون خخخخخخخخخخخخخخخخخخ بالنسبة لي عشان أصمد بقيه الاسبوع
ولو السبت ممكن اخلص شغل واجيلكو جررررررررررررري

ربنا يهديك يا بابي وتوافق

كل سنة وانت كويس ع الآخر يا أنكل خالد وربنا يتقبل منك الدعوة دي وتاخد ثوابها كلها واحنا نقعد بأه ان شاء الله نتفرج عليك :)

مها ميهوووو