8 يونيو 2009

نقطة دم = حياة







مر على اخر حملة خيخية للتبرع بالدم فى 6-3-2009 فترة 3 شهور

واليوم فوجئت باتصال تليفونى من احد موظفى مركز التبرع بالدم بالدقى ( فاكسيرا) يخبرنى بان نتائج التحاليل سليمة والحمد لله

فاندهشت من ذلك وبقوله الكلام ده كان من 3 شهور ايه الجديد فى كده فرد مطلوب من حضرتك التبرع اليوم او غدا على اقصى تقدير

ليه يعنى احنا غالبا بنتبرع فى مجموعات كل فترة

حضرتك مطلوب للتبرع علشان فصيلة دمك متوافقة مع مريضة بتتعالج على نفقة الدولة ومحتاجة نفس فصيلتك لان الفصيلة متوافقة وكذلك الفصيلة الممتدة وده بيمنع تكون اجسام مضادة فى جسم المريض

المريضة طفلة عمرها 4 سنوات واسمها شيماء حسين وبتعانى من انيميا البحر الابيض المتوسط ومحتاجة نقل دم ضرورى

حضرتك ممكن تيجى امتى

خلاص انا حاليا فى الشغل وبكرة ان شاء الله هاجى للتبرع

شكرا لحضرتك ويا ريت لو جيت تقولهم انا جاااى اتبرع للمريضة شيماء حسين

ان شاء الله هكون موجود

ده تقريبا الحوار الذى دار بيننا

المهم فى الموضوع ان الطفلة مريضة وبتحتاج نقل دم باستمرار واى شخص طبيعى بيتبرع من 3 الى 4 مرات سنويا

لذلك كل من يستطيع التبرع يا ريت يشارك


المريضة اسمها شيماء حسين
A+الفصيلة المطلوبة


مكان التبرع المركز القومى للتبرع بالدم ( فاكسيرا ) 51 ش وزارة الزراعة - الدقى


ت المركز 37613117 - فاكس : 37613124




فوائد التبرع بالدم


هناك ثلاث فوائد للتبرع بالدم وهم فوائد صحية وإنسانية ودينية
الفوائد الصحية
o توجد فوائد صحية للتبرع بالدم حيث أن التبرع بالدم ينشط خلايا نخاع العظام للمتبرع (مكان تصنيع الدم) مما يزيد من فاعليتها ويجدد نشاطها فتنتج المزيد من خلايا الدم الجديدة .
ثبت أنه في كل مرة تتبرع بالدم فإنك تتخلص من بعض الحديد الذى يحتوية والذى إذا ما ارتفع مستواه بالدم يزيد من مخاطر الاصابة بامراض القلب ، كمد ان الحديد يعجل باكسدة الكوليستيرول ويزيد من تلف الشراين الصغيرة. (د.جيروم سوليفان الأستاذ بجامعة فلوريدا الأمريكي)
إن الذين يتبرعون بدمهم مرة واحدة على أقل كل سنة هم أقل تعرضا للإصابة بأمراض الدورة الدموية و سرطان الدم (مجلة القلب عدد أغسطس1997)
التبرع بالدم ينشط النخاع العظمى (وهو المسؤول الوحيد فى الجسم عن تكوين خلايا الدم), فبينما يتجدد دم الإنسان طبيعيا كل 120 يوما, يتجدد دم المتبرع المنتظم كل 20 يوما فقط أى أسرع بستة أضعاف، كما أن خلايا الدم الجديدة أنشط فى نقل الأكسوجين إلى أعضاء الجسم, مما يؤدى إلى زيادة النشاط والحيوية. فكأن الله يبدل المتبرع بكيس دم أفضل مما تبرع به.
التحاليل التي تجرى في كل مرة للتبرع تُطمئن المتبرع على صحته بصورة دورية
الفوائد الإنسانية

بتبرعك بالدم، أنت تشارك فى إنقاذ حياة عدة أشخاص فى احتياج ملح الدم أو لأحد مشتقاته لأن الدم يمكن فصله لأربعة مكونات رئيسية هى كرات الدم الحمراء والصفائح الدموية والبلازما وبعض عوامل التجلط. بل أن هذه المكونات يمكن فصله مرة أخرى إلى مكونات أصغر. إن إحساسك بهذا العطاء سوف يشعرك بالرضا والفخر.


الفوائد الدينية

· التبرع بالدم هو زكاة عن الصحة وهو فرض كفاية.
· فضل إنقاذ حياة إنسان( . . ومن أحياها فكأنما أحيا الناس جميعا . .) من سورة المائدة آية 32.
· فضل تفريج الكربات فقد قال صلى الله عليه و سلم " من فرج عن مسلم كربة من كرب الدنيا فرج الله عنه كربة من كرب يوم القيامة" (رواه الشيخان من حديث ابن عمر، كما في اللؤلؤ والمرجان، برقم 1667).
فوائد التبرع منقول

هناك 44 تعليقًا:

حنين القلب يقول...

وسعععععععععع ياااااااااااااااض

اول تعليق

اروح اقرى وارجع

حنين القلب يقول...

ربنا يجعل العمل ده فى ميزان حسناتك

ويكرمك بجد يا خالد
كفايه ان ربنا سخرك فى خير ويمكن تكون سبب فى انقاذ حياتها

ربنا يتقبل منك صالح الاعمال

حنين القلب يقول...

بس هنا بقى فيه مشكله

انت لسه متبرع من 3شهور
تفتكر هيلاقوا دم تانى ؟؟

الله اعلم
بس يا رب يلاقوا

Kiara يقول...

للاسف انا فصيلتي
B pos

Kiara يقول...

ههههههههههههههههههههههههه

يالهوي ياحنين

مشرده خالد حتته تشريده ههههههههههههههههههههه

مهندس مصري بيحب مصر يقول...

أنا A+ برضه
لو كنت في مصر ما كنتش إتأخرت

ربنا يجازيك كل خير

همس الاحباب يقول...

حنين القلب
مبروك عليكى اول تعليق

همس الاحباب يقول...

حنين القلب
ربنا يكرمك
ويجازيكى خيرا
ويجعله فى ميزان حسناتنا يا رب
تحياتى

ميرا ( وومن ) يقول...

ربنا يكرمك يا رب يا خالد

وكويس انك اتكلمت عن فوائد التبرع في ناس كتير مش بترضي تتبرع وبجد دي أنانية مفيش احسن من أنك تزكي عن صحتك

ومن أحيا نفساً فكأنما أحيا الناس جميعاً

همس الاحباب يقول...

حنين القلب
هههههه
ربنا يستر
يلاقوا دم مش شربات
والخوف انهم يلاقوا شربات مسكر كماان
ههههههه
تحياتى

همس الاحباب يقول...

كيارا
ولا يهمك يا ستى
انا اتمنى انه اى حد عنده القدرة يتبرع بغض النظر عن الفصيلة
كل الفصائل ممكن نحتاجها
تحياتى

Kiara يقول...

لا مهو لو اي فصيله

ماانا اتبرع عندي في الشغل

اهو علي الاقل

هخلي زميلي هما اللي بيرعوني موش حد غريب

وهيكونوا حونين عليا

همس الاحباب يقول...

كيارا
هههههه
ده قصر ديل
فاقد شىء لايعطيه يا كيارا

همس الاحباب يقول...

مهندس مصرى
جزاك الله خيرا
طب كويس الفصيلة واحدة اهو
تحياتى لحضرتك

همس الاحباب يقول...

وومن
جزاكى الله خيرا على المشاركة
وربنا يجعله فى ميزان حسناتنا
تحياتى

همس الاحباب يقول...

كيارا
مفيش مانع
الدعوة عامة وتذكرة للجميع بفوائد التبرع واهميته لكل مريض
جزاكى الله خيرا
ولو الموضوع حنية وبس
متخافيش احنا هنجيبلك خرطوم مريح ونسحب براحتنا خالث
ههههههه

Kiara يقول...

ههههههههههههههههههههههههههههههههه

خرطوم

ياساتررررررررررررررررررررر

الفراغ يقول...

اهلا خالد
طيب اشرب لبن كتير
وجزيت خيرا

مطلق يقول...

انا استغربت اصلا يا خالد لما خيخه ملمتناش عشان نروح لاني عارف انه عدي 3شهور فعلا

لو رايح بعد الساعه 6 كلمني و نروح سوا

0101035670

عمرو جويلى يقول...

الأخ خالد
بارك الله فيك وأدام عليك الصحة والعافية

شموع يقول...

الأخ همس الأحباب
بارك الله فيك وجعله الله فى ميزان حسناتك
بالفعل فنقطة الدم فى بعض الأحوال تحيي إنسان وأشكر لك هذه الدعوة التى قد ننساها مع مشاغل الحياه
دمت أخى بكل ود

♥نبع الغرام♥♪≈ يقول...

السلام عليكم

همس الاحباب

بسم الله ماشاء الله

ربنا يبارك فيك ويعزك

انا عن نفسى كل فتره بجد بتبرع بالدم والحمد لله

واخر مره كانت من شهرين

ربنا يجعله بميزان حسناتنا

تحياتى
انوسه

عاشقة القمر يقول...

ربنا يكرمك ويجعل لك في ميزان حسناتك
يارب يشفي كل مريضه يارب

Unknown يقول...

للأسف انا مش من القاهرة
بس الصراحة عشان ابقى واضح
حتى لو من مصر
حتردد اتبرع
بس الموضوع ان مفيش اى امان صحى فى بلدنا خالص

Empress appy يقول...

ده اللى عرفته اخر مرة اننا فصايل ممتده يعنى كل واحد مننا بيدى مريض ولما بيحتاج بيطلوبوا مننا يا خالد هما فهمونى كده فعلا

yoyo يقول...

مسائك سكر يا ابو همس

ربنا يبارك فيك يارب و يجعله فى ميزان حسانتك ان شاء الله

بس و الله دى مشكلة انا مش اعرف فصيلة دمى ايه لازم اشوف الموضوع دا بقى

دمت اخى بالف خير وصحة
تحياتى
يويو

أم أحمد المصرية يقول...

ربنا يتقل منك الترع و التدوينة و ان شاء الله يكون من بين قرائك من تتوافق فصيلة دمه معها

rovy يقول...

جزاك الله خيرا اخى الفاضل و بارك فيك و لك ..
الحقيقه انا من اسكندريه و كمان الفصيله مختلفه لكن هى o و طبعا معروف انها تعطى و لا تأخذ لكن اكيد مش فى كل الحالات ..
ربنا يشفى الطفله يارب و يحمى كل اطفالنا و اولادنا جميعا ..
دمت بكل الخير و دمت سباق للخير

خالص و ارق تحياتى

عمرو يقول...

بارك الله فيك و ربنا يشفى كل مريض ..
عمل خير اٍن شاء الله يكون فى ميزان حسناتك ..
تقبل تحياتى و تقديرى ..

simply me يقول...

ربنا يبارك فيك ويسهللك كل خير يا ابو همس

همس الاحباب يقول...

الفراغ
ان شاء الله
ربنا يكرمك وبجازيكى خيرا

همس الاحباب يقول...

كريم
مع الاسف احتمال كبير اروح الصبح قيل الشغل
ان شاء الله نلتقى على خير
تحياتى

همس الاحباب يقول...

كريم
مع الاسف احتمال كبير اروح الصبح قيل الشغل
ان شاء الله نلتقى على خير
تحياتى

همس الاحباب يقول...

اللؤلؤة
جزاك الله خيرا
ودمت اخى بصحة وسعادة
تحياتى

همس الاحباب يقول...

شموع
جزاك الله خيرا
وبارك الله فى حضرتك
وسعيد جدا بزيارة حضرتك
تحياتى وتقديرى

همس الاحباب يقول...

ايناس
ربنا يكرمك ويجازيكى خيرا
وياقبل منا ومنكم ان شاء الله
تحياتى

همس الاحباب يقول...

عاشقة القمر
اللهم امين
اللهم اشفى مرضانا ومرضى المسلمين جميعا
تحياتى

همس الاحباب يقول...

بدراوى
سبحان الله
اخلص النية لعمل الخير
وان شاء الله ربنا الشافى المعافى
وعلى فكرة بلدنا فيها خير
واهتمام فى بعض الاماكن
تحياتى

همس الاحباب يقول...

ابى
كلامك مظبوط فعلا
وعلشان كده اتصلوا بيا
لانى فصيلتى متوافقة مع فصيلة الطفلة
وطلبوا منى التبرع لو امكن
تحياتى وتقديرى

همس الاحباب يقول...

يويو
ربنا يسعد مسائكى يا ست الكل
وربنا يقدرك على فعل الخير دائما
ومش مهم الفصيلة
غالبا بيحتاجوا كل الفصائل فى كل الاماكن
جزاكى الله خيرا
تحياتى وتقديرى

همس الاحباب يقول...

ام احمد المصرية
بارك الله فيكى
وجزاكى خيرا
اللهم تقبل
تحياتى

همس الاحباب يقول...

روفى
ربنا يديكى الصحة
وربنا يشفى مرضانا ومرضى المسلمين جميعا
خالص تقديرى لحضرتك
دمتى بكل ود

همس الاحباب يقول...

عمرو
بارك الله فيك
واللهم تقبل منا ومنكم ان شاء الله
تحياتى لحضرتك

همس الاحباب يقول...

بندقة
ربنا يكرمك
ويجازيكى خيرا
تحياتى وتقديرى