20 يونيو، 2009

شكرا بور سعيد

بور سعيد  من البلاد التى تعشقها من الوهلة الاولى لجمالها وهدوءها وطيبة شعبها
بالامس كان لقاء بور سعيد والتجمع الخيرى لزيارة المدرسة الفكرية ببور فؤاد
لن اتحدث عن احداث اللقاء ولكن اذكر بعض الاشياء التى لفتت نظرى فى هذا اللقاء
اولها : النشاط والاصرار وتحمل الكثير من المصاعب و الجهد البدنى والذهنى وكم المشاكل التى واجهتها صاحبة الدعوة الكريمة ايناس نهر الحب وكل من كان معها لاقامة ذلك التجمع الخيرى  
لذلك تحية تقدير وعرفان لهم جميعا
 ثانيهم : النشاط والعمل الدؤوب والزيارات المتكررة والمتابعة الميدانية لاعمال الخير والاماكن المستحقة للرعاية والاهتمام من جانب مدونى بور سعيد والتى اجزم بانهم اشد جراة ومثابرة من مدونى القاهرة والمحافظات الاخرى فى ذلك  
ثالثا : المظهر الحضارى الذى شاهدته من معاملة اكثر من ممتازة من جانب القائمين على ادارة المدرسة الفكرية ورقيهم فى التعامل مع الاطفال وعنايتهم بهم 
رابعا : الحضور الحضارى لاولياء الامور ومتابعة اولادهم والوقوف بجانبهم
وتواصلهم مع الادارة 
خامسا : فرحة الاطفال وعيونهم الباسمة ورقصهم على انغام الدى جى وفقرات الساحر والاراجوز جعلتنى فخور جدا بمجرد مشاركتى ومشاهدتهم وجعلتنى اكثر فخرا باصحاب الفكرة والدعوة 
سادسا : ما شاهدته من مدونى بورسعيد وشعبها اثبت لى ان جينات البطولة والشجاعة ما زالت موجودة فى شعب بورسعيد حتى الآن  
سابعا : اللقاء كان  ممتع جدا وسعيد جدا بالتعرف على اناس جديدة فى هذا اللقاء وبشكر من حضر خصيصا لهذا اللقاء امثال ا/ احمد عبد المنعم الذى حضر من الشرقية هو ووالده واولاده وكذلك صاحبة الحضور الدائم فى بور سعيد سارة رحيل صاحبة  مدونة محاولات البحث عنى 
شكر خاص وعرفان من القلب لكل من 
ماما امولة وابنتها امانى وبقولها ربنا يكرمك ويفرحك بامانى 
ايناس نهر الحب  بجد اثبتى انك نهر عطاء لا ينبض جزاكى الله خيرا 
نسمة  معلش بقى كنت جاااااى مرهق والمكالمات راحت بس الجاى اكتر
داليا ودعاء ربنا يجعله فى ميزان حسناتكم 
طارق الغنام سعيد لوجود حضرتك
 عبد الحميد جندى مجهول
توفيق ابو العربى خسرت كتير انى معرفتكش من زماان
تامر مبروك  طمعت فى جينات الشجاعة بتاعت المصريين كلها ربنا يوفقك
علاء فى انتظار مدونتك ودخولك العالم التدوينى
وشكر لكل من حضر ولم يسعدنى الحظ للتعرف عليه من قرب
ثامنا :  سعدت بمقابلة بابا ابو خالد وابنه خالد لان ظروفه لم تسمح له بحضوراللقاء ومع ذلك اصر انه يقابلنى انا وماشى ويو صلنى لحد الموقف واختسلنا دقائق من الزمن للتحدث سويا وكم كان الحديث رائعا معه وسؤاله عن كل المدونين وارساله السلام للجميع واعتذاره للجميع عن عدم تواصله خلال الفترة الماضية لانشغاله الشديد 
شكرا ابو خالد وفى انتظار عودتك ووعدك لى 
ربنا  يتمم بخير لايمان ويرزقها الذرية الصالحة وعقبال خالد ان شاء الله 
شكرا بلد البطولة والشجاعة 
شكرا بور سعيد

هناك 62 تعليقًا:

حنين القلب يقول...

اول تعليق

اروح اقرى واجى بقى

حنين القلب يقول...

بوووووووووور سعيد

الله يسهله يا عم
انت عمال تتفسح وتروح واحنا قاعدين
فى اسكندريه

ربنا يكرمك يا خالد

ماما أمولة يقول...

الذي يستحق الشكر هو من لايضيع لقاء دون ان يشارك فيه

سفرك في عز الحر وتحملك مشاق الطريق ليس سهلا

جزاك الله كل الخير يا أبو همس الأحباب

ودايما يارب سباق الى الخير

ربنا يتقبل منا ومنكم اللهم امين

اسكندراني اوي يقول...

ابو همس خالد الغالي
حمدا لله على السلامه سعيد بما دونت عن هذه الزياره
وسعدت جدا بانك قابلت والدنا ابو خالد

ادامك الله لانسانيتك وحيويتك

أبو خالد يقول...

أبني الحبيب / أبو همس
يعلم الله كم سعادتي لهذا اللقاء القصير و الأطمئنان علي الأبن الغالي أبو همس كما أنني كنت في امس الحاجة للحديث معك و الأطمئنان منك علي كل المدونين
و ادعو الله العلي القدير أن يكون الجميع بخير حال و أرجو أن تقبل عذري لعدم حضوري اللقاء و لك خالص حبي و تقديري لشخصك الكريم و علي حبك لبورسعيد و شعبها جزاك الله عني كل خير
و جعل كل أعمالك الخيرية في ميزان حسناتك خالصة لوجه الله الكريم
دمت أبن حبيب غالي

رحــــيـل يقول...

خالد

فعلا بورسعيد بلد جميله جدا انا بحبها وكمان المجموعه البورسعيديه دول جامدين جدا جدا انا بكون مستمتعه وانا معاهم كان نفسى حقيقى تكمل باقى اليوم معانا قعدنا قعده ظريفه جدا فى اخر اليوم كانت نقصاك
بجد الناس دى جميله جدا جدا
ربنا يجمعنا دايما على خير
خالص تحياتى واحترامى

أم أحمد المصرية يقول...

ما شاءالله عليك يا اخي
انا اغطك و لا احسدك علي انشطتك و مجهودك بارك الله فيك

عاشقة الأحزان يقول...

السلام عليكم


جميل قووى البوست احيك عليه من كل قلبىى

وفعلا بورسعيد من اجمل البلاد هى والاسكندريه بعشقهم
ومبروك لايمان وعقبال خالد

تحياتى
ايناس

mimi يقول...

بجد انا رحتها مرة واحدة بس للشارع التجاري

انا كده حبيتها من كلامك عن المدينة الجميلة دي ...

ربنا يجعله في ميزان حسناتكم يارب

ربنا يوفقك

mahasen saber يقول...

a;vh gd; hkjh ;lhk dh hf, ils ugn uvthk; hg[ldg gho,hkh ,pfhdfkh hgl],kddk
,a;vh ghk; vw]jgkh fpf [i]il hgvhzu ]i

hkh fps td; f'dfi ydv uh]di
,hoghr tn lkjin hg;vl ,hgvrn
vfkh dsu]; ,dfhv;g; tn ;g lk jpf

hggil hldk

mahasen saber يقول...

اترج اليى كتبته من لهفتى ومخدتش بالى انى الكيبورد مقلوبه.....

بقولك يا ابو همس والشكر من القلب كمان ليك

لانك برقيك وجمال اسلوبك ده نقلتلنا جهود اخوانا فى اليوم الجميل ده

انا بحس انك انسان طيب جدا جدا وراقى وبتحب كل الناس

ربنا يصلح حالك
ويباركلك فى كل من تحب يا ابو همس

ahmed_k يقول...

ما شاء الله كان نفسي أكون معاكم
بس حالت الظروف بيني وبين التواجد
ربنا يقدرني في اللقاءات القادمه
ويجعلكم دوما للخير ساعين

MǿиY El-Shreef يقول...

الله رحت بورسعيد

انا مش عارفه ليه مش بحبها :D:D

من غير ضرب بقى ههههههههه

بس الي بتقولو ده كله شكله هيخليني اعيد تفكير يعني :D

يارب دايما سباق ف الخير يا خالد

akeed يقول...

فعلاً بورسعيد من المدن الجميلة اسمع عنها كثيرا ولم ازرها

عمرو يقول...

بارك الله فيكم و جعل مجهوداتكم فى ميزان حسناتكم ..
و الله أنتم أحسن قدوه ممكن أن نقتدى بها خاصة فى الظروف دى ..
تقبل عزيزى تحياتى و تقديرى ..

همس الاحباب يقول...

حنبن القلب
ههههه
كفاية عليكى انك فى اسكندرية وما ادراكى ما اسكندرية وجمالها
دى العشق والهوى كله اسكندرية
ربنا يسهله يا عم ويسهل لكل الاسكندرانية الجدعان
تحياتى

همس الاحباب يقول...

ماما امولة
ربنا يكرمك يارب ويجعله فى ميزان حسناتكم
وبارك الله لكم فى مجهودكم
وشكر جزيلا على كرم الضيافة وعلى اليوم الجميل بجد
جزاكم الله خيرا
ونلتقى دائما على خير
تحياتى وتقديرى لشخصكم الكريم

همس الاحباب يقول...

اسكندرانى قوى
ازيك يا هندسة
وحشنى قوى والله
شد حيلك عايزين ننزل اسكندرية ونشوفك
فى انتظار الاجازة بتاعت حضرتك
والحمد لله ابو خالد بخير
وبيسلم عليكم جميعا
تحياتى اخى الكريم

همس الاحباب يقول...

ابو خالد
والدى العزيز
كم كانت سعادتى لرؤية حضرتك
وكم كنت مشتاق للحديث معك والجلوس بصحبة حضرتك ولكن قدر الله وماشاء فعل
وما زلت عند وعدى لك سانتظرك فى القريب العاجل باذن الله
للك العذر هذه المرة ولكن بعد فرح ايمان لا اعذار
دمت لنا والد واب حنون
تحياتى لحضرتك

همس الاحباب يقول...

رحيل
عندك حق طبعا
وانا اسف جدا لانى كنت مرهق جدا وكنت مرتبط باشياء اخرى
كنت اتمنى ان اظل معكم ولكن قدر الله وماشاءفعل
وان شاء الله اللقاء القادم نعوضها باذن الله
جزاكم الله خيرا وجعله فى ميزان حسناتكم
تحباتى وتقديرى لحضرتك

همس الاحباب يقول...

ام احمد المصرية
بارك الله فى حضرتك
والحمد لله على نعمه
وشكرا لكلماتك الطيبة
تحياتى وتقديرى

همس الاحباب يقول...

عاشقة الاحزان
فعلا بور سعيد والاسكندرية من اجمل البلاد التى زرتهم
واجمل ما فيهم اهلهم وطيبتهم
جزاكى الله خيرا على كلماتك الرقيقة
وربنا يكرمك دنبا واخرة
وعقبالك انتى كماان
تحياتى

همس الاحباب يقول...

ميمى
الشارع التجارى
ههههههههه
انتى كده زرتى بور سعيد
بور سعيد بلد جمبلة جدا وهتعجبك ان شاء الله
جزاكى الله خيرا
احياتى

همس الاحباب يقول...

محاسن صابر
ههههههه
ايه ده يا ام بيرو انا اخرى بقرا صعيدى مكسر كماان هههههه
جزاكى الله خيرا
ده من ذوقك وكرم اخلاق حضرتك
شكرا على كلمات حضرتك الرقيقة
واتمنى انى اكون عند حسن ظنكم بى دائما
تحياتى وتقديرى لحضرتك

همس الاحباب يقول...

احمد k
قدر الله وماشاء فعل
باذن الله تشارك فى المرات القادمة
كان يسعدنى تواجدك يا اخى الكريم
جزاك الله خيرا
تحياتى لحضرتك

همس الاحباب يقول...

مونى الشريف
هههههههه
بلاش انتى يا مونى المدونة ملغمة بور سعيدية
لا بجد بور سعيد لو زرتيها مرة واحدة هتحسى انها مدينة رائعة تحمل جينات البطولة والشجاعة وتحمل الطيبة والهدوء
جزاكى الله خيرا
انا متاكد انك هتغيرى رايك
تحياتى

همس الاحباب يقول...

akeed
هى فعلا مدينة جميلة حقا
وان شاء الله ستزورها وتتاكد بنفسك
شكرا لتواصلك وتشريفك
تحياتى

همس الاحباب يقول...

عمرو
جزاك الله خيرا
ويارك الله فيك
ولكن حضرتك نبراس وقدوة لنا ونحن من نتعلم من حضرتك الكثير
فانت جدير بكل تقدير
تحياتى وتقديرى

عاليا حليم يقول...

من زمان و أنا نفسى سافر بورسعيد و إنت شوقتنى ليهاأكتر بالبوست ده

اللؤلؤة يقول...

الأخ خالد
السلام عليكم
مازالت بورسعيد تنبض بالخير
ولقد زرت فيها الشارع التجاري قبل ذلك
جعل الله إجتماعكم هذا فى ميزان حسناتكم
وعذراً للتأخير
دمت بكل الخير

الفراغ يقول...

انت جميل قوى يا خالد
نفسى اعرف الناس اللى انت بتعرفهم
وفين مدوناتهم
واساسا اساسا انت كنت رايح ليه
وتعرف الناس دى منين
يلا ياعم اكتبلنا بوست مفسر لكل هذه الاسئله لو سمحت..علشان اعرف اتواصل معاك واعرف كل اللى انت تعرفه
ولا الحكايه فسحه وخلاص
منتظره الاجابه
تحياتى

بنت اسكندرانية يقول...

ربنا يجعلة في ميزان حسناتك يارب
انت اخدها اسكندرية -قاهرة -بورسعيدددد
اللي وداك يودينيا ياسيدي

ونرجع لسؤال الحلقة انا ميننننننننننن
وعدنا بعد طول غياب

محمد عبدالرحمن شحاته يقول...

مأ أجمل ان يسعد الانسان بكل شيئ يفعله
جزاك الله كل خير
تقبلي مروري

Diyaa' يقول...

تسلم إيدك :)

يا ريتني كنت معاهم

تتعوض بإذن الله

وربنا يجازيكم كل خير
سواء للمجهود اللي قام بيه أهل بورسعيد أو إدارة المدرسة أو أي حد ساهم في تنظيم اليوم

أو الناس الجميلة اللي حضرت من خارج المدينة واستحملوا المشوار ومكسلوش

ربنا يبارك فيك يا أستاذ خالد ويجمعكم في الخير دايماً يا رب


بالمناسبة الموضوع حلو أوي :)

والسلام ختام

شموع يقول...

همس الأحباب
السلام عليك
اللهم اجعل إجتماعكم هذا فى ميزان حسناتكم وفى الخير وعلى الخير
من المعلوم أن مدينة بور سعيد تحمل فى طياتها الأصالة والعراقة وروح المقاومة
تقبل مرورى

مجداوية يقول...

السلام عليكم

هناك أماكن كثيرة جميلة في بلادنا للأسف لم أزرها وقد لا أزورها يوما لكنكم تأخذونا إليها فان لم نر بأعيننا رأينا بقلوبنا وأن لم نر أماكن رأينا أهل الأماكن فحرصك أبو همس على مشاركتنا دائما رحلاتك ولقاءاتك تجعلنا ننضم إليكم ونفرح كما تفرح

طيب أنا نفسي أروح شرم الشيخ والغردقة ممكن حضرتك تحضر لقاء تدويني هناك
:)
:)

ربنا يعزك ويبارك لك دائما

نهر الحب يقول...

انا جيييييييييييييت
ازيك يا خالد
انت اللى ربنا يبارك فيك جيت وقطعت مشوار كبير لوحدك بجد جزاك الله خيرا انت واستاذ احمد عبد المنعم وكل من حضر

ربنا بس يتقبل و
ومتزعلوش منى على انى برهقكم معايا كل شوية
بس والله فى ناس كتير محتاجة
وربنا يقدرنا

خالد بجد جزاك الله خيرا
وجزا كل من فكر وساهم وشارك فى اليوم

نورتنا يابو همس

عاشقة الفردوس يقول...

ماشاااء الله


ربي يجعلكم من السابقين في الخيرات

كتب الله اجركم ورزقكم الاخلاص اللهم آمين

kochia يقول...

فعلا هي بلد جميلة بكل ما فيها
عقبال كل مرة ان شاء الله

yoyo يقول...

صباحك سكر

يا بختك بجد و الله انا مش رحتها
بس اسمع انها بالفعل بلد جميلها و ناس اجمل

ربنا يارب يجمعكم دايما على الف خير
ويجازيكم كل الخير

دمت اخى بالف خير و صحة
تحياتى
يويو

هانى سعيد يقول...

وصفك ممتع وشيق وبور سعيد بلد جميلة قوى فعلا واهلها ابطال بشهادة التاريخ
مبروك عليك الفسحة ياعم ماشية معاك (بحقد عليك ) ههههههههه
تحياتى

همس الاحباب يقول...

عاليا حليم
ان شاء الله تزوريها وتسمتعى ببور سعيد وجمالها
تحياتى

همس الاحباب يقول...

اللؤلؤة
ولا يهمك اخى العزيز
بارك الله فيك وجزاك خيرا

همس الاحباب يقول...

الفراغ
ماما العزيزة
اولا شكرا على كلمات حضرتك الرقيقة
وجزاكى الله خيرا
الناس دول مدونين ومدوناتهم موجودة على الريدر عندى
وغالبيتهم مختفى الفنرة الماضية
انا كنت رايح بناء على دعوة كريمة من الاخت ايناس نهر الحب صاحبة مدونة اوتار ودى من بور سعيد وبتعمل تجمعات خيرية كتير فى بور سعيد وبتحضر تجمعات فى القاهرة
واعرفهم من خلال التجمعات الخيرية السابقة زى بؤجة الخير
والتبرع بالدم والافطار الجماعى فى رمضان وكده
لو رجعتى شوية فى المدونة هتلاقى كل التفاصيل الللى انتى بتسالى عليها
وانا تحت امر حضرتك فى اى شىء
تحياتى

همس الاحباب يقول...

بنت اسكندرانية
هههههه
حمدلله على السلامة
وميروك الخطوبة يا سندريلا هانم
انا ميييييييين !؟؟
وهل يخفى القمر
منورة يا سالى
وعودا احمد
تحياتى

همس الاحباب يقول...

محمد عبدالرحمن شحاته
جزاك الله خيرا
وشكراعلى تواصلك
تحياتى

همس الاحباب يقول...

ضياء
جزاك الله خيرا
وكنا مفتقدينك بصراحة
ربنا يجعله فى ميزان حسناتهم
ونلتقى دائما على خير
تحياتى

همس الاحباب يقول...

شموع
جزاك الله خيرا
فعلا بور سعيد مدينة عريقة باهلها
تحياتى لحضرتك

همس الاحباب يقول...

مجداوية
وعليكم السلام ورحمة الله
هههههههه
ان شاء الله بس هما يعملوا تجمع خيرى وانا مستعد اشارك
جزاكى الله خيرا
تحياتى

همس الاحباب يقول...

نهر الحب
ربنا يجعله فى ميزان حسناتك
ويكثر من امثالك فى النشاط وحب الخير
جزاكم الله خيرا
وانا سعدت جدا بالنواجد معكم
نلتقى دائما على خير
تحياتى

همس الاحباب يقول...

عاشقة الفردوس
جزاكى الله خيرا
وشكرا لتواصل حضرتك
تحياتى

همس الاحباب يقول...

كوشيا
جزاكى الله خيرا
ان شاء الله تشرفينا مرة
تحياتى

همس الاحباب يقول...

يويو
ف علا هى جميلة بناسها وعراقتها وشهامتهم
ان شاء الله تزوربها
نورتينى يا يويو
تحياتى لحضرتك

جنّي يقول...

السلام عليكم

كيف حالك اخي خالد وازي همس لعلكم بخير والحمد لله ..

ربنا يكرمكم ويكثر أعمالكم الخيرية ويتقبلها منكم ويجعلها في ميزان حسناتكم ..

حياتى نغم يقول...

السلام عليكم / حمداً لله على سلامتكم ، الخير فى أمة محمد إلى يوم الدين .

أ / أحمد عبد المنعم يقول...

بسم الله الرحمن الرحيم
الأخ الفاضل : خالد

أشكرك على كلامك الرقيق لكن سعادتى كانت غامرة بمعرفتكم المحترمة أنت وكل من شارك فى هذا اليوم البهيج.

وتقبل تحياتى لك ولكل زائرى مدونتك المحترمين .

ودائما نراك فى أعمال الخير .

عاشقة القمر يقول...

ربنا يجعلها لكم في ميزان حسناتكم ربنا يقدركم علي عمل الخير

احساس لسه حى يقول...

عزيزى

مصر كلها حلوة وجميلة

وبورسعيد مرت بمراحل صعبة اوى

وشعبها ياما عانى كتير

ان شاء الله ازورها قريبا

تحياتى

سلام

شمس النهار يقول...

مساء الخير ياخالد
شكرا علي زيارتك ليه في المدونه
وكل سنه وانت بخير وسعاده وصحه

وربنا يقدرك علي فعل الخير
بجد لما اتقابلنا في مستشفي فلسطين حسيت قد ايه انت والمجموعه حابين فعل الخير

على عبدالله يقول...

السلام عليكم

جزاكم الله خيرا ووفقكم لما يحبه ويرضاه
واعانكم على فعل الخير

أعز اصدقائى من بورسعيد ،وكنت اتمنى دائما انى ازورها لكن الظروف ! وان شاء الله لى زيارة لبورسعيد حتى اشارك معكم ان شاء الله

تحياتى

جحا المصرى يقول...

ربنا يكرمك على مجهودك ده
أتمنى دوام التواصل

rovy يقول...

السلام عليكم

ما شاء الله عليكم اخى خالد .. بارك الرحمن فيك و فى كل من كان معكم فى بور سعيد الجميلة بلد اجمل الاصحاب و فعلا دايما ابنائها جدعان و حلوين قوى ..
ربنا يجعل مجهودكم الرائع فى ميزان حسناتكم و ان شاء الله متجمعين دائما فى الخير .. و يارب اقدر و احضر معاكم و لو مره ..
دمت بكل الخير و دائما سباق للخير

تحياتى