بناء على رغبة كريمة من المدونين تم عمل ملحق لحفل عيد الميلاد اليوم 15 مايو الساعة السابعة مساء
والدعوة عامة
كما تقرر عمل تجمع تدوينى احتفالا بعيد ميلاد فاتيما وداليا قوس قزح وكل المدونين مواليد شهر مايو يوم الجمعة الموافق 22-مايو 2009 وسنوافيكم بكافة التفاصيل لاحقا
*************
************اعلنت هيئة الارصاد التدوينية عن مولد شمس وقمر التدوين كله
يوم 15 مايو
واحتفالا بتلك المناسبة السعيدة فقد قررنا عمل احتفال على الهواء مباشرة بالمدونة احتفالا بعيد قمر التدوين
فاتيما
ام يوسف الغالية
وبهذه المناسبة الكل مدعو للحضور
وفى انتظار تشريفكم
ونبدا مراسم الاحتفال
صواريخ الاحتفال
كل سنة وانتى طيبة وعقبال 100 سنة
نقدم الهدايا ورد بكل الالوان علشان خاطر اطيب قلب
وده كتاب رب العباد
ويلا حالا بالا بالا هنوا ابو الفصاد
عارفكم كلم منتظرين الاكل
يلا هيصوا
وبلاش فضايح
ركن المشروبات والعصائر
وكمااااااان فاكهة
******
كل سنة وأنتى طيبة يا أم يوسف
وعقبال 100 سنة
المدونة مخصصة ركن للهدايا العينية
وركن اخر للهدايا النقدية بالدولار واليورو وممكن استرلينى
المصرى راحت عليه
هناك 102 من التعليقات:
احجز اول تعليق
كل سنة وانتى طيبة يا ام يوسف
وعقبال 100 سنة
وعقبال يوسف كماان يرجع لحضنك
كل سنه وانتى طيبه يا حبيبه قلبى
ويا رب دايما معانا وفى وسطنا
ويا رب يجمعك انتى ويوسف قريب
ويفرحك بيه
وتشوفيه احلى عريس
بحبك موووووووووووووت
مووووووووووووووووووووه
يا خالووووود
ربنا يخليك ليا يا أطيب و أجدع أخ ف الدنيا
مش عارفة أقولك إيه؟؟
انا خجلانة منكم بشكل فظيع على الدلع دا كله
إنتى مدلدقين عليا كم حب و حنان يكفينى خمسين سنة قدام
و متهيألى هحوش منه ليوسف قاااااااااااد البحر و النجوم و حبات الرمل و الواد لما يرجع مش هيستحمل كم الحب دا و هيستغربه ...
متهيألى كدا
عارف يا خالد ماما النهاردة صحيت من النوم و قالتلى إنها حلمت بيوسف
و إنى روحت اخده من المدرسة و روحت بيه عليها فى المحكمة و بعدين روحنا كلنا عل البيت سوا
قعدت اقولها احكى بالتفاصيل
متاكدة إن يوسف رجع معانا
متاكدة ؟؟
بشرة خير يا رب و أنا قلبى متفائل و مستبشر بيكم
طب هوه ينفع ميكونش كدا ؟؟
اللى يعرفكم لازم يشوف الخير فى الدنيا و النور فى آخر النفق
معاكم بحس إن الهم بقى ورايا مش قصادى و بكرة و قريب قوى ربنا هيعدلها كمان و كمان
انا حكيتلك على الحلم عشان تكون اول واحد عارفه و على وشك و وش هموستى حبيبتى هييجى الخير قلبى حاسس بكدا و بعدين منت ابو العروسة و لازم تعرف كل حاجة عن العريس بقى
ربنا يبارك فيك يا خالد و يخليك لينا و لهمس ولمامتها و لكل لكل الدنيا
كل سنة و إنتم معايا و محوطانى بحنانكم و دفا قلوبكم يا اخى العزيز
و إنتى طيبة يا حنونتى
أنا بحبااااااااااك قوى
همس الاحباب
والله انت رخم بجد
يعنى البوست فى مدونتك
تاخد اول تعليق لييييييييييييييييييييييييييه
ايه الافتراه ده
ده ظلم
انا احتج
ربنا يسامحك
عااااااااااااااااااااااا
ام يوسف
حمدلله على السلامة
انا فقدت الامل انك تيجى
نزلت البوست ورفعته تانى
بس الحمد لله انك جيتى
وكل سنة وانتى طيبة
يا اجدع واديب ام فى الدنيا
حنين القلب
مين جاب البنت دى هنا
انا قافل باب المدونة
اكيد دخلت من تحت الباب
اهو تنفع
روقى المدونة واغسلى الاطباق بعد الاحتفال
فاتيما
خييييييييييييييير انشاء الله
اطمنى
تفسيره ان يوسف هيرجعلك وهيبات فى حضنك قريب اوى
وابقى قولى حنين قالت
وانا والله بموت فيكى ووحشتينى موت
معقولة ماجيش يا خالد ؟؟
انا هنا من سبعة تمام بس أصلى خدت وقت عقبال ما أستوعبت إن بكرة دا يبقى الخميس مش الجمعة ...
بعيد عنك أنا مليش فى الحسابات و عندى مشكلة فى حساب الأيام
بس أدينى جيت أهو و انا مكسوفة خالث
يعنى الواحد مش عارف يجيب معاه حاجة و داخل بإيده فاضية ؟!!!
معلشى بقى البركة فيك يا خالود
و الغنوة حلوة قوى أول مرة أسمع التوزيع دا ...
يا فندم متشكرين و ممنونين و محرجين و مبسوطين بيك و بالحفلة و بحنونة و بكل حاجة جاية منكم
همس الاحباب
يابنى انا مش جايه علشانك
انا جايه علشان ده عيد ميلاد احلى قمر فى الدنيا
وبعدين انت قولت ان فيه تورته وكانز
فيييييييييييييييين؟؟؟
وبص انا مش هتحرك وزى ما قولت انت اللى هتجبلى كل حاجه لحد عندى
وكمان هتاخد الاطفال الصغننين توديهم الحمام
ماااااااااااااااشى
ههههههههههه
عامة انا مضطر استحملك لمدة 5 ثوانى
علشان خاطر ام يوسف
اما غير كده
هخليكى تغسلى الاطباق من دلوقتى
يا دى الأطباق اللى عاملة مشكلة دى ؟
يا عيال خلاص هغسلهم أنا
و بجد يا حنونتى التفسير كدا
أنا بتمنى من قلبى فعلا دا يحصل
اصلى حاولت اكلم يوسف امبارح من موبايل ف الشارع و مرضيوش يردوا على مكالماتى مع إنى حاولت اكتر من مرة
زعلت شوية و بعدين مش عارفة ليه مش زى كل مرة كنت بتشائم و نفسى تقفل
المرة دى خدت الحكاية عادى و تصورت غن ممكن يكون عندهم مشكلة و مش عاوزين يعرفهولى و إنهم هيطلقوا سراح يوسف عما قريب و يرجع لحضنى
من قلبك لباب السما يا حبيبتى
أنات بحبكم قوى يا عياااااال
كل سنة وانتى طيبة يا فاتيما
و كل سنة اسعد من الاول
دايما تكونى صلة الرحم بينا
يا احن ام فى المدونات كلها
كل سنة و انتي طيبة
تووووت
توووت
يالا حلا بالا حيو ابو الفصاد
حيكون عيد ميلاده الليلة اجمل الاعياد
فليحيا ابو الفصاد
كل سنة و انتى طيبة يا طمطم و عقبال 99 سنة
ربنا يديكى الصحة و يباركلك فيها يارب
عندكم اكل ايه النهاردة يا بطة
لاحسن اختك ان شاء الله فى عيد ميلادها الجاي
حتغنولها دبدوبة التخينة
هههههههههههههههههه
ادوني حتة جاتو
ميل فويل لو سمحتم
علشان انا عاملة رجيم ان شاء الله
ههههههههههههههههههه
حنوووووووووووون
ازيك يا جميل
اوعى تسمعى كلام خالد
انا عارفة هو عامل الحفلة عنده علشان يستغلنا فى تنضيف المدونة اللى معشش عليها العين كبتوت دى
هههههههههههههههههههههه
و إنتى ألف مليون طيبة يا دوللى
يا وش الخير إنتى يا حبيبتى
لما انا صلة رحم المدونات اومال غنتى يتقال عليكى إيه ؟
اللقب دا المفروض ينضاف لقايمة القابك اللى بتعبر عن حبك المالى قلوبنا يا داليا
ربنا يخليكى لينا و إنتم السابقون يا حبيبتى و اختى فى البرج الملخفن دا أبو دماغ ناشفة
كل سنة وانتى طيبة يا فاتيما ياقمر
وان شاء الله سنة سعيدة عليكى يارب
ربنا يجمعك فيها بيوسفك الجميل
________________________________
الاستاذ همس الاحباب
انت دايما سباق لكل حلوة
ربنا يكرمك يارب
إنترنتاوى
مشكرين يا فندم كلك ذوق
و مد إيدك متتكسفش دا خالد ابو الكرم كله
ايه يا بنات
مش شايف اى حاجة
ولا زغروطة
ولا غنوة
ولا حاجة
داليا
وحنين
بلاش تمدوا ايديكم على حاجة
احسن انا عارف عمايلكم الهباب
واحدة مفروسة
يا فروستى كل الحب ليكى يا حبيبتى
و كل سنة و إنتى اللى طيبة و بألف خير و صحة ....
كلى كلى و لا يهمك
و بعدين إبقى كملى ريجيم على مهلك
99 مش رقم كبير شوية ؟؟!!!!
بس عموما أنا بحبه قوى لأنه سنة ما اتولد يوسف حبيبى أصله واليد 1999
يعنى شفتى الشقاوة دى كلها و عشرسنين يا دوب
ميرسى يا حبيبتى على كل حاجة حلوة بتيجى منك
reem
ميرسى يا ريم و كل سنة و إنتى كمان طيبة
على فكرة يا جماعة ريم عيد ميلادها معايا فى 15 مايو برضو ...
طب خلاص إعتبرى الحفلة حفلتك و دوسى ميهمكيش يا بنتى
واد يا خالد يا ابو همس
إنتى جايب البنات تعملهم كرت أرهاب
زعاريط إيه و بتاع كدا نعمل دوشة للمدونات المجاورة و يعملولك غرامة أزعاج ....
و بعدين إنتى جايب الحاجة دى للفرجة بس و لا إيه نظامك
دنا عمالة أقول خالد ابو الكرم هتخلي رقبتى قد السمسة و لا إيييييييه ؟
ريم
كل سنة وانتى طيبة
وعقبال 100 سنة
وحفلة فاتيما
دى حفلتنا كلنا
ومنورانا طبعا
دوس يا معلم ولا يهمك
لا يا فاتيما
الف هنا وشفا للجميع
بس حنين وداليا
انا عارف بيعملو ايه
اسالينى انا
بقولك ايه يا ام يوسف
ايه رايك نعمل احتفال يوم الجمعة الجااية
فى نادى الزراعيين او المهندسين
ونعمل احتفال باعياد ميلادكم انتى وداليا وريم
نعمل دعوة
ونعزم المدونين
ايه رايك
موافقون
ههههههههههه
معلش يا خالد عشان خاطرى سيبهم يعملوا كل اللى نفسهم فيه و متكتمش على نفسياتهم إنت الكبير برضو
حاضر يا ست الكل علشان خاطرك انتى
انا مضطر اسامحهم
النهاردة
وارفع من روحهم المعدنية كماان
لاااااااااااا
يا خالد مش مكفيك يا بنى كل الحفلات التدوينية هنا و عند حنين و آبى و عاشقة الرومانسية و عند أحبابى ف المدونات الآخرى
إنت عارف إن المفروض نعمل لقاء مرة كل شهر و مش عارفين لسه شهر ستة هيكون فيه إيه
آه حاجة كمان
خلى بالك إحنا عندنا لوقاء حريماتى آخر الشهر دا و متفقين عليه مع خوخة من مدة
و بالتالى هيبقى صعب حد ييجى مرتين فى اقل من أسبوعين
و بعدين إنت مستهون بالحفلة الحلوة دى و مش مكفياك يا استاذ و لا إيه ؟؟؟
ربنا يخليك لينا يا خالد
انا موااااااااااافقة
وكل واحد يعزم اللى يحبه من المدونين
بس بشرط محدش يسال نحط كام شمعة
انا بقول اهوووووو
هى شمعة لكل مواطن
هههههههههههههههه
قوس قزح
ازيك يا حبيبتى
وحشاااااااااااااااااانى
لا يا سكرة انسى
وربنا هو اللى هينضف كل حاجه
اسكتى يا دوللى
اول مرة اشوف تلاجه بطبله 6 تكات
يا لهوووووووووووى
هموت على حته تورته وهو قافل عليهم
يخرب بيت البخل
ما حدش رد على الاقتراح
اعتبر ان السكوت علامة الرضا
يلا خير البر عاجله
يبقى يوم الجمعة هنعمل لقاء
محدش معترض
اغلبية
و الله حنين و امير و قلبك طيب يا خالد
بس مش عارفة ليه حاطط نقرك فى نق حنونتى حنين القلب بس
و داليا كمااااان ؟؟؟!!!
يا للهووووووووول
ههههههههه
متخافيش على الشمع
انا ناوى اشترى الشمع بتاع الشركات كلها
بس خايف البت حنين تاكله وتقول عليه شيكولاته
وناوى احطلك 15 شمعة بس
ده فوق المية طبعا
فاتيما كفاية 50 شمعة
بس
عاااااااااااااااااااا
يعنى كلكم موافقين وممكن ترحوا
انا بقى مش هعرف
مش ليه دعوة عايزة اكون معاكم
وابوس حبيبتى واقولها كل سنه وانتى بالف خير
عاااااااااااااااااااااااااااااااا
همس الاحباب
اكل الشمع
والنبى اسكت
فاكر يوم ما جبت ليك الايس كريم وسيبته لحد ما ساح خالص والاخر تقولى يا ترى بينقط منين
والاخر جبت نص رغيف وحطيته فيه وقولت كده مفيد اكتر
هههههههههههههههههههههههههههه
بلاش انا
انا الوحيده اللى عارفه بلاويك
ههههههههه
هههههههههه
احسن حاجة
انك مش هتيجى
اليوم هيكون مشمس والقمر هيطلع بالنهار
من غير وجودك
ههههههههه
يا جماعة الضيف المجنون يعمل إيه ؟؟؟
ياكل و يجرى
أنا هاخد تورتاية فى إيدى و أضطر أستأذنكم دلوقتى و امشى لحسن اخويا و مراته و عياله جم و هروح أقعد معاهم
كل سنة و إنتوا حبايبى و حواليا و مالين حياتى حب و دفا و حنية قلب
بحبكم يا احلى ناس و صحبة و عاااااااالم
بوسات و حضوناااااااااااااات على رأى يوسف
سلام و هرجع تانى أرد علي أى تعليقات جديدة و متحرمشى منك يا خالد يا رب
اوك ماشى يا ام يوسف
بس بكرة
باقى الحفلة ان شاء الله
من الساعة 7 هنجيب باقى الشلة
كل سنة وانتى طيبة
كل سنة و انتى طيبة ي طمطم
و هموتك يا خالد على موضوع الشمع
و البسه فى راسك بدل التورتة
لما تتفقوا بلغونى
حتى لو الحفلة هتكون من المقربون بس و من غيرك يا خالد انا موافقة
ههههههههههههه
يلا تصبحوا على خير
و كل عيد ميلاد و مناسبة جميلة نكون سوا
سلام
كل سنه وانتى طيبه يا حبيبتى ودايما جوا قلبى
وطول عمرك صاحب واجيب يا خالود عقبال ما تعمل عيد ميلادى
وتجيب تورته بجد
هااااااااااااا
تصبحوا على خير
كل سنة و انت طيبين و من الله قريبين
و ان شاء الله محققين كل الامنيات
كل سنة وانتى بخير يا فاتيما ياقمر التدوين
كل ثانية وانتى بخير وسعيدة يارب العالمين
كل سنة و انتى طيبة أ/فاتيما
و بكل خير و صحة و سعادة و امان و اطمئنان
و يارب عيد سعيد عليكى و على أهلك و اصحابك و احبابك و مدوناتك و كل خير ليكى
السلام عليكم
شكرا يا ابو همس على اللفتة الطيبة وتعيش وتجامل ..
وكل عام وانتي بخير يا اختنا الطيبة ام يوسف ..
اسعد الله كل ايامكم ..
انت رخم يا ساتر عليك
كنت عاوزه اعمل لها عيد ميلاد بس وحياتك وحياه اغلى شئ لاعمل لها مفاجعه ربنا يستر عليها منها هههههههههههههههه
كل سنه وهى طيبه وتستحمل مفاجعتى يا رب
خالد..كل سنه وانت طيب انت وكل حبايبك
..فاتيما ويوسف..وبما انى معرفش حاجه عنهم
..كل اللى اتمناه ان يضمهم حضن واحد..ومايتحرموش من بعض
ودمت لاحبابك مهنئا..
بيب بيب اهلى بيبيب اهلى
توت توت فاتيما توتوت فاتيما
:))))
سنة حلوة ياجميل سنة حلوة يا جميل
سنة حلوة يا طماطم سنة حلوة ياجميل
يلا حالا بالا بالا حيوا ابو الفصاد
ويك ويك هايكون عيد ميلادة الليلة
احسن الاعياد فليحيا ابو الفصاد
ويلا اتجمعوا كلكوا
1
2
3
هففففففففففففففففففففف
هييييييييييييييييييييييييية
برافــــــــــــــــــــو فاتيما
كل سنة وانتى طيبة يا احلى فاتيما شافتها عنيا
انتى عارفة يارب دايما تكونى فرحانة يا طماطماية ياقمر ويارب السنة الجاية تحتفلى انتى ويوسف وكل الناس اللى تحبيهم
وشكرا على الحاجات الحلوة دى يا خالد وعلى التورت
بس فين بقة الحاجة الساقعة
نسيتها دى
:))
يلا مش مشكلة نجبها واحنا جايين
لكن كل سنة وانتم طيبين جميعا
ويارب متجمعين كلنا فى المناسبات الحلوة دى
:))
كل سنة وانتى طيبة يا حبيبة قلبى وبوسة بقة وحضن كبير اوى لكى يا فاتيما ياقمراية
:))
دمتم بخير
انتوا عملتوا الحفله من غيرى ؟
عاااااااااا
يقطع الشغل وسنينه اهلاى الحفله فاتتنى
كنت عارفه ميعادها من حنين
والساعه 7 عينى عهلى الساعه واقول زمانهم متجمعين عند خالد
عاااااااا
كان نفسى ابقى معاكم
خالد عايزه ملحق للحفله دى
ماليش دعوه هتعمل ملحق لها بكره حدد الوقت وهتلاقينى على باب المدونه
ربنا يخليك ياابو همس عارفه انك جدع ومش هتهون عليك اختك دودو
تتقهر كده
فاتيما
كل سنه وانتى طيبه
وفى سعاده وراحه بال
ويوسف فى حضنك يااارب
ويحقق حلم ماما ويكون واقع
انتى لو معايا فى بلد واحده ربنا واحه العالم انا كان ممكن اعمل ايه
ورحمة ابويا كنت خلتها حفله حقيقيه
حنين القلب
انتى بنت جدعه قوى (شبهى)
(:
واجمل شئ مشترك بينا هو حب فاتيما
فاتيما _ خالد_ حنين
بحبكم يااجمل اخوات
على مستوى المدونات
كل سنة وانتى طيبة يا ام يوسف
ويارب العمر كله في الخير
صاحب واجب يا أبو همس ربنا يبارك في عمرك
السلام عليكم و رحمة الله و بركاته
أنا جيت بس أسلم على الكل
و انتوا عارفين طبعا اى حفلة لازم نعمل الواجب و نقعد ناكل و نشرب
ماينفعش كدا
هههههههههههه
كل سنة و انتى طيبة يا اجمل فتووووووووووم
و ان شاء الله نحتفل معاكى و يوسف فى حضنك يارب
و يبئا احتفال على ارض الوائع
هاااااا
وائع واخدة بالك
و ناكل و نشرب بئا
زهقنا صور
ههههههههههههههه
ربنا يبارك للجميع يارب
دمتم جميعا سالمين
صباحك سكر
والله طول عمرك كل الذوق و الواجب يا ابو همس
كل سنةوانت طيبة يا فاتيما
ويارب السنة الجاية تكونى حقتتى كل اللى تحلميه بيه
وان شاء الله يرجع ابنك لحضنك قريب اوى اوى ان شاء الله
كل سنة وانت طيبة مرة تانية
عيد ميلاد سعيد
تحياتى
يويو
كوووووووووووووووووول سنة القمر طيب وزي ماهو حنين
ميرسي يا فاتيما ياقمر انتى وخالد
وانتو طيبين يارب
النت فصل امبارح بعد ما بعت اول تعليق وكنت بصراحة هاتجنن
ماهو لازم النت يعملها فيا كدا
انا مش عارفه اقولكو انا بجد فرحانة اد ايه انى اتعرفت على ناس في منتهى الذوق والرقة زيكو
وبجد مش مجاملة الناس اللى كدا بقت قليلة جدا
بس قولولى اهم حاجة التورتة خلصت ولا في لسا
انا النت فصل ومش كنت لحقت لسا اكل حاجة
61عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك
اهم حاجة ان المصري راحت عليه
علي العموم كل سنة وفاتيما طيبة
وانت طيب كمان ان شاء الله
تحياتي
كل سنة وانتى طيبة يا ام يوسف وعقبال مليون سنة ويوسف العسل يكون فى حضنك قريب اوى ونجيبله تورتة بالشيكولاتة ليه ولأحن ام فى الدنيا فاتيما العسل
كل سنة وفاتيما طيبة
ربنا يكرمك ياخالد ويسعدك
الحفلة بدات
والمعازيم تاهو فى السكة ولا ايه
عامة انا هقوم بالواجب لحد الاتوبيس بتاعهم ما يوصل
لا انا اهو اهو اهو
كيارا
وانا بقول مين خلص على العصير
والتورته
مفيناش من كده يا ستى
انا واحدة وانتى واحدة
لا هو كله دي عيد ميلاد فاتي حبيبتي
ياخبر كل دا حصل وانا معرفش معقول كدة كل كمية التقصير دى ..
كل سنة وانتى طيبة يااحلى فاتيما ف الدنيا كلها .. ياست الكل
وعقبال مليون سنه
علشان خاطرى ياخالد باشا حاولوا تخلو الاتفال اى يوم تانى ف الاسبوع الجمعه معايا مستحيل بجد بليز ..
حاول بجد اصلكوا واحشيننى اوى بجد كلكووا .
سلام
عاشقة الرومانسية
حنين القلب
انتى بنت جدعه قوى (شبهى)
على فكرة انا كنت بعزك واقدرك
واقول عليكى انك بنت بميت راجل
بس طالما الموضوع وصل انك شبه حنين القلب
فانا رجعت فكلامى وانتى بنت ب 99 راجل بس
ومعزتكك وتقديرك كل يوم جمعة لمدة 30 ثانية فقط لاغير
انا جييييييييييييييت
هاتوا حته
وشويه عصير
عاااااااااااااااا
عاشقه الرومانسيه
دعاء مواجهات
وانتى طيبة يا قمر
هنحاول نغير اليوم لو امكن
بس انتى عارفة انه كله فاضى الجمعة
ربنا يقدم ما فيه الخير
واحنا كماان عايزين نشوفك
تحياتى
عاشقة الرومانسية
بعينك يا عاشقة
ولا هتشوفى حاجة
خلى حنين تنفعك
ههههههههههههه
همس الاحباب
والله العظيم ما انتا فالح فى اى حاجه
بقى دودو مش عجباك علشان شبهى
ليه يا سيدى
انا مااااااااااااااالى
فاكر لما جيت اسكندريه وفلوسك اتسرقت ولمينا ليك من ادام الجامع ورجعت وانت بعت البلوفر بتاعك وانا قولت حرام عليك لحسن تكش من الساقعه وانت مش ناقص كشاشان
مااااااااااااااشى
وربنا لوريك
ودودو بنت مليون راجل مش 99 وبس
لالالالالالالالالالا
الا حنين ياخالد
دى روحى روحى روحى
ومش عايزه احطك فى دماغى علشان مش تتعقد
خلينى طيبه معاك احسن
وعموما ليك كبير يترد عليه
لما تيجى فاتيما
نشوف الكلام ده يعجبها ولا لأ
عاشقه الرومانسيه
حنين القلب
هههههههههه
من قدام الجامع
ما هو من نسى قديمه تاه
والرايق سايبك قدام الجوامع من صغرك
ههههههههه
وبعدين بلاش فضايح
ربنا ما يخيبك خيبة الجنيه
ويجعلك فى كل خطوة بريزة
على فكره ياجماعه انا عند حنين فى البيت
علشان محدش يفهمنى صح
قصدى غلط
عاشقه الرومانسيه
عم الحج
زى ما قالت دودو
الا انااااااااااااااااا
خلى عندك حبه من الاحمر
ايووووووووووووووووه
لالالا مش الشربات ده
اقصد من الدم اللى عند الناس
ومش ليك دعوة بيه
وعلى راى دودو ليك طويل يترد عليه
يا قزعه
ههههههههه
هى ريا وسكينة مع بعض
قصدى حنين ودودو
الدور الدور موعودة ياللى عليكى الدور
هنريحوكى يا شابة
الرايق
ما بلاش تتكلم عن ابونا علشان مش اجيبه وانت عارف غلاوتى عنده دنا اخر العنقود ولا نسيت
واذا كنت انا اتربيت ادام الجوامع الدور والباقى اللى اتربى ادام دورات المياه اللى فى الشارع وكل يوم ترجع البيت مبلول وتقولنا الدنيا بتشتى بره
بقى يا شيخ فيه شتا شهر 8
يا لهوووووووووووووووى منك
حنين القلب
هههههههه
ربنا ما يحرمك من اكل الفول والطعمية
ولا من خيبة الحكومة القوية
اعملك سندوتش سد الحنك
اهلا ياخااااااااالد
منورنااااااا
ماتخافش دى سى حسب الله جووووووزى
هعهعهعهعهعهعهعهعهع
عاشقه الرومانسيه
اهلا ياخااااااااالد
منورنااااااا
ماتخافش دى سى حسب الله جووووووزى
هعهعهعهعهعهعهعهعهع
عاشقه الرومانسيه
هى كيارا فين ياخالد
انت اكلت البت ولا ايه؟
عاشقه الرومانسيه
اه اكلنى شفتو بقي علامات الدم
ههههههههه
كبارا جاية
بس كانت بتبص من الشباك
فعلا كده اكتملت المسرحية
ريا وسكينة
وحسب الله
فينك يا سى عبعال
با ما صبر الوحش على الجحش
صبرنى على بنات حواء
إيه يا عيال
هوه إنتو لسه يتتخانقوا من أمبارح ؟!!!
يا خالد خف شوية على إخواتك البنااااااااات لو سمحت مش معقولة كدا ...
و إنتى يا حنونة و يا عاشقة برضو إدوله بريستيجه أخوكم برضو
و يا عيال كلكم
خلتونى مكسوووووفة خالث من كل الدلع دا و كفاية كدا بقى عليا ....
بلاش يا خالد حكاية الإحتفال دى كفاية عليا كل الإحتفالات اللى فاتت
و أعفينى من مشوار الجمعة و خلوا الحفلة الكبيرة لما يرجع يوسف أصلى مش متخيلة يتعملى عيد ميلاد و هوه الاولى بذلك
خليها لما يرجع يا خالد عشان خاطرى
و يمكن نحتفل كلنا سوا بعيد ميلاده هوه فى شهر تمانية بإذن الله
و بعدين يا عم المناسبة مش مستاهلة كل دا
دا اللى بيتعمل دا و لا عمايل الخديوى اسماعيل يوم ما جوز عياله و عمل افراح اربعين ليلة و سماها افراح الانجال و سكنهم فى المنيل و فيه اسم فى حى المنيل تيمنا بالمناسبة دى على فكرة...
القصد عاوزة أقول لكل اللى دخل هنا كتر الله خيركم و متحرمشى منكم أبدا
و عاوزة أقولك يا خالد ربنا يخليك ليا يا اخى الغالى و متحرمشى منك و نردهالك فى فرح هموسة بأذن الله و ربنا يجعل ايامك كلها خير و فرح
بوسة و حضونة مخصوصة لحنين القلب و كمان بوسة و حضونة مخصوصة لعاشقة الرومانسية
و لدعاء مواجهات و لكيارا و لمى و لكل حد حلو جانى
و خالص ودى و إحترماتى لكل المدونين جمع مذكر سالم عشان مينفعش ابعتلهم بوسة و حضونة طبعا ....
كل الحب ليكى و خلصوا الحفلة بقى و يلا نلم الاطباق و ورايا يا بناتيت نقعد نغسلها قدام الحوض و نقعد ننم شوية و نقول والله الواد خالد همس الاحباب كلف الحفلة جامد و كله ذوق و اخلاق
لو كل الرجالة زيه مكنش فيه حد اشتكى من زوج و لا اخ و لا أب و لا إبن
كل الحب ليكم يا احلى صحبة و ناس و عالم
كيارا
والله خوفنا عليكى يا بنتى
اصل خالد ده ياكل دراكولا نفسه
فما بالك عمل فيكى انتى ايه
خااااااااااااااالود
قصر يا قصير بدل ما اجى ارميك من الشباك اللى فرحان بيه ده
ته ببص علي فاتي حبيبتي
فاتيما
اخيرا سى عبعال وصل
هههههههه
حمدلله على السلامة
ما تتعبيش نفسك
البنات قامو بالواجب
خلصوا على الاكل بالاطباق
ما فيش حاجة نشيلها
وبعدين موضوع الجمعة مش عارف اقولك ايه
ناس كتيرة عايزة تيجى
عامة اشوف وارد عليكى
اطباق ايه اللى هتغسليها ياطمطم
وخالد هنا بيعمل ايه؟
ثم انه مش مكلف الحفله ولا حاجه
ده سالف تمنها منى انا وحنين
يقدر ينكر؟
عاشقه الرومانسيه
هههههههههههههههههههههههههه
خالد ياحيني هيتقلب من الشباك
نياهاها
ياحنينه ياحنين
ههههههههه
فعلا انا سالف تمنها منكم
ممكن تقولوا جبتوا الفلوس من قدام انهو جامع
انا حاسس انكم واقفين قدام المرسى ابو العباس
ايه رايكم اعملكم عاهة مستديمة تساعدكم فى الشغل
كيارا
خلى بالك من الشباك
وبلاش تقعدى على السور
احسن تتكعبلى فى الشارع
يا صغنونة يا كيارا
ما كانش يومك يا كيارا
فاتيما
يا حبيبه قلبى انتى تستاهلى اكتر من كده مليون مرة
والله العظيم لو اقدر اجى كل جمعه ابوسك واخد الحضن بتاعى وارجع كنت عملتها
واد يا خالد يلا البس المريله وعلى المطبخ ومش عايزة اشوف وشك غير لما تخلص على كل المواعين وتعالى عندى المدونه امسحها معاك بالمرة
ومين ده اللى جاب وكلف بلا نيله ده اخره جوز جنيهات
زى ما قالت دودو انه انا وهى اللى صارفين على الحفله دى
صحححححححححح يا خالود
حنين القلب
على اساس ايه يا شاطرة
ومال انتى جاااية تعملى ايه
ولا نسيتى الاتفاق
انك هتشتغلى فلبينية بلقمتك
مع انك بالخسارة عليا
بس كله يهون علشان ام يوسف
ياابنى انفد بجلدك من هنا مش هتقدر علينا
انت راجل لوحدك وسط بنات حوا دول كلهم
فاتيما انتى فييييييييين؟
عاشقه الرومانسيه
ههههههههههه
انا بقول كده
ده حتى الظلم حرام
بس هما فين دول بنات حوا
انا مش شايف حواء ولا بناتها
انا شايف الاختين الحلوين
هناء وشيرين
دراكولا
همس الاحباب
اى لقمه وربنا ما شوفت حاجه يا بخيل
منا قولت انك حاطت الطبله على التلاجه هاكل ازاى
وبعدين انا عندى عاهة مستديمه خلقه ولا نسيت
الدور والباقى على اللى هنخلصوا عليه
بناااااااااااااااااااااات
انتشروا
كل واحده تاخد حته تقطع فيها براحتها سيبوا ليه الوش والقفا علشان اشرحهم بنفسى
ههههههههههههههههههههههههههههه
ايهههههههه الخناقة ديه اعملوا حساب لام يوسف كفاية خنااااااااااق انا سامعة صوتكوا من على اول المدونات كفايييييييية
بقولك ايه يااااااااااااااض
احنا مش فاضين
عايزين نقعد سوا شويه
اقعد انت بقى لوحدك يمكن يطلع ليك دراكولا ويمص دمك ده ان لقى عندك دم اصلا
ههههههههههههههههههههه
فاتيما
بنحبك موووووووووووووووووووووووت
موووووووووووووووووووووووووووه
سلام
حنين القلب
عاشقه الرومانسيه
هههههههه
وانتى تنفع معاكى لقمة
انتى عايزة تاكلى دراعى
وتحلى ب دودو
وتحبسى بكيارا
انا عارف انك عاهة
بس ناوى اكمل عليكى
واكسر اطباق المدونة على دماغك كماان
تتشششششششش
ااه يا عينى
ما بلاش عنف
الحقونى
احسن برضوا
دراكولا فيه الهون يا شيخة
ده انتى اكلة لحوم البشر
خلى بالك من نفسك يا دودو
دى بتفطر وتتغدى لحمة نية
وبتحب الكرشة
يييييييعععععععع
كل سنة وانتم طيبين
وفى الاعياد متجمعين
كل سنة و انتي طيبة
أحلي حاجة في الدنيا أنك أول ما تحط رجلك في مكان .... تلاقي فيه حفلات وجاتوهات وتورتات وعسليات ومشروبات ومثلجات ... وحلويات
كل سنة وفاتيما طيبة ... وكل سنة والمدعوين لسة برده مدعوين
تحياتي
كل سنة و فاتيما طيبة
و عرفني تفاصيل يوم الجمعة الجاية ده إيه ؟
إحتمال أعرف آجي و نتقابل قبل ما أسافر
كل سنه و انت طيب اخى الكريم و كل سنه و فاتيما الجميله طيبه و بالف خير
بأعتذر جدا لأنى جيت متأخره جداا على البوست ده ..
يارب عقبال 150 سنه يا فاتيما
دمتم سالمين
ارق تحياتى
إرسال تعليق