9 مايو 2009

استرجل واشرب ..!!؟؟


بصراحة فيه شوية حاجات كده استفزتنى من فترة وكبرت دماغى منها لكن نظرا لكثرة التكرار فيها اصابتنى  بكرشة نفس وضيق تنفس  فقلت اطلع غلبى هنا الموضوع الاول كان اعلان شركة بيريل المستفز
استرجل واشرب....!!؟؟  
ده بالذمة اسمه كلام ودى اعلانات تنفع تبث فى القنوات الفضائية ويشاهدها الملايين وكماان يتعملها لوحات اعلانية بالشوارع الرئيسية 
تماشيا مع الاعلان ما هومعيار الرجولة فى نظر الفضائيات والشركات المنتجة ؟؟
هل هو شرب بيريل فقط ولا هناك معايير اخرى للجودة قصدى للرجولة؟؟
على كده الواحد ممكن يجيب دكر بط ويشربه بيريل ويطلع دكر البط ويقول انا خلاص بقيت راجل 
هل تختلف الرجولة حسب المنتج !!؟؟ بمعنى ان الرجولة تختلف حسب ما اذا كان الشخص بيشرب بيريل عادى ولا كانز ولا حتى مستورد؟؟
طب لو واحد زى حالاتى كده مش بيشرب بيريل ولا حتى بيحب ريحته ولا طعمه  وضعه هيكون ايه فى المجتمع!! ؟؟
لو واحد راح يخطب واحدة يا ترى لازم ياخد بيريل ويشرب مع  اهل العروس لكى يتاكدوا من رجولته ؟؟
على كده لو جه واحد يخطب همس اقوله يا بنى احنا بنشترى راجل ولا اساله ان كنت بتشرب بيريل ولا لا !!؟؟
ده بالنسبة للذكور فى المجتمع تحددت رجولتهم بشرب بيريل
يا ترى الاناث وضعهم ايه!!؟؟
مش بعيد بكرة نشوف اعلان عايزة تبقى مٌزة اشربى فيروز اناناس 
**********
الموضوع الثانى موضوع النقاب 
موضوع شغل الراىء العام والخاص بل شغل العالم اجمع 
لماذا كل هذا الحقد والهجوم بلا داعى على النقاب 
اكثر ما ازعجنى وافزعنى صراحة هو هجوم رجال الدين انفسهم على النقاب 
وزير الاوقاف اصدر كتاب تحت عنوان النقاب عادة وليس عبادة  ليثبت لنا انه عادة ، لو افترضنا ان النقاب عادة فعلا فمن وجهة نظرى انها عادة حميدة تستلزم منا المحافظة عليها ونشرها لا محاربتها والتقليل من شانها 
ولو كانت عبادة فمن باب اولى احترامها وتقديسها 
السيد الدكتور وزير الصحة فى لقاء تليفزيونى يسخر من النقاب ويتهمه بانه  يعيق التواصل بين المريض والممرضة وانه  يحمل جراثيم وميكروبات 
وفى حديثه عن انفلونزا الخنازير وطرق الوقاية  منها افاد سيادته بان وضع كمامة مصنوعة من القماش على الانف والفم ويكتفى بغسلها يوميا  ممكن تستخدم كوقاية من المرض
سبحان الله ما هو الفرق بين قطعة القماش المصنوع منها النقاب والمستخدمة ككمامة واقية!!؟؟
لماذا هذا التناقض فى التصريحات ولماذا هذا الهجوم غير المبررعلى النقاب ؟؟
من وجهة نظرى المتواضعة جدا وبعيدا عن راى الدين والمتشددين او المتعصبين للنقاب او ضده 
اعتقد ان النقاب حرية شخصية مثلها مثل الماكل  والمشرب 
اذن لماذا لا نحرم اللبس الخليع ونطلق عليه انه حرية شخصية!!؟؟
لماذا التبرج والخلاعة اصبح حرية شخصية، والنقاب ليس كذلك..!!؟؟
لماذا نلصق به التهم وارتكاب ما هو خارج عن القانون ؟؟
اللص يسرق وهو يرتدى قناع وقفازات فهو لص 
واللص لو ارتدى نقابا وسرق فهو لص
من يفعل الرذيلة سواء ارتدى ملابس عارية او ارتدى نقابا فهو فاحش ومرتكب ذنب 
اذن الخطر يكمن فى الشخص نفسه لا فى الوسيلة المستخدمة
لذلك التعميم مشكلة خطيرة فى شتى مناحى الحياة
البوست ده عجبنى قوى  عند مها زين وبتتكلم فيه عن ادلة وجوب النقاب

كفاية عليكم استفزاز النهاردة

هناك 68 تعليقًا:

Kiara يقول...

بصراحه اتحرق دمي


والرد علي الناس دي بجد هو اننا نولع فيهم ونخلص من الوباء المتفشي

همس الاحباب يقول...

كيارا
سلامتك يا ستى
الموضوع مش مستاهل حرق دم
نولع فيهم ده فكرة
انا معايا بنزين معاكى كبريت ولعى بسرعة واجرى
المدونة ولعت يا كيارا
هههههههه
تحياتى ليكى

موناليزا يقول...

أحييك جدا على هذا الموضوع

mohamed ghalia يقول...

كفاية استفزاز
لا ولا يهمك احنا مستفزين كفاية ههههههههههه
ياترى رايحين على فين؟؟؟؟؟؟؟
أروح أذاكر أحسنلى

همس الاحباب يقول...

موناليزا
جزاكى الله خيرا
وشكرا لتواصلك
دمتى بكل ود
تحياتى

Kiara يقول...

ههههههههههههههههههههههههههههههههه


انا معايا ولاعه تنفع


ولعها ولعها :)

همس الاحباب يقول...

محمد غالية
رايحين االامتحانات
ههههههه
ذاكر يا بنى احسنلك
ربنا معاك وبالتوفيق ان شاء الله
تحياتى

همس الاحباب يقول...

كيارا
هههههههههه
ولاعة ليه بتشربى بيب ولا ايه
ماله صباع الكفته اهو اطعم
هههههه
طب الحقى اجرى من المدونة بدل متولعى معاها
ههههههههههههه

Kiara يقول...

اااااااااااه انت متعرفش مهو دا الصنف الجديد اللي بشربه هيق هيق هيق

وانا بجري اهو انا بجري حد يجري ورايا كيكيكيكيك

همس الاحباب يقول...

هههههههههههه
متخافيش عربية المطافى وصلت
وبعدين هتجرى تروحى فين نفسك تقطع من البيب
محتاجة وصلة
ههههههههه

Kiara يقول...

هييييييييييييييييييه المطافي وصلت خلاص اروح اجيب المدونين كلهم ونعملها قعده هنا بقي بس المشاريب عليك انا بقول اهو

همس الاحباب يقول...

هههههههههه
المشاريب على موافق
والاكل والحلو عليكم
وممنوع التدخين فى المدونة
المدونة صديقة البيئة
وممنوع دخول الاطفال اقل من 25 سنة
وممنوع الجلوس على البوستات
كل واحد يجيب كرسى الحمام بتاعه

Kiara يقول...

ايه دا بقي اقل من 25

وانا كدا ان بنطرد

عاااااااااااااااااااااااااااااااااااااااااااااااااااااااااااااااااااااااااااااااااا


هغرقلك المدونه ميه هه بس

همس الاحباب يقول...

ههههههههههههههههه
انتى اقل من 25 طب كويس
مسموح اصطحاب الاطفال ( كيارا )
والمدونة غير مسئولة عن فقدان الاطفال
وكذلك غير مسئولة عن لعبهم فى الطينة
وبعدين هى كده كده غرقانة
المطافى قامت بالواجب

♥نبع الغرام♥♪≈ يقول...

السلام عليكم
مش هقول غير حسبى الله ونعمه الوكيل بجد موضوع فى غاية الاهميه
هو أحنا ناقصين كفايه قرف وهجوم بقا
لا حول ولا قوة الا بالله
احيك على مثل هذا الموضوع دمت بألف خير
تحياتى
إيناس

Kiara يقول...

ههههههههههههههههههههههههههههه

موش تقلق الاطفال موش بيضيعوا

ويلعبوا في التينه براحتهممممممممم


في حد عنده مانع ههههههههههههههههههههه

همس الاحباب يقول...

عاشقة الاحزان
حسبى الله ونعم الوكيل فعلا
جزاكى الله خيرا
وشكرا على تواصلك الدائم
دمتى بكل ود

همس الاحباب يقول...

كيارا
ههههههه
انتى احتليتى المدونة ولا ايه
ده هجوم تترى على المدونة
ربنا يستر
العبى فى التينة للصبح بس بلاش توسخى هدومك
علشان ماما ما تضربكيش على ايدك
وتقولك انتى وحثة وسختى هدومك

Kiara يقول...

ايه دا هو انت موش تعرف

المدونه بتاعتي اصلااااااااااااااااااااا


وهلحب بقي وهوسخ هدومي وماما تغسلها كيكيكيكيكيككيك

همس الاحباب يقول...

كيار ا
هههههههه
بجد
مبروك عليكى المدونة
يلا شدى حيلك وردى على التعليقات
استاذن انا واسيبلك المدونة تاخدى راحتك
وكماان خدى الايميل بتاعى و هبعتلك عليه الباس ورد
وهعملك تنازل فى الشهر العقارى
هههههههههه

جنّي يقول...

السلام عليكم

كيف حالك ابو همس لعلك بخير ..

صحيح اشياء مستفزة .. البريل والرجولة .. لقد فقدوا رجولتهم وجعلوها في شرب البيرة فقط فهذا شأنهم واعترافهم بفقد رجولتهم ..

النقاب .. الجهات العلمانية كارهة وستظل كارهة لكل ما هو اسلامي وحقدهم ليس على النقاب فقط بل على الحجاب ايضا ووزير الاوقاف لا يفقه اي شي في الدين وليس اهلا للفتوى ولكنه يعلن مواقف الحكومة العلمانية من كراهية الاسلام ومظاهره حتى لا يغضبوا اسيادهم الامريكان .. هم لا يطبقوا ديموقراطياتهم الوهمية الا لصالح حزبهم الفاسد فقط .. وكفاية انا الظاهر زودت الاستفزاز شوية ..

همس الاحباب يقول...

جنى
سبحان الله القلوب عند بعضها
لسه كنت فى مدونتك وبقرا تدوينة رائعة لحضرتك
متفق معاك فعلا فيما ذكرت
ولكن هل نسوا او تناسوا ان الله عليم حسيب
ومطلع على كل هذا
يرضون العباد ويغضبون رب العباد
لا حول ولا قوة الا بالله

MǿиY El-Shreef يقول...

استرجل واشرب بيريل

يلعن ابو ده اعلان والله

اعلان وقح ودي اقل حاجه تتقال عليه

حاجه منتهى قله الذوق انا بتكسف اشوفه اصلا

وبالنسبه للنقاب انا متفقه معاك زي ماقلت ف مدونتي

ان زيما العري حريه شخصيه بردوا النقاب حريه شخصيه

ربنا يهدي الجميع

سلام :)

صبرني يارب يقول...

ما شوفتش الموضوع عند مها الزين اظاهر هى مش عندي على القايمه ولا ايه


بالنسبه للنقاب انا باختلف معاك هو لا عاده حميده ولا غير حميده

هو كل واحد حر يلبس زي ما هو عايز

بس كمان كل واحد ما يلبسش زي ما هو عايز

والى لابسه نقاب تضرعا لله هتاخد ثواب من غير ما تعتبره بالعافيه فرضه لانه مش فرض فى وجهات نظر كتير انا عن نفسي مقتنعه به ودورت فيها كتير

بالنسبه للي بيسرقوا بقى وهما لابسين نقاب
فاحنا لازم نتعلم بقى ان مش اي حد لابس نقاب ولا مربي دقنه نسلمه احنا دقننا
الدين مش مظاهر ابدا

واي واحده لابسه نقاب المفروض نقولها انتى مين وهاتي بطاقتك كمان قبل ما نتعامل معاها معامله قد تضرنا لو طلعت هى كذابه او مش ست اصلا


والى مش عاجبها شك الناس فيها ما تبقاش تلبس النقاب او ما تبقاش تخرج من بيتها
ببساطه شديده

انما يفرض علينا اننا نغمي عنينا ونقول امين لاي واحده لابسه نقاب عشان هى لابسه نقاب

والمجرمين كلهم يتداروا فى النقاب عشان كده كلا البت

ولا هنا مافيش درأ الدرر الى بيتمحكوا فيه المشايخ كلهم ؟


بالنسبه لاعلان استرجل واشرب بريل

حضرتك شوف اعلان كوكاكولا زيرو هاتلاقي فيه حوالي خماشر جريمه اخلاقيه بيروج لها الاعلان

زي انك تكون خاطب واحده وبتحب واحده تانيه عااااااااااادي

وان ده احساس جميييييييييييل


ومصايب تانيه كتير فى مجموعة اعلانات نازله للمنتج ده


لنا الله

جزاكم الله خيرا

Ahmed يقول...

ههههههههه
لا لا لا
انتا لازم تبطل تتفرج على الحاجات ديه على الأقل ستة شهور
اعصابك كده هتتحرق وضغطك بعد الشر مش عارفين هيجراله ايه


للأسف ديه بقت ثقافه عامه
اللي بيعلن وبيحاول أنه يروح لأبعد نقطه عشان يقدم شئ جديد. مش مهم الجديد ده صح ولا غلط (وبلاش موضوع بريل ده مع أهل العروسه, العمليه اصلا مش ناقصه)

بالنسبه للهجوم على النقاب عارف زي ايه؟ بالظبط زي لما يبقى فيه انسان ناجح, تلاقي ناس كتير واقفه بتشتم فيه وتقول فيه العبر
النقاب لأنه مفيهوش عيب, بيحاولوا يطلعوا فيه القطط الفطسانه
عاده ولا عباده؟ مش ده المهم
سيبوا الناس الملتزمه تعيش في هدوء

Unknown يقول...

أستاذ همس
شكراً على تشريفك مدونتى
انا ضفتك فى رول المدونات ابقى ضيفنى
------
بخصوص استرجل و اشرب بيريل
اعلانات تافهة و متخلفة
--
بخصوص النقاب انا مع صبرنى يارب فى كل كلمة قالتها

أمل حمدي يقول...

تدوينة رائعة احييك عليها

وانصحك بلاش تحرق دمك بهيافات الاعلام

وكفاية علينا كل حاجة حوالينا الحمد لله

أما النقاب دا اللي حكايته حكاية

بين مؤيد ومعترض

وسبحان الله فهم لم يعترضوا على العري

المهم ان الله سبحانه وتعالى لاينظر الي صورنا ولكن ينظر الى قلوبنا

وهو الحاكم بما فيها من خير او شر

اللهم ثبتنا على طاعتك اللهم امين

أشكرك من كل قلبي يا أبو همس الأحباب يا أصيل

maha zein يقول...

ربنا يبارك فيك مية مرة
مش لانك قلت ان مها زين وضعت بوست عن ادلة النقاب
لا
لكن لاني اول ما دخلت مدونتك وسمعت النشيد اللى انت حطيته والله قلبي قشعر

ربنا يبارك فيك يا خالد
شخص بيشارك في كل اعمال الخير
جدع
بيتكلم في الحق
مبيقصرش في حاجة
بتراعي ربنا في حجات كتير
ربنا يزيدك
اشكرك علي كلماتك ورأيك الرائع في النقاب
والله انا بتشحن بكلام الناس الكويسة اللى ذيك

بينظروا للنقاب رؤية مشرفة
ربنا يبارك فيك ويعزك ويجعل همس قرة عينك

yoyo يقول...

صباحك سكر

هههههههههههه
بصراحة الاعلان دا مستفز جدا جدا
يعنى هى خلاص الرجولة بقيت فى شوية بريل مش كان حد غلب و الله
لو كنت ان فى ايدى الامر كنت اصدرت فرمان بشربه عشان يبقى البلد فيها رجالة صح الصح بقى
ههههههههههههههه ال بريل ال ناس دماغ فاضية والله

عجبنى اوى رايك المنطقى فى النقاب اعتقد انه مش فرض علينا ومن التزم به له الاجر والثواب
هى المشكلة ان فى ناس بتشتغله اسوء اشتغلال جايز دا بيكون سبب الهجوم بس مش معنى كدا اننا نعمم القاعدة يعنى

فى مشكلة صحيح
طيب اللى مش بتحب الفيروز اناناس تعمل ايه بقى ؟؟؟
اهىء اهىءاهىء يعنى انا مش هابقى موزة ليه ياربى مش خليتنى احب الاناناس
ههههههههههههههههههههه

تسلم ايدك يا ابو همس
تحياتى
يويو

أحمد سعيد بسيوني يقول...

عندك حق يتحرق دمك

الرجولة بطولة وليست فحولة

وبعدين مش عارف اية اللي غايزهم اوي من النقاب

مش من الحرية الشخصية برضه ان اللي عاوزه تتنقب تتنقب براحتها

ولا هي الحرية حرية تبرج وانحلال بس

عصفور المدينة يقول...

عجبني اوي صورة شوفتها في بعض المنتديات
استرجل واشرب بريل(بتاع الصحون)


جزاك الله خيرا أعتقد أن الدعايات السيئة لابد من معاقبتها


بخصوص الموضوع الثاني فقد أصبحنا بعض المتفتحين يدافعون عن الرذيلة ويلتمسون لها الأعذار ومنذ قليل قرأت مثل ذلك لبعض المدونين لكنهم لا يتسمون بنفس ذلك التعقل وتلك الحيادية تجاه من اختار لنفسه طريقا آخر

Empress appy يقول...

من افشل الاعلانات فىالعالم هى الاعلانات المصريه يا خالد بجد بتوع الخليج اتفوقوا علينا بكتير اوى

ست البيت يقول...

أنا دمي لسه ما تحرقش
اصل انا اساسا كتبت بوست على مدونتي انا اهتم عن الموضوع دا

اصلي دخلت على مدونة لقيت صاحبتها نازلة سلخ في الملتحيين الوهابيين
وبتقول سلفي متعفن وجزمة وحاجات زي دي هيه حرة
بس مش حرة انها تلبس اللي ع كيفها
وتلعن سلسفيل اللي انا مش عارفة معناها دي
جدودنا عشان واحدة لبست نقاب
انا مش منتقبة بس عيب قوي نكون ضد النقاب
وبعدين ليه بنحارب النقاب ومش بنحارب الفنانين الخارجين على الاداب
يعني دول حقتنا نعمل لهم محضر آداب
فيلم الريس عمر حرب يعرض على القنوات الغير مشفرة
وفيلم اسمه كباريه
اي خدمة كمل حرق دمك بقى على مهلك
يا بني دا احنا بلد تحرق دم دار الافتاء بحالها
ربنا يرحمنا
سعيدة بدخول مدونتك
وسعيدة بأنك لا زلت تذكر القضية
عموما دعوة لتذكر مذبحة دير ياسين
9ابريل المنصرم يمر عليها 61 عام
http://marwa-mostafa.blogspot.com/2009/04/blog-post_09.html
دمت بحفظ الرحمن

Remas يقول...

استاذ خالد

بوست جميل جدا

اعلان بيرل دا علان مستفز وغلس ومش فيه حتى اى طرافة

وكتير من الاعلانات فيها استفزاز ودعوات لاشياء غريبة

اما موضوع النقاب زى مانت قلت حرية شخصية وليس النقاب او عدمه هو اللى هايحدد شخصية الانسان

متفقة مه صبرنى في كلامها جداااااااا

تحياتى لك وسلامى لهموسه

على عبدالله يقول...

السلام عليكم

كيف حالك مستر خالد
بالنسبة لاعلان البيريل !
الراجل يشرب بيريل عشان يسترجل !
وطاب والست تشرب ايه عسان تستأنث ؟!

أما النقاب
انا اعرف ان النقاب اما فرض واما سنة
والغالب ان شاء الله وما عليه اغلب العلماء وبالدليل الشرعى انه فرض !
هذا ان كان الرد الى الله ورسوله صلى الله عليه وسلم
اما الاراء الشسخصية الى تودى فى داهية مالناش دعوة بيها
اما كلمة عادة فدى غريبة شوية ماهو الجواز كان عادة! .. زيها زى كلمة
علاقة بين العبد وربه !
يعنى ايه علاقة بين العبد وربه وايه علاقة الكلمة دى بالاحكام الشرعية ؟!
يعن مثلا الصلاة علاقة بين العبد وربه ، معنى كدا انها مش فرض ؟!
الصيام علاقة بين العبد وربه ،، يبقى الصيام مش فرض ؟!
الشاهد ان الكلمة دى لا تبنى عليها احكام شرعية
وبلاش تلاكيك !!
:)
المنتقبة ندعو الله لها بالثبات
والغير منتقبة ندعو الله لنا ولها بالهداية

عائشة ام المؤمنين كانت منتقبة
فاطمة الزهراء بنت محمد كانت منتقبة

فهل تستوى من كانت الزهراء قدوتها - ممن تقفت خطى حمالة الحطب

والله لا تستوى
والله لا تستوى
هن الطاهرات العفيفات
هن حبيبات رسول الله صلى الله عليه وسلم
يكفيهن هذا شرفا

والله يا بنات بيضحكوا عليكم اما يقولولكم مش مهم المظهر المهم الجوهر !
الايمان ما وقر فى القلب
وصدقه العمل
وصدقه العمل
وصدقه العمل
الحقوا نفسكم قبل ما يجى ملك الموت ويكتم ع الانفاس .. ساعتها لا هانلحق ننتقب ولا حتى نتحجب ونقول ياريت الى جرى ما كان


سيبك انت
القافلة تسير ...
:)

تحياتى

صيدلانيه طالعه نازله يقول...

موضوع بيريل ده للاسف فعلا مستفز جدا و اكتر من كاتب صحفى انتقد الحمله الاعلانيه دى و اسلوبها الفج بلا داعى
بس هيا دى بلدنا الحاجه الهايفه هيا اللى بتعلق و تنجح
موضوع النقاب بقى مش عارفه هما ليه متغاظين منه كده انا رأيى انه حريه شخصيه و اسلوب حياه و كل انسان من حقه يختار اسلوبه فى الحياه بحريه طالما لا يضر احد

همس الاحباب يقول...

مونى الشريف
عندك حق طبعا
هو فعلا وقح وعلشان كده استفزنى
وموضوع النقاب هو فعلا حرية شخصية
طالما تؤذى الاخرين
تحياتى وتقديرى

همس الاحباب يقول...

صبرنى يا رب
بصراحة صبرنى انا يا رب عليكى
ده بوست مش تعليق يا صبرنى
ههههههه
عامة هى وجهات نظر ليس اكثر
وانا اللى بقصده اننا مش نسلم لاى حد او نغمض اعيننا عن الحقائق من حولنا
العيب مش فى النقاب العيب فين احنا كاشخاص
الاساءة من جانب شخص واحد او بعض الاشخاص اصبح اساءة للجميع
وده التعميم اللى انا برفضه بغض النظر عن ان النقاب عادة او فرض
يعنى لو اخطا رجل ملتحى يبقى كل الرجال الملتحين مخطئبن
لو اخطات منتقبة يبقى كل المنتقبات مخطئات
انا مش معترض على ان المنتقبة تبرز هويتها فى الاماكنالتى تتطلب منها ذلك او بالنسبة للاشخاص الذين يتعاملون بشك معها فى بعض الامور
لابد من الافصاح بمعنى ان تفتيش الانثى فى القسم يتم عن طريق انثى مثلها
لماذ لا يتوافر ذلك فى الاماكن التى تتطلب منا ذلك
المراة اصبحت تشغل كل المجالات وموجودة فى كل اماكن العمل
يعنى كشف الهوية او الوجه مش مشكلة حاليا طالما ان هناك شك او ريبة فى التعامل
واختلاف وجهات النظر فى تلك المواضيع شىء متوقع
اما الاعلانات فاصبحت تثير الاشمئزاز
تحياتى وتقديرى لحضرتك

همس الاحباب يقول...

احمد ابو العلا
ههههههههه
ماشى يا هندسة
هعمل بوصيتك واسمع الكلام
ربنا يصلح الاحوال
وننظر نظرة موضوعبة لبعض الامور
تحباتى وتقديرى

همس الاحباب يقول...

بدراوى
اهلا وسهلا يحضرتك
وسعيد جدا بتواصلك واضافة حضرتك
ومنورنى دائما
وجهة نظر تحترم يا باشا
تحياتى

همس الاحباب يقول...

ماما امولة
ربنا يبارك فى حضرتك
وتمنياتى بالشفاء للغالية امانى
وربنا يجعله فى ميزان حسناتكم
حاضر يا ماما هعديها ومش هحرق دمى
ربنا يصلح الاحوال
ونعم بالله هو عالم الغيب والشهادة
اللهم امين
شكر على ايه بس
مافيش شكر بين الاهل
وبعدين ده اقل من الواجب
ربنا يبارك فى حضرتك ويديم المعروف
تحياتى

مهندس مصري بيحب مصر يقول...

و الله يا أستاذ خالد
أنا مع الرأي الشرعي القائل بأن النقاب سنة
من فعلتها فلها ثوابها و من لم تفعلها فليس عليها وزر
لكن اقل حدود الحجاب الشرعي هو ألا يصف و لا يشف و يغطى الجسد كله ما عدا الوجه و الكفين و لا يكون زينة في نفسه

يعني النقاب مختلف فيه شرعاً
لكن هو فرض أو سنة
بس
مفيش حاجة إسمها فضل
هو فرض أو سنة

ثم حتى لو مشينا بمنطقهم البعيد عن الدين هو حرية شخصية و أنت حر ما لم تضر

دي ناس تفرغت لحرب الدين و سيخزيهم الله إن شاء الله

همس الاحباب يقول...

مها زين
جزاكى الله خيرا
وبارك الله فيكى
على فكرة انتى ليكى الفضل فى ده
يعنى الشكر لله اولا وعلى اى حال
بص تشكرى لانك السبب فى البوست اساسا
رلنا يسعدك ويوفقك دائما
تحياتى وتقديرى

همس الاحباب يقول...

يويو
هههههههههه
افهم من كلامك ان الرجالة ماتت فى الحرب
البقاء لله فينا مسبقا
هههههههه
فعلا انت حر ما لم تضر
جزاكى الله خيرا
نفكر فى الموضوع ده ممكن نخليها توووووت وبلاش اناناس
وبعدين انتى ست الستات يا يويو
هههههههه
سعيد جدا بتواصلك وارائك
تقبلى تحياتى

همس الاحباب يقول...

احمد سعيد بسيونى
حلوة الدخلة الجامدة دى
عجبتنى قوى
ربنا يهدى ويصلح الاحوال اخى العزيز
تحياتى وتقديرى لحضرتك

همس الاحباب يقول...

عصفور المدينة
نورتنى يا باشمهندس
ودائما نتعلم من حضرتك البلاغة وسلاسة الاسلوب
تعليق حضرتك وسام على الجبين
تحياتى لحضرتك

همس الاحباب يقول...

ابى
معاكى حق فعلا اعلانات فاشلة
العالك كله تفوق علينا
اصبحنا فى المؤخرة فى كل شىء
الا التفاهات
تحياتى وتقديرى اختى العزيزة

همس الاحباب يقول...

ست البيت
منورة المدونة
وسعيد جدا بتواصل حضرتك
ربنا يصلح الاحوال
ووتبقى هناك لغة حوار وتفاهم وحيادية بعض الشىء فى بعض الموضوعات
تحياتى لحضرتك

son's egypt يقول...

السلام عليكم
هي فعلا حاجات تستفز الواحد
اصبحت الاعلانات فيها كل حاجة بدون رقابة ولا معايير تحكمها وكأن الاخلاق ليس لها قيمة امام المادة والاعلان
المهم ان المنتج يوصل باي طريقة وخلااص

حياتى نغم يقول...

السلام عليكم / فعلاً الإعلان استفزنى أنا الأخرى لأن ممكن توقيع تلك الجملة على الخمر والمخدرات وغيرها من الفواحش عافانا الله جميعاً .
وطبعاً النقاب حاله حال الحجاب والقرآن وكل المقدسات وأمور الدين التى أصبحت هدفاً لتنعط الفاسدين والمغرضين والأفاقين وسيظل الهجوم على الدين طالما لا يوجد من يرد بشدة على أعداء الدين .
جزيت خيراً ووفقك الله لكل خير .

الفراغ يقول...

والله كلام مقنع..بس اللى يفهم ويقتنع
(ام على قلوب اقفالها) صدق الله العظيم

وعموما راجل ببريل او من غيره..دى اعلانات مش هاتاكل معانا..

بس لو فى اعلانات تقول ان اللى ياكل كباب يبقى راجل..ماعنديش مانع..
وعندك اتنين رجاله كباب وصلحه
اتفضل معانا يا خالد..
ايه ده انت جاى مع الطلب..
طيب مانت راجل اهو
طيب ليه الحقد على بتوع بيرل يا رااااااااااااجل

عمرو يقول...

بارك الله فيك
اٍعلان الرجوله ده كان بيستفزنى جدا و لازال و كنت ناوى أكتب بوست عنه و لكنك كتبت و وفيت فألف شكر
بالنسبه للنقاب فسواء كان وجوبيا أم لا فما هو الضرر منه يعنى ؟؟ و أيه اللى مزعل رافضيه بهذا الشكل الحاد و المستفز و هو فى النهايه حريه خاصه و شخصيه مكفوله للجميع ..
أشكرك مره تانيه و تقبل خالص تقديرى ..

سبهللة يقول...

هو دة بس اللى استفزك الفترة اللى فاتت؟؟
المفروض تعمل حلقات عن الاستفزاز
وخاصة استفزاز التصريحات الوزارية والتليفزيونية
ولا استفزاز المذيعات ولا البرامج ولا كله كوم واستفزاز المسلسلات التركى
يوووووووه
تصدق بايه
انا بابتدى افتح التليفزيون الساعة 10 مساء عشان منى الشاذلى
بس كدة
هى دى كل علاقتى بالتليفزيون
كرهته عمى

(صندوق الدنيا) يقول...

فعلا شيء مستفز
والإعلان لفت نظري ولفتت نظري العبارة
بارك الله فيك أخي

رحــــيـل يقول...

خالد ايز اخبارك ايه؟

اتمنى تكون بخير

بالنسبة للجزء الاول للبوست فالنسبة للتليفزيون فانا كويس انى عامله مقاطعه من ساعه مجالى نت فىا لبيت لان فعلا الموضوع حقيقى بقى مستفز للغاية
لا بجد اعلان غريب جدا ومبدأ اغرب
الجزء التانى
النقاب انا عشته تجربة شخصية مريت بيها لوقت مش قليل زى مانت قولت فى الاول والاخر على الاقل المفروض الناس تعتبره حرية شخصيه وعلى الجميع احترامه
وعدم ربط الافعال بالنقاب لانه فى الاول والاخر اللى لابسه النقاب بشر

بسنت صلاح الدين يقول...

اه والله عندك حق،فى اعلان استفزنى برضه عن واحد اصحابه بينصحوه مايبقاش حنين مع حبيبته لازم يسترجل و يشرب اللى مايتسماش،طيب ايه علاقه الرجوله بالمشروب و هل فعلا حنيه الراجل عيب خطير يستوجب انه يتخلص منه ؟؟حاجه غريبه والله اعلانات اخر زمن

Unknown يقول...

ازيك يابو همس
عامل اية ولا تحرق دمك ولا حاجة مهو دا المتوقع من اعلام فاسد لا يعرف غير روبى وهيفا اما عن الرجولة فبالنسبة لهم بيرة وبيريل وبكرة يبقى خمرة والعياذ بالله
اما عن النقاب فهى حرب ضد الدين
والغريب ان الوقت بقى مصرح لاى حد فى الدنيا مؤهل او غير مؤهل بالحديث عن ما يفقه
فاكر العلامة حسين فهمى والعبقرى
وزير الثقافة من كام سنه قالوا اية برضة عن الحجاب؟؟


تحياتى

حاجات جوايا يقول...

يارب بس تيجى على اد البيريل
وميقولوش استرجل واشرب حاجة تانية

أنا اصلا معرفش طعم البيريل
بس من اسمه وشكل الازازة بتاعته اللى عاملة زى البيرة عمرى ما هفكر طبعا اجربه

ولهذا مش ناوية استرجل المرة دى :)

-----------

النقاب بقى عقدة نفسية عند ناس كتير متحررين وغير متحررين
ليه مش عارفة

متفقة جدا مع كلامك

لو افترضنا ان النقاب عادة فعلا فمن وجهة نظرى انها عادة حميدة تستلزم منا المحافظة عليها ونشرها لا محاربتها والتقليل من شانها ولو كانت عبادة فمن باب اولى احترامها وتقديسها

ربنا يهدينا ويهدى الجميع


-------------
شكرا اخى الفاضل على سؤالك الغالى
جزاك الله خيرا
لك عندى تاج انتظر قدومك لاستلامه

سالى

rovy يقول...

السلام عليكم
الحقيقه كل حاجه اصبحت مستفزه الان
بالنسبه للاعلانات مش قادرة اتذكر اعلان ما استفزنيش اليومين دول ..
اما النقاب فأنا لست منقبه و لكن لى اصدقاء كذلك و احترم حريتهم و احبهم كما هم جدااا .. لكنى ايضا لا احكم على احد الا بعد ان اعرفه جيدا فالمنقبات بشر كباقى البشر منهم الصالحة جدا و ايضا منهم من ليس كذلك

ربنا يهدينا جميعا لما فيه الخير ..

دمت بكل الخير

تحياتى

أم أحمد المصرية يقول...

بصراحة عندك الف حق
انت اخترت موضوعين مثيرين للاستفزاز
اعلان المشروب المزعج
و الادهي منه مشكلة النقاب علي رأي التدوينة الاخيرة للصديقة عاشقة النفاب
النقابفوبيا
و كان ردي عليها يتوافق تقريبا مع كلامك
دمت بخير

ست البنات يقول...

سلام عليكم
تدوينة جامدة جدا وعلى فكرة كان في حملة في أحد المواقع مضادة لحملة استرجل وكانت ناجحة كثيرا
الرابط

http://www.ikhwan.net/vb/showthread.php?t=79979

تحياتي

نبض اسكندرية يقول...

خالد

والله اظن ان كل حاجة بتحصل لينا من شر فا دة من انفسنا واعملنا

اكيد اكيد اننا السبب لكن المهم اننا نبدأ نغير ونبدأ نوجد حلول لكل حاجة بتحصل بتستفزنا

فى رأيى ان اول مشكلة بتقابلنا هيا السلبية

لو بدانا نكون ايجابين منتجين اظن ان الوضع هايتغير

اما عن موضوع النقاب لان من كتر ما الامر مؤسف لاتعليق

تحياتى

الربان يقول...

تحياتي أخي خالد


بالنسبة للاعلان...احد عوامل النجاح للاعلان هو " الاستفزاز " يعني هذا الاعلان
حين قرأته حضرتك استفزك...و فكرت فيه و في مضمونه...و الان تكتب عنه...

هذا يدل علي ان الاعلان نجح في شد انتباهك و العديد منا ممن لم يقرأ او يشاهد الاعلان ..عرف عنه في هذه التدوينة فتحقق عامل الانتشار...
هم لا يبحثون عن المضمون...و لكن يبحثون عن الانتشار بين الناس.

بالنسبة لموضوع النقاب هو عادة..و لكن لابد ان ندع لكل انسان اختياره..
من تريد النقاب اهلا و سهلا...من لا تريد ايضا اهلا و سهلا....لكن اخي خالد لي ملحوظة بسيطة....بعض المهن لا ينبغي للعاملات بها ارتداء النقاب...
مثلا الطالبة...لا يصح ان ترتدي النقاب
اثناء المحاضرات او الامتحانات...من يدريني ان من يرتدي النقاب هي نفس الطالبة...؟ حدث حالات كثيرة بالفعل مثل هذه.

الممرضات و الطبيبات ...لا ينبغي لهن ارتداء النقاب خلال عملهم...يمكن حضرتك
سمعت عن اختطاف الاطفال حديثي الولادة من المستشفيات...أذن لابد للمريض ان يري وجه الطبيبة او الممرضة...بل اقول
ان كل طبيب او ممرضة يجب ان يضع بادج باسمه و اسم القسم الذي يعمل به حتي يتعرف المريض عليه....
الدكتور هاشم فؤاد، رحمه الله، حينما كان عميدا لطب قصر العيني طبق هذا..بل الاطباء الكبار من الاساتذة و الاساتذة المساعدين و ضعوا بادج باسمهم
و القسم التابع له....هذا نظام لصالح الجميع...

اما في الشارع او الاماكن الاخري فكل شخص له الحرية ان يرتدي ما يريد..

تحياتي و تقديري اخي الكريم...

د. إيمان مكاوي يقول...

أشكرك أستاذ خالد على مناقشة تلك الموضوعات الهامة
أولا بالنسبة لإعلان بريل أو غيره من الأغاني الثرية بالميوعة فهي تعمل على أن يتلاشى معنى الرجولة من مجتمعاتنا ..هذا غير الموضة الرجالية ...هذه حدث ولا حرج
وللأسف الشباب ينساقون وراءها بدون تفكير
أما بالنسبة للهجوم على النقاب أو حتى الحجاب فهو وسيلة من وسائل القضاء على هذا الدين ..ولكن ما لا أفهمه فعلا هو هجوم رجال الدين أنفسهم ..؟؟؟؟؟
الموضوع يستحق البحث والتساؤل ...لمصلحة من ..؟؟؟؟
أحييك أخي الفاضل

حنين القلب يقول...

انا متاخرة اوى
يا ربناااااااا

معلش يا خالود اخر مرة هتاخر كده

المهم
بالنسبه للبريل انا مش بشربها بس بشرب فيروز تفاح او ميرندا تفاح برضه

تفتكر كده هبقى موزة ولا ايه ؟؟

يا رب انفع

وش بيغمز

حنين القلب يقول...

بالنسبه لموضوع النقاب
انا حاسه انه فعلا بيتحارب
بس ليه ؟؟

اكيد فيه سبب
خايفين من نشره ليه
رغم انى بحسه عفه وطهارة ونقاء بجد مش بس شعارات ولا كلام

بجد
حسبيا الله ونعم الوكيل

حنين القلب يقول...

خاااااااااااااالود بقولك
بما انى اخر التعليقات اعلق براحتى بقى

انت مش بتشرب بريل

هههههههههههههههههههههههههههه
طيب عيب يا راجل عليك

كل الناس بتقولك استرجل واشرب
وانت برضه مصمم انك مش تشربها

ليه يا عم خد بنصحتى واشرب بريل
وانا هبعت ليك حد يروحك بيتكم

مااااااااااااااشى

zainab يقول...

السلام عليكم

بصراحه كده فعلا حاجه تغيظ الموضوعين اللى اتكلمت فيهم

انا لله و انا اليه راجعون اللهم اجرنا فى مصائبنا و اخلفنا خيرا منها

تحياتى