23 فبراير 2009

مصر الامن والامان

لماذا التفجيرات التى حدثت فى ميدان الحسين امس ؟؟؟
ولماذا فى هذا الوقت  بالذات ؟؟؟
ولماذا حى الحسين بالتحديد ؟؟؟
هل لان  منطقة حي الحسين هي من المناطق الأثرية والسياحية الهامَّة في مصر،
و تضم العديد من المعالم التاريخية والدينية التي تعجُّ عادة بآلاف الزوار من المصريين والسائحين العرب والأجانب  
هل لان بها الجامع الأزهر ومسجد الحسين وخان الخليل ؟؟؟.
الكل يدلى بدلوه بتصريحات وتحليل الموقف
والكل يشير بالبنان الى الجماعات الاسلامية بانها وراء تلك الانفجارات
والبعض يربط بينها وبين خروج ايمن نور
والبعض الاخر يتهم اليهود وحماس وراء التفجيرات
والاغرب من هذا اتهام النظام نفسه بالقيام بتلك الاعمال
والكل نسى او تناسى ان مصر بلد الامن والامان ومهما يحدث ستظل كذلك  
ومهما تكن الاسباب والدوافع ومهما تكن تلك الجهة القائمة باعمال التفجيرات
فتراب مصر طاهر وشعبها اصيل ويستطيع ان يتجاوز اشد المحن
وحسبنا الله ونعم الوكيل

هناك 19 تعليقًا:

mohamed ghalia يقول...

نعم أخى حسبنا الله ونعم الوكيل

maha zein يقول...

ايوة هي العملية عبارة عن حادث طارىء

مش خلاص بقه هنقول ان مصر هترجع تاني لفترة التفجيرات بتاعت الحسين بتاعت زمان

وطبعا اللى حصل لا يرضا بيه لا مسلم ولا مسيحي ولا كافر
لان دول ناس استامننوانا علي ارواحهم واخدوا مننا العهد بالامان واللى هي عبارة عن التأشيرة اللى دخلوا بيها بلادنا

يلا ربنا يسامح اللى عاملها لو كانت نيته خير بس عملها عن جهل بالدين
لان ممكن في شباب بيعتقد انه بكده مثلا بينتقم لاحداث غزة او اي شىء
لكن طبعا الشيخ محمد حسان قال في قناه الرحمة ان ده حرام حرام حرام

Mafrousa يقول...

و الله فعلا حسبنا الله و نعم الوكيل
حنقول كتير
و حنخمن
و حتفضل الحقيقة غير معلومة لدينا
و حيفضل السؤال
ليه؟

Ahmed يقول...

حسبنا الله ونعم الوكيل

عارف أكتر حاجه بتحصل بعد التفجيرات ديه ايه هيا؟
الكل بيكتشف جواه قد ايه احنا بنحب البلد ديه

ايوه بجد
وسط طابةر العيش الطويل والفساد والرشوه والجهل والمرض والفقر والخيانه وكل العبر والمصايب السوده الواحد بيحس أنه مفيش عنده أي انتماء للبلد ديه وبيحس أنه بيكرهها. لكن مجرد مايسمع عن أي شئ يأذيها أو حد يشتمها, بيطلع الحب من جواه بشكل عجيب

احنا فعلا بنحب مصر أوي. بنحبها أكتر مما نعتقد أو نتخيل

Gannah يقول...

ازيك يا ابو همس
مش عارفه مصر فعلا بقت بلد الأمان ولا لا؟؟
حاسه ان الشباب بقى خايف من بكره..المسألة مش تفجير وبس لان اللى قاموا بيه اكيد لهم هدف واضح ولا يفرق معاهم ان حد يموت ولا سياحه فى سبيل تحقيق هدفهم
لكن مسألة الامن فيها كلام ..لما شاب يفضل يغرق فى البحر وهو هربان من مصر يبقى اكيد مفتقد للامان..احلامه مصادره..حاسس انه مهدد لو اعترض او قال لا حرام اقعد على القهوة بعد تعب السنين
يعنى مش عارفه بس عندى احساس بالاحباط شديده جداا
ويمكن بتخلينى بخرف
اعذرنى
تحياتى

ahmed_k يقول...

فعلا يا بو همس
الحكايه مكانتش ناقصه عمليات إرهابيه
الناس مش مستحمله تصرفات عدائيه ضد أرزاقها
والبلد للأسف إتخذت من السياحه مورد رئيسي لدخل العديد من الأسر
ربنا يسترها

عبده الرايق يقول...

والله انا زيك يا خالد
حاطط خدى على ايدى من امبارح وعمال افكر
ليه بنخرب ؟؟؟؟
لكن السياسه اغرب من لعبه صلطح الامريكانى بتاعه زمان
قالوا ايمن نور تم الافراج عنه لاسباب صحيه وبعد نص ساعه اتكلم عبر التليفون فى قناه الجزيره وقال ان فوجئت انهم سابونى ومعرفتش انى ذاهب الى المنزل الا وانا فى الطريق
وفى الليل تحدث فى برنامج العاشره مساء وهو فى كامل صحته
اقولك
حادى بادى كرنب زبادى سيدى محمد البغدادى شاله وحطوا كله على دى

عبده الرايق يقول...

بقولك يا خالد
انا هابعت ليك شيك بنص جنيه
علشان تقولى عملت Recent Visitors
دى ازاى؟؟
وفى منها طازه ؟؟؟؟

محمود حافظ يقول...

ما حدث من فتل للابرياء على ارض مصر لا يمكن ان يصدر الا من عقل مريض لا يعى ان الله حرم قتل النفس بغض النظر عن الدين او الجنس ولكنه بعيد كل البعد عن الدين فما حدث استهدف الاطفال والكبار وتشويه لسمعة مصر وتخريب لا يرضى به من عنده ذرة من عقل وانا لله وانا اليه راجعون
محمود....

Unknown يقول...

تفتكر اسلاميين ؟
هو دا اللى ناقص اسلاميين وفى بلد مسلم والله دا الجنان بعينة
عارف كل اللى انا خايفة منه انى حاسة ان الطريق اللى احنا ماشين فيه
مطموس المعالم والكل بيخبط
والكل بيحاول يشوف مصلحتة وبس وباقى الناس والبلد مش مهم


بجد ربنا يستر

عاشــــــ النقاب ـقــــة"نونو" يقول...

حسبنا الله ونعم الوكيل
يارب احفظ هذا البلد
يارب وحد المسلمين وانصرهم يارب
تعرف يا اخ خالد اني دخلت نت وقت بعدحدوث الحادث بتلت ساعة واخبرني بالخبر صديق لزوجي من امريكا داخل يستفسر مني ايه حصل
تخيل !!!بيسالني فيه ايه وكنا لسة في مصر نايمين في العسل
حتى في نقل الاخبار
تعرف قريب كنت هناك وشفت الشرطة اللي واقفة على باب الميدن نفسه فالحين موقفينهم اه لكن للاسف الشديد العساكر شغالة زي السايس كدة يركن لك العربية شوية ويساعدك تطلع بيها مقابل جنيه ولا اتنين
مش عارفة بصراحة اقول ايه
غير ربنا يحميكي يا مصر يارب
تحياتي

حياه بلا عنوان يقول...

حسبنا الله ونعمه الوكيل بجد ربنا ياستر بعد كده دلوقتى بدئت فى الحسين الله اعلم ايه هيحصل تانى بوست مفيد فعلا شكرا عليه تحياتى

arsenalwy يقول...

حسبنا الله ونعم الوكيل

فى كل من يريد هز استقرار مصر اكتر ما هو مهتز

استفاد ايه اللى عملها ايا كان؟؟

لا اله الا الله ربنا يرحم الشابة الفرنسية اللى اسئمنت مصر على حياتها بس المصريين مقدروش يووفوا الأمانة

قوس قزح يقول...

هو من المؤكد انها بلد الامن لكن الامان اشك

و بعدين يعنى فى حاجات كتير حصلت و بتحصل و مش عارفة ليه .. اشمعنى دى اللى هكون عارفين
احنا خلاص بقينا مش فارقين لحد انه يفهمنا و بقى معروف اننا خنعمل دوشة شوية و نسكت

ربنا بس يستر و حكاية التفجيرات دى متتكررش

simply me يقول...

ربنا يستر على مصر واللى بيحصل فيها

لحد امتى هنفضل نقول مصر كانت وكانت وكانت واحنا دافنين راسنا فى الرمل ومابنعملش حاجه

يعنى ايه نبقى فى ميدان زى الحسين ومليان سياح قد كده ومش عارفين نأمن حياتهم
ولا عارفين نأمن حياة ناس البلد حتى
كل شويه قتل وسرقه وتحرش

فين مصر بلد الامن والامان ... فى كتب التاريخ وبس

شفـقــة و إحســــان يقول...

صباح الجمال يا باشا
حلو العنوان قوي
بجد عاجبني

"مصر الأمن والآمان يالالالي"

يا راجل دول شوية عيال فرغوا عشرين بمبة في علبة قدروا يعملوا فينا كده
أمال لو تنظيم إرهابي بجد كان عمل إيه ؟؟

اللي فارسني إن المكان ده ملغم ظباط وأمناء وعساكر 24 ساعة
واللي يفرس أكتر إن نفس المكان ده إتضرب قبل كده
يعني دي مش أول مرة للأسف
والمفروض إنه لايلدغ مؤمن من جحر مرتين
والمفروض كمان إن التكرار يعلم الحمار
إحم إحم ... سوري .. قصدي الشطار
أقولك .. تصبح على خير
أقوم أنام قبل ما أعك أكتر من كده

أخوك المفروس
إحســـــــان

حاجات جوايا يقول...

حسبنا الله ونعم الوكيل
ربنا يحفظ بلدنا يارب وويهدى الفاسدين والمنحرفين
اكيد طبعا اللى عمل كده مش جماعات اسلامية لان الحسين رمز دينى اسلامى

حسبنا الله ونعم الوكيل بجد

الربان يقول...

تحياتي اخي خالد


فعلا مصر بلد الامن و الامان....
لكن ما حدث إنذار لنا حتي نتيقظ و ننتبه...و نحبط اي عمل قبل حدوثه...

وهي ايضا رسالة موجهه الي من يهمه الامر...

تحياتي و تقديري

شخـا بيــط مـحـجـوب يقول...

نعم ياعزيزى
حسبنا الله ونعم الوكيل

تحياتى ليك

وتقبل مرورى

شخابيط mahgoub