24 فبراير 2008

رسوم مسيئة -كلاكيت تانى مرة

الا رسول الله

بسم الله الرحمن الرحيم


" ان تنصروه فقد نصره الله "

صدقت ربى نعم رسول الله لا يحتاج نصرنا لان الله ناصره

لكن نحن محتاجين نصرك يا الله لانه قد تداعت علينا الامم كما تتداعى الاكلة على قصعتها

واصبحنا غثاء كغثاء السيل كما اخبرنا سيدنا ونبيبنا محمد صلى الله وعليه وسلم .

نعم رسول الله افضل خلق الله يهان كل يوم ونحن ماذا فاعلون ؟؟؟؟؟؟

بداية الاساءة رسوم حقيرة من اشخاص اقل من الحقارة نفسها فى جرائد الدانمارك وهولندا عام 2005
تسىء الى شخص رسول الله بعدها بشهور طويلة رد فعل غاضب من المسلمين فى جميع انحاء المعمورة
واستنكار واستجهان وشجب وشد الشعور ولطم الخدود من حكوماتنا الاسلامية .
بسم الله ما شاء الله رعبوا بها الاعداء وحرروا بها القدس وخيبتاه ثم ومصيبتاه ....


طبعا الشعوب والاشخاص كانوا اشد جراة استنكروا وطالبوا بالقصاص ومقاطعة البضائع والمنتجات الدنماركية والهولندية وقاموا بمظاهرات لنصرة الحبيب المصطفى كلام جميل.

الاخوة الاعلاميين والمثقفين والمدونيين كذلك ابلوا بلاء حسن فى نصرة الحبيب المصطفى من خلال مقالاتهم وتدويناتهم الرائعة.

خلال الايام الماضية اعيد نشر تلك الرسوم المسيئة فى عدة صحف بالدانمارك واوربا ماذا فعل المسلمين ؟؟؟

-الحكومات الاسلامية لسه نايمة فى العسل لانى حرام اشبهم باهل الكهف ( لان اهل الكهف فتية امنوا بربهم )

يا حكومات الاسلام اين اصواتكم اين الجعجة الكدابة اين الاستنكار والاستهجان ما فيش( ليه الخنوع والاستكانة ؟؟؟)

تخيلوا كده لو ان الصحف الدنماركية نشرت رسوم مسيئة لرئيس احد الدول الاسلامية الحاليين.

يااااااااااااااااااه الدنيا اتقوم ومش اتقعد تانى ناهيك عن استدعاء السفير الدنماركى واحتمال طرده من البلاد واستدعاء سفيرهم فى الدنمارك وغلق السفارة وقطع العلاقات الدبلوماسية ومقاطعة اقتصادية واستنكار واستهجان ....الخ .

يا مسلمين من يهان حاليا رسول الله افضل البشر فافيقوا مما انتم فيه ..

انا بصراحة مش عارف اقول حاجة عن حكومات الاسلام غير انا لله وان اليه راجعون .

ومش اتحدث عن رسول الله وصفاته وسنته لانى اقلكم جميعا علما وهناك مواقع رائعة بارك الله فى اصحابها وجزاهم عنا خير الجزاء تحدثت عن رسول الله وسنته وكل شىء يخصه مثل موقع رسول الله مترجم باكثر من لغة

http://www.rasoulallah.net

اضافة الى ان المستشرقين واصحاب الرسوم المسيئة انفسهم يعرفون عن رسول الاسلام اكثر مما يعرف المسلمون انفسهم ويكفى انا المنصفين منهم وصفوه بان العظماء مائة افضلهم سيدنا محمد رسول الله .

وامال انا عايز ايه ؟؟؟؟؟؟؟؟؟؟؟؟

انا وباصلى العصر وخلصت الصلاة جه سؤال فى بالى حيرنى ورعبنى فى نفس الوقت !!

تخيل يوم القيامة لو وقفت بين يدى رسول الله وطلبت منه الشفاعة وسالنى يا خالد لما ظهرت الرسوم المسيئة لرسولك وشفيعك يوم القيامة ماذا فعلت ؟؟؟؟

يا ويلتاه بماذا اجيب ؟؟؟؟؟؟؟؟؟؟؟؟

فداك ابى وامى يا رسول الله .

بصراحة مش عارف اقول ايه غير يا ليت امى لم تلدنى او يا ليتنى كنت ترابا ....طبعا واعوذ بالله من الكفر .. اللهم ثبتنا على الايمان واعنا على حبك وحب من احبك .

انا نفسى رؤساء وملوك الدول الاسلامية يسالوا انفسهم السؤال ده ويتخذوا موقف ايجابى بعيدا عن الاستنكار والشجب اللى ضيعوا بيها القدس وفلسطين لاننا نستنكر ونشجب وبعدين بننسى او نتناسى بس عدونا مش بينسى وعرف نقطة ضعف المسلمين غضب واستنكار واستهجان وبعدين نسيان وضياع لحقوقهم واخيرا وليس باخرا حالة بلادة ولامبالاة وهذا ما حدث مع الرسوم المسيئة اول مرة والمرة دى حالة لامبالاة من الحكومات والشعوب انفسها .

طب الحل ايه ؟؟ من وجهة نظرى المتواضعة ووجهة نظر الكثير ممن هم افضل منى :

- الشعوب دى ما ينفعش معاها الحوار ولا الاستنكار ولا الغضب لوحده ايجيب نتيجة حتى لو قتلنا اصحاب الرسوم المسيئة نفسه ايبقى بطل قومى عندهم واحنا ارهابيين ،يبقى ما فيش غير حل وحيد على المستوى الرسمى اى للحكومات الاسلامية قطع العلاقات الدبلوماسية مع الدول التى تنشر تلك الرسوم المسيئة سواء بسحب سفرائها او طرد السفراء الاجانب .

وعلى المستوى الشعبى مقاطعة المنتجات الدانماركية واى دولة تسىء للاسلام لان هذه الدول لا تعترف بغير القوة الاقتصادية ولا تخضع الا لمصالحها الاقتصادية فقط .

اللهم بلغت اللهم فاشهد .

20 فبراير 2008

شخابيط اول تاج

بصراحة التاج ده محدش لسه جابوا ليه قلت الحق والبسه قصدى اجاوب عليه قبل مهرجان خالو احمد الصباغ للتاجات ما يخلص ويارب يجى على مقاسى :-


-1هل توافق على حزف خانة الديانة من البطاقة الشخصية ؟


-بكل تاكيد لا طبعا والف لا انا مسلم وفخور جدا بديانتى ومع ذلك انا مش شايف مشكلة فى كتابة الديانة لانه فى الاول والاخر كلنا مصريين.
2ما رأيك فى المثليين ؟


طبعا دول انجاس وحثالة البشر وربنا يشفيهم او ياخدهم ونستريح من نجاستهم .


هل هى حرية شخصية ؟
جايز كل شىء جايز فى عصرنا بس اشمعانة دى اللى فيها حرية يعنى.


هل توافق على الإعتراف بالمثليين ؟


خلينى صريح اعترافى او عدم اعترافى لا ايقدم ولا اياخر كل اللى ارجوه انهم يعالجوا انفسهم .


هل لديك أصدقاء من المثليين ؟


والله الحمد لله كل اللى باعرفهم اسوياء حتى الان بس مافيش مانع ابقى اسالهم زيادة تاكيد يعنى .


3-هل تعتقد بوجود إضطهاد للمسيحين فى مصر ؟


بكل تاكيد الشعب كله مضطهد سواء مسيحيين او مسلمين وخصوصا الناس الغلابة اما البشوات محدش يعرف يعمل معاهم حاجة


4-من هو الشخص الذى تختارة لرئاسة مصر ؟
اخترناه اخترناه واحنا معاه الى ماشاء الله طبعاالريس حسنى مبارك ومن بعده ولى العهد جمال واحفاده هو احنا نعرف غيرهم دول ملوك المملكة المصرية( جمهورية مصر سابقا )وامال هى وراثة ازاى .( لوينفع يبقى الفاروق عمرغير كده مش شايف حد يصلح)


5- أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟


اى انتخابات يا اخى هو احنا عندنا انتخابات اول مرة اعرف واحزاب كمان جايز عامة انا اختار كل واحد بيحب مصر وبيخاف عليها واى شخص ينجح فى الانتخابات النزيهة طبعا اللى اتبقى اسم على مسمى .


هل توافق على مشاركة كل من : الإخوان المسلمين - الأقباط فى الحكم ؟


اناعايز مصريين شرفاء بيحبوا مصر ويخافوا عليها يكونوا مخلصين لوطنهم مهما تكن ديانتهم وعقائدهم سواء اقباط او إخوان.


6فى رأيك الشخصى .. ما هى أفضل مدونة على بلوجر قمت بزيارتها ؟


بصراحة انا لسه جديد فى عالم التدوين وما زورتش مدونات كتير بس كل اللى زورتهم تحف وكل مدونة ليها طعم خاص .وفكرة ومضمون تستحق الاعجاب والاشادة .


7-للذكور فقط : أيهما تفضل كزوجة .. إمراءه عاملة ، أم ربة منزل ؟


انا افضلها ربة منزل متعلمة ومثقفة طبعا وما فيش مانع لو بتعمل فى وظيفة تناسب طبيعتها كأنثى.
8اذا تزوجت وأنجبت ولدين وبنتين .. أى الأسماء تحب أن تسمى ؟
طبعا بما انى صعيدى والعيال عزوة 4 كويسين واسماءهم البنات همس وشادين والاولاد مازن ومعتصم .
9-هل تعتقد أن توريث الحكم فى مصر . . سيتم فعلا أم لا ؟
والله ما فيش حاجة بعيدة على ربنا وانا اتمنى ما نبقاش زى سوريا ولا جمال يبقى بشار ونورث الحكم .وبالمناسبة دى صدر مرسوم من رئاسة الجمهورية الى جميع المصريين بتغيير تهنئة العيد من عيد مبارك الى يا جمال العيد معلش القافية حكمت .
10فى رأيك الشخصى : ماهو أفضل إنجاز لحكومة مبارك ؟
بصراحة ليس المسئول باعلم من السائل بس ممكن تقول انهم دخلونا موسوعة جينيس للارقام القياسية فى اننا اكتر شعب بياخد على قفاه وما بيقولش اه ، ولو انت عارف ابقى اتصل على 0900
وما هو أسوأ عمل قامت به ؟
بصراحة كتيرررررررررر بس اسوا عمل من وجهة نظرى اهدار كرامة المواطن المصرى فى الخارج والداخل وبعد الكرامة اى شىء يهون .
ثم لمن تمرر هذا التاج ؟
الواضح انى اخر واحد اخذ التاج وعامة اللى عايزه يتفضله بالهنا والشفا .

17 فبراير 2008

وداعا مجدى مهنا


وداعا مجدى مهنا

وداعا فى الممنوع

وداعا ايها الفارس النبيل

وداعا صاحب القلم الجرئ

رحل الصحفى الكبير مجدى مهناصاحب القلم الجرئ

صاحب الكلمة الحرة صاحب القلب الشجاع

مجدى مهنا الذى ظل يدافع عن حق الشعب بدون ملل ولا كلل

مجدى مهنا الذى عبر عن ما بداخلنا بكل تلقائية وصدق ونزاهة

مجدىمهنا الذى نال احترام وحب اعدائه قبل اصدقائه والمقربين منه

اهم ما يميز الكاتب الكبير فى كتاباته انه عفيف اللسان نقى السريرة

حاد فى انتقاداته بدون اغراض شخصية او ابتذال

صارع المرض بشجاعة وكبرياءولم يتخلى عن جراته وشجاعته

احترم القراء فاحبوه وتضامنوا معه واجلوه

رفض كل مغريات السلطه رفض حتى مجرد العلاج على نفقة الدولة

بالرغم من تكاليف علاجه الباهظة

عاش ومات محبا لبلده متفانيا فى الذود عنها بكل ما اوتى من قوة

فرحم الله الفارس النبيل فى زمن عز فيه النبلاء

وداعا مجدى مهنا فارس الكلمة العفيفة

ونحتسبك عند الله مع النبيين والصديقين والشهداء وحسن اولئك رفيقا

11 فبراير 2008

اغلى الكئوس





اغلى الكئوس
قهرنا الاسود رايح وجاى
واحتفظنا بالكاس
والله وعملوها الرجالة
عملوها الوحوش
فجروا العالم كله
باجمل واغلى الكئوس
كاس الامم الافريقية
غانا 2008
مصر كلاكيت تانى مرة
حطمنا كل الارقام وقلنا للعالم احنا الابطال
الفوز حلو يا رجالة
وطعمه زى العسل
منتخب مصر حقق المعادلة الصعبة فى تلك البطولة
لعب وفن وانتماء وعزيمة واصرار
كتيبة الاعـــــــــــدام
اعدام الهزيمة واحياء الفوز
اعدام الانكسار واحياء الانتصار
اعدام الخوف واحياء الشجاعة
اعدام الخنوع واحياء الرجولة
دى كتيبة منتخب مصر فى غانا 2008
رجعوا لينا الابتسامة والفرحة
رجعوا الانتصارات والزهو بالفوز
منتخب الابطال قهروا الاسود
رايح جاى وذبحوا الافيال
رفعوا علم مصر فوق الادغال
رسموا ونقشوا اسم مصر فوق القلوب
عشنا الفرحة والبهجة ايام
فرحونا ونسونا همومنا ومشاكلنا
فرحونا الرجالة وجابوا الكاس الغالية معاهم
صحيح شرفتونا وشرفتوا مصربلدنا وشرفتوا العرب كمان
فتحية حب واجلال
لمنتخب الفراعنة الابطال
دروجبا بيقول لارونا المصريين قطعونا
ولا دروجبا ولا ايتو منتخبنا مين يهده
ارقص يا حضرى