20 فبراير، 2008

شخابيط اول تاج

بصراحة التاج ده محدش لسه جابوا ليه قلت الحق والبسه قصدى اجاوب عليه قبل مهرجان خالو احمد الصباغ للتاجات ما يخلص ويارب يجى على مقاسى :-


-1هل توافق على حزف خانة الديانة من البطاقة الشخصية ؟


-بكل تاكيد لا طبعا والف لا انا مسلم وفخور جدا بديانتى ومع ذلك انا مش شايف مشكلة فى كتابة الديانة لانه فى الاول والاخر كلنا مصريين.
2ما رأيك فى المثليين ؟


طبعا دول انجاس وحثالة البشر وربنا يشفيهم او ياخدهم ونستريح من نجاستهم .


هل هى حرية شخصية ؟
جايز كل شىء جايز فى عصرنا بس اشمعانة دى اللى فيها حرية يعنى.


هل توافق على الإعتراف بالمثليين ؟


خلينى صريح اعترافى او عدم اعترافى لا ايقدم ولا اياخر كل اللى ارجوه انهم يعالجوا انفسهم .


هل لديك أصدقاء من المثليين ؟


والله الحمد لله كل اللى باعرفهم اسوياء حتى الان بس مافيش مانع ابقى اسالهم زيادة تاكيد يعنى .


3-هل تعتقد بوجود إضطهاد للمسيحين فى مصر ؟


بكل تاكيد الشعب كله مضطهد سواء مسيحيين او مسلمين وخصوصا الناس الغلابة اما البشوات محدش يعرف يعمل معاهم حاجة


4-من هو الشخص الذى تختارة لرئاسة مصر ؟
اخترناه اخترناه واحنا معاه الى ماشاء الله طبعاالريس حسنى مبارك ومن بعده ولى العهد جمال واحفاده هو احنا نعرف غيرهم دول ملوك المملكة المصرية( جمهورية مصر سابقا )وامال هى وراثة ازاى .( لوينفع يبقى الفاروق عمرغير كده مش شايف حد يصلح)


5- أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟


اى انتخابات يا اخى هو احنا عندنا انتخابات اول مرة اعرف واحزاب كمان جايز عامة انا اختار كل واحد بيحب مصر وبيخاف عليها واى شخص ينجح فى الانتخابات النزيهة طبعا اللى اتبقى اسم على مسمى .


هل توافق على مشاركة كل من : الإخوان المسلمين - الأقباط فى الحكم ؟


اناعايز مصريين شرفاء بيحبوا مصر ويخافوا عليها يكونوا مخلصين لوطنهم مهما تكن ديانتهم وعقائدهم سواء اقباط او إخوان.


6فى رأيك الشخصى .. ما هى أفضل مدونة على بلوجر قمت بزيارتها ؟


بصراحة انا لسه جديد فى عالم التدوين وما زورتش مدونات كتير بس كل اللى زورتهم تحف وكل مدونة ليها طعم خاص .وفكرة ومضمون تستحق الاعجاب والاشادة .


7-للذكور فقط : أيهما تفضل كزوجة .. إمراءه عاملة ، أم ربة منزل ؟


انا افضلها ربة منزل متعلمة ومثقفة طبعا وما فيش مانع لو بتعمل فى وظيفة تناسب طبيعتها كأنثى.
8اذا تزوجت وأنجبت ولدين وبنتين .. أى الأسماء تحب أن تسمى ؟
طبعا بما انى صعيدى والعيال عزوة 4 كويسين واسماءهم البنات همس وشادين والاولاد مازن ومعتصم .
9-هل تعتقد أن توريث الحكم فى مصر . . سيتم فعلا أم لا ؟
والله ما فيش حاجة بعيدة على ربنا وانا اتمنى ما نبقاش زى سوريا ولا جمال يبقى بشار ونورث الحكم .وبالمناسبة دى صدر مرسوم من رئاسة الجمهورية الى جميع المصريين بتغيير تهنئة العيد من عيد مبارك الى يا جمال العيد معلش القافية حكمت .
10فى رأيك الشخصى : ماهو أفضل إنجاز لحكومة مبارك ؟
بصراحة ليس المسئول باعلم من السائل بس ممكن تقول انهم دخلونا موسوعة جينيس للارقام القياسية فى اننا اكتر شعب بياخد على قفاه وما بيقولش اه ، ولو انت عارف ابقى اتصل على 0900
وما هو أسوأ عمل قامت به ؟
بصراحة كتيرررررررررر بس اسوا عمل من وجهة نظرى اهدار كرامة المواطن المصرى فى الخارج والداخل وبعد الكرامة اى شىء يهون .
ثم لمن تمرر هذا التاج ؟
الواضح انى اخر واحد اخذ التاج وعامة اللى عايزه يتفضله بالهنا والشفا .

هناك 10 تعليقات:

مهندس مصري يقول...

أديني جيت يا سيدي
و اجاباتك على التاج شبه اجاباتي
:)

همس الاحباب يقول...

بشمهندس محمد
شرفتنى طبعا بس بصراحة وللامانة انا لسه ماقراتش التاج بتاعك بس اكيد اجاباتنا كلنا اتبقى متقاربة لاننا كلنا بنشرب من نفس الكاس المهم عجبك
ولا بلاش منه
تحياتى خالد

فرنسا هانم يقول...

مرحبا بالصعيد وباهل الصعيد
والمحاسبين
واهل المحاسبين
اصل انا صعيديه الاصل برضه
تحياتى لك ولمدونتك
ومبروك التاج
وان شاء الله
لوعرفت هاتصل
ب 0900

همس الاحباب يقول...

خالتى فرنسا هانم
انا سعيد جدا بتشريفك مدونتى المتواضعة وده شرف لينا انك من الصعيد طبعا وشرف اكبر انك زميلة مهنة كمان ويا رب دايما نكون عند حسن ظنك بنا وانا منتظر الاتصال على 0900
تحياتى خالد

مروة جمعة يقول...

حضرتك صعيدي يا أستاذ خالد؟
يعني ابن عمنا- حاكم الشراقوة ولاد عم الصعايدة:)- عجبتني اجاباتك فيما يخص حكم مصر.. المهم انهم يكونوا بيحبوا البلد دي
تحياتي

همس الاحباب يقول...

استاذة مروة شرفتينى طبعا وشرفتى مدونتى المتواضعة
اه طبعا احنا ولاد عم
بس حاليا انا وانتى اخوات
والحمد لله انه فى حاجة عجبتك فى التاج
تحياتى

بت خيخة وأى كلام يقول...

هاى خالد
ماتزعلش من تقصيرى معاك
انت عارف انا خيخة
وليس على الخيخة حرج
اوعى تزعل
انا والله عارفة انى مقصرة فى الزيارة مع ناس كتير

بس انا جيت اه علشان اقولك لو قصرت معاك تانى ماتزعلش من واحدة خيخة
واوعدك انى متاخرش عليك فى الزيارة تانى
معلش انا لسة ماقريتش اى بوست ليك
انا بس حبيت ادحرج التماسى وهابقى ارجعلك تانى
سلام
اختك خيخة

همس الاحباب يقول...

خيخة هانم
نورتينى يا نوران انا بهرج طبعا انا عمرى ما ازعل منك حتى لو قصرتى يا ستى
ومقبولة التماسى وسعيد جدا بزيارتك
تحياتى خالد

Desert cat يقول...

مبروك التاج يا خالد
عقبال يارب مااشوفك كدا عضو كبير فى مجلس الشعب
ولا اشوفك مكان فتحى منافقة
قصدى فتحى موافقة
يوووه بقى
فتحى سرور يا عم
والله على الاقل هنحس ان فى حد بيسمع صوتنا بجد
عقبال التاج الجاى ياباشا

همس الاحباب يقول...

قطة الصحراء
قطتى حمدلله على السلامة انا مستنى زيارتك الصحراوية من زمان قصدى زيارة مدونتى
نورتينى وربنا يخليكى ولما ابقى مكان فتحى سرور مش انساكى ابقى اخليكى نمر الصحراء مش قطة بس
تحياتى ليكى ..