5 أكتوبر 2008

ابو خالد

تحديث 12-10-2008
بابا ابو خالد بيسلم عليكم جميعا وبيقولكم انى احبكم فى الله وارجوكم ما تزعلوش منى لان الظروف غصب عنى وبيوعدكم انه هيرجع قريبا باذن الله وايطمنكم بنفسه فى مدونته الجديدة
===========================

والدى الحبيب / ابو خالد

لم اتخيل لحظة واحدة ان تتركنا فى هذا العالم الافتراضى

بعد ان ملات عالمنا الحقيقى بهجة وحب وحنان

والتفاف حول رمز من الرموز الجديرة بكل حب واحترام

نعم انت اصبحت ابا لنا جميعا فى هذا العالم الافتراضى

اضافة انك اصبحت لى ابا وصديقا على المستوى الشخصى

لا انكر انك السبب الرئيسى فى حبنا للتجمعات واللقاءا ت داخل القاهرة وخارجها

وانا يقينا متاكد انك لن تخذلنا ابدا ولن تحرمنا من حبك وعطفك وسوف نلتقى كثيرا باذن الله

لكن اناشدك بالا تحرمنا من ذكرياتك ومدونتك ذات المستوى الراقى
ولاتحرم ابنائك الصغار من معرفة بطولات وشهامة الاجداد والاباء العظام

مهما تكن الظروف فانت من عودتنا تخطى كل الصعاب واعطتنا القدوة الحسنة فى التغلب على مشاكلنا وهمومنا

لذلك اناشدك باسمى وباسم كل المدونين من تعرفه ومن لا تعرفه الا تطول تلك الاجازة اكثر من هذا .

ملحوظة هامة جدا

==========

على فكرة ابو خالد كويس والحمد لله وبخير كل المشكلة انه عايز ياخد اجازة من التدوين لفترة ما لاعادة وتنظيم بعض الامور فى حياته ، لكن تعلقنا به واحساسنا بغياب مدونته اعطانا احساس بان هناك مشكلة ما ولكن الحمد لله هو بخير ولكن هى اجازة قصيرة باذن الله

لذا وجب التنويه ...

هناك 52 تعليقًا:

رندا يقول...

اول تعليق الحمد لله

اول تعليق عندك ياخالد وكمان على بوست لااخى الغالى ابو خالد

اشكرك ياخالد على انك طمنتنا علية
فعلا انت اخ جميل اوى ومخلص لكل اصدقائك ربنا يبارك فيك ياخالد

اخى ابو خالد لابد وان اعملك رد منفصل

رندا

رندا يقول...

اخى الغالى وشقيق الروح ابو خالد

كنت ادخل الى مدونتك اشم رحيق الزهور كنت ادخل ارتاح نفسيا فيها واشعر ان الدنيا بخير حتى لو لا يوجد كلام ارد بية لان كلامك كان اقوى من اى كلمة تقال او اى رد
كنت اشعر بوجودى فيها اقول بيت العيلة مازال موجود الذى يضم الكل وانت واقف تستقبل الجميع فى ترحاب
لماذا ؟؟
لماذا حرمتنا منها لماذا
لم تقل حتى كلمة انك سوف تاخذ اجازة منها ولا تغلقها
اسئلة كثيرة تحيرنى وتاخد بى الى وادى متسع اشعر فية اننى وحيدة فى هذا المكان بعد ان كان يوجد فية كل الاحباب والاصدقاء
لماذا بعد ان وجدت فى هذا العالم كل الاخوة وكل الاصدقاء تبعدنى بقوة وكانك تقول البيت مغلق الان
فنرجع بقلوبنا الى الخلف بعد ان كانت امامنا على عتبة مدونتك
اخى الغالى
من حقك ان تاخذ اجازة ومن حقك ان تستكين فى حياتك بدون ازعاج
ولكن هل من حقك ان تسد ابواب فتحت لنا كنا نستفيد من كل حرف تكتب وكانك مدرس تلقى علينا بدرس اليوم وليس ببوست
كنت استمتع وانا اقرء وانبهر لمعلموماتك وبمذكراتك
ارجوا ان تفتح مدونتك لنا مرة اخرى
فنحن نشم فيها عبق التاريخ
ارجوا ان لا تحرمنا من اجمل شخص الجميع احبة واحترمة وعاش معة الابوة مرة اخرى

رجاء وليس طلب

لا تختفى عنا ولا تضيع اجمل شخص من بيننا فكنا نتكب فى مدونتنا وتشعر بما يدور عندنا وتبعت بكلمات تقول فيها دعاء يشد من ازر اى شخص فنقف مرة اخرى بكلماتك

رجاء وليس طلب

اكتب اى كلمة تطمننا عليك
ماذا بك ؟؟
اشعر ان الموضوع اكبر من اجازة

دعوات خالصة من كل قلبى

دمت اخ غالى وشقيق الروح

رندا

رندا يقول...

ابو خالد ننتظرك جميعا

ننتظر منك حتى اى رد

وننتظر ردودك فى مدوتنا

انا دلوقتى هحط بوست انت مش هترد فية ولا اية يعنى :(

مش متخيلة
ان تعليق حضرتك مش يكون عندى فى اى بوست

اعمل اية بقى بقى دلوقتى

طيب مش هحط البوست غير لما ترجع

رندا

همس الاحباب يقول...

اختى العزيزة / رندا ام خالد
البوست بقى كله خالد ابو خالد وام خالد وخالد
هو فى ايه
ده شرف ليه انك تكونى اول تعليق طبعا
وشرف اكبر انك تعلق على بوست ابو خالد بالذات
تحياتى وتقديرى

همس الاحباب يقول...

رندا
ماذا اقول
ربنا يسامحك يا رب
بجد التعليق اجمل واروع من البوست
يعنى بصراحة كده اشيل البوست وانزل التعليق مكانه
بجد تسلم ايدك
ويا ريت ابو خالد يشوف التعليق علشان يعرف معزته عندنا جميعا قد ايه
لانك بصراحة عبرتى عما يدور بداخلنا جميعا باسلوب رائع جدا
ربنا يبارك فى حضرتك
ويطمنا على ابو خالد ويرجع بالف سلامة
تحياتى

همس الاحباب يقول...

رندا
نعم الجميع فى انتظار تشريفه
وان شاء هيعلق على بوستك
نزليه وهو لازمن هيعلق متخافيش
مش ممكن يحرمك من تعليقه انا واثق ومتاكدمن كده.

Gannah يقول...

أخى الكريم خالد
اولا أحيى فيك الوفاء الذى يجعلك تكتب عما نشعر به جميعا وهذا ليس غريب عليك لاننى وان كنت لم اقابلك الا مرتين الا انى شعرت فيك بشهامة المصرى الاصيل

أنا شخصيا حزينة جدااا لاغلاق المدونة وياليته كان اغلاقا انما اجد رسالة بانها قد حذفت فهذا قد احزننى جداااا
وجميل أن تفتح لنا نافذة لنتحدث اليه من خلال مدونتك
--------------------------------
أبى الكريم أبو خالد
كنا نتمنى الا تتركنا فجأة بدون أن تشرح لنا فقد قلقنا جميعا وأنا شخصيا ظللت أسأل نفسى هل يكون شيئا قلته أو فعلته بدون قصد أو فعله غيرى من الشباب
ولكن أعود وأقول أنك أب والأب يغفر لأبنائه ولا ينسحب أبدا من حياتهم
اذا كانت ظروف خاصة فاتمنى ان تكون خير والا تطول المدة وأن تكتب لنا ولو حتى تعليق لنطمئن
فرغم كلام خالد الا انى أريد أن أسمع منك أنك بخير
كلنا نمر بلحظات تجعلنا نريد اعتزال الناس ولكن حذف المدونة هو شىء قاسى على نفسك أولا ثم علينا أيضا
أرجو لك كل الخير
بارك الله فيك ومتعك بالصحة والعافيه
تحياتى
------------------------------
شكرا يا خالد
جزاك الله خيرا

حنين القلب يقول...

والله يا خالد ولا انا عمرى تخيلت ان بابا يسبنا كده
اظن ان احنا مش هنهون عليه وهيرجع لينا تانى
تشكرات يا ابو الواجب
طول عمرك جدع واصيل وشهم
مش تاخد على كده ده بس تأثير البوست
خالود ربنا يخليك لينا

حنين القلب يقول...

ابى الحبيب ابو خالد
والله وحشتنا اوى
ويا رب ترجع لينا بالف سلامه
أبى اشهد الله انى اعتبترك ابى وانك حقا نعم الاب
بابا
ربنا يطمنا عليك
ربنا يحفظك اينما كنت
ربنا يرجعك لينا بمليون سلامه

عيله مفتريه سابقا يقول...

خالد

اسمحلى الخبط فى الكلام ..انا لا عارفه ارتبه ولا عارفه اكلم حتى

انا صعب عليا بس اشوف المدونه مقفوله كنت طول رمضان اروح واقرأ فيها عن الصحابه رضوان الله عليهم ، انا عارفه انى بحاله وحشه وبعدت لكن كان فيه فى والدى ابو خالد امل

انا خايفه اكون زعلته ..خايفه يكون هو زعلان منى ..انا بجد لسه شايفه الكلام ده دلوقت لان جهازى كان عطلان

والدى العزيز

لا يهنأ لنا بيتنا من دونك عماد وصُلب وموجه لنا

فكن معنا

شكرا ليك يا خالد انك طمنتنا
ويمكن ارجع لك تانى لانى فعلا متلخبطه دلوقت ومش عارفه اكتب ولا ابكى

سلامى

ojg يقول...

شكرا ليك بجد
طمنتنا
أي نعم جزئيا عشان لسه بابا أبو خالد مش رجع
بس يكفي اننا سمعنا انه بخير
ونتمنى يكون في خير
:)

اهو ده عيبه يقول...

ازيك يا خالد
وانا اضم صوتى لصوتك واحييك على البوست
واتمنى انها تكون فعلا اجازة قصيرة
وان ميكونش السبب ان حد زعله بكلمه او باسلوب لان بجد بابا غالى علينا كلنا
واحنا اطمنا انه بخير ومن حقه ياخد وقته بس المهم ميغيبش علينا
تحياتى لك

كاميليا بهاء الدين يقول...

السلام عليكم

اشكرك اخى العزيز ابو همس على هذا البوست .. ليس غريبا عليك .. فأنت اخ غالى لكل المدونين والمدونات .. أخ اكبر مقاماً.

أبو خالد
لن اقول اننى سأخرج من العالم الافتراضى اذا انت خرجت .. ولن اقول اننى سوف اغلق مدونتى او اننى سأتوقف عن الكتابة. لأننى سأظل هناك فى انتظارك .. ولكن بلا روح.

احترامى

Mafrousa يقول...

معلش
كلنا بنمر بالفترات الافلاس الفكري
ان شاء الله حيرجع
اصله حسيبنا لمين يعني

قوس قزح يقول...

يا خاااالد رعبتنى يارجل بالبوست ده
و قلت فى جديد

الحمدلله انها اجازة و كلنا من حقنا ناخد اجازة

بس انت كتبت احساس مش جواك لوحدك ده جوانا كلنا

...............

بابا ابو خالد
وحشتنا يا بابا يهون عليك تبعد عنا كده ؟؟
فى اب يبعد عن ولاده من غير ما يقول ؟؟
ارجوك يا بابا لو عايز اجازة ده من حقك بس احنا كمان من حقنا عليك اننا نطمن عليك .. ارجوك خالينى اطمن عليك بنفسى بأى طريقة تعجبك حتى لو اجى لك بورسعيد انا و جوزى

يارب يكون بعدك سببه حاجة بسيطة و هتنتهى

لن ادون حتى تعود ابتى

الدفاع يقول...

جزاك الله خيرا يا استاذ خالد وخالص تحياتنا لاستاذنا الفاضل ابو خالد واتمنى انه يعود من اجازته سريعا وفى افضل حال
وتحياتى

Empress appy يقول...

مش عارفه يا خالد انا زعلانه منه بس مقدره ظروفه ده كان اول تعليق بستناه طول عمري انا فعلا مضايقه بس عارفه انه بيحبنا وهيرجع

Ahmed Kamal يقول...

السلام عليكم

و أنا كمان باشكر خالد على التنويه ، و باقول لبابا أبو خالد ، اللي خلى المدونة القديمة تتحذف و تعمل واحدة جديدة يخلينا ننتظر مدونة أجدد و أجمل و يكون فيها موضوعاتك الجميلة خصوصا بتوع شهر رمضان .

و أدي احنا منتظرين :)

تحياتي لخالد و بابا أبو خالد

غير معرف يقول...

يا مه ده انا اتخضيت خضة!!!!
يختي وربنا لسه مبرقة مسبهلة

طيب طيب بس اما اشوفك يا اونكل خالد

اولا كل سنة وانت طيب وزي الفل،، كل عيد وانت متهني سعيد موجود وسط اهلك وناسك وصحابك وجيرانك وزمايلك وكله كله كله :)

ثانيا عمو أبو خالد ربنا يديم اسمه وحسه بينا فعلا حاولت ادخل على مدونته من شوية مش عارفة ايه اللي حصل ومافهمتش حاجة

عموما انا فعلا مش فاهمه حاجة بس بجد زعلت اوي
لاني كنت بجد عايزة ادخل اعيد عليه وبفرح اوي اوي لما بيرد عليا
لكن قدر الله وما شاء فعل

عموما ،، عيد سعيد عليك ،، ان شاء الله سعيد

مها ميهوووو

عاشقة القمر يقول...

سلام عليكم
انت الانسان رائع وتعرف الوجب انت المصرى الاصيل
انت والله بتشعر به احنا في دواخلنا
**************
ياأبى
ليه تتركنا فجأة بدون تشرح لنا قلقنا جميعا حتي وأنا
بجد انا زعلان جدا هو لوم نفسي اقهول انا عملت شي بدون مش قصد
وانا كنت ببدخل بقراء بتسقيد من موضع
حذف المدونة صعب علينا بجد وأقول أنك أب والأب يسامح لأبنائه وحشتنا يهون عليك تبعد عنا كده
فاتمنى ان تكون خير
ياريت لاتطول مننا
************
شكرا ياخلد اتح لنا فرصه في مدونتك

فرنسا هانم يقول...

الاخ الكبير والمعلم العظيم ابو خالد
اضحك بقى ولا ابكى ولا اعمل ايه ؟؟؟؟؟
بصراحه كده انا حعمل الاتنين
هضحك وهبكى
عارف ليه ؟
هاضحك لان ابو خالد هو اول من كان يجرى على اى مدون عزيز يريد ترك التدوين ويطالبه بالرجوع بل والاقوى والاعمق انك كنت تحشد الاخوه المدونين لاثناء المدون عن فكرته
هل تذكر ام اذكرك ؟؟؟؟؟
انا هذا هو مايضحكنى
الاب الحنون الذى يجمع الكل
هو من يريد ان يهمل منزله

وما يبكينى
هو حبك لنا وخوفك علينا وسؤالك الدائم عنى وحرصك على رجوعى مره اخرى
لا يا اخى الكريم
لن اسمح لك بهذا
كما لم تسمح للجميع بهذا ومنهم انا
اخى الكريم ابو خالد
من اجل فرنسا هانم
او كما يحلو لك القول
من اجل صاحبه مدونه فرنسا هانم
عد
عد من اجلى لانى اتخذتك فعلا قدوه لى
ولن اقول المزيد وان كان كلامى اقل من قدرك بكثير
اختك فرنسا هانم

زهرة الجنة يقول...

استاذ خالد
شكرا انك طمنتنا علي بابا ابو خالد
بجد كلنا اترعبنا عليه
ويارب يرجع لنا بسرعه

ياريت تقول لبابا ابو خالد
زهرة بتقولك انت وحشتها جدااا
وعاوزة تطمن عليك وياريت ترجع لنا بسرعه

ياريت يا خالد تطمنا علي بابا دايما
وياريت تقنعه يرجع لنا بسرعه

تلميحاتى - يوسف الشافعى يقول...

وفاؤك
هو ماجعلنى ادخل للتعليق
فنادرا ماتجد وفاء لذا قررت ان احييك على استراره لديك وبالطبع انت من القله التى لديها وفاء
بضم صوتى ليك وبناشد ابو خالد
مدام لديك القدره على العطاء فلما البعد نتمنى ان تعود بروح المقاتل

سبهللة يقول...

كل سنة وانت
وان شاء الله ابو خالد ياخد فرتة راحة ويرجع لنا تانى
عموما انا داخلة اقولك كل سنة وانت طيب وتقبل الله منك صيامك وقيامك وقرانك وجعلك من عتقائه

Unknown يقول...

ايه ده هو الواحد يغيب شوية عن لاتدوين يرجع يلاقى الدنيا متبهدلة ومين اعز شخص الناس بتحبه اقرب شخص للقلوب .
بابا ابو خالد لكم تعلمت منك فى المرات القليلة التى جلسنا فيها سويا لكم تعلمت معانى فى حياتى لم اكن اتوقع وجودها فى زمن عز فيه كل غال ونفيس وانت من هذا الغال والنفيس .
انى بحدسى اتوقع ان المسألة اكبر واعمق بكثير من اجازة من وقت علمت بغيابك وانا فى حيرة لماذا وماذا حدث حتى يكون الغياب بتلك الصورة وعرفت الآن لماذا لم يصلنى رد منك على رسالتى يوم العيد .
بابا العزيز اولادك فى انتظارك لتعلمهم كيف يكون الانسان فى زمن ضاع فيه الانسان .
ليس لدى اكثر من تلك اقولها لك والدى العزيز .
اخيرا خالد انا عارف انى مقصر قوى معاك بس اعذرنى لازم هنزل قريب علشان اشوفك علشان انت واحشنى قوى .
كل سنة وانت طيب

تحياتى

mahasen saber يقول...

اول مره ادخل مدونة حضرتك
وقريت ان فيه بوست بيوضح ليه بابا ابوخالد غايب فدورة على المدونه ودخلتها وبصراحه احترمتك وقدرتك جدا لانك انسان وفى وصادق ربنايكرمك
وارجوك ارجوك لو بتكلم بابا ابو خالد
بلغه سلامى وقله يقرا ايميلى
ارجوك ولوسمحلك انك تدينى رقم تليفونه يكون الف شكر ليه وليك لانى فعلا عايزه اتطمن عليه ارجوك...
اوعى تنسىقله محاسن بتبوس دماغك
وبتقولك ربنا يدخلك الجنه بالحب اليى بظهر الغيب ده ويجعله فى ميزان حسناتك
ويظلك بعرش الرحمن يوم لا ظل الا ظله...
ارجوك السلام والكلام ده امانه سامحنى انى حملتهالك...

nona يقول...

اولا الله يسامحك يا ابو همس كدة تقلقنا على بابا و تخلى الواحد دماغة تجيب و تروح

طب لية عايز يغيب عننا و اية السبب مهما كانت الظروف ممكن تترتب يعنى هنقدر ظروفة لو ما قدرش يحضر كل اللقاءات بتاعتنا ممكن يتاخر عننا شوية فى الرد لكن يغيب خالص دة ما ينفعش
قولة هو ينفع اب يسيب ولادة لوحدهم و يهجرهم لو دة ينفع و يرضية يقولنا
ينفع بعد ما عودنا على كل حاجة حلوة و كلامة المفيدة انة يسبنا كدة
قولة اننا لينا فى الحق زاى اولادة و اكتر شوية لان اولادة بيشوفوا كل يوم و كل وقت اما احنا بنخطف الوقت عشان نقدر نشوفة او نقراء لية
قولة ما ينفعش تسيب ولادك فى نص الطريق يا والدنا العزيز

محمد فاروق الشاذلى يقول...

ليه الخبر ده؟؟؟
خسارة كبيرة انقطاع الاستاذ أبو خالد عن التدوين ولو لفترة قصيرة، نتمنى أن تنتهى هذه الفترة بسرعة وان يعود لنا سالما

عاشــــــ النقاب ـقــــة"نونو" يقول...

السلام عليكم وكل عام وانتم بخير
باذن الله يرجع بالف سلامة
تحياتي

!!! عارفة ... مش عارف ليه يقول...

إن شاء الله عودة محمودة بإذن الله
ونسأل الله أن لا تتطول أكثر من ذلك

دومت بكل خير
وليد

زُمُرده يقول...

ربنا يسااامحك

زُمُرده يقول...

ربنا يسامحك خضتني اوووووووووي
ازيك انت وازيه؟؟؟

مش عارفهلا مش مرتاحه للبوست ده
وخايفه يكون وراه حاجه
ربنا يستر

المهم توصل سلام كل المدونين لابوخالد
وقله بجد وحشنا اوووووووي
وقوله كمان ان احنا مش موافقين ع الاجازه والمؤسسه محتاجاه بقى
وسلام كبيييييييييييييير لابوخالد
اينعم هو جابلنا مصيبه
ااااااقصد
اقصد هديه جميله اسمها خالد بس اهو قدرنا
الحمدلله
ههههههههههههه

Unknown يقول...

خالد
ازيك يارب تكون بخير
جزاك الله خيرا على اللفتة الكريمة
وابو خالد يستحق كل التقدير والحب والاحترام
هو فعلا الحمد لله بخير ربنا يرجعه بالسلامة

د. إيمان مكاوي يقول...

أخي الفاضل
إن كان أبو خالد بخير ليه لغى المدونه
أرجو طمأنتنا عليه ..فهو أب صادق وأخ كريم لكل من عرفه من المدونين
وأوجه له نداء من مدونتك أن يرجع إلينا
وياريت تبلغه مين هيدعي لأم البنين أيام إمتحاناتها ..
وشكرا لك على كلماتك

مواطن مصرى نايم يقول...

طيب الحمد لله انها اجازة
انا ما كنش ليا الشرف بلقاء بابا ابو خالد
لكن سمعت بجد كل خير عنه
و انا بحترمة و بقدرة جداااااااااا
يرجع لنا بالسلامة

تحياتى و سلامى امانة توصلها له

و تحياتى لك يا باشا

اسلام

Diyaa' يقول...

أما مش عارف أقول إيه بعد كل اللي كتبته يا أخ خالد وكمان اللي رندا كتبته ..بس اللي عايز أأكد عليه
لعل المانع خير
ربنا يكون في عونه ويا رب يرجع قريب ويكون في أفضل حال وأرجوك يا أستاذ خالد حاول تتابعه في التليفون يمكن يكون محرج مننا زي لما الأب بيتحرج يحكي مشاكله لأولاده
ربنا يخليه لينا ويكون بخير

Ehab يقول...

تشكر يا جميل على التوضيح
كل سنه وانت وهو بخير وسلامه
تحياتي ليك ولأسرتك الكريمه

سلااااااااااااااااااااااااام
اخوك ايهاب

فرنسا هانم يقول...

عامل ايه يا خالد ؟؟؟
وايه اخبار همس ؟؟؟
ياريت تبلغ ابو خالد يبعت لى اميل
انا عارفه من مصادر موثوق بها انك تقدر تتصل بيه
خلص يا ولد يا خالد بسرعه احسن اخلص انا عليك وعلى الرايق
مع خالص تقديرى لشخصك
ومع خالص زعلى من ابو خالد
فرنسا هانم

Asmaa mahaba يقول...

يا عم همس خضيتنى ووقعت قلبى الله يسامحك انا دخلت عند قوس قوزح لاقيتها بتقول لحين عوده بابا ابو خالد
افتكرت فيه مشكله مرضيه ولا حاجه

Asmaa mahaba يقول...

الحمد لله انه طلع بخير

سبهللة يقول...

ممكن تبقى تسلم لى عليه

Unknown يقول...

انا قلت برده كده مش معقول هو حيسبنا
شكرا يا خالد ع التمويه الهام ده و ربنا يرجعهولنا بالسلامة

mohamed ghalia يقول...

لم اعرف هذا الرجل
ولكن ما وجدته من المدونين من حب لهذا الرجل
فلقد أحببته فى الله رغم أنى لم اتكلم معه ولم أراه ولم أقرأ حتى كلماته
ولكن من المستحيل أن يجتمع كل هؤلاؤ إلا على رجل يستحق فعلا هذا الحب
أبو خالد أنتظر عودتك بفارغ الصبر
تحياتى لكى ياهمس الأحباب

غير معرف يقول...

ارجوووووووووووووك
ارجووووووووووووووووووووووك
والله لانى نفسيتى الفترة اللى فاتت كانت سيئة جداا
بسبب الغياب ده
والتليفون
والمدونة
ارجوووووووووووووووووووك
عايزة رقم البيت
ارجوووووووووووك

ممكن تبعتهولى على ايميلى

shaimaa_sameer@hotmail.com
ارجووووووووووووووووووك

Asmaa mahaba يقول...

الحمد لله انه اصبح بخير
وفى انتظاره باذن الله

بنت مصريه يقول...

ترجعلنا بالف سلامه يا بابا
يا ابو المدونين كلهم
والله يا استاذ خالد
كلماتك اللى ف البوست ماهى الا تعبير عن حبك واحساسك
بقيمه بابا خالد
بصراحه مخلتلناش حاجه نقولها

بنت مصريه يقول...

ان شاء الله بابا هيرجع تانى
وابقوا قولوا انجى قالت
انا متفاءله خير ان شاء الله

زهرة الجنة يقول...

متشكرة ليك يا خالد
ان دايما بطمنا علي بابا ابو خالد
ويارب يرجع بقي
بجد وحشنا جدا

بجد انت انسان رائع يا خالد عشان بطمنا دايما
تحياتي ليك

غير معرف يقول...

يا ا خالد

انا ما صدقت انىحسيت ان فى قشاية امل
توصلنى لابتى
ارجوك لا تفتتها

اجبنى

همس الاحباب يقول...

الاخوة والاخوات
بارك الله فيكم جميعا ومتعكم بالصحة والسعادة
وشكرا ليكم كلكم على تلك الكلمات الرقيقة بحق انسان نادر الوجود نحمل له جميعا كل حب وتقدير واحترام
وارجو من الله عز وجل ان تسنح له الظروف وان يقوم هو بنفسه بقراءت تلك الكلمات المعبرة عن مشاعركم الطيبة وارواحكم الشفافة
اسف لعدم ردى على جميع التعليقات
ولكنى لا املك الشجاعة والجراة لكى ارد على تلك التعليقات وكنت اتمنى ان يقوم بالرد عليها والدى العزيز ابو خالد فهو اجدر منى بالرد على تلك الكلمات
ارجو قبول اعتذارى
واتمنى من الله عز وجل ان يعود لنا قريبا باذن الله
تحياتى وتقديرى لكم جميعا

غير معرف يقول...

يا أ خالد
ارجوووووووووووووك
محتجاه فى امر ضرورى بصدق

قل له هذا
ارجووووووووووووووووووووووووووك

لماذا تريدون تعبى!!

همس الاحباب يقول...

الاخت العزيزة
شيماء سمير
هونى على نفسك ما انتى فيه
نحن لا نريد تعبك اطلاقا
وعامةاناردى على تعليقك بعته على الايميل المذكور بعاليه
راجعى الايميل اختى العزيزة