24 أكتوبر، 2008

مطاردة .. لكن

تحديث
حصريا على فرنسا والرايق والضاحكون
بلاش تمسك ايد مٌزة
لا تدع العرض يفوتك
الدخول مجانا
********************

نعم انها مطاردة يومية ..ولكن ليست غرامية .
مطاردة اشبه بمطاردة توم وجيرى فى عالم الكارتون الشهير
مطاردة شبه يومية بين البائعة الجائلين ومسئولى الاشغالات بالاحياء
مشهد آلفناه كثيرا واعتدنا عليه فى الذهاب والاياب
تلك المشهد الذى اصبح سيناريو معاد من فيلم ممل ورتيب
فى ميدان الجيزة احد اكبر ميادين القاهرة الكبرى تصادف مرورى اثناء حملة لرجال الاشغالات لمطاردة البائعة الجائلين بالشارع ،انتابنى شعور بالمرارة والحسرة من تلك الاحداث المؤسفة التى تحدث يوميا بانحاء متفرقة من الجمهورية مجرد سماع صوت السارينا يسود الهرج والمرج بالشارع والكل يسارع بالهروب والاختفاء بعيدا عن العيون هربا ببضاعته وما يمتلك حتى لا تدركه ايدى رجال الحى وربما بطشوا به وبما يمتلك .
نعم انا غير راضى عن الباعة الجائلين وما يفعلونه على الارصفة ولا فى نهر الطريق ولا هروبهم كالفئران المذعورة لكن لابد ان يكون هناك بديل لتلك الفئة من الشعب لكى يستطيعوا الحصول على لقمة العيش وقدر بسيط من عيش الادميين نعم انهم يسيئوا الى المنظر العام ولم يحافظوا على نظافة الشارع ولا ادب الطرقات .. لكن ما السبيل امام سيدة عجوز لا تملك من قوت يومها الا ما تبيع من بعض الجبن او الفاكهة او رجل مسن مسئول عن اسرة يقف ليبتاع بعض من الجوارب او الحلويات ، او شاب ابتعد عن سكة الضياع وترك المقاهى ولم ينتظر الوظيفة الميرى ووقف يبيع اكسسوار وملابس ...
ما السبيل امام هؤلاء وهم لا يمتلكون من حطام الدنيا الا ثمن تلك البضاعة ولا يمتلكون ثمن ايجار او تملك بعض المحلات او يحلمون بمتر فى تلك المنطقة .. لماذا نطاردهم سويعات ونتركهم ساعات ونحن على يقين انهم سوف يعودوا مرارا وتكرارا . . لماذا لا نطرح الحلول والبدائل ؟؟؟ لماذا تلك الغلظة وعدم الانسانية فى معاملة البشر فهذا يتم تدمير بضاعته وتلك يتم بعثرت فاكهته وذاك يسحق بالاقدام ويسحل هناك سيدات ورجال بلغوا من الكبر عتيا تجدهم فى قيظ الصيف وبرد الشتاء فى اماكن صعب ان تقف فيها ثوان معدودة ولكن لقمة العيش وشغف الحياة . وربما ترى شاب من رجال الاشغالات يمارس قوته وبلطجته على رجل مسن او سيدة عجوز وربما كان هذا الشخص اكبر سنا من والديه .
ننتقل الى الشوارع الجانبية وترى الباعة واصحاب المحلات وقد اغلقوا الشارع تماما ولا يجوز لاحد من المارة ان يعترض .. لماذا نكيل بمعيارين فى كل شىء . هل لان اصحاب المحلات بياخدوا اتاوة من الباعة الواقفين امام محلاتهم وهم يدفعون الرشاوى والاتاوات لرجال الحى لكى يتغاضوا عنهم ام لماذا ؟؟؟ المصالح الحكومية و الاحياء حدث ولا حرج بمجرد دخولك الى مقر الحى او المصلحة تسمع درر من الامثال والاقاويل ما انزل الله بها من سلطان .
الشاى بتاعنا يا باشا والسجاير( والله يا عمنا بطلت الشاى وغير مدخن والحمد لله )
اللى ليه ضهر عمره ما ينضرب على بطنه !!
الجنيه غلب الكارنيه !!
ابجنى تجدنى !!
اكرامياتنا وعمولاتنا .. وهكذا
الدرج مفتوح يا باشا !!
فتح دماغك شيلنى واشيلك .!!
وكلها مصطلحات والفاظ تنم عن الرشوة والفساد فى مصالحنا الحكومية اطال الله فى عمرها !!
نعم كل ما أمر بمصلحة حكومية اجد نفس المصطلحات وكانه اصبح ناموس الحياة فى عصرنا الحاضر واتذكر كلمات الراحل بيرم التونسى فى قصيدته بائع الفجل فى مطلع القرن الماضى والذى انتقد فيها المجلس البلدى ( شبيه بالاحياء والضرائب فى عصرنا الحاضر ) والذى يقول فيها :
قد اوقع القلب فى الاشجان والكمد ...هوى حبيب يسمى المجلس البلدى
امشى واكتم انفاسى مخافة ... ان يعدها عامل للمجلس البلدى
ما شرد النوم عن جفنى القريح سوى طيف الخيال ...خيال المجلس البلدى
اذا الرغيف أتى ، فالنصف اكله... والنصف اتركه للمجلس البلدى
وان جلست فجيبى لست أتركه ...خوف اللصوص وخوف المجلس البلدى
وما كسوت عيالى فى الشتاء ...ولا فى الصيف الا كسوت المجلس البلدى

كأن امى بل الله تربتها ...اوصت فقالت : اخوك المجلس البلدى

أخشى الزواج اذا يوم الزفاف أتى ... ان ينبرى لعروسى المجلس البلدى
وربما وهب الرحمن لى ولدا فى بطنها ... يدعيه المجلس البلدى
وان اقمت صلاتى قلت مفتتحا ...الله اكبر باسم المجلس البلدى
استغفر الله حتى فى الصلاة... غدت عبادتى نصفها للمجلس البلدى
يا بائع الفجل بالمليم واحدة ... كم للعيال وكم للمجلس البلدى .
ياااااااااه الواضح ان مصر طول عمرها كده .. يا ترى ستظل الى متى ؟؟؟ الله اعلم ...

هناك 86 تعليقًا:

رندا يقول...

ممكن احجز اول رد

يلا هروح اقرا بقى

رندا

Gannah يقول...

أستاذ خالد
تسلم بجد قلت اللى فعلا لازم يتقال
ما ذنب هؤلاء الناس ولماذا لا يكون لهم سوق مخصص
انقفل ابواب الحلال ثم نسأل لماذا يسرق الناس ولماذا يجلس الشباب بدون عمل على المقاهى؟
تصور ان نفس الصورة بشوفها عند الحرم البلدية تهجم على البائعات المفترشات الارض وتفرقهم ولكن بدون مصادرة اشيائهم وبرضه تشوفهم بيجروا وفى النهاية هو ده مكانهم والمعتمرين والحجاج بيشتروا منهم
طب متسبوهم فى حالهم وتخصصوا ليهم وقت محدد واماكن حتى لا يغلقوا الطرقات
احنا شعوب بنحب نضحك على نفسنا وبنكسل نفكر
والكيل بمعاريين هو السمة فى هذه البلد فقد اصبحنا من اذا سرق فيهم الشريف تركوه
فلا عجب ان نصل لما وصلنا اليه
اما الرشوة فقد اصبحت عينى عينك
والفساد حدث ولا حرج
الناس المسؤولة فى البلد اصبحوا كالقرد الصينى
لا ارى لا اسمع لا اتكلم
واذا اتكلموا تحس انهم من عالم تانى مش عالمنا خالص
ربنا يرحمنا ويعين كل ساعى على رزقه بالحلال
الفقر فى البلد دى بقى معناه انك مواطن درجة عاشرة ليس لك حقوق ولا تستحق معاملة آدمية
لو كنت بتتصل ببابا ابو خالد بلغه سلامى
البوست فكرنى باللى مش هقدر انساه
مصر
تحياتى

رندا يقول...

موضوع مهم جدا النقاش فية
ولكن هل سوف نظل نكتب فقط فى حلول وتساؤولات
ومواضيع وبوستات دون النظر منهم الى وجهات نظرنا نفسها
والاراء المطروحة مننا
على العموم سوف نكتب وسنظل نكتب فهذا اضعف الايمان

اقولك رائ ولكن اعتقد انة سيكون حل بدون يد تحل

هذة مسؤولية ليست افراد وليست شعب

هذة مسؤولية وزارات اين وزارة الشئون الاجتماعية او التضامن الاجتماعى منسقة مع وزارة الداخلية مع هؤلاء البائعين

لابد من وضع ايديهم فى ايدى بعض لكى ترتقى البلد ولا يكون هرج ومجرج
الموضوع بداء فى التفشى والانشار بسبب البطالة واعتقد لو لم يوجدوا حل سوف تزيد ويزاد معها الاختناق

لازلنا نطالب بشوادر او اسواق او اماكن مخصصة لهؤلاء بمعنى
يتواجد مكان معين وتفرش هذةالاماكن وكل شخص ياخذ مكان ويبيع فية مايحلوا لة من سلع

انا ليس مع او ضد البائعين
ولكن هل الحل انهم يفرضون اتاوات او يطاردونهم وياخذون كل مايعيشون منة
المشكلة اكبر من بائعين
المشكلة مكان يتواجد فية البائعين
اين المكان وحتى اذا وجد المكان لابد من المراقبة التامة عليه

هل شاهدت بعض النوادى الكبيرة فى مصر ماذا تفعل
يكون فيها معارض بها كل شئ من سلع وتكون باايجار وكل شخص ياخذ مكان لة ويبيع فية
لماذا لا تعمم فى جميع انحاء مصر!!!

لماذا لا ياخذون بعضاً من الاماكن التى يرمون فيها الزبالات وتسمى (خرابة)

وينظفوها جيدا ويبنون فيها او يحوطونها بأسوار وتكون صالحة لهم بايجار زهيد
ولكن تعالى نتلكم بصراحة عن البائعين بائع مثلا يكسن فى مكان يريد ان يبيع بجانب بيتة ولا يريد الانتقال لمكان عمل اخر هل لو توفر لهم اماكن فى مدينة الشروق مثلا او مدينة السادات الخالية من اى شخص هل هم يوافقون على الانتقال!!!

الجميع سوف يقول ياااة دة مكان بعيد لا افرش بجانب منزولى
كل شخص مع الاسف يريد العمل هو الذى ياتى لة
وليس هو الذى يذهب الية
الذى يريد ان يعمل لا يلتفت الى مكان العمل ومامدى مسافتة

ولكن ايضا ماذا يفعلون البائعون فى ذلك الوقت

سوف تظل البلد مثل ماهى طالما لا احد يحل ولا يربط

واذا امرنا بالمطاع نأمر بما يستطاع
وعجبى

تحياتى وتقديرى لحضرتك

رندا

عصفور المدينة يقول...

إنها مأساة وخاصة أن كثيرا من الباعة يخسرون رأس مالهم وأيضا يعمل بعضهم كوسطاء مع الأمن لإعادة شراء أشياءهم وأيضا ربما يكون بديل ذلك أن ينخرط الباعة في أنشطة غير قانونية

mohamed ghalia يقول...

قد اوقع القلب فى الاشجان والكمد ...هوى حبيب يسمى المجلس البلدى
امشى واكتم انفاسى مخافة ... ان يعدها عامل للمجلس البلدى
ما شرد النوم عن جفنى القريح سوى طيف الخيال ...خيال المجلس البلدى
اذا الرغيف أتى ، فالنصف اكله... والنصف اتركه للمجلس البلدى
وان جلست فجيبى لست أتركه ...خوف اللصوص وخوف المجلس البلدى
وما كسوت عيالى فى الشتاء ...ولا فى الصيف الا كسوت المجلس البلدى
كأن امى بل الله تربتها ...اوصت فقالت : اخوك المجلس البلدى
أخشى الزواج اذا يوم الزفاف أتى ... ان ينبرى لعروسى المجلس البلدى
وربما وهب الرحمن لى ولدا فى بطنها ... يدعيه المجلس البلدى
وان اقمت صلاتى قلت مفتتحا ...الله اكبر باسم المجلس البلدى
استغفر الله حتى فى الصلاة... غدت عبادتى نصفها للمجلس البلدى
يا بائع الفجل بالمليم واحدة ... كم للعيال وكم للمجلس البلدى
الله عليك يا عم بيرم
واضح فعلا إنها طول عمرها كده
بس أنا متفاؤل طول مفيه شباب زى المدونين دول حالنا بإذن الله هيتصلح

تلميحاتى - يوسف الشافعى يقول...

استاذ / خالد
تحيه طيبه
المشكله يعم خالد ان المواطنين نفسهم اصبح لديهم ثقافة ان الموظف لازم ياخد وان ماخدش مش هيعملك المطلوب
انا موظف فى مجلس مدينه وفى الاداره الهندسيه
وبعدين منذ متى ومصر بها قانون رادع لاى شخص متجاوز سواء من علية القوم او ادناهم
الحل فى العدل والاخلاص
كلمتان لو وجدوا فى مجتمعنا لاصبحنا افضل الامم
وبعدين تعالى نناقشه بشكل افضل وبسرعه
هل موظف الحى يااخذ ماياخذه اخرووون من موظفى الدوله
انا هنا لاادافع عن الرشوه او الفساد ولكن لابد من قاده محترمين ليسوا اصحاب ثقه قاده اكادميين وخبره
ومن ثم لابد من الارتقاء بمستوى الموظفين
ولابد من ايجاد فرص عمل حقيقيه للشباب العاطل عن العمل
وعلى فكره انا لدى برنامج من الممكن ان يحل مشكله كمشكلة البطاله لكن من يسمع ومن ينفذ
ياسيدى الفاضل نحن اصبح لينا من المشاكل التى يصعب حلها وكلما تركناها كما هى تتعقد اكثر
لايكفى فقط ان نتالم لابد من اليه للعمل والعمل الجاد المخلص لانهاء ماتمر به الامه من مصائب لو استمرت لاحترق الاخضر واليابس
تحياتى وتقدير الموضوع له جوانب كثيره يجب ان تعالج وان يكون هناك مؤتمر قومى يجمع كل فصائل البلد لطرحه وطرح سلبياته وايجابياته والعمل على حل يرضى كل طوائف المجتمع

صبرني يارب يقول...

شوف الموضوع ده يا استاذنا مهم جدا جدا

انا عن نفسي باشوف اكتر من كده عندنا

ودايما اقول حرام عليهم يا يمنعوههم فعليا يا يسبوهم

عارف حضرتك
احنا عندنا بطلجي فى الشارع هو واخواته بياخدوا اتاوات على كل البياعين الى بيقعدوا فى الشارع

او يطردوهم ويقفوا مكانهم
واكتشفت كمان انهم بيبيعوا الاماكن لبعضهم وما الى ذلك
واستجرنا بالشرطه ميت مره انهم يرحمونا من البلطجي ده هو اخواته
لدرجة انهم فى الاخر اعتقلوه بس طبعا اخواته لسه بره والحال زي ما هو

المهم بالنسبه للحلول والبدائل
احنا ممكن جدا نلاقي مييييت حل

وهو اننا نعملهم مكان يفرشوا فيه
زي ما بيحصل فى كل دول العالم

مثلا فى الصين وفى مدينى ايوا الى كان فيها جوزي
كان فى ماكن فى الاصل هو موقف سيارات لكن في يوم فى الاسبوع بيفضوا فيه الموقف ويعملوه سكاشن وكل واحد معاه كشك صغير بلاستيك بيتركب فى بعضه وعلى اد المكان الى هو مكان موقف عربيه
ويفرش حاجته ويقعد وده سوق اسبوعي

والدي بصفته كان مدير عام الغرفه التجاريه
قدم مشروع فيه سوق كبير وكان فيه مكان للناس دي
والسوق كان هايقام على ارض مهمله تابعه للغرفه
والمشروع كمان كان معموله دراسة جدوى ادت نتايج هايله للربح

يعنى هما ما كانوش هايصرفوا علينا لله لا مؤاخده

وطبعا بعد ما يوفروا مكان زي ده
لازم يكون فى حملات يوميه واكتر من مره فى اليوم
فعلا منع نهائي
انما حضرتك عارف الحملات عندنا بتيجى فى المواسم

يعنى على رمضان يلموا حاجه رمضان مره ولا اثنين بدل ما يشتروا يعنى

وعلى المدارس وعلى العيد
وبيركزوا بقى فى الامكان حسب ا لمواسم

ده بجد على فكره مش هزار

ماهى نهيبه
احنا شعب مالوش ديه مالوش صاحب مالوش ثمن

تحياتي لك واسفه على الاطاله

صبرني يارب يقول...

اه نسيت اقولك

الزبادي اهو يافندم

http://tabkheen-eah.blogspot.com/2008/10/blog-post_24.html

اي خدمه يا باشا
نيها هاااااااااااااااااا
ضحكه شريره

حاجات جوايا يقول...

السلام عليكم
مبروك على النيولوك يا ابو همس ربنا يجعلها عتبة مباركة ان شاء الله

المشاهد دى فعلا بتتكرر يوميا فى كل مكان فى مصر ومش بتتعالج ومش هتتعالج أصلا طول ما فيه فساد وموظفين مرتشين فى كل المصالح الحكومية وحتى اقسام الشرطة

بس تعرف اول مرة اعرف معنى جملة " الجنيه غلب الكارنيه " مكنتش آخده بالى من معناه قبل كده !!!!!!!!!!!


ربنا يصلح الحال يارب
سلامى لهمس

~*§¦§ Appy §¦§*~ يقول...

لخبطه بلد يا خالد مش هتتعدل غير بسلوكيات صح
قولى طيب ليه بعض اصحاب المحلات فى العتبه بيعملوا فرش قدامهم
مش ده شاغال طريق مش ده اعتداء على حريه الغير فانه يمشى فى مكان كويس
اه الباعه الجائلين ماشى انما اللى فرشين فى الطريق صعب هى حكومه متخلفه علشان متديش فرصه فى مكان كويس للناس دى وربنا كمان بيبقى عالم هما سالفين الفلوس ولا جيبنها منين بجد قلبى بيوجعنى علشانهم
بس مش علشان اللى فارشين قدام المحلات دول ربنا ينتقم منهم بقى

كلام على بلاطة يقول...

هى دى مصر يا عبلة
على رأى الفيلم

همس الاحباب يقول...

رندا هانم
مبروك عليكى اول تعليق
واخر تعليق وكل التعليقات تحت امر حضرتك

همس الاحباب يقول...

جنة
اهلا يا دكتورة
طبعا انا متفق مع حضرتك
واعتقد ان المسئولين يعلموا ذلك تمام المعرفة
ولكن لا حياة لمن تنادى
هى الفوضى واللا مبالاة والروتين واالتخبط فى القوانين والاجراءات
وابو خالد الحمد لله بخير وانشاء الله هبلغه سلامك
تحياتى اختى العزيزة

همس الاحباب يقول...

رندا
مع الحق فى كل ما قلتيه حضرتك
ولا اختلاف فى وجهات النظر
ينقصنا العمل ومزيد من التنسيق
والوعى ليس اكثر
تحياتى

همس الاحباب يقول...

عصفور المدينة
استاذى العزيز
تلك هى الكارثة
والطامة الكبرى وخوف من عاقبة تلك الامور
لذلك نناشد بل نتسول للاجهزة المعنية
لايجاد حل والتنسيق فيما بينها لايجاد وسيلة لتنفيذ الحلول والبدائل المتاحة
دمت بخير استاذى العزيز

همس الاحباب يقول...

محمد غاليه
وانا متفاءل زيك يا محمد
ربنا يصلح الاحوال
ولابد من بداية صادقة
والقول يطابق العمل لننجو مما نحن فيه
انا عجبتنى جدا ابيات عم بيرم بصراحة
تحياتى

قلب مصرى يقول...

هذه اللحظة التى تتحدث عنها وخاصة فى ميدان الجيزة من أكثر اللحظات التى أراها ألما فقد ضاق رجال الحى بهؤلاء الذين هربوا من البطالة والسرقة إلى العمل الشريف فأين يذهب هؤلاء؟؟؟

همس الاحباب يقول...

تلميحاتى
ا/ يوسف
نعم اثق فى كل ما تقوله
وذلك نتاج خبرة وفهم وخبرة فى مجال العمل
الحلول كثيرة جدا والبدائل اكثر
ولا ينقصها الا التنفيذ والمتابعة والتنسيق بين الجهات المعنية
نعم المشكلة متشابكة والكل مدان ومتهم فيها ولا ابرىء طرف على حساب طرف اخر
لكن لابد ان يكون هناك وازع دينى واخلاقى
ولا نكيل بمكياليين نترك هذا ونحطم هذا
والله ولى التوفيق والمستعان على ما يحدث فى تلك البلاد
تحياتى واسعدنى تعليقك ورايك

همس الاحباب يقول...

الاخت العزيزة
صبرنى يارب
جميل جدا ما ذكرتيه من حاول وبدائل وهناك الكثير والكثير
لكن المشكلة فى المحافظة على تلك الحلول وتنفيذها لترى النور
وتكون هناك حملات توعية وتحذير لكل مخالف ومتجاوز وبعدها يتم تطبيق العقاب الرادع
ولابد من تواجد المسئول دائما للمحافظة على ذلك
المشكلة لها جوانب متعددة لابد ان تتضافر الجهود ذات النية الصافية لحلها

همس الاحباب يقول...

صبرنى يا رب
شكرا جزيلا
انا عارف انك جاية تهدى النفوس
عامة انا شفت الطريقة
بس ناوى اشترى من حضرتك
ويجعله عامر
ضحكة مش شريرة
بس وجه متغاظ وبيقولك يمهل ولا يهمل
هههههههههه

همس الاحباب يقول...

حاجات جوايا
الاخت العزيزة سالى
حمدلله على السلامة
ومنورة الدنيا كلها
الله يبارك فى حضرتك
ربنا كريم وتنصلح الاحوال
ويتغير الحال
هههههههه
طب كويس انك عرفتى معناها
الجنيه غلب الكارنيه وكله ماشى
تحياتى

همس الاحباب يقول...

ابى هانم
هى دى المشكلة
فى اصحاب المحلات واللى فارشين قدامها
دول مافيش حل فيهم
وربنا يصلح الاحوال
ونراعى ربنا فى كل حاجة
تحياتى

همس الاحباب يقول...

كلام على بلاطه
هههههههه
ههههههه
مع الاسف مش دى مصر بلد الحضارة ومنارة العلم
دى خرابة واحنا بنساعد فى خرابها اكتر
بسلوكياتنا والتفافنا حول القوانين
مع ان الحق والصح واضح وضوح الشمس
لكن .. الكل اصبح يلهث
تحياتى

همس الاحباب يقول...

قلب مصرى
ابو رقية حبيب قلبى
ازيك يا باشا واخبار الامورة الصغيرة ايه
مع الاسف اخى العزيز اكثر ما يحزننى
انهم تركوا البلطجيه والمسجلين خطر
وشغالين بلطجة وتدمير لاناس يلهثون وراء لقمة العيش والستر ليس الا
فاين يذهب هؤلاء ؟؟؟؟
الاجابة الى الجحيم مع الاسف .
تحياتى اخى الكريم

صابر وراضى يقول...

وعليكم السلاااااااام
انا احب اوجه رساله للحكومه

"اسد على وفى الحروب تعامه"

كاميليا يقول...

حاجات كتير اوى بنشوفها ونسمع عنها

وحاجات كنا بنشوفها من سنين

نسافر ونغيب ونرجع نلاقيها زي ما هى بل اسوأ

ويتردد نفس السؤال

الى متى؟؟

ولا نعلم الى متى

بل لا نعرف كيف نأتى بهذا المتى وكيف السبيل إليه

تدوينة شديدة اوي خالص


احترامى الدائم لك

بنت مصريه يقول...

ههههههههههههههههههههههههه
هى دى مصر يا استاذ خالد
بس مصر تانيه
غير اللى ربنا ذكرها فى كتابه الكريم

بجد مش عارفه اعلق اقول ايه الله معنا
ومع الباعه الجاءلين

بوست هايل احييك

كاميليا يقول...

خالد ..

أبو خالد وحشنى
):

Sherif يقول...

كأنها ثقافتنا ..منذ قديم

وربما من قبل بيرم نفسه .. أحد مشاكلنا أننا نولى انفسنا قضاة .. فنحن ملائكة .. والآخرون هم المذنبون دائما

لم نفكر أن نقف مقام المحامى حتى نفهم .. فهو الوحيد الذى يلتمس العذر للمتهم .. ويبحث عن المبررات التى تبعد به عن الادانة .. أو تخفف عنها

كما قلت .. لم نسأل أنفسنا .. لماذا قبل البطش بهؤلاء الضعفاء

بوست ينم عن واقع .. لايزال يؤلم .. دون أن يحرك أحد ساكنا ..من أيام بيرم

همس الاحباب يقول...

صابر وراضى
هههههههه
ههههههههه
رسالتك وصلت
يا باشا
تحياتى

همس الاحباب يقول...

كاميليا
اجمل عروسة 2008
منورة يا ست الكل
وربنا يستر والمرة الجاية ترجعى انتى والعريس تلاقى الظروف احسن
تحياتى وتقديرى

حنين القلب يقول...

يااااااااااااااااااه دنا متاخرة اوى
منه لله بتاع وصله النت كان فصله

المهم
والله يا خالد انا بجد بتقطع لما اشوف العساكر بتوع الازاله وهما عمالين يلموا فى بضاعه الناس الغلابه والناس عماله تجرى واللى تقع ويدوسوا عليها لحد ما تموت واللى ياخد حاجته ويطلع يجرى وتضربه عربيه
على فكرة انا شوفت الحاجات دى بنفسى والله
حسبيا الله ونعم الوكيل

همس الاحباب يقول...

بنت مصرية
هى دى مصر يا عبله
والله فيه سلبيات وفيه ايجابيات فى مصر
بس اكيد مصر هتفضل مصر
واتمنى نشوفها احسن بلاد الدنيا
تحياتى

همس الاحباب يقول...

كاميليا

خالد
ابو خالد وحشنى
وانا كماااان والله وحشنى قوى
ربنا يرجعه بالسلامة

حنين القلب يقول...

وطبعا يا سيدى اللى ليه ضهر ميضربش على بطنه
وطبعا لازم اللى بيدفع يتعامل معامله تانيه
تصدق يا خالد كنت رايحه اعمل فيش وتشبيه علشان الشغل والله الراجل قالى تعالى استلميه بعد 8 ايام قولت ليه متاخر اوى انا محتاجاه قالى فيه مستعجل بعد يومين بس تدفعى 6 جنيه تانى قولت طبعا
ماااااااااااااااااشى
يا ابنى احنا عايشين فى حله كوسه كبيرة
افهموها بقى

همس الاحباب يقول...

استاذى الفاضل
شريف
منور المدونة وسعيد جدا بزيارة حضرتك
ومتفق معك قلبا وقالبا
ربنا يصلح الاحوال وما افسدناه نحن
تحياتى

حنين القلب يقول...

بس قولى بقى
انت ايه اللى مدايقك اوى كده فى الموضوع ده
مش قولنا تبطل توقف بفرش الفجل والجرجير اهه اخدوه منك واديك عمال تغنى ظلموه
ههههههههههههههههههههه

تسلم ايدك يا ابو همس

همس الاحباب يقول...

حنين القلب
حمدلله على سلامة حضرتك
ولا يهمك يا ستى
وسلامتك ده بقى سيناريو مكرر وكل يوم بيحصل
تحياتى

همس الاحباب يقول...

حنين القلب
مع الاسف ده حقيقى
وبيحصل فى كل مكان
بس يا ترى دى سلبيه منا
ولا بقينا شعب خانع ومسالم
هههههههه
حلة كوسة بالصلصة ولا محشى

همس الاحباب يقول...

حنين القلب
ههههههههه
انتى قديمة قوى
انا غيرته وبقيت ببيع توك وبنس للبنات الصغيرة
اللى بتسمع الكلام
مش بتشوفينى وانا واقف جنب فرش الكوسة بتاعك

رئـــــيسـة حزب الأحلام يقول...

السلام عليكم
بجد التجديدات اللى فى المدونة تحفة واعذرنى انا بمر بسرعة عشان أسلم عليكم
الف تحية لحضرتك

تلميحاتى - يوسف الشافعى يقول...

اذا كنت ممن تحب التفاعل الجدى والعمل من اجل مصر فانت مدعو لحضور اجتماع رابطة مدونى الدلتا
للاطلاع يرجى زيارة مدونة رابطة الدلتا على الرابط الاتى http://eldeltabloggers.blogspot.com/

زهرة الجنة يقول...

ازيك خالد
الموضوع بيمثل مشكلة بجد
ودايما بيقولوا هيوفرا للباعة دول مكان
لكن للأسف كلام في الهوا ويبقي الوضع علي ما هو عليه
وللأسف برضه مش سيبنهم في حالهم
صحيح وضع الباعة دول مش حضاري لكن اللي يحسسك بمأساه انتهاك اداميتهم وكأنهم حيوانات تساق

تحياتي لقلمك الرائع
يسعدني المرور هنا

ياريت تسلملي علي بابا ابو خالد
وتطمني عليه

موناليزا يقول...

الباعة الجائلين ومشكلة لاتنتهى
حقا لما لايوجد بديل سؤال يطرح نفسه
وعرض مميز

SemSem يقول...

اول زيارة لى فى المدونة
وباذن الله مش هتكون الاخيرة

موضوعك حساس اوى وبيمس اغلب المناطق فى القاهره والجيزة واللى عليها رقابية على الورق فقط لكن فعليا مفيش اى تنفيذ

اتمنى كل واحد يشوف شغله صح علشان تنبقى الامور ماشية صح

تحياتى لك
اتمنى زيارتكم لمدونة حواديت

وومن يقول...

خالد

الموضوع مهم جدا والمناظر دي بتقطع القلب وزود عليها كمان البائعين اللي في المترو مرة واحدة منهم قالت احنا مش بنعمل حاجة حرام مايسيبونا في حالنا بقي

وفي الحقيقة انا بستغرب جداً يعني الناس دي كتير ودة معناه انه في عليهم اقبال طب ما بدل إدارة المترو ماتطاردهم ما تعملهم تصريح وتاخد منهم مبلغ مثلا وتخليهم محترمين وبيشوفوا شغلهم في امان وأدب

يعني يبعوا في المتروا ولا يسرقوا مش فاهمة البلد دي ماشية بالشقلوب ولا ايه

Ahmed Al-Sabbagh يقول...

تسلم يا عم بيرم
تسلم يا عم خالد

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

mony يقول...

فعلا عندك حق

انا بيصعب علي الناس ديه اوي

خصوصا ان الرزق اللي بيطلع لهم من يومهم في الشارع يادوب بيكون قوت يومهم


و طبعا لما يطب عليهم عساكر و ضباط الحي مابيكتفوش بسحب البضاعة

دول بيتعمدوا يخربوها و يدمروها




حسبنا الله و نعم الوكيل

لازم يكون في حل

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

blue-wave يقول...

اهو هوا دا سؤالى
لحد امتى؟؟؟
امتى هانخلص من الكوابيس دى وازاى؟؟؟؟
ومفيش اجابه

أحسن تـستاهـل يقول...

بص بأه انا اهم حاجة ليا في الموضوع ده لحظة الرعب اللي بتجيلي لما الاقي عربيات البوليس هجمت على حلوان والبياعين ياخدوا عربياتهم وعجلهم وناصباتهم وفرشاتهم ويطلعوا يجروا

يختييييييييييي ع اللي بيجرالي

بحس اني فجأة هلاقي نفسي متشالة على كتف واحد من لهوجته شال كل حاجة ادامه
او الاقيني محدوفة في البوطس او على عربية واحد بتاع موز

آه وربنا

رعب ما بعده رعب،، وانا افضل ادور على مكان استخبى منه من المغامرات دي لغاية ما الدنيا تهدى عشان اروح البيت سالمة

يااااااااااااه
فينك يا أونكل خالد من زمان؟؟

همس الاحباب يقول...

رئيسة حزب الاحلام
حمدلله على السلامة
ونورتى المدونة
وشكرا على ذوقك وكلماتك الرقيقة

همس الاحباب يقول...

تلميحاتى
ربنا يوفقكم دائما لما فيه خير مصر
وشكرا على الاهتمام
وان شاء الله اكون موجود فى اقرب فرصة

همس الاحباب يقول...

زهرة الجنة
منورة يا زهرة
وكلامك مظبوط
كله وعود وكلام وحبر على ورق
شكرا لاهتمامك وسعيد جدا بزيارتك
وابو خالد الحمد لله بخير
وهيوصله سلامك

همس الاحباب يقول...

موناليزا
حقا سؤال محتاج اجابة شافية
سعيد بمرور حضرتك
تحياتى

همس الاحباب يقول...

سمسم
اهلا بيك دائما
منرنى يا باشا
وانا اضم صوتى لصوتك
تحياتى وسعيد بزيارتك جدا

همس الاحباب يقول...

وومن
والله اقتراح جميل جدا وسهل تنفيذه
يا ريت الكل يفكر بعقلية متفتحة
ويحكم عقله وضميره
حاجات كتيراتتغير
تحياتى

همس الاحباب يقول...

احمد الصباغ
خالو منور يا باشا
وشكر ا على الزيارة وعلى الكلام الرقيق

همس الاحباب يقول...

انا انسان
بالتوفيق دائما
وربنا يقدم ما فيه الخير
تحياتى

همس الاحباب يقول...

بيرم المصرى
تسلم يا عم بيرم
ومنور المدونة

همس الاحباب يقول...

money
متفق مع حضرتك فى كل كلامك
وفعلا حسبى الله ونعم الوكيل

همس الاحباب يقول...

blue-wave
منورنى استاذى العزيز
فعلا لحد امتى
اتمنى انه يكون قريب جدا
فالله على كل شىء قدير
تحياتى وسعيد بزيارتك

همس الاحباب يقول...

احسن تستاهل
هههههههه
هههههههه
بجد متخيل منظرك
ياسلام عليكى وانتى قاعدة فوق عربية الموز
شكلك يفطس من الضحك
بجد انتى حدوتة
منورة يا مها هانم
وانا موجود يا ستى
ابقى تعالى
هههههههه

م/ الحسيني لزومي يقول...

شارك في الحملة الشعبية للقيد بالجداول الانتخابية بوضع بنر الحملة علي مدونتك.
البنر موجود علي مدونتي

fashkool يقول...

انت محاسب وانا محاسب وياخساره مش عارفين نتحاسب . ما هو لو بنعرف نتحاسب كنا اتحاسبنا من ايام المجلس البلدى .. لكن ما فيش حساب ’ ما فيش نظام ما فيش تخيل لبكره .. ما فيش تخطيط والا كان مفروض من ايا عمنا بيرم التونسى يكونحد عمل تخيل وخطط للباعه الجائلين دول - والمهم عندنا أو مش عارف - كان عندنا وزاره للتخطيط وكل شويه هوجه واجرى يا جدع .. والبياعين الجائلين ولاد الهرمه حنخرب بيت ابوهم .. واللى راكب عربيه حنغرموا الجلد والصقط لو حط عربيته فى الممنوع .. طب فين المسموح .. هما ينفذوا واحنا نهطرش .. ما هو دا المطلوب
ليه ما بتزورنيش يا عم يا همس الاحباب خلينى من احبابك وتعالى نور عندى

همس يقول...

فعلا الناس دول غلابه اوى

واللى يحزن اكتر لما تشوف شباب متعلم تعليم عالى ويقف فى الشارع يبيع

وبيبقى صعب اكتر لما تترمى حاجتهم لما يحصل كابسه عليهم

بس هيعملو ايه وهيكلو منين

و الحكومة عندهاش دم


دا جزء منهم

انما فيه اماكن متخصصه للبيع فيهم يسبوها ويطلعو فى الشارع والبلديه سايبنهم فعلا دا طبع بعد ما يتابجو صح


يعنى اهمال من هنا وهنا



وسلام يا ابو هموسة

شفقة هانم واحسان بك يقول...

البوست مهم جدا جدا وتسلم بجد على اثارتك للموضوع
بس يا عزيزى كلنا خلاص اعتادنا على رؤية تلك المناظر
وهى دى مصر

Beram ElMasry يقول...

اخى ، همس الاحباب
تحية لك وسلام
موضوعك عن المطاردة اليومية اللا انسانية للباعة الجائلين ، نوع من العبث يثير السخرية والاشمئزاز ، الامن المكلف بحماية الاموال يسرق قوت انسان حاول ان يكون شريفا ، والدولة بالقهر تدفعه للسرقة ، والعسكرى تعلمه الدولة ان اكل الفتات ممن لا يملكون قوت يومهم مباح فيستمرئ الحرام
وصدق المغفور له التونسى فيما قال كما كلت انت
واقول ان الحكومات تشكل اخلاقيات الشعوب ، اذا حرمته سرق واذا ضيقت الخناق مرق
شكرا لزيارتك وعاود الزيارة فهى لى شرف

mohamed ghalia يقول...

حبيب قلبى
مستنى اجاباتك على التاج
لانها هتكون اجابات رائعة زى شخصك

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك.
ضع بنر الحمله علي مدونتك.
البنر موجود علي مدونتي

نهر الحب يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

الربان يقول...

تحياتي أخي العزيز

اتفهم تماما موقفك من الباعة سواء اصحاب المحلات او الجائلين...و بالنسبة للجائلين فالاصل هو الا يقف..و لكن يحمل بضاعته و يتجول في الشوارع....لكنهم
يقفون في اي مكان...و يسدون الطرقات
بل و يلقون بالقاذورات و القمامة في الشارع....

هذا ايضا ينطبق علي اصحاب المحلات الذين
احتلوا الرصيف بكاملة بل البعض احتل نصف الشارع ايضا....مع العلم ان اي بروز خارج المحل لابد من الحصول علي ترخيص من الجهة المختصة...و ان اقصي بروز مسموح به خارج المحل 1 متر...

لكن المشكلة اننا اصبحنا منفلتين...لا قانون...لا اخلاق...بل أزعم ان الدين الحقيقي بمفهومه الصحيح قد اختفي ايضا.

واذا اختفي الرادع ...سواء كان قانون
يطبق...او وازع اخلاقي ...او امتثال لامر الدين و نواهيه....فحدث ولا حرج
الرشوة ستكون هي الاساس ..و الاستثناء
هي الامانه...

التربية الخاطئة و غياب دور المدرسة و تراكم هذه الخبرات السيئة هو ما نراه
الان من انفلات...قد يصعب تغييرة.

تحياتي و تقديري

غير معرف يقول...

http://benkerishan.blogspot.com



http://benkerishan.blogspot.com



http://benkerishan.blogspot.com

المـــفـــــــقــــــــوعـــــة مــرارتـهــا يقول...

بيرم
الله يرحمه
كان عبقري وتحس انه عاش البلد دي بكل خباياها اللي بقت دلوقتي عياناً بياناً
ربنا يرحمنا من الفساد والمفسدين والرشوة والمرتشين والظلم والظالمين

همس الاحباب يقول...

م/ الحسينى
شكرا لزيارتك
وجارى التنفيذ

همس الاحباب يقول...

فشكول
منورنى استاذى العزيز
وشكرا لتواصلك
تحياتى

همس الاحباب يقول...

همس
والله عندك حق
ربنا يسترها
وليكى الحق تتغاظى وتتفرسى فى بلدنا
تحياتى لاجمل همس

همس الاحباب يقول...

شفقة هانم واحسان بك
مع الاسف ده اصبح واقع
ولابد اننا نغير من انفسنا اولا
تحياتى

همس الاحباب يقول...

بيرم المصرى
شكرا لتواصلك
واكيد اكون هناك دائما
تحياتى

همس الاحباب يقول...

محمد غاليه
حضرتك تقشر واحنا ناكل يا ريس
ان شاء الله هجاوب عليه
تحياتى

همس الاحباب يقول...

نهر الحب
جزاكى الله خيرا
وجعله فى ميزان حسناتكم

همس الاحباب يقول...

الربان
استاذى العزيز
لا املك الا ان احييك على وجهة نظرك
واشكرك جدا على تعليقك
تحياتى

همس الاحباب يقول...

المفقوعة مرارتها
الله يرحمه كان فعلا عبقرى
يارب
تحياتى

maha zein يقول...

ده ايه الجمال ده بجد
بوست حلو اوي
فعلا انا كتير بسأل نفسي الناس دي فعلا تروح فين وتاكل منين
ده رزقها
ومن غيره فعلا هيبقه في انحراف وبطاله
علي الاقل هما لقوا حل لمشكلة البطالة الخاصة بيهم عن طريق شغلانة حلال
اه بيشغلوا الشوراع وبيخنقوا الدنيا بس حلال
فعلا انت ذي ما قلت لازم خطط بديلة
يعني مشاريع تلم الناس د
اكشاك ليهم باسعار هينة
اي حاجة تقدر فعلا تحل المشكلة
لان عمر ما المطاردة كانت حل ابدا

ليكم وحشة والله
اعذرني علي الغياب

امام سليم امام يقول...

السلام عليكم المدونة جميلة جدا