20 أغسطس 2008

كان حلما .. فخاطرا



نعم كان حلما فخاطرا واليوم اضحى حقيقة لا خيال
لقاء المدونين بمدينة الاسكندرية يوم 19 8-2008 كان درب من دروب الخيال او حلم من احلامى الصغيرة اننا نتقابل فى عروس البحر مع مدونى الاسكندرية والحمد لله ان الحلم تحقق برغم اعتذار عدد كبير من المدونين نظرا لظروف العمل او ظروف شخصية

البداية كانت مجرد فكرة عمل لقاء مدونين رغبة من بعض مدونى الاسكندرية والتعارف على اناس نكن لها كل حب وتقدير .لذا قررت عمل اللقاء بالاتفاق مع درة المدونين والاب الروحى لنا والدى العزيز ابو خالد واختى العزيزة دكتورة لماضة وتم اختيار اليوم والمكان ودعوة بعض الاصدقاء المدونين لحضور هذا اللقاء .

طبعا انا كنت بصراحة خايف قوى قوى وقلقان بدرجة فوق الوصف لدرجة انى قعدت من قبل اللقاء بيومين من غير نوم ويوم اللقاء نزلت من البيت قبل السادسة صباحا بعد محاولات يائسة مع النوم اللى خاصم عيونى وقررت انى اسافر اسكندرية واكون اول واحد هناك وفعلا نزلت واتجهت الى الموقف وركبت الميكروباص الساعة 7.15 صباحا متجه الى اسكندرية وفعلا اول مرة احس ان السفر متعة والطريق سهل جدا والامور ميسرة والحمد لله طبعا قبلها كنت مظبط مع احمد سكر اننا نسافر مع بعض وبعدين سوووو اتصل بيه وكنا ناويين نسافر مع بعض برده بس نظرا لظروف الاخ سكر وانه كان بياكل رز مع اهل الكهف فاخدته نومة وصحى متاخر وبيتصل يقولى انت فين قولتله انا قربت اوصل يا باشا صح النوم المهم انا استعجلت ومشيت اتصلت بابو خالد بعد ما ركبت قالى انا لسه راكب زيك وفى الطريق ، المهم اجمل مفاجاءة سمعتها وحسيت انى سعيد قوى قوى هى اتصال فاتيما بيه وبتقولى انا جاية اللقاء ما كنتش مصدق نفسى وطاير من الفرح قلتلها معقولة مش ممكن بجد مش مصدق قالت انا نازلة اهو وجاية ، بصراحة كده كنت عايز انزل من الميكروباص وارجع اجيبها معانا بص مع الاسف كنت فى الصحراء وكنا قطعنا اكتر من نصف المسافة المهم قولتلها سوووووو جاى اتصلك بيه وحاولو تيجوا مع بعض المهم هى زى حالاتى طلعت مستعجلة وركبت سوبر جيت وجاءت لوحدها وسووووو ظبط مع سكر وجم مع بعض انا وصلت اسكندرية الساعة 9.30 ونزلت الموقف لقيت الدنيا زحمة وحسيت ان مصر كلها احتلت اسكندرية المهم وقفت تاكسى وعلى محطة الرمل جرى نزلنى التاكسى قدام المكان بالظبط قلت الحمد لله مفيش توهان النهاردة دخلت المكان بصراحة عجبنى لحد ما وقلت اهو ينفع لحد ما نتجمع وبعدين لو مش عجبنا نروح مكان تانى وطبعا وصلت اول واحد وانتظرت الحضور الكرام ونبدا مراسم اللقاء ونشوف اولى المفاجات.

- حنين القلب : انسانة جميلة خفيفة الظل جدعة وطيبة جدا جدا والكارثة انها طلعت خجولة قوى ووشها بيحمر وتبص فى الارض دايما وهى اللى مقطعانى فى التعليقات والمدونات بس بجد بجد اول ما شوفتها حسيت انها اختى واعرفها من عشرميت سنة روحت جبتها من قدام سينما امير كانت تايهة يا ولداه وقال ايه من اسكندرية بس بصراحة كنت فى قمة السعادة انى قابلت انسانة طيبة زيها واقولها ربنا يكرمك ويفرح قلبك دايما واللقاء الجاى يكون مخصوص علشان سبوع النونو وخلى الفيشار عليكى برده .( ملحوظة ما تاخديش على كده يعنى دى حالة مؤقتة بعدين اهلا بالمعارك )
- مها زين( انها الحياة) يا لهوووووووووووى مش ممكن خفة الدم والشقاوة والجو والمهرجان اللى عملته فى اللقاء اتصلت بيها اعرف هى فين قالتى انها عند السينما وانا عمال اشرحلها المكان وانا بصراحة مش عارف انا فين وجيت ازاى اصلا لقيتها بتقولى انا جاية اهو ومعايا اتنين صحابى قابلنى قدام الكوفى طبعا طلعت استناهم وقلت اى مجموعة يكون عددهم ثلاثة اسالهم وانا ونصيبى ممكن الموضوع يعدى على خير وممكن ينتهى بعلقة سخنة ونبات فى التخشيبة للصبح بس ربنا ستر وطلعوا اول ثلاثة جم ودخلت بكل شجاعة وانا متوجس خيفة مين فيكم مها لقيت واحدة زى العسل كده بتقولى انا مها قولتلها اتفضلى يا دكتورة وكان معاها اتنين من صاحبتها زى العسل برده هدوء وعقل وخفة دم وعرفت فى الاخر هى جابتهم معاها ليه انا كنت فاكر انهم بودى جارد وناويين على نية لكل من تسول له نفسه انه يحتك بالبرنس مها زين طلع الموضوع اكبر من كده بكتير وجايين علشان يقوموا بتسجيل وتصوير الدكاترة مها وهى بتكشف على الدكتورة لماضة وحنين القلب ولبست البالطو بتاع لماضة واشتغلت كشف وقياس ضغط حسيت انها عايزة تقولهم اسفة جدا مضطرة اضحى بالمريض علشان خاطر انا اعيش بس بصراحة يا مها نورتى المكان وعملتى جو من المرح وخفة الدم يا برنس ومبروك عليكى العدد التانى من مدونات مصرية للجيب والف مبرووووووووووووووك حلو التسييييح والتصييييييييييييت ده صح .
- ابو خالد : وطالما قلت ابو خالد يبقى سمع هس ونسمع احلى سلام من بور سعيد لحد مطروح ومن اسكندرية لحد اسوان لاجدع واجمل شخصية فى عالم التدوين واللى بوجوده اى مكان يبقى جنة وبحس انى طاير فى السماء طالما هو جنبى وعايز اقوله حاجة بسيطة ربنا يخليك لينا ويبارك فى عمر حضرتك وما يحرمناش منك ابداااااااا ولا من حبك وحنانك لكل المدونين والمدونات الاحياء منهم والاموات .
- دكتورة لماضة : رسالة حب وتقدير وعرفان لاجمل واطيب شخصية قابلتها فى حياتى الجدعنة والشهامة وخفة الدم واللماضة والطعامة تبقى ايه يا حلوين شطار تبقى لماضة الف الف شكر على تعبك واهتمامك بينا وتشريفك اللقاء يا دكتورة وعقبال ما نشوفك كده اشهر دكتورة فى بر مصر المحروسة .
- دكتور محمود ( بطوط حبوب ) منوفى الجنسية وسعيد بها وانا كمان سعيد انك من المنوفية لانك اكدت عندى انطباعى وحبى للمنايفة بالرغم مما يقال عنهم بس بصراحة كل الى عرفتهم عشقتهم وحبيتهم الا واحد بس ومع الاسف الكل عارفه كفاية انه خانق بلد بحالها المهم بطوط طلع شخصية جميلة قوى اخلاق جدا جدا خفيف الظل كعادته دائما رزين ومثقف بس يا خسارة بيحب النوم وفقرة النوم من الفقرات المحببة لنفسه وعلشان كده كان بيدخل فى غيبوبة ويخرج منها سريعا وبصفته دكتور اسنان قام بالكشف مجانا على الاخ سوووووو بس اعتقد انه بيجر رجل الزبون وناوى ياخد ثمن الكشف فى الاستشارة منوفى يا جرعان والطبع يغلب بصراحة سعيد بمقابلتك وتشريفك يا بطوط باشا .
مصطفى ساجى : وده الضلع الثانى فى مثلث المنوفية وجه مع بطوط انسان هادى ورزين ومثقف قليل الكلام بس مبتسم دائما ابتسامة خجل سعيد بتشريفك يا صاحب اكبر عدد من المدونات المغلقة وكفاية علينا حلم وسط الضباب .
رومانسى :الضلع الثالث فى المثلث المنوفى شخص هادى جدا جدا منتبه ومركز مع الجميع بيخزن على سى دى فى الجانب الشمال من المخ البشرى ليعيد البث فى الوقت المناسب .
- مهندس / محمد حسن( اسكندرانى اوى ) من اجمل الحاجات اللى انا شوفتها بكل امانة انسان ناضج صاحب فكر عالى انسان تحس انه خليط من الاخلاق والثقافة والشهامة وخفة الدم والوعى بما يحدث مع قليل من ماء البحر ورمال الشاطىء تحطهم فى خلاط سعة 5000 لتر يطلع انسان بيعشق تراب اسكندرية اسمه محمد حسن بجد واجهة مشرفة لشباب مصر العاملين بالخارج انسان تثق به من اول وهلة وتتمنى انه يبقى اخ وصديق لك طوا العمر احب اقولك يا باشمهندس سعيد جدا جدا بمعرفة حضرتك وتشريفك وكنا نتمنى تقعد معانا لاخر اليوم بس الظروف بقى وخيرها فى غيرها واتمنى اننا نشوفك دايما على خير .
- احمد سكر : سكر وصل يا جدعان بعد غياب اصله كان محتكر السكر اللى فى البلد كله لحسابه طبعا يا سكر انت حاجة حلوة فى حياتى وكفاية انى بحلى بيك كل حاجة فى حياتى بس طبعا ما يمنعش انك بتظهر هادى قدام الناس وانت اخر شقاوة وعندك خفة دم تحسد عليها وكنت عايزنى اشترك معاك فى مؤامرة وعايزنى اقلب شنطة حنين القلب اللى عاملة زى شنطة الحقن بس على مين بصراحة كنت طمعان فى المانجة وشنطة سووووو كانت فاضية واكبر بس نسيت اقوووووول لسووووو كان هيتصرف هو يلا شردة بالجامد قوى عرفتى يا مها ولا لسه عدى الجماااااايل .
احمد سووووو : (عجوز وعنده الف سنه ) يااااااااااااه يا جدعان الشخص ده مالوش مثيل كل يوم اعرفه احبه اكتر واتعلق بيه اكتر واكتر انسان مصرى من الزمن الجميل تسمع عنه فى الحكايات خفة دم بتلقائية شديدة جدا مثقف وموهووووووووووب بجد ربنا يكرمك واشوفك حاجة كبيرة قوى قد تمثال الحرية كده وكفاية عليك كده علشان تيجى تعلق وما تزعلش .
فاتيما روح قلب ماما قمر المدونين والكريزة اللى بتنور وبتجمل الحياة التدوينية سعيد جدا بتشريفك يا ام يوسف برغم الظروف القاسية بس بجد من اجمل الحاجات فى اللقاء تشريفك لان الكل كان عايز يشوف ام يوسف ويستمتع بحنان الامومة الجميل وكفاية انك اخدتى حنين القلب وريحتينا من صداعها شوية بس هو انتم كنتم فين ده كله فى بيت الراحة انا قلت حنين خطفتك ولا حاجة كان نفسنا تكملى اليوم معانا بس كفاية انك جيتى واسعدتينا بوجودك ربنا ما يحرمنا منك ولا من حنية الامومة وربنا يقرب البعيد وتشوفى يوسف احسن واحد فى الدنيا بس بصراحة حسيت كده انتى وحنين شبه بعض فى حاجات كتير وقريبين من بعض سبحان الله .
- شيماء سمير ( احتمال ) مفاجاة من العيار الثقيل تشريفك يا شيماء ودعوة كريمة من الرائع دوما ابو خالد لحضورك وتشريفك اللقاء والقاء بعض القصائد من ديوانك الاول اطياف الصمت وانبهار الحضور بطريقة الالقاء واعجابهم بالديوان احب اقولك انك انسانة رقيقة وشفافة وفناااااااااااااانة موهوبة بجد ربنا يوفقك دوما وكفاية عليكى ابو خالد ونظرة الفخر والاعتزاز بابنة رائعة مثلك .
- زمردة : انسانة هادية ورقيقة بس مع الاسف ما شرفتش بالتعرف عليها كويس بس سعيد بحضورك وتشريفك طبعا
- اميرة ( سهر الليالى ) جت من الشغل علينا بدعوة كريمة من لماضة انسانة هادية ورقيقة جدا وما قعدتش كتير وما لحقناش نتعرف عليها بس برده كفاية تعبها وتشريفها .
مييييييييين تانى اه مدونة وزوجها من اسكندرية اسف ما لحقتش اتعرف بيهم كانوا مستعجلين قوى بس برده شكرا لتشريفهم وخيرها فى غيرها .


طبعا الاجتماع اشتمل على الكثير من الحوارات والمناقشات وخصوصا فكرة لمااااااااضة عن حق الملكية الفكرية للمدونيين وكيفية الحفاظ على حق المدون فى الحفاظ على حقوقه الادبية وكان اغلب الاقتراحات التسجيل فى الشهر العقارى او عمل ميثاق شرف للمدونين او خلى اللى يسرق يسرق هى جاءت على الافكار ما كله بيتسرق فى البلد وكذلك مناقشة السلبيات فى السينما المصرية والمونات ومدى تاثيرها على المصريين العاملين بالخارج ودى ليها بوست خاص ان شاء الله ،وكذلك استطرق الحديث للسؤال عن غياب قمر التدوين وشمسه الغائب الحاضر فى قلوب الجميع فرنسا هانم ربنا يتم شفائها على خير وترجع بالسلامة تنورنا واحب اقولها يا فرنسا اسمك وحبك منقوش فى القلوب للابد .
لحد كده انتهى اللقاء فى الكوفى شوب وانصرف كل من مها وصاحبتها وسافرت فاتيما وانصرف مهندس محمد حسن .
خرجنا من الكوفى الى البحر ماهو مش ينفع نروح اسكندرية ومش نشوف البحر كنت رحت فيها طبعا المهم اتجهنا الى منطقة بحرى والقلعة وطبعا لازمن نشوف ونسمع من بحرى وبنحبوه وعل الامة بنستنوووووه ايووووووووه يا جدعان منظر البحر يجنن وخصوصا ساعة الغروب المنظر تحفة واسكندرية جميلة برده المهم اتجهنا ناحية القلعة وبعدين دخلنا مطعم علشان ناكل بناء على طلب الطفل الطخين اللى دايما جوعان سووووو باشا اللى بيعشق الكلام عن الاكل والمطاعم ويدخل يشوف الاكل يقعد ساكت ومؤدب المهم قعدنا كل واحد طلب الاكل بتاعه كبده وبيتزا وكشرى وحاجات كتير كده المهم اجمل ما فى الموضوع ان سكر وابو خالد طلبوا بيتزا الاكل كله جه وقربنا نخلص والبيتزا مش عايزة تيجى المهم جات واحدة بيتزا لسكر وقعد الراجل ياكل ويدور على فواكه البحر وابقى قابلنى لو شفت رجل جمبرى واحدة الراجل عمال ياكل وابو خالد منتظر البيتزا بتاعته وبعدين جه الراجل يقول من طالب بيتزا فواكه البحر اييييييييييييييه فواكه البحر ومال سكر بياكل ايه طلعت البيتزا بتاعت ابو خالد وبتاعت سكر هى المتاخرة ابو خالد بص لسكر وبلهجة بور سعيدية جميلة انت اكلت بتاعتى وانا قاعد بتفرج عليكم .
المهم خلصنا اكل وطلعنا نحلى عند عزة مييييييين عزة مش عارف المهم احنا طلبنا ايس كريم والاخ سووووو طلب ام على وابو على والعيلة الكريمة بس مع الاسف ام على ما طلعتش حلوة واستكفى بابو على بس
المهم خلص اليوم الجميل الرائع وانصرف الجميع ابو خالد لبور سعيد وبطوط على المنوفية وسوووو وسكر وانا على القاهرة فى عربية سكر وطبعا انا ليه يومين ما نمتش وكنت طمعان اقعد فى الكنبة اللى ورا واديها الحنان بس الواد سووووو عمل الدنيئة واحتل الكنبة وناااااام وانا قعدت جنب سكر وكان هاين عليه اسيبه وانام بس بصراحة خفت لان سكر كان تعبان ومرهق ونفسه ينام هو كمان قلنا وعلى ايه بلاها نووووووم النهاردة كمان المهم استريحنا شوية فى الطريق ورحت جبت مشبك لهمس ومامتها قلت اضحك عليهم واسمى جبت حاجة روحت البيت قالولى جبت معاك من البحر قولتلهم مشبك قالوا يا ما جاب الغراب لامه وقعدوا ياكلو برده المهم انا كنت جعاااااااااااان نوم وعايز اناااااام علشان اروح الصبح الشغل والساعة بقت 4.30 الفجر قلت غراااااب غررررررراب وده جزاءت اللى يجيب حاجة لمراته .
فى النهاية شكر وتقدير وعرفان لكل الحضور وعتااااااب بسيط لكل اللى ما جاش وخصوصا الرااااايق ومواطن مصرى نايم براحتك يا اسلام .

بس برده راجع تااااااانى يا اسكندرية


موضوعات ذات صلة

يوم من عمرى حنين القلب

ايووووووه ياجدعان مها زين

المهم انى روحت روح قلب ماما

كوفى شوب وقلعة بس بطوط حبوب

هناك 55 تعليقًا:

حنين القلب يقول...

هيييييييييييييييييييييه
اول تعليق
اروح اقرى وارجع اتكلم براحتى

حنين القلب يقول...

انا اللى اتشرفت بيك وبيكم كلكم
اسكندريه نورت بيكم والله
بس بجد يا خالد انت طلعت جدع جدعنه مش حصلت حسيت انك اخويا بجد مش كلام والله وخفه دم ايه يا عم وزوق واخلاق
بجد ربنا يكرمك ويجازيك خير على اليوم الجميل ده
ويتكرر تانى ان شاء الله

حنين القلب يقول...

بقولك ايه مش تاخد على كده
الهدنه دى اخرها النهارده
ويرجع الوضع كما كان

فاهمنى

فاتيما يقول...

خالوووووود
أحساسك فى محله
أنا حسيت إن حنين فيها كتير منى بس زمان قبل ما يدوسنى القطر
مش الأيام دى
يعنى كنت كسوفة زيها كدا و رومانسية و قلبى بيتخطف علطول ...
ربنا يكرمها و يكرمك يا خالد
و أنا اللى إتشرفت بالحضور
و لو كنت عارفة إنى هقدر آجى كنت كلمتك بدرى شوية و سافرنا سوا بدل ما كل واحد إتشحطط لوحده فى مواصلة
المهم التجمع كان جميل
و الصحبة فيه اجمل
ربنا يكتر أيامنا الحلوة
بش بشرط تكون أول واحد موجودىفيها
تحياتى يا أبو همس
يا مجمع الأحباب كلهم

فرنسا هانم يقول...

خالد
وصلنى اميلك الرقيق
شكرا لك على ارسال الاميل والسؤال عنى
واحب اطمنك انى بخير
واوعى تصدق كلام الرايق
مهما يقولك
تأكد انى بخير والحمد لله
ولا ينقصنى الا رابع المستحيلات
هل تعرفه ؟؟؟؟؟؟؟؟؟
هو ان اكون ضمن تلك النخبه من المدونين
ليعلم الجميع
اقولها بكل صدق واخويه
ليعلم الجميع اننى احب لقائكم واتمنى تواجدى بينكم اكثر من امنياتكم بلقائى
ولكن تاتى الرياح بما لاتشتهى السفن
على كل حال
الحمد لله
انى معكم الان بقلبى
وشاهدت الفرحه فى كلماتك
والتمستها فى حواراتك عن الاخوه المدونين
اما حبيبتى وروحى الغاليه واخر العنقود حنين القلب
فلها منى قبلات حاره
ودعوه للعزيز الكريم ان يسعدها باخوان فى عالم التدوين لانها من القليلات الجميلات التى سكنت قلبى
اما بقى فاتيما الغاليه
وام يوسف القويه
فاقول لها وحشتينى جدا
وان كنت انا بعيده عنكى
فالتمس قربك انتى منى

واخيرا الى خالد مره اخرى
اوعى تقول كان فيه بيتزا وفواكه بحر وفواكه شجر وجاتووه
لحسن ابوك الرايق بيشمشم على الاكل زى القطط

همس الاحباب يقول...

حنين القلب
فاتيما
اسف جدا بس ما ينفعش تكون فرنسا عندى واستنى بصراحة
فرنسا هانم
منورة المدونة منورة المدونات كلها
لا منورانى انا كمان انا حاسس ان الكهرباء عندى بقت 9000 فولت
انا حاسس لا انا مش حاسس بحاجة
انا اغمن عليه خلاص ....
بجد انا سعيد جدا بزيارتك وسعيد جدا انك بخير وبموووووووت من السعادة انك علقتى عندى كمان ده فى حد ذاته وسام على جبينى
ياااااااه احنا كلنا نتمنى انك تكونى معانا ووسطنا
بس انتى محفورة بقلوبنا قبل عقولنا
وربنا يشفيكى ويطمنا عليكى دائما
وتكونى معانا فى اللقاءات الجاية وانا على نفسى هاعمل لقاء مخصوص فى السويس
احتفالا بفرنسا هانم ومش هقول للرايق يا ستى انه فى لقاء فى السويس كمان
اما البيتزا وفواكه البحر
مع الاسف شم الريحة احنا وبنكلمه على التليفون وكان عايز يجى زحفا وحبوا
بس احنا استعجلنا ومشينا تلاقيه لسه بيزحف لحد اسكندرية
تحياتى وتقديرى لاجمل فرنسا فى الكون

سمر الشافعى يقول...

ماشى ماااشى خليكو كدا غيظو فينا براحتكو

هوا يعنى عشان ماانتو بتتحركو براحتكو واحنا مش مسموحلنا نيجى معاكو

د. إيمان مكاوي يقول...

جميله جدا تجمعاتكم ...ربنا يجمعكم على الخير دائما ..وإن شاء الله نلتقي جميعا يوم حفل كتاب مدونات مصريه للجيب
تحياتي

maha zein يقول...

ايه طيب
هه
اعمل فيكم ايه
يعني سربتوني واتفسحتوا انتم
اكيد دي مكيدة ومخطط
وانا هنتقم منكم
ماشي يا برنز
عموما اليوم ده كان وهمي
وكان فظيع
انا حسيت اني اعرف ناس كتير الان
وناس محترمة
حسة ان معارفي زادوا
وبقم كتيييييييييييييييييييير
بجد تسلموا كلكم
وتسلم يا ابو همس يا متين
يا جدع

حنين القلب يقول...

فرنسا هانم
بجد والله كلنا حسنا انك معانا
بقلوبنا اللى بتحبك
وبعقولنا اللى علطول مشغوله بيكى وعليكى
حقيقى اتمنى اقابلك واقعد معاكى ولو ربع ساعه بس
ربنا يشفيكى ويخليكى لينا كلنا يا قمر المدونات ودفئهاوحنانها وحبها وطيبتها
بحبككككككككككككككككككككككككككككككككك

مووووووووووووووووووء
احلى بوسه لحبيبه قلبى وروحى

حنين القلب يقول...

تن تن تن
الساعه الان الثانيه عشر مساء
يعنى الهدنه انتهت
خالد انا برضه اللى شنطتى شبه شنطه الحقن وانت شوربه العدس اللى كنت واقع فيها كانت حلوة
وبتتفق عليه انت وسكر ماشى
وبتسيح ماااااااااااشى
اشررررررررررررب بقى

حنين القلب يقول...

شوفتو يا جماعه

الاستاذ خالد اللى عزمنا طلب ليه سندوتشات كبده وطلب هو كشرى وجت السندوتشات قبل الكشرى واكل السندوتشات بتاعتى كلها وانا فضلت ساكته على امل يسيب ليه اى حاجه والاخر حلى بالكشرى
وانا فضلت جعانه
اقول ايه بس
فكرنى باغنيه عماد بعرور
هو اللى مجوعهم هوووووووووو
هو اللى مشردهم هوووووووووووو

كرييييييييييييييم يا ابو همس

Mahmoud البطراوى يقول...

خالووووووووود الكبير

بجد بجد يا عم خالد كان يوم تحفه
والناس كلها كانت روعه

وانت طلعت شخصيه جميله اوى

ربنا يكرمك يااااارب

Ahmed Kamal يقول...

أهو لقاء اسكندرية ده فاتني صحيح ، لكن موضوعك و موضوع فاتيما عوضني ، كان نفسي أكون معاكم ، لكن الجايات أكتر إن شاء الله ، و أرجو نتقابل في حفل التوقيع يوم السبت إن شاء الله .

سلام عليكم

nona يقول...

خالد همس الاحباب
كتابتك عن اليوم الجميل دة و بالتفصيل حسستنا اكنا كنا موجودين معكم بس فى نفس الوقت زعلت جدا ان يوم زاى دة فاتنا
ربنا يجمعكم ديما فى الخير
و المرة الجاية نحاول نكون معكم باذن الله

بنت الصالحين يقول...

ماشاء الله

بارك الله هذا الجمع الطيب

مجرد خواطر يقول...

السلام عليكم
ما شاء الله ربنا يسعد قلوبكم يا رب وافضلوا انتم غيظوا فى المدونين المتغربين كدة لحد ما هتعقدونا اكتر ما احنا بجد كان نفسى اكون معاكم

Unknown يقول...

الحمد لله انه كان يوم حلو
ووالله كان نفسى اجى بس اعمل اية ؟؟

زيزو الشقى يقول...

بسم الله الرحمن الرحيم

همس الأحباب مدونتك حلوة قوى

وكل عام وانتى بخير

وكل سنة وانتى طيبة

بمناسبة شهر رمضان

شهر الصوم

تحياتى

وكل احتراماتى

اتمنالك التوفيق

واتمنالك النجاح

مدونتى تنور لو زورتيها

شكرا



عز الدين



سلااااااام

Empress appy يقول...

المره الجايه بقى ابقى اجي اقرفك عنيه بس اعمل حسابك فى حبوب الصداع يا باشا

Unknown يقول...

ياه لم قريت بوستات اللقاء خليتنى اتحمس واقول: يا ريتنى كنت معاهم
بجد انا قولت لأبونا كلنا أبو خالد واعتذرتله وقابلته تانى يوم فى لقاء مدونى الدقهلية
وكان نفسى بجد اكون معاكم بس منه لله شغل المبيعات بياخد كل الوقت وان شاء الله تتعوض واخد اجازة واحضر بس بلغونى بس
تحياتى

Gannah يقول...

أستاذ خالد
انا هنا علشان أشكرك على اليوم الجميل جدا واللقاء اللى الحقيقة كان فرصة للتعرف بمجموعتكم الرائعة
واضح ان يوم الاسكندرية كمان كان جميل
كل سنة وانت طيب
نتمنى نشوفك كمان فى بورسعيد وفى المدينة المنورة وحقيقى نفسى اشوفكم كلكم هناك
تقبل تحياتى

عاشــــــ النقاب ـقــــة"نونو" يقول...

في الخير دايما متجمعين
هتجننوني
نفسي احضر معااااااكم
يلا كله باوان
كل عام وحضرتك بخير

Unknown يقول...

خالد
خليك جدع وشيل البوست دا
كل ما اشوفة ازعل انى مش جيت معاكم
وانت ياعم مقضيها ماشاء الله
يوم اسكندرية ويوم بؤجة وبعدين ختمتها بالتوقيع وانا قاعدة فى بيتنا
حرام بقى
انت مش عندك بنات
مش تغيظ بنات الناس التانية
:(

زُمُرده يقول...

ايووووووووووووه ياجدعان
لو تعرف ان فرحت اد ايه يومها واتبسطت
عارف زي ما تحس ان الظلام بقى نور وانت بقالك سنين بتحلم بيه
زي ما تكون رحال تايه من قرون واخييييييييرا لقى دربه واهله وسكن وارتاح
بجد اسكندريه نوررررررررت جدا
كان نفسي امشيكم اطول وقت ممكن ع البحر وخصوصا الساعه اللي قبل الغروب واقعدكم على البلوكات والميه تيجي عليكم
وتشوفوا الاحساس
وخصوصا انت لأنك اكتر واحد حسيت بشوقه اوووووي للبحر
بس تتعوض الاجتماع الجاي
اللي هو امتى علشان افضي نفسي تماااما
نورتونا بجد

زُمُرده يقول...

حلوووو اووووي كده

نادرا ما يحصلي كده بس اهو الواحد حاسس انكم ويانا

يلا هستنى الاجتماع التاني
على البلوكات .........مليش دعوه

قوس قزح يقول...

خالد برغم انى متغاظة من البوست ده لانى مكنتش معاكم
لكن جاية اقولك شكرا انك وقفت معنا فى موضوع بؤجة الخير و جزاك الله خير على مشاركتك و مساعدتك

بس بردو متغاظة منك عاااااااااااااا

Ahmed Fahmy يقول...

قبل ما اعلق علي اي حاجة
انا عايز تعويض عن وصفي بالمنوفي
هههههههههههههههه
دي اهانة لا اقبلها
:D
دي اهم نقطة
كان يوم جميل و ان شاء الله المرة الجاية في تفاعل اكتر

(احمد سكر ) يقول...

كدا الشرده دى يامعلم

تفضحنى وتعرف الناس كلها ان نومى تقيييل


ماااشى

بجد ياخالد انت انسان جميل اوى

وانا سعيد جدا انى اعرف شخص زيك

ومش همدح ولا ااقول فيك كلام

لانى مهما قلت مش هوفيك حقك

ربنا يارب يديم المعروف

ونتجمع دايما ف الخير

وبوووووووووسه لهمس

احمد سكر

شفـقــة و إحســــان يقول...

يا بختكم كان نفسنا نكون معاكم
بعد كده تقولولنا بس المواصلات على حسابكم
احنا اتشرفنا بمعرفتك جدا جدا جدا ويارب نكون اصدقاء علطول
شفقة

tarek alghnam يقول...

اخى الحبيب
اولا كل عام وانت بخير
ويارب يعيد عليك الايام بكل خير
مش عاوز اقولك بحسدك
اللهم لاحسد
ولكن اتمنى ان اكون بصحبتك وصحبه هؤلاءالمدونين الرائعين
تقبل تحياتى
ودمت بحفظ الله

aya يقول...

كل ما اسمع عن لقاء للمدونين تم والناس اللى راحو بيحكوا عنه احس انى ندمانة والله

يارب دايما متجمعين فى الخير وعلى الخير يارب

ربنا يكرمكم كلكم ويباركلك

خالد من كلام الناس عنك حسين انك شخص يستحق كل احترام

وواضح انى اتاخرت جدا فى انى اعرف مدون زيك

بس يالا ملحوقة
باذن الله انا جبت العفش بتاعى وكل حاجتى وقاعدة هنا اهو على باب المدونة
بعد اذنك يعنى

كل سنة وانت بخير وبسعادة

غير معرف يقول...

حاجه حلوه اوى ان الحلم بقى حقيقه

ما شاء الله

و يا رب تجمعات خير دائمه كده

انين الحزن يقول...

حقق حلمك لوحدك ماشي ياخالد

دنا زعلانه منك اوي

فاكر اخر مرة كلمتيني فيها استنيتك تكلمني تاني انا كنت زعلانه ياخالد وزعلت اوي لما ما سئلتنيش


عامه انا اطلع اجدع منك واقولك كل سنه وانت طيب بس اعمل حسابك ان المره الجاية هااكون معاكم بس ياريت تكون في الشتا ماشي علشان خاطري يعني

سلامووووووز ياخالود
وزة

همس الاحباب يقول...

حنين القلب
الشرف لينا يا ستى واحنا كنا سعداء واحنا بينكم ومعاكم
ربنا يجمعنا دايما على خير
تحياتى

همس الاحباب يقول...

حنين القلب
هههههههه ههههههه
ماشى يا ستى
ما احنا بنقول اهلا بالمعارك والتقطيع

همس الاحباب يقول...

فاتيما
الغالية ام يوسف
بصراحة انا لاحظت انكم شبه بعض فى الطيبة والحنية وخصوصا لما انفردتم ببعض وقعدتم 13 ساعة فى ...
يا ترى كنتم بتقولو ايه ..
ههههههههه
لا بجد يا فاتيما وجودك بيعمل جو من الالفة والبهجة فى المكان انتى من الناس اللى ليهم قبول على مستوى عالى
ربنا يحبب فيكى خلقه
تحياتى وتقديرى لاغلى ام يوسف فى الدنيا
تحياتى وتقديرى

همس الاحباب يقول...

فرنسا هانم
احلى واجمل فرنسا فى الدنيا
منورة تانى وتالت ورابع ومليون
ما تعرفيش انا سعيد قد ايه انى طمنت عليكى
كل سنة وحضرتك طيبة ودايما منورانا
يا ست الكل

همس الاحباب يقول...

سمر الشافعى
منورة يا سمر
وسعيد بزيارتك
واتمنى انك تكونى معانا فى اللقاءات القادمة
تحياتى وتقديرى

همس الاحباب يقول...

ايما ( ام البنين )
ربنا يكرمك اختى العزيزة
وسعيد جدا بمقابلة حضرتك فى بؤجة الخير
ولقاء المدونين
وانتى وابو ابو البنين والزعرور الصغير
تحياتى وسعيد جدا بتواصلك

همس الاحباب يقول...

ايما ( ام البنين )
بارك الله فيكى
وجعلها فى ميزان حسناتك

همس الاحباب يقول...

مها زين
يا مرحبا نوركم غطا على الكهرباء
منورة يا دكتورة اللقاء والمدونة
بجد سعيد جدا بمعرفتك
ويا ستى انتى كنتى مستعجلة علشان ظروف السفر
عامة خيرها فى غيرها والجيات اكتر
وبعدين بلاش طمع كفاية انك من يوم الجمعة لفيتى اسكندرية كلها
تحياتى وتقديرى

همس الاحباب يقول...

حنين القلب
عامة فرنسا هانم فى قلوبنا كلنا
وعلشان كده اعديها ليكى
مش ملاحظة انك احتليتى المدونة وبتردى على التعليقات كمان

همس الاحباب يقول...

حنين القلب
اهلا وسهلا بالمعارك
انتهت الهدنة
تن تن تن
ههههههههه
لا يا باشا انا اقدر
انتى فهمتى غلط
بلاش سوء النية دى

همس الاحباب يقول...

حنين القلب
ههههه ههههه
انا برده
يا بنتى بلاش تسييح
خلى الطابق مستور
وابقى اجدع منك ومش اسييح
واسيبك للزمن
تحياتى

همس الاحباب يقول...

بطوط حبوب
منوريا دكترة
وانا اللى سعيد بمعرفة حضرتك
وسعيد بالتواصل يا باشا
واسف اننا حرمناك من فترة النوم
تحياتى يا باشا

همس الاحباب يقول...

احمد كمال
بصراحة كنا مفتقدينك فعلا
وان شاء الله الجايات اكتر
ودايما نلتقى على خير
تحياتى وتقديرى

همس الاحباب يقول...

نونا
اهلا وسهلا منورة يا اختى
وربنا يكرمك وتكونى معانا دايما
===========
عاشقة الفردوس
بارك الله فى حضرتك وجزيتى خيرا
وسعيد جدا بالتواصل
==========
مجرد خواطر
اختى العزيزة كل سنة وحضرتك طيبة
ودايما منورانا وسعيد بتواصلك
==========
نهر الحب
براحتك اليوم كان جميل
بس الجيات اكتر يا ستى

=============
زيزو
اهلا وسهلا بك اخى فى عالم التدوين
وشكرا لكلماتك الرقيقة
شرفت بزيارتك

همس الاحباب يقول...

ابى هانم
ههههههههههه
بجد كنا مفتقدين النحلة والدبور وكان نفسى تكونى معانا بجد
عامة ملحوقة يا باشا
وانا جاهز للصداع
=========
ايمن بدر
سعيد بزيارتك
ويا ريت تكون معانا فى اللقاءات القادمة
منور ياباشا
============
جنة
ربنا يكرمك يارب
انا سعيد جدا بمقابلتك
وسعيد جدا لزيارة حضرتك واتمنى نشوف حضرتك فى بور سعيد قبل السفر
تحياتى وتقديرى
==========
عاشقة النقاب نونو
ربنا يكرمك وتكونى معانا دايما قلبا وقالبا
وكل سنة وحضرتك بخير ورمضان كريم
=======

همس الاحباب يقول...

نهر الحب
بعينك مش اشيله خليه كده
انا مبسوط فيكى
هههههههههه
بس بجد كنتى اتشرفينا لو جيتى معانا
تحياتى ودايما سباقة للخير
===========
زمردة
ربنا يبارك فى حضرتك
وسعدت جدا بالتعارف بالمجموعة الجميلة وخصوصا اهل اسكندرية
عندك حق انا كنت اتجنن واشوف البحر
انا مغرم اتفرج على البحر وخصوصا وقت الغروب بيشدنى قوى المنظر وجمال البحر
تحياتى وتقديرى
=============
زمردة
هههههههههههه
وانا كمان مستنى اللقاء
حتى لو كان وسط البحر موافق
والحمد لله ان اليوم عجبك وبقيتى مبسوطة
============
قوس قزح
هههههههههه
متغاظة بس
انا عايز حاجة اكبر من كده
ويا ستى ربنا يجازيكى خيرا على يوم بؤجة الخير وما فيش شكر بين الاخوات
تحياتى اختى العزيزة
=================

احمد فهمى
ههههههههههه
يا سيدى انا اتشرفت بمقابلتك
واهانة غير مقصودة بالمرة ههههههههه
بس بطوط كان متمسك بالجنسية
هههههههههه
سعيد بزيارتك جدا
================

همس الاحباب يقول...

احمد سكر
حبيب قلبى
لازمن الشردة يا باشا
وبجد سعيد بتواجدك معانا
وشكرا عل كلماتك الرقيقة اخجلتم تواضعنا ههههههههههه
بس ده من ذوقك
وانا اللى سعيد جدا بمعرفة حضرتك
تحياتى وتقديرى
==============
شفقة هانم واحسان بك
اهلا وسهلا باجدع ثنائى على النت
سعيد بزيارتك
واتمنى التواصل وشرفت جدا بلقائكما
ودايما مجتمعين فى الخير .
=============
طارق الغنام
كل سنة وحضرتك بصحة وسلامة
ورمضان كريم
ونتمنى اننا نلتقى قريبا
سعيد بزيارتك اخى العزيز .
================
ايه.
اهلا وسهلا بحضرتك
ومنورة المدونة وان شاء الله نلتقى قريبا فى لقاء المدونين
يا ستى المدونة تحت امرك
خدى راحتك بس يا ترى اتدفعى كام فى اليوم هههههههه
تحياتى وسعيد جدا بزيارتك
==================
مجنوليا
الحمد لله
وربنا يحقق كل احلامنا
ونلتقى دائما على خير
تحياتى وتقديرى
===========

همس الاحباب يقول...

انين الحزن
ههههههههه
يا باشا ما اقدرش على زعلك ابدا
وكل سنة وحضرتك طيبة وبصحة وسلامة
ويارب اشوفك عروسة واجمل وزة على اجمل سفرة كمان
ويا ستى مفيش زعل بين الاخوات
تحياتى لاجمل وزة

nigro يقول...

أبو همس
إزيك يا باشا
أخبارك إيه يا خالود
معلش يا أبو همس إني متأخر في السؤال
بس و الله مابيمنعنيش غير الشديد القوي
و أنا أساسا أصلا مستأكد إنك مش زعلان
لأن أصلا أصلا مفيش زعل بين الأخوات
ولا إيه ؟

ابقى سلملي على البت وزة لو كلمتها
و قولها كل سنة و هي طيبة
و قولها كمان الندالة ليها ناسها

كل سنة و انت طيب يا زعيم و الأسرة الكريمة في أطيب حال

بلغكم الله و إياي شهر رمضان الكريم و أعاننا على صيامه و قيامه على أكمل وجه


يلا سلام

امل يقول...

السلام عليكم
وصف اللقاء خلاني اتمنى لو كنت معاكم
بس ان شاء الله تتعوض
كل سنة وحضرتك بالف خير بمناسبة شهر رمضان الكريم ربنا يتقبل منا جميعا فيه ويغفر لنا
تحياتي

انى احبكم فى الله يقول...

المدونه رائعه
ورمضان على الابواب يللا نفتح الباب
الموضوع جميل والمدونه جميله والحقيقه انا كمان عامله موضوع عن رمضان ياريت تشوفيه من اجل رمضان