29 أغسطس، 2008

رمضان على الابواب .... كل عام وانتم بخير

بسم الله الرحمن الرحيم

كل سنة وانتم بخير وبصحة وسعادة


طبعا كلنا فى انتظار ضيف عزيز على قلوبنا جميعا ضيف بننتظره مرة فى العام وعلشان كده هو عزيز وغالى قوى على قلوبنا بس السنة دى مختلف شوية عن كل عام حاسس باحساس مختلف انى وسط احبابى واصحابى فى عالم التدوين علشان كده ليه طعم مختلف شوية بالنسبة ليه وعلشان كده باقولكم كل سنة وانتم بخير واشهد الله انى احبكم فى الله جميعا ..

الفترة اللى فاتت كانت فترة مليئة بالاحداث العالمية والمحلية منذ لقاء اسكندرية مرورا ببؤجة الخير ثم اخيرا حفل توقيع العدد الثانى من مدونات مصرية للجيب ( مصر فى قطعة جاتوه).

طبعا شرفت بلقاء عدد كبير جدا من المدونين والمدونات خلال تلك اللقاءات مما زادنى سعادة وسرور بمعرفة اناس واشخاص اقل ما يوصفوا به انهم اناس رائعون واصحاب قلوب نقية شفافة ونظرا لانشغالى خلال الفترة الماضية والفترة القادمة كمان اسف لعدم متابعة كل المدونات اللى انا بحبها.

وخلال شهر رمضان ابقى متواجد احيانا لمتابعة الاحداث وادارة شئون وغالبا اتبقى فيه بوستات دينية خلال الشهر الكريم .

طبعا ناوى اسافر الصعيد اقعد كام يوم كده ليه زمان ما حضرتش رمضان فى الصعيد من عشرميت سنة كده

اهو فرصة نشوف الدنيا هناك وصلت لفين ومنها نغير جو القاهرة اللى اصبح يخنق ونشوف الاهل واصدقاء الدراسة

ياااااااااه بجد وحشتنى ايام الدراسة قوى ووحشنى النيل والجامعة فى سوهاج وحشتنى الخضرة والشجر والزرع

يلا كانت اياااااام الله يرحمها بقى .

المهم شدوا حيلكم فى رمضااااااااان عايزين حسنات كتير كفاية سيئات طول السنة وبلاش فوازير ومسلسلات وبلاش كنافة وقطايف علشان خاطر وزنكم والله بحس ان الشعب المصرى صايم طول السنة ومش بيفطر غير فى رمضان

وبمناسبة حلول شهر رمضان المعظم اقولكم على اجمل رسايل وصلتنى على الموبيل :

" ابليس بيهنيك بحلول رمضان وبيقولك شهر وراجع لك يا جميل "

" يقولون فى شهر رمضان تفتح ابواب الجنة وتغلق ابواب النار وتقيد الشياطين .. والله هتوحشنا "

" غدا اول ايام رمضان وتم اعلان ذلك فى الصعيد حيث شوهد الهلال على سيارة اسعاف "

اما انا عايز اقولكم " زهر وورد وريحان قطفته من حديقة الرحمن هدية لاعز الناس بحلول شهر رمضان"

كل سنة وانتم بخير

رمضان كريم

هناك 32 تعليقًا:

حنين القلب يقول...

هييييييييييييييييه
اول تعليق اروح اقرى وارجع تانى

حنين القلب يقول...

كل سنه وانت طيب
وكل رمضان وانت بخير وفرحان بهمس يا رب

وبطل اكل كنافه لحسن كرشك هيكبر وانت مش ناقص وهتبقى شبه عبد الفتاح القصرى

نيييييييييييييييهههههههههههههههههههااااااااااا
كل سنه وانت قمر التدوين اللى لممنا حواليه دايما

حنين القلب يقول...

نسيت اقولك فييييييييييين الفانوس

انا عايزة فانوس كبييييييييييييييييييييييير
وبيغنى ويرقص ويقول رمضان جانا اهلا رمضان
وبلاش بخل والنبى على قد ما تقدر علق عليه نور عايزة احس انى رايحه فرح بالفانوس ومش تنسى الحجارة مااااااااااااااااشى

حنين القلب يقول...

خالد بقولك ايه بلاش موائد رحمن السنه دى علشان السنه اللى فاتت عرفوك وكتبوا السنه دى ممنوع دخول خالد او اى حد من طرفه
ربنا يسامحك كنت عامله حسابى افطر هناك بس خايفه اضرب

حنين القلب يقول...

الخامس والاخييييييييير
علشان اخد كيلو كنافه وربع قطايف علشان انا بعمل رجيم
خالود والنبى يا اخويا طالبه منك طلب وانت بتجيب الفانوس مش تنسى تجيب ليه شنطه الياميش ومش هاكتر عليك عايزة
5 كيلو زبيب
و6 كيلو عين جمل
و9 كيلو بندق علشان اشرف بيحبه
و4 كيلو لوز
و19 كيلو لحمه بس تكون جاموسى مش حميرى ولا كلابى
ولا اقولك اضمن من كده هاتلى خروف صغنن وانا هدبحه وافرقه براحتى

وايييييييييه كمان يا بت يا حنين بس كفايه انا هجيب الباقى
وربنا يجعل بيت المحسنين عمااااااااار

رئيس جمهوريه نفسى يقول...

ايه التاخير بتاعكم ده احنا صمنا من اسبوع يا راجل اصلى عربية الاسعاف جاءت بدرى عن ميعادها
ياريت تلحق بدل ما تكون نازل تقضى ايام رمضان فى سوهاج تلاقى نفسك بتعيد يا حلو

كاميليا يقول...

كل عام وانت بخير

كل عام وانت الى الله اقرب وبقلب اصفى وانقى

وكل رمضان وانت طيب

تحياتى

maha zein يقول...

طي يعني ينفع كده
لا وصلني منك فانوس ولا اي حاجة يعني
هه
يصح
ولا ميصحش
اكيد ميصحش
وطالما اعترفت بذنبك
يبقه هسامحك
وهقولك كل سنة وانت بصحة وسلامة ومدونين مصر بخير
وبينتك العسولة دي بخير
صورتها عسولة وفعلا شقية شكلها
هتروح الصعيد وتغيب عن زوراك
ينفع كده
عموما متنساش بقه هديتنا من الصعيد
وكتر من الشلولح
يلا اراكم في اي افطار جماعي او اي افطار في دار ايتام مثلا
تحياتي

اسكندراني اوي يقول...

وبعدين بقى في الناس الي قاعدين على باب البلوج مش عارفين ناخد منهم اول تعليق لا وكمان واخدين التعليقات مقاولة

كل سنه وانت طيب ورمضان كريم عليك وعلى الاسره واكيد الذكريات حتتجدد مع الاهل في البلد
اتمنى لك وللاسره رمضان مليئ بألحسنات وعامر بالطيبات من الاعمال

لماضة يقول...

كل سنه وانت طيب يا ابو همس
يعود عليك الايام بخير
هاتلنا حاجه حلوة بقى وانت جي
جبت لهمس الفانوس ولا لسه

بطوط حبوب يقول...

كب سنه وانت طيب ياعمنا

وضحك على كومنتى زى ما انت عايز

لما ابقى اشوفك بس
:D

مجداوية يقول...

السلام عليكم
كل عام وأنت بألف خير
اللهم اجعلنا من العتقاء يا رب العالمين

آمين

رندا يقول...

اخى الجميل خالد
يااجمل اخ وافضلهم على قلبى

رمضان كريم عليك وعلى اسرتك الكريمة
تقبل الله قيامك وقيامك وغفر الله ذنبك

اراك ان شاء الله بعد رمضان

رمضان كريم

رندا

لورنس العرب يقول...

كل عام وأنتم بخير
انا لسه بحضر فوانيس لكل معارفي على البلوج ان شاء الله هايخلص باليل
يبقي تعالي خدي الفانوس بتاعك

appy يقول...

كل سنه وانت طيب يا ابو همس وفين الفانوس بتاعى بدل ما اوديك الحضانه تانى وانت عارف

أبو خالد يقول...

كل عام و أنت و أسرتك الكريمة بخير
كل عام و أنت علي أعمال الخير أدوم
ربنا يبارك لك في همس و يخاويها
إلي أن نلتقي أحبك في الله

سمر الشافعى يقول...

كل عام وانت الى الله اقرب وعلى طاعته ادوم

وربنا يجعلنا من المغفور ليهم يارب

الشنكوتي الكبير يقول...

رمضان كريم يااجدع الرجال
كل سنه وانت طيب يا خالد باشا
عقبال ما نقضيه صحبه في مكه
ربنا يسعد ايامك ويتقبل صيامك

احبك الذي احببتنا فيه يا اخي الكريم
سلاااااااااااااااااااااااااام
اخوك ايهاب

عاشــــــ النقاب ـقــــة"نونو" يقول...

▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ kol 3am w antom be5eer ▒▒♥▒▒♥▒▒كـــــــــريــم♥▒▒رمضــــــــان♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥

الحشرى - سيد يونس يقول...

كل عام وأنتم بخير

وتقبل الله منا ومنكم صالح الأعمال أخونا الحبيب

أحسن تـستاهـل يقول...

يختي ده انا اول ما شفت الجملة بتاعة رؤية الهلال على سيارة اسعاف في الصعيد ضحكت ضوحك مش ضحك لأ ضوحك بتاعتك دي عارفها؟؟
نياهاهاهاها

احم
تعالى بأه هنا يا اونكل خالد،، ازاي كل ده ما تجيش تزورني في مدونتي هه؟ هه؟ لأ بجحد قولي ازاي؟
ده انا متأكدة ان البوست بتاع عيد ميلادي اللي انا منزلاه من 2365235 سنة وقرب يحمض وانا اللي قلت انك اول ما تشوفه مش هتسيبني ف حولي أصدي في حالي ؟؟
ياللا ما علينا المسامح كريم عشان رمضان كريم

ربنا يديم علينا الايام الجاية بالخير والثواب والحسنات
قول آمين
مش سامعة
:)

مها ميهوووو

Ahmed Al-Sabbagh يقول...

حبيب قلبى احلى خاااالووود

كل سنة وانت والأسرة الكريمة بكل خير

ورمضان كريم

وبعودة الايام

تقديرى ومحبتى

أحمد

Gannah يقول...

أخى الكريم خالد
كل عام وانت بخير
اللهم تقبل منا ومنك صالح الاعمال
انا زرت الصعيد مرة واحدة بس بجد الناس هناك جدعة قوى
تحياتى لك ولاسرتك الكريمة

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

خديجة محسن "لؤلؤة الاسلام" يقول...

مدونة رائعة ما شاء الله
و كل عام و انم بخير
ورمضان كريم
هذه اول زيارة للمدونة بس
ان شاء الله تتكرر
و تحياااااااااااااااتى

A7MeD F@hMy يقول...

كل سنة و انت طيب يا خالد باشا و ان شاء الله ماتفوتش فرض و تاكل قطايف و كنافة كتير
هههههههههه
تحياتي
-----------
رومانسي

Abo 7anf يقول...

السلام عليكم
كل سنه وانت طيب يعم خالد
بقالى كتير مجتش اسلم
المهم تعذرنى علشان الامنحانات
المهم
رمضان كريييييييييييييم

(احمد سكر ) يقول...

كل سنه وانت طيب ياخالودا

وربنا يبارك ليك فى همس يارب

دمت بكل الود

احمد

Dr.m يقول...

السلام عليكم
كل عام وأنت بخير
أحبك الذي أحببتنا فيه
جعل الله لنا جميعا رمضان هذا شهر رحمه ومغفره وعتق من النار

تحياتي
سلام

محمود الدوح يقول...

كل سنة وانت طيب يا ابو همس
وتفضل دايما بافضل حال

قولى بتبقى موجود فى القهوة امتى فى رمضان عشان اجى ارخم عليك فى يوم

رمضاااااااااان كريم

قلب مصرى يقول...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان