20 يوليو 2008

عن بور سعيد احدثكم

تحديث هام
باذن الله تعالى يوم الجمعة الموافق 1 اغسطس 2008 ميعاد الحملة الخيخية للتبرع بالدم بهيئة المصل واللقاح بالدقى
طبعا اتيجوا كلكم العنوان ما يتوهوش واللى يسال برده ما يتهوش اللى يجى بالمترو ينزل محطة الدقى ويركب اى حاجة توصله بهيئة المصل واللقاح واللى يجى مواصلات عادية يركب اى حاجة رايحة البطل احمد عبدالعزيز او رايحة وزارة الزراعة هينزل قدام الهيئة لمزيد من التفاصيل هنا خيخة- روح قلب ماما .
==================
عن بورسعيد احدثكم
بداية الموضوع اتصال هاتفى من والدى العزيز ابو المدونين (ابو خالد ) ودعوة كريمة من حضرته لحضور اجتماع مدونى بورسعيد يوم الخميس الموافق 17-7-2008 الساعة السابعة مساء ، وبما ان الدعوة من ابو خالد كبير العائلة التدوينية فصعب بل مستحيل الرفض لانى لا امتلك الجراة ولا الشجاعة فى مجرد التفكير فى عدم تلبية الدعوة مع ان ظروف العمل لاتسمح بالغياب ولو لساعة واحدة ولكنى قررت فورا الذهاب مهما تكن العواقب وبادرته مازحا على فكرة يوم الخميس ده يبقى يوم عيد ميلادى 17-7 فرد بجد انا هاعملك احلى عيد ميلاد فقولتله ربنا يكرمك انا بهرج ما فيش داعى هو فعلا عيد ميلادى يوم الخميس بس انا مش بحتفل بيه اصلا وانتهت المكالمة على وعد بلقاء يوم الخميس ببور سعيد .
يوم الاربعاء 16-7 اكدت على حضرته انى جاى بكرة باذن الله واتفقت مع الاخوة والاخوات المدونين الموجهة لهم الدعوة من القاهرة لحضور اللقاء بالسفر مع الاخ العزيز احمد سكر الساعة الثانية بعد الظهر ولكنى فوجئت باتصال من والدى العزيز يؤكد على حضورى مبكرا لان سكر وباقى المدونين احتمال يتاخروا وكالعادة وافقت على الفور ووعدته انى اكون الصبح فى بور سعيد وظللت الليل كله اترقب اللقاء والخوف والرهبة والشوق يعتصرنى لرؤية مدونى بور سعيد ورؤية مدينتهم الباسلة .
واستيقظت مبكرا على غير عادتى واستعددت للسفر وتوجهت الى محطة السوبر جيت بالترجمان بناء على تعليمات والدى العزيز ابو خالد ولسوء حظى لم الحق بميعاد 11.30 وانتظرت الميعاد التالى 12.30 وحجزت وتوكلت على الله واتصلت بابو خالد وقولتله ان شاء الله هاكون فى بور سعيد الساعة 3.30 ولسوء حظى الطريق كان زحمة موووووووت كالعادة وتاخرت اكثر من نصف ساعة بس بصراحة الرحلة كان دمها خفيف وما حسيتش بالمسافة وخصوصا ان ابو خالد كان متابعنى بالتليفون لحظة بلحظة لدرجة حسسنى اننى طفل صغير والده خايف عليه احسن يتوه بجد ربنا ما يحرمنى منك ابدا ولا من حنيتك والدى العزيز .
الحمد لله وصلت ارض الوطن بسلامة الله طبعا مجرد ما نزلت لقيت ابو خالد فى انتظارى فى المحطة حسسنى انى واحد مهم قوى وممكن ناس تنتظره .
طبعا ركبنا تاكسى وتوجهنا الى مسجد السلام لصلاة العصر وخلال الطريق ظل يشرح لى معالم بورسعيد ومعالمها واسماء شوارعها التاريخية وكم كنت سعيدا بتلك المعلومات القيمة وكم كنت منبهرا من جمال بورسعيد وروعتها .
نزلنا من التاكسى ودخلنا مسجد السلام لصلاة العصر وانتهت الصلاة وذهبنا لانتظار مدونى القاهرة اللى شرفونا بالحضور
اخى الحبيب احمد سووووووو ( عجوز وعنده 30 سنة ) فنان مصرى اصيل موهوب بحق وكان مفاجاة انه حضر اللقاء
المبدعة دائما اللى دماغها لاسعة من كتر النطح مع خرفانها ابى هانم ( كوكب ابى ) اللى بجد بتخلى اى لقاء له طعم ولون .
الرقيقة صاحبة اخف دم رودى ( بنوته مصرية ) بنوته مرحة شقية جدعة قوى قوى .

اخى العزيز قوى قوى احمد سكر ( احمد سكر ) شاب مصرى جميل جدع شهم تحس انه هادى بس شقى جدا وخفيف الظل .

اميرة الالوان المتالقة دائما داليا ( قوس قزح ) بنت مصرية جدعة تحس انها اجدع من 100 راجل تتميز بالتلقائية وخفة الدم المصرية .

ده جروب مدونى القاهرة

طبعا بدعوة كريمة من اطيب واحن اب فى مصر ابو خالد عزمنا على الغداء وكان كباب وكفته على البحر ياعبده يا رايق خليك بقى فى راس سدر وسط الرمل والزلط وانت فاهمنى طبعا ( بس بجد كان نفسى تكون موجود ..)

طبعا كرم واهتمام ابو خالد بينا جميعا كان فوق الوصف وصعب انى اوفيه حقه مهما اتكلمت عنه بكلمات تحمل اجمل الحروف والمعانى لانه يستحق اكثر من ذلك بكثير .

المفاجاة المدوية اللى كنت مش مصدق انها اتحصل فى يوم من الايام انى احتفل بعيد ميلادى او حتى افتكر اليوم ده من اساسه انا بعد 33 سنة اتولدت وتعلمت فى سوهاج وعشت فى القاهرة يتعملى عيد ميلاد فى بور سعيد تخيلوا انتم مقدار السعادة اللى انا فيها

طبعا ابو خالد كان عند وعده وفعلا عملى اجمل عيد ميلاد فى حياتى وجابلى تورته وحلويات ياااااااااااااه انا باحلم .

بعد كده توجهنا الى مكان اللقاء بمركز شباب الاستاد بصحبة ابو خالد وتقابلنا مع مدونى بورسعيد اللى بجد لما قابلتهم حسيت انى بعرفهم من زمان
الاستاذ طارق غنام (بور سعيدى ) شخصية مثقفة واعية مدركة لما يحدث من حولها بس واضح انه مغرم نطح خرفان .
والاستاذة داليا محمد ( اهو ده عيبه ) بنت بلد جدعة مثقفة فكرها عالى وكان نفسى اتكلم معاها اكتر بس خيرها فى غيرها
وأختها دعاء محمد (ربع ضارب) هادية وكلامها قليل قوى بس تحس انها واعية برده .
والأستاذة ايناس ( نهر الحب ) رقيقة جدا تحس انها عصفور كناريا رقيق مثقفه جدا لبقة فى حديثها .
والأستاذ محمد (كراكيب شيكو) انسان مهذب دمه خفيف جدا ومهرج وحاسس انه عنده عقدة من الزواج والحمد لله انا زودت العقدة دى عنده بس احب اقوله برده انسى يا عمرو بكرة تدخل الخية يا جميل .
والأستاذة الرائعه شيماء (اشمعنى انا) اللى بجد طلعت حدوتة فى خفة الدم والفكاهة وتحس انها فاهمه وواعيه بطريقة تبهرك وربنا كرمها بالجلوس جنب المبدع سووووو اللى عملها كوكتيل دخان استنشقته لوحدها وعايز اقولها تستاهلى .
كان يوم جميل بكل المقاييس بصراحة وكان لقاء رائع جدا تحت رعاية والدنا العزيز ابو خالد وبدات رحلة العودة من الساعة العاشرة مساء وحتى الثالثة فجرا وكانت رحلة جميلة جدا وخصوصا بصحبة مدونين بجد يتميزوا بخفة الدم والحضور البديهى اللى خلوا رحلة العودة درب من الخيال .
وخصوصا النحلة والدبور والصداع المزمن ابى هانم بخفة دمها وصداعها.
وخفة الدم المصرية والجدعنة رودى ام نوراللى طلعت كوميديان من الطراز الاول .
اللى مالوش حل خالص وبحس انه تؤام روحى سووووووو باشا الفنان المبدع
وحبيب قلبى من جوه احمد باشا سكر
اللى اتشرفت برجوعى معاهم فى رحلة العودة واللى اتمنى اكون معاهم دايما .
ايه رايكم نقضى يوم جميل فى اسكندرية فى شهر 8 ونقابل مدونى اسكندرية اللى موافق يرفع ايده . موافقة
وفى النهاية احب اوجه شكرى وعرفانى لوالدى العزيز ابو خالد على كرمه وحنانه واهتمامه بى على وجه الخصوص وعلى الجميع بوجه عام واحب اقوله انت فعلا اب حنون وتستحق ابو المدونين بلا منازع والله العظيم .
ربنا يبارك فى حضرتك وما يحرمناش من حنانك واهتماماك بكل المدونين .

هناك 72 تعليقًا:

حنين القلب يقول...

هييييييييييييييييييه
اول تعليق
وبعد طول انتظار
حنين اول تعليق
الحمد لله يا رب
اروح اقرى بقى

حنين القلب يقول...

اولا كل سنه وانت طيب
ثانيا يا رب بطنك توجعك علشان اكلت كباب وكفته من غيرى
ثالثا انا كنت نفسى اكون معاكم
واشوف ابى الحبيب ابو خالد
بس كفايه انى بجد سمعت صوتك يا بابا اليوم ده بجد والله اسعدتنى جدا مكالمتك
وبقول لخالد شكرا يا سيدى

حنين القلب يقول...

والتعليق التالت
وجوووووووووووووون
بيب بيب اهلى
انا موافقه على رحله اسكندريه
دنا كمان بنادى وبشده ان اغلبيه المدونين اللى يقدروا يجيوا ينورنا وينورو اسكندريه

حنين القلب يقول...

رابع تعليق علشان اخد ال 75 قرش اللى انت اخدتهم منى
فاااااااااااااااااكر
قولى التورته كانت حلوة
الله يسهله يا عم
عمر ما اتعملك عيد ميلاد ومرة واحد وبقدرة قادر يتعمل ليك ومين اللى يعمله ابا المدونين وفين فى بور سعيد
والله انا لو منه كنت عملته فى عشه الفراخ ومش جبت تورته
نو
نو
نو
كنت جبت بيض مسلوق وبقصمات

ههههههههههههههههههههههههههههه
كل سنه وانت طيب
سلام

Empress appy يقول...

والله والله والله والله
داخله اديلك الصور فى وشك ههههههههه لقيتك ناطط على الريدر ونزلت الموضوع ههههههههههههههه
بجد كان يوم تحفه يا باولو جداهههههههههه وخاصه انى كنت هاديه وساكته وحلوه كالص ولا تنكر هههههههه
طيب متكلمتش عن الشماعه اللى جبتها هديه ليه ههههههههههههههه
طيب انت مش عاوز تقول انك لقيتها فى الشارع طيب خلاص وانا مش هقول هخليه سررررررررر هههههههههههههههه

عبده الرايق يقول...

كباب وكفته وتورته وحلويااااااااات
يانهاركم ابيض
كل ده وانا قاعد اتدلع املى القلل
هاسيب التاريخ يحكم عليكم
هاسيب التاريخ ياخد حقى منكم
هاسيب التاريخ يجبلى كفته وكباب
بقولك ياخالد
هى الكفته والكباب حاجات بتتزرع يعنى ولا بتتصنع ولا ايه ؟؟؟؟

عبده الرايق يقول...

الى سكر
الى ابى
الى ابوخالد
الى قوس قزح
الى ردودى
الى سووووووووو
الى مدونى بورسعيد
الغلبان الدكاتره عبده الرايق عايز يعرف ايه الكباب والكفته

عبده الرايق يقول...

اناجيت تانى
هو كان فى تفريق فلوس ؟؟؟؟؟؟؟؟

عبده الرايق يقول...

حنين القلب
انا شريكك فى ال 75 قرش
يعنى ليا
70 على الاتنين فيها.....
و 5 على الاتنين فيها ......
يعنى انا ليا 65 قرش
ومش هاقبل شيكات
نو
نو
نو
كاش مانى ويكونوا ورق صغير ومش متعلم
وانا هبقى اقولكم على ميعاد التسليم لما اجهز الرجاله

حنين القلب يقول...

عبده الرايق
كلمه السر كتكوت يا معلم
واحنا وراك وخد اللى انت عايزه
اقولك خد ال 75 كلهم
مش عارف يا روقه ايه الكباب والكفته
دى استغفر الله العظيم من الكحوليات
يعنى حاجات غلط على الصحه وبتذهب العقل
استغفر الله العظيم
ربنا يبعدنا عن كل ما هو حرام
ربنا يبعدنا عن الكباب والكفته واللحمه والفراخ والمشويات
ربنا يبارك لينا فى الفول والفلافل
سلالالالالالالالالام رايحه اتعشى كباب وكفته

كاميليا بهاء الدين يقول...

الللللللله

ما شاء الله

اولا كل سنة وانت طيب

كل عام وانت إلى الله أقرب
وبقلب أنقى واطهر
يارب يحقق كل آمالك يارب

بوست جميل اوى
اخدتنا لحظة بلحظة معاك فى الرحلة
وعرفتنا على مدونين ومدونات بور سعيد
طبعا نعرفهم بس مش كنت اعرف انهم من بور سعيد
فعلا مجموعة من أجمل المدونين والمدونات
ومجموعة القاهرة الجميلة

ربنا يسعدكم يارب
ويحفظكم كلكم
ويجمعكم كلكم فى الخير وعلى خير دايما يارب

أبو خالد
أجمل وأرقى هدية
اهدنا اياها الله
فى عالم التدوين
ربنا يحفظه لنا جميعا

ويحفظك يارب

تحياتى واحترامى

عيله مفتريه سابقا يقول...

والله انا سعيدة جدا بكلام حضرتك
اخجلتنى يا استاذ خالد
الكلام ده كده جميل جدا

كل سنة وانت طيب قوى بجد
كنت سعيدة جدا بوجودكم
وياريت تيجوا حتى ولو كل يوم

احم
انا عيد ميلادى الشهر الجاى
اكيد جايين طبعا؟

انا اكيد هوصى بابا ابو خالد
لازم تيجوا

سلامى ليك
ونورتنا فى بورسعيد الجميله

فاتيما يقول...

خالوووود أنا غيرانة
كان نفسى اكون معاكم قوى
بس مستحيل طبعاً
رحلة العودة إنتهت عند الثالثة فجراً
يا لهووووى
يا جماعة خلو المواعيد بدرى عشان أعرف اميل دماغ ام فاتيما ...
كلتوا كباب
إهىء إهىء
كلتوا تورتة
إهىء إهىء
اوعى تقول كانت بالشكولاتة كمان ؟؟
أهىء إهىء إهىء
عبدوووووو يا رايق
هات منديل ...
مهما الواحد يقول عن أبونا الغالى أبو خالد الراجل الطيب مفيش كلام يوفيه حقه
كان نفسى اكون مع صحبتكم الحلوة دى
و فيه ناس كان نفسى اتعرف عليها لأول مرة
بس المواعيييييييييييد يا غخواننا
صعبة عليا قوى
طب موصوع إسكندرية دا ممكن بس خليه من اول اليوم بلاش حكاية سبعة بليل دى متنفعش
يعنى سبعة بليل أكون فى بيتنا مثلاً
كدا يبقى معقول شوية
و الحكومة عندنا توافق ...
كل سنة و إنت طيب يا خالد
و كل سنة و إنت وسطنا و منورنا
و ربنا يدى أبو التدوين كله الراجل الطيب ابو خالد الصحة و العمر لغاية ما يجوز عيالنا و يشيل عيالهم يا رب
و تحياتى لكل اهل بورسعيد الجميلة
و مدونيها اللى زى الفل
سلام بقى عشان أقعد أعيط براحتى
إهىء إهىء إهىء ....

عبده الرايق يقول...

حنين القلب
اعوذ بالله
كحوليات !!!!!!!!!!!!!!!!!
نو
نو
نو
وعاملين نفسهم جابوا التايهه
وعمالين يحنسونا
وكباب وكفته كباب وكفته
وفى نهايه المطاف تكون كحوليات
انى براء منك يا خالد
وسوف انشر فعلتك اللعينه تلك فى جميع انحاء الكره الارضيه والكره الشراب والكره الطائره
شكرا لكى يا حنين القلب
لقد انقذتينى من هفوه النفس الى الكباب
وصدق الشاعر الكبير
الدكاتره عبده الرايق حين قال
هفت نفسى يوما الى الكفته والكباب
بعدما اخبرنى عنها صديقى همس الاحباب
ولم تكن نفسى تدرى انها تهوى العذاب
واذا بحنين القلب اتيه تنفض عنى التراب

شكرا يا حنين
ومن انهارده لسانى مش هيجى على لسان خالد ابدا ابدا علشان كان بيجرنى للكحول
شكرا مره تالته يا حنين
واسيبك بقى دلوقتى لانى كنت سهران فى فرح ومتقل الشرب شويه ومش شايف الكيبورد
الحروف كلها بترقص
وهات الازازه واقعد لاعبنى
دى المزه طازه والحال عاجبنى
ااااااااااااااااانا جدع

دعاء مواجهات يقول...

شغاال ياعم شغااال

كل سنة اونت طيب

وعقبال مليون سنة

وتفرح بالعيال كدة وتشوفهم طولك

بجد بحس انى نفسى اوى اكون معاكم فى اجتماعاتكم دى بس ...

وآآآة من بس دى

كدويس ان اليوم كان جميل

تحياتى ليكى

ولأبو خالد كبيرنا

عاوزة رايك ف البوست الجديد؟؟

بيس

فى القلب يقول...

اللقاء شكله كده كان رائع ياريت كنت معاكم

وكل سنه وعيد ميلاد وأنت طيب

حنين القلب يقول...

عبده الرايق
هههههههههههههههههههههههههههههههه
والله العظيم حته سكرة يا روقه
والعفو
وعجبنى اوى الشعر اللى كتابته ده انت تضرب احمد شوقى والمتنبى على دماغهم
ايه ده يا روقه يا جامد
طبعا يا روقه خالد ده لازم تقطع علاقتك بيه
استغفر الله العظيم
قال كباب وكفته قال
ولا يهمك يا روقه هات الازازة وانا اقعد العب معاك كوتشينه على المشريب واطلب اى حاجه الا الكباب والكفته علشان حرااااااااااااااااام

اشهد الله انى احبك فى الله
سلام يا روقه

عبده الرايق يقول...

حنين القلب
وانا اشهد الله انى احبك فى الله اختا كريمه ..وياريت كل اسره المدونين تتقارب فكريا وعقليا كما تقاربنا
************
اما بخصوص الولد خالد
فانا مخاصمه واشتريت مقص عملاق علشان اقطع علاقتى بيه
وكمان انا مجهز له مغرز هيطلع من نافوخه
انا هدمره
انا هكسره
انا هاعمل فيه خطه جهنميه
وبما ان كلمه السر كتكوت
وبما ان احنا اعضاء عصابه واحده
وتربيه سكك واحده
فانا هاقولك على الخطه
لكن اوعى تقولى لحد
شوفى يا حنين
انا الدكاتره عبده الرايق والواد خالد بنتكلم مع بعض فى المحمول
فى يوم هاخد لنش من بتوع الصيد وادخل جوه خليج السويس واطلب خالد على المحمول
وهو بيكلمنى
هووووووووووب
اروح ناطط بالتليفون فى الميه الغريقه
تروح الميه مغرقاه فى بيتهم وتيجى على هدومه
ولا اغير الخطه
واقف جنب بنزينه واول ما خالد يكلمنى اولع فى البنزينه والسوعله وشه

اهو ده عيبه يقول...

ازيك يا استاذ خالد
ايه الكلام الجميل ده
والله انتوا شرفتونا ونورتونا بجد وكان نفسنا الوقت يطول اكتر من كده
لانه فعلا مكفاش اى حاجه ولا لحقنا نتكلم فى حاجات كتير
عموما ان شاء الله الجايات اكتر ويارب نقدر نجتمع فى اسكندرية وكمان قريب هيكون فيه لقاء تانى لمدونى الدقهلية
على فكرة فيه تصحيح بسيط لاسم زميلنا الاستاذ طارق الغنام مش صلاح

بجد سعيده انكم استمتعتم وان شاء الله تتكرر قريب
تحياتى لك

Doba يقول...

ماشاء الله
واضح انه كان يوم تحفة

ربنا يباركلنا فى أبو خالد أضاف طعم جميل للمدونيين وادالنا مميزات عدة

ربنا يباركلنا فى عمرك
وكل سنة وانت طيب يا أبو همس ويسعد قلبك بيها دايما

والصحبة كلها زى الفل ماشاء الله
ربنا يجمعكم كلكم دايما على كل الخير

غير معرف يقول...

يابختكو بجد
انا جتلى دعوه انا كمان من مدونين بورسعيد بس للاسف بسبب ظروف الشغل ماقدرتش اتحرك من كايرو
بجد هامووووت محتاجه اتجمع مع اخواتى من تانى
وكل سنه وانت طيب ياعم
ايوه كده
;)

موناليزا يقول...

ربنا يكرمكم جميعا يارب ويجمعكم دايما على خير

همس الاحباب يقول...

حنين القلب
مبروك عليكى اول تعليق
تكسبى معانا مصاصة بتنور
جربى تانى حظ اوفر فى المرات القادمة

همس الاحباب يقول...

حنين القلب
وحضرتك طيبة وبصحة وسعادة
هههههههه وانتى كمان
ان شاء الله الجيات اكتر
عدى الجمايل يا ستى
دايما خيرى عليكى مش كده

همس الاحباب يقول...

حنين القلب
هو انتى فاكرة نفسك فى ملعب الكرة الخماسي جوووووووووون
وبعدين لقاء اسكندرية للكبار فقط
ومن يتمتعون بالاهلية
ايه رايك

همس الاحباب يقول...

حنين القلب
75 قرش بحالهم انتى داخلة على طمع
صباحو قر يا سيدى
اه التورته كانت تجنن
وبيض وبقسماط وعشه الفراخ
ده اخرك انتى يا اختى على الكورنيش
تقعدى تاكلى وتتسلى
ههههههههههه

همس الاحباب يقول...

ابى هانم
ههههههههههه
اه طبعا كنتى فى منتهى الهدوء كالص
ولا صداع ولازن ولا مشورة ولا حاجة
حتى اسالى سوووووو
شماعة هههههههههه ماشى يا ستى انا غلطان ودى اخر مرة اهديكى بحاجة يا شردة هانم
بس بجد اليوم كان جميل بوجودكم وبالنحلة والدبور ونطح الخرفان
تحياتى وتقديرى

همس الاحباب يقول...

عبده الرايق
اه كباب وكفته وتورته وحلويات وبيبسى كمان وبخر وفسحة
عندك مانع
تستاهل انت اخرك تملى قلل وتبيع ترمس على الكورنيس
التاريخ بتاع الرايق برده
ههههههههههه لا الكباب والكفته دى حاجة ولا بتزرع ولا بتتصنع دى حاجة غريبة بلاش تعرفها
انا خايف على مشاعيرك واحاسيسك الفسيولوجية

همس الاحباب يقول...

عبده الرايق
فلوس ايه انت بتحلم ولا ايه
اتغطى كويس يا رايق الجو حر وانا خايف عليك

همس الاحباب يقول...

عبده الرايق
وانا ناوى احرمك من الميراث انت وحنين القلب مافيش 75 قرش
ورق صغير ههههههههههه
ايه رايك ابعتهم ليك قروش وتعريفة وملاليم انا فى انتظار الرجالة يا معلم

همس الاحباب يقول...

حنين القلب
الواضخ انك فاضىة انتى والرايق
طب انا هاسيب المدونة وهامشى
وابقى ابعتيلى الايجار كل شهر
انا مش طماع هما 1500 يورو ايجار
و2000دولار خاو رجل
و10000 جم بدل انتفاع
استغفر الله العظيم ده حشيش مش كحوليات يا ستى بس نوع مفتخر مش مضروب .
فعلا ربنا يكرمك بالفول والطعميه دايما
ههههههههه

همس الاحباب يقول...

حنين القلب
الواضخ انك فاضىة انتى والرايق
طب انا هاسيب المدونة وهامشى
وابقى ابعتيلى الايجار كل شهر
انا مش طماع هما 1500 يورو ايجار
و2000دولار خاو رجل
و10000 جم بدل انتفاع
استغفر الله العظيم ده حشيش مش كحوليات يا ستى بس نوع مفتخر مش مضروب .
فعلا ربنا يكرمك بالفول والطعميه دايما
ههههههههه

همس الاحباب يقول...

اختى العزيزة / كاميليا
وانتى طيبة وبصحة وسعادة
وربنا يكرمك ويوفقك
وما يحرمنيش من ذوقك
ولا رقة حضرتك
فعلا هم مجموعة رائعة جدا
ربنا يكرمهم ويسعدهم دائما
ابو خالد ده هدية من الرحمن
ربنا يكرمه ويطول عمره وما يحرمناش منه ولا من خنانه
دمتى بخير
تحياتى وتقديرى

همس الاحباب يقول...

عيلة مفترية سابقا
هههههههه
بجد انتى تستاهلى اكتر من كده
انا كنت سعيد بمعرفة حضرتك
كل سنة وحضرتك طيبة مقدما
اكيد طبعا لازمن اجى
قولى ابو خالد وحليه يبلغنى باليوم وانا هاجى طبعا
وبورسعيد منورة بناسها اللى زى العسل
دمتى بخير وسعيد بتواصل حضرتك
تحياتى وتقديرى

همس الاحباب يقول...

الغالية / ام يوسف
من حقك تغيرى بصراحة
وفعلا كان نفسنا تكونى معانا وتنورينا
اه بصراحة البركة فى اخواتك البنات بالهم طويل قوى
ان شاء الله المرة الجاية نظبط المواعيد نخليها الصبح علشان تلاءم ظروف الجميع
واسكندرية انخليها من الصبح ان شاءالله
علشان خاطرك يا ستى وانرجعك قبل 7 كمان
ابوخالد ربنا يديه الصحة وطولة العمر
وحضرتك طيبة وبصحة وسعادة
يارب هو فعلا علامة مميزة فى حياتنا ومضيئة بحق
لا امسحى دموعك يا امال
ههه
الرايق ولا ايسال فى حد
ههههه
تحياتى وتقديرى

همس الاحباب يقول...

عبده الرايق
هههههههههه
هههههههههه
يا عمنا حرام عليك
مش قادر امسك نفسى من الضوحك
وجميل قوى الشعر ده
انا على نفسى من النهاردة لسانى مش هيخاطب لسانك
يا راجل انت لسه بتشرب مية المخلل وتعمل دماغك
وهات الازازة ولا هات البرطمان يا رايق

همس الاحباب يقول...

دعاء مواجهات
وانتى طيبة وبصحة وسعادة
شغاااااااال
على اساس انى بوتجاز يو نيفرسال ولا ايه يا دودو
ربنا يكرمك وتكونى معانا المرات الجاية
الحمد لله كان يوم جميل وناس زى العسل
يوصل يا جميل
اوك حمامة على هناك
تحياتى اختى العزيزة

همس الاحباب يقول...

فى القلب
منوريا باشا وسعيد بزيارتك
وكل سنة وحضرتك بصحة وسعادة
الحمدلله كان جميل
تحياتى وتقديرى

همس الاحباب يقول...

حنين القلب
يلا بقى بيتك بيتك
ادخلى العشة بتاعتك
انرش ميه وانروق المدونة
خدى الرايق والعبى على السلم ده اخركم انتم الاتنين
وبعدين الرايق اخره يلعب بلى كازوزة
غير كده ما يعرفش .

همس الاحباب يقول...

عبده الرايق
والست حنين هانم
حاسس ان المدونة بقت كورنيش الاسكندرية وحضراتكم بتبيعوا ترمس ودرة هناك
بس بجد المدونة بقت اسم على مسمى همس الاحباب
وبعدين مش قولنا كل واحد يروح يلعب قدام بيتهم
اوووووه نسيت يلا باباانت وهى على السلم فاضى بره
ههههههههه هههههههه
مقص يا رايق ده اخرتها طب خليها قصافة يا جدع
بجد بجد انا نفسى تعملهاوترمى نفسك بالموبيل فى الميه
ولا اقولك بلاش
الفكرة التانية اجمد فيه بنزينة على اول الشارع عندك اقف جنبها واتصل كده
والكبريت عليه يا عم
بجد بجد وانا كمان بحبكم وبموووت فيكم

همس الاحباب يقول...

اهو ده عيبه
استاذة داليا
منورانى والله وبتسعدنى زيارتك
اليوم كان جميل بوجودكم طبعا
فعلا وان شاء الله الجيات اكتر
وشكرا على تصحيح الاسم ا/ طارق
ان شاء الله ربنا يسهل ونكون موجودين معاهم
تحياتى وتقديرى

همس الاحباب يقول...

دوبا
ام يوسف العزيزة
منورانى دايما
وكل سنة وحضرتك بخير
الحمد لله ربنا يبارك فى حضرتك
ويخلينا ابو خالد وكل المدونين الحلوين اللى زى الفل
امين يا ستى وان شاء الله تكونى معانا فى المرات الجاية
ربنا يكرم حضرتك يبارك فيكى
تحياتى وتقديرى

همس الاحباب يقول...

وينكى
اختى العزيزة
معلش بقى خيرها فى غيرها
وباذن الله تكونى موجودة فى المرات القادمة
وانتى طيبة وبصحة وسعادة
تحياتى وتقديرى

همس الاحباب يقول...

موناليزا
شكرا لزيارتك
وتشريفك الدائم
يا رب نجتمع دائما على خير
دمتى بخير
تحياتى وتقديرى

Unknown يقول...

خالد
انا الكلام الحلو دا عنى انا
انا كناريا ؟ انا بموت فى العصافير والطيور لكن وصفك رائع بجد
ومن ذوقك والله تسلم يارب
مش عارفة اقولك اية اخجلتنى بجد بس بجد كان يوم تحفة وكمان بابا ابو خالد رجل ماشاء الله عليه
بس انتم نورتم بورسعيد
وان شاء الله نتقابل تانى
وشكرا خالص

همس الاحباب يقول...

نهر الحب
العزيزة ايناس
بصراحة انتى اكتر من كده كمان
فعلا حضرتك واختك كمان حسيت انكم زى عصافير الكناريا خفة ورقة وذوق وادب واحترام
ربنا يسعدكم دايما ونلتقى على خير دائما وربنا يخلى ابو خالد ويجمعنا دائما
هو فعلا كان يوم رائع جدا وكنا نتمنى نقعد اكتر من كده معاكم ونتعرف اكتر بس ملحوقة باذن الله
سعدت بمرورك وبمعرفة حضرتك
تحياتى وتقديرى

حسن حنفى يقول...

no comment

همس الاحباب يقول...

حسن حنفى
ههههههههه
كل ده تعليق بصراحة تعبت قوى
لا تعليق
اكيد المدونة مش عجباك
عامة سعيد بزيارتك

(احمد سكر ) يقول...

مممممممممم

جاى متاخر كعادتى

كل سنه وانت طيب ياخالودا

كان يوم جميل جدا

وكان اجمل مافيه مفاجاة عيد ميلادك

كل سنه وانت بخير

تحياتى

اخيك

احمد

حنين القلب يقول...

عبده الرايق
ايه يا عم الخطط الجامد دى ؟؟
ربنا يكرمك بلاش تفكر تخلص من خالد لحسن انت اللى هتخلص عليك
ميه ايه يا عم اللى عايز تنط فيها
انت اصلا بتعرف تعوم
وبلاش فكرة الحرق دى والنبى لحسن قبل ما خالد يتلسوع حتى هتكون انت بقيت فحمه وانا خايفه عليك
بص سيب عليه الخطه وانا كمان اللى هنفذ
بص يا سيدى ان شاء الله لما خالد والمدونين يجيوا عندنا اسكندريه هعزمهم على جيلاتى وهحط لخالد عليها حبه سم فيران وعلشان مش يقلق ولا ياخد باله هبقى اخد منه حته كده هيطمن وياكلها كلها وبكده نبقى خلصنا من خالد نهائى
هييييييييييييييييييه
ونفرق بقى جمبرى على روحه
سلام يا روقه انا رايحه اشترى السم

حنين القلب يقول...

همس الاحباب
لما هو لقاء اسكندريه للكبار فقط انت هتيجى تعمل اييييييييييييييييه
يا لهوووووووووووووووى
كل ده ايجار وايه الانتفاع ده كمان
بص يا عم انا ليه مدونتى وبعدين انا اصلا اخدت مدونتك دى وضع يد يعنى خلاص هنغيير اسمها من همس الاحباب ل حنين والرايق
واللى مش عجبه يرفع قضيه
مااااااااااااااااشى
واخرتها بتشرب حشيش
انا شربت حشيش يا سعااااااااااااد
يا لهوتىىىىىىىىىىىىىىىىىىىىىىىىىىى
والله عيب يا ابو همس وحرااااااااام
ابقى افتكرنى بحته والنبى
انا همشى قبل قبل ما تيجى تكرشنى تانى

Asmaa mahaba يقول...

ايه دا انتوا بتروحوا حتت فيها كباب وكفته ومش بتقولولى طيب اعزمونى وانا مش حاجى بس عزومه مراكبيه حتى
اخص على دى اخوه
سلام
عينى فى الكفته مبحبش الكباب
:))
تحياتى ليك سومه_87

أبو خالد يقول...

أبني الحبيب الغالي /خالد
اللي اتعمل أقل من الواجب لولا ضيق الوقت المرة القادمة تحضر من أول النهار و علي العموم يعلم الله كم أحبك في الله فأنت نعم الأبن
و ارجو أن اكون دوما عند حسن ظنك بي
و ربنا يديم علينا الترابط و الحب
و قول للرايق دعوناك و لم تستجب
و للغالية حنين كنت أتمني تكون معنا

رئيس جمهوريه نفسى يقول...

عااااااااااااااااااااااااااااااااا
ولا تعليق

عاشــــــ النقاب ـقــــة"نونو" يقول...

لا لا لا قلبي
ياريتني كنت معاكم
عااااااااااااااااااااااااااا
متجمعين في الخير باذن الله

همس الاحباب يقول...

احمد سكر
هههههههه
ولا يهمك يا جدع
انا عارف زحمة المواصلات فى الجو وانت دايما نايم جوه الطيارة
وحضرتك بصحة وسعادة
الله يكرمك ده كان لذيذ بوجودكم
تحياتى اخى الكريم

همس الاحباب يقول...

حنين القلب
انا مش اردعليكى
ربنا يسامحك
ولو على السم طالما من ايديكى ايبقى عسل نحل
اعتقد كده انك اثبتى واتنكسفى من نفسك انتى والرايق
مع انى اشك فى كده
هههههههههههه

همس الاحباب يقول...

حنين القلب
وبعدين بقى ادفعى بالذوق كده ومش عايزين ندخل فى سكة المحاكم والقضايا
وبعدين لقاء اسكندرية للكبار فقط
وانا جاى بصحبة الكبار يا بنتى
ما بلاش وضع اليد دى بلاش بجد
احسن ايبقى احتلااااااال لمدونات ناس تانية
وانتى فاهمة
تحياتى

همس الاحباب يقول...

سومه مجنونة
هههههههه
انتى تنورى طبعا
وهاتى بطيخ بيه معاكى
وخليها كفته من غير كباب
منورة يا سومه
المرة الجاية اجيبلك الرايق وفرنسا كمان واولادهم
تحياتى

همس الاحباب يقول...

والدى العزيز / ابو خالد
تعجز الكلمات عن وصف مشاعرى وسعادتى بتعليق حضرتك

كفاية مقابلة حضرتك واهتمامك وحنانك
دهشىء لا يقدر بثمن
انت نعم الاب
ربنا يبارك فى حضرتك
الرايق وحنين سيبك منهم ده اخرهم درة وترمس على الترعة
تحياتى وتقديرى

همس الاحباب يقول...

رئيس جمورية نفسى
ههههههههههه
ايه يا عم انت جاى ترجع فى المدونة ولا ايه

وبدون تعليق ههههههههه
تحياتى وتقديرى

همس الاحباب يقول...

نونو
اختى العزيزة
سلامة قلبك ههههههه
يارب دايما معانا ودايما متجمعين على خير وحب
نورتينا وسعيد بتواصلك اختى الكريمة

ساعد نسرين الايمن يقول...

يارب تتجمعوا في الخير دايما
والمرة الجاي مش تنساوا تاخدوني معكم
بدل من رافع شعار طوال عمري
انا مش معاهم

رئـــــيسـة حزب الأحلام يقول...

ماشاء الله حضرتك حكيت كأننا موجودين معاكم
بجد لقاءات المدونين حاجة جميلة وتشعر ان الناس اللى احنا بنشوفهم لاول مرة كأنك تعرفهم من سنين
وربنا يوفق الجميع
تحياتى لك

بنوته مصرية يقول...

معلشي جيت متاخرة بس انت عارف ظروفي


والله والله كان يوم تحفة وجميل

ونسيت تقول اننا رحنا التجاري ولفينا شويا

ونسيت الكوتشي ههههههه والشرابات هههههههههههه اللي جبتهم هههههههههههههه


بجد يوم كان تحفة

هقولهالك لي تاني مرا

كل سنه وانت طيب واعبال 99 سنه

تحياتي لك

د/اجدع بنوته يقول...

ياعينى ياعينى

سمك وتورته

وانا قاعده بطحن بزاكر

انا لا هقر ولا هحسد

انا قول بس

يارب دايمها سلام وحب ع الجو التدوينى

ونفضل عيله ع طول

تحياتى

Asmaa mahaba يقول...

ايه يا عم همس الاحراج دا يعنى افرض مفيش بطيخ هههههه مجايش ولا هو تعجيز
وخلاص
مش جايه بس هىء

حنين القلب يقول...

كان نفسى اكون معاكم فى التبرع ده

بجد ربنا يقبل منكم صالح الاعمال
خاللللللللللللللود
اتبرع بكيسين دم
كيس ليك
وكيس ليه
منا اختك برضه يعنى اهون عليك يقولوا حنين مش اتبرعت ومش عندها دم
وانا هبقى اعوضك هجيب ليك ربع كيلو لحمه ونص كيلو لبن كوييييييييس كده
سلام هروح اشترى الحاجه

د. إيمان مكاوي يقول...

بوست جميل عرفنا على المدونين أكتر ..وبصراحه أنا حبيت الأستاذ أبو خالد أكتر ..زي والدي طبعا
أدام الله على المسلمين نعمة الحب فيه ..
تحياتي

الربان يقول...

تحياتي اخي الكريم

اشكرك كل الشكر علي دعائك لي ولاخي...جزاك الله خير.

كل سنه وانت طيب بمناسبة عيد ميلادك

و سعدت جدا بانكم تجمعتم و زرتم بورسعيد الباسلة....يارب دائما مجتمعين
علي الخير و في الخير....

تحياتي و تقديري....

رندا يقول...

الله واكبر

ربنا يجمعكوا على كل خير يارب
ومش يحرمنا ابدا من اجمل اخ ابو خالد
بجد مكسب كبير اوى
اتعملك عيد ميلاد ياخالد كمان فى بورسيعد وعلى البحر هههههههههه
كل سنة وانت بخير يااجمل خالد

مشاء الله

ربنا يجمعكم فى الخير دائماً يارب

كل الود لاعز اخ

رندا

نونو يقول...

كل سنة وانت طيب مع انها متاخرة
بس سردك حلو اوى
تحس انك عايز كمان لسة
ربنا يكرم مدونين بورسعييد
ومدونين مصر كلها