24 أبريل، 2008

عيد ميلاد ابو الفصاد


عيد ميلاد اختى
كل سنة وانتى طيبة يا اجمل قطة
كل سنة وانتى سعيدة ومتهنية
كل سنة وانتى فى حب وخير وسلام
كل سنة وانتى مدونة صالحة
كل سنة وانتى صديقة نافعة
كل سنة وانتى اخت طيبة
وبمناسبة عيد ميلادك يا قطة اهديكى هذه الكلمات ..



أهديك حب أنت أغلى ... أهديك ورد أنت أحلى... بهديك عمري و ياريت يسوى

احترت و الله شوه أهديك ما لقيت إلا أحلى من كلمة الله يحفظك

أتجاوز كل المسرعين وأسبق كل المهنئين و أقووول كل عام و أنتي بخير

من جديد و الغلا دايم يزيد اسبق هالعالم و أقول كل عام وأنت سعيد

قلب يـبيك وبـحبه يـشتريك و بـنبضه يـرويك و بميلادك يـهـنيك
أعايـدك جعـلك طـيلة العمـر وأنت بخيـر.. وأزف لك باقـة ورد بالعطر فـواحه
المرسل: مجرد احساس صديق : كل عام و أنتي بخير قبل كل الناس

لك 3 وردات: وردة تبوسك وردة تسلم عليك وردة تقولك كل عام و أنت بخير
أقول بسرعة قبلهم كلهم كل عام وأنت بخير يا بعدهم كلهم
أنا ما أقول كل عام و أنت بخير لكن أقول أنت الخير لكل عام
مع آخر لحظات السنه نطفي شموع ونشعل شموع نتمنى لكم سنة حب بلا دموع
أعذب تهنئه لأعذب أحساس يالي غلاك ماله قياس كل عام و أنت اسعد الناس

يا شبيه القمر يأرق من الزهر كل عام وأنت بخير يا أغلى ناسي و البشر


كل ساعه كل يوم كل أسبوع كل شهر كل عام و انت بألف خير

جيت أسابق الساعات لاجل أقول كل عام وأنت بخير

يمر عام ويهل عام وأنت شعاع ينير قلوب الأصدقاء وكل عام وأنت بخير

يا ريح الورد يا صوت القصيد يا ضحكة الماضي الجديد يجعل مساك دايم سعيد

انت بعيد وقلبك بعيد وبالك بعيد بس أغليك أكيد و أتمنى لك عيد سعيد

تحتفل معك روح الليالي تحتفل الروح كل يوم بس الليلة تحتفل بشكل ثاني بميلاد

شخص مألوف وتوقد بسمتك شمع غاوي وتفرح بعام بالأمل موصوف وتهديلك

دفا حب صداقة وعمر أنت بداخله موجود

هذه الكلمات مقتبسة من منتدى احلام الامارات
اهداء بمناسبة عيد ميلاد الصديقة قطةالصحراء
الموافق 25-4

كل سنة وانتى طيبة يا حنان ..
وعقبال 100 سنة ..

هناك 44 تعليقًا:

Rainbow يقول...

كل سنة وهى بخير
و منورة دايما المدونات

لفتة جميلة منك احييك عليها

Desert cat يقول...

انت عاملى البوست علشان تخلع من الهدية
نو واااااااى
ههههههههههه
طبعا انت اصلا عندى اجمل هدية
وحقيقى والله احرجتنى بذوقك ورقة اخلاقك يا خالد
وربنا يعلم مدى معزتك فى قلبى كاخ كبير وصديق عزيز اعتز بيه لاخر يوم فى حياتى
انا لو فضلت اكتب لحد بكره مش هيكفينى اوفيك حقك
ربنا يخليك ليا اخ غالى اوى عندى وصديق اتمنيته من زمان
دمت بكل خير وود

Sally يقول...

كل سنة وانت وحنان طيبين
وإلى الله أقرب

دمتما بخير
سالى

اجندا حمرا يقول...

كل سنه و قطتنا الجميله بخير و منوره الدنيا كلها و عالم البلوجز بموضوعاتها الجريئه
لفته حلوه منك ياخالد سبقتنا ياجميل
:))

عبده الرايق يقول...

عظيم يا خالد ولفته حلوه منك
هى دى الصداقه والاخوه ولا بلاش
كل سنه وانتى طيبه يا قطه
كل سنه وانت عظيم يا خالد

فرنسا هانم يقول...

هو ده اسمه كلام
اجى اعلق الاقى الرايق اخر واحد
وتعليقى هيبقى جنب تعليقه
اجى على نفسى وامرى لله علشان خاطرك يا خالد

عموما
كل سنه والقطه الشقيه بخير
وصاحب واجب يا خالد

appy يقول...

والله يا خالد صاحب واخ جدع جدا ربنا يبارك فيك والله يا خويا ههههههه
لا انت كده بتعري من هديه البت يعنى ندبس احنا وانت تبلغ فرار ههههه
لا معانا بقى
الا هى كام وسبعين سنه هههههههه

Abo 7anf يقول...

كل سنه وانتى طيبه يقطه
وعقبال ميبقى عندك
ممممممممممممممم
كتير قوى

only spot يقول...

سلام عليكم
اولا كل سنه وهى طيبه وبصحه وبخير وسلام
ثانيا بجد ربنا يسعدك ويهنيك لرقة مشاعرك دى بجد
ايوه كده زهقنا بقى صراعات وناس بتطحن فى ناس عايزين نرجع تانى بنى ادمين بنفرحلفرح بعض ونكشف عن مشاعرنا البريئه لبعض ونفشى السلام بينا بقى ولا ننسى حديث الرسول صلى الله عليه وسلم لن تؤمنو حتى تحابو اولا ادلكم على شئ اذا فعلتموه تحاببتم افشو السلام بينكم
يا رب السلام والحب يكونو نوازعناالداخليه الى بتحركنا كلنا لما نتعامل مع بعض
اخى جزاك الله كل خير وجمع عليك شملك يا رب وبارك لك فى احبابك
خالص تحياتى

آخر العنقود يقول...

اولا كل سنة والقطة طيبة وبخير

ثانيا بقى بجد ربنا يكرمك يارب على اللفتة الاكثر من رائعة دى

انا فعلا حاسة اننا كلنا بقينا عائلة واحدة واخوات
ومن حق كل واحد على التانى انه يشاركه فرحه وحزنه وكل ظروفه
بجد حاسة ااننا عايشين فى بيت واحد

ربنا يباركلك يارب ويجمعنا دايما على طاعته ورضاه يارب

تحياتى وتقديرى لك

monaliza يقول...

جميل ان يجد الشخص من يشاركه مناسباته الخاصة
احييك على امانة النشر وحلوة جدا الرسايل
كل سنة وانتوا طيبين

صوت من مصر يقول...

كل سنه وهى بخير وسلام

رئيس جمهوريه نفسى يقول...

كل سنه وانت وهى طيبين ولربنا قريبين

همس الاحباب يقول...

rainbow
وانتى طيبة وبصحة وسعادة
ميرسى لكلامك وشكراليكى
تحياتى
خالد

همس الاحباب يقول...

العزيزة والاخت الغالية / قطة الصحراء
كل سنة وانتى طيبة وعقبال 100 سنة
طبعا انتى تستاهلى اكتر من مليون بوست
واجمل هدية لاغلى اخت طبعا
وربنا يخليكى وما يحرمنيش منك يااعز الاصدقاء
تحياتى وتقديرى
خالد

همس الاحباب يقول...

سالى
وانتى طيبة وبصحة وسلامة
وبارك الله فيكى
وشكرا لزيارتك
تحياتى
خالد

همس الاحباب يقول...

اجندا حمرا
وانتى طيبة
اكيد طبعا اتفضل منورة المدونة والدنيا كلها باذن الله
ميرسى ليكى وربنا يحفظك
تحياتى
خالد

همس الاحباب يقول...

حبيب قلبى من جوه / عبده باشا
منورنى وكل سنة وحضرتك طيب
ويارب يديم المعروف والمحبة بينا كلنا
ونحس بالام بعض وافراحنا جميعا
دمت بخير يا باشا
تحياتى

همس الاحباب يقول...

اعز خالتو فى الدنيا
فرنسا هانم
معلش يا خالتو حظك كده برده عبده بتاعنا وانتى الكبيرة يا خالتو وهو بيعزك برده هههههههه
وانتى يا خالتو برده بهدلتيه فى المدونة وخلتيه خد علقة محترمة امسك حرامى ههههههههههه
بجد بموووت فيكم انتم الاتنين
وانتى طيبة يا خالتو
وربنا يكرمك يا رب
تحياتى
خالد

همس الاحباب يقول...

اجدع ابى فى الدنيا واحلى دماغ كمان
يبقى ابى هانم
انا سعيد جدا جدا لحد بعد بكرة
لانى تعرفت على انسانة جديرة بكل احترام زيك
كل سنة وانتى طيبة والقطة طيبة
ومجتمعين دايما على خير وسعادة
الهدية ما بلاش تفكرينى
قال جبتك يا عبد المعين تعينى
لقيتك اخيب منى ههههههههه
انا بقول 73 سنة انتى ايه رايك
تحياتى يا باشا
خالد

همس الاحباب يقول...

ابو حنف
منور يا باشا
وحضرتك طيب وبصحة وسعادة
دمت بخير
تحياتى
خالد

همس الاحباب يقول...

العزيزة / onlyspot
منورة دايما يا اختى
وكل سنة وحضرتك بخير
ويارب نفضل اصدقاء واحباب دايما وننسى المهاترات والمشاحنات
ونفضل اسرة واحدة متحابة نحس باحزان وافراح بعض بجد انحس بسعادة وحب داخلى عظيم لان المحبة فى الله شىء جميل وبيطهر النفس
تحياتى وسعيد جدا بتواصلك
خالد

همس الاحباب يقول...

العزيزة / اخر العنقود
منورانى دايما وسعيد جدا بتواصلك
وانتى طيبة ودايما بصحة وسعادة
طبعا احنا اصدقاء واخوات واكتر من عيلة كمان
يبقى لازم نشارك بعض الاحزان والافراح
ونحس ببعض كاننا جسد واحد كفاية اننا مسلمين .
تحياتى ليكى وتقبلى خالص تقديرى واحترامى .

همس الاحباب يقول...

موناليزا
الله يكرمك
وجزاكى الله خيرا
وسعيد جدا بزيارتك وكلامك الرقيق
دمتى بخير
تحياتى

همس الاحباب يقول...

صوت من مصر
وانت طيب يا باشا
ومنور دائما
تحياتى

همس الاحباب يقول...

رئيس جمهورية نفسى
محمود باشا منور يا ريس
وحضرتك بخير وصحة وسعادة
انا سعيد جدا بمعرفة حضرتك
وعلى فكرة انا اخدت رقمك
وابقى اكلمك كتير
تحياتى يا باشا

حنين القلب يقول...

كل سنه وانتى طيبه يا قطه
سلام

Soooo يقول...

استغفر الله العظيم
اعياد ميلاد واحتفالات وحبشتكانات
استغفر الله العظيم

فين التورته والجاتون؟؟؟
لا يجوز شرعا وعرفا الاحتفال باعياد الميلاد بدون تورته وجاتون

لكن يلا .. قطة مننا وعلينا
كل سنه وهي طيبه
وبجد يابرنس بجد يعني
سعيد جدا بمعرفتك والله


ملحوظه
شوف اول موضوع نزلته في المدونه واللي اسمه مدونتي



سلامووووووووووووووووز

أنا مش موافق يقول...

عزيزى

معلش انا حبيت اوريك حقيقة قطة

واظن انك اكيد هتتصدم من الكلام اللى هتشوفيه

بس الحقيقه دايمن بتصدم

خش المدونه وهتعرف

حقيقة اللى مهديها البوست

سلام

اجندا حمرا يقول...

عيد ربيع سعيد خالد
كل سنه و انت بخير

سهر الليالى يقول...

دمت جميلا مجاملا

كل سنة وهى طيبة
كل سنة وانت طيب

تحياتى

بت خيخة وأى كلام يقول...

خالد
انا عيد ميلادى
خمستاشر يناير
لما نشوف بقى هتفتكر السنة الجاية ولا لأ
وهتكتب بوست عنى ولا هتنسى

كل سنة وقطتنا طيبة
وكل سنة وانت دايما زوق واخلاق

تحياتى ليك
اختك خيخة

سبهللة عالآخر يقول...

تحياتى وبالتوفيق
وكل عام والشعوب العربية تكون فى حال احلى من العام اللى قبله
قولواامين

sasatifa يقول...

ماشى كل سنه وانتم طيبين بس ما فيش مع البوست حته جاتوه ولا ترته ايه البخل ده

همس الاحباب يقول...

حنين القلب
وانتى طيبة
ومنورة دايما

همس الاحباب يقول...

حبيب قلبى سووووووووووو
هههههههه
وحشتنى يا باشا
وكل سنة وحضرتك طيب
والتورتة والجاتون والشيشة التفاح موجودين فى انتظار حضرتك
وبجد سعيد بمعرفتك
وسعيد جدا بزيارتك الغالية قوى لمدونتى المتواضعة
تحياتى يا باشا

همس الاحباب يقول...

انا مش موافق
عامة كل واحد حر فى وجهة نظره بعيدا عن تجريح الاخرين
تحياتى

همس الاحباب يقول...

اجندا حمرا
كل سنة وحضرتك بصحة وسعادة
وعيد سعيد علينا كلنا
وميرسى لذوقك واخلاق حضرتك
منورانى دايما
تحياتى
خالد

همس الاحباب يقول...

سهر الليالى
منورانى دايما
وميرسى لكلماتك الرقيقة
وكل سنة وانتى طيبة
تحياتى خالد

همس الاحباب يقول...

بت خيخة واى كلام
ههههههه
لا طبعا افتكر ان شاء الله يا ام شيكو
وانا عارف عيد ميلادك
ولو نسيت انا همس مش اتنسى عيد ميلاد حماتها مش كده برده ههههههههه
وكل سنة وحضرتك طيبة من دلوقتى قبل ما انسى
تحياتى وسلامى لاجمل شيكو فى الدنيا
خالد

همس الاحباب يقول...

سبهللة عالاخر
منور المدونة وسعيد بزيارتك
وكل سنة وحضرتك طيب والامة العربية بخير
تحياتى
خالد

همس الاحباب يقول...

SASATIFA

اهلا مرحبا نوركم غطا على الكهربا
كل سنة وانت طيبين
تورتة وجاتوه انت داخل على طمع بقى ههههه
عامة انت تشرف وكله موجود ما تخافش
تحياتى
خالد

انين الحزن يقول...

خااااااااااالد

انا جيت قبلك عامل ايه

طبعا كويس منا عارفه يعني

كل سنه وقطه طيبه

تعالي بقه قبل ما النت يفصل تاني

سلاموووووووووز
وزة

همس الاحباب يقول...

انين الحزن
حمدلله على السلامة
منورة المدونة والمدونات المجاورة
علم وجارى التنفيذ
سلاموززززززززز يا وزة