كل سنة وانتم بخير وعيد سعيد عليكم جميعا
بمشيئة الله تعالى تقرر تحديد ميعاد بؤجة الخير الشتوية
الميعاد : الجمعة الموافق 10 ديسمبر 2010
المكان : جمعية صحبة خير بمسجد زهراء مصر القديمة
الزمان : من العاشرة والنصف صباحا امام مقر الجمعية الكائن 20 شارع احمد خيرى فوق كافتيريا السرايا بعد محطة مترو الزهراء بحوالى 100 متر تقريبا
دى خريطة لمحطة مترو الزهراء و لونها بالازرق اما اللون الاحمر فهو لمكان المسجد وده اسهل للناس اللى هتستخدم المترو
فى حالة اى استفسار او حد تاه عن المكان ممكن يتصل على الرقم ده
خالد همس الاحباب
0101345140
وبعد الانتهاء من تسليم البؤج وصلاة الجمعة فى أقرب مسجد سنتوجه الى مكان قريب لتناول الغذاء وغالبا هيكون فى منطقة السيدة زينب او نادى المحامين . وفكرة البؤجة تتلخص فى الاتى
- بما انكم طالعين من العيد واكل الفتة واللحمة عمل عمايله معاكم فبساطة كده انت وبتبدل الملابس الصيفى بالملابس الشتوى تشوف ايه اللى انت مش محتاجه منها يكون ضاق عليك او خلاص زهقت منه او موضته خلاص فات اوانها او ربنا كرمك وعامل دايت وتجمع الحاجات دى مع اى حاجة تكون مش عايزها فى بيتك ملايات - فوط - احذية - ادوات منزلية - اى حاجة انت مستغنى عنها و نروح كلنا لعشوائيات اسطبل عنتروعزبة خيرالله ونديها للناس هناك فى جمعية صحبة خير وهم بيخدوها و بيعملوا بها معرض للاسر الفقيرة و تتباع لهم الحاجات باسعار رمزية و المبلغ اللى يتجمع من المعرض بتستغله الجمعية فى عمل خيرى تانى و ده علشان الناس اللى هتتباع لهم الحاجة تحس انها اشترتها بفلوسها وانها مش متسولة.
يا ريت واحنا بنقرا البوست نفتكر انه فى الوقت اللى عندنا فيه حاجات كتير قوى مش بنحتاجها وبنقول لنفسنا خليها مركونة يمكن نحتاج لها تاكد ان ربنا سبحانه وتعالى هيعوضك خير منها فى الدنيا والاخرة .
وكمان تخيل برد الشتاء القارص وتخيل ولو لثوان انك مكان الشخص الفقير او إن ابنك اواخوك فى مثل هذا الموقف فماذا تفعل من اجلهم ؟؟؟!!!
والتبرع ممكن يكون بأى شىء عينى او مادى او حتى معنوى بوجودكم ومشاركتكم وتشجيعكم للاخرين .
ياريت كل مدون يقدر ينزل بوست عن الموضوع يبقى جزاه الله خيراعلشان نبلغ اكبر عدد ممكن .
والدال على الخير كفاعله
جزاكم الله خيرا
*************
سقعانه يا ناس دفونى
بالحضن الدافى غيتونى
وهوكله على الرحمن
عملك عنده يا انسان
استرنى بالفستان
ارفع عنى الحرمان
ف قلوبكم الواسعه خدونى
استرو جسمى ودفو عيونى
*************
تحديث
*********** سقعانه يا ناس دفونى
بالحضن الدافى غيتونى
وهوكله على الرحمن
عملك عنده يا انسان
استرنى بالفستان
ارفع عنى الحرمان
ف قلوبكم الواسعه خدونى
استرو جسمى ودفو عيونى
ان شاء الله بعد تسليم البؤج هنتوجه الى منطقة الحسين
لتناول الغذاء والمشروبات وقضاء وقت ممتع ان شاء الله
وده بناء على رغبة بعض الاخوة والاخوات من المدونين
.jfif)
.jpg)
هناك 48 تعليقًا:
انا معاك يا خاااالد
انتا عارف ان اختك معاك دايما
لأن معاك
مفيش غير الخير
ان شاء الله
قبلها بوقت كافى
اكتب بوست
اعزم الحبايب
عقبال كل صيف
كل شتا
سلامى لشابى وهمس ومامتهم
وليكم قبلهم
ربنا يعينك على فعل الخير وربنا يجازيك كل خير وسعادة في الدارين اللهم امين
لولا
جزاكم الله خيرا
سيتم نشر التدوينة إن شاء الله
حديث أبي هريرة أن النبي صلى الله عليه و سلم قال: ما من يوم يصبح العباد فيه إلا ملكان ينزلان فيقول أحدهما اللهم أعط منفقا خلفا ويقول الآخر اللهم أعط ممسكا تلفا "
صدق المصطفي
ربنا يجعل كل من يشترك في الحملة تغفر له ذنوبه وإن كانت كبائر ويرفع بها في عليين ويرضي عنه الرحمن الرحيم
جزاك الله كل الخير يا خالد
ربنا يجعله فى ميزان حسنات
هحاول اجى ان شاء الله
يارب
ييسر الامور
على فكرة انا مش مقتنعه بالبؤجة
الا يعنى اية بؤجة ؟؟؟؟
طب اقولك
تدفع كام وانا اجى
اتجننت صح ههههههههههههه
كل سنة وانت يارب طيب انت والاسرة وكل الناس الجميلة اللى بتعمل خير يارب
وان شاء الله ربنا يوفقكم ويجزيكم خير ويجعله فى موازين اعمالكم الحسنة يارب
صباح الفل على خالد الجدع
علم وسيتم النشر يا فننننننننننننننننننننننندم
برضه يوم جمعه !!!
انا حظي وحش برضه المرة دي
:(:(
يلا انتو الخير والبركه اكيد
ربنا يكرمكم ياااااااارب ويجازيكم بكل الخير في الدنيا وفي الاخرة
ويجعله في ميزان حسناتكم جميعاً يااااااااااااارب
متضامنه بقلبي معاكم
انت بستاذن ليه ياعم خالد مانت عارف انه بيتك تدخل تاخد الكنبه الكرسى براحتك ياعم
وليا الشرف والله بس ياريت مافيش داعى لكتابه اسماء مالهاش لازمه
ربنا يسترك انت وكل اللى زيك
جزاكم الله خيرا و كتر من أمثالكم
السلام عليكم
جزاك الله كل خير
وربنا يبارك فيك وفى امثالك
ربنا يجزيك كل خير يارب
جزاك الله خيرا يا خالد ..
بإذن الله هحاول التواجد معكم بإذن الله ، هذه أول مرة لي مع المدونين
لهذا ادعو الله ان اكون معكم واتمنى أن يوفقني في هذا ..
//
جزاك الله خيرا مرة اخرى على فعل الخير ..
//
تحياتي لك وتقبل مروري ..
جزاك الله كل خير يا خالد
وربنا يجعله فى ميزان حسناتك اللهم امين
جوجو
أن شاء الله جى
بس أدعيلى بس ربنا يسهل الدنيا
و اقدر أجى
ربنا يبارك لك فى أولادك يا أستاذ خالد
جزاك الله خيرا
وعطاك ما تتمنى
واصلح مابين يديك
دمت بخير
وانا معاااااااكو بأذن الله
فاتيما
دايما معانا فى كل خير يا ام يوسف
اول الحاضرين والمشاركين دوما
ربنا يحفظك ويسلمك
تحياتى
لولا وزهراء
ولكى مثل دعائك
جزاكى الله خيرا
تحياتى
عاشقة الفردوس
ربنا يجعله فى ميزان حسناتك
شكرا لحضرتك على مشاركتك الفعالة دوما
تحياتى
mr.president
اللهم اميين
جزاك الله خيرا وشكرا على تواصلك ودعوتك الطيبة
تحياتى
الحب الجميل
وميزان حضرتك
تنورينا طبعا
وربنا ييسر ان شاء الله
ونشوفك على خير
تحياتى
نهر الحب
هههههههه
ولا انا بصراحة
بس هنيجىء برضه
نهر الحب
ادفع كمان
مش كفاية هنشوفكم ههههههههه
وانتى طيبة وبصحة وسعادة وكل اسرتك وشعب بور سعيد بخير
وان شاء الله تنورونا كعادتكم دوما
تحياتى
قلب القطة
مارو هانم
جزاكى الله خيرا
وجعله فى ميزان حسناتك
تحياتى
كركبة دماغ
حاولى تيجىء واعتبريه انه يوم عادى من ايام الاسبوع
جزاكى الله خيرا وان شاء الله تشاركينا فى المرات القادمة
تحياتى
مارو هانم
بصراحة انا منشن على النيش باللى فيه
الكراسى والكنب كتير ههههه
ربنا يجعله فى ميزان حسناتك
وشكرا على كرم حضرتك وعلى تلك الكلمات تسلم الايادى يا باشا
تحياتى
كلمات من نور
جزاكى الله خيرا
وشكرا لتواصلك الدائم
تحياتى
اسير الجراح
تسلم يا حماده
ربنا يعزك ويجعل كلماتك فى ميزان حسناتك
تحياتى
imsa
تنورنا يا باشا واحنا فى انتظار حضرتك
ربنا يوفقك وتشاركنا اليوم باذن الله
جزاك الله خيرا
تحياتى
جوجو هانم
ربنا يكرمك ويجازيكى خيرا
يلا شدى حيلك هاتى الاستاذ نادر والاولاد وشرفونا
تحياتى
رامى
لا انت لازمن تيجى طبعا
ربنا ييسر الامور بس احنا فى انتظارك يا باشا
ربنا معاك
تحياتى
اسماء عبدالعزيز
اللهم اميين
جزاكى الله خيرا
وشكرا على دعوتك الطيبة
تحياتى لحضرتك
سونى 2000
ما بلاش يا معلم خبطتين فى الراس توجع
ههههههه
تنورنا يا باشا طبعا
فى انتظارك ان شاء الله
تحياتى
بحب صحبتكم أوي أوي بجد
أنا هاحاول أجمع شلة الخير ونيجي
ربنا يجازيكم كل خير ياااااارب
^_^
ان شاء الله في ميزان حسناتكم
بجد نفسي اشارك معاكم جدا بس انا في قارة تانيه وحتى لو انا في نفس القارة بعيد برضه :)
ان شاء الله هكتب عن الموضوع عندي
صباح الورد
كل عام أنت بخير يا أطيب قلب و جعل الله أعمالك الخيرية أثقل من جبل أحد يوم العرض عليه اللهم آمين و ارجو الله أن يوفقني لحضور هذا اللقاء الجميل
كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا
بعتذر عن تقصيرى معاكم
السلام عليكم ورحمة الله وبركاتة
ربنا يكرمك يارب والمسلمين
وربنا يتقبل منك ومنا والمسلمين صالح الاعمال
وحشتنا ياخالد باشا جداا وربنا يكرمك يارب ويتقبل منك ... ونفسى ابقى معااكوا بس ظروف السفر خارج مصر وربنا يكرمكوا لفعل الخير دايما اللهم امين
يعنى يااستاذ خالد الطريق ازاى
انا من الشرقيه ومش عارفه الطريق
همسات وبحر الحياه
غادة محسن
تنورينا انتى والشلة ان شاء الله
وربنا يجعله فى ميزان حسناتكم
وفى انتظاركم ان شاء الله
تحياتى
lady e
ربنا يرجعك بالسلامة وان شاء الله تشاركينا فى المرات القادمة وانتى سبتى دمياط ورحتى فين
دعواتك معانا
تحياتى
ابو خالد
والدى العزيز
جزاك الله خيرا واسف جدا لتقصيرى مع حضرتك
وان شاء الله تكون اول الحاضرين باذن الله
وجودك له طعم خاص
تحياتى
همسات وبحر الحياة
كل سنة وانتى طيبة
ربنا يتقبل منا ومنكم صالح الاعمال
تحياتى
طهر فؤادك
باشا والله انت كمان ليك وحشة كبيرة
وربنا يردك لينا سالم غانم باذن الله
وان شاء تشاركينا فى المرات القادمة
جزاك الله خيرا على دعواتك الطيبة
تحياتى وتقديرى
غير معرف
بص يا باشا انتى تركبى من الشرقية لحدميدان رمسيس
او موقف عبود وبعدها تسألى على محطة مترو رمسيس وتركبى المترو اتجاه حلوان وتنزلى محطة الزهراء ودى بعد محطة مار جرجس وقبل محطة دار السلام هتلاقى الجمعيةبعد حوالى 100 متر من المحطة فوق كافتيريا السرايا ويا ريت تخلى معاكى رقم موبيل بتاع اى واحد من الموجودين لسهولة الوصول باذن الله
http://ar.wikipedia.org/wiki/%D9%85%D9%84%D9%81:Cairo-Metro-Stations-ar.png
غن شاء الله يكون يومكم جميل وفيه من الفائده الكثير
تقبل الله منك يا خالد ومن كل القائمين على العمل الكبير هذا
السلام عليكم ورحمة الله وبركاته
أعانكم الله على فعل الخير ودمتم طيبين .
إرسال تعليق