20 أكتوبر 2010

طلب مساعدة .... عاجل وهام + تحديث

تحديث هام 
ميعاد الجرعة القادمة يوم الاربعاء القادم  27-10-2010واسرة المريض لا تمتلك من ثمن الجرعة شىء ،لانه مع الاسف اول مرة احس بتخاذل من الجميع .
رجاء اخير يا ريت اللى يبعت حوالة او بعتها بالفعل يبلغ اهل المريض لسرعة صرفها او ابلاغى عن طريق الهاتف اوالايميل kh_cyc2006@hotmail.com او عن طريق المدونة بغير معرف لسرعة انقاذ حياة مريض ورب اسرة .
جزاكم الله خيرا
*****************
 احيانا ينتاب المرء منا حالة من العجز عن التفكير او الشعور بالتقصير تجاه الاخرين 
واحيانا اخرى تتقاذفنا امواج الحياة وتجذبنا بعيدا عن شاطىء الحياة ولكن عندما يريد الله لنا خيرا يرسل من ياخذ بايدينا او من يدلنا الى فعل الخير اومساعدة شخص ما وتلك نعمة من الله نحمده ونقدسه عليها فالشكر للاخ الكريم صاحب مدونة طهر فؤادك على دعوته الكريمة لمساعدة شخص مريض يحتاج منا المساعدة والى نص الرسالة
 فاكر جمعية الامل (فرع سوهاج ) اللى كانت عاملة معرض ملابس لمساعدة مرضى السرطان يارب تكون افتكرتها... المهم جت ليهم حالة بس صعبة شوية ومحتاجة كلنا نتكاتف مع بعض ونساعدها وهكتبلك تفاصيل الحالة ويارب تنشرها ونحاول نساعدها كلنا باللى نقدر علية ان شاء الله وهى على لسان الحالة طبعا ربنا يشفيها ويعافينا جميعا اللهم امين والمسلمين
بتقول :-اسمه بخيت محمود أحمد والذى يعمل بالهيئة العامة للتأمينات الاجتماعية بســوهاج
وبيقول :-
حيث انني مريض بمرض ( السرطان فى الكلى ) وتم اجراء عملية لاستئصال الورم على نفقتي الخاصة بتاريخ 26/11/2009 ثم تم دخولى الى معهد اورام اسيوط بتاريخ 5/12/2009 واوصى الطبيب المعالج بضرورة الاستمرار فى العلاج بدواء (sutent) وذلك لمدة 18 شهرا حتى يتم الشفاء وتبلغ قيمة علبة الدواء 23 الف جنيها ونظرا لارتفاع سعر الدواء عن قدرتي المالية فقد وافقت شركة فايزر للادوية على تخفيض 50% من قيمة الدواء وحيث ان الدواء بعد تخفيض 50% تبلغ قيمته 11.500 الف جنيها .ونظرا لظروفى المالية الصعبة حيث انني اعول اسرة فأرجو من سيادتكم التكرم بالموافقة على مساعدتي لشراء هذا الدواء بصفة مستمرة أو مساهمة اهل الخير ويعتبرهذا الدواء الوحيد فى علاجي الذى تحسنت عليه صحتي حيث اننى فى حاجة الى 6 جرعات حتى اتماثل للشفاء .
وجعلكم الله عونا للمحتاجين
ت/0115428158
العنوان/سوهاج- شارع ابو الحسن البصري خلف شارع 15
الى هنا انتهت الرسالة من صاحب الرسالة وبدا دورنا فى مساعدته كل بقدر استطاعته فمن يريد النشر او التنويه عن الحالة فى مدونته او على موقع الفيس بؤك  فشكرا له وجزاءكم  الله خيرا 
ومن يريد التبرع فيمكنه ارسال حوالة بريدية باسم السيدة / ماجدة بخيت محمد ابراهيم وهى زوجة المريض على مكتب بريد سوهاج الفرعى  بالحميات ورقم التليفون المذكور بعاليه يخص الحالة ايضا .
او من يرغب بارسال حوالة بنكية اوالتبرع نقدا فانا مستعد لاستقبالها وارسالها الى الحالة باليد ،ولاى استفسار يمكنكم الاتصال برقم المريض بعاليه او الاتصال على رقمى 0101345140.
برجاء الاهتمام بالنشر ودعوة الاقارب والاصدقاء من خارج التدوين  للمشاركة بقدر المستطاع .
دعوة خاصة للمدونات الاتية بالمشاركة فى النشر او التنويه 
فاتيما  ام يوسف 
قوس قزح
بت خيخة واى كلام 
د. ستيته 
وكل مدون اومدونة قرا الموضوع ويريد المشاركة 
جزاءكم الله خيرا .
فالدال على الخير كفاعله 

هناك 21 تعليقًا:

فاتيما يقول...

من غير ما توصى و الله يا خالد
كنت هعمل كدا

وهحط تنويه حالا عندى
و ربنا يوفقله ولاد الحلال
ان شاء الله


ربنا يكرمك يا خالد
اقول ايه بس فيك
يا جدع انتا ؟!

زهرة الجنة يقول...

ان شاء الله كلنا هنشارك هنا وهنبعت كمان علي الفيس بوك

ربنا يشفيه يارب ويعافيه ويعفي عنه هو وجميع المرضي
اللهم امين

ديما سباق بالخير ياخالد
ربنا يجعله بميزان حسناتك

غير معرف يقول...

خالد
ربنا يكرمك كل الخير
ويقدرك على فعل الخير
جزاك الله كل خير

سبهللة يقول...
أزال المؤلف هذا التعليق.
سبهللة يقول...

علم وينفذ
وربنا يرزقه بالعلاج وبتمنه ويرزقه الصحة والعافية

мαησηα يقول...

جزاك الله كل خير يا ابو همس

وشفى الله مرضانا ومرضى المسلمين جميعا

حاضر هاعمل بوست عندى دلوقتى

ونشرته ع الفيسبوك خلاص

ياريت بس تطمنا ع الحالة اول باول لو

جالك اى اخبار عنها

ربنا يكرمك يارب ويجعله ف ميزان

حسناتك يارب يا خالد

غير معرف يقول...

طول عمرك انت وفاتيما وداليا قوس قزح سباقين بكل الخير اللهم يجعلة فى ميزان حسناتكم يارب
رندا فايد

ليس فقيرا من يحب يقول...

علم وتم التنفيذ على الفيس والمدونه

ربنا يجعله فى ميزان حسناتك ويبارك فيك وفى ذريتك

دايما سباق بالخير

غير معرف يقول...

جزاكم الله خيرا

غير معرف يقول...

أنا عندي فكرة عن التدوين
أنا قيمت أو انتقدت مدونتي،ممكن تشارك و تقيم مدونتك!
http://shayunbiqalbi.blogspot.com/2010/10/2.html
أنت مدعوة للمشاركة في حملة مدونات في الميزان

غير معرف يقول...

ربنا يكرمك

Hamdy يقول...

ربنا يكرمك يا استاذ خالد ويجعله في ميزان حسناتك ودايما تكون سباق في فعل الخير

تحياتي..

ghada mOhsen يقول...

ربنا يجازيك كل خير استاذ خالد ..

وربنا يكون في العون يارب

طالما في ناس زيكم يبقى والله لسه الدنيا بخير

^_^

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين


وربنا يتقبل منك ومنا والمسلمين صالح الاعمال..

اخ كريم والله وربنا يعلم انى احبك فى الله

همسات وبحــ الحياه ــر يقول...

ربنا يبارك فيك ويعزك
جزاك الله كل خير
اكيد كل واحد هيعمل اللى يقدر عليه

زهرة يقول...

ربنا يكرم حضرتك والله .. جزاك الله كل خير :)

أمل حمدي يقول...

اللهم بحق اليوم الفضيل ييسر له الأمر ويرزقه من حيث لايحتسب
ويشفه ويعافيه اللهم أمين

سهل وسهيلة يقول...

جزاكم الله كل الخير وجعل عملكم شفيعا لكم يوم القيامة


أخي الفاضل
تلك مدونتا الجديدة نريد مشاركتك معنا في الرأي والفكر لنرتقي معا

http://shlandsohila.blogspot.com/

طهر فؤادك يقول...

السلام عليكم ورحمة الله وبركاتة

اخى خالد

ربنا يكرمك يارب والمسلمين

وياريت تطمنى لو فية اى جديد فى موضوع الراجل دة ولو حد اتصل عليك ولا حاجة علشان يطمئن قلبى وربنا يعزك والمسلمين اجمعين ..

سهل وسهيلة يقول...

نتمنى أن تشاركنا التفكير في
كلانا يفكر
http://shlandsohila.blogspot.com


سهيلة

همسات وبحــ الحياه ــر يقول...

ازيك يااستاذ خالد
جايه اسلم وابلغ حضرتك ان الحلقه الجديدة نزلت