9 أكتوبر، 2010

اربع نساء فى حياة كل رجل

 من وحى بعض البوستات وحديث جانبى ونقاش فى احد اللقاءات على ضفاف النيل عن تجارب الحياة وعلاقة الزوج بزوجته بصفة خاصة وعلاقة ادم بحواء بصفة عامة  راودنى سؤال غريب لماذا يحب الرجل اكثر من امرأة والعكس صحيح  ؟؟؟.
ما يخص الرجل :-
الرجل بطبعه يتسم بالطمع والملل لذلك يريد من زوجته ان تكون له اربع نساء بداخلها .
لان طبيعة الرجل تحتم عليه ان يعيش مع اربع نساء يتأثربهم ويظل بداخله حنين لهم   فاول سيدة تراها عينيه هى امه وتكون المصدر الاساسى فى حياته الذى يبعث له الحنان فيحب امه لحنانها وعطائها الذى بلا حدود وسعة صدرها وتسامحها و تشجيعها والاخذ بيده فى الضراء ومشاركته فى الفرح وتكون بجانبه فى مرضه انه يريد من زوجته ان تكون امه التى فقدها بعد زواجه ويظل يحن اليها كلما احس بحاجته اليها .
والسيدة الثانية الحبيبة العاشقة التى يتمناها كل رجل بداخله التى تتفنن فى سرقة قلبه واثارة رجولته كما يريد ان يحس انه مع امراة تبهره بانوثتها وسحرها وصوتها الحنون الدافىء الناعم وكلماتها الرقيقة المليئة بالحب والحنان ويريدها ان تذوب بين يديه عشقا ( والحمدلله انقرضت وفى طريقها الى الفناء )

اما الثالثة فهى الصديقة التى يبث اليها همومه ومشاكله ويستشيرها فى اموره ويريد منها صديقة تحفظ سره وتستر عيبه ولا تفشى سره وتفضح عيوبه بين صديقاتها .. يريد منها احيانا العقل والحكمة والمشورة وان تحس به وبمشاكله وحينما يتكلم تستمع اليه وحينما يعود الى المنزل لا تكثر فى الشكوى من اعباء المنزل والاولاد فيلجا الزوج الى الصمت او ترك البيت وقضاء معظم الوقت مع اصدقائه الذين يفهمونه ويسمعونه .
اما الرابعة والاخيرة هى الخادمة وهى التى تكون مهمة فى حياة كل رجل حيث يحتاج اليها فى اعداد الطعام بيديها حتى لو كانت لديك خادمة ويريد ان ترتب له اشيائه بنفسها يريد لمستك بالمنزل والاعتناء بملابسه ومظهره ومظهرك ومظهراولادك . عزيزتى حواء هذا هو الرجل عبارة عن طفل كبير يحتاج منكى الى حنان وتدليل  اعترفى بتقصيرك فى حقه وعاهديه على اصلاح ما فات وعلى ان يرى منكى ما يتمنى وهكذا اذا أردتى ان تملكيه وحدك فتكونى اربع نساء فى جسد واحد تملكى قلبه وعقله وروحه يا مطلعة روحه .
ما يخص المرأة :
لا يختلف الحال كثيرا عن الرجل فالزوجة تريد من زوجها ان يقوم بدور كل شخص هام فى حياتها فاحيانا يكون والدها بحنانه وعطفه ورعايته وتقويمها دائما الى الطريق الصحيح، وتريد منه ان يكون زوجا عاشقا ولهانا يلقى على مسامعها كلمات الحب والغزل ويشعرها انها اميرته ومحبوبته الوحيدة ويتغزل بها وفيها تشعر باحتوائه لها ولمشاعرها ، تريد منه ان يكون أخا وقت الشدة وصديقا وقت الحاجة  ومكمن اسرارها لانه الرجل الوحيد الذى لا تخجل من التعرى امامه .
عزيزى الزوج الملكوم هذه هى حواء بحر عميق لا بداية ولا نهاية له فكن سباحا ماهرا او ربان يدير الدفة باقتدار وحرفية شديدين فحواء كل اسلحتها جاهزة ومهما فعلت فلن تستطيع ان تملك قلبها وروحها بسهولة .
على الهامش : ليس هذا تحيز للرجل ولا ذم فى النساء بقدر ما هو واقع ملموس لان الانثى عاطفية بطبعها بعكس الرجل فغالبا ما تتاثر بموقف او كلمة فتجعلك ملكا متوجا اوتتاثر بموقف اخر فتجعل عيشتك زفت وقطران او اكثر من هذا حسب امكانياتها .

هناك 41 تعليقًا:

همسات وبحــ الحياه ــر يقول...

واخد اول تعليق

همسات وبحــ الحياه ــر يقول...

كان نفسى جدا اجى واحضر اللقاء بس لعل المانع خير

هروح اقرا واجى

فاتيما يقول...

ههههههه

لا حول و لا قوة الا بالله
ليس بس يا خالد كدا
افشيت السر الأعظم يا نبى

رجالة او ستات
كله هيطلع عين بعضه
و محدش يستغنى عن التانى برضو

كلامك فيه كتيييير من الحقيقة
المرأة بتنتظر من رجلها ان يلعب كل ادوار المذكر سالم ف حياتها و يغنيها عن الاب و الاخ و الصديق و الأبن و المعلم و كل حد بيمس حياتها
و الراجل كمان عاوزاها ام و اخت و بنت و صديقة و زميلة و ..و ...

يتبقى فرق التوقيت
المهارة الأانسانية تكمن بقى فى امتى تلعب دورك ف مكانه و توقيته الصح
متبقاش اب تحسم موقف و تحاسب وقت ما تكون عاوزاك صديق
و متبقاش ابن بتدلع عاوز حنان وقت ما تكون محتاجلك حبيب يدادى
و الست كمان
متكونش حبيبة تلزق و تخنقه ف وقت عاوز صديقة تسمعه و تمشى
و هكذا

المسلة عاوزة شطارة ف تحديد الوقت
و كمان عاوزة صبر
الزمن يا خالد
الزمن بقى اجابتى دلوقتى
على سؤال بينسألى ...بقيت اكتشف ان الوقت بيداوى و يصلح و يقرب او يبعد الأشياء و يخليك تعرف تتقبلها او تنساها قدر الممكن
المهم نستخدم الوقت
لصالح تحسين حياتنا
مش نسيبه يكلكعها
و يبعدنا عن بعض

ربنا ما يحرمنا منك
و لا من اخويتك يا غالى

اختك
ام يوسف

همسات وبحــ الحياه ــر يقول...

والحمدلله انقرضت وفى طريقها الى الفناء
ضحكتنى :)
والزوجة مش محتاجة برضو انها تجد من زوجها الاب والحبيب والاخ والصديق
موضوع جميل :):)

الحب الجميل يقول...

كثيرا ما يخطىء الزوج او الزوجه فى حق الطرف الاخر
والبعض يقدر ويهنىء
الزوج مش انانى بالعكس انا بشوف ان من حقه كاراجل ان تكتمل كل الصفات التى يريدها وتشعرة بالحب والطمائنينه والحنان وكل معانى الانوثه والجمال والعشق فى زوجته وهى المفروض عليها تحاول تكمل فى نفسها اى شىء ناقص لأرضاء زوجها وتجعله يرى فيها الزوجات الاربعه
تكون له الأخت
والأم
والزوجه الحنونه
وعشيقته
وصاحبته وكاتمة اسرارة
وحب لا ينتهى
وابنته المدللة فى بعض الاوقات
فأنا لا ارى انها انانيه من الرجل
بالعكس
هو يريدها واحده مكتملة الصفات التى يحب ان يراها فيها
الراجل مخلوق جميل وطفل صغير بيد المرأة ان تحتويه وتجعلة لا ينظر الا لها إذا غمرته بالحب والحنان والدفء
ابلعض ينجح والبعض يفشل وذلك لتجاهل احد الطرفين بما يقدمه ويبذل الاخر له
وبخصوص الزوجه فهى تريد زوج يكون لها كل شىء لكن فى بعض الازواج يتجاهلون هذا الجزء ويتعاملون مع زوجته انما هى مجرد زوجه وام لاطفالهم وخادمه تقوم بطلبات المنزل
ويتناسوا ان الزوجه بحاجه لحبيب واخ وصديق ترمى كل همومها معه بدون مذلة واهانه
اذا وصلت لقلب المراة يبقه بكدا سوف تهنىء وتعيش عيشه هنيه
اذا احسست الزوجه انها اميرة عرشك فستجدها بين يديك فى اى لحظه شئت
اذا احتويتها فستجد منها كل الخير
وتعيش فى جنة الحياة مع زوجه مخلصه ومحبة وحنونه
البوست جميل اوى يا خالد وفيه كلام كتير من عدة زوايا
تحياتى لشخصك

eng_semsem يقول...

كلامك جميل لكنه مستحيل لان الزمن اتغير من ساعة ما عرفنا كلمة ماما سوزان غيرت المفاهيم علمت البنات اللي تقول لا لجوزها تبقى عايشه في حريه واللي يجارها جوزها تبلغ عنه وتسجنه وتسرق فلوس مع احلامه الورديه ومن ساعة ما عملوا قانون الاسره ضاعت الاسره المصريه ايوه الراجل محتاج لمراته وتقوم بكل الادوار واكيد ده مش غلط

أحــوال الهـوي يقول...

لن تجد المراة الرجل المتكامل
الكامل
الحنون العطوف الكريم العظيم الشديد الرقيق ...............
فلعلها ترتضي بمن يملك 70% بما ترغب
و لن يجد الرجل في المراة
الحبيبه و العشيقه و الرقيقه و الجميله واللينه و الحنونه و الطباخه الماهرة و لا كاتم اسرارة

فلعله يرضي بمن تملك نسبة من كل هذا
يعني كل واحد يرضي بنصيبه
تعبتونا

تحياتي

ستيتة حسب الله الحمش يقول...

( والحمدلله انقرضت وفى طريقها الى الفناء )

وبتكتبها بخط نونو ليه
فاكرنا مش ها نشوفها
ماااااااااشي يا خالد
ان شاء الله وبإذنك يارب نهدي النفوس :)

عاشقه الرومانسيه يقول...

لما اتجوز هاجى اعلق على البوست ده
الحمد لله ده الواحد فى نعمه
بلا غلب

حنين القلب يقول...

الكلام الكبير ده يامعلم
كلامك صح طبعا
لكن في سؤال يطرح نفسه
في حياتك انت كام واحده بقي؟؟
هههههههه
الله يسهلك ياعم

كيــــــــــــارا يقول...

هههههههههههههههههه


جامد جامد

بس تفتكر الناس هتفهم داااا

طهر فؤادك يقول...

السلام عليكم ورحمة الله وبركاتة

اخبارك اية يااستاذ خالد

وربنا يكرمك يارب والمسلمين

وربنا يتقبل منا ومنك صالح الاعمال

وجميل بوستك جداااا

richardCatheart يقول...

بحر غويط وافتخر يا عم خالد

طبعا لازمن ولا بد نطلع عنكم ونقرفكم علشان لما نسعدكم تعرفو الفرق

طبعا الست لازم تبقى 4 فى1 بس بشرط تكون هى حبه دا وتقدر تعمل دا

لان مش كل الستات عندها القدره على دا
لان الست صاحبه القدره دى سوبر ومن

وبشرط كمان يكون هو سوبر مان مش هاف

نص كم ياعنى هههههههههههه

حلو البوست ياخالد بس شكلك كده عملت عدوات نسائيه قويه بعد البوست خلى بالك من نفسك لا تتخطف هههههههههههه

حاجات جوايا يقول...

هههههههههه
حلو البوست يا ابوهمس

بس المشكلة ان كل واحد مش بيفكر غير فى حقوقه وبس
مش شايف هو نفسه يستاهل ياخد الحقوق دى كلها على قدر العطاء اللى بيقدمه ولا لا
يعنى لو الزوج كان للزوجة الاب والاخ والزوج والصديق والحبيب والدليفرى كمان ..مستحيل تكون هى مجرد زوجةوبس
..مستحيل هتكون اربع نساء بس ..

لوالزوج كان للزوجة كما تتمنى .. هتكون الزوجة له اكتر بكتيرررررر مما يتمنى .. يعنى المارد اللى فى مصباح علاء الدين مش هييجى جنبها حاجة

بس تقول ايه بقى فى الكسل حتى فى المشاعر اللى بقى غالب ومسيطر من الكل

تحياتى

همس الاحباب يقول...

همسات وبحر الحياة
ان شاء الله نشوفك فى لقاءات قادمة
انا كنت متوقع انك هتكونى موجودة
يلا خيرها فى غيرها

همس الاحباب يقول...

ام يوسف
متفق معك طبعا وعامل الزمن هام جدا
واختيار الوقت المناسب لاختيار الدور المناسب لكل لحظة
ولكن مع الاسف رتم الحياة التى نعيشها والظروف الخارجية تجعلنا نخطىء فى اختيار الوقت والزمان المناسب للدور الذى يقوم به كل من الرجل والمراة
تحياتى لحضرتك

همس الاحباب يقول...

همسات وبحر الحياة
هههههه
دى حقيقة على فكرة وخصوصا بعد الزواج الكل بينقلب ويختلف 360 درجة الا من رحم ربى
اكيد كل منا يحتاج الى ذلك سواء رجل او امراة
تحياتى

همس الاحباب يقول...

الحب الجميل
امممممم رائع جدا
لخصتى الموضوع والفكرة ببساطة شديدة
اذا احتويتها فستجد منها كل الخير
متفق معكى جدا فى كلماتك وطرحك المميز
تحياتى

همس الاحباب يقول...

مهندس سمسم
مفيش شىء مستحيل مهما تكن الظروف وتغيرات الحياة بداخل الزوجة انثى تحتاج منك الاحتواء والمعاملة الجيدة
وكذلك الرجل محتاج الاحتواء من زوجته
وطالما هناك تفاهم ومعرفة الواجبات والحقوق لكل طرف اكيد لا نلجا الى افتكاسات ماما سوزان وقوانينها
تحياتى لحضرتك

همس الاحباب يقول...

دكتور عصام
ههههههه
الكمال لله وحده يا باشا
ولكن ننشد الوصول الى نسبة ملائمة للتوافق
تعبتونا هههههه من المقصود بها ولا خليها بينى وبينك
تسلم يا باشا
تحياتى

همس الاحباب يقول...

ستيته حسب الله الحمش
ههههه
حرمت يابوجى ايون حرمت يا طمطم
خلاص يا وديع غلطة ومش هتتكرر
وبعدين ربنا يهدىء النفوس ويصلح الاحوال
نورتينا يا دكتورة

همس الاحباب يقول...

عاشقة الرومانسية
ربنا يسعدك ونشوفك عروسة ان شاء الله
لكن الموضوع عام لكل متزوج او غير متزوج
فهى علاقات متشابكة ما بين الرجل والمراة منذ خلق ادم الى ان يرث الله الارض ومن عليها
تحياتى

همس الاحباب يقول...

حنين القلب
ههههههههه
انا قلبى مساكن شعبية
بس لسه السطوح فاضى
ليه الاسئلة المحرجة دى عامة اضرب 4 فى 4 وانت تعرف النتيجة الصادمة
الله يسهله يا عم وطالما حضرتك قاعدة هنشوف تساهيل
ههههههه

همس الاحباب يقول...

كيارا
هههههههه
بكرة تكبر وتفهم ان شاء الله
تحياتى

همس الاحباب يقول...

طهر فؤادك
وعليكم السلام ورحمة الله
الحمد لله بخير
اخبار حضرتك انت ايه
ربنا يطمنا عليك دائما
وشكرا لكلماتك وتواصلك الدائم
تحياتى

همس الاحباب يقول...

مارو هانم
هههههه
متفق معكى طبعا ان لكل انسان رجل او انثى طاقة وامكانيات تختلف من شخص لاخر
ولكن لا يحمل الله نفس فوق طاقتها
هههههه
ليه بس لا ما فيش عدوات اطلاقا
الحمد لله الموضوع عدى على خير هما يومين نوم على السلم ويومين غسيل مواعين
وهتعدى ههههه
سلامى لحضرتك والاستاذ محمد والاولاد
تحياتى

همس الاحباب يقول...

حاجات جوايا
انا مؤمن بالقول الدارج كن لها محمد تكن لك خديجة
الحياة بحر من العطاء المتبادل اما الانانية لا تلد الا انانية مثلها
تحياتى لحضرتك

amiralcafe يقول...

سلام اليك في تونس حتى التفكير في امرة ثانية اصبح من الماضي منذ اكثر 50 سنة
لكن موضوعك جميل فبلحب ترى الحبيب بكل الاوصاف رؤوف

الازهرى يقول...

المشكلة مش فى تواجد الأنواع
دى المشكلة فى التنسيق
كل واحد يقدر على تأدية كل دور بس تفتكر كام واحد يقدر ينسق حياته ويبقى عنده ذهن صاحى بحيث يطلع الشخصية المناسبة فى التوقيت المناسب ؟
طبعا الكلام على الجنسين

تحياتى دوما

طهر فؤادك يقول...

السلام عليكم ورحمة الله وبركاتة

اخبارك اية يااستاذنا الكريم

ربنا يجزيك خير عنا وعن المسلمين اجمعين زطالب من حضرتك مساعدة وانا عارف انك سباق بالخير دايما ... فاكر جمعية الامل (فرع سوهاج ) الى كانت عاملة معرض ملابس لمساعدة مرضى السرطان يارب تكون افتكرتها... المهم جت ليهم حالة بس صعبة شوية ومحتاجة كلنا نتكاتف مع بعض ونساعدها وهكتبللك التفاصيل الحالة ويارب تنشرها ونحاول نساعدها كلنا بالى نقدر علية ان شاء الله وهى على لسان الحالة طبعاالى ربنا يشفيها ويعافينا جميعا اللهم امين والمسلمين بتقول :--اسمه بخيت محمود أحمد والذى يعمل بالهيئة العامة للتأمينات الاجتماعية بســوهاج

وبيقول :-
حيث انني مريض بمرض ( السرطان فى الكلى ) وتم اجراء عملية لاستئصال الورم على نفقتي الخاصة بتاريخ 26/11/2009 ثم تم دخولى الى معهد اورام اسيوط بتاريخ 5/12/2009 واوصى الطبيب المعالج بضرورة الاستمرار فى العلاج بدواء (sutent) وذلك لمدة 18 شهرا حتى يتم الشفاء وتبلغ قيمة علبة الدواء 23 الف جنيها ونظرا لارتفاع سعر الدواء عن قدرتي المالية فقد وافقت شركة فايزر للادوية على تخفيض 50% من قيمة الدواء وحيث ان الدواء بعد تخفيض 50% تبلغ قيمته 11.500 الف جنيها .ونظرا لظروفى المالية الصعبة حيث انني اعول اسرة فأرجو من سيادتكم التكرم بالموافقة على مساعدتي لشراء هذا الدواء بصفة مستمرة أو مساهمة اهل الخير ويعتبرهذا الدواء الوحيد فى علاجي الذى تحسنت عليه صحتي حيث اننى فى حاجة الى 6 جرعات حتى اتماثل للشفاء .

وجعلكم الله عونا للمحتاجين

ت/0115428158

العنوان/سوهاج- شارع ابو الحسن البصري

خلف شارع 15

طهر فؤادك يقول...
أزال المؤلف هذا التعليق.
طهر فؤادك يقول...
أزال المؤلف هذا التعليق.
نهر الحب يقول...

احمد زكى معايا ولا اية

اية ياعم كل دا اربع نساء طب لية مقولتيش اربعة واربعين

بص يا خالد ياخويا
لو كل طرف عرف بجد اية احتياجات الطرف الاخر وفهموا بعض وتعاملوا بحب هيكون دا خير حل
خالص وان الكمال لله وحدة



اية اخبارك يا خالد اتصلت بيك ولا انت هنا ؟؟

الطائر الحزين يقول...

هههههههه
اعتقد ان قلب الرجل ممكن ان يسع اكثر من امراة لكن قلب المرأة لا يسع الا رجل واحد وممكن اكثر لكن عن طريق الازاحة يعنى نشيل الاول ونحط التانى

طبعا الكلام ده فى ودنك

زهرة يقول...

صح جداً ومنطقى .. ودة بيحصل على فكرة من غير ما حد من الأتنين ياخد باله بمعنى إن الزوجة بتقوم بكل الأدوار دى من غير ما تقسمهم كدا .. بتعمل كدا علشان دة لازم .. دى اسس نجاح البيت ..

والزوج كمان لازم يبقى كدة .. ودة طبعاً بيكون مسلم بيه ومفهوم لما يكون فيه تفاهم ومودةبين الإتنين بشكل كبير .. فكل واحد بيفهم دور التانى وبيقدرة ويقولة حتى كلمة شكر ..

فكل حاجة بترجع ف الآخر على معرفة الحقوق والواجبات .. وكل حاجة بتبقى تمام وناجحة :)
والحمد لله انه حضرتك مؤمن بإن زوجة واحدة ممكن تكون كفيله بدة كله .. مش لازم يعنى 4

تسلم إيدك وفكرك

همس الاحباب يقول...

اميرة كافى
اهلا وسهلا بحضرتك
نورتيناواهلا بكى وبكل الاشقاء فى تونس
وشكرا على كلماتك الطيبة
تحياتى

همس الاحباب يقول...

الازهرى
اكيد طبعا هناك مشكلة فى التنسيق والترتيب بين تلك الادوار
منورنى دائما يا باشا
تحياتى

همس الاحباب يقول...

طهر فؤادك
جزاك الله خيرا
بالطبع اعرفها
وسيتم فورا النشر وربنا المستعان
ان شاء الله خيرا
تحياتى لحضرتك

همس الاحباب يقول...

نهر الحب
ههههههه
لا خالد ذكى مش احمد ذكى
اكيد متفق معكى جدا
علم يا فندم وشاكرين لحضرتك
تحياتى

همس الاحباب يقول...

الطائ الحزين
ههههههههه
بالطبع كلامك سليم 100% يا باشا
وربنا يستر
تحياتى

همس الاحباب يقول...

زهرة
اممممممم
متفق مع حضرتك قلبا وقالبا وتعليق لا يحتاج الى تعليق ولكن يحتاج الى تصفيق وتحية وتقدير
تحياتى لحضرتك