بلغنى ايها المدون السعيد ذو الرأى الرشيد
انه فى مثل هذ اليوم
24 سبتمبر
حضر الى عالمنا السعيد فى يوم غابت عنه الشمس والنجوم والكواكب
حضر الى عالمنا السعيد فى يوم غابت عنه الشمس والنجوم والكواكب
مولود زاده كآبة وياس واحباط
واحتفالا بتلك المناسبة السعيدة فقد قررنا عمل احتفال بتلك المناسبة السعيدة بلا شك
النهاردة يوم ميلاد
أجدع اخت وأطيب قلب
ام عمر افندى
وبما ان عمر افندى خصخصوه
وعقبال ما يخصخصوا اللى فى بالى ونرتاح
وبهذه المناسبة الكل مدعو للحضور
وفى انتظار تشريفكم
ونبدا مراسم الاحتفال
كل سنة وانتى طيبة وعقبال 100 سنة
الهدايا ورد بكل الالوان علشان خاطر اطيب قلب
وده كتاب رب العباد
هدية همس وشابى لطنط ام بقلظ
ويلا حالا بالا بالا هنوا ابو الفصاد
وطبعا هناك فرق بين الكرم والبخل
تورت وعصير مش مسقعة
ركن المشروبات والعصائر
****
كل سنة وأنتى طيبة يا ام عمر
وعقبال 97 سنة و 3 ايام و30 ثانية
كفاية عليكى كده
*******************
واخيرا مع زست
تقررعمل لقاء تدوينى ترفيهى خزعبلاتى مراجحيى بمدينة الاسكندرية
يوم السبت الموافق 2 اكتوبر والمراجيح عامة
يوووه خليها الدعوة عامة
وربنا ما يزنقكم فى مرجيحة ابدا
لمزيد من التفاصيل هتلاقيها هنا عند رئيس مراجيح مولد النبى
.jfif)
.jpg)
هناك 48 تعليقًا:
كل سنة وانتى طيبة يا حنين
بس بلاش تاخدى على كده
مرة وخلاص
انتى عارفة انى مش طايقك لاسما ولا ارض
وده اعلان للحرب الباردة المؤجلة
وانت طيب يا ابو همس وربنا ما يحرمنى منك
من القلب للقلب رسول يعنى اللى طيقاك اوى
وبعدين مين قالك اصلا تحتفل بعيد ميلادى
ده عيد قومى وكبير عليك
انت كبيرك تحتفل بعيد ميلادك
عيد شم النسيم
عيد تحرير سينا
عيد الاقزام اللى انت رئيسهم
انما عيد ميلادى دى وسعت منك اووووووووووووووووووووووى
وحرب بارده ايه اللى بتتكلم عنها
يعنى نحارب بعض فى تلاجه ولا نقف على لوحين تلج واحنا بنحارب
ايه المسميات الغريبه دى
وبعدين انا بحرب الحرب المشتعله علشان لما اولع فيك يبقى حقى وخلصت تارى
ههههههههههههههههههههههه
حنين القلب
ههههههههه عيد ايه يا ماما
قومى تحيا القومية العربية
انا لقيت محدش معبرك ولا فاكر مدونتك
قلت عيب برده دى كانت فى يوم من الايام بتشحت قدام المرسى ابو العباس وتاكل عيلة الرايق
بس نعمل ايه خيرا تعمل تلاقى الطبع غلاب
يلا اعمل الخير وان شاء الله نرميكى فى البحر
انت لو تعرف معنى المسقعة كنت عملتها ليه
دى كلها فيتامينات وكالسيوم وبتنجان وصلصة ولحمه مفرومة انت عارف حاجه اسكت اسكت
وبعدين فييييييييييييييين هديتى بجد بلاش الضحك على العيال بالصور انا عايزة هديتى صوت وصورة والمسها بايدى
وانا مش طماعه
عايزة شقه باسم عمر
وعايزة اغير الانتريه والنبى هاتلى واحد
وعايزة ........... ولا اقولك كفايه كده
يا رب بس تصدق وتجيب
الحرب الباردة بتكون بين الدول العظمى
بس اعمل ايه فى الجهل الوراثى فى عيلة الرايق
وبعدين انتى اخرك لوح تلج وجردل لسه ما وصلش عندكم اختراع الثلاجة
تولعى فى مين يا ماما ومال اصواريخ والبمب والشموع لزمتها ايه
بقولك ايه اجرى احسن المدونة هتولع
ريحة شياط
حنين بتولع يا جدعان
كويس انك فاكر انى كنت باكلك وتشهد عليك سندوتشان الكبدة الاسكندرانى
يعنى لحم كتافك من خيرى
ولا اقولك علشان اكون صريحه انت اصلا مش عندك كتاف
لحم ركابك من خيرى
هههههههههههههههههههههههههههههههه
حنين القلب
هههههههه
اخرك مسقعة يا ساقعة هانم
حد يقدم سندوتشات مسقعة فى عيد ميلاد
هدايا ايه
ايه ده كله
هو انا رايح فرح واحد محروق
هما اتنين جنيه روشنى نفسك بيهم
والباقى اعمليه وديعة باسم عمر
يلا عنه ما حد حوش
حنين القلب
ههههههه
لا فعلا خيرك سابق ياللى اكلت الكشرى والكبدة و3 صوابع من ايدى
وتقوليلى مش اخدت بالى بحسبهم لحمة مفرومة
ولا نسيتى وانتى بتعيطى وعصافير بطنك كانت بتنهق فى اخر لقاء
وبعدين بلاش تسييح على الهواء
خلى الطابق مستور يا معلم
كل سنة وانت طيبة ياحنين
وعقبااااااال 10066536 سنة هههههههه
ان شاء الله هاجى اللقاء بس يارب منتهوش فى السكه
اى طابق ده اللى هسيبه مستور
منتا مسحت كل الاطباق والشوك والمعالق
على العموم الف هنا
بجد يا خالود ربنا يخليك ليه
وتعملى كل سنه احلى عيد ميلاد
همسات وبحر الحياة
وانتى طيبه
واضح من لغتك انك اسكندرانية ولا احنا غلطنا يا جدعان
تنووووورى
همسات بحر الحياة
ايه الرقم المتكعبل ده
وده تعيشه ازاى اذا كان اللى زيها انقرضوا من زمان
حنين دى من ايام الديناصورات
عامة تنورى اللقاء ومنها تسلمى على الدينازور البشرى
حنين القلب
انا مسحتها وسبتها من باب النظافة
بس غيرى شالها فى الشنطة
ومن سوء الحظ الشنطة كانت مخرومة والحاجة وقعت منها
هههههههههه
وبعدين مين قالك انى هتجنن واعمل كده تانى
المدونة هتتقفل طوال شهر سبتمبر بعد كده اجازة المدونين زى اجازة القضاة كده فى يوليو
كل سنة وانتى طيبه يا حننننننننين
عقبال ..... حطى الرقم اللى انتى عيزاااااااااه
ههههههههههه
كل سنة وانتى بخير وسعادة يا ام عمر
بس عايزة اقولكم
حراااااااااااام عليكم
انا صايمه
ايه كل الاكل دااااااااااا
على العموم هدخل بالليل اكل برحتى
هههههههههه
سلام دلوقتى
حلو تبادل الاحتفالات ده:)
كل سنة وانتوا طيبيبن
حنين القلب ام عمر باشا
يارب كل لحظه وانتى فى هنا وخير وربنا يبارك لك فى عمر ويفرح قلبك به وتشوفيه من افضل الرجال فى العالم كله
ان شاء الله اشوفه يوم اللقاء ....
استاذ خالد
ربنا يبارك فيك ويفرحك ويكرمك على البوست الى بيحمل مشاعر اخوه صااااادقه
ياريت يا استاذ خالد كده تقولنا شويه تفاصيل يعنى مثلا هنركب مواصلات ولا تاكسيات فى التنقل ومثلا الواحد يعمل حسابه فى فلوس كام لزوم الغدا والحلو وكده هى اسئله سخيفه بس تفرق والمكان بتاع نادى المهندسين فين وكده يعنى
ياريت يا استاذ خالد كده تقولنا شويه تفاصيل يعنى مثلا هنركب مواصلات ولا تاكسيات فى التنقل ومثلا الواحد يعمل حسابه فى فلوس كام لزوم الغدا والحلو يعنى حد ادنى كام وكده هى اسئله سخيفه بس تفرق والمكان بتاع نادى المهندسين فين وكده يعنى
كل سنه وانتي بالف خير اي حنين
وعقبال ملييوووووووووون سنه
استاااااااااذ خالد
انا كماااااااااااااا ن عندي تفصيل علي فكره
وفي واحد اسمه محمد جبريل كلمني لما نشرت اعلان اللقاء عالفيس وقال انه جايب مدونين كتيييييييييييييييير
هتبقي زييييييييييييييييطه
انا رئيسه مراجيح مولد النبى؟
انبى لاوريك يااوزعه
كل سنه وانتى طيبه ياام عمر ياقمر
كل سنة و انتى بألف خير يا حنونة
برضك مفيش فايدة فيكى انتى و خالد
يا عيال خلاص بقى
كبرتوا كام سنة و بقى عندكو عيال
برضوا افيش فايدة ؟
انا موافقة على سندوتشات المسقعة دى
مع انى مش غاويها قوى
انما عشان خاطر حنين
يتاكل المسقعة سندوتش
و ايه حوار مراجيح مولد النبى دى
طب و الله لقب حلو يا دودو
انا اصلاً مصيتالك يا بنتى
و بشجع اى حد ع المشوار
و اقوله المراجييييييح ..المراجيييييح
دنتى تفرحى المفروش
ان شاء الله نعرف نحتفل بحنين كما ينبغى يوم ما نجيلكو
انتوا ايامكو كلها حلوة
دايما كدا
مدلعينا
و مفسحينا
و مفرحينا
و ممرجحينا
و مأكلينا
و مشبعينا
و كمان مخلينا نحلى
نقوم نيجى على عينينا و لا منجيش ؟!!
كل سنة و انتى وسطنا يا حنونة
و عقبال ما تخاوى عمر يا رب
و عيد الميلاد الجاى
تبقى شايلاه على كتف
و البيبى على الكتف التانى
بوسات و حضونات
و احلى اعياد ميلادات
انت نزلته امتىى
كووووووووووووول سنة وانتى طيبة ياحنونة يارب
ويسعدك دايما ياحبيبتىىىى
ويكون اللقاء يوم جميللل
هو انا كل اما اروح مكان الاقيكو ناقر ونقير
ياساتر عليكووو
قط وفار مش ممكن ابداااا
السلام عليكم
اولا كل عام وانتم بخير
ثانيا كل سنة وانتي طيبة يا حنين
تحيتي
;كل سنه وهي طيبه عقبال مليون شمعه
هههههههههههههههههههههههههه
خلود باشا يا معيش الشعب ديما كرمك مغرق الكل الحقيقه
كل سنه وانت بخير يا حانينو عقبال مليون سنه وانت سعيده وفرحانه بحبيبى عمر يارب
ربنا يحققلك كل احلامك وتحلمى غيرها
الواحد مستنى يوم التجمع بفارغ الصبر ربنا يكرمنا ويجى على خير
الحب الجميل
بقولك خليها اصفار احسن ويا ريت يكون صفر واحد بس
ربنا يستر وحنين تخلى حاجة انا حاسس انها ممكن تاكل التورته بالشمع وتحلى بالورد كمان
كل سنة وانتى طيبة .
موناليزا
وانتى طيبة وبصحة وسعادة
زهراء
ربنا يكرمك ويبارك فيكى يا زهراء
ان شاء الله نشوفك على خير يوم 2-10
غير معرف
حتى لو اسكندرية ما فيهاش كل ده هتفضل عروس البحر
بس نعمل ايه للمسئولين وجهلهم
تشكر يا باشا على المعلومات القيمة
غير معرف
لا يا باشا ده من حقك
بس بصراحة ما اقدرش احكم المبلغ صراحة لانها هتختلف من شخص لاخر
بس غالباالانتقالات فى اسكندرية محدودة جدا لاننا غالبا بنكون فى مكان واحد لا نخرج عن نطاقه بعيدا يعنى معظم التحركات هتكون موتو رجل ولو ركبنا هنركب المشروع وده رخيص جدا فى اسكندرية بيكون نص جنيه او ربع جنيه المواصلة حسب المسافة
اما بالنسبة للاكل فغالبا بيكون فى متناول الجميع لان اسعاره تبدا من 2.5 لللسندوتشات او 10 جنيه للبيتزا وده حسب رغبتك اما الحلو حسب طلبك انت
وعامة يا عمنا تعالى انت رايح اسكندرية مش اى مكان .
ونادى المهندسين ده اللى فى سابا باشا على الكورنيش قبل شاطى جليم
حنان الشافعى
ههههههههه
ربنا يستر يا حنان
والزيطه تبقى زيطه
نشوفك على خير ان شاء الله
عاشقة الرومانسية
هههههههههه
كبير عليكى المنصب صح
خليها مراجيح المرسى ابو العباس على قدك
فاتيما
وانتى طيبة يا ام يوسف
وبعدين بلاش الدلع والحنية دى خليتى كل من هب ودب يطمع فينا
وبعدين ده واجب عليهم
وممكن يكون فرض بس نعمل ايه التواضع بتاعنامطمع الناس فينا وخصوصا ريا وسكينة
يلا علشان خاطرك انا مسامح فى حقى .
كيارا
ههههههه
معلش يا معلم عدت منك
خيرها فى غيرها
هههههه
كيارا
قط وفار
يا بنتى انا لو قط وهى فار كنت قرفت من كل الفئران اللى فى الدنيا
طب بذمتك انا غلطان فى حاجة
بس بلاش الذمة الاستك
هههههههههه
جنى
استاذنا كل سنة وانت طيب
اخبار حضرتك ايه
والله ليك وحشة كبيرة بجد
ربنا يطمنا عليك
عاشقة القمر
وانتى طيبة
بس مليون كتير قوى
مارو هانم
يا مصيتنى انت
انا بقول اسكندرية مفيهاش غير قلب القطة عارفة بقيمتى ومصيتانى
هههههههه
يا ريت تقولى لصاحبتك بتاعت المسقعة دى
ان شاء الله نشوفكم على خير يوم اللقاء
تحياتى
كل سنة وهى طيبة
وكل سنة وكلنا بنحب بعض ومرتبطين ببعض يارب
وكل سنة وانت يا خالد جميل
زى ما انت
مش بعاكسك انا بقولك اهووووووو
انا جيت متأخرة
ولا أيه؟على العموم
يكفى اقول كل لحظة والجميع
بألف خير ومش عايزة تورتيه
بحالها يكفى دستة جاتووووووة
طب نص دستة؟طب ربع دستة؟طب
حتة واحدة بس؟طب وبعدين؟
طبق بق ميه حتى:)؟
وكل سنة وانت
طيب ياابو همس وشابى
كتر خيرك بتعرفنا بالمناسبات
القومية العظيمة دى:).
كل سنه و انت و ام عمر طيبه
و فعلا احتفال يليق بالمحتفل و المحتفل به
تحياتي
كل سنه وحنون طيوبه ياااارب
وربنا يسعد قلبها ياااارب
:)
أخبارك إيه ياأبو شابي
بارب تكون بخير يااااارب
ودايما كده مأكلنا ومشربنا
:)))))))))
دمتم بألف خير
^_^
كل سنة وانتي طيبة يا حنين
مكان التجمع اتغير
من نادي المهندسين لنادي دار مصر
وده لظروف خاصه بيا انا
إرسال تعليق