23 سبتمبر، 2010

عيد ميلاد سعيد + لقاء اسكندرية

بلغنى ايها المدون السعيد ذو الرأى الرشيد 
انه فى مثل هذ اليوم 
 24 سبتمبر
حضر الى عالمنا السعيد فى يوم غابت عنه الشمس والنجوم والكواكب 
مولود زاده كآبة وياس واحباط  
  واحتفالا بتلك المناسبة السعيدة فقد قررنا عمل احتفال  بتلك المناسبة السعيدة بلا شك
النهاردة يوم ميلاد 
أجدع اخت وأطيب قلب 
ام عمر افندى
وبما ان عمر افندى خصخصوه 
وعقبال ما يخصخصوا اللى فى بالى ونرتاح
وبهذه المناسبة الكل مدعو للحضور
وفى انتظار تشريفكم
ونبدا مراسم الاحتفال

كل سنة وانتى طيبة وعقبال 100 سنة
  
  
الهدايا ورد بكل الالوان علشان خاطر اطيب قلب
 
وده كتاب رب العباد
هدية همس وشابى لطنط ام بقلظ 
يلا خلى الشعب يعيش
 
ويلا حالا بالا بالا هنوا ابو الفصاد
 

وطبعا هناك فرق بين الكرم والبخل 
 تورت وعصير مش مسقعة  
 
 
  
  
  
  
 
ركن المشروبات والعصائر
 
 
  
  
  

****
كل سنة وأنتى طيبة يا ام عمر
وعقبال 97 سنة و 3 ايام و30 ثانية
كفاية عليكى كده 
*******************
واخيرا مع زست 
تقررعمل لقاء تدوينى ترفيهى خزعبلاتى مراجحيى بمدينة الاسكندرية 
يوم السبت الموافق 2 اكتوبر والمراجيح عامة 
يوووه خليها الدعوة عامة 
وربنا ما يزنقكم فى مرجيحة ابدا 

لمزيد من التفاصيل هتلاقيها هنا عند رئيس مراجيح مولد النبى

هناك 49 تعليقًا:

همس الاحباب يقول...

كل سنة وانتى طيبة يا حنين
بس بلاش تاخدى على كده
مرة وخلاص
انتى عارفة انى مش طايقك لاسما ولا ارض
وده اعلان للحرب الباردة المؤجلة

حنين القلب يقول...

وانت طيب يا ابو همس وربنا ما يحرمنى منك

من القلب للقلب رسول يعنى اللى طيقاك اوى

وبعدين مين قالك اصلا تحتفل بعيد ميلادى
ده عيد قومى وكبير عليك

انت كبيرك تحتفل بعيد ميلادك
عيد شم النسيم
عيد تحرير سينا
عيد الاقزام اللى انت رئيسهم

انما عيد ميلادى دى وسعت منك اووووووووووووووووووووووى

حنين القلب يقول...

وحرب بارده ايه اللى بتتكلم عنها
يعنى نحارب بعض فى تلاجه ولا نقف على لوحين تلج واحنا بنحارب

ايه المسميات الغريبه دى
وبعدين انا بحرب الحرب المشتعله علشان لما اولع فيك يبقى حقى وخلصت تارى

ههههههههههههههههههههههه

همس الاحباب يقول...

حنين القلب
ههههههههه عيد ايه يا ماما
قومى تحيا القومية العربية
انا لقيت محدش معبرك ولا فاكر مدونتك
قلت عيب برده دى كانت فى يوم من الايام بتشحت قدام المرسى ابو العباس وتاكل عيلة الرايق
بس نعمل ايه خيرا تعمل تلاقى الطبع غلاب
يلا اعمل الخير وان شاء الله نرميكى فى البحر

حنين القلب يقول...

انت لو تعرف معنى المسقعة كنت عملتها ليه
دى كلها فيتامينات وكالسيوم وبتنجان وصلصة ولحمه مفرومة انت عارف حاجه اسكت اسكت

وبعدين فييييييييييييييين هديتى بجد بلاش الضحك على العيال بالصور انا عايزة هديتى صوت وصورة والمسها بايدى
وانا مش طماعه
عايزة شقه باسم عمر
وعايزة اغير الانتريه والنبى هاتلى واحد
وعايزة ........... ولا اقولك كفايه كده

يا رب بس تصدق وتجيب

همس الاحباب يقول...

الحرب الباردة بتكون بين الدول العظمى
بس اعمل ايه فى الجهل الوراثى فى عيلة الرايق
وبعدين انتى اخرك لوح تلج وجردل لسه ما وصلش عندكم اختراع الثلاجة
تولعى فى مين يا ماما ومال اصواريخ والبمب والشموع لزمتها ايه
بقولك ايه اجرى احسن المدونة هتولع
ريحة شياط
حنين بتولع يا جدعان

حنين القلب يقول...
أزال المؤلف هذا التعليق.
حنين القلب يقول...

كويس انك فاكر انى كنت باكلك وتشهد عليك سندوتشان الكبدة الاسكندرانى
يعنى لحم كتافك من خيرى
ولا اقولك علشان اكون صريحه انت اصلا مش عندك كتاف
لحم ركابك من خيرى
هههههههههههههههههههههههههههههههه

همس الاحباب يقول...

حنين القلب
هههههههه
اخرك مسقعة يا ساقعة هانم
حد يقدم سندوتشات مسقعة فى عيد ميلاد
هدايا ايه
ايه ده كله
هو انا رايح فرح واحد محروق
هما اتنين جنيه روشنى نفسك بيهم
والباقى اعمليه وديعة باسم عمر
يلا عنه ما حد حوش

همس الاحباب يقول...

حنين القلب
ههههههه
لا فعلا خيرك سابق ياللى اكلت الكشرى والكبدة و3 صوابع من ايدى
وتقوليلى مش اخدت بالى بحسبهم لحمة مفرومة
ولا نسيتى وانتى بتعيطى وعصافير بطنك كانت بتنهق فى اخر لقاء
وبعدين بلاش تسييح على الهواء
خلى الطابق مستور يا معلم

همسات وبحــ الحياه ــر يقول...

كل سنة وانت طيبة ياحنين
وعقبااااااال 10066536 سنة هههههههه

ان شاء الله هاجى اللقاء بس يارب منتهوش فى السكه

حنين القلب يقول...

اى طابق ده اللى هسيبه مستور
منتا مسحت كل الاطباق والشوك والمعالق

على العموم الف هنا

بجد يا خالود ربنا يخليك ليه
وتعملى كل سنه احلى عيد ميلاد

حنين القلب يقول...

همسات وبحر الحياة

وانتى طيبه
واضح من لغتك انك اسكندرانية ولا احنا غلطنا يا جدعان

تنووووورى

همس الاحباب يقول...

همسات بحر الحياة
ايه الرقم المتكعبل ده
وده تعيشه ازاى اذا كان اللى زيها انقرضوا من زمان
حنين دى من ايام الديناصورات
عامة تنورى اللقاء ومنها تسلمى على الدينازور البشرى

همس الاحباب يقول...

حنين القلب
انا مسحتها وسبتها من باب النظافة
بس غيرى شالها فى الشنطة
ومن سوء الحظ الشنطة كانت مخرومة والحاجة وقعت منها
هههههههههه
وبعدين مين قالك انى هتجنن واعمل كده تانى
المدونة هتتقفل طوال شهر سبتمبر بعد كده اجازة المدونين زى اجازة القضاة كده فى يوليو

الحب الجميل يقول...

كل سنة وانتى طيبه يا حننننننننين
عقبال ..... حطى الرقم اللى انتى عيزاااااااااه
ههههههههههه
كل سنة وانتى بخير وسعادة يا ام عمر
بس عايزة اقولكم
حراااااااااااام عليكم
انا صايمه
ايه كل الاكل دااااااااااا
على العموم هدخل بالليل اكل برحتى
هههههههههه
سلام دلوقتى

موناليزا يقول...

حلو تبادل الاحتفالات ده:)
كل سنة وانتوا طيبيبن

زهــــراء يقول...

حنين القلب ام عمر باشا

يارب كل لحظه وانتى فى هنا وخير وربنا يبارك لك فى عمر ويفرح قلبك به وتشوفيه من افضل الرجال فى العالم كله

ان شاء الله اشوفه يوم اللقاء ....

استاذ خالد
ربنا يبارك فيك ويفرحك ويكرمك على البوست الى بيحمل مشاعر اخوه صااااادقه

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

غير معرف يقول...

ياريت يا استاذ خالد كده تقولنا شويه تفاصيل يعنى مثلا هنركب مواصلات ولا تاكسيات فى التنقل ومثلا الواحد يعمل حسابه فى فلوس كام لزوم الغدا والحلو وكده هى اسئله سخيفه بس تفرق والمكان بتاع نادى المهندسين فين وكده يعنى

غير معرف يقول...

ياريت يا استاذ خالد كده تقولنا شويه تفاصيل يعنى مثلا هنركب مواصلات ولا تاكسيات فى التنقل ومثلا الواحد يعمل حسابه فى فلوس كام لزوم الغدا والحلو يعنى حد ادنى كام وكده هى اسئله سخيفه بس تفرق والمكان بتاع نادى المهندسين فين وكده يعنى

حنان الشافعي يقول...

كل سنه وانتي بالف خير اي حنين
وعقبال ملييوووووووووون سنه
استاااااااااذ خالد
انا كماااااااااااااا ن عندي تفصيل علي فكره
وفي واحد اسمه محمد جبريل كلمني لما نشرت اعلان اللقاء عالفيس وقال انه جايب مدونين كتيييييييييييييييير
هتبقي زييييييييييييييييطه

عاشقه الرومانسيه يقول...

انا رئيسه مراجيح مولد النبى؟
انبى لاوريك يااوزعه

كل سنه وانتى طيبه ياام عمر ياقمر

فاتيما يقول...

كل سنة و انتى بألف خير يا حنونة

برضك مفيش فايدة فيكى انتى و خالد
يا عيال خلاص بقى
كبرتوا كام سنة و بقى عندكو عيال
برضوا افيش فايدة ؟

انا موافقة على سندوتشات المسقعة دى
مع انى مش غاويها قوى
انما عشان خاطر حنين
يتاكل المسقعة سندوتش

و ايه حوار مراجيح مولد النبى دى
طب و الله لقب حلو يا دودو
انا اصلاً مصيتالك يا بنتى
و بشجع اى حد ع المشوار
و اقوله المراجييييييح ..المراجيييييح
دنتى تفرحى المفروش

ان شاء الله نعرف نحتفل بحنين كما ينبغى يوم ما نجيلكو

انتوا ايامكو كلها حلوة
دايما كدا
مدلعينا
و مفسحينا
و مفرحينا
و ممرجحينا
و مأكلينا
و مشبعينا
و كمان مخلينا نحلى

نقوم نيجى على عينينا و لا منجيش ؟!!

كل سنة و انتى وسطنا يا حنونة
و عقبال ما تخاوى عمر يا رب
و عيد الميلاد الجاى
تبقى شايلاه على كتف
و البيبى على الكتف التانى


بوسات و حضونات
و احلى اعياد ميلادات

كيــــــــــــارا يقول...

انت نزلته امتىى

كووووووووووووول سنة وانتى طيبة ياحنونة يارب

ويسعدك دايما ياحبيبتىىىى

ويكون اللقاء يوم جميللل

كيــــــــــــارا يقول...

هو انا كل اما اروح مكان الاقيكو ناقر ونقير

ياساتر عليكووو

قط وفار مش ممكن ابداااا

جنّي يقول...

السلام عليكم

اولا كل عام وانتم بخير

ثانيا كل سنة وانتي طيبة يا حنين


تحيتي

عاشقة القمر يقول...

;كل سنه وهي طيبه عقبال مليون شمعه

richardCatheart يقول...

هههههههههههههههههههههههههه

خلود باشا يا معيش الشعب ديما كرمك مغرق الكل الحقيقه

كل سنه وانت بخير يا حانينو عقبال مليون سنه وانت سعيده وفرحانه بحبيبى عمر يارب

ربنا يحققلك كل احلامك وتحلمى غيرها

الواحد مستنى يوم التجمع بفارغ الصبر ربنا يكرمنا ويجى على خير

همس الاحباب يقول...

الحب الجميل
بقولك خليها اصفار احسن ويا ريت يكون صفر واحد بس
ربنا يستر وحنين تخلى حاجة انا حاسس انها ممكن تاكل التورته بالشمع وتحلى بالورد كمان
كل سنة وانتى طيبة .

همس الاحباب يقول...

موناليزا
وانتى طيبة وبصحة وسعادة

همس الاحباب يقول...

زهراء
ربنا يكرمك ويبارك فيكى يا زهراء
ان شاء الله نشوفك على خير يوم 2-10

همس الاحباب يقول...

غير معرف
حتى لو اسكندرية ما فيهاش كل ده هتفضل عروس البحر
بس نعمل ايه للمسئولين وجهلهم
تشكر يا باشا على المعلومات القيمة

همس الاحباب يقول...

غير معرف
لا يا باشا ده من حقك
بس بصراحة ما اقدرش احكم المبلغ صراحة لانها هتختلف من شخص لاخر
بس غالباالانتقالات فى اسكندرية محدودة جدا لاننا غالبا بنكون فى مكان واحد لا نخرج عن نطاقه بعيدا يعنى معظم التحركات هتكون موتو رجل ولو ركبنا هنركب المشروع وده رخيص جدا فى اسكندرية بيكون نص جنيه او ربع جنيه المواصلة حسب المسافة
اما بالنسبة للاكل فغالبا بيكون فى متناول الجميع لان اسعاره تبدا من 2.5 لللسندوتشات او 10 جنيه للبيتزا وده حسب رغبتك اما الحلو حسب طلبك انت
وعامة يا عمنا تعالى انت رايح اسكندرية مش اى مكان .
ونادى المهندسين ده اللى فى سابا باشا على الكورنيش قبل شاطى جليم

همس الاحباب يقول...

حنان الشافعى
ههههههههه
ربنا يستر يا حنان
والزيطه تبقى زيطه
نشوفك على خير ان شاء الله

همس الاحباب يقول...

عاشقة الرومانسية
هههههههههه
كبير عليكى المنصب صح
خليها مراجيح المرسى ابو العباس على قدك

همس الاحباب يقول...

فاتيما
وانتى طيبة يا ام يوسف
وبعدين بلاش الدلع والحنية دى خليتى كل من هب ودب يطمع فينا
وبعدين ده واجب عليهم
وممكن يكون فرض بس نعمل ايه التواضع بتاعنامطمع الناس فينا وخصوصا ريا وسكينة
يلا علشان خاطرك انا مسامح فى حقى .

همس الاحباب يقول...

كيارا
ههههههه
معلش يا معلم عدت منك
خيرها فى غيرها
هههههه

همس الاحباب يقول...

كيارا
قط وفار
يا بنتى انا لو قط وهى فار كنت قرفت من كل الفئران اللى فى الدنيا
طب بذمتك انا غلطان فى حاجة
بس بلاش الذمة الاستك
هههههههههه

همس الاحباب يقول...

جنى
استاذنا كل سنة وانت طيب
اخبار حضرتك ايه
والله ليك وحشة كبيرة بجد
ربنا يطمنا عليك

همس الاحباب يقول...

عاشقة القمر
وانتى طيبة
بس مليون كتير قوى

همس الاحباب يقول...

مارو هانم
يا مصيتنى انت
انا بقول اسكندرية مفيهاش غير قلب القطة عارفة بقيمتى ومصيتانى
هههههههه
يا ريت تقولى لصاحبتك بتاعت المسقعة دى
ان شاء الله نشوفكم على خير يوم اللقاء
تحياتى

نهر الحب يقول...

كل سنة وهى طيبة
وكل سنة وكلنا بنحب بعض ومرتبطين ببعض يارب
وكل سنة وانت يا خالد جميل
زى ما انت
مش بعاكسك انا بقولك اهووووووو

norahaty يقول...

انا جيت متأخرة
ولا أيه؟على العموم
يكفى اقول كل لحظة والجميع
بألف خير ومش عايزة تورتيه
بحالها يكفى دستة جاتووووووة
طب نص دستة؟طب ربع دستة؟طب
حتة واحدة بس؟طب وبعدين؟
طبق بق ميه حتى:)؟

norahaty يقول...

وكل سنة وانت
طيب ياابو همس وشابى
كتر خيرك بتعرفنا بالمناسبات
القومية العظيمة دى:).

أحــوال الهـوي يقول...

كل سنه و انت و ام عمر طيبه

و فعلا احتفال يليق بالمحتفل و المحتفل به

تحياتي

ghada mOhsen يقول...

كل سنه وحنون طيوبه ياااارب
وربنا يسعد قلبها ياااارب
:)

أخبارك إيه ياأبو شابي
بارب تكون بخير يااااارب
ودايما كده مأكلنا ومشربنا
:)))))))))

دمتم بألف خير
^_^

مصطفى ريان يقول...

كل سنة وانتي طيبة يا حنين

حنان الشافعي يقول...

مكان التجمع اتغير
من نادي المهندسين لنادي دار مصر
وده لظروف خاصه بيا انا