12 أغسطس، 2010

عمل خير + افطار جماعى


 
 
كل عام و انتم بخير
و رمضان كريم
و يارب يتقبل منا ومنكم صالح الاعمال
صورة اللقاء من تصميم قوس قزح 
السنة اللى فاتت ربنا وفقنا وعملنا يوم جميل التقينا فيه على الخير
و اسعدنا اطفال كتير معنا فى مستشفى ابو الريش وعملنا افطار صائم لاهالى الاطفال المرضى ،واستكمالا لاعمال الخير فى شهر رمضان الكريم قررنا نعمل تجمع خيرى يوم السبت الموافق 28-8-2010 بمستشفى ابو الريش اليابانى بس المساعدة هتختلف عن العام الماضى يعنى هتكون المساعدات نقدية وعينية عبارة عن شراء انواع من الادوية غير متوفرة بالمستشفى ويتم استخدامها بكثرة بجانب انواع اخرى اسعارها مرتفعة وتثقل كاهل المرضى الفقراء 

لذا سيتم عرض اسماء تلك الادوية ولحضراتكم مطلق الحرية فى طريقة التبرع والمشاركة ( سيتم عمل تحديث باسماء تلك الادوية غدا باذن الله )
فيمكنكم المشاركة بشراء الادوية حسب امكانياتكم واحضارها معكم يوم اللقاء او ارسال المبالغ المتبرع بها بحوالة بنكية او تسليمها  باليد قبل اللقاء وستقوم مجموعة منا بشراء تلك الادوية وتسليمها لادارة المستشفى يوم اللقاء 
التجمع هيكون ان شاء الله امام مستشفى ابو الريش اليابانى الساعة الثالثة عصراوحتى الخامسة مساء
بعدها هيكون فيه افطار جماعى للمدونين بمطعم ابو خالد بشارع شمبليون وده محل بيقدم مشويات وارز وسلطة 
لو حد عنده اقتراح بمكان افضل ما فيش مانع بس بلاش تكون خيخة وبلاش تسيباس 
ده ايميلات الناس المسئولة عن اليوم


و ده ارقام ممكن تبعتوا رسالة عليها او تسالوا على اى شىء خاص باليوم ده

داليا صاحبة مدونة قوس قزح
وده هيكون شغال قبل اللقاء باسبوع فقط

0148693432
 خالد صاحب مدونة همس الاحباب

0101345140
اللهم ارزقنا و اياكم فى هذا الشهر رحمة الايتام و إطعام الطعام و إفشاء السلام وصحبة الكرام يا ارحم الراحمين

تحديث 

اسماء الادوية
المطلوبة
اولا : فيجام--امينو جلووبين ivig--ال 5 جرام ب 1170
ثانيا : وان الفا نقط سعر ة 186 جنية
ثالثا: مينارين اسبراى ب 115 جنية
رابعا: بنتازا ب168 جنية
خامسا: تينام
سادسا: كولشسين المستورد
سابعا بالميكورت-كالسيمات-ريميكاد حقن-الواحدة ب 3000 جنية

هناك 27 تعليقًا:

Baskouta يقول...

كل سنة وحضرتك طيب استاذ \خالد
ربنا يوفقكم للخير دايما
وتتجمعوا في الحاجات الجميلة اللى زي دي دايما.
ان شاء الله يكون يوم موفق.

رمضان كريم

Mano يقول...

رمضان كريم
وكل سنه وحضرتك طيب يأستاذنا
وجزاك الله خير علي المجهود الكبير والرائع
وفقككم الله ودمتم بخير

ندى الياسمين يقول...

تمام ربنا يجعلكم دايما فى الخير يا استاذ خالد

وكل سنه وانت طيب وبخير وسلام

على فكره انا كان فى واحد مره عرض خدماته هو مدير مطعم او بيشتغل فيه مش فاكره والله

لكن هو اداني المينو بتاع المطعم وقالي انه يحب يساعدكم يعنى
هابقى ابعته لداليا لو حبيتوا
هو المطعم اسمه دوميرا بس مش فاكره المكان بالظبط هابقى اشوف كده واقولكم

وطبعا انا باشجع من بعيد زي ما انتم عارفين
:)
ربنا يوفقكم ويكون يوم كل خير ان شاء الله

الحب الجميل يقول...

كل سنه وحضرتك طيب

جزاك الله كل الخير
ويجعله فى ميزان حسناتك

بجد كان نفسى أكون معاكم وحزينه لعدم قدرتى على السفر لانى من اسكندريه وصعب السفر ب للنسبه لى

لو قدرتكم تعملوا حاجه فى اسكندريه هكون اول المشاركين ان شاء الله

ربنا يقدركم على فعل الخير

تمنياتى بيوم ناجح ان شاء الله

دمت فى حفظ الرحمن

Empress appy يقول...

جزاك الله خيرا يا خالد والله واحشنى اضايق فيك ها تفلت السنه دى من تحت ايدى يا ابو همس بس يالا متعوضه كل سنه وانت طيب

мαησηα يقول...

كل سنة وانت طيب يا ابو همس وبخير يارب دايما

كل سنة وانتى طيبة يا وش الخير

جزاكم الله كل خير دايما يارب متجمعين ف الخير وللخير

ويارب اشوفكم يارب

ابو همس هتابع معاك بالموبايل باذن الله

كيــــــــــــارا يقول...

ربنا يجمعنا دايما في الخير :)

كل سنة وانت طيب ياخالد

mostafa rayan يقول...

كل سنة وانت طيب يا خالد وينعاد بالخيرعليك
وان شاء الله اكون معاكو في اليوم دة ويكون يوم جميل بيكو كلكو

القدر و انا يقول...

كل سنة وانت طيب يا خالد
وربنا يقدركم دايما على فعل الخير

Sameh Ezzat - (خواطر خاطر) يقول...

رمضان كريم عليك يا خالد يا طيب
كل سنه وكل الناس طيبه ويكون شهر طاعه ورحمه للامه الاسلاميه كلها يارب

ان شاء الله متجمعين في الخير ديما..

تحياتي لمجهوداتكم جميعا

نبض اسكندرية يقول...

كل سنة وانت طيب يابو همس ياجميل
رمضان كريم
وربنا يعينك ويعين المسلمين على فعل الخير فى الشهر الكريم دة
تحياتى

جنّي يقول...

السلام عليكم

كل سنة وانت والاسرة بكل خير يا ابو همس ورمضان مبارك عليكم ..

وتقبل الله منكم اعمال الخير .. انا وضعت صورة اليوم في مدونتي مع لينك مدونة قوس قزح ..

عاشقة القمر يقول...

رمضان كريم تصوم وتفطر على خير
تقبل الله ممنا ومنكم
ربنا يجعلها في ميزان حسناتكم
جزاكم الجنة إنشاءالله

دموع القمر يقول...

ربنا يكرمكم ويجازيكم كل خير ان شاء الله

رمضان كريم

Sharm يقول...

كل عام وانتم بخير

P A S H A يقول...

جزاكم الله ألف خير وجعله في ميزان حسناتكم وحسنات كل من شارك وجمعكم دائماً في الخير يا أهل الخير

:)

كل سنة وأنت طيب وبألف خير وصحة وسعادة إن شاء الله

رمضان كريم

۩ ۩
فانوس لهمس وفانوس لشابي

:)

شمس النهار يقول...

ازيك يارب تكون بخير

كل سنه وانت طيب وبخير

وربنا يكرمك علي الخير اللي بتعمله


رمضان كريم

فاتيما يقول...

خاااااااااالود

قيل لى ان سيادتك زعلان منى
و حيث انى ندلة مأصلة
و عارفة ذلك جيدا
فنا اسفة جدا يا ابو همس
و ليك عندى حق عرب
تاخده يوم ابو الريش ان شاء الله

و لو فيه اى حاجة مطلوبة منى
انا موجودة اهو
بس ابعتلى ايميل الله يكرمك
عشان انتا عارف ان عندى حساسية من المدعوق الموبايل ... هوه كل شوية اقول الحكاية دى و مبتصدقونيش ليه ؟!!


رمضان كريم عليك
يا أغلى الناس

Ramy يقول...

كل سنة وانت طيب

كان نفسى أشترك معاكم صراحة

دة انا كنت فى اجازة طويلة مخصوص الفترة اللى فاتت

بس هأعمل اية مليش نصيب

ربنا يجازيكم و يوفقكم

رمضان كريم

لـــولا وزهـــراء يقول...

ربنا يبارك فيكم ويسعد قلبكم زي ما بتسعدوا قلبهم
لولا

انسان ممتنع عن الزواج يقول...

بجد شىء رائع

جزاكم الله خير

كل عام وانت بخير

رمضان كريم

تحياتى

صفــــاء يقول...

كل سنه وانت طيب يا برنس

وربنا يقدرك على فعل الخير

والله يابنى انت حد رائع جدا
وربنا يجازيك بكل خير

Lady E يقول...

كل سنة وحضرتك وأسرتك الكريمة طيبين وبصحة وسعادة وخير

ان شاء الله متجمعين دائما في الخير وللخير

re7ab.sale7 يقول...

السلام عليكم ورمضان كريم استاذ خالد
بجد انا بحسدكم والله
نفسي بجد اكون معاكم لكن ظروفي بجد لا تسمح وان شاء الله تتعوض ف ايام تانية برغم انها مش هتكون زي الايام المفترجة دي
ربنا يجعل كل ما تفعلونه في ميزان حسناتكم ولك كل دعواتنا بالخير دايما
يارب يزيدكم كمان وكمان من فعل الخير
ويثبتكم علي ديناكم ويقدركم علي فعل الخير والطاعات دائما ..اللهم آمييين

أبو خالد يقول...

أبني الحبيب / خالد
دوما كما عاهدتك رجل المواقف التي تتسم بالشهامة جعلها الله في ميزان حسناتك و جمعني و إياك مع أشرف الخلق صلي الله عليه و سلم

مدونه هنا السناهره يقول...

جزاكم الله ألف خير وجعله في ميزان حسناتكم

Abd-Alrahman يقول...

ربنا يقدركوا علي فعل الخير يا جماعة
بجد احساس جميل
وربنا كريم وكبير
وانشاء الله هيجزيكوا بعملكوا دة خير باذن الله
تحياتي لكل الي ساهم وشارك في العمل دة
وان شاء الله هحاول اشارك معاكوا
تحياتي

صيدلي مطحون