22 أغسطس، 2010

تفاصيل التجمع الخيرى 28-8

اسماء الادوية المطلوبة 
اولا : فيجام--امينو جلووبين ivig--ال 5 جرام ب 1170
ثانيا : وان الفا نقط سعر ة 186 جنية
ثالثا: مينارين اسبراى ب 115 جنية
رابعا: بنتازا ب168 جنية
خامسا: تينام
سادسا: كولشسين المستورد
سابعا بالميكورت-كالسيمات-ريميكاد حقن-الواحدة ب 3000 جنية
********
 تفاصيل اليوم
تفاصيل التجمع الخيرى بمستشفى ابو الريش اليابانى يوم السبت 28-8-2010 
التجمع الساعة الثالثة عصرا امام  المستشفى ونستمر لحد الخامسة مساء باذن الله 
بعدها سنتوجه الى مكان الفطار الجماعى بمطعم ابو العز 117 شارع بور سعيد امام محطة مترو السيدة زينب المحل يبعد امتار عن المستشفى ودى خريطة المكان 
 
ودى صور حية لصالة الطعام من الداخل 

ودى قائمة الوجبات من رقم 1 حتى 12 لسهولة الاختيار برقم الوجبة 

رجاء اختياررقم الوجبة المفضلة لديكم مقدما لابلاغها لادارة المطعم قبل موعد الفطار بساعتين على الاقل بالنسبة اللى هيطلب حمام الطلب قبلها ب24 ساعة على الاقل .
شكر خاص لكل من ساهم بالنشر فى مدونته او التنويه عن اللقاء فالدال على الخير كفاعله .
نداء هام جدا لكل انسان لا تستقل مبلغ التبرع ولا تخجل من تواضع القيمة مهما تكن حتى لو كان مبلغ التبرع جنيه واحد فالحسنة بعشرة امثالها الى سبعمائة ضعف والله يضاعف لمن يشاء .
بالنسبة االى عايز يبعت حوالة بنكية البيانات المطلوبة لارسال الحوالة هى :
المرسل اليه : خالد عثمان هاشم بكر
رقم التليفون : 0101345140 
البنك المرسل اليه : بنك مصر - فرع الاورمان - او فرع الجيزة
واللى قريب من الجيزة او الهرم اوالدقى ممكن نتقابل وناخد منه التبرع فى اى مكان قريب منه .
حاجة اخيره اللى عايز يتبرع لشراء لعب للاطفال ممكن نجمع الفلوس وفيه اقتراح من داليا قوس قزح انها تنزل معاهم وتشتريها من الموسكى يوم الجمعة 27-8 بعد الفطار ان شاء الله.
ده ايميلات الناس المسئولة عن اليوم
و ده ارقام ممكن تبعتوا رسالة عليها او تسالوا على اى شىء خاص باليوم ده
داليا صاحبة مدونة قوس قزح
0148693432
 خالد صاحب مدونة همس الاحباب
 0101345140
 
*****كل عام وانتم بخير ******

هناك 24 تعليقًا:

دموع القمر يقول...

ان شاء الله هحاول اجى
دا انا بحدس اللى ساكنين فى القاهرة على تجمعاتهم كل سنه :)
ربنا يجازيكم كل خير
كل سنة وحضرتك طيب

Ramy يقول...

يإذن الله

نفسى بجد أجى

رمضاااان كرييييم

الحب الجميل يقول...

كان نفسى أجى وأشاركم بس ماليش نصيب
معليش
ربنا يجعله من أجمل الايام ان شاء الله

كل فعل خير وتجمع وانتم كلكم بخير وطيبين
جزاك الله كل الخير استاذ خالد
رمضان كريم

engy يقول...

بجد ماشاء الله عليكم
كنت اتمنى ابقى موجوده

كيــــــــــــارا يقول...

ان شاء الله هيبقي يوم حلو

بص هو احنا هناك هنتقابل ان شاء الله 3 ساعتها نشوف مين هيفطر ونكلم المطعم هيبقي قدامهم وقت

بس هو المطعم دا من انهو ناحية يعني عشان انا بتوه من الوصف

أحــوال الهـوي يقول...

ربنا يبارك فيك يا خالد

خالد الخير خالد الرجولة و الايثار


كل سنه و انت طيب


تحياتي

мαησηα يقول...

يا ابيه خالد انا مش شايفه

حاجة وربنا من الصووووورة

انا عايزة حاجة واضحة علشان

اعمل حسابى لان ماعنديش

استعداد اغسل مواعين

المطعم كمان ههههههه

كفاية مواعين بيتنا :))

كل سنة وانتوا اهل الخير

وباذن الله اشوفكم ع خير يوم السبت

كيــــــــــــارا يقول...

اعمللها زوووووووووم يامنون

... amr يقول...

ان شاء الله هاكون متواجد معاكو , ربنا يتقبل ان شاء الله
كل سنة و انتوا طيبين

طهر فؤادك يقول...

السلام عليكم ورحمة الله وبركاتة

ربنا يتقبل منكم ومنا والمسلمين صالح الاعمال

وكل سنة وحضرتك طيب

وكان نفسى ابقى معكوا بس ظروف سفرى

وربنا يكرمكوا يارب والمسلمين

لـــولا وزهـــراء يقول...

كل سنة وانتم طيبين
ربنا يجعله في ميزان حسناتكم
لولا

همس الاحباب يقول...

دموع القمر
كل سنة وحضرتك طيبة
ونتمنى تشرفينا طبعا
فى انتظار حضرتك
تحياتى

همس الاحباب يقول...

رامى
طب ما تيجى يا عمنا
ولا قولنا انت فين واحنا نجيب رمضان ونيجى لحد عندك
الله اكرم
جزاك الله خيرا وان شاء الله فى انتظارك فى مرات قادمة
تحياتى

همس الاحباب يقول...

الحب الجميل
كل سنة وحضرتك طيبة
ورمضان كريم وعلى اسرتك ان شاء الله
جزاكى الله خير على تعبك ومشاركتك الايجابية دوما
وان شاء الله نلتقى على خير فى لقاء خيرى فى اسكندرية قريبا
تحياتى

همس الاحباب يقول...

انجى
كل سنة وحضرتك طيبة
وان شاء الله تكونى موجودة فى لقاءات اخرى
دعواتك معانا
تحياتى

همس الاحباب يقول...

كيارا
ان شاء الله
نلتقى دائما على خير
متخافيش المكان مش بعيد
وكده ولا كده هنكون مع بعض كلنا مفيش توهان
ولا قوليلى ايه موضوع التوهان مع بتوع حلوان
ههههههه

همس الاحباب يقول...

احوال الهوى
دكتور عصام
كل سنة وحضرتك طيب
ورمضان كريم عليك وعلى اسرتك
وان شاء الله الاجازة الجااااية حضرتك تكون معانا
دمت بكل ود
تحياتى

همس الاحباب يقول...

منونة
اضغطى على الصورة هتكبر معاكى
وبعدين متخافيش كده ولا كده هنغسل الصحون
بس قولى يارب ما توصلش لمسح الارضيات
هههههههههه
ربنا يكرمك ويجعله فى ميزان حسناتك
فى انتظار تشريفك
تحياتى

همس الاحباب يقول...

عمرو
كل سنة وانت طيب يا باشا
ده شىء اكيد لازمن تكون موجود
مش ينفع تغيب يا عمنا
نلتقى على خير ان شاء الله
رمضان كريم

همس الاحباب يقول...

طهر فؤادك
وعليكم السلام ورحمة الله
اللهم امييين
كل سنة وحضرتك طيب
ورمضان كريم
وترجع بالف سلامة
وان شاءالله تشاركنا فى لقاءات اخرى
تحياتى

همس الاحباب يقول...

لولا وزهراء
كل سنة وانتى طيبة
ربنا يكرمك ويجازيكى خيرا
تحياتى لحضرتك وتحياتى للاخت زهراء

شاب فقرى يقول...

انا جاى يا استاذ خالد
معادنا قدام المستشفى بعون الله
:)
بالنسبة للفطار بقى مضمنش
لانى اساسا عيان جدا ولسه ماخدتش اى دوا
وعيان بسبب الاكل برا
:((
دعواتك بالشفا
بس عن نفسى
الطلب رقم حداشر :)
ربنا يقدرك على فعل الخير يارب
وانا جاى ان شاء الله
دعواتك ربنا يقوينى عشان شكلى مش هقدر اساسا :(
بس جاى يعنى جاى ولو فيها موت
شاب فقرى

فشكووول يقول...

السلام عليكم خالد بك
تحياتى
ربنا يبارك فيكم ويجعله فى ميزان حسناتكم
كل عام وانتم بخير
رمضان كريم

ـ-ـ- أحمد عبد العدل-ـ-ـ يقول...

ربنا يتقبل أستاذنا و ميحرمكش أبداً من حب الخير :)
رمضان كريم