11 يونيو 2010

ضحية العربدة والفساد


 خالد لم يكن الضحية الاولى ومع الاسف لن يكون اخر الضحايا لرجال الشرطة 
فالدولة التى تداس على كرامتها فى الخارج وتهان ادمية مواطنيها فى الداخل لا تستحق ان  تسمى دولة 
ولا يصح ان نطلق على نظامها الفاسد انهم بنو ادم ولا حتى كلاب وحيوانات لان مع الاسف الكلب والحيوان افضل بكثير 
اما الشعب وانا اولهم فنحن قطيع اغنام يساق بالعصا 
ولا حول ولا قوة الا بالله 
 باى ذنب قتل خالد وكل ضحايا عربدة رجال الشرطة
ربما يكون مجرم ومسجل خطر وتاجر مخدرات وقاطع طريق 
ربما يكون السبب فى ازمة مياه النيل 
ربما يكون السبب فى الفساد والرشاوى والعمولات 
ربما يكون  من مصدرى الغاز لاسرائيل 
او ربما يكون المسئول عن قتل الاسرى فى 67 
او المسئول الاوحد عن اهدار كرامة المصريين فى الخارج والداخل 
وربما يكون المسئول عن صفر المونديال وخيبة الامل الدائمة فى المحافل الدولية 
ربما يكون ارهابى تابع لتنظيم القاعدة او حزب الله 
وربما يكون قاوم السلطات المصرية بعود قصب  او تطاول بالسب والضرب والركل للسادة مخبرى الشرطة 
وربما ............. وربما ............
بالله عليكم لو تجمعت كل هذه الصفات فى شخص واحد هل يكون جزائه جزاء خالد 

 مع الاسف لو تجمعت تلك الصفات واضعافها فى شخص واحد ما نال جزء مما ناله هذا الشاب الذى استفسر عن سبب التفتيش بدون سبب
لكى الله يا مصر 
وحسبى الله ونعم الوكيل
والهمكى الصبر والسلوان يا ام خالد 

هناك 23 تعليقًا:

موناليزا يقول...

حسبى الله ونعم الوكيل

Lyssandra يقول...

http://theprincess28.blogspot.com/2010/06/blog-post_11.html

شوف البوست ده يا خالد

كنت باستغرب للوحشية اللي استخدموها معاه وانها غير مبررة بالفعل
وكنت باقول حتي لو مجرم ماكانوش عملوا معاه كده

لكن الموضوع ليه سبب فعلاً

"
خالد كان حصل علي فيديو بيفضح ظابط واتنين مخبرين أثناء اتجارهم في المخدرات وقام بتوزيعه علي أصدقاءه في المنطقة وكان ناوي يفتح مدونة عشان ينشر عليها الفيديو عشان يفضح اللي حصل, المخبرين عرفوا ودخلوله عايزين يفتشوه عشان ياخدوا منه الموبيل وهو طبعا رفض لأنه عارف حقوقه وعارف انه بيصورهم، ومن الواضح إن عملية التفتيش اللي حصلت بعد قتله كانت علي الكارت ميموري بتاعته عشان الصور اللي عليها
"

منقول

-----------

وفي الآخر طلع الولد مطارد بسبب حيازة مخدر
ولما طاردوه بلعه فاختنق ومات
قوم وشه اتشوه

شوف ازاي ؟؟!!!!!!!

حسبنا الله ونعم الوكيل

____

هي وظروفها يقول...

تعليق مش عارف اقول فيه ايه

اصلي عايز اشتم والعن واقول بعلو حسي يا حكومه يا وسخه ويا حاكم يا ظالم ويا ناس مش ناس حاكمانا ودايسه علينا واخرها تموتنا وتتبلي علينا

richardCatheart يقول...

كلالالالالالالالالالالالالالالالالاب مسعوره

وطلقوها علينا


ارجوك يا خالد شيل الصوره دى

انا صحيح باخد حذرى وفعلا كنت متوقعه حد يحطها بس والنبى شلها

صعبه صعببببببببببببببببببه

ربنا يرحمه يارب ويصبر امه
يارب سترها معها

ربنا على المفترى

حاجات جوايا يقول...

قطيع اغنام ايه بس يا ابو همس
ياريتنا نبقى قطيع اغنام
الغنم محدش بيعمل فيهم كده
احنا اساسا محصلناش الغنم
منهم لله
حسبنا الله ونعم الوكيل
ربنا يرحمه ويصبر اهله يارب

♥♥ شذا ♥ الروح ♥♥ يقول...

حسبى الله ونعم الوكيل

ربنا يرحمه يارب ويصبر امه

همس الاحباب يقول...

موناليزا
نعم حسبى الله ونعم الوكيل

همس الاحباب يقول...

Lyssandra
مع الاسف شوفته وشوفت ما هو اعجب من الخيال فى قرار النائب العام
كل شىء ممكن فى بلدنا
ربنا يرحمه ويصبر اهله
تحياتى

همس الاحباب يقول...

هى وظروفها
حاسس بكل اللى جواك وحاسس بكل كلمة وعبارة ممكن تنقال فى موقف زى ده
بس مع الاسف يا ريت الشتيمة كانت هتجيب حق ضايع او تنصر مظلوم
حسبى الله ونعم الوكيل فيهم
تحياتى

همس الاحباب يقول...

مارو هانم
مع الاسف الكلاب المسعورة ليها عذرها وممكن الدفاع عن النفس معها ام الحشرات دول ربنا ينتقم منهم حسبى الله ونعم الوكيل فيهم
حاضر هشيلها
تحياتى

همس الاحباب يقول...

حاجات جوايا
على رايك يا ام دودو احنا ولا ننفع نكون اغنام ولا حتى نعام
حسبى الله ونعم الوكيل فيهم
وربنا يكون فى هون امه واهله ويصبرهم

همس الاحباب يقول...

شذا الروح
اللهم امين
ربنا يرحمه ويسكنه فسيح جناته

العلم نور يقول...

من يهن يسهل الهوان عليه .. وهذا حالنا عندما يقرع صوت الحق أذني الباطل ..

حسبنا الله ونعم الوكيل .. ورحمنا الله برحمته ..

جزاك الله خير الجزاء

العلم نور يقول...

(حملة تضامنوا مع إسرائيل !!!)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

صورة الشعار .. في مدونتي كركر .. ويكتبون فوقها ..

(حملة تضامنوا مع إسرائيل !!!)

رابط المدونة

http://krkr111.blogspot.com

جعله الله في ميزان حسانتكم .. آمين

rovy يقول...

حسبنا الله و نعم الوكيل ..
تعبنا من الكلام و بجد مش عارفه أيه أخرتها .. يارب أرحمنا برحمتك و قوينا على كل ظالم ..

لك خالص تقديرى و تحياتى اخى الفاضل

ميرا ( وومن ) يقول...

عارف يا خالد

مش لاقية تعليق ولا رد احنا رايحين علي فين ؟؟

ربنا يلطف بينا

مجداوية يقول...

السلام عليكم

تعرف أبو همس إن فيه ناس كتيرة جدا متعرفش أى حاجة عن قتل خالد سعيد ؟!!!
الناس مغيبة وعايشة في دنيا تانية والإعلام بتاعنا محتل وبيوجه العامة زي ما هو عايز

لكن البشرى أن الأمر استفحل وننتظر أن ينقلب إلى ضده وتدور الدائرة عليهم بإذن الله

حياتى نغم يقول...

السلام عليكم ورحمة الله وبركاته

رحمه الله وتقبله من الشهداء آمين
والله على الظالمين القتلة وأعوانهم آمين
وحسبنا الله ونعم الوكيل .

لــــ زهــــــراء ــــولا يقول...

حسبي الله ونعم الوكيل ...ربنا ينتقم منهم

لـــولا

عاشــــــ النقاب ـقــــة"نونو" يقول...

السلام عليكم رحمه الله رحمة واسعة وصبرامه واهله محتاجة تقفوا جنبي امي يلزم لها نقل دم كتير بلازما وكرات دم هيئة اللقاح بتوفركيس واحدبس بنشتريه وبطريقة ماللمنظومة الفاسدة بنشتري كيس كمان لكن دة مش كفاية امي بتموت امس ماتت فعلا واردها الله من تاني روحت لخيخة لقيت مدونتها مقفلة فالهمني الله الاستغاثة عندك رجاء الفلوس مش مهم توفر الدم هو للمهم نحتاج لفصيلة اوه امي في متشفى الدمرداش الجامعي المخصصةمجازا للبشر وهنحكي في دة بعدين الدور التاني عنبرعشرةطوارئ متوطنة بالباطنة

عاشــــــ النقاب ـقــــة"نونو" يقول...

تركتهامن ساعتين مع اخر كيس دم معك وةدةتليفون المرافق لها للحصول على معلومات٠١٦١٦٢٠٠٢٣رجاءا الاهتمام وجزيتم خيرا

محمد فاروق الشاذلى يقول...

اللهم لا حول ولا قوة إلا بك يا الله
اللهم اغفر لنا ضعفنا.

فاتيما يقول...

نظراً لأن المدونة بتاعتى بترخم
و البوستات الجديدة
مبتطلعش ف الريدر
فلو سمحت تقرى البوست دا
و لو تقدر تساعد متتاخرش
و شكرااااا مقدما
من قلبى

http://nonoymm.blogspot.com/2010/06/blog-post_16.html