26 أبريل 2010

تفاصيل بؤجة الخير


 بناء على طلب الجماهير والمشاهدين من الاخوة والاخوات مدونى مصر المحروسة سنوافيكم باخر تفاصيل  بؤجة الخير 
الميعاد : الجمعة الموافق 30 ابريل 2010 
المكان : جمعية صحبة خير بمسجد زهراء مصر القديمة 
الزمان : من العاشرة والنصف صباحا امام المسجد مكان التجمع المبدئى بعدها نتجه الى مقر الجمعية الجديد الكائن 20 شارع احمد خيرى فوق كافتيريا السرايا بعد محطة مترو الزهراء بحوالى 100 متر تقريبا 
دى خريطة لمحطة مترو الزهراء و لونها بالازرق اما اللون الاحمر فهو لمكان المسجد وده اسهل للناس اللى هتستخدم المترو

فى حالة اى استفسار او حد تاه لا قدر الله ممكن يتصل على الرقم ده
خالد همس الاحباب
0101345140
بعد التجمع وتسليم البؤج للجمعية سنتوجه لمكان قريب لتناول الغذاء او بعض المشروبات والمكان هيكون حسب اقتراحاتكم اما نادى او ممكن نروح الازهر بارك او الحسين 
*************
الموضوع الثانى بالنسبة للاخوة والاخوات اللى بيسئلوا عن التبرعات والمشاركة فى مشروع الصدقة الجارية وردا على تعليق خيخة فى البوست السابق 
ما زال باب الخير مفتوح على مصراعيه للجميع للمشاركة او التبرع فى مشروع الصدقة الجارية 
فمستشفى ابو الريش للاطفال فى حاجة ماسة لشراء جهاز غلق الثقب بين الاذنين بالقلب 
اسم الجهاز OCCLUTECH
وثمن الجهاز حوالى عشرة الاف جنيه  وسوف يستخدم بواسطة خبير اجنبى لاجراء عشرة عمليات مجانا لعشرة اطفال خلال شهر مايو 2010 
تبلغ تكلفة العملية الواحدة حوالى عشرة الاف جنيه وسوف يتم اجرائها مجانا 
لراغبى التبرع يمكنهم التبرع بمكتب ا. د/ رشا عمار نائب مدير مستشفى ابو الريش للاطفال او ارسالها للاخت العزيزة بت خيخة او لى شخصيا وسوف يتم تسليمها لادارة المستشفى للمساهمة فى شراء الجهاز .
جزاكم الله خيرا

هناك 30 تعليقًا:

حنين القلب يقول...

احجز اول تعليق

اروح اقرى وارجع

حنين القلب يقول...

ربنا يقدرك على فعل الخير دايما يا خالود

كان نفسى احضر معاكم والله

اتمنى انك تحدد بقى يوم لقاء اسكندريه

وحشتونى وعايزة اشوفكم كلكم

مجرد بنت يقول...

ربنا يوفقكم ويجعل الخير طريقكم دايما يارب

كيكى عوووووو يقول...

هو دة الكلام

♥♥ شذا ♥ الروح ♥♥ يقول...
أزال المؤلف هذا التعليق.
♥♥ شذا ♥ الروح ♥♥ يقول...

جعلها الله بميزان حسانتكم
ونفع بكم

دمتم بكل الخير

غير معرف يقول...

بحبك

نور الدين (محمد الجيزاوى) يقول...

جزاك الله كل الخير ياخالد ودائما تكون منارة لكل عمل طيب
إن شاء الله سأحرص على حضور البؤجة
كن بكل الخير اخى الكريم وصديقى الغالى
اخوك
.......
نورالدين محمود

فاتيما يقول...

يوه

اقعدوا تعترونا بقى
من بوست لبوست و احلوولونا وراكم

خلاص عملنا رابط للبوست دا
و ان شاء الله خير

و تعالى هنا يا حما ابنى
قولى سيادتك
ايه النوظام ؟؟

انتا بتنعاكس عينى عينى ف صفحة التعليقات كدا و بينقالك بحبك ؟؟!!!

طبعا بحبك دى حريمى
أصل اكيد مكسوفة تقول هيا مين


و مينفعش تبقى بحبك رجالى
أصله مش هيخاف يقول اسمه


بس إستنى هنا
يا لهوتينى ى ى ى ى ى
رجالى ؟!!


لاااااالاااااا حريمى أرحم
و تنضرب من المدام و نعديها

ال رجالى آل


ربنا يجازيك كل الخير يا خالد
انتا نعم الاخ

و شهامة و جدعنة الدنيا
اشوفك يوم الجمعة على ألف خير
و لو فيه أى منظر مطلوب منى أعمله قولولى يا إخونا بدل منا زى ازازة الخل كدا و عاملة زى ضيف الشرف بتاع الأفلام العربى ...

عموما يوم الجمعة
انا من بدرى هكون قصاد الجامع عشان اللى حابب ييجى بدرى و يمشى و مينفعش
او ميقدرش يقعد
يعنى من عشرة كدا غن شاء الله

تحياتى و خالص ودى
يا ابو ببش


آل بحبك آل

richardCatheart يقول...

صباح الخير على اهل الخير

يارب يسر يارب


ربنا يقويكم

تقبل مرورى

غير معرف يقول...

خالد ازيك عامل ايه ليك واحشه ياعم

انا مش معايا رصيد والله بص اول ما اشحن هاكلمك واديك الرقم اصل الرقم اللي معايا مش بيبعت كول مي


ماشي ياخالود قووووووووووول ماشي

وزة

همس الاحباب يقول...

حنين القلب
ربنا يجازيكى كا خير
ودايما مشاركة بدعواتك ومساهمتك الكريمة
وان شاء الله هنحدد يوم باذن الله
بس طبعا انتى مش جاية ابعتى عمر وخليكى انتى فى البيت
تحياتى

همس الاحباب يقول...

مجرد بنت
جزاكى الله خيرا
شكرا لحضرتك
تحياتى

همس الاحباب يقول...

كيكى عووووووو
هههههه
لا فض فوك يا استاذ خليفة
فى انتظارك يا معلم
تحياتى

همس الاحباب يقول...

شذا الروح
اللهم اميين
جزاكى الله خيرا
تحياتى

همس الاحباب يقول...

غير معرف
ههههههههه
وانا كماااااان بموووووت فيك
حلو كده
اعمل فيك ايه تانى وكل العبر فيك
عامة انت اللى ابتديت والبادىء اظلم
استحمل يا جميل

همس الاحباب يقول...

نور الدين
باذن الله سنكون فى انتظارك
تنورنا اخى الكريم
جزاك الله خيرا
تحياتى

همس الاحباب يقول...

فاتيما
ههههههه
برىء يا بيه
عديها الناس لبعضيها
وبعدين خليكى ستر ولحاف على اخوكى الصغير
هههههههه
مش هتبقى انتى والنظام
وبعدين ما فيش كسوف ده مقلب حرامية معتبر
بس على مين ولا يهمنى
ربنا يكرمك ويجازيكى خيرا على تعبك ومجهودك
اكيد طبعا هتكونى من بدرى هناك تستقبلى المعازيم هههههه
ربنا يجعله فى ميزان حسناتك
تانى هو فيلم ولا ايه عديها بقى
بلاش الاحباط المعنوى ده
هههههههههههه
علشان تعرفى ان حما ابنك لسه مطلوب من الجماهير
هههههههههه
سلام يا ام يوسف

همس الاحباب يقول...

ريتشارد قلب القطة
ربنا يجازيكى خيرا
ويجعله فى ميزان حسناتك
اللهم اميين
تحياتى

همس الاحباب يقول...

غير معرف
انت اخبارك ايه يا رب تكون بخير
وانت كمان والله
اوك فى انتظارك يا معلم
سلامى للجميع

عبده الرايق يقول...

ربنا يوفقك لفعل الخير يا خلود
تحياتى البج اند فيرى فيرى بج لك ولكل زوارك
تحياتى للغاليه جدا ام عمر نونه
تحياتى لعالم التدوين
تحياتى لكل قلم عشت معاه ايام جميله
تحياتى لهمس الغاليه

فضفضه يقول...

السلام عليكم
ربنا يجعل الخير والمساعده الطيبه فى ميزان حسناتك ويرضيك دنيا واخره
تقبل مرورى

عالم ماريونت يقول...

يارب ربنا يبارك فيكم و في المجهود الي بتعملوة
و يارب ربنا يجعله في ميزان حسناتكم

و ان شاء الله المرة الجاية اكون معاكم

رنا

الطائر الحزين يقول...

ربنا يقدركم على الخير دوما ويتقبل منكمصالح العمل
بارك الله فيكم

الطائر الحزين يقول...

طيب اعملى مش واخدة بالك خالد انا اللى قلت بحبك شفت اخوك بيضحى ازاى

همس الاحباب يقول...

عبده باشا
حمدللهعلى سلامتك
نورت التدوين بوجودك
يارب تكون بخير انا مقصر جدا معاك بس غصب عنى
جزاك الله خيرا
تحياتى

همس الاحباب يقول...

فضفضة
اللهم اميين
جزاكى الله خيرا
تحياتى

همس الاحباب يقول...

عالم ماريونت
جزاكى الله خيرا
وان شاء الله فى انتظار مشاركتك الكريمة
تحياتى وتقديرى

همس الاحباب يقول...

الطائر الحزين
اللهم امين
جزاك الله خيرا اخى الكريم
تحياتى

همس الاحباب يقول...

الطائر الحزين
هههههههههه
الله اكبر ظهر الحق
انت اخوياوكفاءة طبعا تسلم يا باشا
بس ازاى تعديها ما تبقاش ام يوسف
ومال مين يشردنى ويصيتنى
ربنا يكرمك اخى الكريم
تحياتى لحضرتك