كشف حساب+ بؤجة الخير

تم بحمد الله وتوفيقه تسليم الاجهزة المتبرع بها الى مستشفى الاطفال الجامعي ( ابو الريش الياباني )

بالرغم من ان مشروع الصدقة الجارية كان يهدف الى توفير جهاز مونيتور واحد لكن بفضل الله وتعالى وبمشاركة كريمة من اهل الخير تم توفير عدد 3 اجهزة للمستشفى
 - جهاز مونيتور حديث ومتطور وتقنية اعلى بكثير من المطلوب( وهو الجهاز الاساسى الذى من اجله تم المشروع) 

المونيتور اثناء التجربة

المونيتور بجميع مستلزماته

 

  

- عدد2 جهاز قياس نسبة الاكسجين فى الدم R.G.B ( وكانت اقصى احلامنا توفيرلو جزء من ثمن جهازواحد ).

كتيب الاستخدام

ضمان شامل لجميع الاجهزة

فاتورة شراء الاجهزة 

كشف حساب تفصيلى
==============

مبلغ التبرعات حتى 9-4	13400
تبرعات بعد 9-4	2300
اضافة الى مبلغ المستشفى	5000
اجمالي التبرعات	20700
ما تم صرفه
عدد 2 جهاز ار جى بى	6160
جهاز مونيتور	13000
مساهمة فى  شراء اجهزة اخرى	1040
مساهمة فى علاج احد الحالات الحرجة	500
اجمالي المنصرف	20700

الحمد لله من قبل ومن بعد على توفيقه لنا جميعا على رسم بسمة على شفاه طفل مريض

بالرغم من التعنت وسؤء التعامل الواضح من ادارة المستشفى وتعقيد الاجراءات والروتين الممل لدرجة اليأس من صلاح هذا البلد وسؤء الادارة لكن الحمد لله ان هناك من هم امثالكم من اهل الخير لذلك شكرا لكل من ساهم بماله وجهده ووقته على المساهمة والمشاركة الفعالة فى توفير تلك الاجهزة

وشكر خاص للشركة الموردة على مساهمتها معنا فى توفير الاجهزة باسعار معقولة جدا ومرونتها فى التعامل الخيرى .

جزاكم الله خيرا وجعله فى ميزان حسناتكم

اللهم اجعل جميع اعمالنا خالصة لوجهك الكريم

****************************************

بؤجة الخير

باذن الله تعالى تحدد يوم الجمعة 30-4-2010 لعمل البؤجة الصيفية

الساعة الحادية عشر صباحا

مكان اللقاء هو مسجد زهراء مصر القديمة فى الزهراء

و بعد كده هنتحرك للمقر الجديد للجمعية وهو قريب من محطة المترو جدا

فى حالة ان حد تاه ممكن يتصل على الارقام دى

خالد همس الاحباب

0101345140

وفكرة البؤجة تتلخص فى الاتى - انك و انت بتبدل الملابس الشتوى بالملابس الصيفى تشوف ايه اللى انت مش محتاجه منها يكون ضاق عليك او خلاص زهقت منه او موضته خلاص فات اوانها و تجمع الحاجات دى مع اى حاجة تكون مش عايزها فى بيتك ملايات - فوط - احذية - ادوات منزلية - اى حاجة انت مستغنى عنها و نروح كلنا لعشوائيات اسطبل عنتر و نديها للناس هناك فى جمعية صحبة خير و هم بيخدوها و بيعملوا بها معرض للاسر الفقيرة و تتباع لهم الحاجات باسعار رمزية و المبلغ اللى يتجمع من المعرض بتستغله الجمعية فى عمل خيرى تانى و ده علشان الناس اللى هتتباع لهم الحاجة تحس انها دفعت فيها و انها مش شحاتة

افتكروا وانتم بتقروا البوست انه فى الوقت اللى عندنا فيه حاجات كتير قوى مش بنحتاجها و وبنقول لنفسنا خاليها مركونة يمكن نحتاج لها

صدقونى اللى بيتبرع بحاجة ربنا بيعوضه عنها بحاجات اكتر

و التبرع ممكن يكون بأى شىء عينى او مادى

ياريت كل مدون يقدر ينزل بوست عن الموضوع يبقى جزاه الله خير علشان نبلغ اكبر عدد ممكن 

مدونة بيكيا