10 أبريل 2010

الحمد لله ... حلم اصبح حقيقة



 الحمد لله الذى بنعمته تتم الصالحات
الحمد لله كما ينبغى لجلال وجهك وعظيم سلطانك 
الحمد لله ملء السموات والارض وما بينهما 
الحمد لله الذى خلق البشر وخلق الخير فى قلوبهم وجعلهم سبب فى اسعاد غيرهم من البشر 
الحمد لله ..الذى وفقنا جميعا لانجاز مهمة صعبة فى زمن قياسى فمشروع الصدقة الجارية كان مجرد حلم  تحول الى فكرة وطموح واليوم اصبح حقيقة وما اروعها من حقيقة وعندما يصبح الحلم حقيقة مجسدة على ارض الواقع فى زمن عم فيه  الفساد والشر وانتشرت المصالح الشخصية ولكن ما زالت القلوب عامرة بالخير لذلك :
شكرا ... لكل من ساهم بماله ووقته وجهده فى انجاح المشروع .
شكرا ... للاخوة الاعزاء خارج مصر لانهم برغم غربتهم وبعدهم عن مصر لكن كانوا من اكثر الناس مشاركة معنا ماديا ومعنويا 
جزاءهم الله كل خير وجعله فى ميزان حسناتهم .. شكرا جزيلا لهم 
شكرا... لكل الاخوة والاخوات داخل مصر من اسكندرية حتى اسوان على مشاركتهم الفعالة وحبهم لاعمال الخير
شكرا... لكل من ساهم معنا بمجهوده ووقته وماله سواء بالنشر او المتابعة او التبرع المادى والدفع المعنوى .
شكرا ... لكل من حضر اليوم وساعد على رسم البسمة على الوجوه .
شكرا ... لكل من نوى الحضور والمشاركة وحالت ظروفه دون ذلك .
شكرا ... لكل مصرى خارج مصر وداخلها على حبه لوطنه ومشاركته لاخوانه واحساسه بواجبه تجاه الاخرين .
شكرا ... لكل من ا.د / مرتضى الشبراوى رتيس قسم الاطفال ود/ فيفيان وا/ خالد حموده مدير العلاقات العامة على مجهودهم  الكبير 
شكرا ... لصاحبة الفكرة والدعوة الكريمة والمجهود الرائع دوما قوس قزح  ربنا يجعله فى ميزان حسناتك 
شكرا .... فاتيما -  خيخة - ضياء  مجهودكم اكثر من رائع وقلوبكم صافية لذلك ربنا هيوفقكم دائما 
شكرا ... لاجمل ناس وصحبة احمد سكر - عمرو -  شريف باشا - وليد الوغرى - كيارا - كيكى عوووو- ابو على سمع هوص - عبده باشا اللى من طرف وندا هانم - ابو حميد - كيمو صوت من مصر - مصطفى ريان - غادة واختها رانيا واصدقائهم - سوووو باشا
شكرا ... ريم هانم على وجودك ومشاركتك فعلا انتى انسانة رائعة وطيبة لابعد الحدود ربنا يبارك لكى فى كنزى وكرما .
بالرغم من ان المستهدف من المشروع مبلغ عشرة الاف جنيه لاستكمال ثمن جهاز المونيتور لكن الحمد لله بفضل الله ومشاركة اهل الخير تم تجميع مبلغ 13400 جم حتى الان وفى انتظار  المزيد من المساهمات لكل من يرغب فالطموح لن يتوقف عند هذا الحد والانسان بطبعه طماع ولكن طالما الطمع فى عمل الخير فاهلا به 
لانه من خلال المناقشة مع أ. د مرتضى الشبراوى  رئيس القسم والاستاذ/ خالد حموده مدير العلاقات العامة بالمستشفى اتضح ان هنالك جهاز مونيتور 12 بوصة سعره حوالى 17000 جم ولكن له مميزات كبيرة عن الجهاز 10 بوصة المزمع شراؤه لانه قابل للتحديث والتطوير كما يوجد هناك جهاز طبى اخر فى حدود 3600 جم  ضرورى للاطفال فبناء عليه كانت هناك اراء لشراء  جهاز مونيتور 12 بوصة بمبلغ 17000 جم والمشاركة فى جزء من الجهاز الاخر ولا مانع من شراءه اذا توفرت المبالغ المطلوبة خلال الفترة القادمة .
وبناء على اقتراح خيخة وداليا قوس قزح سيتم الشراء بمعرفتنا بعد الحصول على اسعار من شركات متخصصة فى الاجهزة الطبية والحصول على افضل سعر على اعتبار انه عمل خيرى وباذن الله  سنوافيكم بتفاصيل ذلك لاحقا .
لمزيد من التفاصيل عن المشاركة والتبرع هنا  
*********
موضوعات ذات صلة 

هناك 28 تعليقًا:

قوس قزح يقول...

جزاك الله كل خير يا خالودة
اهو انت فعلا شهامة و جدعنة الدنيا على راى فاتيما

نتقابل ان شاء الله على خير فى البؤجة

mostafa rayan يقول...

خالد انا فرحان انى كنت امبارح معاكو ربنا يجمعنا دايما علي الخير

حنين القلب يقول...

ربنا يجازيكم خير
ويجعل اليوم ده فى ميزان حسناتكم

ghada mOhsen يقول...

بجد مبسوووطه أستاذ خالد بمعرفة ناس بتحب الخير زيكم
ربنا يكتر من أمثالكم اللهم أمين ...

ومع أنه كان يوم مرهق بالنسبه ليا بس بجد كنت مرتاحه ومبسوطه كتير كتييير ...

إن شاء الله دايما نتجمع على خير ...

... ;) ,,, ;) ...

فاتيما يقول...

أيوه يا داليا

خالد جدعنة الدنيا فيه
بجد
مشوفتش حد بالاخلاق دى بالشكل الرهيب دا

بقى اخده على جنب
و اقوله انا هحدف طوبة فى شباك الأستراحة و انط من الفتحة و انتا غلوش عليا و اللى يكلمك خد حتة م الازا و هوش بيها فى وشه
و اهبقى انصص معاك

يقولى لأ ؟؟؟!!

جدعنة جدعنة يعنى


لأ بجد

ربنا يجعلنا دايما متجمعين ع الخير
و لا شىء غيره

بس من غيرك يا داليا
و انتا كمان يا خالد
مليش دعوة ..

هقف مكانى زى العيال
و اقول لأ .. يعنى تعملوا حسابكم
تبقوا دايما فيها
لأخفيها ..
انا بقولكم اهو

ان شاء الله اعمل تنوية عن البؤجة عشان الكل يعمل حسابه بقى من دلوقتى

هختم بأول كلمتين ف عنوان البوست يا خالود

الحمدلله

عمرو جويلى يقول...

السلام عليكم
جزاكم الله خيراً
ومن الرائع أن نغرس
القيم الإيجابية بين شبابنا
عن طريق المدونات
خالص تقديرى

Kiara يقول...

اليوم كله كان جميل والحمد لله

وانت بجد انسان قمة في الشهامة والجدعنه

Remas يقول...

استاذ خالد

انا اللى المفروض اقول شكرا على ذوقك وبجد حضرتك اخ عزيز وفعلا داليا وفاتيما كلامهم صحيح جدا لما قالو عنك شهامة وجدعة الدنيا

كان نفي اكون متواجدة معاكم من اول اليوم في المستشفى لكن ظروف تعب مامتى هى اللى منعتنى انى اكون متواجدة من بدرى

ربنا يبارك لك يارب يا استاذ خالد

♥نبع الغرام♥♪≈ يقول...

يارب متجمعين دايمآ فى الخير
ربنا يبارك فيك يارب وفريق العمل الهايل
مودتى

أحمد عبد الحميد يقول...

أستاذ خالد
مينفعش أقولك غير كلمة واحدة
جزاك الله كل خير
سعيد بمعرفة حضرتك وكل المجموعة المحترمة دى

شيرين يقول...

ربنا يعينكم على فعل الخير

!!! عارفة ... مش عارف ليه يقول...

جزاك الله خيرا يا خالد

وربنا يبارك فيك وفي مجهوداتك

أنت واصدقاءنا المدونين

همس الاحباب يقول...

قوس قزح
جزاكى الله خيرا وجعلك عونا للفقراء والمحتاجين
ان شاء الله نلتقى دائما على خير
ربنا يجعله فى ميزان حسناتك
تحياتى

همس الاحباب يقول...

مصطفى ريان
انا فرحان اكتر بوجودك
وبوجود كل الاصدقاء الحلوين
جزاكم اله خير
ودائما على خير نلتقى باذن الله
تحياتى

همس الاحباب يقول...

حنين القلب
اللهم امين
وجزاكى خيرا على مشاركتك الكريمة
تحياتى

همس الاحباب يقول...

فاتيما
هههههههههه
الناس هتصدق وهنبقى الاخوة الاشرار ههههههههه
ربنا يكرمك ويبارك فيكى يا ام يوسف
ويجعل كل اعمالك وحبك للخير فى ميزان حسناتك ويكرمك فى يوسف ان شاء الله
باذن الله يوم البؤجة هيكون يوم خير طالما اهل الخير قلوبها صافية
ربنا يديم المعروف بينا جميعا
تحياتى

همس الاحباب يقول...

عمرو جويلى
جزاك الله خيرا اخى الكريم
وشكرا على النشر والتنويه فى مدونتك عن المشروع
جعله الله فى ميزان حسناتك
نعم لابد من غرس القيم والاخلاق بين شبابنا
اللهم تقبل منا ومنكم صالح الاعمال
تحياتى

همس الاحباب يقول...

غادة محسن
واحنا كمان سعداء جدا بوجودكم ومشاركتكم الفعالة دائما
ربنا يديم المعروف ما بينا
ونلتقى دائما على خير وفى الخير
جزاكى الله خيرا كثيرا
تحياتى

همس الاحباب يقول...

كيارا
الحمدلله اليوم كان رائع بقلوب صافية
ومشاركة ايجابية من اهل الخير
جزاكى الله خيرا
وشكرا على ذوقك
تحياتى

همس الاحباب يقول...

ريم هانم
شكرا لحضرتك على وجودك
وشكرا جزيلا على كلماتك الطيبة
الف مليون سلامة على والدتك
وان شاء الله تتعوض فى المرات القادمة
جزاكى الله خير كثيرا
وسعداء جدا بوجودك دائما
تحياتى

همس الاحباب يقول...

ابتسامة ملاك
ربنا يكرمك ويجازيكى خيرا يا انوس
وان شاء الله تشاركينا فى اللقاءات القادمة
تحياتى

همس الاحباب يقول...

ابو حميد
ربنا يبارك فيك ويحفظك
انا اسعد بمعرفتك طبعا
ومبسوط لوجودك معنا دائما
ربنا يديم المعروف اخى الكريم

همس الاحباب يقول...

الشموع السوداء
اللهم امين
جزاكى الله خيرا
تحياتى

همس الاحباب يقول...

وليد باشا
الف مليون شكر يا باشا
وربنا يجعله فى ميزان حسناتك
ودوما مشارك معنا فى الخير
فانت من القلوب العامرة بحب الخير
جزاك الله خيرا
تحياتى

رحاب صالح يقول...

صباح الورد
بجد انا انبستط جدا ويارب اقدر اجي تاني ان شاء الله برغم طول المسافة واربع ساعات موصلات بس هحاول , علي فكرة حسيت اني اعرفك واعرفكم كلكم مش عارفة مألوفين ليا اووي وبجد كان وقت لطيف جدا

شفـقــة و إحســــان يقول...

ربنا يجعله فى ميزان حسناتكم يا خالد
كان نفسنا نبقى معاكم بس الظروف
ربنا يكرمكم يارب

همس الاحباب يقول...

رحاب صلاح
ربنا يكرمك ويجعله فى ميزان حسناتك
واحنا سعدنا جدا بوجودك وبمشاركتك معنا
الحمد لله وربنا يديم المعروف
تحياتى وتقديرى

همس الاحباب يقول...

شفقة واحسان
ربنا يكرمكم
واحنا فعلا مفتقدينكم جدا
لعل المانع خير
تحياتى