20 نوفمبر 2009

مبروك لمصر



قدر الله وماشاء فعل
تلك هى الحياة لحظات انتصار يعقبها لحظات انكسار والعكس بالعكس
وتلك الايام ندوالها بين الناس
ولكن فى الرياضة هناك اخلاقيات لابد ان نتبعها وروح رياضية نتمسك بها مبروك للفائز وحظ افضل للخاسر فى المرات القادمة
حتى لو كان الفريقان المتباريان اعداء تلك مع تعلمناه
لكن الموضوع اختلف تماما فى المنافسة غير الشريفة بين منتخبى مصر والجزائر بالرغم من وحدة الدين واللغة واننا اشقاء كما نزعم
لكن ما حدث يوم 18 -11 بالسودان لم يمت الى الرياضة باى صلة ولا يوجد هناك اى اخوة ولا منافسة شريفة،لان المنافسة الشريفة تكون فى الملعب وعلى مدى 90 دقيقة هى عمر المباراة ومبروك للفائز
اما ترويع الامنين من نساء واطفال بصورة همجية ووحشية وسفالة خارج المدرجات فهذا شىء فاق الحد والتوقعات
مع احترامى لشعب الجزائر ومصر هل يساوى الفوز بكاس العالم لا مجرد حلم الوصول اليه تلك الكراهية والحقد والهمجية
الى الشرفاء من ابناء الجزائر ابناء شهداء التحرير لا الخونة وابناءهم والى الشرفاء من ابناء العروبة فقط اوجه كلماتى الاتية
- عدونا واحد وديننا واحد ولغتنا واحدة
- كرامتنا واحدة حبنا لكم نابع من حبنا لديننا وعروبتنا
- لابد من الوحدة لاجل الاقصى والقدس فعدونا سيطر علينا بذكاء
- مع الاسف الكل اصبح فى ضلال وابتعد عن الطريق القويم
- تهنئة الى اليهود والصهاينة لانتصارهم فى شتى المجالات
- المصرى ظل محتل لمئات السنين ومع ذلك لم ينحنى او ينكسر
- المصرى ترك ارضه ووطنه بسبب الحروب وويلاته وذهب اليكم من اجل لقمة العيش لا من اجل الذل
- اذا كان المصرى دخل فى حروب مع اليهود او غيرهم فمن اجل العروبة والاسلام
- لا عزاء لكم يا معشر العرب ولا سلام لكم معهم بعد اليوم
الى الهمج وعديمى الكرامة فى جميع الشعوب العربية
- لا كرامة لكم بعد اليوم عند كل مصرى
- الشعارات الرنانة مثل الاخوة والاشقاء والقومية العربية والشقيقة الكبرى اصبحت مصطلحات بالية لا ايمان بها بعد اليوم
 - الحقد والكراهية لكل ما هو مصرى معروف لنا ونعلمه علم اليقين لكن تجلى فى ابشع صوره بعد مباراة مصر والجزائر
اعتقد جميعنا عرف من هو العدو ومن هو الصديق
- كرامة المصرى لن تهان طالما هناك شرفاء يحبون وطنهم
الى كل مصرى داخل وخارج ارض الوطن
- كفانا تفريط فى كرامتنا وكفانا مشاعر وعواطف خادعة وكفانا طيبة او بمعنى ادق جبن وسلبية
- لابد من تكاتفنا وخوفنا على وطننا بالداخل والخارج
- لا معنى للحياة بدون كرامة ولا طعم للخبز بالذل والمهانة
- مصر لها اكثر من 5000 الاف عام تنهب وتسرق وما زال بها خير كثير
الى حكوماتنا العزيزة
- هناك فرق بين كرامة المصرى داخل مصر وخارجها
- كفاكم ضعف ومهانة بالداخل وعليكم المحافظة علينا بالخارج لان كرامتكم من كرامة اصغر مواطن بالخارج
- اعتقد ان كل الرؤى وضحت امامكم وعرفتم قدركم بين العرب
-الشقيقة الكبرى وقلب العروبة بفضل حكمتكم وجبنكم اصبحت لا تساوى مجرد خادمة من دول شرق اسيا
- لابد من اتخاذ الاجراءات التى تكفل كرامة مصر والمصريين فى المحافل الدولية وعدم التهاون فى حقوقنا لانها ليس البداية ولن تكن النهاية
- دعكم من المصالح الشخصية جانبا طالما الموضوع يمس كرامة الوطن
- لا تنسوا التاريخ ولا الاحداث فما حدث بالامس حدث اليوم وسيحدث غدا
الى اليهود والصهاينة
- نعلم انكم المستفيد الاكبر وانكم سبب الفتنة
- تريدون هدم الاقصى وتهويد القدس لكن مع الاسف لن تنالوا ذلك
- دفاعنا عن القدس والاقصى نابع من حبنا لديننا وانه فرض علينا
- مصر دخلت الحرب وانتصرت بمساعدة الشرفاء من العرب لا الخونة والهمج
- لا تفرحوا كثيرا فنصر الله قريب
الى وسائل الاعلام المقرءوة والمسموعة
- ما اسهل الكلام والشعارات والويل والثبور ولكن اين الافعال
-الحقد والكراهية اصبحت واضحة والضرب علنى
- تصفية الحسابات والشماتة واضحة والحقد الدفين ظهر
- المعدن المصرى الاصيل يظهر وقت الشدة
اعلام الجزائر 

حسبى الله ونعم الوكيل
يا أيها الذين آمنوا اذا جاءكم فاسق بنبأ فتبينوا، ان تصيبوا قوما بجهالة فتصبحوا على ما فعلتم نادمين.) صدق الله العظيم
الى منتخب مصر
شكرا لكم جميعا اجهزة فنية ولاعبين ليس من اجل الفرحة او الخسارة ولا البطولات التى حققتوها ولكن من اجل اخلاقكم والتزامكم وقدوتكم الطيبة لنا
الى منتخب الجزائر
اسف جدا لانى صفقت لكم بعد المباراة على انكم اشقاء
ولن استطيع تشجيعكم حتى لو اخذتم كاس العالم لانكم لا تستحقون حبنا ولا تشجيعنا بعد اليوم
اسئلة لا تحتاج اجابة
- وصول 48 طائرة عسكرية تقل مشجعى الجزائر الى الخرطوم تابعة للقوات الجوية هل تم بعيدا عن علم الحكومة الجزائرية؟؟؟؟؟ بالطبع لا
-وصول عدد من البلطجية والهمج أوالحيطست كما يطلقون عليهم فى الجزائر وشراء الاسلحة البيضاء ودخول المدرجات بعلم الجميع هل له من تفسير ؟؟؟
- الحكومة الجزائرية والمسئولين بها والسفير الجزائرى والمصرى ما تم فى الجزائر قبل المباراة الفاصلة وتشريد الاسر والعاملين بالجزائر وتدمير المنشات المصرية هل يوجد تفسير غير حسبى الله ونعم الوكيل فيكم
- الحكومة المصرية ورئاسة الجمهورية شكرا لكم على نقل المصريين واغاثتهم لكن الى متى نتحرك بعد وقوع الكارثة؟؟!!! لماذا لا نسبق الكارثة طالما لدينا علم بها مسبقا؟؟!!
- فى تلك المحنة واهدار كرامة المصرى بالسودان قرأت الفاتحة ترحما على السادات !!لماذا؟؟!!
- السودان بلد شقيق فعل الكثير وله منا كل التحية والتقدير .. لكن هناك من باعوا السودان والمصريين للهمج لماذا ؟؟!!
-رئيس الاتحاد المصرى والجزائرى هل البيزنس والمصالح اهم من الشعوب وارواح الابرياء ؟؟!!

- اتحاد الكرة الى متى نتهاون فى حقوقنا الدولية ونجعل الاخرين يسلبونها منا حتى لو كنا على صواب ؟؟!!
- هناك فرق بين اختلافنا مع الحكومة ووقوفنا جميعا فى خندق واحد لمصلحة الوطن !!

- اذا كنا نحن فى نظر الهمج يهود وصهاينة ولا يخلو بيت فى مصر من شهيد استشهد فى الحروب مع اليهود بما تسمون من سيطرت عليهم اليهود وساقتهم مثل الاغنام ؟؟!!
-  لا اختلف معكم اذا كنا يهود وصهاينة فمن باب اولى ان تحاربوا اليهود والصهاينة وتحرورا الاقصى اولا وكل من على شاكلتهم ثانيا  ؟؟!!

الف مبروك لمصر 
ورب ضارة نافعة


هناك 44 تعليقًا:

حنين القلب يقول...

حسبى الله ونعم الوكيل
ليه الكره والحقد ده كله
احنا عملنا ايه

♥نبع الغرام♥♪≈ يقول...

ازيك يا استاذ خالد
ربنا يطما عليك يارب

♥نبع الغرام♥♪≈ يقول...

بوست جميل قوووووووووووى

حسبى الله وانت الوكيل فيهم يارب
انت منتقم جبار
دى عمرها ما كانت روح رياضيه
دوى اسمها بلطجه

عالم زباله قوووووووووووووووى
ربنا يجحمهم يارب قادر يا كريم

ريمان يقول...

قدر الله وما شاء فعل


بس مش لاقيه مبرر للكره ده كله وللهمجيه اللى حصلت دى

simply me يقول...

مبروك يا مصريين زوقكم وتربيتكم واخلاقكم فى زمن تتكالب عليكم فيه الامم


حسبى الله ونعم الوكيل

Cute Kitty **sookra يقول...

استاذ خالد
كلامك بيوجع على اد ماهو مليان حكمه وعقل
طبعا هاقولك انك قلت الكلام اللى عاوزه اقوله لكن طبعا موش بعرف اكتب بالطريقه الاخاذه بتاعتك دى ولابعرف اعبر بقوه كدا زيك
ربنا يوفقك يارب وكلامك يتسمع ويتنفذ
سلامى لشابى وهمس كمان

مجداوية يقول...

السلام عليكم

أرجو أن تقرأ التدوينة الجديدة عندي فلنا كل الحق أن نغضب ونحزن ولكن لابد أن نعرف السبب ,, أنا ترحمت على عروبة جمال عبد الناصر ,, رب ضارة نافعة .. بالفعل ولكن ليس لتحقيق أهداف الفتنة ولكن لمعرفة أسبابها ,,أنت بكرهك لكل شعب الجزائر ولاسم الجزائر حققت لأعدائنا الحقيقين أهداف الفتنة ,,الخلل عندهم نتيجة الخلل عندنا فمصر دائما هي الأم والشقيقة ومنا تعلموا

لا تعلم همس وشابي إلا كره الصهاينة أما من عادانا من داخلنا فندفع لهم بالتي هي أحسن ,بعد أن نفهم لماذا هذا العداء

Unknown يقول...

عارف دى قلة ادب
سبحان الله الله يستر علينا من اعدائنا

zikooooo يقول...

قدر الله وما شاء فعل
اللي حصل ده كارثه مش مجرد لعبه خلاص
ومش معقول كم الكرهه ده كله

ياتري دول اللي هيحرروا الاقصي؟
ربنا يستر علينا

ستيتة يقول...

تسلم ايدك يا ابو همس وشابي
اقسم بالله كلام شافي وافي
وعلى رأيك
الله يرحمك يا سادات

mahasen saber يقول...

بقينا بندور ناخد ازاى تارنا وكرامتنا من بعض ونسينا ان كرامتنا كلنا بتتهان بره ومهانه

ونسينا كمان المصريين اليى بيتمرمطوا بره فى اوربا وفى باقى دولنا العربيه ليه محدش انتفض ليهم الانتفاضه دى

ولاا عشان مراحتش كرامتهم فداء لماتش كوره

انا حزينه والله يا ابو همس على المهزله دى من الطرفيين

شفـقــة و إحســــان يقول...

حسبى الله ونعم الوكيل فيهم.... ان شاء الله مش هيغلبوا ابدا وهيفضلوا مغلوبين لان اللى عملوه فينا لا عروبة ولا دين ولا اخوة ولا اى شىء
الواحد هيتجنن كل ده علشان كورة

حنين القلب يقول...

انا معاك فى كل كلمه قولتها
الا ان شعبنا جبان وسلبى لا يا خالد دى فعلا طيبه نابعه من جوانا مش بنمثلها ولا بنستعبط وبنستخبى وراها

بس بجد تسلم ايدك على كل حرف فى البوست ده لانك قولت اللى كلنا عايزين ونقوله
وعبرت عنه بمنتهى البساطه

يوميات شاب منوفى يقول...

بجد انت افضل من كتب فى هذا الموضوع بارك الله فيك
لاازم ناخد حقنا من هؤلاء البربر الهمج وخصوصا رئيسهم الاهبل بوتلفيحة ولا بو فضيحة هذا الرجل واسف على وصفه برجل هو من خطط وارسل جيشة وحرامية بلاده لاحداث حرب شوارع مع مصريين عزل حسبى الله ونعم الوكيل فيه

Unknown يقول...

أستاذ خالد
مش حاقولك
غير تعليق
قاله المراكبى
عندى فى المدونة
(عندما يُحترم الانسان
فى وطنه سيُحترم خارجه)!
ولا تقول لىّ فى بلدنا شىء
وخارج بلدنا شىء اخر
للأسف الفضائيات والنت
ينقولون ما يحدث لنا
بالمللى!
والشقيقة الكبرى للأسف
عجزت وطلعت شابات جديدات
يأكلن الاخضر واليـــابس
ولا يحفظون الجميل لشقيقتهم
الكبرى(صارت عجوزة ياعينى)

rovy يقول...

بوست رائع جداا
احييك حقا على كل كلمة به
عبرت ببراعة عن كل ما يشعر به الشعب المصرى .. اشكرك حقا على هذا البوست

تقديرى و تحياتى لك

صفــــاء يقول...

هلا ابو همس
هرجع تانى واقول تانى
مين اللى بعت ستات للسودان
السوووداااان اللى تقريبا ممزقه من حروب وانفصال
مين اللى شحن طائرات بشباب وشيوخ
مين اللى رماهم فى بلد مفيهاش عسكرى مرور من غير حمايه
وباعتين فنانين ؟
ليه فنانيين؟
من امتى وكرة القدم رياضه النخبه والارستقراطيه عشان نروحها بطيارات خاصه
صدقنى فيه تساؤلات تثير الجنون لأن برضه محدش رد عليها ولا حاول التفسير

البروفيسير يقول...

حسبنا الله ونعم الوكيل
فى البدايه كان ال 80 مليون مصرى يدعون بنصر مصر
الان ال80 مليون مصر يدعون حسبنا الله ونعم الوكيل من الجزائرين

عاشقة القمر يقول...

بقوليك في استاد مش حصل اي شي
في شارع مطار ايواه يعني هم شكلو كده مخطين قصه كلها بس انا متاكده قصه دي مش عادي يوم من الايام اهتبان الحقيقه ان شاءالله
بس انا مليش في الكره بس كنت زعلان قبل متش كنت متغاظه جدا علي عدد هائله بفترج الكره عدد الامن بتاعتا 15 الف عسكريه قولت بدل متش عدد داه كان حرر فلسطين
شكلوا كده مفيش كان لفلسطين فى دماغنا اصلا ربنا يهدي امة العربيه وبصلح حالهم

همس الاحباب يقول...

حنين القلب
ربنا يصلح الاحوال
وحسبى الله فى الخونة واعداء الاسلام

همس الاحباب يقول...

ايناس
ازيك انتى يا ست الكل
انا الحمد لله بخير
انتى اخبارك ايه واخبار اسرتك الكريمة
كل سنة وانتى طيبة

همس الاحباب يقول...

عاشفة الاحزان
مع الاسف تصرف اهوج وبلطجة لا مبرر لها
تحياتى

همس الاحباب يقول...

ريمان
نعم
قدر الله وماشاء فعل
انها نار الفتنة والحقد من اعداءالعروبة
تحياتى

همس الاحباب يقول...

بندقة
فعلا معكى حق
واجمل ما اسعدنى اخلاق المنتخب بغض النظر عن النتيجة
لان الاخلاق باقية والكل زائل
تحياتى

همس الاحباب يقول...

سكرة
ربنا يكرمك وبسعدك
ويصلح امور المسلمين جميعا
ويقينا العصبية والجهل
تحياتى لحضرتك

همس الاحباب يقول...

مجداوية
سمعا وطاعة استاذتنا العزيزة
متفق معكى جدا وقرات التدوينة
وحبى للاسلام اكبرمن حبى للعصبية والجهل
تحياتى

همس الاحباب يقول...

نهر الحب
مع الاسف ده جهل وفتنة لا يعلم مداها الا الله
تحياتى

همس الاحباب يقول...

zikooooo
نعم ونعمة بالله
كل شىء بقدر
ربنا يصلح ذات البين

همس الاحباب يقول...

ستيته حسب الله الحمش
معقول دكتور ة ستيتة عندنا يا مرحبا
طب تصدقى انا كل يوم اعمل مباراة بين مصر والجزائر علشان خاطرك
نورتى يا دكتورة
وربنا يصلح احوال المسلمين فى كل مكان
تحياتى

همس الاحباب يقول...

محاسن صابر
متفق معكى يا ام بيرو
فعلا لماذا كل هذا
الجهل والعصبية انستنا كل شىء حتى العدو الحقيقى
تحياتى

همس الاحباب يقول...

شفقة واحسان
مع الاسف الموضوع اكبر من مجرد مباراة
الموضوع جد خطير
ربنا يصلح احوالنا جميعا
تحياتى

همس الاحباب يقول...

حنين القلب
مع احترامى لراى حضرتك
فنحن فعلا شعب سلبى وجبان حتى مع انفسنا والمطالبة بحقوقنا فى الداخل والخارج
الطيبة انك تتنازل عن حقك وانت فى موقف قوة لا موقف ضعف
الحمد لله ان البوست عجبك
تحياتى

همس الاحباب يقول...

يوميات شاب منوفى
اهلا وسهلا بحضرتك وسعدت بزيارتك جدا
وشكرا على كلماتك الرقيقة
ولكن لابد ان نعرف من العدو الحقيقى لناخذ حقنا منه
تحياتى

همس الاحباب يقول...

نورهاتى
متفق مع حضرتك جدا جدا
ولكن ما اقصده اننى عندما اهان فى وطنى فربما اجد اهلى واصدقائى يواسينى ويقف بجانبى اما بالخارج فكفاهم الغربة والبعد عن الوطن
لكنى لم اقصد ان نتنازل عن كرامتنا داخل او خارج الوطن
تحياتى لحضرتك

همس الاحباب يقول...

روفى
جزاكى الله خيرا
والحمد لله ان البوست نال اعجاب حضرتك
تحياتى

همس الاحباب يقول...

صفاء
مع الاسف اسئلة منطقية جدا
والاجابة لا ادرى لماذا حدث هذا بالفعل
وكل الشواهد تدل على ما حدث
تحياتى

همس الاحباب يقول...

البروفسير
لا يا اخى
النصر من عند الله
والفشل من انفسنا
لابد ان نعترف بالحقيقة ان الهزيمة جاءت منا وبسببنا نحن
تحياتى

همس الاحباب يقول...

عاشقة القمر
باشكرك جدا على صراحتك
وبشكر كل اهل السودان على ما فعلوه
نعم الكل انخدع بما حدث ولم يتوقع الخطة برغم الشواهد الدالة على ذلك

تحياتى

رابطة هويتي اسلامية يقول...

السلام عليكم ورحمه الله وبركاته

جزاك الله خيرا على الموضوع

فى انتظار زيارتك ورايك فى تحليل شامل لما حدث بين مصر والجزائر

بنت الصالحين يقول...

ماشاء الله

اتكلمت في نقاط كتير جدا جدا اللهم باارك
اتفق على اغلبها
يمكن نقطتين بس اللي مش متفقة معاك فيها


اولها :-

ان مصر برده هتفضل تدافع
وتحاوب علشان كل العرب

ببساطة جدا لاننا خير جنود الارض

ارض الشهامة والجدعنة

وكمان لان فعلا دي كانت لعبة قذرة من الصهاينة

وعلشان حضرتك تفهم اكثر

الجزائر مش شايفة اللي حصل للمصريين مش بيشوفو او مش والصهم غير شتم وسب م المصرييين لكن اللي حصل اصلا مش واضح لهم


وكتير فاكرها مسألة كرامة وان مصر هي اللي بدت



فبجد الله يصلح حال المسلمين جميعا ياااااارب


ربنا يباركلك ياابو همس

كيكى عوووووو يقول...

والله كنت فاكرك كاتب البوست من ايام ماتش التعادل ققلت ايييييييييييييه هو معندوش قناه 2 ولا ايه؟؟
قدرالله وماشاء فعلا انا الى غايظنى ان فى ناس بتقول ان احنا بنعلم كل دة شان ماتش كورة!!!

كيكى عوووووو يقول...

مردتش عليه برضة شابى؟؟ ايه النظام

على عبدالله يقول...

السلام عليكم

أبو همس حبيبى
كيف حالك
حبيت فقط انوه على نقطة ضغيرة لازم تاخد بالك منها كويس
قول الله عز وجل
أشداء على الكفار رحماء بينهم .... الايات
بالفعل الجزائريين اهانونا وخدشوا كرامة المصريين ، وواجب عليهم الاعتذار للشعب المصرى ،ولكن فى النهاية الشعب الجزائرى شعب مسلم حتى قبل ان يكون عربى (عشان خاطر العروبة والقومية اللى عمالين يتغنوا بيها)
وزى ما قالت الاستاذة مجداوية قول الله عز وجل "ادفع بالتى هى احسن ...
الاعلام المصرى اثبت فشله الذريع وفقد مصداقيته لدى العالم العربى (انا عايش خارج مصر وعارف الكلام دا كويس) نتيجة للمبالغات وما رأيناه من الهابطين من كوكب الكورة على الاعلام امثال خالد ومدحت ومصطفى وشوبير وغيرهم من السفهاء امثال عمرو .. قمة الجهل على الأقل اعلاميا ، عبارة عن اعلام الردح وفرش الملايات !!
زى واحد قالك دول شوية بربر !
ما هو ميعرفش مين هم البربر
للاسف يا أخى يقال ان كل ما حدث مسلسل ! تأليف وإخراج وإعداد الاعلام المصرى
وضاعت كرامة المصريين بسبب شوية (جهلة) ودى نتيجية طبيعية !!
المصريين فى الخارج (امثالى) شعروا بالاهانة (قمة الاهانة) لكنهم لم يستغربوا ما حدث
لان باختصار اخى الحبيب كرامة المصريين منداسة منذ زمن ! ولا يشعر بذلك الا من هم خارج البلاد يبحثون عن الرزق !!

كفاية كدا
احسن الموضوع طويل ومحتاج صفحات
والله المستعان

على عبدالله يقول...

معلش اخى الحبيب

حبيت اقولك ان المصريين فى الخارج عايشين بالدراع لان مالهمش ظهر !
اتهانوا فى بلدهم قبل الاهانة خارج بلدهم
ومش الحكومة بس هى المسئولة لا الشعب كمان مسئول ،
كفاية اقولك ان مصر يقال عليها الان بلد الرقاصات والدعارة !!
وحسبى الله ونعم الوكيل فى كل من تسبب وشارك فى سرقة مصر
مصر اصبح رموزها شوية رقاصات وشوية مغنيين ، ولا حول ولا قوة الا بالله