9 نوفمبر 2009

نصيحة .. بلاش لقاءات المنصورة





نيل المنصورة بعدسة ليساندرا 
اذا اردت ان تحضر لقاء فتجنب لقاءات المنصورة نظرا لما تسببه لك تلك اللقاءات من حالات صعب الشفاء منها
اولى تلك الحالات عشقك لمدينة المنصورة وجمالها وطيبة اهلها
ثانيها  احساسك بالالفة والعشرة مع اهلها كانهم اناس تعرفهم من زمن بالرغم من معرفتك القصيرة بهم
ثالث تلك الحالات الحفاوة فى الاستقبال والكرم فى الاخلاق المنقطع النظير
رابعها جمال الاماكن ونظافة الشوارع وصغر حجم النيل ونظافة شاطئه
خامسها احساسك بان مصر لسه بخير وبها من الشباب والاخلاق ما يعطيك الامل فى الغد
سادسا اكتشافك ان خطبة الجمعة ما زالت بخير وان الامام يستطيع ان يشد انتباهك له ويجعلك تتناسى تعب السفر
سابعا اذا سافرت المنصورة مع صحبة من فاتيما روح قلب ماما وداليا قوس قزح وخيخة شردة هانم وميرا وعسقول وضياء فانت مع اخوتك ومع كوكبة من الجدعنة والشهامة وخفة الدم
ثامنا فى المنصورة علامة بارزة فى فن المطبخ اسمها صبرنى يا رب وانصحك الا تنساق وراء الكيك بالشيكولاته لانك حتما ستصبح مدمن كيك .
تاسعا  اذا قابلت صلاح مسدس صغير او محمد رحلة البحث او ابراهيم العدوى او مصطفى فانت امام شباب تفخر بانك معهم لانهم يدخلون القلب بلا استئذان وصورة مشرفة لشباب الغد المشرق باذن الله
عاشرا اذا دخلت مستشفى الاطفال فى المنصورة واردت التبرع فلا تقلق كل شىء فى بدايته صعب ويكفيك الصحبة الطيبة
- فى المنصورة سوف تشاهد البراءة والطفولة على طبيعتها فى ايمان سما مصر وليدى طفلة مش عايزة تكبر كماتشاهد الجدعنة وبنات البلد على حق فى شيماء الشعب لابد له من حكومة والطيبة والاحترام فى د/ سوول ويسبر وسارة رحيل اللى على نفسى باعتبرها بورسعيدية نظرا للقائنا اكثر من مرة فى بور سعيد
- اذا سالت عن كفر الشيخ واسباب كفره جاءتك الاجابة بان ايمانه كان ضعيف لكن انا بقولك ان الشيخ تم الغرغرة به نظرا لخفة دم اهل كفر الشيخ وانهم عشريين بطريقة رهيبة جدا وده اللى اكدته ساسو اللى كانت مفاجاة اللقاء بخفة دمها واخلاقها العالية واللى كنت حاسس انها تؤام همس مصرية متغاظة اند مفروسة .
- المحلة بلد الرجولة والجدعنة والطيبة نظرتك سوف تتغير عنها اذا قابلت عاشقة وغلبانة لانها لاعاشقة ولا غلبانة اطلاقا بل القوة والجبروت مع خفة الدم امتزجا معا .
- فى المنصورة ستجد اهل دمياط برقتهم وجدعنتهم واخلاقهم العالية وحسهم الفنى العالى متمثلة فى اليساندرا اللى فكرتنى بالاخت العزيزة سالى حاجات جوايا .
- مفاجاة اللقاء واللى جاءت تسلم عليه وتعرفنى بنفسها ايناس عاشقة الاحزان الجدعنة والرومانسية بتاعت افلام ابيض واسود هانى ثندر اللى سعدت بمقابلته والتعرف عليه شخصية طيبة جدا ومسالم جدا بالرغم من شقاوته فى المدونة والتعليقات .
- فى المنصورة شخصية رائعة جدا اسمها استاذ عبد الجليل حضر لاستقبالنا بالرغم من حالته الصحية ولكن حضر لدقائق ربنا يتم شفائه على خير
اليوم كان رائع جدا والعدد كان مفاجاة متوقعة بالنسبة لى نظرا لارتفاع عدد مدونى المنصورة ،اللقاء حاز على اعلى نسبة بوستات تم تسجيلها عن لقاء تدوينى
ونظرا للاسباب سابقة الذكر انصحك بالتطعيم بمصل وقائى من عشقك وحبك للمنصورة واهلها من الوهلة الاولى
كنت اتمنى وجود مدونى بور سعيد نظرا لقرب المسافة بينها وبين المنصورة وخصوصا بابا ابو خالد وماما امولة و ايناس ونسمة افتقدت وجود ا/ وليد عارفة .. مش عارفة ليه وابنه مهند ومدونة المنصورة بنت قلبى .

شكر خاص للمجهود المبذول والتنظيم الرائع والتنسيق من جانب صبرنى يا رب جزاكى الله خيرا مع ان انه فيه تار بينا والتار ولا العار يا ولدى بخصوص الصور اللى اتنشرت يا صبرنى  والبادىء اظلم وشكر خاص لصلاح مسدس صغير وابراهيم العدوى وكل الحضور من اهل القاهرة والمنصورة والمحافظات الاخرى
لمزيد من التفاصيل باقلام اخرى رائعة 

و كان لقاء من الخياااال بالناس اللى فيه ... الشعب لابد له من حكومة تشكمه
كان أجمل يوم ...صبرنى يا رب
على هامش لقاء المنصورة...lyssendra
يوووم جميل .. مسدس صغير
الناس الحلوين ... هبة bobo
يوم فووووق الخيال .. سوووول ويسبر
يوم ما قابلتكم ..... سما مصر
لقاء العمالقة ..بسويسرا (المنصورة) ..ميادة أيامنا الحلوة
إبقوا تعالوا كل يوم ...رحيل محاولات للبحث عنى
لقاء المدونين بالمنصورة..ياااه دنا إتاخرت قوى .. دعاء مجرد حلم
المنصورة و النيل و الوجه الحسن .... king tooot
المنصورة نورت...محمد الغرباوى رحلة البحث
 
بوست بالتفاصيل عشان خاطر عيونكم...مسدس صغير
دنيا من طراز الروح ...ابراهيم العدوى كاتب مصرى كأنى أتكلم
المدونين و أرائهم فى اللقاء...مصطفى فك زنقة
كل تجمع و انتوا بخير....عاشقة و غلبانة

هناك 34 تعليقًا:

حنين القلب يقول...

اووووووووووووووول تعليق

هروح اقرى وراجعه

حنين القلب يقول...

بقى الشيخ بتاع كفر الشيخ اتغرغر بيه

ههههههههههههههههههههههههههه
وربنا انت ظلمك اللى خلاك تكتب بوستات اصلا

بس سيبك انت واضح ان اليوم كان روعه

ربنا يتقبل منكم ويجعله فى ميزان حسناتكم

حنين القلب يقول...

خااااااااااااااالد

الا قولى انت ليه مش اتبرعت زى باقى الناس
ولا انت كان دمك خلص لحد كده

والله ليك حق ده انت كلك شبر ونص يعنى يادوب نص لتر وياريته دم ده تلاقيه كولا

هههههههههههههههههههههه

المهم انك انبسطت يا باشا وبلاش احنا

عين بتحسدكم

الشعب لابد له من حكومه تشكمه يقول...

ايون كده يعنى مفيش فطير مشلتت ولا كتاكيت وفراخ ولا ازيكن ازيكن:)
انتو نورتونا والله..ها هتيجوا تانى امتى باه:)

أمل حمدي يقول...

ازيك يا ابو همس الاحباب

ربنا يجعل كل أعمالكم في الخير في ميزان حسناتكم اللهم امين

كان نفسي أكون معاكم

ان شاء الله تتعوض المرة الجاية

ربنا يتقبل منكم اللهم امين

♥نبع الغرام♥♪≈ يقول...

خالد الجميل احن واطيب قلب
مساء الورد على عيونك ياجميل
مبسوطه انى اتعرفت عليك قووى
كنتم منورين المنصورة بوجودكم الكريم
متجمعين فى الخير يارب

دعواتك

الفراغ يقول...

احلى كلام عن احلى لقاء
كل كلامكم بيكمل بعض وبيدى صوره لااحلى مدونين

وعقبالى لما اكون معاكم يارب

متتاخرش فى اجابة التاج

مع تحياتى

الشعب لابد له من حكومه تشكمه يقول...

اه صحيح ايه بنت البلد اللى كله بيقولها عليا دى ؟محسسنى انى لابسه ملايه لف ههههههههههههههههههههههه....
نفسى افهم معنى الكلمه دى:))

Asmaa mahaba يقول...

ربنا يقدركم على فعل الخير ديما ان شاء الله
ويسعدكم على طول

رحــــيـل يقول...

ههههههههه
انا العنوان خضنى بس قولت اكيد وراه إن فجيت اشوف الان لاقيتها احلى إن بصراحة
انا كمان كنت مفتقدة مدوني بورسعيد جدا ان شاء الله المره الجاية يكونوا موجودين

تصدق انا كمان خدت بالى من عدد التدوينات اللى اتكتبت عن اليوم كنت بعدهم الصبح هذا وان دل على شئ فبيدل فعلا على ان الناس سابت فى نفوس بعض اثر حلو قوى ما يتنسيش فعلا

خالص تحياتى واحترامى

غير معرف يقول...

استاذ خالد
طيب والله وحشتنى يا اخى
فعلا انت من اكتر الناس اللى حسيت انه معرفه قديمه وفعلا فاتح قلبك للناس بون ابواب كده ندخل ونخرج ونرجع تانى براحتنا بقى
بجد المنصوره لو كانت جميله يوم الجمعه فجمالها كان بيكم انتم
اشوفك على خير وانا الرقم وصلنى وهاكلمك ان شاء الله قبل ما اسافر اكيد
فى رعايه الله

فشكووول يقول...

كل ما اقرأ بوست عن لقاء المنصوره ابقى قاعد متغاظ عشان ما رحتش اللقاء ده وخصوصا انه كان فيه احلى واجمل وامتع مدونين .. ان شاء الله خيرها فى غيرها

فاتيما يقول...

أيوووه
الناس الرايقة دى
اللى قعدت و روقت و قرت كل اللى إنكتب
و بعدين مخمخت فى حاجة تانية خالص
و حطت عنوان هيخلى العالم بتوع المنصورة يعلقونا فى الفلكة يا جابر
بلاش دا إيه ؟؟
دا المنصورة كمان و كمان
مع الأعتذار ليوسف شاهين يعنى
صحبتك دايما أمان يا خالد
متهيألى انت فاهم وعارف و كمان متاكد من ذلك
عشان كدا بتاخدنى انا مخصوص من بابا عمل الخير و الرفق بالغلابة و الإيتام
آه متبصليش كدا
انا يتيمة مش ابويا ميت وينطبق عليا الوصف ؟!!!!
خالص ودى يا غالى و عقبال كل مرة
فى الخير و الود و الصحبة الطيبة
إن شاء الله

صبرني يارب يقول...

انا عملت حاجه والنبى مش الصوره تتحدث عن نفسها
هههههههههههههههههههه

بجد انتم مش متخيلين يا جماعه كم السعاده الى انا كنت فيها انا قعدت يومين ماشيه اضحك وانا لوحدي

جوزي شك فى قوايا العقليه

هههههههههههههه

ان شاء الله كل فتره هابقى اشحططكم كده
ربنا يسهل

اتشرفت بكم وشكرا يا باشا على المساعده

Cute Kitty **sookra يقول...

يانهار عسل ياولاد
ابوشابى بنفسه بيتكلم عنى
دا بصراحه شهاده اعتز بيها جدا جدا
سلم على شابى وهمس
وكمان بجد انت اللى شخصيه بجد رائعه خفه دم+جدعنه +لم فلوس (بالنص المره الجايه)
ههههههههههههه
بصراحه كمان انسان مسالم جدا وسايب الجاكت بتاعه يتبهدل تحت كل المدونيين
ههههههههههه
سلمت ياابوشابى
المره الجايه اللقاء يبقى عندنا هنا فى الكفر
انشاءالله

قلب ارهقته الاحلام يقول...

لا بس بجد العونوان يخض :D

بجد مبسوطة اوي ان اللقاء ده عرفنا ناس كتير ومدونات جميلة زي مدونة حضرتك

مع اني محضرتش ومتغاظة جدااااا :((

بس ان شاء الله اكون حاضر بعد كده

ويابختكم يالي ف بالي ^^

شفـقــة و إحســــان يقول...

يا بختكم يا عم خالد علطول انت فى كل لقاء هنق عليك اهو
عموما انا جيت بس علشان اطمن على شابى واقول لام شابى خلى بالك من ابو شابى لحسن بيلف اليومين دول كتير
انا جيت بس اهدى النفوس
سلام

مسدس صغير يقول...

هههههههه
انا صورة مشرفة؟؟
طبعا بس مشرفة بس
ههههههه
بجد انا سعيد جدا انى شوفتك وسعيد اوى انى اتعرفت عليك
شخصية محترمة وحبوبة
وتخليك تحبها اوتوماتيك
شكرا على الكلام الجميل اوى ده
بجد من احسن البوستات اللى كتبت عن اللقاء
احييك عليه

Lady E يقول...

اتشرفت جدا بمعرفة حضرتك في اللقاء

وشكرا على الإنطباع الجميل اللي حضرتك قولته عني في البوست دي شهادة غالية أعتز بيها

على فكرة انا من مدونين دمياط :) مش المنصورة

بجد اليوم كان رائع بوجودكم وان شاء الله يتكرر مرة تانيه

Asmaa mahaba يقول...

شكرا ليك يا همس ربنا يجزيك كل خير بس انا بحثت فعلا ووجدت الاتى
سيدنا نوح غليه السلام عاش 950 سنه والله اعلم
600 قبل الطوفان و 350 بعد الطوفان
عاش 300 سنه قبل بعثته كنبى
ثم 300 سنه بيدعوا لربنا سبحانه وتعالى
من فضلك حاول تسال حد عشان اعرف ايه الصح لان دى حسب معلوماتى انا

!!! عارفة ... مش عارف ليه يقول...

والله يا خالد أنا بتابع أصداء اليوم ده وأنا بتقطع لأني للأسف مكنش لي شرف الوجود في استقبالكم

وكان نفسي أرد جزء ولو ضئيل من حسن استقبالكم ليا في القاهرة

إنما الحمد لله كان في ناس كتير قامت بالواجب وزيادة وجزاهم الله خيراً عن مدوني المنصورة

وإن شاء الله يا خالووود تيجي المنصورة تاني وتالت وبإذن الله أكون موجود وقتها في إنتظارك لأن ده شرف ما بعده شرف .. وطبعا هيكون معايا مهند بإذن الله لأنه لما عرف إنكم في المنصورة اتغاظ خالص علشان سافرنا قبل ما كنتم تيجوا

إنما إن شاء الله متعوضة بإذن الله

وإن شاء الله نفضل دايماً كمدونين على قلب رجل واحد

صفــــاء يقول...

والله انت اللى شخص كلك ذوق وخلوق وتعاملك مع الناس فى منتهى البساطه والعفويه

وعقبال كدة ما تنظم لقاء مدونين فى الصعيد يا ولد العم

Tamer Nabil Moussa يقول...

ازيك ياخالد اخبارك اية


كان نفسى اكون معاكم بس ماكنتش اعرف يلا تتعوض مرة تانية

ربنا يوفقك ويكرمك

مع خالص تحياتى

البروفيسير يقول...

السلام عليكم ورحمة الله وبركاته

المنصوره بلد اكثر من رائع وشعبها ودود جدا
وان شاء الله هكون فى الملتقى الثقافى فى جامعة المنصوره فى اجازة نصف العام

تحياتى
احمد سمير

Unknown يقول...

حراااااااااام بجد
انا كنت هحضر اللقاء الي اتلغي
و شيما كمان جت و غاظتني بكومينت انكم كنتم في الشارع بتاعنا
و شوفت الصورتين عند صبرني يا رب بس محبتش اعلق

هو كل حد لازم يكتب يغيط في الي مجوش اهئئئئ

Unknown يقول...

ماشاء الله
انت دايما متواجد فى الخير
ربنا يقدركم على فعل الخير يارب
ويتقبل منك يابو شابى
ماشاء الله شكلها قمر استعد يا خالد للخناق مع اللى بيعاكسوا بناتك من دلوقت خدلك كورس تايكوندوا ولا كاراتية

بسمه عبدالباسط يقول...

الحمدلله أن المنصورة عجبتكم مع أنى كنت أتمنى أجى بس الظروف حكمت وإن شاء الله المرة الجاية أكون موجودة

شرفتونا بجد

عاشقة القمر يقول...

ربنا يجعلها في ميزان حسناتكم

مهندس مصري بيحب مصر يقول...

ههههههههههههههه
عنوان التدوينة مشكلة
هي المنصورة مشهورة بإنها بلد جميلة و ناسها أجمل
ربنا يسعدكم دايماً يارب

Asmaa mahaba يقول...

معلم همس الله يسترك ليك شكر واعتذار تعالا خده متوجعليش ضميرى لحسن والنعمه اجيب جيش النمل وادمر المدونه:)

ميرا ( وومن ) يقول...

فعلاَ يا خالد احنا لازم نطعم قبل ما نروح المنصورة انا من ساعة ما اجيت وانا عاوزة ارجع هناك

غير معرف يقول...

ربنا يكرمكم,نورتونا:)

كيكى عوووووو يقول...

يعنى الى ماجاش يروح يولع فى نفسة ولا يعمل ايه؟؟

بعبعه يقول...

متجمعين على الخير دايما يارب