24 يوليو 2009

حصاد يوليو وتهانى قلبية



باعتذر عن الغياب وعدم التواصل خلال الفترة الماضية والحالية نظرا لظروف العمل 
انا جاااااى متاخر قوى علشان اقدم باقة ورد 

لكل الاخوة والاخوات اللى شاركونى يوم ميلادى
وشكر خاص لكل من
وطبعا ده مش غريب على ام نور وهى اهل الجدعنة والشهامة بس برضه يوم ميلادى 17-7 مش 13 وبلاش غتاته
وطبعا معاكى انتى مش هينفع كلام غير ربنا ما يحرمك منى ولا من غتاتى 
حنين (همس الاحساس ) واصحابها فعلا كل كلمات الشكر تعجز عن انى اوفيكم حقكم ربنا يسعدكم ويجعله فى ميزان حسناتكم
  
ربنا يسعدك ونفرح بيكى وبصراحة احمد عرف يختارربنا يسعدكم ويجمع بينكم على خير
  الف مليون شكر للمدونين والمدونات وليهم منى


طبعا شهر يوليو شهر المناسبات السعيدة واصبح شهر العظماء
انا على نفسى احتكرت الشهر من اوله لاخره 
يوم 10-7 عيد ميلاد همس وموافق عقد القران بتاعى

يوم 17-7 ده يوم ميلادى وطبعا ده يوم سعيد لانى جيت نورت البيت مع انى اعتقد ان النور كان قاطع لمدة شهر 
يوم 24-7 اللى هو النهاردة ده عيد زواجى السادس ( يااااااااه دنيا لو ترجع السنين تانى) بس اعتقد انها هانت مفروض اخرج حسن سير وسلوك مش كده !!!؟؟

عامة من الصدف الجميلة جدا ان شهر يوليو شهر ميلاد مدونين اعتز بيهم جدا ولهم مكانة فى قلبى
واحب انتهز الفرصة واقول لكل مواليد شهر يوليو كل سنة وانتم بخير وعقبال 100 سنة وخاصة

ماما امولة ربنا يبارك فى عمرك وعقبال 100سنة

احمد ك
كل سنة وانت طيب



عاشقة الفردوس كل سنة وحضرتك طيبة

احمد باشا سكر كل سنة وانت سكر وعقبال مليون سنة يا جميل ( تحديث )!؟


والى كل مواليد يوليو
  







تهنئة قلبية خاصة
الف مليون مبروك لحنين القلب

بمناسبة الحمل ربنا يتمم بخير ويرزقك الذرية الصالحة 
بس اتمنى انه ما يطلعش لسانه طويل زى امه ممكن يطلع لخالو خالد ههههههههه

شكلك هيبقى شبه القطة دى فى الشهر التاسع 

بجد انا سعيد جدا بالخبر من يوم ما عرفته وان شاء الله يوم السبوع هنعزم المدونين والمدونات على سبوع النونو وهنجيب جاموسة كبيرة وندبحها 
عاشقة الرومانسية الف مليون مبروك مقدما على الخطوبة

اللى هتكون باذن الله يوم الجمعة 31-7 وان شاء الله احتمال كبير احضر الخطوبة اللى نفسه يحضر يبلغنى  ونتفق ونسافر مع بعض ونحدد مكان اللقاء فى اسكندرية
الدعوة عامة 
وكده انتهى حصاد شهر يوليو مع وعد بلقاء قريب ان شاء الله  

هناك 37 تعليقًا:

حنين القلب يقول...

هيييييييييييييييييييييه اول تعليق

طبعا انا الدكتور واصف ليه اول تعليق
ولا عايزنى اتعب ؟؟

اروح اتفرج بقى

حنين القلب يقول...

انا هبقى شبه القطه دى
والله انت غلس
دنا هبقى ارشق حامل
هههههههههههههههههههههههههه
خصوصا انى رشيقه من الاول ولا ايه ؟؟؟

خالو مين
يا ابنى كده البنت تتلغبط خالو خالد
غير اسمك خالو عتريس لايقه عليك اكتر

اتفقنا

حنين القلب يقول...

مين جاى فين .؟؟؟

انت جاى فرح دودو
لالالالالالالالالالالالالالالالالالالالالالالا

دنا رايحه علشان صاحبتى
كده هفكر بقى اذا كنت اروح ولا لاء

ييييييييييييييييييييي
كرهتنى حتى فى فرح صاحبتى
وعايز تعمل تجمع
طيب باذن الله لو عملت تجمع يا خالد انا هاااااااااااجى علشان بس اغلس عليك
على رايك يا ابنى
ربنا ما يحرمنى من غتاتك

♥نبع الغرام♥♪≈ يقول...

السلام عليكم


جميل منك ان تفتكر كل هذه المناسبات السعيده ربنا يهنى الجميع يارب

دمت بكل خير
ويارب الفرحه دايآ

تحياتى

نوسه وريمان فى هاكونا مطاطا يقول...

مليووووووووووووون

مبرووووووووووووووووووك


÷÷÷÷÷÷÷÷÷÷÷÷÷÷÷
انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

كــركــبــة دمـــاغ ㋡ يقول...

الف ملياااااااااااااار مبروك ليكم كلكم ..


ربنا يفرح قلوبكم دايما ... ويجعل السعاده من نصيبكم للابد..

كل سنه وانت طيب لحضرتك ولو انها متاخرة شويات ..

والف مبروك لحنين عــ الحمل .. انا فرحانه جدا عشانها .. ربنا يسعدها يارب واللي يصبر ربنا بيديله كل خير ..

ربنا يتمملك بألف خير يا حنين ويسعدك دايما يارب ..


ومبروك بجد لكل اللي انت قولت اسمايهم فـ البوست ..

فرحانه ليكو قوي ..

انتو ما تعرفونيش اه .. بس ده ما يمنعش اني اتبسطت عشانكو ..

ربنا يكرمكم بكل خير ياااااااااارب ..

والف الف الف الف مبروك تاني لكل الناس ..

تحياتي لحضرتك يا ابو همس ..

تلميحاتى - يوسف الشافعى يقول...

السلام عليكم منذ فتره وانا لم ازورك ولم ازر اغلب المدونين لكنى قد عدت واول مافكرت زرتك
معلش التهانى جات متأخره شويه كل عام وانت بالف خير والف مبروك لكل من لديه مناسبه سعيده
تحياتى وتقديرى
يوسف الشافعى

عاشقه الرومانسيه يقول...

انا موافقه انك
تحضر فرحى وتشرفنى اه
ده انا اتمنى
تلم المدونين اه
ده حلمى طبعا
انما تنتهز الفرصه وتعمل تجمع من غيرى
لالالالالالالالالالالالالالالالا
اهو ده اللى مش ممكن ابدااااااا
يعنى اعمل ايه ماانا هابقى فى الكوافير ساعتها
يعنى اسيب الفرح واجى التجمع ولا اعمل ايه بالضبط
كل سنه وانت فرحان بينا ولينا ياخلود
وربنا ما يحرمك مننا ابدااااااا

Unknown يقول...

كل سنة و حضرتك بكل خير و صحة و سعادة و سرور و فرح و حياة احلى
ليك و لكل احبابك

و يارب كل خير
لكل اللى عندهم مناسبات جميلة
سواء خطوبة حمل او جواز

طالما فيه خطوبة مدونة فى اسكندرية
طب ما تعلموا لقاء مدونين فى اسكندرية
و انا ححضره ان شاء الله
اصلى فروم اليكس

Pink Dreams يقول...

ربنا يجعل ايامك كلها افراح فى افراح يارب

وفكره جميله جدا تجميع كل المناسبات مره واحده

تحياتى

غير معرف يقول...

خاااااالد ايه ياعم انت تغيب تغيب وتيجى تجمع الافراح كلها كدا

ياااااااارب دايما ايامنا كلها افراح فى افراح

بس استعجلت ليه بخطوبه دودو

كنت هعملها مفاجاه فى بلوج شقاوة اخر حاجه

كدا حرقت المفاجاه بس ولا يهمك

ربنا يتمم بخير يارب وتكون احلى عروسه

حنين

saragebaly يقول...

الف مبروك على كل المناسبات السعيدة الجميلة دي

وكل عام وانت بألف خير

بعتذر طبعا .. لانها متأخرة كتير

انا كمان من مواليد يوليو

كل سنة وانا كمان طيبة


ربنا يزود الافراح ويتمم كل شئئ بألف خير

تحيااتي والك وكل التقدير

سارة

أعـــ * أصحاب * ـــز يقول...

يارب دايما فى الافراح يارب
الف مبروووووووووك لحنين ودودو

وكل سنه واللى اعياد ميلادهم طيبين

اعز اصحاب

rovy يقول...

كل سنه و انت طيب و بخير و الف سلامه
كل سنه و انت زوج سعيد بمناسبه عيد زواجك و يارب عقبال العيد الستين مش السادس و تقول حسن سير و سلوك !!؟
كل سنه و كل اللى عيد ميلادهم الشهر ده بالف خيرو طيبين يارب اكثر و ااكثر
الف مبروك لحنين و دودو و يارب دايما متجمعين فى احلى المناسبات

ارق تحياتى

موناليزا يقول...

كل سنة وانت طيب وعقبال عيد الزواج المئوى:)
ايه حسن سير وسلوك دى هو بالساهل كده ولا ايه؟ بص قدامك خمسين سنة كمان وتبدأ تزهق وتشتكى وتطلب الفرار قبل كده مش مسموح خالص على فكرة:)

والف مبروك لكل من عنده مناسبة سعيدة ويارب دايما فى افراح على طول

MǿиY El-Shreef يقول...

طب اقول ايه انا

الاول كده الف حمدلله ع السلامه

وبعدين كل سنه وحضرتك طيييييب ويارب كل سنه لربنا اقرب

ثانيا الف مبروووك لحنونه

يارب دايما نلاقي عند كل الاخبار الحلوه الي زي كده

:)

وشهر العظماء ده شهر 10 مش هتنازل :P:D

عاشقة القمر يقول...

كل سنه وانت طيب والله كنت عايزه عملك حاجه في مدونتي بس دخلت علي سريع مش اهنفع اكتب دعواتك لي لقيت ماارجع واحتمال مش اهرجع
ا اختي عيد ميلادها كان امس يوم 24 /7 كمان

Kiara يقول...

حصاد زي الفل وكل سنة وانت طيب ومفيش خروج حسن سير وسلوك ال يعني كنت حسن السير والسلوك دا انت هببت الدنيا يلالا خليها علينا ومش هنقول وكمان مش تعقد البت حنين ال ايه هتبقي شبه القطه حرام عليييييييييييك


ومبرو لدودو حبيبتي ياريت كنت اقدر احضر

Me7'o يقول...

حمد على السلامة يا خالود
وكل سنة وإنت طيب

تحياتى

حاجات جوايا يقول...

ما شاء الله ما شاء الله
ربنا يزيد افراح المدونين كمان وكمان

كل سنة وانت طيب عيد جوازك السادس وعقبال يارب عيد جوازك الستين
مهو مش معقول يعنى هيبقى فيه اكتر من كده
ولا ناوى تبقى من المعمرين ولا ايه اللى فوق التسعين هههههههههههههه
ربنا يديك الصحة وطول العمر ويرزقك السعادة والرضا وراحة البال والمال الحلال ويباركلك فى همس واخواتها ان شاء الله


طبعا الف مليون مبروك لحنين القلب ربنا يتمملها حملها على خير يارب ويرزقها الذرية الصالحة التى تقر عينها وتسعد قلبها


والف مليون مبروك لدودو عاشقة الرومانسية عروس البحور بالخطوبة السعيدة .. ربنا يفرحها ويتمملها خطوبتها وزواجها ان شاء الله على خير ويسعدها مع من تحب ويرزق كل البنات بالزوج الصالح ..
وكل الشباب بالزوجة الصالحة


ارق التهانى للجميع
يارب دايما فرحانين ومتجمعين فى الفرح

ahmed_k يقول...

ربنا يبارك فيك يا الد
كل سنه وأنت والمدام بخير وسعاده وعقبال ميية سنه حب وفرح وسرور
وهمس طبعا كل سنه وهي بخير وربنا يسعدها طول حياتها
ومبروك لكل أصحاب المناسبات السعيده
وإن شاء الله دايما متجمعين في الأفراح والمناسبات السعيده

عمرو يقول...

كل سنه و أنت طيب و أتمنى لك عمر مديد سعيد ملىء برضا الله و طاعته و عامر بالبهجه و المسرات :)
و مبروك و كل سنه و هم طيبين لكل اللى ذكرتهم من أعزائنا المدونين و المدونات و ربنا يقوم بالسلامه كل صاحبة حمل و يرزقها الذربه الصالحه آمين يا رب ..
حسن سير و سلوك مين يا أستاذنا اللى عاوز تطلع بيه ؟؟
كان غيرك أشطر و الله ..
أتمنى لك الحبس اللذيذ ده مدى الحياه أنت و كل اللى زيك :))
ربنا يسعد الجميع و يحلى فى الأيام ..
تقبل تحياتى و تقديرى ..

عمرو جويلى يقول...

أبو همس
السلام عليكم
أشكر مرورك الكريم ودوام تواصلك
وكل سنة وأنت بخير وكل مواليد شهر يوليو
ومليون مبروك لكل عريس وعروسة متزوجون فى
شهر يوليو
دمت فى خير

الفراغ يقول...

سلام عليكم
وكل سنه وانت طيب وام همس طيبه
وهمس بكل سعاده وحب مع بابا وماما
والف مبروك لحنين القلب
وربنا يتمملها بخير
ومش هاقولك وحشتنى تانى
كفايه عليك اللى فى المدونه بتاعة الرايق
بس بجد وحشتنى والى لقاء

سبهللة يقول...

كلك ذوق يا خالد
ربنا يديم المحبة بيننا وبين بعض

سبهللة يقول...

نسيت اقولك
كل سنة وانت طيب
كل سنة وانت فرحان
كل سنة وانت متهنى

قوس قزح يقول...

كل سنة و انت طيب و كل اللى اعياد ميلادهم الشهر ده

و الف مبروك لحنين و عاشقة الرومانسية
ايوه كده خالى التدوينات اغلبها حاجات تفرح


صحيح نسيت عيد ميلاد احمد سكر بردو فى شهر يوليو بس مش هقول كام علشان انت عارفنى بختار الرقم اللى على مزاجى هههههههههه

حياتى نغم يقول...

السلام عليكم / كل عام وحضرتك وأسرتك بكل خير وسلام وسعاده .
على فكره أنا من مواليد يوليو هوه بجد شهر العظماء ؟ :)
بلغنا الله وإياك رمضان بالخير .

غير معرف يقول...

1. انا عملتلك عيد ميلاد عند حنين القلب في البوست بتاع عيد الميلاد مش عارفة شفته ولا نو؟

2. شهر سبعة ده انا طول عمري بحبه على ما بحبوش وهو كده ومحدش يسألني يعني ايه؟

3. إزيك يا اونكل خالد عامل يا رب بخير

4. انا كده خلصت بس مش هرغي عشان انا دمي تقيل موت النهرده..... !!! نعم؟ مش سامعة؟ بتهيألي انك قلت ده طول عمرك اصلا؟؟
ممممممممممممممممممم طيب انا هعديها بس بمزاجي النهرده

5. ما تغيبش كده يا أبيه عشان كده غلط وبعدين تنقص في أعمال السنة

(ضوحكة هيع هيع هيع هيع) ما انا رخمة بأه النهرده...... النهارده بس!!

مها ميهوووو

Unknown يقول...

كـــــــــل مواليد يوليو!
وجايب تورتية واحدة ياأبو همس:)
وحنى تورتية (سمول سايز:) ما سمعتش
عن تورت كنج سايز وعن سوبر كنج سايز
ولا ده على اساس كل واحد يدخل
يبص نص او حتى ربع بصة تقدر
تقول لمحة بطرف عينه ويحمد
ربنا ويمشى احسن له:):)
على العموم كفاية
الفرحة لنا ولكل
الحلويين اللى انت
هنتهم فى التدوينة
دي ...ايوة ياأخى اللى
ادامك دى انت بتدور فين بس:)

بنت الصالحين يقول...

ربنا يبارك فيك ياأبو همس ويباركلك في بنتك ويجعلها قرة عين لك ولامها

Hannoda يقول...

كل سنة و انت طيب و بالف خير و آسفة على التأخير دده كله و على غيابي بشكل عام كل الفترة دي

يااارب تكون كل ايامك مناسبا سعيدة زي يوليو كده

أساسا شهر يوليو هو شهر مميز جدا و بحبه و مرتبط في ذهني بالمرح و البهجة

وبرج السرطان ساسا بحترمه جددددا

عقبال ميت سنة
ليك و للزواج و لهمس كمان
:))

mimi يقول...

ألف ألف جنيه

mimi يقول...

لا لا مش دي

ألف ألف يورو

mimi يقول...

يوووووووووووووه

ألف ألف مبروك

لكل المناسبات

خطوبة

عيد زواج

عيد ميلاد

عيد الفطر جاي أهه برده

يعني مش حرمتنا من حاجة

ولا كمان أنسي عيد ثورة يوليو

شجرة الدر يقول...

تعيش وتفتكر حبيبك وصحابك وكل سنة وانت من الله اقرب ومع اهلك اطيب

شجرة الدر يقول...

على فكرة الف شكر ليك على الزيارة وخلينا نشوفك انا حظيف المدونة دي عندياتشرف بيها في قائمة المدونات الصديقة
واحبك يامصر