10 يوليو 2009

عودة واحتفال


اولا باعتذر عن غيابى وعدم تواصلى معكم نظرا لظروف الجرد السنوى والميزانية وباذن الله هتابعكم من جديد فالمعذرة  انا عارف انكم مفتقدينى ده شىء انا واثق منه وعارف انه فيه ناس مرتاحة منى وخصوصا البت حنين القلب
لكن ما بيد حيلة لابد يوما من الرجوع
والرجوع اليوم له طعم خاص لانه احتفال بيوم ميلاد حبيبة بابا
لذا وجب الرجوع وعمل افتتاح جديد  للمدونة علشان خاطر همس
وبناء عليه صدر القرار الملكى بعودة المدونة الى الحياة مرة اخرى
وبهذه المناسبة الدعوة عامة للاحتفال بتلك المناسبة
والكل معزوم هنا لمشاهدة صور همس (ملحوظة جانبية ممنوع المشاهدة للحوامل وحديثى الزواج واللى بيفكر يتزوج على المدى البعيد
بعد 4 شهور من الولادة ( براءة الاطفال )!!؟
خلاص بقت انسة مهمة
(محاولة منها فى رمضان لصلاة الفجر(ياعينى على الالتزام   
فى زيارة لجبلاية القرود
 ( وانا محتار فين القرود اساسا (
خلاص بقى بتستعد للتقديم فى كى جى 2 
وكورسات ودراسة مكثفة والكل على قدم وساق
حاسس انها فى الثانوية العايمة
للمزيد عن همس  هنا

والان نبدا الاحتفال
بيوم ميلاد ابو الفصاد  

 كل سنة وانتى طيبة
النهاردة 10-7- همس تمت 5 سنوات
كل سنة وانتم طيبين
 *************
*******
الف مبروك للاخت العزيزة سارة طوبار ( مدونة محاولات البحث عنى ) بمناسبة
 الخطوبة السعيدة
كل سنة وهمس صاحبة مدونة مصرية متغاظة اند مفروسة طيبة بمناسبة عيد ميلادها
وكل من عيد ميلادهم  فى شهر يوليو
كل سنة وانتم بخير
********

هناك 77 تعليقًا:

حنين القلب يقول...

اول تعليق بالعند فيك

حنين القلب يقول...

انت قلت فيها والله كنت مستريحة منك
هو احنا تحت امرك تمشى براحتك وترجع براحتك
عامة خلينى دايما اجدع منك
حمدلله على السلامة ونورتنا من جديد

حنين القلب يقول...

كل سنة وهمس طيبة وعقبال 100 سنة
والحمد لله يا بنتى انك ما تطلعتيش لابوكى كان زمانك بتعدى النجوم فى عز الظهر
كل سنة وانتى طيبة با هموسة

♥نبع الغرام♥♪≈ يقول...

السلام عليكم


الف مليون حمدالله على سلامتك ياقمر
بجد كنا مفتقدينك موووت

مهندس مصري بيحب مصر يقول...

كل سنة و هي طيبة
ربنا يخليها لك و يبارك لك فيها
:)
عقبال ما تشوفها عروسة

♥نبع الغرام♥♪≈ يقول...

بسم الله ماشاء

ربنا يبارك فيها ويجعلها ممن يرضون دين الله

اللهم بارك فيها واحفظها واجعل من الكتره يا ارحم الرحمين

وكل سنه وهى طيبه وعقبال الكليه والزواج فى عزكم يارب

تحياتى
انوسه

موناليزا يقول...

كل سنة وهمس طيبة وبخير وعقبال110 سنة

أمل حمدي يقول...

كل سنة وانت طيب يا ابو همس انت وهمس

ربنا يبارك لك فيها اللهم امين وتفرح بيها وبأولادها كمان يارب

عقبال 105 سنة

ومبروك لحبيبة قلبي سارة طوبار الف مليون مبروووك

وكل سنة وانت طيبة ياهمس صاحبة مدونة مصرية متغاظة اند مفروسة

والسنة اللي جاية نبارك لك في بيتك

ربنا يديم الفرح عليكم اللهم امين

ميرا ( وومن ) يقول...

حمد الله علي السلامة يا أبو همس

وكل سنه وهمس طيبة العمر كلة إن شاء الله يارب يسعد أيامها كلها

وتشوفها كدة عروسة وقد الدنيا

فاتيما يقول...

كل سنة و همس طيبة يا خااااااااالد
كل سنة و همس بتتربى فى عزك
كل سنة و همس بتغرق ف حنانك
كل سنة و همس بتكتشف نعمة إنك باباها
كل سنة و همس بتزيد محبة مستمدة من حب الناس لأبوها
كل سنة و همس منورة عليكم الدنيا
كل سنة و همس حبيبتك و بنتك و اختك
كل سنة و همس بألف خير و سعادة معاكم
كل سنة و همس طيبة يا خالود

Me7'o يقول...

اولاً حمدلله على السلامة

ثانياً
كل سنة وهمس طيبة والسنة الجاية تكون سنتها المكسورة دى طلعت
عاوزين نجوز البت

شد حيلك

تحياتى

بنت الصالحين يقول...

ماشــــاء الله

ربي يباركلك فيها ياااارب ويجعلها قرة عين لك ولوالدتها يااااااارب




انا كمان يوم ميلادي 4/7

هعتبر البيت بيتي وآخد التورتات: )

Kiara يقول...

زي القمر ماشاء الله كول سنة وهي طيبة وربنا يباركلك فيها وتكون صالحه يارب وتشوفها اجمل عروسة في العالم

عاشقه الرومانسيه يقول...

كل سنه وهمس بخير ياخالد ويبارك لك فيها ويحميها ياااارب
انا عايزه تورتايه بقى هه
عااااااااااااااا
ولا اقولك هاخلى البت حنين تشترى واحده وتجيبها لى
طبعا وهى عمتها بالكلام بس ولا ايه
تغرم بقى

وحشتنا ياابو همس جداااا
مش تغيب تانى
وربنا يعينك على شغلك يااارب

عاشقة القمر يقول...

حمدالله علي سلامه
وكل سنه همس طيبه عقبال مائه شمعه ربنا يخليها لكي تشوفها العروس

مجداوية يقول...

السلام عليكم

حمدا لله على السلامة
أنا حاسة إن الميزانية دي كانت لسه معمولة قريب ولا هي الأيام اتعفررت

المهم

كل سنة وهمس طيبة وما شاء الله أحلى همس
ربنا يقر عينك وعين والدتها بها وتكون من الصالحات وطالما بتصلي الفجر حاضر يبقى ميتخافش عليها
:)

حمدا لله على السلامة

الفراغ يقول...

ياعم نورت
والحقيقه هو نور عيد ميلاد همس
كل سنه وهى طيبه
وكويس انها تدخل كجى تو
علشان تحفظ معها جدول الضرب والطرح والجمع اللى كانوا مغلبينك بقالهم اسبوعين
هيه
هانشد حيلنا ولا اجازه للسنه الجايه

Unknown يقول...

ربنا يحميها و يبارك فيها
عود احمد يا ابو همس

و هابى بيرث داى تو يو يا همس

mohamed ghalia يقول...

كل سنة وهى طيبة
ربنا يباركلك فيها
منور وحمدا لله على السلامة

غير معرف يقول...

حمدلله على سلامتك وعلى رجوعك

وكل سنه وهمس بخير وطيبه

وعقبال مليون سنه

حنين

على عبدالله يقول...

السلام عليكم

بسم الله ماشاء الله
تبارك الله

ربنا يبارك فيها
ويعز بها وبذريتها الاسلام
اللهم امين

طاب خلى بالك بقى واستعد
العرسان هيقفولك ع الباب من دلوقتى
:)

آفشنا حرامي يقول...

اخى الفاضل

فى انتظارك دوما

للمزيد من الافكار

جنّي يقول...

السلام عليكم

ما شاء الله لا قوة الا بالله ..

ربنا يبارك لك فيها ويقر بها عينك وينبتها نباتا حسنا .. وكل عام وهي وانت وامها بكل خير وصحة وعافية وعقبال 100 سنة ..

بس اللي عايز اعرفه انت شكيت في ايه بالضبط .. والله يا عم عمري ما اشتغلت اللي بالي بالك ولا انا عم سعد !!!

كمان مرة كل سنة وانت طيبة يا همس ..

عصفور المدينة يقول...

ما شاء الله ربنا يبارك فيها ويحفظها
وحمدا لله على سلامتك

حاجات جوايا يقول...

ما شاء الله
ربنا يحميها ويخليها ويبارك فيها يارب
كل سنة وهموسة طيبة عقبال مليون سنة ربنا يفرحك بيها انت ومامتها ويرزقكم باخوات ليها يلعبوا معاها ويفرحوها ويوجعوا دماغكم هههههههه

عقبال يارب ما نهنيك على الثانوية العامة والتخرج والخطوبة والزواج
ونباركلك ان شاء الله يوم ما تبقى جد هههههههه

ابقى فكرنى بقى لو كنت لسه عايشة
ليالى العمر معدودة يا ولدى ههههههههههه

ربنا يديك الصحة وطووووووول العمر وتفرح بيها ان شاء الله

وعودا احمدا للتدوين
نورت مدونتك يا ابوهمس

rovy يقول...

بسم الله ما شاء الله
بارك الله فى همس يا ابو همس و حفظها من كل شر
كل سنه و هى طيبه و حضرتك طيب و يارب عقبال بوست الفرح اللى ان شاء الله حنكون معزومين فيه ..
ربنا يخليها لك و تشوفها عروسه جميله ياارب


حمد لله على سلامتك و يارب تنورنا دايما

خالص تحياتى

حنين القلب يقول...

جيييييييييييت تانى

يا جدعان انا مش اخدت تورته
ولا شربت حاجه ساقعه

خااااااااالود
مش ليه دعوة انا عايزى التورته بتاعتى بدل وربنا ما افجر المدونه

ماااااااااااااااااااااااااااااشى

رحــــيـل يقول...

بسم الله مشاء الله
ربنا يحميها يارب ويخليها ويفرحك بيها
كل سنه وهمس طيبه وبخير
وعقبال يارب كده متنزل بوست خطوبتها وفرحها
:))

قوس قزح يقول...

كل سنة و هى طيبة و جميلة و لذيذة دايما يارب
بس بصراحة معرفش يعنى القطة دى - بس الله ما شاء الله - بنتك ازااااااى

الله يكون فى عونها بصراحة
ههههههههه

وبعدين هنقبل الرجوع بس علشان خاطرها
غير كده بصراحة كنا مرتاحين


ربنا يبارك لك فيها يارب و يرزقك بخمس اخوات لها علشان يجننوك يارب هههههههههههه

سلام

همس الاحباب يقول...

حنين القلب
منورة يا ستى اول واخر تعليق

همس الاحباب يقول...

حنين القلب
هههههههه
انا كنت متاكد من حاجة زى كده
بس خليكى انتى جدعة دايما
والله يسلمك يا ست الكل

همس الاحباب يقول...

حنين القلب
ههههههههه
وانتى طيبة يا ستى
بس على فكرة احلى حاجة فيها انها شبه ابوها فى كل حاجة حتى فى الطباع
هههههه
يعنى طلعت اوت منك

همس الاحباب يقول...

عاشقة الاحزان
الله يسلمك ويبارك فى حضرتك
ده من ذوفك بس
تحياتى

همس الاحباب يقول...

مهندس مصرى
وانت طيب يا هندسة
وعقبالك كده ربنا يكرمك وتشوف اولادك
ونفرح بيك باذن الله
تحياتى

همس الاحباب يقول...

عاشقة الاحزان
ربنا يكرمك ونفرح بيكى انتى الاول
ونشوفك سعيدة كده دايما
وتبقى عاشقة الافراح باذن الله
تحياتى ليكى

همس الاحباب يقول...

موناليزا
وانتى طيبة وبصحة وسعادة
وعقبال ما نشوف اولادك وتفرحى بيهم يا ست الكل
تحياتى

همس الاحباب يقول...

ماما امولة
وانتى طيبة يا ماما
وربنا يكرمك وتشوفى اولاد عبدالرحمن وامانى وتفرحى بيهم ان شاء الله
دمتى بخير وسعادة
تحياتى

همس الاحباب يقول...

وومن
وانتى طيبة يا ميرا
وعقبال ما نفرح بيكى انتى كماان
ونشوفك اجمل عروسة فى الدنيا
تحياتى

همس الاحباب يقول...

فاتيما
وانتى طيبة وبصحة وسعادة ياام يوسف
وان شاءالله تفرحى برجوع يوسف لحضنك قريبا وتفرحى بيه وباولاده كماان
ربنا يكرمك ويجازيكى خير الجزاء
تحياتى

همس الاحباب يقول...

me7'o
الله يسلمك يا هندسة
وانت طيب وبصحة وسعادة
عقبالك كده ان شاء الله
هههههههه
فى حياتك يا هندسة
بس السنة دى اتكسرت فى حادث وقوع من على السلم
يعنى معاها ربنا
ههههههه
تحياتى

همس الاحباب يقول...

عاشقة الفردوس
ربنا يجازيكى خيراويبارك فى حضرتك
وكل سنة وانتى طيبة
شهر 7 ده بقى شهر العظماء احم احم
هههههه
طبعا البيت بيتك واتفضلى من غير استئذان
تحياتى لحضرتك

همس الاحباب يقول...

كيارا
وانتى طيبة يا قمر
وعقبالك انتى كماان
عايزين نفرح بيكى ونشوفك عروسة منورة الدنيا
اللهم اميين

همس الاحباب يقول...

عاشقة الرومانسية
وانتى طيبة يا جميل
وربنا يتمم فرحتك على خير ونشوفك عروسة ولا عروسة البحر هههه
لو كان كده انا موافق بس يا ريت يبقوا اتنين تورته على حساب حنين
اهو نعملها حجاب بعد الاكل ووتبقى عمتها بحق
ههههههههه
تحياتى

همس الاحباب يقول...

عاشقة القمر
الله يسلمك
وانتى طيبة يا سوما
وعقبال فرحك انتى كماان
تحياتى

همس الاحباب يقول...

مجداوية
وعليكم السلام ورحمة الله وبركاته
الله يسلم حضرتك
وانتى طيبة وبصحة وسعادة يا رب
وعقبال ما تفرحى بنسمة ونشوفيها عروسة وتشوفى اولادها ان شاء الله
اللهم اميين
تحياتى لحضرتك

همس الاحباب يقول...

الفراغ
الله يكرمك يا ماما
ده نور حضرتك اللى منور المدونة
وانتى طيبة يا ست الكل
ربنا يسهل وهنشد حيلنا ان شاء الله
كفاااية اجازات
ههههههههه
تحياتى

همس الاحباب يقول...

بدراوى
الله يسلمك يا باشا
وانت طيب وعقبالك انت كماان يا ما نشوف اولادك
تحياتى

همس الاحباب يقول...

محمد غاليه
وانت طيب يا حماده
عقبالك كده يا باشا
الله يسلمك

همس الاحباب يقول...

حنين
الله يسلمك يا ست الكل
وانتى طيبة وبصحة وسعادة
ربنا يكرمك ويسعدك دنبا واخرة
تحياتى

على عبدالله يقول...

السلام عليكم

معلش نسيت اقولك
كل سنة وبسمة طيبة وعقبال 104 سنة
:)

همس الاحباب يقول...

على عبدالله
وعليكم السلام ورحمة الله
ربنا يبارك فى حضرتك
وعقبالك اخى العزيز
انت شايف كده يبقى نشيل الباب احسن
ونرش ميه
هههههههه
تحياتى

همس الاحباب يقول...

افشنا حرامى
منور يا باشا
وسعدت بمروك

تحياتى

همس الاحباب يقول...

جنى
وانت طيب يا سعيد باشا
ربنا يكرم حضرتك
وتفرح باولادك لن شاء الله
هههههههه
ههههههههه
لا مش قصدى كده خالص يا عم سعد قصدى يا سعيد
هههههههه
بس البوست كان مشكلة
تحياتى اخى العزيز

همس الاحباب يقول...

عصفور المدينة
الله اميين
ربنا يبارك فى حضرتك
الله يسلمك
تحياتى وتقديرى

همس الاحباب يقول...

حاجات جوايا
ههههههههه
وانتى طيبة يا ست الكل
وان شاء الله تفرحى بدودو وبا ولاده
ومش عارف مين هيفكر مين
ههههههه
ربنا يجازيكى خيرا
والف مبروك لاخت حضرتك
تحياتى وتقديرى

همس الاحباب يقول...

روفى
وانتى طيبة وبصحة وسعادة
ربنا يكرمك وتشوفى اولادك عرسان وتفرحى بيهم وباولادهم ان شاء الله
الله يسلم حضرتك
ومنورانا دايما
تحياتى وتقديرى

همس الاحباب يقول...

حنين القلب
يا دى الطفاسة
ومال مين اللى خلص على البوفيه والمشروبات
ده انتى اللى قصيتى الشريط
وبعدين فيه عندك 2 تورته واحدة لعاشقة الرومانسية واحدة ليا
جهزيهم جااااى اخدهم منك
هههههههه
فجر يا معلم بس المهم تكون جواها

همس الاحباب يقول...

رحيل
وانتى طيبة يا جميل
والف مليون مبروك على الخطوبة
وربنا يتمم بخير
شدى حيلك عايزين نحضر فرحك بسرعة
تحياتى

همس الاحباب يقول...

قوس قزح
وانتى طيبة يا ستى
وعقبال ما تفرحى باولادك يا رب
هههههههههه
ده كلها شبهى واخدة الطعامة واللذاذة والشقاوة منى
الحاجة الوحيدة المختلفة الطول بس
هههههههههه
ربنا يكرمك يارب
مفيش مشكلة المهم انى رجعت واكتم على انفاسكم من جديد
ههههههههه
منورة يا ام نور
تحياتى

همس الاحباب يقول...

على عبدالله
وعليكم السلام
هههههههه
وانت طيب يا على
بس مبببن بسمة دى
هى كان اسمها همس بس فكرة لو جاءت اخت ليها هسميها بسمة
علشان خاطرك
تحياتى اخى العزيز

عمرو جويلى يقول...

همس الأحباب
السلام عليكم
أولاً : حمداً لله على سلامتك وعوداً حميداً
ثانياً : كل سنة وهمس بكل خير
ثالثاً : ألف مليووون مبرووك لمدونة محاولات البحث عنى بمناسبة الخطوبة السعيدة
تقبل تقديرى وإحترامى

Empress appy يقول...

كل سنه وهى طيبه مع انها متاخره معلش مشغوله موت يا خالد

akeed يقول...

حمدالله على السلامه وربنا يباركلك فى بنوتك الامورة و يحفظها لك


تحياتى

mahasen saber يقول...

بس الله ما شاء الله
تبارك الخلاق فيما خلق

ربنا يحميها ويبارك فى عمرها دى ملاك

ربنا يباركلك فيها ويحميها ويجعلها ذريه صالحه
اللهم امين

انا زعلت قوى لما لقيت مدونتك اتقفلت حسيت انى رايحه ازور بيت حد عزيز عليا ومرديش يفتحلى وقفل الباب فى وشى

بس كده خلاص حاسه بسعاده انك فتحتها تانى

ربنا يباركلك فى همس ويحميها ليك
اللهم امين

MǿиY El-Shreef يقول...

حمدلله ع السلاااااااااااااامه

فعلا والله افتقدناك جداااا

كل سنه بقى وهمس طيبه وجميله وامووورة وكتكوته كده

ربنا يحميها يااااااارب ويخليهالكم :)

ahmed_k يقول...

بسم الله ماشاء الله عليها
ربنا يحفظا وعقبال متفرح بيها يوم فرحها يا خالد
وكل سنه وهي طيبه وعقبال ميييييية سن بخير وصحه وسعاده يارب
وكل سن وأنت طيب يا أبو همس ما لاص عيد ميلادك كمان قرب فأنت وهمس وأنا طبعا أحم أحم من مواليد شهر العظماء يوليو
وكل سنه وكل مواليد شهرنا هذا بخير وسعاده وكل أصحاب المناسبات السعيده بفرحه وسرور

اسكندراني اوي يقول...

كل سنه وانت فرحان بيها يارب
ربنا يجعلها من النافعين لدينها وابويها وبلدها

سبهللة يقول...

حمدا لله على سلامتك
وكل سنة وهى طيبة
وعقبال 500 سنة
واسعة شوية
طيب عقبال 90 سنة وكفاية عليها كدة
ربنا يخليهالك وتفرح بيها
وتشوفها عروسة وتفرخح باولادها

همس الاحباب يقول...

اللؤلؤة
الله يسلم حضرتك
وكل سنة وحضرتك بخير
تحياتى

همس الاحباب يقول...

ابى
وانتى طيبة يا ست الكل
وربنا يكون فى العون

همس الاحباب يقول...

akeed
الله يسلم حضرتك
ربنا يكرمك ويحفظك من كل سوء
تحياتى

همس الاحباب يقول...

محاسن صابر
ربنا يبارك فى حضرتك
وانتى دائما اخت عزيزة وغالية
وانتى طيبة وبصحة وسلامة معلش كانت ظروق طارئة مش اكتر
يلا شدى حيلك هتدفعى مهر قد ايه
لهمس
ولا العروسة هى اللى بتدفع اليومين دول
ههههههه
تحياتى لحضرتك

همس الاحباب يقول...

مونى الشريف
الله يسلمك يامونى
واحنا كماان كنا مفتقدينك كتير
وانتى طيبة وعقبال ما نفرح بيكى ان شاء الله

همس الاحباب يقول...

احمد k
كل سنة وانت طيب يا باشا
وعقبال 100 سنة
هو فعلا شهر 7 ده بقى شهر العظماء
هههههههه
نورت يا ابو حميد

همس الاحباب يقول...

اسكندرانى اوى
وانت طيب يا هندسة
الله اميين
ربنا يكرمك ويجازيك خيرا
تحياتى

همس الاحباب يقول...

سبهللة
الله يسلم حضرتك
وانتى طيبة وبصحة وسعادة
ربنا يكرمك فى اولادك وتشوفيهم عرسان وفى ارقى المناصب
تحياتى لحضرتك

Pink Dreams يقول...

بجد ما شاء الله عسوله جدا

وكل سنه وهمس طيبه

ويا رب تكبر كدا وتشوفها دكتوره كدا او مهندسه باذن الله

وربنا يخليهالك يا رب

وعقبال 1000000000000000 سنه

Pink Dreams