6 أبريل 2009

تاااااااااج ولا سلطانية

معلش ياجدعان حكم القوى على الضعيف مضطر انى اجاوب على التاج بناء على رغبة الاخوة والاخوات
من المدونين ونزولا على رغباتهم  وتواضعا منى  قررت انى البس السلطانية بمزاجى ونبدا بسم الله   
إسمك؟؟
خالد  وده مش ذنبى لانى اتولد فى فترة حكم الملك خالد ملك السعودية  
الأسم المشهورة بيه وسط اصحابك ؟؟
فى التدوين خالد همس الاحباب - او ابو همس
سنك ؟
ليه الاحراج خلى الطابق مستور عامة بلغت من العمر 33 سنة  و9 شهور وكام ساعة كده غير الفكة   
مجال دراستك ؟
درست زى الناس ابتدائى واعدادى وثانوى وبعدين دخلت كلية الشعب ومنها الى الشارع
يعنى خريج تجارة وبعمل محاسب   
إسم مدونتك ؟
همس الاحباب
صورتك الرمزية فى المدونة بتعبر عن إيه ؟
بتعبر عن قلب مضىء بشمعة فى ليل كله ظلام بس جواه حب وخير  لكل الناس
وعلشان كده احبكم جميعا فى الله  
هل فكرت فى إغلاق مدونتك ؟ و السبب ؟
اممممممممم كتير قوى بس ما فيش مرة نفذت الفكرة
ممكن افلاس فكرى ممكن خنقة ممكن بعد عن حالة نفسية
إيه رد فعلك لو حد قل ادبه عليك فى المدونة ؟
هههههههه
ممكن اضحك وممكن ابعتله جواب شكر على ايد محضر
لانه ساعدنى انى اخد حسنة بدون اى مجهود بصراحة
وممكن اخلى عيشته هباب لو قلة الادب دى تخص انسان اخر
وممكن اعذره وادعيله بالشفاء والهداية مما هو فيه من مرض  
أسوأ مدونة دخلتها ؟
اممممممممم
مش فاكر اسمها بس بصراحة كانت قمة فى الوقاحة والسفالة وعدم الحياء ودى كانت مرة بالخطا وعلى فكرة هى مش اباحية للعلم بس فيها هجوم على الاسلام والرسول .
هيحصل إيه للأيميلات بعد ما تموت ؟
هتحمل لقب ارمل  ههههه
اذا كنت انا مت هفكر فى الايميلات مش اطمئن على مصيرى الاول  
إديت الباسورد لحد قبل كده ؟
بتاع المدونة اديته لناس كتير
واعتقد الايميل كماااان
السفر بالنسبالك ؟
غربة -  زيارة اماكن جديدة - معرفة اشخاص وتقاليد وعادات -  تغيير الروتين اليومى للحياة - تعلم الكثير والكثير
المود بتاعك إيه ؟
هو كان 3 سيستم حاليا بقى معدل 
سؤال غريب بجد 
متقلب زى الجو شوبة صيف وشوية شتاء واحيانا ربيع  
سبحان الله هو الوحيد الذى يغير ولا يتغير 
بتعمل إيه فى اوقات فراغك ؟
فراغك الله كلمة جميلة كنت بسمعها كتير زمااااان بس حاليا ما اعرفش غير مدونة الفراغ بس
لانى مع الاسف دايما مشغول فى مليون  حاجة والحمدلله على كل حال
الاكلة المفضلة ؟
بصراحة باكل اى حاجة  ومش بقول لحاجة لا
النفس الحلوة ليها الجنة
بس مش معنى كده انى بعك اطلاقا والله
بس كله نعمة وفضل من الله سبحانه وتعالى
الصفات اللى أخدتها عن والدك ؟
اسلوبه فى التعامل - تفكيره - قراراته المتأنية والصارمة فى ذات الوقت-
الصفات اللى اخدتها من والدتك ؟
الطيبة ( مش انا طيب يا جدعان ) -حبها للناس  وتمنى الخير للجميع - رد الاساءة باحسان
أكتر 6 حاجات بتكرههم ؟
التسرع فى اتخاذ قرار والندم عليه
الخنوع والاستكانة
السلبية واللامبالاة
انك تعامل الناس على انهم اغبياء وانت الذكى الوحيد
الحقد والحسد  
انك تتمنى زوال النعمة من ايد الغير
أكتر 6 حاجات بتحبهم ؟
الله ورسوله 
نصرة دينى
اهلى واسرتى 
مساعدة المحتاج وغير المحتاج 
اصحابى 
عالم التدوين  
شخصيتك نوعها ايه ؟؟
ده اصعب من سؤال علل فى الكيمياء
شخصية عادية
فيها الحزن والفرح
فيها النكد والسعادة
فيها القسوة والحنان
فيها كل المتناقضات جنبا الى جنب
لماذا دخلت التدوين من الأساس ؟
قضاء وقدر
وبعدين صعبتوا عليا هسيبكم لوحدكم فى الضلمة 
حسيت انكم محتاجين قمر ينور ايامكم ولياليكم فجبت بعضى وجيت 
حد معترض ؟؟  
اجمل كلمة قيلت فى وصف مدونتك ؟
كل الكلام اسعدنى بصراحة
لان الحمد لله كل الناس اللى دخلت محترمة جدا وذوق بصراحة
اهمية التعليقات بالنسبة لك إيه ؟
زى الملح بالنسبة للطعام
زى الماء بالنسبة للكائن الحى
زى نسمة الهواء فى ايام الربيع
زى انتظار الشاطر حسن لست الحسن والجمال
أحلى بوست كتبته ؟مع لينك له و السبب ؟
من وجهة نظرى كل بوست ليه معنى ومغزى من كتابته وعلشان كده اللى يحكم على ده انتم مش انا
أفضل مدونة قرأتها ؟
كل مدونة سبت فيها تعليق او تعلمت منها حاجة جديدة ودول بصراحة معظم المدونات اللى بعلق عندهم حتى لو مش بيعلقوا عندى  
أفضل بوست قرأته ؟
لا بوستات كتيرة عجبتنى بصراحة وعلقت عليها فى وقتها
الشغل بالنسبه لك ؟؟
قدر احمق الخطا
هو مثل الزواج شر لا بد منه
ولا هنقضيها انتخة ونووم
الإنترنت بالنسبة لك ؟
ادمااااااااااان  مع الاسف الشديد
ولا شفاء منه
تمرر التاج لمين ؟
مييييين
خد عندك
كل الناس اللى عندى فى الريدر
وكل الناس اللى عايزة تلبس التاج
 وشكر خاص لكل من اهدانى التااااج
صبرنى يا رب 
عاشقة الرومانسية
فاتيما
بندقة
وكل تاج وانتم تاج على رأسى

هناك 73 تعليقًا:

bos bos يقول...

كل تاج وانت طيب

وعادى عادى التاجات دى حاجات جميلة على فكرة انا بفكر افتكس فكرة تاج جديدة وامررها لكل الناس
ههههههههههههههه

تحياتى

رئـــــيسـة حزب الأحلام يقول...

الله تاج جميل بجد وعجبنى اوى الحتة دى


انهم اغبياء وانت الذكى الوحيد
عارف الجملة دى مجرباها واحدة لذيذة اوى فعلا بتفكر نفسها هى الذكيه والناس اللى حولها اغبيه
بجد صعبه اوى
تحياتى لحضرتك ويارب دايما منور عالم التدوين

مهندس مصري بيحب مصر يقول...

فعلاً طيب و منور
:)
بس أعذرني مش حأجاوبه

حنين القلب يقول...

كل سلطانيه وانت طيب يا مرزوق

ايه الاجابات الجامده دى

هو انت اللى مجاوبه ولا غاشه من حد

هههههههههههههههههه

همس الاحباب يقول...

bos bos
وانتى طيبة
وفى انتظار تاجك ان شاء الله
نورتينى
وسعدت بزيارتك جدا

همس الاحباب يقول...

رئيسة حزب الاحلام
شكر لكلماتك الرقيقة
وسعيد جدا بمتابعة حضرتك
اكيد عارف معناها مع الاسف
تحياتى ودمتى بخير

همس الاحباب يقول...

مهندس مصرى
ههههه
ماشى يا هندسة
شكرا
اكيد انت جاوبته من زماااااان
منورنى يا هندسة دايما
تحياتى

همس الاحباب يقول...

حنين القلب
ههههههه
مقبولة منك يا ست سكينة
لا طبعا شاحت الاجابات
نورتىنا

حنين القلب يقول...

عم الحج عندى سؤال
فيه جمله مش فهمتها ممكن تفهمالى

حسيت انكم محتاجين قمر ينور ايامكم ولياليكم فجبت بعضى وجيت


مين القمر ده ؟؟؟
مصيبه لتكون تقصد نفسك
يا سيدى انت فعلا قمر
معلومه عرفتها من الدكاترة الكبيرعبده الرايق

القمر ضلمه وكله طوب وبهدله واسمه خالود
سلام يا قمر

همس الاحباب يقول...

حنين القلب
ههههههه
معلش ما انتى فهمك على قدك
وبلاش تفهمى احسن اعرف واحدة فهمت ماتت
وبعدين انتى بالذات عارفة انى قمر وشمس وعواصف
وكل حاجة وجيت التدوين علشان اخلص البشرية منك
ودى مهمتى فى الحياة
بقولك ايه يلا جاوبى التاج ده عندك

امل يقول...

بجد كلامك جميل ودمك خفيف وصادق فى نفس الوقت ؟
وعجبنى قوى كلامك ده:دخلت التدوين ليه؟
قضاء وقدر
وبعدين صعبتوا عليا هسيبكم لوحدكم فى الضلمة
حسيت انكم محتاجين قمر ينور ايامكم ولياليكم فجبت بعضى وجيت
حد معترض ؟؟
انت فعلا قمر منور فى وسط المدونات..ولا احد يستطيع الاعتراض.

مجداوية يقول...

السلام عليكم

لا هو تاج مش سلطانية
لأن الملوك مش بيلبسوا سلطانيات
حضرتك بذوقك وحبك للخير ومساعدة الناس ملك متوج بحب الناس

ربنا يزيدك ويديم خيرك وطيبتك وانسانيتك

رحــــيـل يقول...

هههههههههههه
اجابات لذيذه ياخالد انا عاجبنى قوى تعريفك للتعليق وطبعا سبب دخولك التدوين

وفعلا النت ادمااااااااان

تحياتى واحترامي

MǿиY El-Shreef يقول...

ياعيني ياطيب

والله اجاباتك حلوة اوي ومتزنه كده يا خالد

وبعدين مالك مش عاجبك اسمك ياعني

ده جميل اوي والله

وماحدش عنده اعتراض :D

كل تاج وانت طيب ياخالد يابو همس

(=

انا جاوبت قبل كده فمش هاخد التاج بقى :D

♥نبع الغرام♥♪≈ يقول...

السلام عليكم ورحمة الله وبركاته
استاذ خالد
تقبل مرورى
وبجد انت دمك خفيف قوى فى إجابتك
ومبروك عليك التاج وبجد لايق عليك
الله يبارك فيك
وأسعدنى مرورك الكريم لمدونتى
تقبل تحياتى
سلالالالالالالالالالالامى

♥نبع الغرام♥♪≈ يقول...
أزال المؤلف هذا التعليق.
Hanan Elshafey يقول...

الله الله الله
اجابات جميله بجد
دمها خفيف كده وحلوه
بعدين قمر بقي ومنور كمان

تحياااتي

mahasen saber يقول...

والله انتا انسان محترم وفعلا همس الاحباب

لو الاجابات دى بترسم وبتعكس جزء عن شخصياتنا فربنا يبارك فى عمرك لانك فيك راحه وطيبه جميله
وده حسيته فى لقاء التبرع
ربنا يباركلك فى اسرتك وفى عمرك وفى كل من تحب

شيماء جمال(شيمو القمر) يقول...

أزيك يا بابا
ايه اخبارك افتقدناك كثيرا
اعملوا لقاء تانى قريب عايزة اشوفكم تانى
بجد اجاباتك جميلة قوى دمك خفيف مع كده فهى تنم عن شخصية حقا تُقدر

تحياتى
شيمو القمر

مهندس زراعي يقول...

كل تاج وانت بخير
وبجد استمتعنا بأجاباتك
شكرا
وربنا يبارك فيك

صبرني يارب يقول...

السلطانيه دي كان فيها شوربه ؟؟

ههههههههههههههههههه

تاج جميل يا فندم وتعيش وتاخد تيجان يارب

فاتيما يقول...

السلطانية دى ينفع أستلفها عشان نجيب فيها بأتنين جنيه فول ؟!!
مينفعشى ؟؟!!!
طييييييييييب
كل تاج و إنت منور يا خالود
و بعدين إيه كلمة
حد معترض دى ؟؟
هوه حد يجرؤ يا خالد ...
إنت يا بنى مقامك عالى فى قلوبنا كلنا
و اجاباتك ازعم إنى عارفها تقريباً كلها ...
لأنك إنسان بسيط و واضح
و ملكشى فى اللوع و العقد
و التناقضات اللى بتقول عليها دى هيا اللى بتخلى شخصية الإنسان دا متميزة و قادرة على تجميع اكبر قدر من القلوب حوله ...
إنتا فيكى من الصفات الكتير الجميلة و الأنسانية جدا اللى تخليك قريب من كل حد و كأنك جزء منه ...
ربنا يخليك لينا
و تنور عالمنا الجميل
إفتقدك جدا فى حفل كتاب الاستاذ شريف
بس متاكدة إنك لازم إتعطلت فى حاجة
و مقدرتش تيجى ...
خالص ودى و إعتزازى بيك يا اخى الغالى

حاجات جوايا يقول...

كل تاج وانت طيب يا ابو همس :)


لماذا دخلت التدوين من الأساس ؟
قضاء وقدر
وبعدين صعبتوا عليا هسيبكم لوحدكم فى الضلمة
حسيت انكم محتاجين قمر ينور ايامكم ولياليكم فجبت بعضى وجيت
حد معترض ؟؟
...........
هههههههههههههههه
لا طبعا هو حد يقدر يعترض .. ياخد بالسلطانية فى دماغه علطووووول :)




اهمية التعليقات بالنسبة لك إيه ؟
زى انتظار الشاطر حسن لست الحسن والجمال

هههههههههههههههههه
حلوة :)


بجد كل الاجابات جميلة ودمها خفيف وبتدل على شخصية محترمة وناضجة وطيبة


بس أنا كنت فاكراك أكبر من كده الحقيقة
يعنى 38 مثلا أو أكبر

يمكن لأنك شخصية مريحة وحكيمة ما شاء الله يعنى
ربنا يبارك فيك وفى اسرتك الكريمة

خالص ودى
سالى

ahmed_k يقول...

هههههههههههه
هو فعلا يا خالد انت منور عالم التدوين

ربنا يسعد
إجاباتك جميله ومباشره
وفيها قدر كبير من الدبلوماسيه
وده مش مستغرب من شخص راقي ومهذب مثلك

دمت بكل خير يا أخي

حزيــــــــــــــــــن يقول...

تشرفنا بمعرفتك

احمد مهنى

الربان يقول...

تحياتي

سبحان الله أخي خالد...معظم ما جاء في ردودك علي التاج توقعته من قرأتي لموضوعاتك و تعليقاتك...

شكرا أخي الكريم لانك اوضحت لنا جوانب جميلة من شخصية اعتز بها و اقدرها...

تحياتي و تقديري اخي العزيز...

rtrcbh يقول...

سعدت جدا بهذا الموضوع لتعرفى على شخصكم الطيب

وفقكم الله عز وجل ولنا عودة انش اء الله وفى نتظار كل جديد ومفيد لديم

والسلام عليكم روحمه الله وبركاتة

Remas يقول...

اجابات جميلة وزى العسل

ودا المتوقع من شخص باخلاقك العالية وطبعك الجميل

والتدوين من غيرك فعلا هايكون زى الكون من غير قمر بالعند في حنين القلب
هههههههههههههه

كل تاج وانت طيب يا ابو همس

أمـ الله ـة يقول...

السلام عليكم ورحمة الله وبركاته
بارك الله فيك أستاذ خالد
استمتعت بقراءة اجاباتك على التاج
واتمنى من حضرتك الاجابة على التاج النبوى وتمريره
الموجود هنا
http://nasim-aljana.blogspot.com/2008/03/blog-post.html

عصفور المدينة يقول...

بارك الله فيك أنت من أولئك الناس الذين يرتاح اليهم القلب من أول لقاء

Gannah يقول...

طبعا انت طيب جداا
يا ابوهمس
وكل عالم التدوين شاهد
احلى ما فى التاج انه خلاك ترد على التعليقات
واوعى تانى تفكر تقفل المدونة كلنا بنمر بلحظات الافلاس
الباس وورد من فضلك علشان ابقى افتحها بمعرفتى لو شاورت عقلك
تحياتى

micheal يقول...

حلو التاج ده يا أستاذ خالد
عجبني جدا ردك علي سؤال لو حد شتمك
تحياتي

همس الاحباب يقول...

ماما
ربنا يبارك فى حضرتك
بجد انا شاكر لحضرتك
واتمنى انى اكون عند حسن ظنك دائما
ربنا يكرمك فى مها وهدى
تحياتى وتقديرى

همس الاحباب يقول...

مجداوية
وعليكم السلام ورحمة الله وبركاته
جزاكى الله خيرا يا ام نسمة
وربنا يبارك فى حضرتك وتفرحى بنسمة
ان شاء الله
وكلماتك وسام على صدرى
تحياتى وتقديرى

همس الاحباب يقول...

رحيل
ههههه
منورة يا ستى
والحمد لله انه عجبك
شدى حيلك وجاوبيه يلا
اكيد اجابتك هتكون اروع واجمل
تحياتى

همس الاحباب يقول...

مونى الشريف
ههههههههه
ياعيني ياطيب
حاسس كده انك مش مقتنعة
امممممممم
بس مش شرير قوى برده
هههههههه
لا عاجبنى انا قلت حاجة
ربنا يكرمك ويجازيكى خيرا
دمتى بكل ود
وانتى طيبة
تحياتى

همس الاحباب يقول...

عاشقة الاحزان
شرفت بزيارتك
ويسعدنى تواصلك اختى العزيزة
وشكرا على كلماتك الرقيقة
الله يبارك فى حضرتك
نورتينى واسعدتينى
تحياتى

همس الاحباب يقول...

حنان الشافعى
حاسس انك معترضة
مش كده
ههههه
عامة عديها لاخوكى المردة دى
واوعدك مش هقول كده تانى
هههههه
تسلمى يا ست الكل
وشكرا لتشربفك لمدونتى المتواضعة
دمتى بكل خير

همس الاحباب يقول...

محاسن صابر
ربنا يبارك فى حضرتك
وبجازيكى خيرا
وشكرا على كلمات الرقيقة
وده من ذوقك
ربنا يبارك فيكى وفى عبدالرحمن وبجعله قرة عين لكى
اسعدنى تشريفك الدائم
تحياتى

همس الاحباب يقول...

شيمو القمر
ازيك يا بنتى
اخبارك ايه والله اسكندرية كلها ليها وحشة كبيرة
وان شاء الله نلتقى دائما على خير
جزاكى الله خيرا على كلماتك الرقيقة
منورة دايما يا شيمو
تحياتى

همس الاحباب يقول...

مهندس زراعى
منورنى يا هندسة
وبارك الله فى حضرتك
وسعدت جدا بزيارتك
تحياتى

همس الاحباب يقول...

صبرنى يا رب
ههههههههه
شوربة عدس مش كده
شاكرين لحضرتك على الشوربة وعلى التاج
ربنا يكرمك يا ام مريم
تحياتى

همس الاحباب يقول...

فاتيما
العزيزة ام يوسف
السلطانية تحت امرك طبعا
بس بلاش فول خليها حاجة تانية
ههههه
اه البت حنين معترضة
وانتى دايما بتدافعى عنها ههههه
طب انا مش عارف اقول ايه بصراحة
غير ان ربنا يبارك فيكى وما يحرمناش من ذوقك ولا كرم اخلاقك
وربنا يكرمك فى يوسف وتشوفيه احسن واحد فى الدنيا
اما حفل التوقيع
مع الاسف حدثت ظروف قهرية فى الشغل ما عرفتش اجى والله
مع ان النية كانت موجودة
وكان نفسى اشوفكم جدا
ولكن قدر الله وماشاء فعل
تحياتى وتقديرى لام يوسف

همس الاحباب يقول...

الاخت العزيزة سالى
ربنا يبارك فى حضرتك
ويجازيكى خيرا على كلماتك الطيبة
لا الطيب احسن خسارة السلطانية تتكسر
ههههههه
ولا يهمك يا ستى كلها 5 سنين وابقى 38 ان شاء الله
وممكن تدفعى حضرتك الفرق ونمشيها 38
ربنا يعزك ويكرمك
ده من ذوق حضرتك
تقبلى تحياتى وتقديرى

همس الاحباب يقول...

احمد k.
ربنا يكرمك يا حماده
ده نوركم والله
شكرا لحضرتك
واتمنى انى اكون عند حسن ظنكم دائما
تحياتى وتقديرى

همس الاحباب يقول...

حزين
الشرف ليا انا طبعا
وزيارة عزيزة على قلبى
اخى العزيز
تحياتى

همس الاحباب يقول...

الربان
استاذى العزيز
بارك الله فيك
واتمنى انى اكون عند حسن ظنك بى دائما
ولكن الشرف ليا لانى تعرفت بحضرتك
وسعيد جدا بتواصلك
لان تعليقك له وضع خاص بالنسبة لى
دائما اتعلم منه شىء جديد
تحياتى وتقديرى

همس الاحباب يقول...

د/ ابو يحى وادم
شرفت بزيارنك
ويسعدنى تواصلك
بارك الله فيك
تحياتى

همس الاحباب يقول...

ريم
ربنا يبارك فى حضرتك اختى الكريمة
وشكرا على كلماتك الطيبة
****
والتدوين من غيرك فعلا هايكون زى الكون من غير قمر بالعند في حنين القلب
ههههههههه
هههههههه
هو طالما عندا فى حنين القلب يبقى انا موافق اكون قمر مضلم حتى
هههههه
وانتى طيبة وبصحة وسعادة
سعدت بتواصل حضرتك جدا

همس الاحباب يقول...

امة الله
بارك الله فى حضرتك
وشكرا على الاهداء وباذن الله سوف هجاوب عليه
تحياتى وتقديرى لحضرتك

همس الاحباب يقول...

عصفور المدينة
استاذى العزيز
بارك الله فى عمرك
وجزاك الله خيرا
وانت كذلك اخى العزيز
انسان تفخر وتسعد بمقابلته
تحياتى

همس الاحباب يقول...

جنة
طيب !!!!!!!!
اشك فى كده
ههههههه
يارك الله فى حضرتك
حاضر يا دكتورة
مش هفكر كده تانى
والباس ورد يا سلام غالى والطلب رخيص
الاجازة القادمة ابقى خديه هو والمدونة
تحياتى وتقديرى لحضرتك

همس الاحباب يقول...

مايكل
منور يا مايكل
ربنا يكرمك
واتفضل البسه بالهنا والشفا ورينا اجاباتك يا برنس

جنّي يقول...

السلام عليكم

ازيك يا استاذنا اخبارك ايه لعلك بخير والحمد لله ..

ما شاء الله اجاباتك موفقة وها اعلق على حاجتين انت ذكرتهم اثناء اجابتك :
الاولى تسأل : مش انا طيب يا جدعان ) بقولك ولا نزكيك على الله انك بالفعل انسان طيب وان لم اقابلك ولكن من قابلوك قالوا ذلك وانا اثق برأيهم ..

الثانية انت بتقول ان التعليقات مثل الملح والماء ومعك حق فالتدوينة بلا تعليق فقدت الهدف .. ولكن الملح بيزود الضغط خد بالك ..

سلام

Asmaa mahaba يقول...

ممكن اضحك وممكن ابعتله جواب شكر على ايد محضر
يا غلبان يا طيب
:)
انا حسكت مش حسيح:q

mohamed ghalia يقول...

إجاباتك هايلة يا زميل المهنة هههههههه
ربنا يكرمك ويسعدك دايما

Kiara يقول...

بخخخخخخخخخخخخخخخخخخخخخ

انا جه اليوم بقي يوم تهيس وبالتالي ردي هيكون تهيس واك واك واك

اجاباتك جمييييله وحسيت برده اني شيفاك بتقولها يمكن عشان اتقابلنا مقابله صغنونه وقت التبرع نياهاهاه شوريره انا

يالهووووووووووووووووووووووي هيست بقي واخدتو فكره عني وحشه بس بكرا اجاااااااازه هيييييييييييييييييين


جد بقي

اجاباتك جمييييييييله اوووووووووي

كل سنه وانت طيب

دعاء مواجهات يقول...

ايةي اعم خالد الاجابات اللى زى لافل دى

بجد انت حد جميل اوى وجدع اوى كما عهدناك

المدونه عندى دوشاانى وبتسأل عنك

بيس

من أجل التمكين يقول...

السلام عليكم

ربنا يعينكم على التاجات دي

بتعصر الواحد

و بالمناسبة ادعوك لقراءة هذا الموضوع و مشاركتنا الحملة

http://fortamkeen.blogspot.com/2009/04/blog-post_09.html

و هو موضوع ضمن سلسلة كاملة

أنا اخترت بعض المدونين و دعوتهم و أرجو منك أن تدعو من تراه يستطيع المشاركة بشئ في هذه الحملة

جزاكم الله خيرا

-

yoyo يقول...

صباحك سكر

عجبتنى اجابتك اوى على التاج دا
وكمان عرفتنى عليك بشكل اكتر
وبجد انت شخصية جميلة كدا و قمر منورنا برده هههههههههههه

انا ل مجاوبة على التاج دا يعنى براءة انا يا خالد

دمت بالف خير
تحياتى
يويو

د. إيمان مكاوي يقول...

أستاذ خالد
السلام عليكم
كل تاج وحضرتك طيب
أنا بس عايزه أوضح اللبس في المدونات ..أنا مدونتي يوميات أم البنين ..لصاحبتها د.إيمان مكاوي ..إحنا إتقابلنا يوم إجتماع مسجد زهراء المعادي ويوم مستشفى السرطان وكان معايا البنين
ودي غير مدونة أم البنين بتاعة الدكتوره حنان لاشين
بس علشان ما يحصلش لبس
سعدت جدا بزيارتك لمدونتي
وإن شاء الله نجتمع على الخير دائما وسلامي لكل الأخوه أنا عارفه إنكم بتجتمعوا دايما على الخير
تحياتي

غير معرف يقول...

ده تاج والله مش خناقة.. حد يجاوب اول سؤال بالطوب كده؟؟ يا أبيه خالد ده حتى اسمك جميل اوي وربنا وربنا
لا حول ولا قوة الا بالله
عموما التاج ده خفيف لذيذ.. مش التاجات بتاعة: ايه رأيك في الحقيقة العارية؟؟ وما هي وجهة نظرك في نقطة الصفر ع الشمال

ماشي يا أونكل خالد.. ربنا يديم عليك المدونة بالخير واليمن والبركات
هعهعهعهعهعهع

مها ميهوووو

Barrak يقول...

هل فعلا الانترنت ادمان

لاشفاء منه

همس الاحباب يقول...

جنى
استاذنا سعيد
شكرا لحضرتك
وبارك الله فيك
واتم شفائك على خير
ماشى يا عمنا نخف الملح شوية
مش محتاجة رفع ضغط
هههههههههه
تحياتى اخى العزيز

همس الاحباب يقول...

سومه
ههههههههه
هههههههه
خلى الطابق مستور يا سومه
اه هو انا شرير للدرجة دى
ده مش لنشون مسموم اللى خليتك كلتيه ده
ههههههههه
ربنا يسعدك يا سومه
تحياتى

همس الاحباب يقول...

محمد غالية
ربنا يكرمك ويوفقك دائما
تحياتى وتقديرى

همس الاحباب يقول...

كيارا
ههههههههه
صباح التهييس يا كبارا
اه وانتى كنتى قاعدة مكسوفة وهادية
وش كسوف يا اخواتى
ههههههههه
منورة يا كيارا
تحياتى ليك وربنا يسعدك

همس الاحباب يقول...

دعاء مواجهات
تسلم يا جميل
انا فعلا مقصر معاكى جدا جدا
من عيونى انا اقدر
تحياتى

همس الاحباب يقول...

من اجل التمكين
شرفت بزيارة حضرتك
وان شاء الله هتابع
تحياتى وتقديرى

همس الاحباب يقول...

يو يو
منورة يا يويو
وسعيد جدا بزيارتك
وشوفت الاجابة عندك
تسلم يا جميل
تحياتى

همس الاحباب يقول...

دكتورة ايمان مكاوى
وحضرتك طيبة وبصحة وسعادة
انا عارف حضرتك وعارف اننا اتقابلنا قبل كده
بس هو حصل لبث فى اسماء المدونات
وكنت متابع دكتورة حنان
والحمد لله ان المدونتين على قدر عالى من الاهميةواختيار الموضوعات المفيدة
بارك الله فيكما
وشرف لى بمتابعة حضرتك
واسف جدا على هذا اللبس
وسلامك هيوصل للجميع ان شاء الله
وسلامى للبنين ووالدهم
تحياتى وتقديرى

همس الاحباب يقول...

احسن تستاهل
هههههههه
بنت يا مها بلاش انتى
خليكى على جنب احسن الطوب والدبش شغال فى المدونة
ماشى يا مها مقبولة منك
وربنا يكرمك ويسعدك
تحياتى وتقديرى لاجمل مها ميهوووو

همس الاحباب يقول...

barrak
اى نعم ادمان
وربنا يقدرك على الشفاء منه
تحياتى وسعيد بزيارة حضرتك