13 أبريل 2009

سوهاج محافظتى 1

وبما ان حب الوطن من الايمان فحبى لمحافظتى ومسقط راسى فى وجدانى للابد وبمناسبة 
العيد القومي  فى العاشر من  أبريل في ذكرى الانتصار على الفرنسيين فى معركه جهينه عام 1799

تعتبر محافظة سوهاج إحدى محافظات الوجه القلبي، وتبعد 467 كيلو متر عن القاهرة، يحدها شمالاً محافظة أسيوط وجنوباً محافظة قنا وشرقاً محافظة البحر الأحمر وغرباً محافظة الوادي الجديد، وتمتد المحافظة طولاُ بنحو 125 كم على نهر النيل، وتبلغ مساحة المحافظة الكلية 6546 كم، والمساحة المأهولة 154.7 كم2. يغطي القطاع الريفي منها 130.7 كم2 بنسبة 84%.
تتكون المحافظة من (11) مركز إداري، (11) مدينة، (3) أحياء، (51) وحدة محلية قروية، (268) قرية تابعة، (1217) كفر ونجع بإجمالي (1468) تجمع سكني ريفي.

تضم المحافظة (7) كليات، ومركزاً للبحث العلمي،(12) مركز للتدريب المهني، ويبلغ عدد مدارس التعليم قبل الجامعي (1247) مدرسة للتعليم العام، يتواجد منها في القطاع الريفي (917) مدرسة،(317) مدرسة للتعليم الأزهري يتواجد منهم بالقطاع الريفي (311) مدرسة.

تبلغ المساحة المزروعة 295600 فدان وتبلغ المساحة القابلة للإستصلاح 22058 فدان، وتشتهر بمحاصيل القمح والبصل والفول والقطن والقصب والذرة الشامية والرفيعة ، كما تبلغ إجمالي المساحة القابلة للإستصلاح 17011 فدان.

تساهم المحافظة في النشاط الصناعي من خلال صناعة السكر، الغزل والنسيج، هدرجة الزيوت، دقيق السيمولينا، المكرونة كصناعات كبرى والنسيج اليدوي، الكليم والسجاد ونجارة الأثاث كصناعات صغرى. كما أن هناك العديد من المشروعات العملاقة بالمحافظة منها مشروعات الصرف الصحي ومصنع سكر جرجا، عجائن المكرونه بطما، المنطقة الصناعية غرب سوهاج.
تتميز محافظة سوهاج، كباقي محافظات الصعيد، بالمناخ الصحراوي الجاف حيث ترتفع درجة الحرارة في الصيف (نهارًا) وتعتدل شتاءً (ليلا).

وقد قدمت محافظة سوهاج من خيرة أبنائها الكثير الذين أعطوا لمصر والعالم العربى والإسلامي عطاءاُ كبيراُ في شتى المجالات نذكر منهم
وتضم محافظة سوهاج 12 مركزا هم :-
فى الجزء القادم باذن الله سوف نتعرف على اهم المعالم والاماكن التاريخية وجزء من الرحلة الاخيرة

هناك 47 تعليقًا:

MǿиY El-Shreef يقول...

ايه ده يا خاااالد

انت من سوهاج .. داحنا جيران بقى

انا من ........ مش هقول ناو :p

كل سنه وسوهاج طيبه وكل الي فيها بخير ياااارب

معلومات جميله عن بلد اجمل

ميرسي ~> ياختشي ع الرقه :D

موناليزا يقول...

مجهود رائع واستدلالك باللينكات جميل

أمل حمدي يقول...

كل سنه طيب وسوهاج طيبة وكل إلي فيها بخير ياااارب

ازيك يا أبو همس الاحباب

حنين القلب يقول...

ههههههههههههههههه

ايه ده
انا دخلت حصة جغرافيا ولا ايه ؟؟

مستر ممكن استاذن انا مش بحب الجغرافيا

حنين القلب يقول...

خالود
نسيت تقول ان سوهاج قدمت لينا العلامه الكبير خالد همس الاحباب
والحاصل على جائزة نوبل فى الجغرافيا


بس امووووت واعرف انت لميت المعلومات دى كلها منين ؟؟؟

عمو خالد
ممكن تعملى موسوعه كده عن اسكندريه

(صندوق الدنيا) يقول...

ما شاء الله
بارك الله في سوهاج وأهلها

جنّي يقول...

السلام عليكم

احسن ناس يا ابو خالو ..

تحيتي يا ابو همس

♥نبع الغرام♥♪≈ يقول...

السلام عليكم ورحمة الله وبركاته
بارك الله فيك وفى أهل سوهاج
وبصراحه ربنا يكرمك خير يارب
على إنتمائك لوطنك الغالى
تقبل تحياتى

صبرني يارب يقول...

سلام شحط محط يا فندم للصعيد واهله

mohamed ghalia يقول...

جميلة المعلومات عن سوهاج
ربنا يكرمك
ويسعدك

فاتيما يقول...

بجد مش هزار
كفاية إنك منها يا غالى
معلومات مفيدة
خصوصا الشخصيات ... بقى صلاح جاهين من حداكم يا راجل و إنت بتقعد معانا كدا عادى و مبتقولشى أى حاجة ...
و الشخصيات الدينية الكتيرة بتقول إن الطبيعة الجغرافية و السكانية بتخلى طبيعة الشخص و نشأته تتأثر بالبساطة و القرب من الله و التدين
فى إنتظار الجزء التانى من الرحلة يا أبو همس

مجداوية يقول...

السلام عليكم

أبو همس

أحسن ناس ويكفي أنك منها أخي الكريم
لكن
انت قلبتها حصة جغرافيا ليه!!
:)
:)

أنا كنت أفضل أن تأخذ كاميرتك وتصور لنا المعالم التي تحبها أنت وتوصفها بقلمك واحساسك فنعيش معك جولة سياحية خاصة غير مدرجة في الكتب والاحصاءات

ولا إيه ؟

kochia يقول...

اجدع ناس

الربان يقول...

تحياتي اخي خالد...

اشكرك علي المعلومات الجميلة و القيمة
التي اضافت الي معلوماتي المتواضعة.

و كل سنة وانت و محافظة سوهاج بخير و سلام و ازدهار ان شاء الله.

بمناسبة الشيخ المراغي...مازالت اسرته تقيم في حلوان...و يوجد شارع باسمه من اهم الشوارع بالمدينة...و ايضا مجمع ديني باسمه....


تحياتي و تقديري....

thunder يقول...

معلومات مفيدة جدا جدا وحاسيت انى رجعت سنة رابعة ابتدائى تانى هههههههههههه بجد مش تهريج كان فى كتاب بينزل اسمه محافظتى كانه هو اللى قدامى
فعلا معلومات مفيدة جدا جدا ربنا يديم عليك التوافيق يااااااااااارب
دمت بكل ما تحب

عين فى الجنة يقول...

خالد باشا ، من فضلك بما انك سوهاجى تدلنى على مطعم كويس غير مطعم فندق ابو الوفا
انا بيطلع عينى علشان اكل فى سوهاج

صيدلانيه طالعه نازله يقول...

و انا باسم كل الاسايطه جيرانكم باحيى السوهاجيه نفر نفر و سلام مربع يا ولد
هههههههههههههههههه

اسكندراني اوي يقول...

احسن ناس يا جميييييل

yoyo يقول...

صباحك سكر يا خالد

كل سنة وانت بالف خير يارب
وسوهاج بالف بالف خير

احسن ناس والله
المعلومات اللى انت جمعتها حلوة اوى اوى
اجمل حاجة فى المعلومات اللينكات بجد تحفة والله
خصوصا الاشخاص اللى انت ذكرتهم انا بحبهم اوى

فى انتظار جديدك
تحياتى
يويو

على عبدالله يقول...

السلام عليكم

انا اول مرة اعرف انك سوهاجى
بلديات يعنى

اسمحلى انصح الاستاذ راجى بمطعم كويس قوى ، وكمان اما يروح هناك يقلهم من طرف الاستاذ على عبدالله " الارهابى "المحاسب ...هايرحبوا بيه قوى
بس خلى بالك الفندق غالى حبتين ،"فندق الصفا السياحى" ..انت عارفه اكيد

ما تنساش يا عم خالد
سلامى لكل السوهاجية ...احسن ناس
:))))
بلدى بقى وانا حر
وحشتنى موووووووووووت
الجامعة والشرق والكوثر وشارع الجمهورية والثقافة والشهيد وطما بالذات "بلد المحبوب " سابقا يعنى !
وانور عياد ..
وابو ربيع ..
وابو ضاحى ..
وابو قرامان ..
.......م الاخر سلملى على كل السوهاجية .يعنى كل ما تشوف سوهاجى قله على بيسلم عليك


والسلام عليكم

maha zein يقول...

ردالة وطول عمر ولادك يا بلادنا رداله

ايون كده
صعايدة ورداله وجدعان
مع انك صراحة شكلك ميديش الصعيد
شكلك يدي وجه بحري
ليه معرفش

عادي بردو
ما انا بردو من بنها العسل يعني
فيها حاجة دي
عجايب

همس يقول...

كل سنه وانت وسوهاج طيبين

وتعيش تعيد يا سيدنا

همس الاحباب يقول...

مونى الشريف
وحضرتك طيبةوبصحةوسعادة
وده شرف ليا اننا جيران
بس با ترى من جيران الجنوب والشمال
تحياتى وتقديرى

همس الاحباب يقول...

موناليزا
ربنا يبارك فى حضرتك
ودمتى بخير وسعادة
تحياتى

همس الاحباب يقول...

ماما امولة
وانتى طيبة وبصحة وسعادة
الحمد لله
المهم حضرتك اخبارك ايه
تحياتى وتقديرى

همس الاحباب يقول...

حنين القلب
ههههههه
لا انتى بالذات تقفى فى اخر الفصل وترفعى ايديكى لمدة 20 سنة

همس الاحباب يقول...

حنين القلب
ههههه
انا مش عايز اقول كده
شوية تواضع كده
وكويس انك عارفة انى واخد جائزة موبيل فى علم البتنجان المخلل
يا سلام اسكندرية وصفط اللبن كماان

همس الاحباب يقول...

ام البنين
بارك الله فى حضرتك
وجزاكى الله خيرا

همس الاحباب يقول...

جنى
الله يكرمك يا باشا
ده بعض ما عندكو يا حاج
ههههه
تحياتى اخى العزيز

همس الاحباب يقول...

عاشقة الاحزان
ربنا يبارك فى حضرتك
وبحفظك من كل سوء
ويبعد عنك الاحزان
تحياتى لحضرتك

همس الاحباب يقول...

صبرنى يا رب
ههههههه
واجدع سلام صعيدى من هنا لحد المنصورة
تسلمى يا ام مريم

همس الاحباب يقول...

محمد غالية
ربنا يبارك فيك
وما يحرمناش من زيارتك ابدا
تحياتى

همس الاحباب يقول...

فاتيما
امممممممم
طب وبعدين انا كده ممكن اخد الم وعمر فى نفسى
ربنا يبارك فى حضرتك
وما يحرمناش من طيبتك ابدا يا ام يوسف
فعلا سوهاج بلد جميلة وغالبا الجو بيساعد على كده
تحياتى وتقديرى

همس الاحباب يقول...

مجداوية
الله يكرمك ويبارك فى حضرتك
دى مقدمة بسيطة
لانى مش بحب الجغرافيا
مع الاسف كنت علمى
يس ان شاء الله الجزء التانى هيبقى زى ما قولتى بالظبط
واتمنى انه يعجبك
تحياتى وتقديرى لحضرتك

همس الاحباب يقول...

كوشيا
الله يكرمك ويبارك فى حضرتك
تحياتى

همس الاحباب يقول...

الربان
يا خبر يا استاذنا
ده احنا لنتعلم من حضرتك
وكل سنة وانت طيب
وربنا يبارك فى حضرتك
وشكرا على معلوماتك القيمة
تحياتى اخى العزيز

همس الاحباب يقول...

ثندر
ههههههه
على اساس انك فى اولى اعدادى مثلا
هههههه
ربنا يبارك فيك
وسعدت جدا بزيارتك وتشريفك
دمت بكل ود

همس الاحباب يقول...

راجى
ههههههه
يا استاذنا ده سوهاج كلها مطاعم وعامة الاستاذ على رد على حضرتك
وممكن انصحك بمكان كويس
نادى الزراعيين بميدان الثقافة
الطباخ اللى فيه يلدياتى واكله هيعجبك قوى
وكمااان فيه مطاعم فى شارع المحطة والعارف هتعجبك قوى
منور سوهاج يا استاذنا دايما

همس الاحباب يقول...

صيدلانية طالعة نازلة
واحلى سلام وتحية لاسيوط وكل الصيادلة
منورة يا دكتورة

همس الاحباب يقول...

اسكنرانى قوى
ربنا يحفظك يا هندسة

همس الاحباب يقول...

يويو
الحمد لله ان الموضوع عجب حضرتك
وسعيد جدا بمتابعة حضرتك
ربنا يبارك فيكى ويحفظك
تحياتى

همس الاحباب يقول...

على عبد الله
انا اللى سعيد بمعرفة حضرتك
وطلعنا بلديات
العزوة حلوة يا جدع
وكماان اوعى تكون خريج تجارة سوهاج
ماشى يا عمنا يوصل
مع انى ليا 11 سنة مقيم فى القاهرة
وبنزل سوهاج فى المناسبات
بس كلامك ماشى با معلم
نورتنى واسعدتنى بمعرفة حضرتك
تحياتى

همس الاحباب يقول...

مها زين
وجه بحرى اشمعنى
اول مرة حد يقولى كده
ههههههه
ماشى يا دكتورة
ربنا يكرمك ويحفظك يا رب

همس الاحباب يقول...

همس
وحضرتك طيبة وبصحة وسعادة
منورانا يا هموسة
ربنا يطمنا عليكى
تحياتى

Hannoda يقول...

تسلم ايدك على المعلومات اللي ماكنتش اعرف كتير منها
وأول اللي ماكنتش اعرفه هو ان فيه مركز اسمه "جهينة" أساسا..

استغربت من رقم المساحة المأهولة منها
154 كم مربع فقط اللي مأهول من 6546

طيب ليه و ايه المساحة الرهيبة الفارغة منها ده وايه السبب.. اعتقد ان السبب هو عدم وجود خدمات في باقي المساحة ده كلها ولا هي غير صالحة مثلا بسبب الطبيعة بتاعتها ولا ايه


لأ ده باين كده فيه حاجة غلط في رقم المساحة الكلية يا خالد
لإنك بتقول ان 130 كم مربع هي مساحة القطاع الريفي و بتقول ان الرقم ده بيمثل 84% .. يبقىمستحيل تكون المساحة الكلية 6546.. أكيد فيه فاصلة عشرية ضايعة

معجبة جدا بحبك ليها و ارتباطك بيها.. بحس الارتباط بالبلد و الارض شعور بيخلي نفسية الانسان أرقى بكتير من غيره.. عمري ماجربت الاحساس بالارتباط بالارض اللي بتتزرع و تطرح خير وارتباط اصحابها بمواسم السنة و التغيرات اللي بتشوفها عينهم على التربة و النبات و الشجر.. بس حاسة كاني جربته و منأمنياتي ان يكونلي ارض صغيرة جددا أزرعها و أربي فيها حيوانات مختلفة.. ابقار و ماعز و كلب وطيور

ياااه حاحس اني في جزء من الجنة

تسلم ايدك على المعلومات وابقى فهمني لو أنا فاهمة معلومة المساحة ده غلط

همس الاحباب يقول...

هنودة
هههههه
لا لازمن ارد عليكى طبعا
حتى لو البوست قديم
بصى يا ستى سوهاج مساحتها مش كبيرة قوى لان اغلبها جبال وصحراء
مع ان تربتها خصبة جدا والصحارى قابلة للاستصلاح بس ده بيرجع لاسباب الاهمال والتوعية من جانب ومن جانب اخر هجرة اهلها الى دول الخليج ناهيكى عن عدم توفر البنية الاساسية لاستصلاح تلك المساحات
اما بالنسبة الماعهولة بالسكان فهى 154 كم مربع
منها 130كم مربع القطاع الريفى بنسبة 84 % من اجمالى المساحة الماهولة اللى هى 154 كم مربع مش نسبة من 6546 كم مربع المساحة الكلية
يبقى 154/130 يساوى 84%
وجميلة جدا احلامك وامنياتك
ربنا يقدرك وتحقيقها قريبا ان شاء
تحياتى وتقديرى

عمرو يقول...

أشكرك و الله أنك دلتنى على مدونتك و على البوست الجميل و الهام جدا لى لأن زى ما أنت عارف أنا بأكتب سلسلة بوستات عن زيارتى لسوهاج الرائعه الجميله الساحره اللى من أجمل المناطق اللى زرتها فى حياتى ..
تحيه ليك يا صديقى و تحيه للسوهاجيه أجدع و أكرم ناس عايشتهم و مع بعض بقى على طول اٍنشاء الله ..
تقبل تحياتى و تقديرى ..