4 أغسطس 2008

يوم .. لكن غير كل الايام

تحـــــديث

تهنئة قلبية للاخت العزيزة / مها زين صاحبة مدونة انها الحياة

بمناسبة النجاح والتفوق وحصولها على المركز الاول كمان وعقبال الدكتوراة يا ست مها

وكفايه دح بقى انتى بقيتى سوسة خالص مش عاتقة سباقات ماراثون ولا ماجستير الرحمة حلوة برده

انا مش بقر ولا بحسد انا ماسك رجل الكنبة اهو ..

==========================

طبعا اسف جدا على التاخير بس بصراحة ظروف الشغل مخليانى مش مركز فى المدونة ولا متابعة باقى المدونات بانتظام بس بصراحة اليوم من روعته وجماله ما كانش ينفع نمر عليه مرور الكرام .

نعم كان يوم ولا فى الاحلام يوم التبرع بالدم بمركز المصل واللقاح


البداية كانت دعوة كريمة لحملة التبرع بالدم من الاخت العزيزة نوران ( بت خيخة) والميعاد كان يوم 1-8 الساعة العاشرة صباحا امام المركز وبما اننى بحب السهر وده غصب عنى بصراحة فكنت مش عارف اصحى ازاى وانا نايم الساعة 5.30 صباحا لكن سبحان الله الساعة 8 لقيت نفسى صاحى وكلى نشاط وكانى نايم ليه اسبوع، قمت فطرت ودى مش بتحصل ابدا ولكن استعدادا للتبرع بالدم ومش عايزين فضايح وسط المجتمع التدوينى نزلت متجها لمحطة المترو ركبت المترو ونزلت محطة الدقى انتظر والدى العزيز ابو خالد (ذكريات ابوخالد) ومدونى بورسعيد والاخ العزيز نيجرو وصلت المحطة 9.15 صباحا وطبعا عارف انهم مش هيوصلوا قبل 10.30 طبعا وبما اننى لوحدى فى محطة المترو والدنيا رايقة والجو مكيف طبعا جبت شيشة وقعدت على الدكة بتاعت العساكر اراقب حركة الركاب لقيت راجل كبير السن داخل عليه وبكل حزم بيقولى انت قاعد هنا خلى بالك فيه ناس بتعدى من فوق الحديد ومش بتقطع تذاكر انا طبعا ازبهليت ووشى احمروقولتله حاضر يا حاج من عينى انت تؤمر شوية ولقيت شاب بينادى عليه وبيقولى التذكرة اتحشرت فى المكنة تعالى شوفها طبعا على اساس انى خبير ومستشار فى المترو طبعا بكل برود رديت شوف حد تانى انا مش تبع هنا بصراحة .

شوية ولقيت سووو ( عجوز وعنده 30 سنة ) جاى من بعيد وبيضحك على منظرى وانا قاعد على الدكة وحسيت انه طمعان فى القعدة بصراحة بس الحمد لله ربنا ستر ولقيت ابو خالد حضر ومعاه جروب بور سعيد وفى نفس الوقت وصل نيجرو .

نيجرو كان معايا على التليفون وهو طالع سلم المترو قلت ايه اهو خلينا نرغى شوية علشان اعرفه وفعلا مجرد ما لمحته جريت عليه وخدته بالحضن وحسيت انى باعرفه من زمان قوى قوى هو انسان مجرد ما تشوفه تحبه ويدخل القلب بدون استئذان انسان جميل واخلاق وخفيف الظل لدرجة مش معقولة وطلع بيحب الاكل زى سووووو .

بابا ابو خالد طبعا بصراحة لو كتبت بكل لغات العالم عن هذا الانسان مش اقدر اوفيه جزء من حقه بجد تعجز الكلمات عن وصفه وعن حبه وحنانه للمدونين بجد بجد اب رائع بكل المقاييس وفعلا اجمل هدية فى عالم التدوين معرفتى بشخصه الكريم وبيزيدنى شرف ان الكثير بيعتقد انى ابنه حقيقى وده شرف وسعادة انى اكون ابن لهذا الانسان الاكثر من رائع .

سوووو بصراحة مش عارف اقول ايه واوصف مشاعرى تجاه ومدى حبى وتعلقى بهذه الشخصية يكفى انه تؤام روحى وبحس بجو من المرح والسعادة طالما موجود فى المكان انسان شفاف ويحمل بداخله فنان من الزمن الاصيل صاحب مبدا بمعنى الكلمة .

شيماء الجيزى واخيها عوض شخصية خفيفة الظل مرحة عشرية جدا جدا فنانة بجد وفكرها عالى قوى قوى .

ايناس ( نهر الحب ) انسانة رقيقة رائعة تفكيرها منظم جدا مهتمة بقضايا ومشاكل المجتمع الحيوية بحيى فيها جرأتها وشجاعتها ولباقتها وتمسكها بقضية الزواج والعنوسة والخرس الزوجى بكل استماتة .

نسمة اخت ايناس الرقة وخفة الدم والهدوء الذى يسبق العاصفة هههههههه هادية قليلة الكلام فى بداية اليوم وفجاة انفجرت ينابيع الحكمة والذكاء وبصراحة مبقيناش قادرين عليها ومتوقع انها اتبقى مدونة جامدة قوى لدرجة اننا هنقفل المدونات ونبيع مناديل فى الاشارات .

وصلنا مكان التبرع بالدم وطبعا كان اول المستقبلين ام العروسة صاحبة الليلة الرائعة بجد بت خيخة واى كلام اللى طبعا غنية عن اى وصف وتعريف يكفى انها انسانة رائعة استطاعت تجميعنا للخير وكفاية تحس بالفرحة فى عينيها بالتجمع وتحس انها عايزة تركب اجنحة وتطير بيهم وواخدة بالها من كل كبيرة وصغيرة وتحس انها اخت للجميع حتى بعد ما خلص اليوم ومشيت انسحبت بهدوء وبدون كلمة وداع علشان ما تحسسناش بغيابها وعلشان كده بقولها ربنا يجعله فى ميزان حسناتك ويبارك ليكى فى شريف ويحفظه من كل سوء .

جينا بقى للصداع المزمن والنحلة والدبور ابى هانم وخرفانها يبقى الجدعنة والشهامة وبنت البلد الجدعة قوى قوى بغض النظر عن طولة لسانها وايدها اللى هرتنى ضرب والمفاجاة طلع عندها دم واتبرعت وانا طلع ما عنديش دم وفضحتنى فضيحة بجلاجل بس احب اقولها انكم بتتبرعوا بدم خرفان اما انا عندى شربات بس .

فاتيما ( روح قلب ماما ) يبقى حنية الام وحنانها يبقى الاخت والصديقة الجدعة تحس انها من زمن الامهات الجميل بس برقة وشياكة زى هوانم جاردن سيتى كده ربنا يكرمك وتفرحى بيوسف يا ام يوسف ودايما معانا وقمر بتنور لقاءتنا بالبهجة والسعادة

مهندسة داليا صاحبة ام يوسف انسانة هادية ورقيقة وحاسس انها اتدخل التدوين قريب من فرحتها بالناس الموجودة .

داليا ( قوس قزح ) اراء جريئة ثقة بالنفس جدعنة وشهامة بلا حدود والجانب الاخر من ام العروسة ساندت خيخة معنويا فى المجهود الخاص بالمتبرعين وكانت مهتمة بالجميع بصراحة احب اقولك انى سعيد جدا بمعرفتك وكل يوم بعزك اكتر من اللى قبله ربنا يكرمك يا ام نور وتفرحى باولادك .

رودى ( بنوته مصرية ) خفة الدم المصرية والجدعنة بلا حدود يبقى العزيزة ام نور فراشة طايرة بينا بخفة دمها وروحها المصرية الاصيلة والف سلامة عليكى يا ام نور وسماح المرة دى علشان خاطر نور .

ايهاب ( الشنكوتى الكبير ) شاب هادى رزين مختلف تماما عن تعليقاته سعيد جدا بالتعرف عليه ومقابلته بصراحة لانه انسان مهذب

كريم ( يوميات مطلق ) شاب مهذب رائع جدا وهادىء تتشرف بالتعرف عليه .

احمد كمال ( رحايا العمر ) اول مقابلة وعمرى ما دخلت مدونته بس انسان قمة الاحترام وكان من اجمل المفاجات فى اللقاء وسعيد بمعرفته جدا .

ابن حجر العسقلانى انسان محترم جدا خفيف الظل تحس انه مستمع جيد ومتحدث لبق .

هيثم الدهشان ( همسات العشق ) شاب صعيدى بيحمل الاصالة وعبق التاريخ هادى الطباع موهوب بجد .

محمد نوشه ( انا مش معاهم ) ولا انا معاهم شاب مصرى بيحمل جينات الجدعنة والرجولة سعيد انى شوفته طبعا

المنسى شاب هادى محترم عايز يتعرف على الجميع

ضياء صاحب اجمل اغماءة فى الدنيا وبقى اشهر من عبدالسلام النابلسى انسان طيب جدا وعشرى وسعيد بجو الاسرة وحابب يتعرف على كل الناس .

مها مهاميهو ( احسن تستاهل ) صاحبة اشهر واخف دم فى التعليقات كانت بتجننى وتفطسنى من الضحك من تعليقاتها طلعت يا عينى بنوته صغيرة تطلع فى كى جى تو وقال ايه لسه بتشرب شاى بحليب كانت قاعدة هادية مستغربة الجو يعنى بس من جواها عايزة تتلامض وتنكش بس مكسوفة قال عندها دم يعنى ( شوية من اللى بتعمله فيه ) بس سعيد انى شوفتها بصراحة.

ميرا ( امراة بعقل رجل ) بنوته شقيه بس جدعة ومرحة مع انى متعرفتش بيها قوى بس جدعة برده .

احمد الصباغ كبير العيلة التدوينية واستاذ قلم المرور وتنظيم اللقاءات وادارة الحوار وطبعا ده غنى عن التعريف واللى دايما ببقى سعيد بمقابلته واهتمامه بالمدونين .

عروسة اليوم وكل يوم د/ مروة عامر ( لماضة ) كل سنة وانتى طيبة وعقبال 100 سنة وكل سنة وانتى وسطنا لماضة هانم اللى مشفتش لماضتها غير فى المدونة اما فى الواقع بنوته رقيقة وهادية وبتتكسف من خيالها ووشها بيحمر بس انا بعشق لماضتها بصراحة وليها معزة خاصة عندى وببقى سعيد بوجودها وسطنا وبحب اسمع كلمة ماما فاطمة منها وهى بتجرى ورا فاتيما .

سلوى سمير ( استرها يارب ) رئيسة حزب الاحلام ياعينى على الهدوء والدماغ العالية واختها سالى حاسس انهم مستغربين الجو شوية بس كانوا مبسوطين من نظرات عينيهم وطبعا الحاضر الغائب مفقوعة مرارتها سحر الشهيرة بسوسو طبعا ما حضرتش لانها فى زيارة خاصة للست فيفى وتستاهل اللى هيجرى فيها طبعا انا شمتان فيها بصراحة بس بحس انها بتقعد مع فيفى تتعلم منها فن الحموات وتطلعه على الرايق وعياله ربنا يجعل كلامنا خفيف عليها .

دعاء ( مواجهات ) والكلام الكبير قوى والتخبيط وفى الاخر طلعت يا عينى على الهدوء والرقة والخجل ولا اعرف مين دعاء مواجهات بس بصراحة كنت سعيد جدا انى قابلتها مع ان الظروف ما سمحتش اننا نتكلم مع بعض بس خيرها فى غيرها والجيات اكتر مش كده .

بصراحة دول اللى افتكرتهم من الناس اللى كانوا موجودين وانطباعى عنهم .

طبعا خلصنا التبرع وانا طبعا متبرعتش بصراحة وكنت مضايق قوى بس سعيد انى بشارك معاهم وكنت مستعد لنقل الضحايا وخصوصا البت ابى بس ربنا ستر وهى اللى قامت بنقل المصابين ببطوط لنادى الزراعيين بعدها اتجهنا الى النادى ورحنا نصلى الجمعة فى مسجد اعتقد انه على حدود الجيزة الشمالية ولبست قبقاب اه والله لبست قبقاب زى بتاع شجرة الدر ولقيت الواد سوووو بيبص وبيضحك عليه وعايز يعمل الدنيئة ويصورنى بس على مين عيب بس ايه ما كدبش خبر استفرد بنيجرو وصوره وكمان صور نفسه هما كده المبدعين عندهم ربع ضارب .

بصراحة اليوم كان روعة وغاية فى الجمال وقضينا يوم فى منتهى السعادة لدرجة انى زوغت من الشغل والموبيل فصل شحن ونسيت الدنيا بحالها.وانتهى اليوم بوداع اغلى الناس ابو خالد واهل بورسعيد وكان نفسى ارجع البورصة تانى علشان اشوف نيجرو بس مع الاسف ما لحقتش اسلم عليه ولا اودعه .

بصراحة التغطية الجامدة قوى للحدث ممكن تلاقوها هنا زى مابحلم لفاتيما-- وقال تدرى لسوووو.

هناك 53 تعليقًا:

مجلة علّي صوتك يقول...

غلطة وندماااااااااااااااان عليها
ماعلش تتعوض المرة الجاية واكون معاكم ان شاء الله

Unknown يقول...

رايح تتبرع بالدم و أنت مشيش ؟ يا أخي أتقي الله
:)

همس الاحباب يقول...

مجلة على صوتك
ههههههههه
غلطة وندمان عليها
خلى بقى فيفى تنفعك
منورة يا اخت سحر بس بجد اليوم كان جميل وكان نفسنا تكونى موجودة معانا
ويارب نشوفك دايما على خير
تحياتى اختى العزيزة

همس الاحباب يقول...

عاليا حليم
ههههههههه
لا يا ستى مفيش شيشة ولا حاجة دى مداعبة كانت مع ابو خالد
فيه شيشة فى محطة المترو يا شيخة
وبعدين انا الحمد لله غير مدخن اصلا
انا اخرى اتفرج عليها فى التليفزيون واشم ريحتها فى الكوفى بس
هههههههه
تحياتى وتقديرى

قوس قزح يقول...

يااااه
انت لسه فاكر ؟؟
ده معاد التبرع التانى خلاص قرب
صح النووووم

ما علينا

و بما انك ذكرت الكل
احب اضيف عليهم شخص انت نسيته

الشخص ده انسان مصرى جدع و شهم و تحس انه زى الاخ لك و دايما عينه على الكل يمكن حد يكون محتاج حاجة و دمه خفيف و حبوب بين الناس و اد المسئولية
و فى نفس الوقت هو اكتر واحد بحب اغلس عليه و اغيظه
الانسان ده هو انت يا ابو همس

يلا كفاية كده لحسن تتعود عليا كده تبقى كاااااارثة و معرفش اغلس عليك تانى

حنين القلب يقول...

هييييييييييييييييييييه
انا اول تعليق

حنين القلب يقول...

اروح اقرى وارجع بقى
طبعا انا عارفه انى ولا الاول ولا حاجه بس بستعبط
عااااااااااادى خالص

حنين القلب يقول...

وصاحى بدرى
وفطرت
على اييييييييييييييييه
منتا طلعت يا حرام
مش عندك دم
لا حول ولا قوة الا بالله
هنبقى نلم ليك ونجيب ليك فرخه مشويه
علشان فقر الدم والانيميا اللى عندك

حنين القلب يقول...

خالد
طيب واناااااااااااااااااا
انا ذنبى ايه ؟؟
انا كنت عامله حسابى انك هتتبرع ليه
دلوقتى هخلى مين يتبرع ليه
يا عينى عليكى يا حنين يا غلبانه
مش حد اتبرعلك
وعمال تذلنى وتقولى انا هتبرع وانتى لا
وتطلعلى لسانك
كده مش فيه حد احسن من حد
فرحااااااااااانه فيك

حنين القلب يقول...

خااااااااااااالود
معلش يا سيدى ولا تزعل
المرة الجايه تكون بقت صحتك احسن
وتكون حوشت حبه دم
والله همس لو كانت راحت كانت هتتبرع ولو بسرنجه
الله يرحم الصعايده
فيييييييييييييين الصعايده بتوع زمان كانوا بياخدوا منهم الدم بالخرطوم
وكل صعيدى ياخدوه منه نص حله كبيرة دم
ويقوم يجرى ولا كانهم اخده منه حاجه

خالد الصراحه ومش هخبى عليك
شكلك وحش اوووووووووووووووى

حنين القلب يقول...

سيبك بقى من الهزار ده كله
بجد تغطيه هايله لليوم
وعرفتنى على الناس كلهم
وانبسطت اوى انى اخدت عن شخصياتهم فكرة
ربنا يبارك فى اللى اتبرع واللى مش اتبرع ويجعل اليوم ده فى ميزان حسناتكم

جزاكم الله خيراً

Mahmoud البطراوى يقول...

دا واضح انه كان يوم جامدبجد
كلكم اتبسطوا جامد
ياله بقى احقد عليكم شويه

ههههههههههههههههه

وربنا يسهل المره الجايه

رئـــــيسـة حزب الأحلام يقول...

ماشاء الله اليوم فعلا يستاهل التغطيه دى بجد والناس ماشاء الله عمالة تكتب عنه وعن حلاوته بجد ناس جميلة ومحترمه
وحضرتك مجدع اوى بجد اولاد البلد بحق
بجد الواحد حس ان مصر لسه بخير
وفيها ناس يخلوا الواحد يطمن ان فى ناس فى مصر لسه ولاد بلد وولسه طيبه بالشكل دة
انا بحمد ربنا انى عرفت ناس بالجمال دة
تحياتى للجميع

عاشــــــ النقاب ـقــــة"نونو" يقول...

السلام عليكم
في ميزان حسناتكم باذن الله وان شاء الله العام القادم اكون معاكم واريق دمي للخير هههههههههههههههههه
الحمد لله على كل حال للاسف زوجي موعد التبرع بتاعه محتلف عن ما بتحددوه يلا المهم يحصل
كل عام وانتم بخير وعلى الخير ةالطاعة دائما متجمعين
تحياتي

كريم بهي يقول...

تحياتى لمدونتك ارائعة
وكلامك الرائع دا عن اليوم الرائع

بس بصراحة بحترم كل اللى يقدم شئ للناس
فما بالك وان كان دمه

تحياتى العميقة من قلب عميق

الشاعر كريم بهي

بدعوك لزيارتي

Unknown يقول...

خالد
ابو همس
نسمة شكلها هتتخانق معاك
هدوء ويسبق العاصفة
اقولك سر ( هى العاصفة نفسها ) بس دا بينى وبينك يعنى
بصراحة انت بوستك يجنن ودمك خفيف جداا وشكرا لك على اليوم الجميل ولفاتيما ولخيخة وقوس قزح وكل اللى
استضافونا

بجد ربنا يديم الود والاحترام

Unknown يقول...

على فكرة يا همس الاحباب
يا خالد بيك
انت نسيت تقول انك مصرى جدع طيب وكريم ومحترم وخلوق
كل الصفات الحلوة اللى بجد مش بقت موجودة كتير فى كل الناس
لكنها متجمعه فيك مع خفة ظل وروح شديدة


ربنا يوفقك يارب

همس الاحباب يقول...

قوس قزح
هههههههههه
لسه صاحى من النوم من ساعة التبرع بالدم
انتى عارفة انى تبرعت ب15 كيس ونص
وبصراحة نص الكيس هو اللى تعبنى قوى
امممممممممممم
كده انا اصدق واغتر وتبقى مشكلة
هههههه
ربنا يكرمك ويبارك فى حضرتك ده من ذوقك
وربنا يعلم مقدار احترامى ومعزتى لحضرتك مع انى عارف اننا برده زى ناكر ونكير
تحياتى يا ام نور

همس الاحباب يقول...

حنين القلب
هههههههههههه
سلامة نظرك يا حنين
انتى فعلا اول تعليق

همس الاحباب يقول...

حنين القلب
انتى بتعرفى تقرى زينا
طب كويس
بس خلى بالك من نفسك اوعى توهى

همس الاحباب يقول...

حنين القلب
هههههههه
انا فطرت علشان اشيل المغمن عليهم اللى زيك كده
وفقر دم وانيميا
الحكاية مش كده خالص
هما عايزين دم
بس اللى عندى طلع شربات
واخدة بالك انتى
والفرخة متنازلة عنها يا ستى بالهنا والشفا

همس الاحباب يقول...

حنين القلب
ههههههههه
حد قالك اتكلى على حيطة مايلة
تستاهلى
وبعدين شدى حيلك انتى وتعالى
اتبرعى ليه وليكى المرة الجاية
بس يارب يلاقوا دم اصلا
شمتانة فيك ههههههه وانا كمان شمتان فى نفسى

همس الاحباب يقول...

حنين القلب
هههههههههه
ههههههههههه
لا بجد انتى فقر
بياخدوا منهم ايه بالخرطوم على اساس انهم بيسحبوا من حنفية المياه العمومية
وبالحلة كمان ليه هما فى السلخانة والمرحوم عجل بتلو مثلا
وياترى خرطوم مطافى ولا عصاية مصاصة
ههههههه شكلى وحش فى المجتمع التدوينى
انا بقول كده برده

همس الاحباب يقول...

اسف لقطع التعليقات
استاذ كايرو كمبيوتر ارجو اضافتى عندك على الايميل لنتحدث خارج المدونة
لتوضيح بعض النقاط الهامة
واسمحلى بحذف تعليقك لاسباب ما
ايميلى
KH_CYC2006@HOTMAIL.COM
KH_CYC2006@YAHOO.COM

همس الاحباب يقول...

حنين القلب
ربنا يبارك فى حضرتك
ويبارك فى الجميع
ويجمعنا دايما على خير
تحياتى اختى العزيزة

همس الاحباب يقول...

بطوط حبوب
احقد براحتك يا دكتور
المهم المرة الجاية تكون معانا
وتنورنا ونسعد بلقائك
دمت اخ كريم
تحياتى وتقديرى

يوميات فنانه مفروسه جداا يقول...

وانا وانا وانا وانا

كنت معاكو والله

انا البنت الفنانه المفروووسه

بس بجد بجد سعيده جدا جدا اني شوفت حضرتك

مكلمتش معاك كتير بس والله احساس كده بأخونا الكبير قاعد معانا

ربنا يبارك فيك يا رب والمره الجايه تجيب همس عشان ارسملها علي وشها بالالوان

تقبل مروري الاول

سلام

غير معرف يقول...

كخخخخخخخخخخخخخخخخخخ

دي ضحكة وربنا هههههههههه

ايوه عندي دم بس حسيت اني لو اتبرعت على طول في الايد التانية هتتبرعولي انتو بدم :)

يا اونكل خالد الشاي بلبن ده من مقدسات العيلة وتقاليدها وانا لا ينكن لا ينكن اتنازل عنه مهما يكووووون مهما يكووووووون
ابدا تاتاتاتارارا أبدا تاتاتاتارارا

شفتني وانا عامله هادية ومؤدبة بنت ناس؟؟ بصراحة انا أشقى من كده بس كنت جعانة عشان كده سكت هههههههه

حححححححححححح
بس خلاص
:)

مها ميهوووو

مدحت محمد يقول...

ربنا يتقبل منكم ان شاء الله يارب

فاتيما يقول...

إيه دا
البوست دا إنكتب غمتى ؟؟
أنما كنت فى غبيوبة و لا إيه ؟؟
طب معلشى المهم لحقت أعلق و خلاص
واد يا خالود
مش عيب لما تطلع على أختك الكبيرة فاتيما أوشاعت ؟؟
مين دى اللى من هوانم جاردن سيتى ؟؟
انا ساكنة فى وسط البلد يا عم
ثم مين دى اللى هانم ؟؟
و الله إنتوا واخدين فيا قلم متين
و محترم قوووى
بكرة تندم يا جميل
لكن لحين بكرة ما ييجى
عاوزة أقولك إنك من الناس القلائل اللى بعد ما رجعت من المنفى بتاعى اللى إطمنيت ليهم و بمشى جنبهم و أنا حاسة إن ليا ضهر جامد أتسند عليه
و ربنا يخليك لينا كلنا
و منتحرمشى منك أبداً

دعاء مواجهات يقول...

عزيزى أستاذ خالد

سعدت اكثر بلقائك بجد

كان يوم حلم او بمعنى اصح ساعتين حلم جمييل اوى

اشكرك ع الكلام الجميل عنى

اتشرفت بمقابلتك

بس اية رايك عرفتك من اول نظرة

هههههههههههههههه

سلااام

Empress appy يقول...

خالد يا هم الاحباب
ربنا يكرمك يا رب شوفت انا سكت ومش سيحت ليك تقوم انت تجيبها لنفسك تستاهل هههههههههههههههههه

حنين القلب يقول...

اهلا ومرحباً بكم فى مدونه حنين القلب
ايوة يا جماعه دى مدونتى الجديده
ونردعلى التعليقات
ولا اقولكم كفايه خالد رد
لان ده اخر رد هينزل ليه فى مدونته لالالا قصدى مدونتى
بس والنبى قولولى حلوة انى خليته نايم واخدت مدونته ؟؟؟
خالد مش تيجى هنا تانى انا هغيير اسم المدونه وشكلها وهعملها قوضه مسافرين ساعات مدونتى بتبقى مليانه اهه اضيفهم هنا شويه
حد يجيب قفل نقفل المدونه علشان انا ماشيه
(وش بيطلع لسانه وبيغيظك يا خالود)

إشراقة أمل يقول...

همس الاحباب
دي اول زيارة لى
بجد بوست جميل وتغطية اجمل
ربنا يوفقكم ويجزيكم خير وان شاء الله هيكون في ميزان حسناتكم
وكان نفسي اكون معاكم بس يلا احنا كمان بنتبرع بدم وكتير كمان لدرجة اننا شوية كدا وهنستوردة من قلتة
تحباتي
اشراقة

همس الاحباب يقول...

رئيسة حزب الاحلام
اهلا وسهلا بالهدوء والعقل
ازيك يا سلوى
والله انا اسعد بمعرفة حضرتك وبكل الحضور
احنا اخوات طبعا وربنا يديم المعروف
ونجمع دائما على خير
تحياتى وتقديرى

همس الاحباب يقول...

عاشقة النقاب
اهلاوسهلا بحضرتك
وان شاء نلتقى على خير دايما
بارك الله فى حضرتك وفى زوجك
تحياتى وسعيد بزيارة حضرتك

همس الاحباب يقول...

كريم بهى
منورنى اخى الكريم
وشكرا لكلماتك الرقيقة
ويسعدنى تشريفك الدائم
تحياتى

همس الاحباب يقول...

نهر الحب
هههههههه
اتتخانق معايا انا برده
بس نتقابل واحنا نهدى النفوس باذن الله
ونشوف العاصفة قصدى نسمة
الله يكرمك ده من ذوقك بصراحة
وربنا يبارك فى حضرتك ويديم المعروف
تحياتى

همس الاحباب يقول...

نهر الحب
اه مين ده انا
اكيد غلطتى فى العنوان هههههههههه
ربنا يكرمك ده من ذوقك وكرم اخلاقك بس
لانك بصراحة انسانة اخلاق وصاحبة فكر كمان
اشكرك شكرا جزيلا
تحياتى

همس الاحباب يقول...

يوميات فنانة مفروسة
الفنانة الجميلة
اسف جدا والله مع انك على بالى وانا باكتب البوست بس الزهايمر وانت عارفة حكم السن
بس بجد انا اللى سعيد جدا بمقابلة حضرتك وسعيد طبعا بزيارتك واتمنى التواصل
وهمس اكيد ان شاء الله هتكون معايا المرة الجاية وارسمى فراشة ونحلة وكل اللى نفسك فيه
تحياتى اختى العزيزة

همس الاحباب يقول...

مها مهاميهو
ههههههههههه
يخرب بيت فقرك
مصيبة بجد
انا عارف انك شقية بس دى اول مرة تشوفينا وكنتى مكسوفة مش كده
انا عارف انك وش كسوف
وفى الاخر طلعتى جعانة كمان ههههههه
طب قولى كنا جبنا سندوتش مع الشاى بلبن
بس بجد كنت سعيد بوجودك وبالتعرف عليكى والمرة الجاية نستمتع بشقاوتك
تحياتى اختى العزيزة

همس الاحباب يقول...

مدحت محمد
اللهم امين
شكرا لزيارتك ومنورنا دائما
تحياتى اخى الكريم

همس الاحباب يقول...

العزيزة الغالية ام يوسف
هههههههه
مش اوشاعت يا اختى دى الحقيقة
احنا شايفين اختنا كده عندك مانع هههههه
بس يا ترى قلم حبر ولا رصاص تفرق مش كده
بالعكس والله انتى شىء جميل وسطنا وكفاية حنانك وخوفك علينا
انتى نعم الاخت يا ام يوسف
وربنا العالم بمعزتك عندنا
ودايما كلنا فداكى يا ام يوسف
وربنا ما يحرمناش منك ولا من حنانك وقلبك الكبير
تحياتى وتقديرى

همس الاحباب يقول...

دعاء مواجهات
انا اللى اتشرفت بمعرفة حضرتك
وسعيد جدا بمقابلتك وعامة الجيات كتير
يا سلام مش انا اللى جيت سلمت الاول
هههههههههه
تحياتى وتقديرى

همس الاحباب يقول...

ابى هانم
اختى فى الرضاعة
يابنتى هو حرف السين ضايع من الكيبورد ولا ايه
وبعدين مش احنا متفقين نعمل هدنة 3 ايام فين الاتفاق بس
ههههههههه
لربنا يكرمك ويسعدك يا ستى وما يحرمنيش منك
تحياتى

همس الاحباب يقول...

حنين القلب
ههههههههههه
اهلا وسهلا بحضرتك منورة السلم
المدونة وصاحب المدونة تحت امرك يا ستى
يا سلام بس المهم نشوف مين هيحتل مدونة مين
ويا خوفى يا بدران
لتطولى همس الاحباب ولا حنين القلب
وتقعدى على السلم كعادتك
وقد اعذر من انذر
هههههههههه

همس الاحباب يقول...

اشراقة
اهلا وسهلا اختى العزيزة
منورة المدونة وسعيد جدا بزيارة حضرتك
وربنا يبارك فى حضرتك
وربنا يكرمك ويسعدك دايما
تحياتى

د. إيمان مكاوي يقول...

أستاذ خالد
وصفت اليوم الهايل ده وصف جميل ...بارك الله فيكم وفي تجمعكم على الخير
تحياتي

حاجات جوايا يقول...

يوم جمييييييييل
ربنا يجمعكوا دايما فى الخير
وكل سنة وانت طيب يا ابو همس

سالى

زُمُرده يقول...

الله الله
ماشاء الله باين كان يوم تحفه جدا جدا

ربنا يبارك في الجمع ده ويجعل بيه خير كتيييييييير

بقى متبرعتش بالدم
؟؟؟؟؟؟؟
ايوه يا عم بس اخدت الثواب

ربنا يبارك في صحتك وتتعوض باذن الله

Ahmed Kamal يقول...

أستاذ خالد أنا سعيد جدا لأننا اتعرفنا ، و أرجو تكون معرفة خير دايما ، و أشكرك على ذوقك و أخلاقك .

تحياتي لك .

Asmaa mahaba يقول...

الاول مبروك لمها ومن نجاح لنجاح ان شاء الله
بطل حقد يا همس عيب كدا
وش مطلع لسانه
اه انا كان نفسى اجى فى اليوم دا والله بس مفيش نصيب

مواطن مصرى نايم يقول...

طب يا خلود اتفقتوا اللقاء حيكون فين
ان شاء الله يبقى اللقاء جامد
حتنوروا اسكندرية
تحياتى للراعى الرسمى
و لابن الراعى الرسمى

اسلام