12 يونيو، 2008

مجرد فكرة

اصبح عالم التدوين عالم واقعى وليس افتراضى كما كنا نظن فى بادىء الامر فمنذ حفل توقيع العدد الاول لكتاب مدونات مصرية للجيب ( مشروع وطن ) والتعارف بين المدونين وروح المودة والالفة التى جمعت بيننا كمدونين ومدى السعادة والفرحة التى انتابت كثيرا منهم بمعرفة اشخاص واصدقاء يكنون لهم قدر كبير من المودة والاحترام مما ادى الى عقد لقاءات متتالية ومقابلات وتجمعات كثيرة ومنها على سبيل المثال اللقاءات الدورية على مقهى البورصة لشخصيات جديدة فى عالم التدوين وكذلك الاجتماع النسائى بنادى الزراعيين التى تولت الدعوة له الاخت العزيزة نوران الشاملى صاحبة مدونة بت خيخة واىكلام وكم كان الاجتماع جميل وتم التعارف على شخصيات جميلة فى عالم التدوين وكم كانت السعادة فيما بينهم بهذا التجمع وده كان واضح من خلال التدوينات التى تحدثت عن هذا التجمع الجميل .
كذلك الفكرة الرائعة التى تبناها اخى وصديقى محمود صاحب مدونة رئيس جمهورية نفسى فى انشاء مدونة جديدة باسم العدالة للجميع لمساعدة الاخوة المدونين فى حل بعض المشاكل التى تصادفهم من الناحية القانونية باعتبار انه محامى طبعا .
وكذلك فكرة الرائعة والمتالقة دائما اختى العزيزة ابى هانم بانشاء مدونة بيكيا للبيع لمساعدة المدونين فى بيع الاشياء القديمة وغير المستخدمة على اعتبار انها الحج عبدالغفور البرعى فى وكالة البلح .
ومن هذا المنطلق وحرصا على زيادة الترابط الاسرى بين الاخوة والاخوات من المدونين وزيادة اواصر التواصل والود فيما بينهم هناك بعض الاقكار البسيطة لتحقيق جزء من تلك الترابط تناقشت مع بعض الاخوة بشانها واعرضها على حضراتكم للمشاركة فيها بارائكم ومقترحاتكم البناءة :
الاقتراح الاول:
-عمل اجتماع دورى وليكن شهريا لتجمع اكبر عدد من المدونين ومناقشة اهم القضايا التى تخص السواد الاعظم من المدونين على ان يكون الاجتماع بالقاهرة وفى بعض المحافظات التى بها تجمع كبير من المدونين لاتاحة الفرصة للتعرف على اكبر عدد من الاخوة المدونين .

الاقتراح الثاني:
- تنظيم رحلات مصيف جماعى للمدونين واسرهم ببعض المدن الساحلية خلال اشهر الصيف .
الاقتراح الثالث:
-الاعلان عن تنظيم حفل افطار جماعى فى شهر رمضان المعظم لكافة المدونين فى احد الاماكن التى تتميز بطابع اسلامى بحيث تكون وجبة الافطار فى متناول الجميع ( وممكن نفطركم على مائدة الرحمن فى الشارع )
الاقتراح الرابع :
- تنظيم رحلات دورية لزيارة بعض المناطق السياحية والمواقع التاريخية بمصرنا الحبيبة .
الاقتراح الخامس :
- عمل حملات دورية لزيارة بعض المستشفيات وخاصة مستشفى 57357 لعلاج سرطان الاطفال وتقديم بعض التبرعات النقدية اوالعينية او المشاركة المعنوية للاطفال المرضى وكذلك زيارة بعض دار المسنين وقضاء بعض الوقت مع كبار السن وتعويضهم الحرمان من زيارة ابنائهم وعقوق بعض الابناء واهمال المجتمع لهم وكذلك دور الايتام وذوى الاحتياجات الخاصة وقضاء بعض الوقت مع هؤلاء الاطفال وادخال السرور على انفسهم .
طبعا اضافة الى حملات التبرع بالدم التى تقوم بها المبدعة دائما الاخت العزيزة بت خيخة واى كلام واللى هى مش خيخة خالص بصراحة .
تلك مجرد افكار ورؤى بسيطة للمناقشة وفى انتظار اقتراحاتكم البناءة .
دمتم جميعا بخير...

تضامنا مع حملة لغتى ..هويتى

اضغط هنا

هناك 64 تعليقًا:

funckydoctor يقول...

فكرة بس ما تنسونيش
أنا لسه مدون نونو بس برضه
تحياتى

د/اجدع بنوته يقول...

ابو .. همس الغاليه

فعلا افكار وخطط ولا اروع

وهو ده دور المدونين الحقيقى

ومش بس يساعدوا بعض

لا ويساعدوا كل اللى حواليهم كمان

وباذن الله نخلص بس اجازه

وهنعمل معسكرات والعاب للصباح الباكر

ابقى هات همس تلعب معايا

اوعوا تعملوا حاجه م قبل ماخلص انا امتحانات

اعلن تضامنى الكامل العامل التام

لبرنامج خضرتك

وم فوق الكرسى اعلنها عاليه

اخترناااك .. اخترنااااك

بس متنسنيش ف سندوتشين .. زى لماضه كده

(( وش بيغمز ,, نياهاهاها ))

(احمد سكر ) يقول...

فكره ممتازه ياخالد

انا معاك قلبا وقالبا


تحياتى لشخصك الرائع

اخيك
احمد سكر

Tamer Nabil يقول...

السلام عليكم

ازيك ياخالد

بجد افكار جميلة وقيمة

ربنا يكرمك يارب

تحياتى

قلب أبيــض يقول...

السلام عليكم
اولا
احييك على المدونة

مميزة حقا
والاقتراحات بجد بجد
رائعة
وياريت
وبقولها من قلبى

يارب تتتحقق ولو نصها بس
ونجتمع ونتعرف على بعض
بدل الكام عن طريق المدونات بس

ارق تحياتى اخى

وانا معك متضامن مع حملة
لغتى هويتى

عبده الرايق يقول...

طبعا انا مش موافق
اتعب نفسى واركب مواصلات وادفعلى حنطور مواصلات وفى الاخر تضحكوا عليا وتفطرونى فى مائده الرحمن
لا يا عم انا مش لاعب معاكم
هى كلها فركه كعب لحد ميدان الاربعين وادخل اجدعها مائده وافطر براحتى
اما بقى لو الفطار فى الشيلتون او الهيراتون
وهتوزعوا علينا خروف العيد هديه انا موافق
وعلى فكره
انا ممكن اكلم ماى فرند المحافظ يخصص لنا حته ارض عشره او عشرين فدان فى ميدان رمسيس
ونعمل المائده براحتنا

عبده الرايق يقول...

اخى العزيز خالد
دمت بخير اخى العزيز
بجد اقتراحات جميله جدا جدا تنقلنا الى العالم الواقعى من خلال نخبه من الاشخاص قد التقوا سويا فكريا قبل لقاءهم المباشر
فما اعظم اللقاء الفعلى والواقعى المسبق بلقاء فكرى ربما قد امتد شهورا بل وربما تكون اعواما
انا معك فى فكرتك قلبا وقالبا
ولكن دعنى احدثك لاول مره كصاحب مدونه عبده الرايق وليس عبده الرايق
ربما لاتسعفنى ظروف عملى الى اللقاء الشهرى ولكن سأبذل قصارى جهدى للانضمام اليكم
دمت بخير اخى خالد والى الامام دائما

أبو خالد يقول...

أبنى و حبيبى الغالى /خالد
أفكارك جميلة جدا يا خالد
فعلا نحتاج إلى هذة الألفة و التوحد
أنى أكتشفت أن كل منا يحتاج للأخر
بشكل أو بأخر
أنا معك قلبا و قالبا
أنى أحبك فى الله

سلوى يقول...

ما شاء الله أفكار جميله

ربنا يوفقكم دائما للخير

وفعلا عالم التدوين فيه ألفه غريبه
ما شاء الله ربنا يديمها

تحياااتي

سومه...مجنونه فى بلد عاقل يقول...

ايه الافكار اللى تودى فى داهيه دى
كدا حيفتكرونا حنعمل انقلاب الله يسامحك يا همس
تحياتى ليك سومه_87

nigro يقول...

و الله يا خالد بيه الواحد بقى حاسس بجد إنه بقى عنده عيلة تانية .. اخوات بجد بيطل عليهم كل يوم .. بيتكلموا معاه و بيتكلم معاهم .. احنا بجد نستاهل جايزة نوبل على على تحوير فكرة المدونات من مجرد صفحات نت لبيوت فيها بنتقابل و بنسمع بعض و بنرد على بعض
اقتراحاتك دي في غاية الروعة و بالذات التجمع على الإفطار في رمضان ده في ظل جو رمضان الروحاني ده جو تاني من حب و ألفة .. يااااه يا أستاذ خالد .. بجد متعة المتعة
أنا بقيت بجد بأتمنى إني أخلص ارتباطي بالكلية و مشروع التخرج علشان أقابل الناس دي اللي أخدت أماكن في القلب و العقل
بجد تحياتي ليك يا أستاذ خالد يا مجدع يا ابو قلب طيب
بجد تحياتي ليك

يلا سلام

فاتيما يقول...

أنا معاكو يا إخواننا فى المشواير اللى أقدر عليها
و الباقى أنا هستندل و أبقى خيخة
مع الأعتذار لنوران حبيبتى
الإقتراحات دى متجيش إلا من حد زيك يا خالد
جدع و اخلاق
تحياتى يا أبو همس
يا مجمع الأحباب كلهم فى الخير

آخر العنقود يقول...

موافقوووووووووووووووون
:)
لا بجد افكار جميلة كفاية الصحبة واللمة الجميلة اللى بتكون موجودة وروح الالفة
ربنا يديمها علينا نعمة
ويجمعنا دايما فر الخير
بجد دى بقت عالم تانى واسرة جديدة لكل واحد فينا

تحياتى ليك على هذه الافكار

ayman badr يقول...

جميلة قوى الفكرة وانا معاك فيها بس تقولولى قبلها بس
سلام

مواطن مصري يقول...

فكرة حلوة
بس فين بقى قهوة البورصة؟؟؟؟ و التجمع هيكون امتى
؟

دعاء مواجهات يقول...

والله افكاار كلها تحفة وزى العسل

بس تعرف اية المشكلة بقى ان لو المدونة ست او بنت راجلها او المسئول عنها مش هيوافق غالبا هما كلهم كدة ديكتاتوريين

اة بمناسبة الديكتاتورين.......

باركيلنا فتحنا مدونة جديدة

اسمها( على حريتنا)
منتظرينك

http://3la7orytna.blogspot.com/

انا وعبدالله (واحد انسان)

ومعانا نااس تانية كتيييييييير

وانت كمان اكيد ولا فية مواانع؟؟

منتظراك وكل الناس العسولين دوول

بيس

ٍSOU يقول...

افكار هايلة ياريت تتنفذ بجد .. كل فكرة محتاجة واحد يبدء فى نتفيذها و دعوة الباقى ليها ..زى ما كل مركب ليها ربان واحد..

appy يقول...

يا جامد يا افكارك انما رحلات انا نووووووووووووو يا عم انا ما بصدق افك منكم مش كفايه بتطلعوا ليه فى الاحلام يا ساتر عليكم هههههههههههه

مروة جمعة يقول...

صباح الفل يا خالد
والله كنت مفتقدة عالم التدوين كله
بجد ربنا معاكم ويقويكم
وحلو اننا نحب بعض ونتجمع
ربنا يبارك فيهم وفيك
اقتراحاتك تستحق التفكير خاصة فيما يتعلق بالتبرع بالدم بس من غير أكياس فاسدة الله يكرمك
هههههههههههه
صباحك ورد

رئيس جمهوريه نفسى يقول...

خلود حبيب قلبى
بص يا غالى موضوع فطار رمضان والله العظيم والله العظيم انا كنت بفكر فيه وتقريبا اتعمل السنه الى فاتت قررو اليوم وانا جاى باذن الله
موضوع الاجتماعات الشهرية دى حسب ظروف الشغل بس حددو مواعيد
وعلى راى اعضاء مجلس الشعب
موافـــــــــقـــــة

هيثم الدهشان يقول...

خلود صباح الفل
انا قريت البوست كويس والاقتراحات فعلا هايلة بس المهم اننا نجتمع كلنا فى لقاء ممكن نحدد مكانه وميعاده بعدين ونقول ازاى نحول الاقتراحات دى لحقيقة
على فكرة البوست جامد جدا لما قريته افضل من اللى انتى حكيتهولى عنه

تقبل تحياتى

nonoymm يقول...

موافقة
موافقة
موافقة
انا معاااااكم معااااااكم
فكرة هايلة ربنا يكرمك يارب

زُمُرده يقول...

ايوووووووه ياجدعان فين الافكار دي من بدري

ايوه كده ردوا الامل فيا وف ناس كتير

انا بجد عجباني الافكار اووووووي

ولو اتحققت هكون فرحانه بيها اكتر منكم
لأني حلمت بيها زمان لما دخلت العالم الافتراضي وكان عندي امل اعيش واشوفه بيلمس الواقع

ربنا يوفقكم ويكرمك

Ahmed Al-Sabbagh يقول...

رائع

أول حد يكتب فى الموضوع ده بشكل منظم وجامد

وان شاء الله فى اول لقاء لى بك

هنتناقش فى الموضوع ده بالتفصيل

تحياتى

احمد

حنين القلب يقول...

والله يا خالد برافو عليك وطبعا اول الاماكن اللى نصيف فيها اسكندريه علشان اشوفكو واتعرف عليكو كلكم
واخرتها هتفطرنا فى رمضان فى مائده رحمن انا عارفه انك كرين بس مش لدرجه موائد الرحمن
بس بجد افكار هايله ونتمنى تتنفذ
سلام يا ابو همس

موناليزا يقول...

ربنا يكرمك استاذ خالد حقا اقتراحات جميلة وموضع التنفيذ وعاجبنى اوى الاقتراح الخامس لان ممكن يكون دايما
تقديرى لشخصكم الكريم

قوس قزح يقول...

جميلة الاقتراحات دى
و ان شاء الله اشارك معاكم .. بس الرحلات صعبة شوية

و بالنسبة لفطار رمضان ممكن يكون فى نادى بتاع اى نقابة او مكان زى الحسين بس سمعت انه فى رمضان خدمة المحلات و اكلها مش اوى

ايه رايك نخلى معاد كل شهر اول خميس فى الشهر زى تجمعات الناس زمان حوالين الردايو فى انتظار حفلة ام كلثوم .. اكيد انتظارنا للقاء ده مش هيكون اقل قيمة :)

تحياتى

حاجات جوايا يقول...
أزال المؤلف هذا التعليق.
حاجات جوايا يقول...

السلام عليكم ورحمة الله وبركاته

اقتراحات جميلة جدا أخى الفاضل
وخصوصااااااااااااا الاقتراح التانى

- تنظيم رحلات مصيف جماعى للمدونين واسرهم ببعض المدن الساحلية خلال اشهر الصيف

ويا سلام بقى لو تنظموها فى رأس البر تبقوا خدمتونى بجد ههههههههههه لانى طبعا مش هقدر اروح اى مكان تانى

بس المقابلة تبقى نسائية انا بقولكوا اهه .. انا مش بقابل رجالة .. أنتوا عايزينى أطخ ولا ايه ؟؟؟؟؟ هههههههههههههه

ياريت بجد تتنفذ

دمت بخير اخى الفاضل

سالى

عاشقه الفردوس يقول...

حلوة اوي الخطط والافكار دي


ربنا يباركلك ويخليلك همسسسسسسس

الربان يقول...

تحياتي

افكار جميلة و ايجابية...يارب الجميع
ينعاون فيها....

أعتقد ان الجميع محتاج الي مثل هذا الدعم..و التجمع خير وسيلة للترابط الاسري بين المدونين.


كل الاماني الطيبة بالتوفيق ..

تحياتي و تقديري

كاميليا يقول...

ههههههههههههه

طيب انا اعمل ايه دلوقت؟؟

ارجع يعنى؟

طيب ممكن ابقى اشترك معاكم لما انزل مصر فى اجازة؟

اعتبرونى مدون زائر حتى..

بجد افكار جميلة اوى اوى
ونبيلة جدا

ربنا يحفظكم جميعا
ويجمعكم دوما فى الخير يارب


تحياتى واحترامى

اوعى تفكر يقول...

جامده اوى الافكار دى
ودى تبقى روح التدوين ظهرت علينا
ونبقى مجتمع واحد متماسك مترابط
بس المهم الفطار هيبقى فيه لحمه؟؟؟؟؟؟؟

المنسى يقول...

السلام عليكم
مقترحات جميلة جد
بس فى مناه مش فى متناول الجميع والكل مش هيقدر يشارك بس أنا مشارك معاك فى أى حاجة إيجابية

تحياتى

بت خيخة وأى كلام يقول...

اولا ضحكتنى موووووووووووووت
على حكاية ممكن نفطركم على مائدة الرحمن فى الشارع
بس بجد فكرة حلوة فكرة الافطار الجماعى دى

المهم يا سيدى
انا معاكم فى حكاية مستشفى الاطفال والتبرع بالدم طبعا
وكمان عجبتنى فكرة المصايف للمدونين واسرهم
بالنسبة ان احنا نعمل لقاء فى محافظة من المحافظات
هى فكرة حلوة اوى
بس معتقدش ان الكل هيقدر ينفذها
وانا واحدة من اللى مش هيقدروا ينفذوها
لعدة اسباب
اولهم انى حرمة والحرمة فى بلدنا لا تملك قرارها بنسبة مية فى المية
ثانيا انى ام ومش هاشحطط الواد معايا
ثالثا ان الموضوع ده هيتكلف ماديا
وانا مش قاعدة على بنك
رابعا انى خيخة وده اهم سبب فى الموضوع

بس عموما اقتراحاتك كلها جميلة

وربنا يديم المعروف اللى بين المدونين وبعضهم

تحياتى ليك
اختك خيخة

Soooo يقول...

هممممم

بص يابو همس يا غالي
اولا الفكره اللي انت اتكلمت فيها .. اتكلمت فيها انا وعبد الرحمن فارس وهيثم الدهشان يوم ما جيتلنا عالبورصه ومحمود رئيس جمهورية نفسي كان في مصر
وقعدنا ننقح ونفكر وكده
والفكره دي انا اتكلمت عنها قبل كده في اللينك ده
http://soooo-30.blogspot.com/2008/02/blog-post_08.html
او في موضوع اسمه صحابي المدونين .. وحلمت زيك بالحلم الجميل ده
وناس كتير قوي قالت دوس واحنا معاك وكلام زي الورد
وفي الاخر .. ولا الهوا

بص يابو همس
المدونين اللي عندهم استعداد يعملو حاجه .. هم احنا .. الناس اللي بتتجمع في ايام الخميس بس
انما الناس اللي بتيجي ساعة توقيع كتاب ولا بتيجي في اي مناسبه .. مش بيجو ولا هيعملو حاجه
اقولك
دوس انت .. وانا معاك
انا مش عايز احبطك
بس للاسف انا مريت بالتجربه دي وحلمت زيك
وفي الاخر خدت قلم عدالة قوي على قفايا
لدرجة ان ده هو السبب الرئيسي اللي بناءا عليه هسيب عالم التدوين بعد ما اخلص مذكرات طفل طخين .. لاني كنت فعليا ابتديت في المذكرات اول ما فكرة صحابي المدونين اتخمرت

وربنا يوفقك يابو همس .. ويوفق كل الناس للخير

سلامي لهمس


سلاموووووووووووز

امل يقول...

السلام عليكم
أفكار جمييييييلة جدا .. والله الواحد بقى بيحس كأنه وسط أهله في العالم الجميل ده بيفرح لفرحهم ويحزن لحزنهم او تعبهم كأنها أسرة واحده كبيرة وجميله بس المشكلة بقه في الناس المقيمة في محافظات بعيده أو اللي في الخارج .. كده هتفوتهم الحاجات الحلوة دي .. خالص تحياتي وتقديري

مجداوية يقول...

السلام على من اتبع الهدى

تحية وسلام ومرور الكرام على اخينا الهمام الشهم الانسان

نسألم الدعاء

shreen يقول...

افكار جميلة
والاجمل انها كلها واقعية وقابلة للتنفيذ

وانا فعلا شفت مدونة محمود الجديدة

ومستنية الفطار على مائدة الرحمن

Tamer Nabil يقول...

ازيك ياخالد

اخبارك اية

الحلقة الثانية من ارض النور نزلت

تحياتى

عًٍمًرٌٍوٍ آلنْوٍبٌَِى يقول...

الله الله بجد شوية مقترحات جميلة جداااا
وكلها نقدر ننفزها ان شاء الله
بجد انا سعيد لروح المحبة والود والتعاون الى موجوده بين كل المدونين
ويارب نفضل كلنا كده مع بعض ونقدر نقدم حاجه تفيدنا كلنا بعون الله ..
مع انى برضو لسة مدون جديد وعلى قدى خالص مالص .. بس بجد نفسى اشارك معاكم فى كل فكره من الافكار دى .. فرجاء ياريت مش تنسو اخوكم وحد يبلغنى لو فى اى حاجه جديده ...
تحيااااااااااااااااتى

Abo 7anf يقول...

السلام عليكم
خالد باشا
خطط رائعه
ويارب تتنفذ

الباحث عن الحقيقة يقول...

شوية اقتراحات عظمة
بجد انا اؤيد جميع هذه الاقتراحات
خاصة الافطار الجماعي بتاع رمضان ده
بجد خسارة اني مش بقدر اشارك معاكم لاني في اسيوط
بس اتمنى كل الاقتراحات دي تتحق ساعتها اكيد راح نتقابل
حتى ابن حجر عسقول بيكون مشسغول
اعمل ايه بس سفير مدونات الكاشفة ووزير خارجيتها الاخ عسقول كاسفني ومش بيشارك غير في البورصة
انا هعمله استدعاء واوجهله انذار رسمى
بضرورة تمثيلنا في كافة المحافل التدوينية

My Hope$ يقول...

افكار هايلة جدا
وعجبتني
كلها
لكن مقدرش عليها ياريت ينفع والله
شكراعلي تفكيرك بجد جامد
سلام

only spot يقول...

سلام عليكم الاقتراحات معقوله بس الى انا مايداها جدا وكانت فى دماغى اوى وكنت عايزه اقولها لنوران على اساس هى الى كانت مقترحه الفكره الههى يجعلها فى ميزان حسناتها ويبارك لها فكره اننا نروح لاطفال 57357ومش بس نتبرع بالدم الى هم احق بيه لا الى يقدر يتبرع باى شئ يا ريت وكمان مستشفى الاطفال بتاعة ابو الريش من المستشفيات الى بتحتاج دم كتير فيار يت بجد الفكره دى تتنفذ بشكل اكبر بين المدونين بجانب الاقتراحات التانيه الى بجد حلوه اوى
دمت بخير وجزاك الله كل خير وسلامى لهمس
تحياتى

hamssah يقول...

صديقي العزيز ابو همس
افكارك جميله واقتراحاتك اجمل
ربنا معاكم
وانا كمان معاكم قلبا وقالبا
بس حددوا ساعه الصفر وانا جاهزة
همسه

أم أحمد المصرية يقول...

اخي الفاضل
افكارك جميلة بس للاسف اشم فيها رائحة انها للقاهريين فقط و اظل انا في اسكندرية احقد عليكم كالعادة :))
ما عدا اقتراح المصيف عجبني جدا يلا بقي تعالوا اسكندرية و انا في انتظاركم

شهرزاد يقول...

همس الاحباب
سعيدة جدا بزيارتك لمدونتي
وأرجو ان لا تكون الاخيرة
والظاهر ان عالم التدوين
قد امتدت أفرعه خارج حدود الشاشة
لتصبح تجمعات واجتماعات خارجية
جميلة وصداقات جديدة

تحياتي لك

bos bos يقول...

أفكار جميلة جدا وياريت تتنفذ

تحياتى

غير معرف يقول...

عزيزي المدون/ المدوِّنة المحترم/ المحترمة

بدون كلام كتير ، وتجريح لا فائدة منه
إن كنت حريصاً على التدوين فعلا، تفضل و طالع ما بهذا الرابط لإحدى المدوَّنات
http://w-7eart.blogspot.com/2008/06/blog-post_15.html#comments
ثم طالع هذه الروابط لترى كيف يُعتمد على النصب والاحتيال والسرقة الأدبية لاستدرار عواطف المعلقين وتعليقاتهم..
http://forum.te3p.com/102785.html
http://www.b-thlj.com/vb/showthread.php?t=17639
http://www.arjwan.com/vb/t4466.html
http://www.brg8.com/vb/t26999.html
http://www.hamsro7.net/vb/showthread.php?p=27678

رئـــــيسـة حزب الأحلام يقول...

اقتراحات اكثر من رائع
ياريت تنزل ارض الواقع
لا جامدة جامدة جامدة
انا معاكوا

هيثم الدهشان يقول...

خالد انا عملت بوست دعوة ليوم الخميس ياريت لو تعمل انت كمان دعوة

أمل فتحى عزت يقول...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

•√أريـ السمر ـج√• يقول...

فكرة جميلة فعلاً.. بالتوفيق ان شاء الله

Tamer Nabil يقول...

صباح الخير ياخالد

عامل اية

مستنى الجديد عندك

انا نزلت النهاردة الخلقة الثالثة من ارض النور نورنى

تحياتى

عاليا حليم يقول...

هى كلها اقتراحات جميلة
اتمنى تساعدنى الظروف و اقدر اطون متواجدة بصفة مستمرة ان شاء الله

همس الاحباب يقول...

اخواتى واخوانى المدونين
سعيد جدا بزيارتكم واقتراحاتكم البناءة
ومتشكر جدا جدا على كلماتكم الرقيقة
وان شاء الله سوف ارد عليكم فى بوست خاص لمناقشة اقتراحاتكم وكيفية التنفيذ على ارض الواقع
دمتم جميعا بخير
وتقبلوا حبى وتحياتى
خالد

هيثم الدهشان يقول...

خلود انا مررتلك التاج ياريت تجاوب عليه
حلو كده انت اول واحد تقولى انه فى تاج وصلنى من شهرزاد اديك اتدبست يا حلو يلا مستنى اجابتك بقى

love River يقول...

والله اقترااحات جميلة رغم انها
هتكون عاملة بلبلة كتير
لان المدونين فى ازدياد
وكمان لاختلاف الافكار
والثقافات بس فى المجمل فكرة حلوة
بالتوفيق

مجرد خواطر يقول...

السلام عليكم
كلها افكار رائعة بس حد مثلى مش فى مصر يعمل ايه بأه وكمان انا لو فى مصر بصراحة هفكر فى حاجة عالم التدوين عالم فى منتهى الروعة وبعض من روعته سببها غموضه ساعات كتير الناس بتعرض مشاكلها بدون اى قيود والجميع اصدقاء واصحاب كل واحد راسم للتانى صورة فى خياله وفى الآخر احنا بشر كل واحد له عيوبه فمع الإختلاط العيوب دى هتبان لأننا بشر وبالتالى سيفقد العالم سحره بالتدريج لكن من رأيى اذا كان له من الأهمية شئ المقابلات الخفيفة افضل مش عرفة ايه رأى حضرتك؟!

إيما ( أم البنين) يقول...

أفكار فعلا جميله وياريت تنفيذها لزيادة الروابط والحب في الله الذي ينشؤه عالم التدوين بيننا
تحياتي
أم البنين

حبيبـــــــة القمـــــر يقول...

السلام عليكم
انا عندي فكرة معرفش ان كان حد قالها ولا لأ
لكنها بجد مهمه وشغلت بالي من اول يوم بدأت فيه العمل

بقترح نعمل مدونة تستعين بخبرات الشباب اصحاب المشروعات الصغيره
يقولوا كيفية عمل الشمروع وايه طرق النجاح والخطوا
لأن كتير بيكون معاهم فلوس لكن مش عارف يستثمرها ازاي وكتير بيتعبوا جدا في شغلهم من غير مايحققوا النجاح المطلوب لقة خبرتهم او لنسيانهم لبعض الامور الهامه

يعني تبقى المدونه وسيله لمساعدة الشباب في تحقيق النجاح في العمل او المشروع
اوحتى لطرح الافكار ومحاولة تحقيقها على ارض الواقع
واهي مجرد فكرة تبدأ بأن كل واحد يكتب تجربته والمشاكل اللي قابلته وهكذا
ياريت اسمع رأيك ؟؟؟؟
خالص التحيه ووافر الشكر

ابو درويش يقول...

دى اول زياره ليى
مدونه جميله ودمها زى الشربات
ارجو لك التوفيى
السلام عليكم
تحياتى
من ابودرويش

غير معرف يقول...

خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/Bgharib/main.html