8 مايو 2008

حرااااااامى

المكان : ميدان الجيزة نهاية الكوبرى نزلة مراد
الساعة : الواحدة والنصف ظهرا
التاريخ : 7-5-2008
الاحـــــــداث :-
زحمة يا دنيا زحمة زحمة ولا عادش لحمة ،الدنيا زحمة وهيصة جنب ميكروباص واقف وخناقات وهتافات والكل بيضرب فى كله عادى يمكن بيزاحموا علشان يركبوا الميكروباص و لاحاجة مع الاسف تخمين خاطىء .
الموضوع ببساطة مسكوا حرامى يا خبر ابيض حرامى مرة واحدة وفين فى ميدان الجيزة وفى عز الضهريا جبروتك يا شجاعتك يا اخى ، الكارثة انه طلع راجل كبير فى بداية العقد الرابع يعنى عنده حوالى 42 سنة .
ولابس جلابية صعيدى كمان وايه سرق سلسلة سيدة منقبة وطلع سلاح ابيض ( مطواة ) وحطها فى جنبها وقالها طلعى كل اللى معاكى ، طبعا الست ارتبكت من الخوف المهم وسط الزحمة الناس مسكته والكل قام بالواجب من ضرب على القفا وضرب بالشلوت والكل بصراحة ما قصر الكل طلع قهره وكبته من زيادة الاسعار فى الاخ الحرامى ومسكوه وراحوا على اقرب نقطة شرطة ومعاهم السيدة المسروقة .
طبعا انا اصلا متاخر عن الشغل ومش فاضى اجامل بصراحة لانى حاسس بمرارة وحزن واسى فوق الوصف .
حرامى ماشى وبيسرق ما علينا اما فى وضح النهار وفى ميدان عام ووسط الجماهير وشخص واضح انه مالوش فى موضوع السرقة من اساسه اهو ده شىء صعب ومستحيل لو ما شوفتش الموقف بعينى اللى اياكلهم الدود ما كنتش صدقت واعتبرتها نكتة بايخة ،لكن مع الاسف شفت الموقف بعينى ، يا ترى وصلنا لهذه المرحلة اننا نقوم بالسرقة بالاكراه فى وضح النهار ،الحرامى معروف انه جبان ويتسلل فى الظلام كالخفافيش ودائما ما يسرق فى غفلة والناس نيام اما البلطجى ممكن يثبت ضحيته فى الظلام وفى اماكن خالية من المارة والجمهور ويقلب كل اللى معه ويتركه ويهرب لهذا الحد وصلت بنا الامور ايتها الحكومة الذكية اصبح الشعب لصوص بفعل فاعل ومتى نهارا جهارا .
طبعا تركت الموقف وذهبت الى العمل واثناء الطريق وعلى الجانب الاخر من الطريق وامام مديرية امن الجيزة حدثت خناقة ومشادة بين اثنين من اصحاب السيارات الملاكى نزلوا من سياراتهم واوقفوا الطريق وطبعا تشابك بالايدى وقصائد من السب والردح والشتائم ..الخ ، طبعا بتوع المرور واقفين على بعد امتار ولا تحرك لهم ساكن والمارة منهم من وقف للفرجة والبعض تتدخل لفض الاشتباك ، عجبنى تعليق سيدة بجوارى انا عايزة استنى اشوف مدير الامن ايعمل ايه هو وبتوع المديرية الجميع ابتسم ايعمل ايه ولا حاجة طبعا .. لهذه الدرجة شاطت الاعصاب وارتفعت الحناجر بالسباب والشتائم لاتفه الاسباب .

دائما ما كنت اضع هذه الحكمة نصب اعينى ودائما اطبقها على نفسى
اول الغضب جنون واخره ندم تحولت الان اول الغضب جنون واخره جنون برده يا بشر .
يا ترى ده سببه زيادة الاسعار وحالة الضباب والجوع الذى نعيشه ام هناك اسباب اخرى ؟؟؟؟؟؟؟
انتهى يوم العمل الشاق وتوجهت الى الدكتور فى وسط البلد فى التاسعة مساء خرجت من الشغل قرفان وزهقان اتمشيت على كورنيش النيل لاستقل المترو من محطة الاوبرا الى وسط البلد .
المفاجاة ان تذكرة المترو لسه ما زادتش طب والله كويس لسه فى حاجة باقية على حالها فى بلدنا ،لكن من المؤسف ما وجدته فى المترو من اهمال وفوضى وتاخير وزحمة غير مبررة وانتشار الباعة الجائلين فى محطات المترو ،حتى عربات المترو اصبحت لا تسر عدو ولا حبيب يااااااااااه حتى انت يا مترو اصابك ما اصابنا من عجز وشيخوخة
لما كانت الشركة الفرنسية مسئولة عن تشغيل جهاز المترو كان الوضع مختلف الكل يسير كعقارب الساعة بدون غفوة
اما الان فحدث ولا حرج عن الفوضى والاهمال بل وصلت الى ان يقود احد الاشخاص المترو لعدة محطات ويكتشف امره بالصدفة البحتة قال ايه صديقه سائق المترو علمه القيادة وذهب السائق وتركه بمفرده لقضاء بعد المصالح الشخصية على ان يقابله بعد 10 محطات .
لهذا الحد ارواح البشر رخيصة والكوارث طبيعية واللامبالاة مستفحلة بيننا .
فعلا ناس تمسك التراب يبقى ذهب وناس تمسك الذهب يبقى تراب .
وعجبى عليكى يا مصر ..

هناك 24 تعليقًا:

فاتيما يقول...
أزال أحد مشرفي المدونة هذا التعليق.
Desert cat يقول...

طيب معلشى يا خالد هى ازاى منقبة وازاى سرق السلسلة بتاعتها اعتقد ان المنقبة بتكون متغطية من ساسها لراسها زى كيس الزبالة الاسود المربوط يعنى مش باين منه اى حاجه هى كانت لابسه سلسلة فول النقاب ولا ايه
مش معنى كدا انى بكدب الكلام بس هو ممكن يكون سرق شنطتها انما السلسلة صعبة اوى
بانسبة للاهمال بقى متفشى فى حياتنا كلها مش فى المترو بس

امل يقول...

السلام عليكم
اعذرني يا همس الاحباب
انا كنت جايه اعلق بس صدمني قوي تشبيه desert cat للست المنقبة بكيس الزبالة الاسود المربوط
اعتقد ان النقاب ده زي اسلامي
له احترامه
وشكرا ليك

عبده الرايق يقول...

حراااامى فى وسط ميدان الجيزه ؟؟؟؟؟
بس عرفتها
كمان بتتنكرى فى صوره راجل
وسبتى العجله فين يا هانم ؟؟؟؟؟
خالد
بلغ البوليس عرفت الحراميه
الف تحيه ليك والفين سلام يا اغلى خالد
ايه اخبار الواد بولو ؟

انين الحزن يقول...

خاااااااالد

فين التاج هنبدء ننصب بقه


مالك انت ومال الحرامي واقف تتفرج ليه ولا كان ناوي يقسم وبتاااااع

انت نسيت تقول انك وانت ماشي علي الكورنيش كلمتني ولا انا مش من ضمن الاحداث اللي حصلت في حياتك
مش حدث مهم انا ولا اييييييييييه
دنا خطيبه مازن ابنك اللي في علم الغييب

سلاموووووووووووووز

وزة

(احمد سكر ) يقول...

صراحه

انا كمان صدمنى تعليق القطه


ولا تعليق

مجداوية يقول...
أزال المؤلف هذا التعليق.
مجداوية يقول...

بص يا أخى الكريم أنا وجهت كلام عام حتى لا أدخل فى مهاترات لا فائدة منها لكن بجد أنا فاض بيالأن الواحد بيحزن لما يوصل بنا الحال ننهش فى بعض كمسلمين

أنا أعز صديقة لي منتقبه وكلام الأخت قطة الصحراء ووصفها للمنتقبة زى كيس الزبالة الأسود المربوط أصابتنى فى مقتل وكأنها وجهت لى شخصيافاسمح لى بالرد عليها ناصحة لها لعلها تستمع


يا سيدتى اتقى الله وصونى لسانك فلعل ما جرحتيها هذه تكون عند الله افضل منك وحرية رأيك مكفولة لك بشرط عدم ايذاء الآخرين أنت وقفت تدافعين عن أخت لك اتهمت بالمثلية وقلت ما شاء الله على الأخلاق الاسلامية الجميلة فكيف تجمعين بين الضدين فهذا التناقض يفند مصداقيتك فالمنتقبة حرة مثل السافرة فالكل حر فى هذا البلد اللعين الذى سمح للكل أن يجرح فى الكل

أنا برغم حزنى الشديد وغضبى الشديد مما ذكرتيه لكن أخاف عليك من الظلم فاتقى الله وصونى لسانك

وانصر أخاك ظالما أو مظلوما وأنا انصرك لعلى بكلمتى هذه امنعك من الظلم أو لا تستمعين لما أقول وأكون وفيت حقك على فى الحالتين

أتمنى أن تعيدى التفكير وتعتذرى لكل منتقبه شريفة لوصفك لها بهذا الوصف المهين

والصالح والطالح بين كل الفئات فلا تأخذى الكل بجرم البعض


لا يسخر قوم من قوم عسى أن يكونوا خير منهم ولا نساء من نساء عسى أن يكن خيرا منهن


ولا حول ولا قوة الا بالله

اللهم بلغت ,,اللهم فاشها

مجداوية يقول...

قال تعالى

يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون


صدق الله العظيم

مجداوية يقول...

الأخ الكريم
عفوا لأنى لم أعلق على موضوعك من فرط صدمتى وحزنى

ولكن كلامك كله صحيح ففعلا أصاب الناس الجنون ولو كان يطبق شرع الله ما تطاول أحد على أحد وما جرؤ هذا الحرامى أن يسرق لا فلا الليل ولا فى النهار

الله أعلم بخلقه وأعلم بما ينفعهم وما يردعهم ونحن خالفنا الناموس بترك الشرع وطبقنا القوانين الأرضية التى وضعها البشر ولهذا فلن ينصلح حالنا
الا بالعودة الى الله وشريعته وهذا ما يخشاه كل مدعين الحرية والعلمانية لأنهم سيمنعون من الافساد وهذا ما يحاربونه

تحياتى وتقديرى على موضوعك الرائع واعذرنى أخى الكريم

قوس قزح يقول...

السرقة عادتشى عادتشى عادتشى
اختك اتسرقت قبل كده مرتين فى عز الضهر
مرة انا شخصيا و مرة شقتى ( هبقى احكى عليهم )

فاكر فى رمضان من الصيام الناس بتكون عاملة ازاى ؟؟ اهو احنا بقينا فى الايام المفترجة دى بس على طوووووووول بقى .. صيام الدهر
ارواح الناس ؟ مين دول .. انت ناسى بياعين لحم الحمير و سيراميك اللبن و غيره و غيره .. ماهو قتل بردو بس على نار هادية اصل لحمنا جملى كككخخخخ

انا عينى اتعود على الحاجات اللى بتقولها دى خلاص :(

غير معرف يقول...

و ياما حنشوف ياخالد

ادي البدايه
يعني مفتكرين شعب مش لاقي ياكل حيعمل ايه؟حيزيد الادمان و السرقات و حوادث القتل و التحرش
ربنا يستر بقه في اللي جاي

كاميليا بهاء الدين يقول...

السرقة فى عز الضهر

من توابع قرارات العلاوة والغلاوة

طبعا ارتفاع الاسعار الجنونى يؤدى الى افعال غير معقولة فى اوقات غير متوقعة

ربنا يستر

تحياتى

Abo 7anf يقول...

يعم متضيقش نفسك
خلاص البلد بقت بتاكل فى بعضها
الناس بتطلع غلها فى نفسها

Desert cat يقول...

بعد اذن صاحب البلوج
كل واحدة عندها كلمة توفرها لنفسها
ويا حاجه مجداوية خليكى فى حالك ووجهى الكلام لنفسك
والمنقبة فعلا مش اقل من كيس زبالة متحرك الا ما رحم ربى
نصايحك وفريها لنفسك يا حاجه للمرة التانية ووفريها لاخواتك المنقبات اللى بيلبسوه والله اعلى واعلم بالغرض
برضه الا ما رحم ربى
ثم انتى جاية تناقضى نفسك وتقولى مش عايزة ادخل فى مهاترات وتوجهى لى كلام واتقى الله وكأن الملائكة نزلت ... طيب اتقى الله انتى ومتذكريش اسمى تانى باى حرف ولا فى اى مكان انتى فاهمه ؟؟
واعتقد انه ميخصكيش ادافع عن مين ما دافعش عن مين على الاقل اللى انا دافعت عنهم فعلا معروفين بالعقل والاحترام مش متخفيين على هيئة اكياس زبالة سودة .... يلا بقى وقتك خلص

Heart Beat يقول...

عزيزي

انا سمعت عن الباعة المتجولين في مترو الانفاق و بصراحة لسه ماحصليش الزحمة و الاهمال و شوفتهم

لكن ان شاء الله في الاجازة الجاية هاخد العائلة الكريمة و نزور مترو الانفاق لنشاهد معالم الاهمال اللي حصلت فيه و يمكن نتصور كمان مع احد الباعة المتجولين علشان نحط الصورة في البوم مجموعة حصرات اللي بنحط فيه مشاهد الحياة اليومية في الشارع المصري اللي اصابها الاهمال و الزحمة و التسيب و السرقة

و من السرقة نأتي الى المشهد اللي قابلك في ميدان الجيزة و سرقة السلسلة عن طريق ابو جلباب

نستفيد من السيد ابو جلباب ان الشكل النتعارف عليه للحرامي قد تغير الآن و بدا يتناسب مع الحالة الاجتماعية للشعب كله

زمان كان الحرامي ممكن يلبس قميص و بنطلون و نظرا للغلاء الفاحش دلوقتي فالحرامي بدا يلبس ملابس بسيطة جدا زي الجلباب في حادثة السرقة دي

اذنا حذاري بقى من اي حد يمر جنبك ما اصل الحكاية بقت تلخبط دلوقتي لان الحرامية بقوا كتير

من اول الكبار اصحاب البدل السوداء الى الصغار اصحاب الجلاليب

تحياتي

همس الاحباب يقول...

بسم الله ما شاء الله
ايه اللى بيحصل ده
انا كده اشيل البوست بجد وبلاها تعليقات عليه انا اولا باعتز بيكم وبتعليقاتكم وبحبكم جميعا فى الله
فارجوكم بلاش كده كل واحد ليه وجهة نظر وراى انا بحترمه وبقدره
واتمنى انكم تهتموا بالتعليق على البوست وبلاش نعلق على تعليق مهما يكن مضمونه واكرراحترامى وتقديرى لكل من علق او انسحب بدون تعليق.
وانا اسف جدا واتحمل مسئوليةالخطا بمفردى وخالص تقديرى واحترامى لكل من شرفنى بالزيارة .
تحياتى وتقديرى للجميع
خالد

مجداوية يقول...

السلام عليكم

من رأى منكم منكرا فليغيره فان لم يستطع فبلسته وان لم يستطع فبقلبة وهذا أضعف الايمان

انت عندك حق اخى خالد لكن أنا رأيت منكر ولا مكان لتغييره سوى هنا لأنى لا أدخل مدونة المذكورة سابقا وكان عليك أن تقول رأيك بكل حيادية لا أن تجمع الصالح مع الطالح وأعتذر منك لأنى علقت على كلام المذكورة ولن أرد على كلامها لا هنا ولا هناك وبالطبع ليس خوفا من هذا السيل المنهمر من درر الكلام ولكن لأنى تيقنت انه لا فائدة معها ولأننى قد وفيت حقها على كمسلمة..

وحسبى الله ونعم الوكيل

تقبل اعتذارى وأسفى الشديد لكل ما حدث ولردود الفعل الغير متوقعة بالمرة

رئـــــيسـة حزب الأحلام يقول...

هى دى البلد سرقة ونصب وفى عز الضهر دى بلد نصب فى نصب تحياتى لك

Desert cat يقول...

سورى يا خالد مكنتش ناوية ارد تانى بعد ردك
لكن هقول للحاجه اللى منصبة نفسها ملاك
حسبى الله ونعم الوكيل فيكى وفى من على شاكلتك

mohamed يقول...

ههههههههههههههههههههه لو ده حصل يبأه صباح النور

مجداوية يقول...

السلام عليكم

اخى الكريم

لك رد عندى فى مدونتى ردا على تعليقك على موضوع الحكومة ارجو أن تقرأه

Empress appy يقول...

طبعا يا خالد الحال وصل لابعد من كده بجد وبقت حاجه تحزن
والناس مش بتفرق
بس هو بتاع الامن يعنى هيعمل ايه ههههههه هما فاضين يا عمنا كبر المشكله بقى ان لسه البلاوى فى اللى جاى والشباب اللى مش هيعرف يتجوز ولا هيعرف يعمل حاجه
ربنا يستر وانت واقف تتفرج ماشى يا صعيدى

رحاله يقول...

بسم الله
والله دة مش شئ يذكر بالمرة
لان العيب فينا مش فى الحكومه بتاعتنا
احنا الى افترينا على بعض شوف الاخت بتقتل اختها والابن بيشتم ابوة والام بتتهان من بنتها ووووووووووالخ
هو جحد ادم كلنا جحدنا وراه
وعذرا عاوزة اقول للاستاذه المحترمه ان المنقبات ليسو اكياس زباله متجركه وان كنتى لا تنتمين اليهم فلا داعى للسب والقذف عليهم وحسبى الله ونعم الوكيل
تقبل تحياتى
وجزاكم الله خيرا